Hadith 11524–11563

EnglishUnverified translation

Sad ibn Abi Waqqas رضي الله عنه reports that he asked the Prophet ﷺ about the verse concerning those heedless in their prayer, who answered that they are those who postpone it beyond its proper time. Other routes of this report have preceded in the book of prayer. > **"They are those who delay it beyond its time."**

اردو ترجمہ · UrduUnverified translation

حضرت سعد بن ابی وقاص رضی اللہ عنہ بیان کرتے ہیں میں نے نبی اکرم ﷺ سے اللہ تعالیٰ کے اس فرمان کے بارے میں دریافت کیا ( ارشاد باری تعالیٰ ہے : ) ’’ وہ لوگ جو اپنی نمازوں سے غافل ہیں ‘‘۔ نبی اکرم ﷺ نے ارشاد فرمایا : اس سے مراد وہ لوگ ہیں جو نمازوں کو ان کے مخصوص اوقات میں ادا نہیں کرتے ہیں ۔ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی عکرمہ بن ابراہیم ہے اور وہ انتہائی ضعیف ہے ۔ اس سے پہلے نماز سے متعلق باب میں ‘ اس روایت کے مختلف طرق گزر چکے ہیں ۔

EnglishUnverified translation

Abu Ayyub رضي الله عنه reports that when Ibrahim, the son of the Messenger of Allah ﷺ, died, the polytheists went about to one another saying the renegade had been cut off that night, whereupon Allah the Exalted sent down the chapter of Abundance to its end. The report comes within a long narration distributed across its proper places.

اردو ترجمہ · UrduUnverified translation

حضرت ابوایوب انصاری رضی اللہ عنہ بیان کرتے ہیں : جب نبی اکرم ﷺ کے صاحبزادے حضرت ابراہیم رضی اللہ عنہ کا انتقال ہوا ‘ تو مشرکین ایک دوسرے کے پاس گئے اور بولے : اُس بے دین شخص کی نسل آن ختم ہو گئی ‘ تو اللہ تعالیٰ نے یہ آیت نازل کی : ’’ بے شک ہم نے تمہیں کوثر عطا کیا .......‘‘ یہ سورت کے آخر تک ہے ۔ یہ روایت امام طبرانی نے ‘ ایک طویل حدیث میں نقل کی ہے ‘ جسے میں نے مختلف مقامات پر الگ ‘ الگ نقل کیا ہے ‘ اس کی سند میں ایک راوی واصل بن سائب ہے اور وہ متروک ہے ۔

EnglishUnverified translation

Hudhayfah رضي الله عنه said concerning the verse of granting Abundance that it is a hollow river in Paradise with vessels of gold and silver, known to none but Allah.

اردو ترجمہ · UrduUnverified translation

حضرت حذیفہ رضی اللہ عنہ بیان کرتے ہیں : ( ارشاد باری تعالیٰ ہے : ) ’’ بے شک ہم نے تمہیں کوثر عطا کیا ‘‘۔ حضرت حذیفہ رضی اللہ عنہ بیان کرتے ہیں : یہ جنت میں موجود ایک نہر ہے ‘ جس کے برتن سونے اور چاندی کے ہیں ‘ اور ان ( کی تعداد ) کا علم ‘ صرف اللہ تعالیٰ کو ہے ۔ یہ روایت امام طبرانی نے معجم اوسط میں نقل کی ہے اور اس کی سند حسن ہے ۔

EnglishUnverified translation

Umm Salamah رضي الله عنها reports that the Prophet ﷺ recited the verse of granting Abundance. Other reports of the Basin shall come in the book of resurrection.

اردو ترجمہ · UrduUnverified translation

سیدہ ام سلمہ رضی اللہ عنہا بیان کرتی ہیں : نبی اکرم ﷺ نے یہ آیت تلاوت کی ( ارشاد باری تعالیٰ ہے : ) ’’ بے شک ہم نے تمہیں کوثر عطا کیا ‘‘۔ یہ روایت امام طبرانی نے معجم کبیر اور معجم اوسط میں نقل کی ہے ‘ اس کی سند میں ایک راوی عمرو بن مخزوم ہے اور وہ انتہائی ضعیف ہے ۔ حوض کوثر سے متعلق دیگر احادیث ‘ کتاب البعث میں آئیں گی ۔

EnglishUnverified translation

Ibn Abbas رضي الله عنهما reports that when the chapter of divine help and victory was revealed, the Messenger of Allah ﷺ said his soul had been announced to him that he would be taken that year. In the longer narration he called Fatimah رضي الله عنها and told her his soul had been announced to him, and she wept, and then the narrator mentioned the rest of the report. > **"My soul has been announced to me that I shall be taken in this year."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں جب یہ سورت نازل ہوئی : ’’ جب اللہ کی مدد اور فتح آ گئی ‘‘۔ تو نبی اکرم ﷺ نے ارشاد فرمایا : مجھے میری وفات قریب ہونے کی اطلاع دے دی گئی ہے کہ میں اسی سال فوت ہو جاؤں گا ۔ یہ روایت امام احمد نے نقل کی ہے اور امام طبرانی نے ایک طویل حدیث میں نقل کی ہے ‘ جس کے الفاظ یہ ہیں : جب یہ سورت نازل ہوئی ’’ جب اللہ کی مدد اور فتح آ گئی ‘‘۔ تو نبی اکرم ﷺ نے سیدہ فاطمہ رضی اللہ عنہا کو بلایا اور یہ ارشاد فرمایا : مجھے میری وفات کی اطلاع دے دی گئی ہے ‘ تو سیدہ فاطمہ رضی اللہ عنہا رونے لگیں .......‘ اس کے بعد راوی نے پوری حدیث ذکر کی ہے ۔ اس روایت کی سند میں ایک راوی ہلال بن خباب ہے ‘ یحیی کہتے ہیں : یہ ثقہ اور مامون ہے یہ تغیر کا شکار نہیں ہوا تھا ‘ ابن حبان نے اسے ثقہ قرار دیا ہے ‘ اس میں ضعف پایا جاتا ہے ‘ اس روایت کے بقیہ رجال صحیح کے رجال ہیں ۔ امام احمد کی سند میں ایک راوی عطاء بن سائب ہے ‘ جو اختلاط کا شکار ہو گیا تھا ۔

EnglishUnverified translation

Ibn Abbas رضي الله عنهما reports that when the chapter of the ruin of the hands of Abu Lahab was revealed, the wife of Abu Lahab came to the Prophet ﷺ while Abu Bakr was with him. Abu Bakr feared her foul tongue might harm him and suggested he rise, but the Prophet ﷺ answered she would not see him. She asked Abu Bakr where his companion who had lampooned them was, and Abu Bakr answered he spoke no poetry, which she accepted before departing. The Prophet ﷺ explained that an angel had kept covering him from her with his wings, and in the version of al-Bazzar that a barrier would come between him and her. > **"She shall never see me. An angel kept covering me from her with his two wings."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : جب یہ سورت نازل ہوئی : ’’ ابولہب کے دونوں ہاتھ ٹوٹ جائیں ‘‘۔ تو ابولہب کی بیوی ‘ نبی اکرم ﷺ کے پاس آئی ‘ نبی اکرم ﷺ کے پاس اس وقت حضرت ابوبکر رضی اللہ عنہ بھی موجود تھے ‘ جب حضرت ابوبکر رضی اللہ عنہ نے اُس عورت کو دیکھا ‘ تو انہوں نے عرض کی : یا رسول اللہ ! یہ بد تمیز عورت ہے مجھے یہ اندیشہ ہے کہ یہ آپ کو اذیت پہنچائے گی اگر آپ اُٹھ جائیں ‘ تو مناسب ہو گا ‘ نبی اکرم ﷺ نے فرمایا : یہ مجھے نہیں دیکھ پائے گی ‘ وہ عورت آئی اور بولی : اے ابوبکر ! تمہارے آقا کہاں ہیں ؟ انہوں نے میری ہجو بیان کی ہے ‘ حضرت ابوبکر رضی اللہ عنہ نے کہا : وہ تو شعر نہیں کہتے ہیں ‘ اس عورت نے کہا : تم میرے نزدیک سچے آدمی ہو ‘ پھر وہ عورت چلی گئی ، میں نے عرض کی : یا رسول اللہ ! یہ معاملہ کیسے ٹل گیا ؟ تو نبی اکرم ﷺ نے فرمایا : ایک فرشتے نے مسلسل اپنے پروں کے ذریعے مجھے اُس ( عورت ) سے چھپایا ہوا تھا ۔ یہ روایت امام ابویعلیٰ نے نقل کی ہے ‘ امام بزار نے اس کی مانند نقل کی ہے ‘ تاہم انہوں نے یہ الفاظ نقل کیے ہیں : نبی اکرم ﷺ نے ارشاد فرمایا : ’’ میرے اور اُس کے درمیان ایک رکاوٹ آ جائے گی ‘ پھر وہ عورت آئی اور حضرت ابوبکر رضی اللہ عنہ کے پاس ٹھہر گئی اور بولی : اے ابوبکر ! تمہارے آقا نے ہماری ہجو بیان کی ہے ‘ تو حضرت ابوبکر رضی اللہ عنہ نے کہا : جی نہیں ! اس عمارت کے پروردگار کی قسم ! وہ نہ تو شعر کہتے ہیں اور نہ ہی وہ شعر پڑھتے ہیں ‘‘۔ امام بزار کہتے ہیں : یہ سند کے اعتبار سے حسن ہے ۔ ( علامہ ہیثمی فرماتے ہیں : ) میں یہ کہتا ہوں : لیکن اس میں ایک راوی عطاء بن سائب ہے ‘ جو اختلاط کا شکار ہو گیا تھا ۔

EnglishUnverified translation

Buraydah رضي الله عنه reports in raised form that the Solid is the One without hollow. > **"The Solid is the One who has no hollow."**

اردو ترجمہ · UrduUnverified translation

حضرت بریدہ رضی اللہ عنہ مرفوع حدیث کے طور پر یہ بات نقل کرتے ہیں : ( نبی اکرم ﷺ نے ارشاد فرمایا : ) ’’ صمد ‘ سے مراد وہ ذات ہے ‘ جس کا پیٹ نہ ہو ‘‘۔ یہ روایت امام طبرانی نے نقل کی ہے ‘ اس کی سند میں ایک راوی صالح بن حبان ہے اور وہ ضعیف ہے ۔

EnglishUnverified translation

Dahhak ibn Muzahim reports that Nafi ibn al-Azraq asked Ibn Abbas رضي الله عنهما about the divine word the Solid, saying the One they knew but asking what the Solid meant. Ibn Abbas answered that He is the One resorted to in all matters, and when asked whether the Arabs knew this before the Book came down upon Muhammad ﷺ, he cited the verse of the Asadiyyah woman praising Amr ibn Masud as the master resorted to, and Nafi conceded his truth. The full report precedes in the chapter of how the Quran is explained.

اردو ترجمہ · UrduUnverified translation

ضحاک بن مزاحم بیان کرتے ہیں : نافع بن ازرق نے ‘ حضرت عبداللہ بن عباس رضی اللہ عنہما سے ‘ اللہ تعالیٰ کے اس فرمان کے بارے میں دریافت کیا ’’ الصمد ‘‘ اُس نے کہا : جہاں تک لفظ ’’ احد ‘‘ کا تعلق ہے ‘ تو اس کو تو ہم جانتے ہیں ‘ ’’ صمد ‘‘ سے کیا مراد ہے ؟ تو حضرت عبداللہ بن عباس رضی اللہ عنہما نے فرمایا : جس کی طرف تمام اُمور میں رجوع کیا جائے ‘ اُس نے دریافت کیا : حضرت محمد ﷺ پر کتاب نازل ہونے سے پہلے ‘ عرب اس مفہوم سے واقف تھے ؟ حضرت عبداللہ بن عباس رضی اللہ عنہما نے جواب دیا : جی ہاں ! کیا تم نے اسدیہ کا یہ شعر نہیں سنا ہے : ’’ خبردار ! موت کی اطلاع دینے والے کو بنو اسد کو ‘ عمرو بن مسعود کی اطلاع دے دینی چاہیے ‘ جو سردار تھا اور جس کی طرف رجوع کیا جاتا تھا ‘‘۔ تو نافع نے کہا : آپ نے سچ کہا ہے ۔ یہ روایت امام طبرانی نے ایک طویل حدیث میں نقل کی ہے ‘ جو اس سے پہلے ’’ قرآن کی تفسیر کیسے کی جائے گی ؟“ میں گزر چکی ہے اس کی سند میں ایک راوی جویبر ہے اور وہ متروک ہے ۔

EnglishUnverified translation

Abu Umamah رضي الله عنه reports that the Messenger of Allah ﷺ passed by a man reciting the chapter of devout sincerity and declared that Paradise had become binding for him. > **"This one has made it binding, Paradise has become binding for him."**

اردو ترجمہ · UrduUnverified translation

حضرت ابوامامہ رضی اللہ عنہ بیان کرتے ہیں : نبی اکرم ﷺ ایک شخص کے پاس سے گزرے جو سورت اخلاص کی تلاوت کر رہا تھا نبی اکرم ﷺ نے ارشاد فرمایا اس نے ( اپنے لئے جنت ) واجب کر لی ہے ( راوی کو شک ہے شاید یہ الفاظ ہیں ) اس کے لئے جنت واجب ہو گئی ہے ۔ یہ روایت امام احمد اور امام طبرانی نے نقل کی ہے اس کی سند میں ایک راوی علی بن یزید ہے اور وہ ضعیف ہے ۔

EnglishUnverified translation

An elder who met the Prophet ﷺ reports that he went out with the Prophet ﷺ on a journey and they passed a man reciting the chapter of the disbelievers, of whom he said this one had been cleared of association, and then another reciting the chapter of devout sincerity, of whom the Prophet ﷺ said Paradise had thereby become binding for him. > **"As for this one, he has been cleared of association. By this, Paradise has become binding for him."**

اردو ترجمہ · UrduUnverified translation

ایک بزرگ ‘ جنہوں نے نبی اکرم ﷺ کا زمانہ پایا ہے ‘ وہ بیان کرتے ہیں میں نبی اکرم ﷺ کے ساتھ ایک سفر پر نکلا نبی اکرم ﷺ کا گزر ایک شخص کے پاس سے ہوا جو سورت کافرون کی تلاوت کر رہا تھا آپ نے ارشاد فرمایا جہاں تک اس شخص کا تعلق ہے تو یہ شرک سے لاتعلق ہو گیا ہے ایک اور شخص سورت اخلاص کی تلاوت کر رہا تھا تو نبی اکرم ﷺ نے ارشاد فرمایا اس کی وجہ سے اس شخص کے لئے جنت واجب ہو گئی ۔

EnglishUnverified translation

In another narration of the same journey, the wording is that as for this reciter, he has been forgiven. > **"As for this one, he has surely been forgiven."**

اردو ترجمہ · UrduUnverified translation

ایک روایت میں یہ الفاظ ہیں : ’’ جہاں تک اس شخص کا تعلق ہے ‘ تو اس کی مغفرت ہو گئی ‘‘۔ یہ روایت امام احمد نے دو اسناد کے ساتھ نقل کی ہے جن میں سے ایک راوی شریک ہے اس کے بارے میں اختلاف پایا جاتا ہے اس روایت کے بقیہ رجال صحیح کے رجال ہیں ۔

EnglishUnverified translation

Muadh ibn Anas رضي الله عنه reports from the Messenger of Allah ﷺ that whoever recites the chapter of devout sincerity ten times shall have a house built for him in Paradise. When Umar ibn al-Khattab answered that they would then multiply such houses, the Messenger of Allah ﷺ answered that Allah is more abundant and more gracious. > **"Whoever recites Say, He is Allah, the One, ten times, Allah shall build for him a house in Paradise. Allah is more abundant and more gracious."**

اردو ترجمہ · UrduUnverified translation

حضرت معاذ بن انس رضی اللہ عنہ نبی اکرم ﷺ کا یہ فرمان نقل کرتے ہیں :’’ جو شخص دس مرتبہ سورت اخلاص پڑھ لے گا ‘ اللہ تعالیٰ اس کے لئے جنت میں گھر بنا دے گا ‘‘۔ حضرت عمر بن خطاب رضی اللہ عنہ نے عرض کی : یا رسول اللہ ! اس صورت میں تو ہم بکثرت ( گھر بنوا لیں گے ) نبی اکرم ﷺ نے ارشاد فرمایا : اللہ تعالیٰ ( کا فضل و کرم ) کہیں زیادہ اور پاکیزہ ہے ۔ یہ روایت امام طبرانی اور امام احمد نے نقل کی ہے ‘ وہ فرماتے ہیں : یہ حضرت سہل بن معاذ بن انس جہنی رضی اللہ عنہ ‘ جو نبی اکرم ﷺ کے صحابی ہیں ‘ اُن کے حوالے سے منقول ہے ‘ انہوں نے یہ نہیں کہا کہ یہ اُن کے والد کے حوالے سے منقول ہے ‘ بظاہر یہ لگتا ہے کہ یہ کلمات ساقط ہو گئے ‘ ان دونوں روایات کی سند میں ایک راوی رشدین بن سعد اور ایک راوی زبان ہے ‘ یہ دونوں ضعیف ہیں اور ان دونوں کی کمزور توثیق کی گئی ہے ۔

EnglishUnverified translation

Ibn al-Daylami, the nephew of the Negus who had served the Prophet ﷺ, reports that the Messenger of Allah ﷺ said whoever recites the chapter of devout sincerity a hundred times, in prayer or elsewhere, shall have immunity from the Fire written for him. > **"Whoever recites Say, He is Allah, the One, a hundred times in prayer or otherwise, Allah shall write for him immunity from the Fire."**

اردو ترجمہ · UrduUnverified translation

حضرت ابن دیلمی رضی اللہ عنہ ‘ جو نجاشی کے بھانجے ہیں ‘ وہ نبی اکرم ﷺ کی خدمت کرتے رہے ہیں ‘ وہ بیان کرتے ہیں : نبی اکرم ﷺ نے ارشاد فرمایا ہے : ’’ جو شخص نماز میں ‘ یا نماز کے علاوہ ‘ ایک سو مرتبہ سورت اخلاص کی تلاوت کر لے گا ‘ اللہ تعالیٰ اس کے لئے جہنم سے بری ہونا نوٹ کر لے گا ‘‘۔ یہ روایت امام طبرانی نے نقل کی ہے ‘ اس کی سند میں ایک راوی محمد بن قدامہ جوہری ہے اور وہ ضعیف ہے ۔

EnglishUnverified translation

Abu Hurayrah رضي الله عنه reports from the Prophet ﷺ that ten recitations build a palace in Paradise, twenty build two palaces, and thirty build three. > **"Whoever recites Say, He is Allah, the One, ten times, a palace shall be built for him in Paradise. Whoever recites it twenty times, two palaces shall be built for him, and whoever recites it thirty times, three shall be built for him."**

اردو ترجمہ · UrduUnverified translation

حضرت ابوہریرہ رضی اللہ عنہ نبی اکرم ﷺ کا یہ فرمان نقل کرتے ہیں : ’’ جو شخص دس مرتبہ سورت اخلاص پڑھے گا ‘ اس کے لئے جنت میں محل بنا دیا جائے گا اور جو شخص بیس مرتبہ اسے پڑھے گا ‘ اس کے لئے دو محل بنا دیے جائیں گے ‘ جو شخص تیس مرتبہ پڑھے گا ‘ اس کے لئے تین محل بنا دیے جائیں گے ‘‘۔ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی ہانی بن متوکل ہے اور وہ ضعیف ہے ۔

EnglishUnverified translation

Abdullah ibn al-Shikhkhir رضي الله عنه reports that the Messenger of Allah ﷺ said whoever recites the chapter of devout sincerity during the illness in which he dies shall suffer no trial in his grave, shall be spared the compression of the grave, and shall be carried by the angels upon their palms on the Day of Resurrection until they bring him across the Bridge into Paradise. > **"Whoever recites Say, He is Allah, the One, during the illness in which he dies shall not be tried in his grave, shall be spared the compression of the grave, and the angels shall carry him on the Day of Resurrection upon their palms until they bring him across the Bridge into Paradise."**

اردو ترجمہ · UrduUnverified translation

حضرت عبداللہ بن شخیر رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جو شخص ‘ اپنی اس بیماری کے دوران ‘ جس میں اس کا انتقال ہو جائے گا ‘ اس میں سورت اخلاص پڑھ لے گا ‘ وہ قبر کی آزمائش میں مبتلاء نہیں ہو گا اور قبر کے بھینچنے سے محفوظ رہے گا ‘ قیامت کے دن فرشتے اسے اپنی ہتھیلیوں پر اٹھا کر لائیں گے یہاں تک کہ اسے پل صراط پار کروا کر اسے جنت تک لے کر جائیں گے ‘‘۔ یہ روایت امام طبرانی نے معجم اوسط میں نقل کی ہے اور وہ کہتے ہیں : یہ نبی اکرم ﷺ سے صرف اسی سند کے ساتھ منقول ہے ‘ اس کی سند میں ایک راوی نصر بن حماد وزاق ہے اور وہ متروک ہے ۔

EnglishUnverified translation

Abu Hurayrah رضي الله عنه reports that the Messenger of Allah ﷺ said whoever recites the chapter of devout sincerity twelve times after the dawn prayer is as one who recited the Quran four times, and shall be the most excellent of the people of the earth that day, provided he guards himself. > **"Whoever recites Say, He is Allah, the One, twelve times after the dawn prayer, it is as if he recited the Quran four times, and he shall be the most excellent of the people of the earth that day, when he guards himself."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا :’’ جو شخص صبح کی نماز کے بعد سورت اخلاص بارہ مرتبہ پڑھ لے گا ‘ تو گویا اس نے قرآن چار مرتبہ پڑھا ‘ اور وہ اس دن اہل زمین کا سب سے زیادہ فضیلت رکھنے والا شخص ہو گا ‘ جبکہ وہ پرہیزگاری اختیار کرے ( یا وہ گناہوں سے بچتا رہے ) ‘‘۔ یہ روایت امام طبرانی نے معجم صغیر میں نقل کی ہے اس کی سند میں ایسے راوی ہیں ، جن سے میں واقف نہیں ہوں ۔

EnglishUnverified translation

Sad ibn Abi Waqqas رضي الله عنه reports that the Messenger of Allah ﷺ said reciting the chapter of devout sincerity is as reciting a third of the Quran, and reciting the chapter of the disbelievers is as reciting a quarter of the Quran. > **"Whoever recites Say, He is Allah, the One, it is as if he recited a third of the Quran, and whoever recites Say, O disbelievers, it is as if he recited a quarter of the Quran."**

اردو ترجمہ · UrduUnverified translation

حضرت سعد بن ابی وقاص رضی اللہ عنہ بیان کرتے ہیں : نبی اکرم ﷺ نے ارشاد فرمایا :’’ جو شخص سورت اخلاص پڑھ لے گا ‘ تو گویا اُس نے ایک تہائی قرآن پڑھ لیا اور جو شخص سورت کافرون پڑھ لے گا ‘ تو گویا اس نے ایک چوتھائی قرآن پڑھ لیا ‘‘۔ یہ روایت امام طبرانی نے معجم صغیر میں نقل کی ہے اور اس کی سند میں ایسے راوی ہیں ‘ جن سے میں واقف نہیں ہوں ۔

EnglishUnverified translation

Jabir ibn Abdullah رضي الله عنهما reports that the Messenger of Allah ﷺ said whoever recites the chapter of devout sincerity fifty times each day shall be called on the Day of Resurrection from his grave to rise and enter Paradise. > **"Whoever recites Say, He is Allah, the One, fifty times each day shall be called on the Day of Resurrection from his grave: Rise, O praiser of Allah, and enter Paradise."**

اردو ترجمہ · UrduUnverified translation

حضرت جابر بن عبداللہ رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ جو شخص روزانہ پچاس مرتبہ سورت اخلاص پڑھے گا ‘ تو قیامت کے دن اس کی قبر پر یہ اعلان کیا جائے گا : اے اللہ کی تعریف کرنے والے ! اُٹھ جاؤ اور جنت میں داخل ہو جاؤ ‘‘۔ یہ روایت امام طبرانی نے معجم صغیر اور معجم اوسط میں اپنے استاد یعقوب بن اسحاق بن زبیر حلبی کے حوالے سے نقل کی ہے اور میں اس سے واقف نہیں ہوں ‘ اس روایت کے بقیہ رجال ثقہ ہیں ۔

EnglishUnverified translation

Jabir رضي الله عنه reports that the people asked for the lineage of their Lord, whereupon the chapter of devout sincerity was revealed to its end. In the version of Abu Yala a desert Arab came to the Prophet ﷺ asking him to genealogize Allah.

اردو ترجمہ · UrduUnverified translation

حضرت جابر رضی اللہ عنہ بیان کرتے ہیں : لوگوں نے عرض کی : یا رسول اللہ ! آپ اپنے پروردگار کا نسب ہمارے سامنے بیان کریں ! تو یہ سورت نازل ہوئی : ’’ تم فرما دو ! کہ وہ اللہ ایک ہے .......‘ یہ سورت کے آخر تک ہے ۔ یہ روایت امام طبرانی نے معجم اوسط میں نقل کی ہے اور یہ روایت امام ابویعلیٰ نے بھی نقل کی ہے ‘ تاہم انہوں نے یہ الفاظ نقل کیے ہیں : ایک دیہاتی ‘ نبی اکرم ﷺ کی خدمت میں حاضر ہوا اور بولا : اللہ کا نسب بیان کریں ۔ اس روایت کی سند میں ایک راوی مجالد بن سعید ہے ‘ ابن عدی کہتے ہیں : اس نے شعبی کے حوالے سے حضرت جابر رضی اللہ عنہ سے روایات نقل کی ہیں ‘ اس روایت کے بقیہ رجال صحیح کے رجال ہیں ۔

EnglishUnverified translation

Abu Hurayrah رضي الله عنه reports that the Prophet ﷺ said every thing has a lineage, and the lineage of Allah is the chapter of devout sincerity. > **"Every thing has a lineage, and the lineage of Allah is Say, He is Allah, the One."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ ہر چیز کی ایک نسبت ہے اور اللہ کی نسبت ‘ سورت اخلاص ہے ‘‘۔ یہ روایت امام طبرانی نے معجم اوسط میں نقل کی ہے اور اس کی سند میں ایک راوی واضح بن نافع ہے اور وہ متروک ہے ۔

EnglishUnverified translation

Hamzah ibn Yusuf ibn Abdullah ibn Salam reports that Abdullah ibn Salam رضي الله عنه told the rabbis he had taken a covenant at the mosque of their father Ibrahim and Ismail, then set out to the Messenger of Allah ﷺ at Makkah, finding him at Mina with the people around him after their return from the pilgrimage. The Prophet ﷺ recognized him and bade him draw near, then adjured him whether he found him in the Torah as the Messenger of Allah. He answered by asking him to describe their Lord, whereupon Jibril came and stood before the Messenger of Allah ﷺ with the full chapter of devout sincerity, which the Messenger recited before them, and Abdullah ibn Salam testified that none is worthy of worship but Allah and that he is the Messenger of Allah. The complete report belongs in the merits of Abdullah ibn Salam. > **"I bear witness that there is no deity worthy of worship except Allah and that you are the Messenger of Allah."**

اردو ترجمہ · UrduUnverified translation

حمزہ بن یوسف بن عبدالله بن سلام بیان کرتے ہیں : حضرت عبداللہ بن سلام رضی اللہ عنہ نے یہودیوں کے علماء سے فرمایا : میں نے اپنے جد امجد حضرت ابراہیم علیہ السلام اور حضرت اسماعیل علیہ السلام کی مسجد میں ایک عہد لیا ہے ‘ پھر وہ نبی اکرم ﷺ کی طرف روانہ ہوئے ، نبی اکرم ﷺ اس وقت مکہ میں موجود تھے ‘ یہ اس وقت وہاں پہنچے ‘ جب لوگ حج کر کے واپس آ رہے تھے ‘ انہوں نے نبی اکرم ﷺ کو منی میں پایا ‘ لوگ آپ کے اردگرد تھے ‘ یہ لوگوں کے ساتھ کھڑے ہو گئے ‘ جب نبی اکرم ﷺ نے ان کی طرف دیکھا تو فرمایا : کیا تم عبداللہ بن سلام ہو ؟ راوی کہتے ہیں : میں نے عرض کی : جی ہاں ! نبی اکرم ﷺ نے فرمایا : تم قریب ہو جاؤ ! میں قریب ہو گیا ‘ نبی اکرم ﷺ نے فرمایا : میں تمہیں اللہ کا واسطہ دے کر دریافت کرتا ہوں ‘ اے عبداللہ بن سلام ! کیا تم نے تورات میں مجھے اللہ کا رسول نہیں پایا ہے ؟ میں نے آپ کی خدمت میں عرض کی : آپ ہمارے پروردگار کی صفات ہمارے سامنے بیان کیجئے ! راوی کہتے ہیں تو حضرت جبرائیل علیہ السلام آئے ‘ اور نبی اکرم ﷺ کے سامنے ٹھہر گئے اور یہ آیات پڑھیں :’’ تم یہ فرما دو ! کہ اللہ ایک ہے ‘ اللہ بے نیاز ہے ‘ اس نے کسی کو جنم نہیں دیا ہے اور نہ ہی اُس کو جنم دیا گیا ہے اور نہ ہی اُس کا کوئی ہمسر ہے ‘‘۔ نبی اکرم ﷺ نے ہمارے سامنے یہ سورت تلاوت کی ‘ تو حضرت عبداللہ بن سلام رضی اللہ عنہ نے عرض کی : میں اس بات کی گواہی دیتا ہوں کہ اللہ تعالیٰ کے علاوہ اور کوئی معبود نہیں ہے ‘ اور بے شک آپ ‘ اللہ کے رسول ہیں ۔ ( علامہ ہیثمی فرماتے ہیں : ) میں یہ کہتا ہوں : اس کے بعد راوی نے پوری حدیث ذکر کی ہے ‘ جو آگے چل کر حضرت عبداللہ بن سلام رضی اللہ عنہ کے مناقب سے متعلق باب میں مکمل روایت آئے گی ۔ یہ روایت امام طبرانی نے نقل کی ہے اور اس کے رجال ثقہ ہیں ‘ البتہ حمزہ نامی نے اپنے دادا حضرت عبداللہ بن سلام رضی اللہ عنہ کا زمانہ نہیں پایا ہے ۔

EnglishUnverified translation

Salamah ibn Wardan reports that Anas ibn Malik, the companion of the Messenger of Allah ﷺ, told him the Messenger of Allah ﷺ asked one of his companions whether he had married. The man answered he had nothing with which to marry, whereupon the Prophet ﷺ asked him in turn about the chapters of devout sincerity, the disbelievers, the quaking, divine help, and the verse of the Throne, assigning each its weight of the Quran, and then bade him marry thrice. > **"Have you not with you Say, He is Allah, the One? It is a quarter of the Quran. Have you not with you Say, O disbelievers? It is a quarter of the Quran. Have you not with you When the earth is shaken? It is a quarter of the Quran. Have you not with you When the help of Allah comes? It is a quarter of the Quran. Have you not with you the verse of the Throne? It is a quarter of the Quran. Marry, marry, marry."**

اردو ترجمہ · UrduUnverified translation

سلمہ بن وردان بیان کرتے ہیں : حضرت انس بن مالک رضی اللہ عنہ ‘ جو نبی اکرم ﷺ کے صحابی ہیں ‘ انہوں نے سلمہ کو یہ حدیث بیان کی کہ نبی اکرم ﷺ نے اپنے اصحاب میں سے ایک شخص سے سوال کیا اور فرمایا : اے فلاں ! کیا تم نے شادی کر لی ہے ؟ اس نے عرض کی : جی نہیں ! میرے پاس اتنا کچھ ہے ہی نہیں کہ جس کی مدد سے میں شادی کر سکوں ، تو نبی اکرم ﷺ نے دریافت کیا : کیا تمہیں سورت اخلاص نہیں آتی ہے ؟ اس نے عرض کی : جی ہاں ! نبی اکرم ﷺ نے فرمایا : یہ ایک چوتھائی قرآن ہے ‘ پھر آپ نے دریافت کیا : تمہیں سورت کافرون نہیں آتی ہے ؟ اس نے عرض کی : جی ہاں ! نبی اکرم ﷺ نے فرمایا : یہ ایک چوتھائی قرآن ہے ‘ پھر آپ نے دریافت کیا : کیا تمہیں سورت زلزال نہیں آتی ہے ؟ اس نے عرض کی : جی ہاں ! نبی اکرم ﷺ نے فرمایا : یہ ایک تہائی قرآن ہے ‘ پھر آپ نے دریافت کیا : کیا تمہیں سورت نصر نہیں آتی ہے ؟ اس نے عرض کی : جی ہاں ! نبی اکرم ﷺ نے فرمایا : یہ ایک چوتھائی قرآن ہے ‘ پھر نبی اکرم ﷺ نے دریافت کیا : کیا تمہیں آیت الکرسی نہیں آتی ہے ؟ اس نے عرض کی : جی ہاں ! نبی اکرم ﷺ نے فرمایا : یہ ایک چوتھائی قرآن ہے ، تم شادی کر لو ‘ تم شادی کر لو ‘ تم شادی کر لو ( یعنی یہ بات نبی اکرم ﷺ نے تین مرتبہ ارشاد فرمائی ) ۔ ( علامہ ہیثمی فرماتے ہیں : ) میں یہ کہتا ہوں : یہ روایت امام ترمذی نے صرف آیت الکرسی کے اختصار کے ساتھ نقل کی ہے اور یہ بات نقل کی ہے کہ سورت اخلاص ‘ ایک چوتھائی قرآن ہے ۔ یہ روایت امام احمد نے نقل کی ہے اور سلمہ نامی راوی ضعیف ہے ۔

EnglishUnverified translation

Abdullah ibn Amr رضي الله عنهما reports that Abu Ayyub al-Ansari was in a gathering asking whether they could not stand a third of the Quran each night. When they asked whether they could bear that, he answered that the chapter of devout sincerity is a third of the Quran. The Prophet ﷺ then arrived hearing Abu Ayyub and confirmed his truthfulness. > **"Abu Ayyub has spoken the truth."**

اردو ترجمہ · UrduUnverified translation

حضرت عبداللہ بن عمرو رضی اللہ عنہ بیان کرتے ہیں : حضرت ابوایوب انصاری رضی اللہ عنہ ایک محفل میں موجود تھے اور وہ یہ فرما رہے تھے : کیا ہم اس بات کی استطاعت نہیں رکھتے ؟ کہ روزانہ رات کے وقت ‘ ایک تہائی قرآن پڑھ لیا کریں ‘ لوگوں نے عرض کی : کیا ہم اس بات کی استطاعت رکھتے ہیں ؟ تو انہوں نے فرمایا : سورت اخلاص ایک تہائی قرآن ہے ‘ راوی بیان کرتے ہیں : اسی دوران نبی اکرم ﷺ تشریف لے آئے ‘ آپ ﷺ ‘ حضرت ابوایوب انصاری رضی اللہ عنہ کی بات سن رہے تھے ‘ نبی اکرم ﷺ نے ارشاد فرمایا : ابوایوب نے ٹھیک کہا ہے ۔ یہ روایت امام احمد نے نقل کی ہے ‘ اس کی سند میں ایک راوی ابن لہیعہ ہے اور اس میں ضعف پایا جاتا ہے ۔

EnglishUnverified translation

Ubayy ibn Kaab رضي الله عنه, or a man of the Ansar, reports that the Messenger of Allah ﷺ said whoever recites the chapter of devout sincerity has recited as a third of the Quran. > **"Whoever recites Say, He is Allah, the One, it is as if he recited a third of the Quran."**

اردو ترجمہ · UrduUnverified translation

حضرت ابی بن کعب رضی اللہ عنہ ‘ یا شاید انصار سے تعلق رکھنے والے ایک صاحب کے حوالے سے یہ بات منقول ہے : نبی اکرم ﷺ نے ارشاد فرمایا : ’’ جو شخص سورت اخلاص پڑھ لیتا ہے ‘ تو وہ گویا ایک تہائی قرآن پڑھ لیتا ہے ‘‘۔ یہ روایت امام احمد نے نقل کی ہے اور اس کے رجال صحیح کے رجال ہیں ۔

EnglishUnverified translation

Umm Kulthum bint Uqbah رضي الله عنها reports that the Messenger of Allah ﷺ said the chapter of devout sincerity equals a third of the Quran. > **"Say, He is Allah, the One, equals a third of the Quran."**

اردو ترجمہ · UrduUnverified translation

سیدہ ام کلثوم بنت عقبہ رضی اللہ عنہا بیان کرتی ہیں : نبی اکرم ﷺ نے ارشاد فرمایا : ’’ سورت اخلاص ‘ ایک تہائی قرآن کے برابر ہے ‘‘۔ یہ روایت امام احمد نے اور امام طبرانی نے معجم اوسط میں نقل کی ہے امام احمد کے رجال صحیح کے رجال ہیں ۔

EnglishUnverified translation

Anas رضي الله عنه reports that the Messenger of Allah ﷺ asked whether one of them could not recite the Quran in the night with the chapter of devout sincerity, for it equals the whole Quran, and then the narrator mentioned the rest of the report. > **"Can one of you not recite the Quran in the night with Say, He is Allah, the One, for it equals the whole Quran?"**

اردو ترجمہ · UrduUnverified translation

حضرت انس رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ کیا تم میں سے کوئی ایک شخص یہ استطاعت نہیں رکھتا کہ وہ رات کے وقت قرآن کی تلاوت کے طور پر سورت اخلاص پڑھ لیا کرے ‘ کیونکہ یہ پورے قرآن کے برابر ہے ‘‘۔ اس کے بعد راوی نے پوری حدیث ذکر کی ہے ۔ یہ روایت امام ابویعلیٰ نے نقل کی ہے ‘ اس کی سند میں ایک راوی عبیس بن میمون ہے اور وہ متروک ہے ۔

EnglishUnverified translation

Anas رضي الله عنه reports that he heard the Messenger of Allah ﷺ ask whether one of them could not recite the chapter of devout sincerity three times in a night, for it equals a third of the Quran. The complete report shall come in the chapter of evil workers and helpers of tyrants in the book of the caliphate. > **"Can one of you not recite Say, He is Allah, the One, three times in a night, for it equals a third of the Quran?"**

اردو ترجمہ · UrduUnverified translation

حضرت انس رضی اللہ عنہ بیان کرتے ہیں : میں نے نبی اکرم ﷺ کو یہ ارشاد فرماتے ہوئے سنا ہے : ’’ کیا تم میں سے کوئی شخص یہ استطاعت نہیں رکھتا کہ وہ روزانہ رات کے وقت تین مرتبہ سورت اخلاص پڑھ لیا کرے ‘ کیونکہ یہ ایک تہائی قرآن کے برابر ہے ‘‘۔ یہ روایت امام ابویعلیٰ نے نقل کی ہے ‘ اس کی سند میں ایک راوی عبیس ہے اور وہ متروک ہے ۔ یہ مکمل روایت آگے چل کر ‘ برے کام کرنے والے لوگوں اور ظالموں کے مددگاروں سے متعلق باب میں ” کتاب الخلافہ ‘‘ میں آئے گی ۔

EnglishUnverified translation

Sad ibn Abi Waqqas رضي الله عنه reports that he heard the Prophet ﷺ say whoever recites the chapter of devout sincerity has recited as a third of the Quran. > **"Whoever recites Say, He is Allah, the One, it is as if he recited a third of the Quran."**

اردو ترجمہ · UrduUnverified translation

حضرت سعد بن ابی وقاص رضی اللہ عنہ بیان کرتے ہیں : میں نے نبی اکرم ﷺ کو یہ ارشاد فرماتے ہوئے سنا ہے : ’’ جو شخص سورت اخلاص پڑھ لے ‘ تو گویا اُس نے ایک تہائی قرآن پڑھ لیا ‘‘۔ یہ روایت امام بزار نے نقل کی ہے ‘ اس کی سند میں ایک راوی زکریا بن عطیہ ہے اور وہ ضعیف ہے ۔

EnglishUnverified translation

Abdullah ibn Masud رضي الله عنه reports that the Messenger of Allah ﷺ asked whether one of them could not recite a third of the Quran in a night. When they asked who could bear that, he asked whether they could not recite the chapter of devout sincerity, for it equals a third of the Quran. > **"Can one of you not recite a third of the Quran in a night? Can he not recite Say, He is Allah, the One, for it equals a third of the Quran?"**

اردو ترجمہ · UrduUnverified translation

حضرت عبداللہ بن مسعود رضی اللہ عنہ روایت کرتے ہیں : نبی اکرم ﷺ نے ارشاد فرمایا : ” کیا تم میں سے کوئی ایک شخص یہ استطاعت نہیں رکھتا کہ وہ روزانہ رات کے وقت ایک تہائی قرآن پڑھ لیا کرے ؟ لوگوں نے عرض کی : یا رسول اللہ ! کون اس کی طاقت رکھتا ہے ؟ نبی اکرم ﷺ نے فرمایا : کیا وہ یہ استطاعت نہیں رکھتا کہ وہ سورت اخلاص پڑھ لیا کرے ‘ کیونکہ یہ ایک تہائی قرآن کے برابر ہے ‘‘۔ یہ روایت امام بزار نے ‘ امام طبرانی نے معجم کبیر اور معجم اوسط میں اختصار کے ساتھ نقل کی ہے ‘ ان دونوں کی مختلف اسانید ہیں ‘ جن میں سے ایک کے رجال صحیح کے رجال ہیں ، صرف عبداللہ بن احمد کا معاملہ مختلف ہے اور وہ ثقہ اور امام ہے ۔

EnglishUnverified translation

Muadh ibn Jabal رضي الله عنه reports that the Messenger of Allah ﷺ said the chapter of devout sincerity equals a third of the Quran. > **"Say, He is Allah, the One, equals a third of the Quran."**

اردو ترجمہ · UrduUnverified translation

حضرت معاذ بن جبل رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ سورت اخلاص ‘ ایک تہائی قرآن کے برابر ہے ‘‘۔ یہ روایت امام طبرانی نے نقل کی ہے اور اس کے رجال ثقہ ہیں اس کے بعض راویوں کے بارے میں اختلاف پایا جاتا ہے ۔

EnglishUnverified translation

On the authority of Jabir, may Allah be pleased with him, who reported concerning the merit of Surah al-Ikhlas that the Messenger of Allah ﷺ spoke about its equivalence to a portion of the Quran. > **"Say: He is Allah, the One, equals a third of the Quran."**

اردو ترجمہ · UrduUnverified translation

حضرت جابر رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ سورت اخلاص ‘ ایک تہائی قرآن کے برابر ہے ‘‘۔ یہ روایت امام بزار نے ‘ اپنے استاد مفرج بن شجاع کے حوالے سے نقل کی ہے اور وہ ضعیف ہے ۔

EnglishUnverified translation

On the authority of Ibn Umar, may Allah be pleased with them both, who reported that the Messenger of Allah ﷺ described the reward of two surahs and mentioned his practice in the two rakahs of Fajr, adding a remark about the lasting merit of those rakahs. > **"Say: He is Allah, the One, equals a third of the Quran, and Say: O disbelievers, equals a fourth of the Quran. These two rakahs contain the devotion of a lifetime."**

اردو ترجمہ · UrduUnverified translation

حضرت عبداللہ بن عمر رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ سورت اخلاص ‘ ایک تہائی قرآن کے برابر ہے ‘ سورت کافرون ایک چوتھائی قرآن کے برابر ہے ‘‘۔ راوی بیان کرتے ہیں : نبی اکرم ﷺ فجر کی دو رکعات ( سنتوں ) میں ‘ ان دونوں کی تلاوت کرتے تھے اور یہ فرماتے تھے : ’’ یہ دو رکعات وہ ہیں کہ ان میں ہمیشہ رغبت پائی جاتی ہے ‘‘۔ ( علامہ ہیثمی فرماتے ہیں : ) میں یہ کہتا ہوں : امام ترمذی نے اس میں سے ‘ صرف فجر کی دو رکعات ( سنتوں ) میں ان دونوں ( سورتوں ) کی تلاوت والا حصہ نقل کیا ہے ۔ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی عبیداللہ بن زحر ہے ‘ جسے ایک جماعت نے ثقہ قرار دیا ہے اور اس میں ضعف پایا جاتا ہے ۔

EnglishUnverified translation

From Abu al-Ala, that is Yazid ibn Abdillah ibn al-Shikhkhir, who conveyed a report from a man who was traveling with the Messenger of Allah ﷺ when mounts were few and people took turns riding. When the turn of the Messenger of Allah ﷺ and the turn of that man coincided, the Messenger of Allah ﷺ came up behind him, struck his shoulder, directed him to recite Surat al-Falaq and then Surat al-Nas, reciting each along with him, and then gave him guidance about prayer. > **"Say: I seek refuge with the Lord of the daybreak. Say: I seek refuge with the Lord of mankind. When you pray, recite them both."**

اردو ترجمہ · UrduUnverified translation

ابوالعلاء یزید بن عبدالله بن شخیر بیان کرتے ہیں : ایک صاحب نے یہ بات بیان کی ہے : ہم ایک سفر کے دوران نبی اکرم ﷺ کے ساتھ تھے ‘ لوگ باری ‘ باری سواریوں پر سوار ہوتے تھے ‘ سواریاں کم تھیں ‘ نبی اکرم ﷺ کے اُترنے اور میرے اترنے کا موقع آیا ‘ تو نبی اکرم ﷺ میرے پاس تشریف لائے ‘ آپ نے میرے کندھے پر ہاتھ مارا ‘ اور فرمایا : تم ’’ «اعوذ برب الفلق» ‘‘ پڑھو ‘ تو میں «اعوذ برب الفلق» پڑھا ‘ نبی اکرم ﷺ نے یہ پوری سورت تلاوت کی ‘ میں نے بھی آپ کی پیروی میں اس کو پڑھا ، پھر نبی اکرم ﷺ نے فرمایا : تم ’ ’’ «اعوذ برب الناس» ‘‘ پڑھو ‘ نبی اکرم ﷺ نے یہ سورت تلاوت کی ‘ میں نے بھی آپ کے ساتھ اس کو پڑھا ‘ نبی اکرم ﷺ نے ارشاد فرمایا : جب تم نماز ادا کرو ‘ تو تم ان دونوں ( سورتوں ) کی تلاوت کرنا ۔ یہ روایت امام احمد نے نقل کی ہے اور اس کے رجال صحیح کے رجال ہیں ۔

EnglishUnverified translation

On the authority of Uqbah ibn Amir, may Allah be pleased with him, who met the Messenger of Allah ﷺ and was addressed about certain surahs whose like was never sent down in the Tawrah, the Zabur, the Injil, or the Furqan, and about the nightly practice of the Messenger of Allah ﷺ with them. > **"O Uqbah ibn Amir, shall I not teach you surahs the like of which was not sent down in the Tawrah, nor in the Zabur, nor in the Injil, nor in the Furqan? No night comes but that I recite in it: Say: He is Allah, the One, and Say: I seek refuge with the Lord of the daybreak, and Say: I seek refuge with the Lord of mankind."**

اردو ترجمہ · UrduUnverified translation

حضرت عقبہ بن عامر رضی اللہ عنہ بیان کرتے ہیں : میری نبی اکرم ﷺ سے ملاقات ہوئی ‘ تو آپ نے ارشاد فرمایا :’’ اے عقبہ بن عامر ! کیا میں تمہیں ایسی سورتوں کی تعلیم نہ دوں کہ تورات میں ‘ نہ زبور میں ‘ نہ انجیل میں ‘ اور نہ ہی قرآن میں ‘ اُن جیسی سورتیں نازل ہوئی ہیں ؟ جو بھی رات آتی ہیں ‘ میں اُس میں اِن کی تلاوت کرتا ہوں ( وہ سورتیں یہ ہیں : ) سورت اخلاص ‘ سورت فلق اور سورت ناس ‘‘۔ ( علامہ ہیثمی فرماتے ہیں : ) میں یہ کہتا ہوں : حضرت عقبہ رضی اللہ عنہ سے منقول حدیث ’’ صحیح ‘‘ اور دیگر کتابوں میں اس کی بہ نسبت اختصار کے ساتھ منقول ہے ۔ یہ روایت امام احمد نے نقل کی ہے اور اس کے رجال ثقہ ہیں ۔

EnglishUnverified translation

On the authority of Abu Masud, may Allah be pleased with him, who reported from the Prophet ﷺ concerning verses newly sent down upon him and their unmatched status, identifying them as the two refuges. > **"Verses have been sent down upon me the like of which has never been sent down upon me: the two refuges."**

اردو ترجمہ · UrduUnverified translation

حضرت ابومسعود رضی اللہ عنہ نبی اکرم ﷺ کا یہ فرمان نقل کرتے ہیں : ’’ مجھ پر ایسی آیات نازل ہوئی ہیں کہ مجھ پر ان جیسی ( آیات ) نازل نہیں ہوئی ہیں ‘ وہ معوذتین ہیں ‘‘۔ یہ روایت امام طبرانی نے معجم اوسط میں نقل کی ہے اور اس کے رجال ثقہ ہیں ۔

EnglishUnverified translation

On the authority of Abdillah al-Aslami, may Allah be pleased with him, who described an Umrah journey with the Messenger of Allah ﷺ when mist near Batn Waqim caused them to lose the road until they came upon a mountain pass. The Messenger of Allah ﷺ turned aside to a sand dune, halted his mount, stood in prayer until dawn with whoever Allah willed, then took hold of his she-camel's head and walked with Abdillah al-Aslami alone beside him, placed his hand on his chest, and instructed him in seeking refuge. > **"Say. Say: He is Allah, the One. Say: I seek refuge with the Lord of the daybreak, from the evil of what He created. Say. Say: I seek refuge with the Lord of mankind. Seek refuge in this manner, for servants have never sought refuge with anything like them."**

اردو ترجمہ · UrduUnverified translation

حضرت عبداللہ اسلمی رضی اللہ عنہ بیان کرتے ہیں : ہم عمرہ کے موقع پر ‘ نبی اکرم ﷺ کے ساتھ تھے ‘ جب ہم بطن واقم پہنچے تو دھند نے ہمیں اپنی لپیٹ میں لے لیا اور ہم راستے سے ہٹ گئے ‘ ہمیں اس کا پتہ نہیں چلا ‘ یہاں تک کہ ہم ایک گھاٹی پر آ گئے جب نبی اکرم ﷺ نے اسے ملاحظہ کیا تو آپ ہٹ کر ٹیلے کی طرف آئے ‘ وہاں آپ نے سواری کو بٹھایا ‘ پھر آپ کھڑے ہوئے اور جتنی دیر اللہ کو منظور تھا ‘ آپ کھڑے رہے آپ مسلسل نماز ادا کرتے رہے ‘ یہاں تک کہ صبح صادق ہو گئی ، پھر نبی اکرم ﷺ نے اپنی اونٹنی کا سر پکڑا اور چل پڑے ‘ حضرت عبداللہ اسلمی رضی اللہ عنہ آپ کے پہلو میں موجود تھے ‘ اس وقت ان کے علاوہ کوئی اور نبی اکرم ﷺ کے ساتھ نہیں تھا ‘ نبی اکرم ﷺ نے اپنا دست مبارک ان کے سینے پر رکھا اور فرمایا : تم پڑھو ! میں نے عرض کی : میں کیا پڑھوں ؟ آپ نے فرمایا : «قل هو الله احد» «قل اعوذ برب الفلق من شر ما خلق» ‘‘ ۔ یہاں تک کہ میں نے یہ پوری پڑھ لی ‘ پھر نبی اکرم ﷺ نے فرمایا تم پڑھو ! میں نے عرض کی : میں کیا پڑھوں ؟ آپ نے فرمایا : ” «قل اعوذ برب الناس» ‘‘ پڑھو یہاں تک کہ میں نے یہ پوری پڑھ لی ‘ تو نبی اکرم ﷺ نے ارشاد فرمایا : تم اسی طرح پناہ مانگو ! بندوں نے ان جیسے کلمات کے ذریعے پناہ نہیں مانگی ہو گی ۔ یہ روایت امام بزار نے نقل کی ہے اور اس کے رجال صحیح کے رجال ہیں ۔

EnglishUnverified translation

On the authority of Anas ibn Malik, may Allah be pleased with him, who reported that the Messenger of Allah ﷺ described how Satan attaches himself to the heart of the son of Adam, withdraws upon remembrance and seizes the heart upon forgetfulness, identifying that reality. > **"Satan places his snout upon the heart of the son of Adam. If he remembers Allah, he withdraws, and if he forgets, he devours his heart. That is the whisperer who withdraws."**

اردو ترجمہ · UrduUnverified translation

حضرت انس بن مالک رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ شیطان ‘ انسان کے دل پر اپنی لگام ڈال دیتا ہے اگر آدمی اللہ تعالیٰ کا ذکر کرے تو وہ پیچھے ہٹ جاتا ہے اور اگر آدمی ( اللہ کا ذکر کرنا ) بھول جائے تو شیطان اس کے دل کو نگل لیتا ہے اور یہی وسوسے ڈالنے والا اور پیچھے ہٹنے والا ہے ‘‘۔ یہ روایت امام ابویعلیٰ نے نقل کی ہے ‘ اس کی سند میں ایک راوی عدی بن عمارہ ہے اور وہ ضعیف ہے ۔

EnglishUnverified translation

From Zirr, who said to Ubayy, may Allah be pleased with him, that his brother removes the two refuges from the mushaf. When asked whether Sufyan meant Ibn Masud, he did not deny it. Ubayy replied that he had asked the Messenger of Allah ﷺ about them and described the answer he received, affirming continued adherence to that practice. > **"It was said to me, so I said it. So we say as the Messenger of Allah ﷺ said."**

اردو ترجمہ · UrduUnverified translation

زر بیان کرتے ہیں : میں نے حضرت ابی رضی اللہ عنہ سے کہا : آپ کے بھائی قرآن مجید میں سے ‘ ان دو سورتوں کو مٹا دیتے ہیں ، یہاں سفیان نامی راوی سے دریافت کیا گیا : کیا اُن کی مراد حضرت عبداللہ بن مسعود رضی اللہ عنہ تھے ؟ تو سفیان نے اس بات کا انکار نہیں کیا ‘ حضرت ابی رضی اللہ عنہ نے زر کو جواب دیا : میں نے نبی اکرم ﷺ سے سوال کیا ‘ تو آپ ﷺ نے ارشاد فرمایا : مجھ سے یہ کہا گیا کہ ( میں ان کو پڑھوں ) تو میں نے ان کو پڑھا ( حضرت ابی رضی اللہ عنہ نے فرمایا ) تو ہم بھی اُسی طرح پڑھتے ہیں ، جس طرح نبی اکرم ﷺ نے پڑھا ہے ۔ ( علامہ ہیثمی فرماتے ہیں : ) میں یہ کہتا ہوں : یہ روایت ’’ صحیح ‘‘ میں مذکور ہے ‘ تا ہم اس میں یہ ذکر نہیں ہے : اُن دونوں کو مصحف میں سے مٹایا جاتا ہے ۔ یہ روایت امام احمد اور امام طبرانی نے نقل کی ہے ‘ امام احمد کے رجال صحیح کے رجال ہیں ۔

EnglishUnverified translation

From Abd al-Rahman ibn Yazid al-Nakhai, who reported that Abdillah would erase the two refuges from his copies of the mushaf and state his view that they were not part of the Book of Allah, the Blessed and Exalted.

اردو ترجمہ · UrduUnverified translation

عبدالرحمن بن یزید نخعی بیان کرتے ہیں : حضرت عبداللہ بن مسعود رضی اللہ عنہ اپنے قرآن مجید میں سے ’’ معوذتین ‘‘ مٹا دیتے تھے اور یہ فرماتے تھے : یہ دونوں ‘ اللہ کی کتاب کا حصہ نہیں ہیں ۔ یہ روایت عبداللہ بن احمد اور طبرانی نے نقل کی ہے ‘ عبداللہ کے رجال صحیح کے رجال ہیں اور طبرانی کے رجال ثقہ ہیں ۔

EnglishUnverified translation

On the authority of Abdillah, may Allah be pleased with him, who would erase the two refuges from the mushaf and explain his position by saying that the Prophet ﷺ had commanded seeking refuge through them, while Abdillah himself would not recite them.

اردو ترجمہ · UrduUnverified translation

حضرت عبداللہ رضی اللہ عنہ کے بارے میں یہ بات منقول ہے : وہ مصحف میں سے معوذتین مٹا دیتے تھے اور یہ فرماتے تھے : نبی اکرم ﷺ نے ان دونوں کے ذریعے پناہ مانگنے کا حکم دیا ہے ‘ راوی کہتے ہیں : حضرت عبداللہ رضی اللہ عنہ ان دونوں سورتوں کی تلاوت نہیں کرتے تھے ۔ یہ روایت امام بزار نے اور امام طبرانی نے نقل کی ہے ‘ ان دونوں کے رجال ثقہ ہیں ‘ امام بزار کہتے ہیں : صحابہ کرام میں سے کسی ایک نے بھی اس بارے میں حضرت عبداللہ بن مسعود رضی اللہ عنہ کی متابعت نہیں کی ہے اور نبی اکرم ﷺ سے یہ بات مستند طور پر منقول ہے کہ آپ ﷺ نماز میں یہ دونوں سورتیں پڑھا کرتے تھے اور ان دونوں سورتوں کو مصحف میں برقرار رکھا گیا ہے ۔