Hadith 11444–11483

EnglishUnverified translation

Aisha رضي الله عنها reported: When there was revealed, "Leave Me with the deniers, possessors of ease, and respite them a little," only a short time passed before the Battle of Badr occurred.

اردو ترجمہ · UrduUnverified translation

سیدہ عائشہ صدیقہ رضی اللہ عنہا بیان کرتی ہیں جب یہ آیت نازل ہوئی : ’’ تم مجھے اور جھٹلانے والوں کو چھوڑ دو ! جو نعمت والے ہیں اور انہیں تھوڑی سی مہلت دے دو ‘‘۔ سیدہ عائشہ رضی اللہ عنہا بیان کرتی ہیں : پھر تھوڑا ہی عرصہ گزرنے کے بعد غزوہ بدر پیش آ گیا ۔ یہ روایت امام ابویعلیٰ نے نقل کی ہے ‘ اس کی سند میں ایک راوی جعفر بن مہران ہے اور ایک راوی عبداللہ بن محمد بن عقیل ہے ان دونوں میں ضعیف ہونا پایا جاتا ہے ویسے ان دونوں کی توثیق کی گئی ہے ۔

EnglishUnverified translation

Aisha رضي الله عنها reported: When revelation descended upon the Prophet ﷺ, he experienced what Allah describes: "We shall cast upon you a heavy word."

اردو ترجمہ · UrduUnverified translation

سیدہ عائشہ صدیقہ رضی اللہ عنہا بیان کرتی ہیں : نبی اکرم ﷺ پر جب وحی نازل ہوتی تھی ، تو آپ وہی صورت حال پاتے تھے جس کا ذکر ‘ اللہ تعالیٰ نے اس ارشاد میں کیا ہے : ’’ بے شک ہم تمہاری طرف بھاری فرمان القاء کرتے ہیں ‘‘۔ یہ روایت امام ابویعلیٰ نے نقل کی ہے اور اس کی سند عمدہ ہے ۔

EnglishUnverified translation

Ibn Abbas رضي الله عنهما reported: The Messenger of Allah ﷺ recited, "A Day that makes children grey," and said: > **"That is the Day of Resurrection. It is the day Allah will say to Adam, 'Rise and send forth from your offspring a delegation to the Fire.' He will say, 'From how many, my Lord?' He will say, 'From every thousand, nine hundred and ninety-nine, and one is saved.'"** It weighed heavily upon the Muslims, and the Messenger of Allah ﷺ perceived it in them. When he saw it in their faces, he said: > **"The children of Adam are many. Gog and Magog are from the children of Adam, and no man of them dies until a thousand men of his own loins inherit from him. Among them and their likes is a shield for you."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں نبی اکرم ﷺ نے یہ آیت تلاوت کی : ’’ وہ دن ‘ جو بچوں کو بوڑھا بنا دے گا ( اور ) آسمان ......‘‘۔ نبی اکرم ﷺ نے ارشاد فرمایا : یہ قیامت کا دن ہے ‘ جس دن میں اللہ تعالٰی حضرت آدم علیہ السلام سے یہ فرمائے گا : تم اُٹھو اور اپنی اولاد میں سے مخصوص لوگوں کو جہنم کی طرف بھیج دو ‘ وہ عرض کریں گے : اے میرے پروردگار ! کتنے میں سے ( کتنے لوگوں کو ) تو پروردگار فرمائے گا : ہر ایک ہزار میں سے نو سو ننانوے افراد کو جہنم میں بھیج دو اور ایک آدمی نجات پائے گا ‘ یہ بات مسلمانوں پر گراں گزری ، نبی اکرم ﷺ نے ان کی یہ چیز محسوس کر لی ‘ جب نبی اکرم ﷺ نے ان کے چہروں پر یہ چیز ملاحظہ فرمائی ‘ تو یہ ارشاد فرمایا : ’’ اولاد آدم بہت زیادہ ہو گی اور یاجوج ماجوج بھی اولاد آدم میں سے ہوں گے اور ان میں سے کوئی شخص اس وقت تک نہیں مرے گا ‘ جب تک اس کی سگی اولاد میں سے ایک ہزار لوگ اس کے وارث نہیں بنیں گے ‘ تو ان لوگوں اور ان جیسے لوگوں میں تمہارے لئے ڈھال ہے ( یعنی وہ جہنم میں جائیں گے ) ‘‘ ۔ یہ روایت امام طبرانی نے نقل کی ہے اس کی سند میں ایک راوی عثمان بن عطاء خراسانی ہے اور وہ ضعیف ہے ۔

EnglishUnverified translation

Ibn Abbas رضي الله عنهما reported from the Prophet ﷺ concerning, "So recite what is easy of it": > **"One hundred verses."**

اردو ترجمہ · UrduUnverified translation

حضرت عبداللہ بن عباس رضی اللہ عنہما نبی اکرم ﷺ کے حوالے سے یہ بات نقل کرتے ہیں ( ارشاد باری تعالیٰ ہے : ) ’’ اس ( قرآن ) میں سے جو ( آسانی سے پڑھا جا سکتا ہو ) وہ پڑھ لو ‘‘ نبی اکرم ﷺ نے ارشاد فرمایا : اس سے مراد ایک سو آیات ہیں ۔ یہ روایت امام طبرانی نے نقل کی ہے اس کی سند میں ایک راوی عبدالرحمن بن طاؤس ہے اور میں اس سے واقف نہیں ہوں اس روایت کے بقیہ رجال کی توثیق کی گئی ہے ۔

EnglishUnverified translation

Ibn Abbas رضي الله عنهما reported: Al-Walid ibn al-Mughira prepared food for Quraysh. When they ate he said, "What do you say about this man?" Some said magician, some said he is no magician, some said soothsayer, some said he is no soothsayer, some said poet, some said he is no poet, some said transmitted magic. Their word united upon it being transmitted magic. When it reached the Prophet ﷺ he grieved, covered his head, and wrapped himself. Then Allah revealed, "O you enshrouded, arise and warn, magnify your Lord, purify your garments, abandon the idols, do not confer favor seeking more, and be patient for your Lord."

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں ولید بن مغیرہ نے قریش کے لئے کھانا تیار کیا جب انہوں نے کھانا کھا لیا تو ولید نے کہا تم لوگ ان صاحب کے بارے میں کیا کہتے ہو ؟ کسی نے کہا وہ جادوگر ہیں کسی نے کہا وہ جادوگر نہیں ہیں کسی نے کہا وہ کاہن ہیں کسی نے کہا وہ کاہن نہیں ہیں کسی نے کہا وہ شاعر ہیں کسی نے کہا وہ شاعر نہیں ہیں کسی نے کہا : یہ جادو ہے جو نقل ہو رہا ہے پھر ان سب نے اس بات پر اتفاق کیا کہ یہ جادو ہے جو نقل ہو رہا ہے ‘ جب نبی اکرم ﷺ کو اس بات کی اطلاع ملی ‘ تو آپ غمگین ہو گئے ‘ آپ نے اپنا سر ڈھانپ لیا اور چادر اوڑھ لی ‘ تو اللہ تعالیٰ نے یہ آیت نازل کی :’’ اے چادر اوڑھنے والے ! تم اُٹھو اور تم ( لوگوں کو ) ڈراؤ اور اپنے پروردگار کی کبریائی بیان کرو اور اپنے کپڑوں کو پاک رکھو اور بتوں سے الگ رہو اور ( اس مقصد کے تحت ) احسان نہ کرو ‘ کہ تم کثرت کے طلبگار ہو اور اپنے پروردگار کے لئے صبر کرو ‘‘۔ یہ روایت امام طبرانی نے نقل کی ہے اس کی سند میں ایک راوی ابراہیم بن یزید خوزی ہے اور وہ متروک ہے ۔

EnglishUnverified translation

Al-Qasim ibn Abi Bazza reported concerning His saying, "Nor confer favor seeking more": Do not give anything seeking more than it in return.

اردو ترجمہ · UrduUnverified translation

قاسم بن ابوبزہ ‘ اللہ تعالیٰ کے اس فرمان کے بارے میں بیان کرتے ہیں : ( ارشاد باری تعالیٰ ہے : ) ’’ اور ( اس مقصد کے تحت ) احسان نہ کرو کہ تم کثرت کے طلبگار ہو ‘‘۔ قاسم کہتے ہیں : اس سے مراد یہ ہے کہ ( ایسا نہ کرو ) کہ تم کوئی چیز دو ‘ تو پھر ( بدلے میں ) اس سے زیادہ کے طلبگار ہو ۔ یہ روایت عبداللہ بن احمد نے نقل کی ہے ۔

EnglishUnverified translation

Ibn Abbas رضي الله عنهما reported: Do not give a man a gift hoping he gives you more than it.

اردو ترجمہ · UrduUnverified translation

یہ روایت امام طبرانی نے حضرت عبداللہ بن عباس رضی اللہ عنہما کے حوالے سے نقل کی ہے ‘ وہ فرماتے ہیں : ’’ تم کسی شخص کو کوئی چیز ‘ یہ امید رکھ کے نہ دو کہ وہ تمہیں اس سے زیادہ دے گا ‘‘۔ مسند کے رجال صحیح کے رجال ہیں اور امام طبرانی کی سند میں ایک راوی عطیہ عوفی ہے اور وہ ضعیف ہے ۔

EnglishUnverified translation

Yahya ibn Zakariyya reported: I said to al-Amash, "From whom did you read, 'And abandon the idols'?" He said, "I read to Yahya ibn Waththab, Yahya read to Alqama, Alqama read to Abdullah, and Abdullah read to the Messenger of Allah ﷺ."

اردو ترجمہ · UrduUnverified translation

یحیی بن زکریا بیان کرتے ہیں : میں نے اعمش سے کہا : آپ نے یہ آیت کس سے سیکھی ہے : ’’ اور بتوں سے لاتعلق رہو ‘‘ تو انہوں نے بتایا : میں نے یہ آیت یحیی بن وثاب سے سیکھی ہے ‘ یحیی نے یہ علقمہ سے سیکھی ہے ‘ علقمہ نے یہ حضرت عبداللہ سے سیکھی ہے اور حضرت عبداللہ رضی اللہ عنہ نے نبی اکرم ﷺ سے سیکھی ہے ۔ یہ روایت امام طبرانی نے معجم صغیر اور معجم کبیر میں نقل کی ہے ‘ اس کی سند میں ایک راوی یحیی بن زکریا ابوحواجب ہے اور وہ ضعیف ہے ۔

EnglishUnverified translation

Abu Said رضي الله عنه reported from the Prophet ﷺ concerning His saying, "I shall burden him with saud": > **"It is a mountain of fire in the Fire. He is charged to climb it. When he places his hand upon it, it melts; when he lifts it, it returns. When he places his foot upon it, it melts; when he lifts it, it returns."**

اردو ترجمہ · UrduUnverified translation

حضرت ابوسعید خدری رضی اللہ عنہ ‘ نبی اکرم ﷺ کے حوالے سے ‘ اللہ تعالیٰ کے اس فرمان کے بارے میں نقل کرتے ہیں : ( ارشاد باری تعالیٰ ہے : ) ’’ عنقریب میں اسے سخت مشقت کی تکلیف دوں گا ‘‘۔ نبی اکرم ﷺ نے فرمایا : یہ جہنم میں موجود آگ کا ایک پہاڑ ہے ‘ بندے کو اس بات کا پابند کیا جائے گا کہ وہ اُس پر چڑھے ‘ جب وہ اس پر اپنا ہاتھ رکھے گا ‘ تو اس کا ہاتھ پگھل جائے گا ‘ جب وہ اپنے ہاتھ کو اٹھائے گا ‘ تو وہ دوبارہ پہلے کی طرح ہو جائے گا ‘ جب آدمی اپنا پاؤں اس پہاڑ پر رکھے گا تو وہ پگھل جائے گا ‘ جب آدمی اُس کو اٹھائے گا ‘ تو وہ دوبارہ پہلے کی طرح ہو جائے گا ‘‘ ( علامہ ہیثمی فرماتے ہیں : ) میں یہ کہتا ہوں : یہ روایت امام ترمذی نے اس سیاق کے بغیر نقل کی ہے ۔ یہ روایت امام طبرانی نے معجم اوسط میں نقل کی ہے اس کی سند میں ایک راوی عطیہ ہے اور وہ ضعیف ہے ۔

EnglishUnverified translation

Ibn Abbas رضي الله عنهما reported concerning His saying, "When the Trumpet is blown": The Messenger of Allah ﷺ said: > **"How can I enjoy life when the bearer of the Trumpet has seized the Trumpet and bowed his forehead, listening for when he will be commanded?"** His Companions said, "What should we say?" He said: > **"Say: Allah suffices us, and He is the bestGuardian."**

اردو ترجمہ · UrduUnverified translation

حضرت عبداللہ بن عباس رضی اللہ عنہما ‘ اللہ تعالیٰ کے اس فرمان کے بارے میں بیان کرتے ہیں ( ارشاد باری تعالیٰ ہے : ) ’’ اور جب صور میں پھونک ماری جائے گی ‘‘ حضرت عبداللہ بن عباس رضی اللہ عنہما بیان کرتے ہیں : نبی اکرم ﷺ نے ارشاد فرمایا : ’’ میں کیسے مطمئن ہو سکتا ہوں ؟ جبکہ صور سے متعلق فرشتے نے ‘ اپنا منہ اس کے ساتھ لگایا ہوا ہے ‘ اور اپنی پیشانی کو جھکایا ہوا ہے اور وہ اس بات کا منتظر ہے کہ اسے کب حکم ہوتا ہے ‘‘۔ آپ کے اصحاب نے عرض کی : ہمیں کیا پڑھنا چاہیے ؟ نبی اکرم ﷺ نے فرمایا : تم یہ پڑھو : «حَسْبُنَا اللهُ وَنِعْمَ الْوَكِيلُ» ( ہمارے لئے اللہ تعالیٰ کافی ہے اور وہ بہترین کارساز ہے ) ۔

EnglishUnverified translation

In another narration: The Messenger of Allah ﷺ then recited, "When the Trumpet is blown."

اردو ترجمہ · UrduUnverified translation

ایک روایت میں یہ الفاظ ہیں : پھر نبی اکرم ﷺ نے یہ آیت تلاوت کی : ’’ جب صور میں پھونک ماری جائے گی ‘‘۔ یہ روایت امام طبرانی نے نقل کی ہے اس کی سند میں ایک راوی عطیہ ہے اور وہ ضعیف ہے ۔

EnglishUnverified translation

Abu Hurayra رضي الله عنه reported concerning Allah's saying, "Fleeing from a qaswara": It is the lion.

اردو ترجمہ · UrduUnverified translation

حضرت ابوہریرہ رضی اللہ عنہ ‘ اللہ تعالیٰ کے اس فرمان کے بارے میں بیان کرتے ہیں : ’’ جو قسورۃ ‘ سے بھاگے ہوں ‘‘ وہ فرماتے ہیں : ( اس لفظ ’’ قسورہ ‘‘ ) سے مراد شیر ہے ۔ یہ روایت امام بزار نے نقل کی ہے اور اس کے رجال ثقہ ہیں ۔

EnglishUnverified translation

Said ibn Jubayr reported: I asked Ibn Abbas about Allah's saying, "Nearer to you and nearer," whether the Messenger of Allah ﷺ said it or Allah revealed it. He said, "The Messenger of Allah ﷺ said it, and Allah revealed it."

اردو ترجمہ · UrduUnverified translation

سعید بن جبیر بیان کرتے ہیں : میں نے حضرت عبداللہ بن عباس رضی اللہ عنہما سے ‘ اللہ تعالیٰ کے اس فرمان کے بارے میں دریافت کیا : ( ارشاد باری تعالیٰ ہے : ) ’’ تمہاری خرابی قریب آ گئی اور ایک اور خرابی آ گئی ‘‘ کیا یہ بات نبی اکرم ﷺ نے ارشاد فرمائی ہے ؟ یا یہ اللہ تعالیٰ نے نازل کی ہے ؟ تو حضرت عبداللہ بن عباس رضی اللہ عنہما نے فرمایا : یہ بات نبی اکرم ﷺ نے بھی بیان کی ہے اور اللہ تعالیٰ نے بھی نازل کی ہے ۔ یہ روایت امام طبرانی نے نقل کی ہے اور اس کے رجال ثقہ ہیں ۔

EnglishUnverified translation

Abu Hurayra رضي الله عنه reported: The Messenger of Allah ﷺ said: > **"Whoever recites 'By those sent forth in succession' until reaching 'In what speech after it will they believe,' let him say: We believe in Allah. Whoever recites 'By the fig and the olive,' let him say: Yes, and I am among the witnesses to that. Whoever recites 'Is He not Able to give life to the dead,' let him say: Yes."** Ismail said, "I went to see whether he had memorized, as he was a Bedouin, and he said, 'O son of my brother, did you think I did not memorize it? I performed sixty pilgrimages, and there is none in which I do not know the camel upon which I performed it.'"

اردو ترجمہ · UrduUnverified translation

حضرت ابوہریرہ رضی اللہ عنہ بیان کرتے ہیں : نبی اکرم ﷺ نے یہ ارشاد فرمایا :’’ جو شخص سورت مرسلات کی تلات کرے اور اس مقام پر پہنچے :’’ تو وہ لوگ اس کے بعد کون سے کلام پر ایمان رکھیں گے ؟“ تو اس شخص کو یہ کہنا چاہیے : کہ ہم اللہ تعالیٰ پر ایمان رکھتے ہیں ‘ اور جو شخص سورت تین کی تلاوت کرے ‘ تو اُسے یہ کہنا چاہیے : جی ہاں ! میں بھی اس بات کے گواہوں میں سے ایک ہوں ۔ اور جو شخص یہ آیت تلاوت کرے : ’’ کیا وہ اس بات پر قدرت نہیں رکھتا کہ وہ مردوں کو زندہ کر دے ‘‘۔ تو اُس شخص کو یہ کہنا چاہیے : کہ جی ہاں ! ( یعنی وہ اس بات پر قدرت رکھتا ہے ) ۔ اسماعیل نامی راوی کہتے ہیں : میں نے اس بات کا جائزہ لیا کہ کیا میرے استاد کو یہ روایت یاد ہے ؟ کیونکہ وہ ایک دیہاتی شخص تھا ‘ تو اس استاد نے کہا : اے میرے بھتیجے ! کیا تم یہ گمان کرتے ہو کہ مجھے یہ روایت یاد نہیں ہو گی ؟ میں نے ساٹھ حج کیے ہیں اور جس سال میں نے جس اونٹ پر حج کیا تھا ‘ اُس اونٹ کو بھی میں الگ سے پہچانتا ہوں ۔ ( علامہ ہیثمی فرماتے ہیں : ) میں یہ کہتا ہوں : سورت تین کے بارے میں جو کلمات ہیں ‘ وہ امام ابوداؤد اور دیگر حضرات نے نقل کیے ہیں ۔ یہ روایت امام احمد نے نقل کی ہے اس کی سند میں دو راوی ایسے ہیں ، جن سے میں واقف نہیں ہوں ۔

EnglishUnverified translation

Ibn Masud رضي الله عنه reported concerning His saying, "Its seal is musk": It is not a seal with which it is sealed, but its mixture is musk. Have you not seen a woman among your women say, "Mix it with such-and-such perfume"?

اردو ترجمہ · UrduUnverified translation

حضرت عبداللہ بن مسعود رضی اللہ عنہ اللہ تعالیٰ کے اس فرمان کے بارے میں بیان کرتے ہیں ( ارشاد باری تعالیٰ ہے : ) ’’ اس کی مہر کستوری کی ہو گی ‘‘۔ حضرت عبداللہ بن مسعود رضی اللہ عنہ فرماتے ہیں : اس سے یہ مراد نہیں ہے کہ وہ مہر کستوری کے ذریعے لگائی جائے گی بلکہ اس کا مطلب یہ ہے کہ اس میں کستوری ملی ہوئی ہو گی ، کیا تم نے خواتین میں سے کسی خاتون کو نہیں دیکھا کہ وہ یہ کہتی ہے : تم اس خوشبو میں یہ یہ چیز ملا دو ۔ یہ روایت امام طبرانی نے عبداللہ بن محمد بن سعید بن ابومریم کے حوالے سے نقل کی ہے اور وہ ضعیف ہے ۔

EnglishUnverified translation

Ibn Masud رضي الله عنه reported concerning Allah's saying, "It throws sparks like a palace": They are not like trees or mountains, but like cities and fortresses.

اردو ترجمہ · UrduUnverified translation

حضرت عبداللہ بن مسعود رضی اللہ عنہ اللہ تعالیٰ کے اس فرمان کے بارے میں بیان کرتے ہیں ( ارشاد باری تعالیٰ ہے : ) ’’ وہ ( جہنم ) محل کی طرح کے ( بڑے ‘ بڑے ) شعلے اُڑائے گی ‘‘۔ حضرت عبداللہ بن مسعود رضی اللہ عنہ فرماتے ہیں : وہ درختوں یا پہاڑوں کی طرح کے نہیں ہوں گے ‘ بلکہ شہر اور قلعوں جیسے ( بڑے حجم کے ہوں گے ) ۔ یہ روایت امام طبرانی نے معجم اوسط میں نقل کی ہے اس کی سند میں ایک راوی حدیج بن معاویہ ہے اور وہ ضعیف ہے ابوحاتم کہتے ہیں اس کا محل صدق ہے اس کی حدیث کو نوٹ کیا جائے گا اس کے بقیہ رجال ثقہ ہیں ۔

EnglishUnverified translation

Ibn Abbas رضي الله عنهما reported concerning His saying, "And We sent down from the mu'sirat a pouring water": Al-mu'sirat are the winds, and pouring means gushing forth.

اردو ترجمہ · UrduUnverified translation

حضرت عبداللہ بن عباس رضی اللہ عنہما اللہ تعالیٰ کے اس فرمان کے بارے میں بیان کرتے ہیں : ’’ اور ہم نے ’ معصرات میں سے موسلادھار پانی نازل کیا ‘‘ حضرت عبداللہ بن عباس رضی اللہ عنہما فرماتے ہیں : یہاں ’’ معصرات ‘‘ سے مراد ہوائیں ہیں ’’ ثجاج ‘‘ سے مراد موسلادھار ہونا ہے ۔ یہ روایت امام ابویعلیٰ نے نقل کی ہے اس کی سند میں ایک راوی محمد بن ساعد کلبی ہے اور وہ ضعیف ہے ۔

EnglishUnverified translation

Abu Hurayra رضي الله عنه reported concerning, "Abiding therein for huqbs": The huqb is eighty years.

اردو ترجمہ · UrduUnverified translation

حضرت ابوہریرہ رضی اللہ عنہ بیان کرتے ہیں ( ارشاد باری تعالیٰ ہے : ) «لَا بِثِينَ فِيهَا أَحْقَابًا» وہ لوگ اس ( جہنم ) میں رہیں گے جو کئی مدتوں تک ہو گا “ حضرت ابوہریرہ رضی اللہ عنہ فرماتے ہیں ایک ’’ حقب ‘‘ اسی سال کا ہوتا ہے ۔ یہ روایت امام بزار نے نقل کی ہے اس کی سند میں ایک راوی حجاج بن نصیر ہے جسے ابن حبان نے ثقہ قرار دیا ہے وہ کہتے ہیں یہ غلطی کر جاتا ہے اور وہم کا شکار ہو جاتا ہے ایک جماعت نے اسے ضعیف کہا ہے اس روایت کے بقیہ رجال ثقہ ہیں ۔

EnglishUnverified translation

Abu Umama رضي الله عنه reported: The Messenger of Allah ﷺ said concerning, "Abiding therein for huqbs": > **"The huqb is thirty thousand years."**

اردو ترجمہ · UrduUnverified translation

حضرت ابوامامہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ وہ اس ( جہنم ) میں کئی حقب تک رہیں گے ‘‘۔ ایک ’’ حقب ‘‘ تیس ہزار سال کا ہو گا ۔ یہ روایت امام طبرانی نے نقل کی ہے ‘ اس کی سند میں ایک راوی جعفر بن زبیر ہے اور وہ ضعیف ہے ۔

EnglishUnverified translation

Mahdi ibn Maymun reported: I heard al-Hasan ibn Dinar ask al-Hasan, "Which verse is hardest upon the people of the Fire?" He said, "I asked Abu Barza, and he said, 'The hardest verse revealed is: Taste, for We shall increase you only in punishment.'"

اردو ترجمہ · UrduUnverified translation

مہدی بن میمون بیان کرتے ہیں : میں نے حسن بن دینار کو حسن سے سوال کرتے ہوئے سنا : اہل جہنم کے لئے کون سی آیت سب سے زیادہ سخت ہے ؟ تو انہوں نے فرمایا : میں نے حضرت ابوبرزہ رضی اللہ عنہ سے یہ سوال کیا : تو انہوں نے بتایا : یہ آیت سب سے سخت ہے ‘ جو نازل ہوئی ہے : ’’ تم لوگ ( عذاب کا ذائقہ ) چکھو ! اب ہم تمہارے لئے عذاب میں ‘ صرف اضافہ ہی کریں گے ‘‘۔ یہ روایت امام طبرانی نے نقل کی ہے اس کی سند میں ایک راوی شعیب بن بیان ہے اور وہ ضعیف ہے ۔

EnglishUnverified translation

Ibn Umar رضي الله عنهما used to read this word as "nakhirah," meaning decayed bones: "When we are decayed bones?"

اردو ترجمہ · UrduUnverified translation

حضرت عبداللہ بن عمر رضی اللہ عنہما کے بارے میں یہ بات منقول ہے ‘ وہ اس آیت کو یوں پڑھتے تھے : «ائذا کنا عظاما ناخرۃ» ’’ کیا ہم ‘ گلی ہوئی ہڈیاں ہو جائیں گے ‘‘۔ یہ روایت امام طبرانی نے زید بن معاویہ کی ‘ حضرت عبداللہ بن عمر رضی اللہ عنہما سے نقل کردہ روایت کے طور پر نقل کی ہے اور میں اس سے واقف نہیں ہوں ‘ اس روایت کے بقیہ رجال صحیح کے رجال ہیں ۔

EnglishUnverified translation

Aisha رضي الله عنها reported: The Messenger of Allah ﷺ kept asking about the Hour until there was revealed, "What have you to do with its mention? To your Lord is its finality."

اردو ترجمہ · UrduUnverified translation

سیدہ عائشہ رضی اللہ عنہا بیان کرتی ہیں : نبی اکرم ﷺ سے مسلسل ‘ قیامت کے بارے میں دریافت کیا جاتا رہا ‘ یہاں تک کہ یہ آیت نازل ہو گئی :’’ تمہارا اس کے ( مخصوص وقت کے ) تذکرے سے کیا واسطہ ہے ؟ اس کا اختتام ‘ تو تمہارے پروردگار کی طرف ہی ہونا ہے ‘‘ یہ روایت امام بزار نے نقل کی ہے اور اس کے رجال صحیح کے رجال ہیں ۔

EnglishUnverified translation

Tariq ibn Shihab reported: The Messenger of Allah ﷺ used to mention the Hour abundantly until there was revealed, "What have you to do with its mention? To your Lord is its finality."

اردو ترجمہ · UrduUnverified translation

طارق بن شہاب بیان کرتے ہیں : نبی اکرم ﷺ ‘ بکثرت قیامت کا ذکر کرتے تھے ‘ یہاں تک کہ یہ آیت نازل ہو گئی : ’’ تو تمہارا اس کے ( مخصوص وقت کے ) تذکرے سے کیا واسطہ ہے ؟ اس کا اختتام ‘ تو تمہارے پروردگار کی طرف ہی ہونا ہے ‘‘۔ یہ روایت امام طبرانی نے نقل کی ہے اس کی سند میں ایسا راوی ہے جس سے میں واقف نہیں ہوں ۔

EnglishUnverified translation

Abu Bakr رضي الله عنه reported: I said, "O Messenger of Allah, grey hair has come upon you quickly?" He said: > **"Al-Waqia, Amma yatasa'alun, and When the sun is folded have turned me grey."**

اردو ترجمہ · UrduUnverified translation

حضرت ابوبکر رضی اللہ عنہ بیان کرتے ہیں : میں نے عرض کی : یا رسول اللہ ! آپ کے بال تیزی سے سفید ہو رہے ہیں ، نبی اکرم ﷺ نے ارشاد فرمایا : ’’ سورت واقعہ ‘ سورت نباء اور سورت تکویر نے مجھے بوڑھا کر دیا ہے ‘‘۔ یہ روایت امام طبرانی نے معجم اوسط میں نقل کی ہے امام ابویعلیٰ نے اس کی مانند روایت نقل کی ہے انہوں نے یہ الفاظ زائد نقل کیے ہیں : ” سورت ہود نے ‘‘۔ اس روایت کے رجال صحیح کے رجال ہیں ‘ البتہ امام ابویعلیٰ نے یہ بات کہی ہے : عکرمہ کے حوالے سے یہ بات منقول ہے حضرت ابوبکر رضی اللہ عنہ نے یہ بات بیان کی ہے : میں نے نبی اکرم ﷺ سے سوال کیا ....... عکرمہ نامی راوی نے ‘ حضرت ابوبکر رضی اللہ عنہ کا زمانہ نہیں پایا ہے ۔ اس روایت کے مختلف طرق ‘ سورت ہود سے متعلق باب میں پہلے گزر چکے ہیں ۔

EnglishUnverified translation

Ibn Umar رضي الله عنهما reported: The Messenger of Allah ﷺ said: > **"Whoever wishes to look upon the Day of Resurrection as though seeing it with the eye, let him recite: When the sun is folded, When the sky splits open, and When the sky bursts apart."** I think he said, "And Sura Hud."

اردو ترجمہ · UrduUnverified translation

حضرت عبداللہ بن عمر رضی اللہ عنہما روایت کرتے ہیں : نبی اکرم ﷺ نے یہ ارشاد فرمایا :’’ جو شخص یہ چاہتا ہو کہ وہ قیامت کے بارے میں یوں جائزہ لے کہ جس طرح وہ اُسے دیکھ رہا ہے ‘ تو اسے یہ سورتیں پڑھنی چاہییں : سورت تکویر ‘ سورت انفطار اور سورت انشقاق ‘‘۔ راوی کہتے ہیں : میرا خیال ہے ‘ روایت میں یہ الفاظ بھی ہیں : ” اور سورت ہود ‘‘۔ ( علامہ ہیثمی فرماتے ہیں : ) میں یہ کہتا ہوں : یہ روایت امام ترمذی نے حضرت عبداللہ بن عمر رضی اللہ عنہما پر ’’ موقوف ‘‘ روایت کے طور پر نقل کی ہے ۔ یہ روایت امام احمد نے دو اسناد کے ساتھ نقل کی ہے اور ان دونوں کے رجال ثقہ ہیں ۔ یہ روایت امام طبرانی نے امام احمد کی سند کے ساتھ نقل کی ہے ۔

EnglishUnverified translation

Umar ibn al-Khattab رضي الله عنه was asked about His saying, "When the buried girl is asked": He said, "Qays ibn Asim came to the Messenger of Allah ﷺ and said, 'O Messenger of Allah, I buried daughters of mine in the pre-Islamic age.' He said: > **"Free a slave for each one of them."** He said, 'O Messenger of Allah, I own camels.' He said: > **"Then sacrifice a camel for each one of them."**

اردو ترجمہ · UrduUnverified translation

حضرت عمر بن خطاب رضی اللہ عنہ کے بارے میں یہ بات منقول ہے : اُن سے اللہ تعالیٰ کے اس فرمان کے بارے میں دریافت کیا گیا ( ارشاد باری تعالیٰ ہے : ) ’’ اور جب زندہ دفن کی جانے والی لڑکی سے سوال کیا جائے گا ‘‘۔ حضرت عمر بن خطاب رضی اللہ عنہ نے بتایا : ایک مرتبہ قیس بن عاصم ‘ نبی اکرم ﷺ کے پاس آیا اور بولا : یا رسول اللہ ! میں نے زمانہ جاہلیت میں ‘ اپنی بیٹیوں کو زندہ دفن کر دیا تھا ‘ نبی اکرم ﷺ نے فرمایا : تم اُن میں سے ہر ایک کی طرف سے ایک گردن کو آزاد کرو ‘ اس نے عرض کی : یا رسول اللہ ! میں اونٹوں کا مالک ہوں ‘ نبی اکرم ﷺ نے فرمایا : تم ان میں سے ہر ایک کی طرف سے اونٹ قربان کرو ۔ یہ روایت امام بزار اور امام طبرانی نے نقل کی ہے ‘ امام بزار کے رجال صحیح کے رجال ہیں ‘ صرف حسین بن مہدی ایلی کا معاملہ مختلف ہے اور وہ ثقہ ہے ۔

EnglishUnverified translation

Khalifa ibn Husayn reported: Qays ibn Asim said to the Prophet ﷺ, "I buried twelve or thirteen daughters in the pre-Islamic age." The Prophet ﷺ said to him: > **"Free a soul for each one of them."**

اردو ترجمہ · UrduUnverified translation

خلیفہ بن حصین بیان کرتے ہیں : حضرت قیس بن عاصم رضی اللہ عنہ نے ‘ نبی اکرم ﷺ کی خدمت میں عرض کی : میں نے زمانہ جاہلیت میں اپنی بارہ ‘ یا شاید تیرہ بیٹیوں کو زندہ دفن کر دیا تھا ‘ تو نبی اکرم ﷺ نے اُن سے فرمایا : ’’ تم ان میں سے ہر ایک کی طرف سے ایک جان آزاد کرو ‘‘۔ یہ روایت امام طبرانی نے نقل کی ہے اس کی سند میں ایک راوی یحیی بن عبدالحمید حمانی ہے اور وہ ضعیف ہے ۔

EnglishUnverified translation

Amr ibn Shurahbil al-Hamdani Abu Maysara reported from Abdullah, meaning Ibn Masud: He asked, "O Amr, what are 'the retreating, the moving, the hiding'?" I said, "The cows." He said, "And I hold the same view."

اردو ترجمہ · UrduUnverified translation

عمرو بن شرحبیل ہمدانی ابومیسرہ کے بارے میں یہ بات منقول ہے : حضرت عبداللہ بن مسعود رضی اللہ عنہ نے دریافت کیا : اے عمرو ! «بِالْخَنَّس - الْجَوَارِ الْكُنَّس» اس سے کیا مراد ہے ؟ راوی کہتے ہیں : میں نے کہا : گائے ‘ انہوں نے فرمایا : میری بھی یہی رائے ہے ۔ یہ روایت امام طبرانی نے نقل کی ہے اور اس کے رجال صحیح کے رجال ہیں ۔

EnglishUnverified translation

Malik ibn al-Huwayrith رضي الله عنه reported: The Messenger of Allah ﷺ said: > **"When Allah intends to create a soul, and a man has intercourse with a woman, his fluid spreads through every vein and sinew of hers. On the seventh day Allah brings forth for it every lineage between it and Adam."** Then he recited, "In whatever form He willed, He composed you."

اردو ترجمہ · UrduUnverified translation

حضرت مالک بن حویرث رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جب اللہ تعالیٰ کسی جان کو پیدا کرنے کا ارادہ کرتا ہے اور آدمی عورت کے ساتھ صحبت کرتا ہے ‘ تو آدمی کا نقطہ عورت کی ہر ایک رگ اور پٹھے میں پھیل جاتا ہے اور جب ساتواں دن آتا ہے تو اللہ تعالیٰ اس کے لئے ‘ اُس کے اور حضرت آدم علیہ السلام کے درمیان موجود ہر رگ کو حاضر کر دیتا ہے ‘‘۔ پھر آپ نے یہ آیت تلاوت کی : ’’ جس صورت میں ‘ اُس نے چاہا تمہیں ترتیب دیا ‘‘۔ یہ روایت امام طبرانی نے تینوں کتابوں میں نقل کی ہے اور اس کے رجال ثقہ ہیں ۔

EnglishUnverified translation

Musa ibn Ali reported from his father from his grandfather: The Prophet ﷺ said to him: > **"What has been born to you?"** He said, "O Messenger of Allah, what should be born to me but a boy or a girl?" He said: > **"Whom will he resemble?"** He said, "Whom should he resemble but his mother or his father?" The Prophet ﷺ said to him then: > **"Stop, do not say so. When the drop settles in the womb, Allah brings forth for it every lineage between it and Adam. Have you not read this verse in Allah's Book: In whatever form He willed, He composed you?"**

اردو ترجمہ · UrduUnverified translation

موسیٰ بن علی ‘ اپنے والد کے حوالے سے ‘ اپنے دادا سے یہ روایت نقل کرتے ہیں : نبی اکرم ﷺ نے ان سے دریافت کیا : تمہارے ہاں بچہ نہیں ہوا ؟ انہوں نے عرض کی : یا رسول اللہ ! میرے ہاں بچہ ہونے والا ہے جو یا لڑکا ہو گا یا لڑکی ہو گی ؟ نبی اکرم ﷺ نے دریافت کیا : وہ کس سے مشابہ ہو گا ؟ انہوں نے کہا : یا وہ اپنی ماں سے مشابہہ ہو گا ‘ یا اپنے باپ سے مشابہہ ہو گا ‘ نبی اکرم ﷺ نے ان سے فرمایا : ٹھہر جاؤ ! تم یہ بات نہ کہو ‘ جب نطفۂ ‘ رحم میں آ جاتا ہے ‘ تو اللہ تعالیٰ اُس نطفے اور حضرت آدم علیہ السلام کے درمیان اس کے نسب میں جتنے بھی لوگ ہیں ، سب کو حاضر کرتا ہے ( اور پھر ان میں سے کسی کے ساتھ مشابہت ہوتی ہے ) کیا تم نے اللہ کی کتاب میں موجود یہ آیت نہیں پڑھی ہے : ’’ جس صورت میں ‘ اُس نے چاہا تمہیں ترتیب دیا ‘‘۔ یہ روایت امام طبرانی نے نقل کی ہے ‘ اس کی سند میں ایک راوی مطہر بن ہیثم ہے اور وہ متروک ہے ۔

EnglishUnverified translation

Abu Hurayra رضي الله عنه reported: The Messenger of Allah ﷺ appointed Siba ibn Urfuta over Medina, and he recited, "Woe to the defrauders." I said, "So-and-so is ruined; he has two measures, one by which he gives and one by which he takes."

اردو ترجمہ · UrduUnverified translation

حضرت ابوہریرہ رضی اللہ عنہ بیان کرتے ہیں : نبی اکرم ﷺ نے سباع بن عرفطہ کو مدینہ منورہ کا نگران مقرر کیا ‘ انہوں نے یہ آیت تلاوت کی : ’’ ناپ تول میں کمی کرنے والوں کے لئے بربادی ہے ‘‘۔ تو میں نے سوچا کہ فلاں شخص تو ہلاکت کا شکار ہو گیا ‘ جس نے دو مخصوص قسم کے پیمانے رکھے ہوئے ہیں ‘ ایک کے حساب سے وہ ادائیگی کرتا ہے ‘ اور ایک کے حساب سے وصولی کرتا ہے ۔ یہ روایت امام بزار نے نقل کی ہے اور اس کے رجال صحیح کے رجال ہیں ، صرف اسماعیل بن مسعود جحدری کا معاملہ مختلف ہے اور وہ ثقہ ہے ۔

EnglishUnverified translation

Abdullah, meaning Ibn Masud رضي الله عنه, reported: Wayl is a valley in Hell of pus.

اردو ترجمہ · UrduUnverified translation

حضرت عبداللہ بن مسعود رضی اللہ عنہ فرماتے ہیں :’’ ویل ‘‘ جہنم میں موجود ‘ پیپ کی ایک وادی ہے ۔ یہ روایت امام طبرانی نے نقل کی ہے اس کی سند میں ایک راوی یحیی حمانی ہے اور وہ ضعیف ہے ۔

EnglishUnverified translation

Abdullah ibn Amr رضي الله عنهما reported: I heard the Messenger of Allah ﷺ recite this verse, "The Day mankind stands before the Lord of the worlds." Then the Messenger of Allah ﷺ said: > **"How will it be with you when Allah gathers you as arrows are gathered in a quiver, for fifty thousand years, and He does not look toward you?"**

اردو ترجمہ · UrduUnverified translation

حضرت عبداللہ بن عمرو رضی اللہ عنہ بیان کرتے ہیں : میں نے نبی اکرم ﷺ کو سنا آپ نے یہ آیت تلاوت کی : ’’ جس دن سب لوگ ‘ تمام جہانوں کے پروردگار کی بارگاہ میں کھڑے ہوں گے ‘‘ نبی اکرم ﷺ نے ارشاد فرمایا : اُس وقت تمہارا کیا عالم ہو گا ؟ جب اللہ تعالیٰ تم لوگوں کو یوں اکٹھا کرے گا ، جس طرح تیروں کو ترکش میں اکٹھا کیا جاتا ہے اور وہ دن پچاس ہزار سال کا ہو گا ‘ کیا وہ تمہاری طرف نہیں دیکھے گا ‘‘۔ یہ روایت امام طبرانی نے نقل کی ہے اور اس کے رجال ثقہ ہیں ۔

EnglishUnverified translation

Abdullah, meaning Ibn Masud رضي الله عنه, reported concerning, "You shall surely ride stage upon stage": Muhammad reported to us: "Heaven after heaven."

اردو ترجمہ · UrduUnverified translation

حضرت عبداللہ بن مسعود رضی اللہ عنہ کے بارے میں یہ آیت منقول ہے : انہوں نے یہ آیت تلاوت کی : ’’ تم ضرور ایک منزل سے دوسری منزل کی طرف چڑھ کے جاؤ گے ‘‘ پھر حضرت عبداللہ رضی اللہ عنہ نے بتایا : حضرت محمد ﷺ نے ہمیں یہ بات بتائی ہے کہ اس سے مراد ‘ ایک آسمان کے بعد ‘ دوسرا آسمان ہے ۔ یہ روایت امام طبرانی نے نقل کی ہے ‘ اس کی سند میں ایک راوی حسین بن عبدالاول ہے اور وہ ضعیف ہے ۔

EnglishUnverified translation

Abdullah also reported concerning, "You shall surely ride stage upon stage": O Muhammad, meaning stage after stage.

اردو ترجمہ · UrduUnverified translation

حضرت عبداللہ رضی اللہ عنہ کے حوالے سے یہ بات منقول ہے : ( ارشاد باری تعالیٰ ہے : ) ’’ تم ضرور ایک منزل سے ‘ دوسری منزل کی طرف چڑھ کے جاؤ گے ۔ حضرت عبداللہ رضی اللہ عنہ نے فرمایا : ( اس سے مراد یہ ہے : ( اے محمد ! یعنی کہ ایک حال کے بعد دوسرا حال ہو گا ۔ یہ روایت امام بزار نے نقل کی ہے اس کی سند میں ایک راوی جابر جعفی ہے اور وہ ضعیف ہے ۔

EnglishUnverified translation

Ibn Abbas رضي الله عنهما said concerning the verse about riding onward from stage to stage that it refers to Muhammad ﷺ and his ascent through successive ranks and states.

اردو ترجمہ · UrduUnverified translation

حضرت عبداللہ بن عباس رضی اللہ عنہما نے اللہ تعالیٰ کے اس فرمان کے بارے میں یہ بات نقل کی ہے ( ارشاد باری تعالیٰ ہے : ) ’’ تم ضرور ایک منزل سے ‘ دوسری منزل کی طرف چڑھ کے جاؤ گے ‘‘۔ حضرت عبداللہ بن عباس رضی اللہ عنہما نے فرمایا : اس سے مراد حضرت محمد ﷺ ہیں ( کہ وہ ایسا کریں گے ) ۔ یہ روایت امام طبرانی نے نقل کی ہے اور اس کے رجال ثقہ ہیں ۔

EnglishUnverified translation

Abu Malik al-Ashari رضي الله عنه reports that the Messenger of Allah ﷺ explained the promised day, the witness, the witnessed, the Friday gift, and the middle prayer. > **"The promised day is the Day of Resurrection, and the witness is Friday, and the witnessed is the day of Arafah. Friday was stored up for us by Allah, and the middle prayer is after the afternoon prayer."**

اردو ترجمہ · UrduUnverified translation

حضرت ابومالک اشعری رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ وہ دن ‘ جس کا وعدہ کیا گیا ہے اس سے مراد قیامت کا دن ہے اور شاہد سے مراد جمعہ کا دن ہے اور مشہود سے مراد عرفہ کا دن ہے اور جمعہ کے دن کو اللہ تعالیٰ نے ہمارے لئے مقرر کیا ہے ‘ اور نماز وسطی سے مراد عصر کے بعد کی نماز ہے ‘‘۔ یہ روایت امام طبرانی نے نقل کی ہے اس کی سند میں ایک راوی محمد بن اسماعیل بن عیاش ہے اور وہ ضعیف ہے ۔

EnglishUnverified translation

Husayn ibn Ali رضي الله عنه said concerning the verse of the witness and the witnessed that the witness is his grandfather the Messenger of Allah ﷺ and the witnessed is the Day of Resurrection, and he recited the verse about being sent as a witness and bearer of glad tidings and a warner, along with the verse about the day when mankind shall be gathered, a day witnessed.

اردو ترجمہ · UrduUnverified translation

حضرت امام حسین بن علی رضی اللہ عنہ ‘ اللہ تعالیٰ کے اس فرمان کے بارے میں بیان کرتے ہیں ( ارشاد باری تعالیٰ ہے : ) ’’ اور شاہد اور مشہود کی قسم ہے ‘‘ حضرت امام حسین رضی اللہ عنہ نے فرمایا :’’ شاہد ‘‘ سے مراد ‘ میرے نانا نبی اکرم ﷺ ہیں ‘ اور ’’ مشہود ‘‘ سے مراد قیامت کا دن ہے ‘ پھر انہوں نے یہ آیت تلاوت کی : ’’ بے شک ہم نے تمہیں ’’ شاہد ‘‘ اور مبشر اور نذیر بنا کر بھیجا ‘‘۔ اور انہوں نے یہ آیت تلاوت کی : ’’ یہ وہ دن ہے ، جس میں لوگوں کو جمع کیا جائے گا اور یہ ’’ مشہود ‘‘ دن ہے ‘‘۔ یہ روایت امام طبرانی نے معجم صغیر اور معجم اوسط میں نقل کی ہے ‘ اس کی سند میں ایک راوی یحییٰ بن عبدالحمید حمانی ہے اور وہ ضعیف ہے ۔

EnglishUnverified translation

Ibn Abbas رضي الله عنهما said concerning the verse of the witness and the witnessed that the witness is Muhammad ﷺ and the witnessed is the Day of Resurrection.

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں ( ارشاد باری تعالیٰ ہے : ) ’’ شاہد اور مشہود کی قسم ہے ‘‘ حضرت عبداللہ بن عباس رضی اللہ عنہا نے فرمایا : شاہد سے مراد ‘ حضرت محمد ﷺ ہیں ‘ اور مشہود سے مراد ‘ قیامت کا دن ہے ۔ یہ روایت امام بزار نے نقل کی ہے اور اس کے رجال ثقہ ہیں ۔

EnglishUnverified translation

Abdurrahman ibn Khalid al-Adwani reports from his father that he saw the Messenger of Allah ﷺ in the eastern quarter of Thaqif, standing leaning upon a bow or a staff, having come to them seeking support. He heard him recite the chapter of the Night Star to its end and memorized it while still a polytheist in the days of ignorance, then recited it again after entering Islam. When Thaqif asked him what he had heard from that man and he recited it before them, some Quraysh present with them said they knew their companion best, and that had they known what he said was truth they would have followed him.

اردو ترجمہ · UrduUnverified translation

عبدالرحمن بن خالد عدوانی ‘ اپنے والد کے حوالے سے یہ بات نقل کرتے ہیں : انہوں نے نبی اکرم ﷺ کو ثقیف قبیلے کے مشرقی حصے میں دیکھا ‘ نبی اکرم ﷺ اس وقت کمان یا شاید عصا لے کر کھڑے ہوئے تھے اور آپ ثقیف قبیلے کے لوگوں سے مدد طلب کرنے کے لئے تشریف لائے تھے ‘ راوی کہتے ہیں : میں نے نبی اکرم ﷺ کو سورت طارق کی تلاوت کرتے ہوئے سنا ‘ آپ نے یہ پوری سورت پڑھی ‘ تو میں نے یہ سورت پوری یاد کر لی ‘ یہ زمانہ جاہلیت کی بات ہے ‘ میں اُس وقت مشرک تھا ‘ پھر بعد میں ‘ مسلمان ہو جانے کے بعد بھی میں نے یہ سورت پڑھی ‘ ایک مرتبہ ثقیف قبیلے کے لوگوں نے مجھے بلایا اور کہا : تم نے ان صاحب کی زبانی کوئی بات سنی ہے ؟ میں نے ان کے سامنے سورت طارق پڑھی ‘ تو ثقیف قبیلے کے لوگوں کے ساتھ جو قریش موجود تھے ‘ انہوں نے یہ کہا : ہم اپنے متعلقہ فرد کے بارے میں زیادہ بہتر جانتے ہیں ‘ اگر ہم یہ علم رکھتے کہ وہ جو بات کہتے ہیں ‘ وہ حق ہے ‘ تو ہم نے اُن کی پیروی کر لینی تھی ۔ یہ روایت امام احمد اور امام طبرانی نے نقل کی ہے ‘ عبدالرحمن نامی راوی کا ذکر ابن ابوحاتم نے کیا ہے ‘ کسی نے اس پر جرح نہیں کی ہے ‘ اس روایت کے بقیہ رجال ثقہ ہیں ۔