Hadith 11164–11203

EnglishUnverified translation

Ibn Abbas رضي الله عنه explained the opening letters Ta-Ha of Surah Ta-Ha as meaning "O man."

اردو ترجمہ · UrduUnverified translation

حضرت عبداللہ بن عباس رضی اللہ عنہ اللہ تعالیٰ کے اس فرمان ’’ طہ ‘‘ کے بارے میں یہ کہتے ہیں : اس سے مراد یہ ہے : اے شخص ! یہ روایت امام طبرانی نے نقل کی ہے ۔ اس کی سند میں ایک راوی محمد بن معاویہ نیشا پوری ہے اور وہ ضعیف ہے ۔

EnglishUnverified translation

Ali رضي الله عنه reported that the Prophet ﷺ used to alternate between his feet in standing, resting upon each foot in turn, until the verse of Surah Ta-Ha was revealed that the Qur'an was not sent down to cause him distress.

اردو ترجمہ · UrduUnverified translation

حضرت علی رضی اللہ عنہ بیان کرتے ہیں : نبی اکرم ﷺ دونوں قدموں کو باری باری آرام دیا کرتے تھے اور ہر ایک قدم پر کھڑے ہو جاتے تھے یہاں تک کہ یہ آیت نازل ہوئی : ’’ طہ ‘‘ ہم نے تم پر قرآن اس لئے نازل نہیں کیا تاکہ تم مشقت کا شکار ہو جاؤ “۔ یہ روایت امام بزار نے نقل کی ہے ۔ اس کی سند میں ایک راوی یزید بن بلال ہے امام بخاری کہتے ہیں : اس میں غور و فکر کی گنجائش ہے ایک راوی کیسان ابوعمرو ہے ‘ جسے ابن حبان نے ثقہ قرار دیا ہے ‘ اور یحییٰ بن معین نے اسے ضعیف قرار دیا ہے اس روایت کے بقیہ رجال صحیح کے رجال ہیں ۔

EnglishUnverified translation

Sa'id ibn Jubayr reported from Ibn Abbas رضي الله عنه concerning the verse of Surah Ta-Ha about testing Musa with severe trials. Asked what the trials were, Ibn Abbas said it was a long account and asked him to return in the morning. He then narrated at length how Pharaoh and his courtiers, recalling Allah's promise to Ibrahim of prophets and kings from his progeny, ordered newborn males of the Children of Israel to be slaughtered, then adopted killing one year and sparing the next. Harun was born in a year of sparing and Musa in a year of killing, his mother grieved, and Allah inspired her not to fear or grieve and to nurse him and cast him into the river, promising his return. The account continues through his rescue, upbringing, the killing of the Egyptian, his flight to Madyan, the fire, prophethood, confrontation with Pharaoh, and deliverance — all of which were among the trials.

اردو ترجمہ · UrduUnverified translation

سعید بن جبیر حضرت عبداللہ بن عباس رضی اللہ عنہما کے حوالے سے اللہ تعالیٰ کے اس فرمان بارے میں نقل کرتے ہیں ( ارشاد باری تعالیٰ ہے : ) ’’ اور ہم نے تمہیں مختلف قسم کی آزمائشوں کا شکار کیا ۔‘‘ سعید کہتے ہیں : میں نے حضرت عبداللہ بن عباس رضی اللہ عنہما سے ان آزمائشوں کے بارے میں دریافت کیا کہ وہ کیا تھیں ؟ تو انہوں نے فرمایا : اے ابن جبیر یہ ایک طویل حدیث ہے تم دن کے ابتدائی حصے میں آنا ۔ راوی کہتے ہیں : اگلے دن صبح میں حضرت عبداللہ بن عباس رضی اللہ عنہما کی خدمت میں حاضر ہوا تاکہ آزمائشوں سے متعلق حدیث کے حوالے سے انہوں نے جو میرے ساتھ وعدہ کیا تھا اسے پورا کرواؤں ، تو حضرت عبداللہ بن عباس رضی اللہ عنہما نے بیان کیا : ایک مرتبہ فرعون اور اس کے ہمنشین اس بات کا ذکر کر رہے تھے کہ اللہ تعالیٰ نے حضرت ابراہیم علیہ السلام کے ساتھ یہ وعدہ کیا تھا کہ وہ ان کی اولاد میں انبیاء اور بادشاہ پیدا کرے گا ، فرعون کے ساتھیوں میں سے کسی نے یہ کہا : بنی اسرائیل اس بات کے منتظر ہیں ، انہیں اس کے بارے میں کوئی شک نہیں ہے ، پہلے وہ لوگ یہ سمجھتے تھے کہ اس سے مراد حضرت یعقوب علیہ السلام کے صاحبزادے حضرت یوسف علیہ السلام ہیں لیکن جب ان کا انتقال ہو گیا تو ان لوگوں نے یہ کہا : یہ مراد نہیں ہیں ، اللہ تعالیٰ نے تو حضرت ابراہیم علیہ السلام کے ساتھ وعدہ کیا ہے ، فرعون نے کہا : پھر تم لوگ اس بارے میں کیا رائے رکھتے ہو ، ان لوگوں نے باہمی مشورہ کر کے یہ طے کیا کہ کچھ لوگوں کو بھیجتے ہیں ، جن کے پاس چھریاں ہوں گی ، وہ بنی اسرائیل کے علاقے کا چکر لگائیں گے اور جو بھی لڑکا نومولود ملے گا اسے ذبح کر دیں گے ، ان لوگوں نے ایسا ہی کرنا شروع کیا ، جب ان لوگوں نے یہ بات دیکھی کہ بنی اسرائیل کے بڑی عمر کے لوگ اپنی طبعی موت مرنے لگے ہیں ، اور چھوٹے بچوں کو ذبح کیا جانے لگا ہے ، تو انہوں نے کہا : آگے چل کے تو یہ ہو گا کہ تم لوگ اس طرح تو بنی اسرئیل کو بالکل ہی ختم کر دو گے اور اس کا نتیجہ یہ نکلے گا کہ ان لوگوں سے جو مزدوریاں وغیرہ کرواتے ہیں وہ سارے کام تمہیں خود کرنے پڑیں گے ، تو ایسا کرو کہ ایک سال ہر پیدا ہونے والے لڑکے کو قتل کرو ، اس طرح ان کی اولاد کم ہو جائے گی اور ایک سال بچوں کو چھوڑ دو ، اس سال ان میں سے کسی کو قتل نہ کرنا ، تو جو بڑے لوگ مر جائیں گے ، ان کی جگہ یہ چھوٹے بچے بڑے ہو جائیں گے اور ان کی تعداد بھی زیادہ نہیں ہو گی جنہیں تم نے زندہ رکھا ہو گا کہ تمہیں یہ اندیشہ ہو کہ وہ تم پر غالب آ جائیں گے اور جنہیں تم نے قتل کیا ہو گا اس کی وجہ سے یہ لوگ فنا بھی نہیں ہوں گے ، تو آخرکار انہوں نے یہ معاملہ طے کر لیا ، حضرت موسیٰ علیہ السلام کی والدہ کو حضرت ہارون علیہ السلام کا حمل اس سال ہوا جس سال میں بچوں کو ذبح نہیں کیا جانا تھا ، تو انہوں نے اعلانیہ طور پر امن کی حالت میں حضرت ہارون علیہ السلام کو جنم دیا جب اگلا سال آیا ، تو وہ حضرت موسیٰ علیہ السلام کے حوالے سے حاملہ ہوئیں ، تو ان کے ذہن میں پریشانی اور غم آ گیا ، اے ابن جبیر ! یہ ایک آزمائش تھی جو حضرت موسیٰ علیہ السلام کی والدہ کے دل میں داخل ہوئی تھی ، جو حضرت موسیٰ علیہ السلام کے حوالے سے تھی ، تو اللہ تعالیٰ نے ان کی والدہ کی طرف یہ وحی کی ( جس کا ذکر قرآن میں ان الفاظ میں ہے : ) ’’ تم خوف زدہ نہ ہو اور غمگین نہ ہو ، بے شک ہم اسے تمہاری طرف لوٹا دیں گے اور اسے رسولوں میں سے ایک بنائیں گے ۔‘‘ اللہ تعالیٰ نے اس خاتون کو یہ حکم دیا کہ جب وہ بچے کو جنم دیں تو اسے ایک تابوت میں رکھیں اور دریا میں ڈال دیں ، جب ان کی والدہ نے انہیں جنم دیا تو انہوں نے ان کے ساتھ ایسا ہی کیا ، جب ان کے صاحبزادے ان کی نگاہوں سے اوجھل ہو گئے ۔ تو شیطان ان کی والدہ کے پاس آیا ، اس خاتون نے یہ سوچا کہ یہ میں نے اپنے بیٹے کے ساتھ کیا کیا ہے ، اگر یہ میرے سامنے ذبح ہوتا اور میں اس کے کفن دفن کا انتظام کرتی تو یہ میرے لئے اس سے زیادہ بہتر تھا کہ میں اپنے ہاتھوں کے ساتھ اسے دریا کی لہروں اور مچھلیوں کے سپرد کر دیتی ، آخرکار پانی حضرت موسیٰ علیہ السلام کے تابوت کو لے کر اس جگہ آ گیا جہاں فرعون کی اہلیہ کی کنیزیں پانی حاصل کرتی تھیں ، جب ان عورتوں نے اس تابوت کو دیکھا ، تو اسے لے لیا ، پہلے انہوں نے تابوت کو کھولنے کا ارادہ کیا ، تو ان میں سے کسی نے کہا : اس میں مال بھی ہو سکتا ہے ، اگر ہم نے اسے کھول لیا ، تو بادشاہ کی بیوی ہماری بات نہیں مانے گی کہ ہمیں اس میں سے کیا ملا ہے ، تو ان کنیزوں نے اس تابوت کو اسی طرح اٹھایا ، انہوں نے اس کو نہیں کھولا ، یہاں تک کہ وہ لا کر فرعون کی اہلیہ کے سپرد کر دیا ، جب اس عورت نے اسے کھولا تو انہیں اس میں ایک بچہ نظر آیا ، اس عورت کے دل میں اس بچے کی محبت ڈال دی گئی ، ایسی محبت اس عورت کو بنی نوع انسان میں اور کسی کے لئے محسوس نہیں ہوتی تھی ، اگلے دن حضرت موسیٰ علیہ السلام کی والدہ کی توجہ ہر چیز سے ہٹ چکی تھی اور انہیں صرف حضرت موسیٰ علیہ السلام کا خیال آ رہا تھا ، جب ذبح کرنے والے لوگوں نے حضرت موسیٰ علیہ السلام کے بارے میں سنا ، تو وہ اپنی چھریاں لے کر فرعون کی اہلیہ کے پاس آئے تاکہ انہیں ذبح کر دیں ( حضرت عبداللہ بن عباس رضی اللہ عنہما نے فرمایا : ) اے ابن جبیر ! یہ بھی ایک آزمائش تھی ، فرعون کی اہلیہ نے ان لوگوں سے کہا : تم اسے چھوڑ دو کیونکہ یہ ایک بچہ بنی اسرائیل میں کوئی اضافہ نہیں کرے گا ۔ میں فرعون کے پاس جاتی ہوں اور اس سے اسے مانگ لیتی ہوں ، اگر اس نے یہ بچہ مجھے ہبہ کر دیا ، تو تم نے ایک اچھا اور عمدہ کام کیا ہو گا اور اگر فرعون نے اسے ذبح کرنے کا حکم دے دیا تو میں تمہیں ملامت نہیں کروں گی ، عورت اس بچے کو لے کے فرعون کے پاس آئی اور بولی : ( جس کا ذکر قران میں ان الفاظ میں ہے : ) ’’ یہ میری اور تمہاری آنکھوں کی ٹھنڈک ہو گا ۔‘‘ فرعون نے کہا : یہ تمہاری آنکھوں کی ٹھنڈک ہو سکتا ہے ، مجھے اس کی کوئی ضرورت نہیں ہے ۔ یہاں نبی اکرم ﷺ نے یہ ارشاد فرمایا : ’’ اس ذات کی قسم ! جس کے نام پر میں حلف اٹھاتا ہوں ، اگر فرعون ٹھنڈک کا اقرار کر لیتا ، جس طرح اس کی بیوی نے کیا تھا ، تو اللہ تعالیٰ نے اسے بھی اسی طرح ہدایت نصیب کر دینی تھی جس طرح اللہ تعالیٰ نے اس کی بیوی کو ہدایت نصیب کی تھی لیکن وہ اس سے محروم رہا ۔‘‘ فرعون کی بیوی نے اپنے آس پاس موجود ہر خاتون کو بلوایا جو دودھ پلا سکتی تھی ، تاکہ اس بچے کے لئے دودھ پلانے والی کا انتظام ہو جائے ، جو بھی عورت حضرت موسیٰ علیہ السلام کو لیتی تھی تاکہ وہ ان کو دودھ پلائے ، تو وہ اس کی چھاتی کو قبول نہیں کرتے تھے ، یہاں تک کہ فرعون کی اہلیہ کو حضرت موسیٰ علیہ السلام کے حوالے سے اندیشہ ہوا کہ اگر یہ دودھ نہیں پئیں گے ، تو فوت ہو جائیں گے ، وہ اس حوالے سے غمگین ہوئی ، اس نے بازار میں اور لوگوں کے مجمع میں کسی کو بھجوایا ، یہ امید رکھتے ہوئے کہ شاید ان کے لئے کوئی دودھ پلانے والی عورت مل جائے ، لیکن ایسا نہیں ہوا ، حضرت موسیٰ علیہ السلام کی والدہ پریشان تھیں ، انہوں نے حضرت موسیٰ علیہ السلام کی بہن سے کہا : تم جاؤ اور اس کے پیچھے پیچھے جاؤ اور اسے تلاش کرو ، ہو سکتا ہے تمہیں اس کا کوئی ذکر ملے کہ کیا میرا بیٹا زندہ ہے ، یا جانوروں نے اسے کھا لیا ہے ، وہ خاتون اس چیز کو بھول چکی تھی جو اللہ تعالیٰ نے اس کے ساتھ حضرت موسیٰ علیہ السلام کے حوالے سے وعدہ کیا تھا ، حضرت موسیٰ علیہ السلام کی بہن نے یہ صورت حال دیکھی ، ان لوگوں کو پتہ نہیں تھا کہ یہ کون ہے ، لفظ جنب کا مطلب یہ ہوتا ہے کہ آدمی دور سے موجود کسی چیز کو یوں دیکھے کہ پہلو والے کو یہ پتہ نہ چلے کہ وہ کس چیز کو دیکھ رہا ہے ، جب فرعون کے لشکریوں کو کوئی دودھ پلانے والی نہ ملی تو حضرت موسیٰ علیہ السلام کی بہن نے خوشی کے عالم میں یہ کہا : میں تمہاری رہنمائی ایک ایسے گھرانے کی طرف کرتی ہوں جو اس سلسلے میں تمہارے کام آ سکتا ہے ، اور وہ لوگ اس بچے کے خیرخواہ بھی ہوں گے ، ان لوگوں نے اس بچی کو پکڑ لیا اور کہا : تمہیں کیسے پتہ چلا کہ وہ لوگ اس بچے کے خیرخواہ ہوں گے ، کیا تم اس بچے کو جانتی ہو ، ان لوگوں کو اس بارے میں شک ہوا ، تو اے ابن جبیر یہ بھی ایک آزمائش تھی ، اس لڑکی نے کہا : وہ لوگ اس کے خیرخواہ ہوں گے اور اس پر مہربان ہوں گے ، اس اعتبار سے کہ انہیں بادشاہ کا قرب حاصل ہو گا اور انہیں بادشاہ کی طرف سے فائدہ حاصل ہو گا ، تو فرعون کے لشکریوں نے اس بچی کو چھوڑ دیا ، وہ بچی اپنی والدہ کے پاس گئی اور انہیں صورت حال کے بارے میں بتایا ، تو حضرت موسیٰ علیہ السلام کی والدہ آ گئیں ، جب اس خاتون نے حضرت موسیٰ علیہ السلام کو اپنی گود میں بٹھایا تو حضرت موسیٰ علیہ السلام نے ان کی چھاتی کی طرف منہ کیا ، اور اسے چوسنے لگے ، یہاں تک کہ دودھ پی کر سیر ہو گئے ۔ ایک خوشخبری سنانے والا فرعون کی اہلیہ کی طرف گیا تاکہ اسے یہ خوشخبری سنائے کہ ہمیں تمہارے بیٹے کے لئے دودھ پلانے والی عورت مل گئی ہے ، فرعون کی بیوی نے حضرت موسیٰ علیہ السلام کی والدہ کو پیغام بھیجا کہ انہیں اور حضرت موسیٰ علیہ السلام کو ان کے پاس لایا جائے ، جب اس عورت نے یہ صورت حال دیکھی تو اس نے حضرت موسیٰ علیہ السلام کی والدہ سے کہا : تم میرے پاس ٹھہری رہو اور میرے اس بیٹے کو دودھ پلاؤ کیونکہ مجھے جتنی اس سے محبت ہے ، اتنی محبت کسی اور چیز سے نہیں ہے ، حضرت موسیٰ علیہ السلام کی والدہ نے کہا : میں اپنا گھر اور اپنے بال بچے نہیں چھوڑ سکتی ، ورنہ وہ ضائع ہو جائیں گے ، اگر آپ مناسب سمجھیں تو یہ بچہ مجھے دے دیں ، میں اسے ساتھ لے جاتی ہوں ، یہ بچہ میرے ساتھ رہے گا ۔ میں اس کے ساتھ بھلائی کرنے میں کوئی کوتاہی نہیں کروں گی ، اگر آپ ایسا نہیں کرتی ہیں تو میں اپنا گھر بار اور بال بچوں کو نہیں چھوڑ سکتی ہوں ، حضرت موسیٰ علیہ السلام کی والدہ کو وہ چیز یاد آ چکی تھی جو اللہ تعالیٰ نے ان کے ساتھ وعدہ کیا تھا ، یہ بات فرعون کی اہلیہ کے لئے مشقت کا باعث تھی اور حضرت موسیٰ علیہ السلام کی والدہ کو اس بات کا یقین ہو گیا تھا کہ اللہ تعالیٰ اپنا وعدہ پورا کرے گا اور اس خاتون کو ان کے گھر اپنے بیٹے سمیت بھیجے گا اور پھر بستی کے رہنے والے لوگ اکٹھے ہو جائیں گے اور ظلم اور زیادتی کو روک دیں گے ، جو ان کے درمیان چل رہی تھی ۔ جب یہ طے ہو گیا تو فرعون کی اہلیہ نے حضرت موسیٰ علیہ السلام کی والدہ سے کہا : تم نے میرے بیٹے کو مجھے دکھانا ہے ، پھر یہ طے ہوا کہ فلاں دن وہ خاتون اس بچے کو لے کے فرعون کی اہلیہ کے پاس آئے گی ، تو فرعون کی بیوی نے اپنے خزانچیوں ، اپنے درباریوں اور اہلکاروں سے یہ کہا : تم میں سے ہر ایک شخص آج میرے بیٹے کا کسی تحفے کے ہمراہ استقبال کرے گا ۔ میں اس صورت حال کا خود جائزہ لوں گی اور ایک امین شخص کو بھیجوں گی ، تم میں سے ہر ایک شخص نے جو دیا ہو گا وہ سب کا حساب رکھے گا ، تو حضرت موسیٰ علیہ السلام کو مسلسل تحائف اور اس طرح کی دیگر چیزیں ملتی رہیں ، جب وہ اپنی والدہ کے گھر سے نکلے اور اس وقت تک ملتی رہیں ، جب تک وہ فرعون کی اہلیہ کے پاس نہیں آ گئے ، جب وہ فرعون کی اہلیہ کے پاس آئے ، تو اس خاتون نے حضرت موسیٰ علیہ السلام کا اعزاز اور احترام کیا ، اور اس سے خوش ہوئی اور انہیں یہ بات اچھی لگی ، فرعون کی اہلیہ حضرت موسیٰ علیہ السلام کی والدہ کی اچھی تعلیم و تربیت سے بھی متاثر ہوئی ، پھر اس خاتون نے کہا : میں فرعون کے پاس جاؤں گی ، وہ بھی ان کی عزت اور احترام کرے گا ، جب فرعون کی اہلیہ اسے لے کر فرعون کے پاس آئی اور حضرت موسیٰ علیہ السلام کو فرعون کی گود میں بٹھایا تو حضرت موسیٰ علیہ السلام نے فرعون کی داڑھی پکڑی اور اسے زمین کی طرف کھینچنے لگے ، تو اللہ کے دشمن سرکش لوگوں نے کہا : کیا آپ نے دیکھا نہیں کہ اللہ تعالیٰ نے اپنے نبی حضرت ابراہیم علیہ السلام کے ساتھ جو وعدہ کیا تھا ، وہ یہی تھا کہ جو بچہ آپ کے ہاں تربیت پائے گا اور آپ کے ہاں غالب آ جائے گا اور آپ کو پچھاڑ دے گا ، تو فرعون نے ذبح کرنے والے لوگوں کو پیغام بھیج کر بلوایا ، تاکہ وہ اس بچے کو ذبح کر دیں ، اے ابن جبیر یہ بھی ایک آزمائش تھی ، جو اس سے پہلے کی تمام آزمائشوں کے بعد سامنے آئی تھی اور یہ ایک بڑی آزمائش تھی ، فرعون کی بیوی دوڑتی ہوئی فرعون کے پاس آئی اور بولی : آپ نے جو بچہ مجھے ہبہ کیا تھا ، اس کے بارے میں آپ کو کیا مناسب لگ رہا ہے ، فرعون نے کہا : تم نے اسے دیکھا نہیں ہے ، یہ سمجھتا ہے کہ یہ مجھے پچھاڑ دے گا اور یہ مجھ پر غالب آ جائے گا ، فرعون کی بیوی نے کہا : آپ میرے اور اپنے درمیان ایک معاملہ طے کر لیں ، جس کے حوالے سے آپ کو حق کا پتہ چل جائے گا ، آپ دو انگارے لے آئیں اور دو موتی لے آئیں ، وہ اس بچے کے سامنے کریں ، اگر اس نے دونوں موتی پکڑ لیے اور انگاروں سے اجتناب کیا ، تو اس سے آپ کو پتہ چل جائے گا کہ یہ عقل رکھتا ہے ، اور اگر اس نے انگارے پکڑ لئے ، موتیوں کی طرف نہ دیکھا ، تو اس سے آپ کو پتہ چل جائے گا کہ جو بچہ انگاروں کے مقابلے میں موتیوں کو ترجیح نہیں دے سکتا ، کیا وہ عقل رکھ سکتا ہے ، ایسا ہی کیا گیا ، تو حضرت موسیٰ علیہ السلام نے انگارے پکڑ لیے ، انہوں نے ان کے ہاتھ سے دونوں انگارے چھڑوا لیے ، اس اندیشے کے تحت کہ کہیں وہ انہیں جلا نہ دیں ، فرعون کی اہلیہ نے کہا : کیا آپ نے دیکھا نہیں ، تو اللہ تعالیٰ نے حضرت موسیٰ علیہ السلام سے اس چیز کو پھیر دیا ، جو پہلے وہ حضرت موسیٰ علیہ السلام کو نقصان پہنچانے کا ارادہ کر چکا تھا اور اللہ تعالیٰ ان کے بارے میں اپنے حکم کو پورا کرنے والا تھا ۔ جب حضرت موسیٰ علیہ السلام بڑے ہو گئے تو وہ ایک صحت مند شخص تھے ، آل فرعون میں سے کوئی بھی شخص بنی اسرائیل سے تعلق رکھنے والے کسی شخص کے ساتھ کوئی زیادتی یا ظلم نہیں کر سکتا تھا ، بنی اسرائیل کے لوگ اسے روک دیتے تھے ، ایک مرتبہ حضرت موسیٰ علیہ السلام شہر کے ایک کونے میں موجود تھے ، وہاں دو آدمی جھگڑا کر رہے تھے ، ان میں سے ایک فرعونی تھا اور دوسرا اسرائیلی تھا ، اسرئیلی نے فرعونی کے خلاف حضرت موسیٰ علیہ السلام سے مدد مانگی ، حضرت موسیٰ علیہ السلام شدید غصے میں آ گئے ، کیونکہ وہ اسرائیلی یہ بات جانتا تھا کہ حضرت موسیٰ علیہ السلام کا تعلق بنی اسرائیل سے ہے ، اور حضرت موسیٰ علیہ السلام بنی اسرائیل کی حفاظت کرتے ہیں ، عام لوگ یہ سمجھتے تھے کہ حضرت موسیٰ علیہ السلام ایسا اس لئے کرتے ہیں کیونکہ بنی اسرائیل کے ساتھ ان کا رضاعی تعلق ہے ، لیکن اللہ تعالیٰ نے حضرت موسیٰ علیہ السلام کو اس بات سے مطلع کر دیا تھا ، جس بات پر دوسرے لوگ مطلع نہیں تھے ، حضرت موسیٰ علیہ السلام نے فرعون کے لشکر سے تعلق رکھنے والے شخص کو مکا مار کر اسے قتل کر دیا ، ان دونوں افراد کو اللہ تعالیٰ کے علاوہ اور اسرائیلی شخص کے علاوہ اور کوئی نہیں دیکھ رہا تھا ، جب حضرت موسیٰ علیہ السلام نے اس شخص کو قتل کر دیا تو انہوں نے یہ کہا ( جس کا ذکر قرآن میں ان الفاظ میں ہے : ) ’’ یہ شیطان کے عمل کا حصہ ہے ، بے شک وہ گمراہ کرنے والا واضح دشمن ہے ۔‘‘ پھر انہوں نے یہ کہا ( جس کا ذکر قرآن میں ان الفاظ میں ہے : ) ’’ اے میرے پروردگار ! میں نے اپنے اوپر ظلم کیا ہے ، تو میری مغفرت کر دے ، تو پروردگار نے اس کی مغفرت کر دی ، بے شک وہ مغفرت کرنے والا رحم کرنے والا ہے ۔‘‘ اس کے بعد حضرت موسیٰ علیہ السلام شہر میں خوف کے عالم میں رہے اور وہ صورت حال کا جائزہ لیتے رہے ، فرعون کے پاس کوئی آیا اور اسے یہ بات بتائی گئی کہ بنی اسرائیل نے آل فرعون سے تعلق رکھنے والے ایک شخص کو قتل کر دیا ہے ، تو تم ہمارا حق ہمیں دلواؤ اور ان لوگوں کو کوئی ڈھیل نہ دو ، فرعون نے کہا : آدمی کے قاتل کو تلاش کرو ، کون اس کے خلاف گواہی دیتا ہے ، کیونکہ بادشاہ کا تعلق اگرچہ کسی ایک کے قوم کے ساتھ ہو لیکن اس کے لئے یہ ٹھیک نہیں ہے کہ وہ کسی ثبوت اور تحقیق کے بغیر بدلہ دلوائے ، تو تم لوگ اس بارے میں علم تلاش کرو ، میں تمہیں تمہارا حق دلوا دوں گا ، وہ لوگ اس بارے میں گھومتے پھرتے رہے ، لیکن انہیں کوئی ثبوت نہیں ملا ، اگلے دن حضرت موسیٰ علیہ السلام نے اسی اسرائیلی کو آل فرعون سے تعلق رکھنے والے ایک اور شخص کے ساتھ جھگڑا کرتے ہوئے دیکھا ، اسرائیلی شخص نے فرعونی کے خلاف حضرت موسیٰ علیہ السلام سے مدد مانگی ، تو حضرت موسیٰ علیہ السلام اپنے پہلے کیے ہوئے عمل پر ندامت کا شکار تھے اور وہ عمل بھی اس اسرائیلی کی وجہ سے ہوا تھا ، تو انہوں نے اسرائیلی کی وجہ سے غصے کا اظہار کرنے کو ناپسند کیا ، جو یہ چاہ رہا تھا کہ حضرت موسیٰ علیہ السلام اس فرعونی کو پکڑ لیں ، انہوں نے اسرائیلی شخص کے گزشتہ دن کے اور آج کے طرزعمل کے حوالے سے اس سے فرمایا : تم واضح غلطی کا شکار ہو ، جب حضرت موسیٰ علیہ السلام نے اس سے یہ کہا تو اسرائیلی نے حضرت موسیٰ علیہ السلام کی طرف دیکھا ، وہ گزشتہ کل کی طرح غصے کے عالم میں تھا ( یا حضرت موسیٰ علیہ السلام گزشتہ کل کی طرح غصے کے عالم میں تھے ) اسرائیلی کو یہ اندیشہ ہوا کہ کہیں ۔ حضرت موسیٰ علیہ السلام اس کی پٹائی نہ کر دیں ، حالانکہ حضرت موسیٰ علیہ السلام نے اسے مخاطب نہیں کیا تھا بلکہ فرعونی کو مخاطب کیا تھا ، اسرائیلی خوف زدہ ہوا اور اس نے یہ کہا ( جس کا ذکر قرآن میں ان الفاظ میں ہے : ) ’’ اور اس نے کہا : اے موسیٰ ! کیا تم مجھے اس طرح قتل کرنا چاہتے ہو جس طرح تم نے گزشتہ کل ایک شخص کو قتل کیا تھا ۔‘‘ اس اسرائیلی نے یہ بات سمجھی کہ شاید حضرت موسیٰ علیہ السلام اسے قتل کرنے کا ارادہ رکھتے ہیں ، بہرحال ان دونوں آدمیوں کا جھگڑا ہوا ، پھر وہ جھگڑا ختم ہو گیا ، فرعون کی قوم سے تعلق رکھنے والا شخص اپنی قوم کے پاس گیا اور اس نے اسرائیلی شخص سے جو بات سنی تھی ، اس کے بارے میں ان لوگوں کو بتایا کہ اس اسرائیلی نے یہ کہا تھا : ’’ کیا تم یہ چاہتے ہو کہ مجھے اس طرح قتل کر دو جس طرح تم نے گزشتہ کل ایک شخص کو قتل کیا تھا ۔‘‘ تو فرعون نے ذبح کرنے والے لوگوں کو بھیجا تاکہ وہ لوگ حضرت موسیٰ علیہ السلام کو قتل کر دیں ، فرعون کے بھیجے ہوئے لوگ بڑے راستے میں تھے اور اپنے عام طریقے کے مطابق چلتے ہوئے حضرت موسیٰ علیہ السلام کو تلاش کر رہے تھے ، انہیں یہ اندیشہ نہیں تھا کہ وہ حضرت موسیٰ علیہ السلام کو نہیں ڈھونڈ پائیں گے ، اسی دوران شہر کے دور کنارے سے حضرت موسیٰ علیہ السلام کی قوم سے تعلق رکھنے والا ایک شخص ان کے پاس آیا ، اس نے ایک مختصر قریبی راستہ اختیار کیا تھا ، یہاں تک کہ فرعون کے آدمیوں سے پہلے وہ حضرت موسیٰ علیہ السلام کے پاس پہنچ گیا اور انہیں صورت حال کے بارے میں بتایا ، تو اے ابن جبیر ! یہ بھی ایک آزمائش تھی ، حضرت موسیٰ علیہ السلام وہاں سے نکلے اور مدین کی طرف روانہ ہو گئے ، انہیں اس سے پہلے کسی آزمائش کا سامنا نہیں کرنا پڑا تھا ، انہیں راستے کے بارے میں بھی کوئی پتہ نہیں تھا ، البتہ انہیں اپنے پروردگار کے بارے میں اچھا گمان تھا ، انہوں نے یہ کہا ( جس کا ذکر قرآن میں ان الفاظ میں ہے : ) ’’ عنقریب میرا پروردگار سیدھے راستے کی طرف میری رہنمائی فرما دے گا ، جب وہ مدین کے پانی کے پاس پہنچے ، تو وہاں انہوں نے لوگوں کو پایا کہ جو پانی حاصل کر رہے تھے اور لوگوں کے پرے دو عورتوں کو پایا جو ایک طرف تھیں ۔‘‘ اس سے مراد یہ ہے : ان دونوں خواتین نے اپنی بکریوں کو روکا ہوا تھا ، حضرت موسیٰ علیہ السلام نے ان خواتین سے دریافت کیا : تم دونوں کا کیا معاملہ ہے کہ تم دونوں الگ تھلگ کھڑی ہو اور لوگوں کے ساتھ پانی حاصل نہیں کر رہی ہو ، تو ان دونوں خواتین نے کہا : ہمارے اندر اتنی قوت نہیں ہے کہ ہم لوگوں کے ساتھ مزاحمت کر سکیں ، ہم انتظار کر رہی ہیں کہ یہ حوض فارغ ہو جائے گا ، تو حضرت موسیٰ علیہ السلام نے ان دونوں کو پانی لا کے دیا ، انہوں نے ڈول میں بہت زیادہ پانی بھر لیا ، یہاں تک کہ تمام چرواہوں سے پہلے وہ دونوں خواتین فارغ ہو گئیں ، وہ دونوں خواتین اپنی بکریاں لے کر اپنے والد کے پاس گئیں ۔ حضرت موسیٰ علیہ السلام وہاں سے مڑے اور ایک درخت کے سائے میں آ گئے ( انہوں نے یہ کہا : جس کا ذکر قرآن میں ان الفاظ میں ہے : ) ’’ تو اس نے کہا : اے میرے پروردگار ! تو میری طرف جو بھلائی نازل کرے گا ۔ میں اس کا محتاج ہوں ۔‘‘ ان دونوں خواتین کے والد کو ان کے جلدی آنے پر حیرانگی ہوئی کہ وہ اتنی جلدی بکریوں کو پانی پلا کے کیسے آ گئی ہیں ، تو ان کے والد نے کہا : آج تو تم دونوں کے ساتھ کوئی نئی صورت حال پیش آئی ہے ، ان دونوں خواتین نے اپنے والد کو حضرت موسیٰ علیہ السلام کے طرزعمل کے بارے میں بتایا ، تو ان کے والد نے ان میں سے ایک خاتون کو یہ کہا : وہ حضرت موسیٰ علیہ السلام کو ان کے پاس بلا کے لائے ، وہ خاتون حضرت موسیٰ علیہ السلام کے پاس آئی اور انہیں بلایا ، جب انہوں نے حضرت موسیٰ علیہ السلام کے ساتھ بات چیت کی ، تو حضرت شعیب علیہ السلام نے کہا : ( جس کا ذکر قرآن میں ان لفاظ میں ہے : ) ’’ تم خوف زدہ نہ ہو ، تم نے ظلم کرنے والوں سے نجات پا لی ہے ۔‘‘ اس کی وجہ یہ تھی کہ فرعون کو یا اس کی قوم کو حضرت شعیب علیہ السلام پر غلبہ حاصل نہیں تھا اور حضرت شعیب علیہ السلام ان کی مملکت میں نہیں رہتے تھے ۔ حضرت شعیب علیہ السلام کی دونوں صاحبزادیوں میں سے ایک نے یہ کہا ( جس کا ذکر قرآن میں ان الفاظ میں ہے : ) ’’ اے ابا جان ! آپ انہیں ملازم رکھ لیں کیونکہ آپ انہیں ملازم رکھیں گے تو یہ ایک طاقتور اور امین شخص ہیں ۔‘‘ حضرت شعیب علیہ السلام کو اس بات پر حیرت ہوئی ، انہوں نے کہا : تمہیں کیسے پتہ چلا کہ یہ طاقتور ہے اور یہ امین ہے ؟ اس خاتون نے کہا : جہاں تک ان کی قوت کا تعلق ہے ، تو میں نے دیکھا کہ جب انہوں نے ہمیں پانی پلایا تھا ، تو ڈول نکالنے سے اندازہ ہو گیا ، پانی نکالنے کے حوالے سے کوئی بھی شخص ان سے زیادہ طاقتور نہیں تھا اور جہاں تک ان کی امانت کا تعلق ہے ، تو اس کی وجہ یہ ہے ، جب انہوں نے مجھے دیکھا کہ میں ان کی طرف آ رہی ہوں اور جب انہیں یہ اندازہ ہو گیا کہ میں ایک عورت ہوں ، تو انہوں نے اپنا سر جھکا لیا اور اسے اٹھایا نہیں ، اور میری طرف نہیں دیکھا ، یہاں تک کہ میں نے آپ کا پیغام انہیں پہنچایا ، تو انہوں نے کہا : آپ میرے پیچھے چلیں اور مجھے راستے کے بارے میں بتاتی رہیں ، تو یہ کام صرف کوئی امین شخص ہی کر سکتا ہے ، اس سے اس خواتین کے والد کو اطمینان ہوا اور انہوں نے اس خاتون کے بیان کو ٹھیک سمجھا اور حضرت موسیٰ علیہ السلام کے بارے میں وہی گمان کیا ، جو اس خاتون نے بیان کیا تھا ، حضرت شعیب علیہ السلام نے حضرت موسیٰ علیہ السلام سے کہا : کیا تمہیں اس بات میں دلچسپی ہے ( آگے کے الفاظ قرآن میں ہیں : ) ’’ کہ میں ان دو بیٹیوں میں سے ایک کے ساتھ تمہاری شادی کر دوں ، اس شرط پر کہ تم آٹھ سال تک میرے ہاں ملازمت کرو اور اگر تم دس سال مکمل کر لو ، تو یہ تمہاری مرضی ہے ، میں تمہیں مشقت کا شکار نہیں کرنا چاہتا ، اگر اللہ نے چاہا تو تم مجھے نیک لوگوں میں سے ایک پاؤ گے ۔‘‘ تو حضرت موسیٰ علیہ السلام نے ایسا ہی کیا ، اللہ کے نبی حضرت موسیٰ علیہ السلام پر آٹھ سال واجب تھے اور دو سالوں کا انہوں نے اپنی طرف سے وعدہ کیا تھا ، تو اللہ تعالیٰ نے ان کی تعداد کو مکمل کروایا اور دس سال پورے کروا دیے ۔ سعید بن جبیر کہتے ہیں : عیسائیوں کے علماء میں سے ایک شخص مجھ سے ملا اور اس نے دریافت کیا : کیا تم جانتے ہو کہ حضرت موسیٰ علیہ السلام نے دو قسم کی مدتوں میں سے کون سی مدت مکمل کی تھی ؟ میں نے جواب دیا : جی نہیں ، اور میں واقعی اس وقت یہ بات نہیں جانتا تھا ، پھر میری ملاقات حضرت عبداللہ بن عباس رضی اللہ عنہما سے ہوئی ، تو میں نے ان کے سامنے اس بات کا ذکر کیا ، تو انہوں نے فرمایا : کیا تم یہ بات نہیں جانتے ہو کہ حضرت موسیٰ علیہ السلام پر آٹھ سال گزارنا لازم تھے ، اللہ کے نبی نے اس میں کوئی کمی نہیں کرنی تھی اور تم یہ بات بھی جانتے ہو کہ اللہ تعالیٰ نے حضرت موسیٰ علیہ السلام کی طرف سے اس چیز کو پورا کروایا ، جس تعداد کا حضرت موسیٰ علیہ السلام نے وعدہ کیا تھا ، تو اس طرح حضرت موسیٰ علیہ السلام نے دس سال پورے کیے تھے ، سعید کہتے ہیں : میری ملاقات اس عیسائی سے ہوئی ، میں نے اسے اس بارے میں بتایا ، تو اس نے کہا : تم نے جس سے اس کے بارے میں دریافت کیا ہے اور جس نے تمہیں اس بارے میں بتایا ہے ، وہ اس حوالے سے تم سے زیادہ علم رکھتا ہے ، تو میں نے کہا : وہ اس سے زیادہ جلیل القدر اور اس سے زیادہ اولی ہیں ( کہ ان کے پاس زیادہ علم ہو ) ۔ جب حضرت موسیٰ علیہ السلام اپنی اہلیہ کو لے کر چلے ، تو پھر آگ ، عصا اور ان کے ہاتھ کا واقعہ پیش آیا ، جو اللہ تعالیٰ نے قرآن مجید میں بیان کیا ہے ، پھر حضرت موسیٰ علیہ السلام نے اپنے پروردگار کی بارگاہ میں یہ شکایت کی کہ انہیں فرعون کے ماننے والوں کی طرف سے قتل ہونے کا اندیشہ ہے ، اور ان کی زبان میں لکنت بھی پائی جاتی ہے ، ان کی زبان میں لکنت موجود تھی جس کی وجہ سے وہ بہت سے الفاظ ادا نہیں کر سکتے تھے ، انہوں نے اپنے پروردگار سے یہ دعا کی کہ ان کے بھائی ہارون کے ذریعے ان کی مدد کرے تاکہ وہ ان کے لئے سہارا بن جائیں اور ان کی طرف سے ایسی بہت سی باتیں بیان کر دیا کریں ، جنہیں وہ فصیح طور پر ادا نہیں کر سکتے ہیں ، تو اللہ تعالیٰ نے ان کی یہ دعا پوری کی اور حضرت ہارون علیہ السلام ان کی طرف سے بہت ہی باتیں بول دیتے تھے ، جنہیں حضرت موسیٰ علیہ السلام کی زبان فصیح طور پر ادا نہیں کر سکتی تھی ، یوں ان کی زبان کا مسئلہ حل ہو گیا ، اللہ تعالیٰ نے حضرت ہارون علیہ السلام کی طرف یہ وحی کی اور انہیں یہ حکم دیا کہ وہ حضرت موسیٰ علیہ السلام سے ملیں ، حضرت موسیٰ علیہ السلام نے اپنا عصا لیا ، وہ حضرت ہارون علیہ السلام سے ملے ، پھر یہ دونوں صاحبان فرعون کے پاس گئے اور اس کے دروازے پر خاصی دیر ٹھہرے رہے ، انہیں اجازت نہیں ملی ، شدید حجاب کے بعد ان دونوں کو اجازت دی گئی ، ان دونوں نے ( فرعون سے کہا : جس کا ذکر قرآن میں ان الفاظ میں ہے : ) ’’ بے شک ہم تمہارے پروردگار کے رسول ہیں ۔‘‘ فرعون نے دریافت کیا : اے موسیٰ ! تم دونوں کا پروردگار کون ہے ؟ تو حضرت موسیٰ علیہ السلام نے اسے اس بارے میں بتایا ، جس کا ذکر اللہ تعالیٰ نے قرآن میں تم لوگوں کے سامنے بیان کیا ہے ، فرعون نے کہا : تم کیا چاہتے ہو ؟ پھر فرعون نے مقتول شخص کا ذکر کیا اور اس حوالے سے جو گفتگو ہوئی وہ تم سن چکے ہو ، حضرت موسیٰ علیہ السلام نے کہا : میں یہ چاہتا ہوں کہ تم اللہ پر ایمان لے آؤ اور میرے ساتھ بنی اسرائیل کو بھیج دو ، فرعون نے ان کی یہ بات نہیں مانی ، اس نے کہا : اگر تم سچے ہو تو کوئی آیت ( یعنی معجزہ ) پیش کرو ، حضرت موسیٰ علیہ السلام نے عصا رکھا ، تو وہ ایک بڑا اژدھا بن گیا ، جس نے اپنا منہ کھولا ہوا تھا ، وہ تیزی سے فرعون کی طرف لپکا ، جب فرعون نے دیکھا کہ وہ اژدھا اس کی طرف آ رہا ہے ، تو وہ اپنے تخت سے نیچے اتر آیا ، اس نے حضرت موسیٰ علیہ السلام سے مدد مانگی کہ وہ اژدھے کو اس سے روک دیں ، تو حضرت موسیٰ علیہ السلام نے ایسا ہی کیا ، پھر حضرت موسیٰ علیہ السلام نے اپنے گریبان میں سے ہاتھ باہر نکالا ، تو وہ چمک رہا تھا اور کسی خرابی یعنی برص کے بغیر تھا ، پھر حضرت موسیٰ علیہ السلام نے اسے واپس ڈالا تو وہ پہلے کے رنگ کی طرح ہو گیا ، فرعون نے اپنے آس پاس موجود افراد سے اس بارے میں مشورہ لیا جو ان لوگوں نے دیکھا تھا ، تو اس کے ساتھیوں نے فرعون سے کہا : ( جس کا ذکر قرآن میں ہے : ) ’’ بے شک یہ دونوں دو جادوگر ہیں جو یہ چاہتے ہیں کہ تمہیں تمہاری سرزمین سے اپنے جادو کے زور پر نکال دیں اور تمہارا مثالی طریقہ ( یعنی عمدہ دین ) لے جائیں ۔‘‘ ان لوگوں کی مراد یہ تھی کہ ان کی جو بادشاہی ہے اور جس طرح وہ جی رہے ہیں ، اس کو لے جائیں ، ان لوگوں نے اس چیز کو دینے سے انکار کر دیا جو حضرت موسیٰ علیہ السلام نے مطالبہ کیا تھا ، اس کے ساتھیوں نے فرعون سے کہا : تم جادوگروں کو اکٹھا کرو کیونکہ آپ کے علاقے میں جادوگر بہت سے ہیں ، تو ان جادوگروں کا جادو ان دونوں افراد کے جادو پر غالب آ جائے گا ، فرعون نے لوگوں کو شہر میں بھیجا اور ہر جادوگر کو اکٹھا کر لیا گیا ، جب وہ لوگ فرعون کے پاس آئے تو انہوں نے کہا : یہ جادوگر کیا کام کرتا ہے ، درباریوں نے بتایا کہ یہ اژدھے کے شکل میں کام کرتا ہے ، تو ان جادوگروں نے کہا : اللہ کی قسم ! روئے زمین پر کوئی شخص ایسا نہیں ہے جو اژدھے اور عصا کے ذریعے جادو کا عمل کرتا ہو ، جو عمل یہ شخص کرتا ہے ، لیکن اگر ہم لوگ غالب آ گئے تو پھر ہمیں کیا معاوضہ ملے گا ؟ فرعون نے ان سے کہا : تم میرے مقرب اور خاص بندے بن جاؤ گے اور میں تمہارے ساتھ وہ اچھائی کروں گا ، جو تم چاہو گے ، تو ان لوگوں نے یہ طے کیا کہ زینت والے دن ( مقابلہ ہو گا ) جس کا ذکر قرآن میں ان الفاظ میں ہے ( ارشاد باری تعالیٰ ہے : ) ’’ اور لوگ چاشت کے وقت اکٹھے ہو جائیں ۔‘‘ سعید بن جبیر بیان کرتے ہیں : حضرت عبداللہ بن عباس رضی اللہ عنہما نے مجھے یہ بات بتائی کہ زینت کا دن وہ دن تھا ، جس دن میں اللہ تعالیٰ نے حضرت موسیٰ علیہ السلام کو فرعون اور جادوگروں پر غلبہ عطا کیا اور یہ عاشورہ کا دن تھا ، جب سب لوگ ایک میدان میں اکٹھے ہو گئے تو لوگوں نے ایک دوسرے سے کہا : تم لوگ چلو تاکہ ہم اس معاملے کے وقت موجود رہیں ، تاکہ ہم جادوگروں کی پیروی کر لیں ، اگر وہ لوگ غالب آ گئے ، ان لوگوں کی مراد حضرت موسیٰ علیہ السلام اور حضرت ہارون علیہ السلام تھے ، اور لوگوں نے ان دونوں حضرات کا مذاق اڑاتے ہوئے یہ بات کہی تھی ، جادوگروں نے کہا : اے موسیٰ ! کیا آپ پہلے ڈالیں گے یا پہلے ہم ڈالیں ؟ انہوں نے جادو پر اپنی قدرت کی وجہ سے یہ بات کہی تھی ، تو حضرت موسیٰ علیہ السلام نے کہا : بلکہ پہلے تم ڈالو ، ان لوگوں نے اپنی رسیاں اور اپنی لاٹھیاں ڈالیں اور یہ کہا : فرعون کی عزت کی قسم ! ہم غالب آ جائیں گے ، جب حضرت موسیٰ علیہ السلام نے ان کے جادو کو دیکھا تو انہیں اپنے من میں خوف محسوس ہوا ، تو اللہ تعالیٰ نے ان کی طرف یہ وحی کی کہ تم اپنا عصا ڈالو ، جب حضرت موسیٰ علیہ السلام نے عصا ڈالا ، تو وہ بڑا اژدھا بن گیا ، جس نے اپنا منہ کھولا ہوا تھا ، اور پھر حضرت موسیٰ علیہ السلام کی دعا کی بدولت اس اژدھے نے جادوگروں کی رسیوں کو نگل لیا ، یہاں تک کہ جادوگروں کا ہر ایک عصا اور ہر ایک رسی اس نے نگل لی ، جب جادوگروں نے یہ صورت حال دیکھی تو انہوں نے یہ کہا : اگر یہ جادو ہوتا تو یہ ہمارے جادو تک نہیں پہنچ سکتا تھا ، لیکن یہ اللہ تعالیٰ کی طرف سے آنے والا حکم ہے ، تو ہم اللہ تعالیٰ پر اور حضرت موسیٰ علیہ السلام جو لے کے آئے ہیں ، اس پر ایمان لاتے ہیں ، اور پہلے ہم جس چیز پر کاربند تھے ، اس کے حوالے سے اللہ تعالیٰ کی بارگاہ میں توبہ کرتے ہیں ، یوں اس مقام پر اللہ تعالیٰ نے فرعون اور اس کے ساتھیوں کی کمر توڑ دی اور حق کو ظاہر کر دیا اور جو عمل وہ لوگ کیا کرتے تھے ، اسے باطل ظاہر کر دیا اور وہاں وہ لوگ مغلوب ہو گئے اور کمتر ہو کر واپس گئے ، اس وقت فرعون کی اہلیہ اللہ تعالیٰ سے دعا کر رہی تھی کہ فرعون کے خلاف حضرت موسیٰ علیہ السلام کو مدد مل جائے ، فرعون کے ماننے والوں میں سے جس نے اس خاتون کو ایسا کرتے ہوئے دیکھا ، وہ یہی سمجھا کہ شاید فرعون اور اس کے ساتھیوں کے لئے شفقت کی وجہ سے اس خاتون نے یہ حالت بنائی ہوئی ہے ، حالانکہ اس خاتون کی پریشانی اور سوچ حضرت موسیٰ علیہ السلام کے بارے میں تھی ۔ فرعون حضرت موسیٰ علیہ السلام کے ساتھ طویل عرصے تک جھوٹے وعدے کرتا رہا کہ جب کبھی بھی اس کے پاس کوئی نشانی آتی تھی ، تو اس نشانی کے ظہور کے وقت وہ حضرت موسیٰ علیہ السلام سے یہ وعدہ کر لیتا تھا کہ وہ بنی اسرائیل کو چھوڑ دے گا اور جب وہ پریشانی ختم ہو جاتی تھی ، تو وہ وعدہ خلافی کرتا تھا ، فرعون نے کہا : کیا تمہارا پروردگار یہ استطاعت رکھتا ہے کہ اس کے علاوہ کچھ کرے ؟ تو اللہ تعالیٰ نے فرعون اور اس کی قوم پر طوفان ، ٹڈی دل ، پسو ، مینڈک اور خون ، مفصل آیات کی شکل میں بھیج دیا ، ہر موقع پر اس نے حضرت موسیٰ علیہ السلام کے سامنے شکایت کی اور حضرت موسیٰ علیہ السلام سے یہ درخواست کی کہ وہ اس مصیبت کو اس سے روک دیں اور ان کے ساتھ یہ عہد کیا کہ وہ بنی اسرائیل کو ان کے ساتھ بھیج دے گا ، جب وہ مصیبت اس سے رک جاتی تھی ، تو وہ عہد شکنی کرتا تھا اور وعدے کی خلاف ورزی کرتا تھا ، یہاں تک کہ حضرت موسیٰ علیہ السلام کو یہ حکم دیا گیا کہ وہ اپنی قوم کو ساتھ لے کر نکل کھڑے ہوں ، حضرت موسیٰ علیہ السلام رات کے وقت انہیں لے کر نکل گئے ، صبح کے وقت فرعون کو یہ بات پتہ چلی کہ بنی اسرائیل جا چکے ہیں ، تو اس نے شہر میں لوگوں کو اکٹھا ہونے کے لئے پیغام بھیجا اور ایک بڑا لشکر لے کر بنی اسرائیل کے پیچھے چل پڑا ، اللہ تعالیٰ نے دریا کی طرف یہ وحی کی کہ جب میرا بندہ اپنا عصا تم پر مارے تو تم اس کے لئے بارہ راستے بنا دینا ، یہاں تک کہ جب موسیٰ اور اس کے ساتھی وہاں سے گزر جائیں ، تو پھر تم مل جانا ، جو باقی رہ جانے والے فرعون اور اس کے ساتھیوں کے لئے ہو ، حضرت موسیٰ علیہ السلام دریا پر عصا مارنا بھول گئے ، جب وہ دریا کے پاس پہنچے تو دریا کو یہ اندیشہ تھا کہ کہیں ایسا نہ ہو کہ حضرت موسیٰ علیہ السلام اسے عصا ماریں اور وہ اس وقت غافل ہو اور وہ گناہ گار ہو جائے ، جب دونوں لشکروں نے ایک دوسرے کو دیکھا اور دونوں لشکر ایک دوسرے کے قریب آ گئے تو حضرت موسیٰ علیہ السلام کے ساتھیوں نے کہا : دشمن ہم تک پہنچ جائے گا ، آپ وہ کریں جو آپ کے پروردگار نے آپ کو حکم دیا ہے ، کیونکہ نہ تو آپ کے ساتھ غلط بیانی کی گئی ہے ، اور نہ آپ نے غلط بیانی کی ہے ، حضرت موسیٰ علیہ السلام نے کہا : پروردگار نے میرے ساتھ یہ وعدہ کیا تھا کہ جب میں دریا کے پاس آؤں گا ، تو وہ میرے لئے بارہ راستے بنا دے گا ، یہاں تک کہ میں اس میں سے گزر جاؤں گا ، اس کے بعد انہیں عصا کا خیال آیا ، تو انہوں نے دریا پر عصا مارا ، تو اس نے ان کے لئے راستے بنا دیے ، یہاں تک کہ حضرت موسیٰ علیہ السلام کے لشکر کے آخری حصے کے ساتھ فرعون کے لشکر کا ابتدائی حصہ بھی موجود تھا ، دریا اسی طرح چر گیا ، جس طرح اس کے پروردگار نے اسے حکم دیا تھا اور جس طرح حضرت موسیٰ علیہ السلام کے ساتھ وعدہ کیا گیا تھا ، جب حضرت موسیٰ علیہ السلام اور ان کے تمام ساتھی وہاں سے گزر گئے اور فرعون اور اس کے ساتھی سمندر میں داخل ہوئے ، تو وہ پھر مل گیا ، جس طرح اللہ تعالیٰ نے اسے حکم دیا تھا کہ جب حضرت موسیٰ علیہ السلام سمندر پار کر جائیں ( تو تم نے مل جانا ہے ) بنی اسرئیل نے کہا : ہمیں یہ اندیشہ ہے کہ شاید فرعون نہ ڈوبا ہو ، تو ہم اس کی ہلاکت کے حوالے سے محفوظ نہیں ہوں گے ، حضرت موسیٰ علیہ السلام نے اپنے پروردگار سے دعا کی ، تو پروردگار نے ان کے لئے فرعون کی لاش باہر نکال دی ، یہاں تک کہ بنی اسرائیل کو اس کی ہلاکت کا یقین ہو گیا ، پھر بنی اسرائیل ایک قوم کے پاس سے گزرے جو اپنے بتوں کی عبادت کر رہے تھے ، انہوں نے یہ کہا : اے موسیٰ آپ ہمارے لئے بھی ایک معبود بنا دیں ، جس طرح ان لوگوں کا معبود ہے ، حضرت موسیٰ علیہ السلام نے کہا : تم لوگ جہالت کا اظہار کرنے والی قوم ہو ، یہ بربادی کی حالت ہے ، جس میں یہ لوگ ہیں ، اور یہ لوگ جو عمل کرتے ہیں وہ باطل ہے ، تم نے عبرت والی چیزیں دیکھ لیں اور ایسی باتیں سن لی ہیں جو تمہیں کفایت کر جائیں گی ، پھر حضرت موسیٰ علیہ السلام آگے چلے گئے ، حضرت موسیٰ علیہ السلام نے انہیں ایک جگہ پڑاؤ کروایا اور پھر ان لوگوں سے یہ فرمایا : تم لوگ ہارون کی اطاعت کرنا ، میں تم پر اسے اپنا نائب بنا رہا ہوں اور اپنے پروردگار کی بارگاہ میں جا رہا ہوں ، حضرت موسیٰ علیہ السلام نے ان کے ساتھ تیس دن کی مدت مقرر کی کہ وہ تیس دن تک واپس آ جائیں گے ۔ جب وہ اپنے پروردگار کی بارگاہ میں حاضر ہوئے تو ان کا یہ ارادہ تھا کہ تیس دن میں پروردگار ان کے ساتھ کلام کر لے گا ، وہ ان دنوں میں روزے رکھتے رہے ، انہیں یہ بات پسند نہیں تھی کہ وہ اپنے پروردگار سے جب کلام کریں تو ان کے منہ سے روزہ دار کی بو آئے ، تو حضرت موسیٰ علیہ السلام نے زمین کے نباتات میں سے کوئی چیز لی اور اسے چبا لیا ، جب وہ پروردگار کی بارگاہ میں حاضر ہوئے تو پروردگار نے ان سے دریافت کیا : کیا تم نے روزہ ختم کر دیا ہے ، حالانکہ پروردگار اصل صورت کے بارے میں زیادہ بہتر جانتا تھا ، حضرت موسیٰ علیہ السلام نے عرض کی : اے میرے پروردگار ! میں نے اس بات کو ناپسند کیا کہ جب میں تیرے ساتھ کلام کروں تو میرے منہ سے بو آ رہی ہو ، پروردگار نے فرمایا : اے موسیٰ ! کیا تم یہ بات نہیں جانتے ہو کہ روزہ دار کے منہ کی بو میرے نزدیک مشک کی خوشبو سے زیادہ پاکیزہ ہے ، تم واپس جاؤ اور مزید دس روزے رکھو ، پھر تم میرے پاس آنا ، تو حضرت موسیٰ علیہ السلام نے وہی کیا جو انہیں حکم دیا تھا ۔ جب حضرت موسیٰ علیہ السلام کی قوم نے دیکھا کہ متعین مدت پوری ہو جانے کے بعد حضرت موسیٰ علیہ السلام ان لوگوں کے پاس واپس نہیں آئے ، تو ابھی وہ لوگ اس حالت میں تھے ، حضرت ہارون علیہ السلام نے انہیں خطبہ دیتے ہوئے ارشاد فرمایا : تم لوگ مصر سے نکل آئے ہو ، فرعون کی قوم کے افراد کے پاس عاریت اور ودیعت کے طور پر رکھوائی گئی کچھ چیزیں تھیں اور اسی طرح کی چیزیں تمہارے پاس بھی ہیں ، میں یہ سمجھتا ہوں کہ تم اپنا مال ان کے پاس ہی رہنے دو ، اور میں یہ سمجھتا ہوں کہ تمہارا جو مال ان لوگوں کے پاس ہے ، تم اسے روک کے رکھو ، میں کسی ودیعت کو اور عاریت کے طور پر لی ہوئی کسی چیز کو تمہارے لئے حلال قرار نہیں دیتا ہوں اور نہ ہی ان میں سے کوئی چیز ان لوگوں کو ہم واپس کریں گے ، نہ ہی اپنے لئے روکیں گے ، پھر حضرت ہارون علیہ السلام نے ایک گڑھا کھدوایا اور ہر قوم کو یہ حکم دیا ، ان کے پاس جو بھی ساز و سامان ہے یا جو بھی زیور تھا وہ سب اس میں گڑھے میں ڈال دیں ، پھر حضرت ہارون علیہ السلام نے اس پر آگ لگائی اور اسے جلا دیا اور یہ کہا : یہ نہ ہمیں ملے گا اور نہ انہیں ملے گا ۔ سامری ایک ایسا شخص تھا ، جو اس قوم سے تعلق رکھتا تھا ، جو گائے کی عبادت کیا کرتے تھے ، وہ لوگ بنی اسرائیل کے پڑوسی تھے ، سامری کا تعلق بنی اسرائیل سے نہیں تھا ، جب حضرت موسیٰ علیہ السلام اور بنی اسرائیل وہاں آئے تھے ، وہ بھی حضرت موسیٰ علیہ السلام کے ساتھ آ گیا تھا ، ایک مرتبہ اس نے فرشتے کے قدم کا نشان دیکھ لیا تو وہاں سے مٹھی بھر مٹی لے لی ، وہ اس مٹی کو لے کر حضرت ہارون علیہ السلام کے پاس سے گزرا ، حضرت ہارون علیہ السلام نے کہا : اے سامری ! تمہارے ہاتھ میں جو ہے ، کیا تم اسے نہیں ڈالو گے ، اس وقت اس نے مٹھی میں مٹی لی ہوئی تھی اور کوئی شخص اسے دیکھ نہیں سکتا تھا ، اس نے بتایا کہ یہ فرشتے کے نشان قدم کی مٹی ہے جو میں نے اس وقت لی تھی کہ جب آپ لوگ سمندر پار کر رہے تھے اور یہ میں جس چیز پر ڈالتا ہوں ، تو جب آپ اللہ تعالیٰ سے دعا کریں گے اور میں اس کو ڈالوں گا ، تو ویسے ہی ہو گا جیسا میں چاہوں گا ، پھر سامری نے اس مٹی کو ڈالا ، حضرت ہارون علیہ السلام نے اس کے لئے دعا کی ، سامری نے کہا : میں یہ چاہتا ہوں کہ یہ بچھڑا بن جائے ، تو اس گڑھے میں جتنا بھی ساز و سامان لوہا پیتل موجود تھا ، وہ سارا بچھڑا بن گیا ، جو اندر سے خالی تھا ، جس میں روح موجود نہیں تھی ، لیکن اس میں سے آواز آتی تھی ۔ حضرت عبداللہ بن عباس رضی اللہ عنہما بیان کرتے ہیں : اللہ کی قسم ! وہ کوئی حقیقی آواز نہیں تھی بلکہ وہ ایک ہوا تھی جو نیچے کی طرف سے اس میں داخل ہوتی تھی اور منہ کی طرف سے باہر آ جاتی تھی ، تو وہ اس چیز کی آواز تھی ، پھر بنی اسرائیل مختلف فرقوں میں تقسیم ہو گئے ، ایک فرقے نے یہ کہا : اے سامری ! یہ کیا ہے ؟ تم اس کے بارے میں زیادہ بہتر جانتے ہو ، سامری نے کہا : یہ تمہارا پروردگار ہے ، اصل میں حضرت موسیٰ علیہ السلام راستے سے بھٹک گئے تھے ، ایک گروہ نے کہا : ہم اسے جھوٹا قرار نہیں دیتے ، جب تک حضرت موسیٰ علیہ السلام ہمارے پاس واپس نہیں آ جاتے ، اگر یہ ہمارا پروردگار ہوا ، تو ہم اسے ضائع نہیں کریں گے اور ہم نے اس کے حوالے سے جو چیز دیکھی ہے ، اس بارے میں اس کے حوالے سے عاجز نہیں آئیں گے اور اگر یہ ہمارا پروردگار نہ ہوا ، تو ہم حضرت موسیٰ علیہ السلام کے قول کی پیروی کر لیں گے ، ایک گروہ نے یہ کہا : یہ شیطان کا عمل ہے ، یہ بچھڑا نہ تو ہمارا پروردگار ہے اور نہ ہی ہم اس پر ایمان لائیں گے اور نہ ہی اس کی تصدیق کریں گے ۔ سامری نے بچھڑے کے بارے میں جو کچھ کہا تھا ، ان میں سے ایک گروہ کے دل میں اس کی تصدیق کی بات ڈال دی گئی اور ان لوگوں نے اس کی تکذیب کا اعلان بھی کیا ، تو حضرت ہارون علیہ السلام نے ان لوگوں سے کہا : اے میری قوم ! تم اس کے حوالے سے آزمائش کا شکار ہوئے ہو ، ہمارا پروردگار جو رحمن ہے ، وہ ایسا نہیں ہے ، لوگوں نے کہا : کیا وجہ ہے کہ حضرت موسیٰ علیہ السلام نے تیس دن کا وعدہ کیا تھا اور پھر انہوں نے خلاف ورزی کی ہے ، اب تو چالیس دن گزرنے والے ہیں ، بے وقوف لوگوں نے یہ کہا : حضرت موسیٰ علیہ السلام اپنے پروردگار کے پاس پہنچے ہی نہیں ہوں گے اور وہ اس کی تلاش میں ہوں گے ۔ جب اللہ تعالیٰ نے حضرت موسیٰ علیہ السلام کے ساتھ کلام کیا تو اس کلام میں انہیں یہ بات بھی بتائی کہ ان کے بعد ان کی قوم کو کس طرح کی صورت حال کا سامنا کرنا پڑا ہے ، تو حضرت موسیٰ علیہ السلام غصے اور افسوس کے عالم میں اپنی قوم کی طرف واپس آئے اور انہوں نے اپنی قوم سے وہ کہا ، جو تم لوگ قرآن میں سن چکے ہو کہ انہوں نے اپنے بھائی کا سر پکڑا اور اسے اپنی طرف کھینچا اور الواح کو ایک طرف رکھ دیا ، پھر انہوں نے اپنے بھائی کو معذور قرار دیا اور اس کے لئے دعائے مغفرت کی ، پھر وہ سامری کی طرف مڑے اور اس سے دریافت کیا : تم نے جو کیا ہے ، تم نے ایسا کیوں کیا ؟ تو اس نے بتایا : میں نے فرشتے کے نشان قدم کی مٹی لی تھی ، میں اس کو پہچان گیا تھا اور آپ لوگ اسے نہیں دیکھ پائے تھے ، میں نے وہ اس پر ڈال دی تھی ، میرے جی کو یہی بات بھلی لگی ، تو موسیٰ علیہ السلام نے یہ کہا کہ تم جاؤ ، تمہارے لیے ( دنیاوی ) زندگی میں یہی سزا ہے کہ تم یہی کہتے رہنا : نہ چھونا ، اور تمہارے لیے ( عذاب کا ) ایک وعدہ بھی ہے جس کی ہرگز خلاف ورزی نہیں ہو گی اور تم اپنے ( باطل ) معبود کو دیکھ جس ( کی عبادت ) پر تو جم کے بیٹھا ہے ، ہم اس کو ضرور جلا دیں گے اور اس کی راکھ کو دریا میں بکھیر دیں گے ‘‘ اگر یہ معبود ہوتا تو اس میں سے کوئی بھی چیز اس تک نہیں آئی تھی ، اس پر بنی اسرائیل کو یقین آ گیا اور وہ لوگ ان کے حوالے سے رشک کا شکار ہوئے ، جن کی رائے اس بچھڑے کے بارے میں حضرت ہارون علیہ السلام کی رائے کے مطابق تھی ، ان میں سے ایک جماعت نے حضرت موسیٰ علیہ السلام سے کہا : آپ اپنے پروردگار سے ہمارے لئے یہ درخواست کریں کہ وہ ہمارے لئے توبہ کا دروازہ کھول دے ، تاکہ ہم نے جو عمل کیا ہے ، وہ توبہ ہمارے اس عمل کا کفارہ بن جائے ، حضرت موسیٰ علیہ السلام نے اپنی قوم کے ستر افراد کو اس مقصد کے لئے منتخب کیا تاکہ وہ پہاڑ پر جائیں ، یہ ان افراد میں سے تھے جنہوں نے بچھڑے کے حوالے سے شرک نہیں کیا تھا ، حضرت موسیٰ علیہ السلام ان لوگوں کو ساتھ لے کر گئے تاکہ ان کے لئے توبہ کی درخواست کریں ، تو ان لوگوں سمیت زمین کانپنے لگی ، تو اللہ کے نبی کو اپنی قوم اور وفد کے حوالے سے حیا آئی کہ جب ان کے ساتھ یہ عمل ہوا ، انہوں نے کہا : اے میرے پروردگار ! اگر تو چاہے تو اس سے پہلے انہیں ہلاکت کا شکار کر دیتا اور مجھے بھی ہلاکت کا شکار کر دیتا ، کیا تو ہمیں اس حوالے سے ہلاکت کا شکار کرنا چاہتا ہے ، جو کام ہم میں سے بے وقوف لوگوں نے کیا ہے ، ان لوگوں میں ایسا شخص تھا ، جس کے بارے میں اللہ تعالیٰ یہ جانتا تھا کہ اس کے دل میں بچھڑے کی محبت ہے ، اور اس پر ایمان ہے اور اسی وجہ سے ان لوگوں کے لئے زمین کانپی تھی ، تو پروردگار نے فرمایا : میری رحمت ہر چیز پر وسیع ہے اور میں عنقریب اسے ان لوگوں کے لئے نوٹ کر لوں گا جو پرہیزگاری اختیار کرتے ہیں اور زکوۃ دیں گے اور وہ لوگ ہماری آیات پر ایمان رکھیں گے ، وہ لوگ جو رسول نبی امی کی پیروی کریں گے ، جس کا ذکر ان لوگوں نے اپنے پاس تورات اور انجیل میں موجود پایا ہے ، حضرت موسیٰ علیہ السلام نے کہا : اے میرے پروردگار ! میں نے تجھ سے توبہ کی درخواست کی ہے اور تو نے یہ فرمایا ہے کہ تو اپنی رحمت کو ایک قوم کے لئے لکھ دے گا جو میری قوم کے علاوہ ہو گی ، اے کاش تو مجھے اتنا زندہ رکھتا کہ تو مجھے ان صاحب کی امت مرحومہ میں زندہ ہونے کے طور پر نکالتا ، تو اللہ تعالیٰ نے ان سے فرمایا : ان لوگوں کی توبہ میں یہ بات شامل ہو گی کہ ان میں سے ہر ایک فرد جس سے بھی ملے گا ، اسے قتل کر دے گا ، خواہ وہ اس کا والد ہو یا اولاد ہو ، وہ تلوار کے ذریعے اسے قتل کر دے گا اور اس بات کی پرواہ نہیں کرے گا کہ اس نے اپنے مقصد کے لئے کسے قتل کیا ہے ، پھر حضرت موسیٰ علیہ السلام ان لوگوں کو لے کر ارض مقدس کی طرف روانہ ہو گئے ، انہوں نے غصہ ختم ہو جانے کے بعد الواح لے لیں اور ان لوگوں کو وہ حکم دیا جس کے بارے میں انہیں حکم دیا گیا ، تاکہ وہ ان وظائف کی تبلیغ کریں ، یہ کام ان لوگوں پر گراں گزرا ، انہوں نے اس کا اقرار کرنے سے انکار کر دیا ، تو اللہ تعالیٰ نے ان پر پہاڑ کو یوں کر دیا کہ جیسے وہ بادل ہو ، وہ ان کے اتنا قریب آ گیا کہ انہیں یہ اندیشہ ہوا کہ شاید وہ پہاڑ ان پر گر نہ جائے ، تو انہوں نے اپنے دائیں ہاتھ کے ذریعے اس کتاب کو لیا اور وہ پہاڑ اور زمین کی طرف دیکھ رہے تھے ، کتاب ان کے سامنے تھی ، وہ پہاڑ کی طرف دیکھ رہے تھے ، انہیں یہ اندیشہ تھا کہ کہیں وہ ان پر گر نہ جائے ، پھر وہ وہاں سے روانہ ہوئے ، یہاں تک کہ وہ ارض مقدس آ گئے ، وہاں انہوں نے ایک شہر پایا ، جس میں سخت جان لوگ رہتے تھے ، جن کی ظاہری جسامت مختلف تھی ، پھر انہوں نے وہاں کے پھلوں کے حوالے سے عجیب و غریب باتیں ذکر کیں ، تو انہوں نے کہا : اے موسیٰ ! اس شہر میں تو زبردست لوگ رہتے ہیں ، ہمارے پاس ان کا مقابلہ کرنے کی طاقت نہیں ہے اور جب تک یہ لوگ اس شہر میں ہیں ، ہم اس شہر میں داخل نہیں ہوں گے ، اگر یہ لوگ اس شہر سے نکل جائیں گے تو ہم داخل ہو جائیں گے ، تو جو لوگ خوف رکھتے تھے ان دونوں نے یہ کہا جن پر اللہ تعالیٰ نے انعام کیا تھا ، ان دو افراد کا تعلق اس دشمن قوم سے تھا ، انہوں نے یہ کہا : ہم حضرت موسیٰ علیہ السلام پر ایمان لاتے ہیں ، وہ دونوں نکل کر حضرت موسیٰ علیہ السلام کے پاس آ گئے اور ان دونوں نے یہ بتایا کہ اپنی قوم کے بارے میں ہم زیادہ علم رکھتے ہیں ، اگر تم لوگوں کو ان کی ظاہری جسامت کے حوالے سے اور ان کی تعداد کے حوالے سے اندیشہ ہے تو ان لوگوں کے دل میں ( کوئی بہادری وغیرہ ) نہیں ہے اور نہ ہی وہ روکنے کی صلاحیت رکھتے ہیں ، تو تم دروازے سے داخل ہو جاؤ ، جب تم داخل ہو جاؤ گے تو تم غالب آ جاؤ گے ۔ کچھ لوگوں کا یہ کہنا ہے کہ وہ دو افراد حضرت موسیٰ علیہ السلام کی قوم سے تعلق رکھتے تھے ، جب کہ سعید بن جبیر کے حوالے سے یہ بات بیان کی گئی ہے کہ وہ دو افراد دشمن قوم سے تعلق رکھتے تھے اور وہ حضرت موسیٰ علیہ السلام پر ایمان لائے تھے ، اللہ تعالیٰ نے یہ فرمایا ہے : ’’ ان لوگوں میں سے جو خوف رکھتے ہیں ۔‘‘ اس کے ذریعے مراد وہ لوگ ہیں کہ بنی اسرائیل کو جن لوگوں کے حوالے سے خوف تھا ، بنی اسرائیل نے کہا : اے موسیٰ ! آپ اور آپ کا پروردگار جائیں اور جنگ کر لیں ، ہم تو یہاں بیٹھے ہوئے ہیں ، ان لوگوں نے حضرت موسیٰ علیہ السلام کو غضبناک کر دیا ، تو حضرت موسیٰ علیہ السلام نے ان کے خلاف دعائے ضرر کی اور انہیں فاسقین کا نام دیا ، حالانکہ اس سے پہلے حضرت موسیٰ علیہ السلام نے ان کے خلاف کبھی دعا نہیں کی تھی ، حالانکہ حضرت موسیٰ علیہ السلام نے ان کی طرف سے معصیت اور برائیاں بھی دیکھی تھیں ، لیکن جب وہ دن آیا ، تو انہوں نے دعا کر دی ، ان لوگوں کے بارے میں اللہ تعالیٰ نے حضرت موسیٰ علیہ السلام کی دعا کو قبول کیا اور انہیں فاسقین کا نام دیا اور ان پر چالیس سال کے لئے ارض مقدس حرام قرار دے دی ، وہ زمین میں گھومتے پھرتے رہے ، روزانہ صبح و شام وہ چلتے رہتے تھے ، وہ کسی ایک جگہ ٹھہرتے نہیں مقام تیہ پر ایک بادل نے ان پر سایہ کیا اور ان پر من و سلویٰ نازل ہوا ، اللہ تعالیٰ نے ان کے کپڑے ایسے کر دیے تھے کہ وہ بوسیدہ نہیں ہوتے تھے اور میلے نہیں ہوتے تھے ، اللہ تعالیٰ نے ان کے درمیان ایک مربع شکل کا پتھر رکھا اور حضرت موسیٰ علیہ السلام کو حکم دیا کہ انہوں نے اپنا عصا اس پر مارا تو اس میں سے بارہ چشمے پھوٹ پڑے ، ہر ایک طرف میں تین چشمے تھے اور ان میں سے ہر ایک قبیلے کو یہ پتہ چل گیا کہ اس نے کہاں سے پانی لینا ہے ، وہ جہاں بھی سفر کر کے منتقل ہوتے تھے ، تو وہ اس پتھر کو اسی جگہ پر پاتے تھے جہاں وہ گزشتہ شام ہوتا تھا ۔ حضرت عبداللہ بن عباس رضی اللہ عنہما نے یہ روایت نبی اکرم ﷺ تک مرفوع حدیث کے طور پر نقل کی ہے اور میرے نزدیک اس کی تصدیق اس بات سے ہوتی ہے کہ جب حضرت معاویہ رضی اللہ عنہ نے حضرت عبداللہ بن عباس رضی اللہ عنہما کو یہ حدیث بیان کرتے ہوئے سنا تو ان کی اس بات کا انکار کیا کہ فرعونی شخص نے حضرت موسیٰ علیہ السلام کے حوالے سے مقتول کے معاملے کو افشاء کیا تھا ، جو مقتول قتل ہوا تھا ، انہوں نے کہا : وہ کیسے ان کے خلاف افشاء کر سکتا ہے جبکہ اسے اس بارے میں پتہ ہی نہیں تھا اور وہ ان پر غالب بھی نہیں آیا تھا ، یہ تو صرف اسرائیلی کر سکتا تھا ، جو اس موقع پر موجود تھا ، تو حضرت عبداللہ بن عباس رضی اللہ عنہما غصے میں آ گئے ، انہوں نے حضرت معاویہ رضی اللہ عنہ کا ہاتھ پکڑا اور انہیں ساتھ لے کر حضرت سعد بن مالک زہری رضی اللہ عنہ کے پاس گئے اور بولے : اے ابواسحاق ! کیا آپ کو وہ دن یاد ہے جب نبی اکرم ﷺ نے ہمیں حضرت موسیٰ علیہ السلام کے ہاتھوں قتل ہونے والے آدمی کے بارے میں بتایا تھا ، جس کا تعلق آل فرعون سے تھا اور حضرت موسیٰ علیہ السلام نے اسے قتل کر دیا تھا ، آپ یہ بتائیں کہ حضرت موسیٰ علیہ السلام کے خلاف راز افشاء اسرائیلی نے کیا تھا یا فرعونی نے کیا تھا ، تو حضرت سعد بن مالک زہری رضی اللہ عنہ نے فرمایا : فرعونی نے حضرت موسیٰ علیہ السلام کے خلاف راز افشاء کیا تھا ، کیونکہ اس نے اسرائیلی کی زبانی وہ بات سنی تھی جو اس موقع پر موجود اور شاہد تھا ۔ یہ روایت امام ابویعلیٰ نے نقل کی ہے اور اس کے رجال صحیح کے رجال ہیں ، صرف اصبغ بن زید کا معاملہ مختلف ہے اور قاسم بن ابوایوب کا معاملہ مختلف ہے اور یہ دونوں ثقہ ہیں ۔

EnglishUnverified translation

Ibn Abbas رضي الله عنه said man was called insan only because a covenant was entrusted to him and he forgot it, referring to the verse of Surah Ta-Ha about Adam forgetting the command.

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : انسان کو انسان کا نام اس لئے دیا گیا ہے کیونکہ جب اس کو تاکیدی حکم دیا گیا تو وہ بھول گیا ۔ یہ روایت امام طبرانی نے معجم صغیر میں نقل کی ہے ۔ اس کی سند میں ایک راوی احمد بن عصام ہے ‘ اور وہ ضعیف ہے ۔

EnglishUnverified translation

Ibn Abbas رضي الله عنه reported that the Messenger of Allah ﷺ said whoever follows the Book of Allah will be guided from misguidance and protected from an evil reckoning on the Day of Resurrection, for Allah says whoever follows His guidance will neither stray nor suffer misery. > **"Whoever follows the Book of Allah, Allah will guide him from misguidance and protect him from an evil reckoning on the Day of Resurrection. That is because Allah says: Whoever follows My guidance will neither stray nor suffer misery."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا :’’ جو شخص اللہ کی کتاب کی پیروی کرے گا اللہ تعالیٰ اسے گمراہی کے مقابلے میں ہدایت نصیب کرے گا اور قیامت کے دن اسے برے حساب سے بچا لے گا اس کی وجہ یہ ہے : اللہ تعالیٰ نے ارشاد فرمایا ہے :’’ جو شخص میری ہدایت کی پیروی کرے گا وہ گمراہ نہیں ہو گا اور بد نصیب نہیں ہو گا ‘‘۔ یہ روایت امام طبرانی نے نقل کی ہے ۔ اس کی سند میں ایک راوی ابوشیبہ ایک اور راوی عمران بن ابوعمران ہے ‘ اور یہ دونوں ضعیف ہیں ۔

EnglishUnverified translation

Abu al-Tufayl رضي الله عنه reported that the Prophet ﷺ recited the verse of Surah Ta-Ha in the singular form of guidance. > **"Whoever follows My guidance."**

اردو ترجمہ · UrduUnverified translation

حضرت ابوطفیل رضی اللہ عنہ بیان کرتے ہیں : نبی اکرم ﷺ نے یہ آیت تلاوت کی ( ارشاد باری تعالیٰ ہے : ) ’’ جو شخص میری ہدایت کی پیروی کرے گا ‘‘۔ یہ روایت امام طبرانی نے نقل کی ہے ۔ اس کی سند میں ایک راوی اسماعیل بن مسلم مکی ہے ‘ اور وہ ضعیف ہے ۔

EnglishUnverified translation

Abu Hurayrah رضي الله عنه reported from the Prophet ﷺ an explanation of the verse of Surah Ta-Ha about a constrained life for whoever turns away from remembrance, saying Allah will set upon him snakes that tear his flesh until the Hour comes. > **"The constrained life which Allah mentioned is that ninety-nine snakes are set upon him, tearing his flesh until the Hour comes."**

اردو ترجمہ · UrduUnverified translation

حضرت ابوہریرہ رضی اللہ عنہ نبی اکرم ﷺ کے حوالے سے اللہ تعالیٰ کے اس فرمان کے بارے میں نقل کرتے ہیں : ارشاد باری تعالیٰ ہے : ) ’’ تو اس کے لئے تنگی والی زندگی ہو گی ‘‘۔ نبی اکرم ﷺ نے ارشاد فرمایا : تنگی والی زندگی جس کا ذکر اللہ تعالیٰ نے کیا ہے اس سے مراد یہ ہے : اس پر نانوے سانپ مسلط کیے جائیں گے جو قیامت قائم ہونے تک اس کے گوشت کو نوچتے رہیں گے ۔ یہ روایت امام بزار نے نقل کی ہے ۔ اس کی سند میں ایسا راوی ہے جس سے میں واقف نہیں ہوں ۔

EnglishUnverified translation

Abdullah ibn Mas'ud رضي الله عنه explained the verse of Surah Ta-Ha about a constrained life as the punishment of the grave.

اردو ترجمہ · UrduUnverified translation

حضرت عبداللہ بن مسعود رضی اللہ عنہ فرماتے ہیں ( ارشاد باری تعالیٰ ہے : ) ’’ اس کے لئے تنگی والی زندگی ہو گی ‘‘۔ حضرت عبداللہ بن مسعود رضی اللہ عنہ فرماتے ہیں : اس سے مراد قبر کا عذاب ہے ۔ یہ روایت امام طبرانی نے نقل کی ہے ‘ اور اس کی سند میں ایک راوی مسعودی ہے جو اختلاط کا شکار ہو گیا تھا اس روایت کے بقیہ رجال ثقہ ہیں ۔

EnglishUnverified translation

Jarir رضي الله عنه reported from the Prophet ﷺ an explanation of the verse of Surah Ta-Ha about glorifying the Lord before sunrise and before sunset. > **"Before the rising of the sun is the dawn prayer, and before its setting is the afternoon prayer."**

اردو ترجمہ · UrduUnverified translation

حضرت جریر رضی اللہ عنہ نبی اکرم ﷺ کے حوالے سے اللہ تعالیٰ کے اس فرمان کے بارے میں نقل کرتے ہیں ( ارشاد باری تعالیٰ ہے : ) ’’ اور تم سورج طلوع ہونے سے پہلے اور اس کے غروب ہونے سے پہلے اپنے پروردگار کی حمد کے ہمراہ اس کی تسبیح بیان کرو ‘‘۔ نبی اکرم ﷺ فرماتے ہیں : سورج کے طلوع ہونے سے پہلے سے مراد فجر کی نماز ہے ‘ اور اس کے غروب ہونے سے پہلے سے مراد عصر کی نماز ہے ۔ یہ روایت امام طبرانی نے نقل کی ہے ۔ اس کی سند میں ایک راوی یحیی بن سعید عطار ہے ‘ اور وہ ضعیف ہے ۔

EnglishUnverified translation

Abdullah ibn Salam رضي الله عنه reported that when hardship befell the family of the Prophet ﷺ, he commanded them to pray and then recited the verse of Surah Ta-Ha commanding one's family to pray and to persevere in it. > **"And command your family to pray and persevere in it."**

اردو ترجمہ · UrduUnverified translation

حضرت عبداللہ بن سلام رضی اللہ عنہ بیان کرتے ہیں : نبی اکرم ﷺ کے اہل خانہ کو جب کسی تنگی کا سامنا ہوتا تھا ، تو نبی اکرم ﷺ انہیں نماز کا حکم دیتے تھے اور پھر یہ آیت پڑھتے تھے : ’’ اور تم اپنے اہل خانہ کو نماز کا حکم دو اور اس پر ثابت قدم رہو ‘‘۔ یہ روایت امام طبرانی نے معجم اوسط میں نقل کی ہے ‘ اور اس کے رجال ثقہ ہیں ۔

EnglishUnverified translation

Al-Dahhak ibn Muzahim reported that news reached Ibn Mas'ud رضي الله عنه that Marwan interpreted the verse of Surah al-Anbiya about giving Ayyub his family and the like of them as meaning a different family. Ibn Mas'ud said he was given his own family in person along with the like of them.

اردو ترجمہ · UrduUnverified translation

ضحاک بن مزاحم بیان کرتے ہیں : حضرت عبداللہ بن مسعود رضی اللہ عنہ کو یہ اطلاع ملی کہ مروان یہ کہتا ہے :’’ ہم نے اس کو اس کے اہل عطا کیے اور ان کے ہمراہ ان کی مانند ( مزید عطا کیا ‘‘۔ مروان یہ کہتا ہے : ان کو جو اہل دیے گئے تھے وہ ان کے پہلے والے اہل کے علاوہ تھے ‘ تو حضرت عبداللہ بن مسعود رضی اللہ عنہ نے فرمایا : انہیں پہلے والے اہل بھی دیے گئے تھے اور ان کے ہمراہ مزید بھی دیے گئے تھے ۔ یہ روایت امام طبرانی نے نقل کی ہے ‘ اور اس کی سند منقطع ہے ‘ اور یحیی حمانی نامی راوی ضعیف ہے ۔

EnglishUnverified translation

Abdullah ibn Mas'ud رضي الله عنه explained the verse of Surah al-Anbiya about Dhu al-Nun going forth in anger, saying it was like a servant fleeing from his master.

اردو ترجمہ · UrduUnverified translation

حضرت عبداللہ بن مسعود رضی اللہ عنہ کے حوالے سے یہ بات منقول ہے ( ارشاد باری تعالیٰ ہے : ) ’’ اور مچھلی والا کہ جب وہ غصے کے عالم میں نکلا ‘‘۔ حضرت عبداللہ بن مسعود رضی اللہ عنہ فرماتے ہیں : ایک غلام اپنے آقا کو چھوڑ کے چلا گیا ۔ یہ روایت امام طبرانی نے نقل کی ہے ۔ اس کی سند میں ایک راوی یحیی حمانی ہے ‘ اور وہ ضعیف ہے ۔

EnglishUnverified translation

Sa'd ibn Abi Waqqas رضي الله عنه reported that he passed by Uthman ibn Affan رضي الله عنه in the mosque, greeted him, and received no reply. He complained to Umar ibn al-Khattab رضي الله عنه, who summoned Uthman and asked why he had not returned his brother's greeting. After oaths on both sides, Uthman recalled that he had been preoccupied with a phrase he had heard from the Messenger of Allah ﷺ, which always veiled his sight and heart when he recalled it. Sa'd said he would inform him of it: the Prophet ﷺ had begun to mention the foremost supplication when a bedouin distracted him, and Sa'd followed the Prophet ﷺ until he turned to him and told him it was the supplication of Dhu al-Nun in the belly of the fish, through which no Muslim ever supplicates for anything without Allah answering him. > **"The supplication of Dhu al-Nun when he was in the belly of the fish: There is no deity but You, glory be to You, indeed I was among the wrongdoers. No Muslim ever supplicates with it to his Lord for anything except that He answers him."**

اردو ترجمہ · UrduUnverified translation

حضرت سعد بن ابی وقاص رضی اللہ عنہ بیان کرتے ہیں : ایک مرتبہ میں مسجد میں حضرت عثمان رضی اللہ عنہ کے پاس سے گزرا میں نے انہیں سلام کیا انہوں نے نگاہ اٹھا کر میری طرف دیکھا لیکن مجھے سلام کا جواب نہیں دیا میں امیرالمومنین حضرت عمر بن خطاب رضی اللہ عنہ کے پاس آیا میں نے کہا : اے امیرالمومنین ! کیا اسلام میں کیا کوئی نیا حکم سامنے آ گیا ہے میں نے یہ بات دو مرتبہ کہی انہوں نے کہا : نہیں کیا ہوا ہے ؟ میں نے کہا : کچھ نہیں صرف یہ ہوا کہ میں ابھی تھوڑی دیر پہلے مسجد میں حضرت عثمان رضی اللہ عنہ کے پاس سے گزرا میں نے انہیں سلام کیا انہوں نے نگاہ بھر کے میری طرف دیکھا بھی لیکن مجھے سلام کا جواب نہیں دیا ۔ راوی کہتے ہیں : حضرت عمر رضی اللہ عنہ نے حضرت عثمان رضی اللہ عنہ کو پیغام بھیج کر انہیں بلوایا اور بولے کیا وجہ ہے آپ نے اپنے بھائی کو سلام کا جواب کیوں نہیں دیا ؟ حضرت عثمان رضی اللہ عنہ نے کہا : میں نے تو ایسا نہیں کیا ہے میں نے کہا : جی ہاں آپ نے ایسا کیا ہے ۔ راوی کہتے ہیں : یہاں تک کہ انہوں نے بھی حلف اٹھا لیا اور میں نے بھی حلف اٹھا لیا پھر حضرت عثمان رضی اللہ عنہ نے فرمایا : جی ہاں ایسا ہو سکتا ہے ( کہ ایسا ہوا ہو ) میں اللہ تعالیٰ سے مغفرت طلب کرتا ہوں اور اس کی بارگاہ میں توبہ کرتا ہوں جب تم میرے پاس سے گزرے ہو گے اس وقت میں ایک چیز کے بارے میں سوچ رہا تھا ‘ جو میں نے نبی اکرم ﷺ کی زبانی سنی ہے ‘ اور مجھے جب بھی اس چیز کا خیال آتا ہے ‘ تو وہ میرے قلب و نظر کو ڈھانپ دیتا ہے حضرت سعد رضی اللہ عنہ نے کہا : میں آپ کو اس کے بارے میں بتاتا ہوں ایک مرتبہ نبی اکرم ﷺ نے ہمیں سب سے اہم دعا کے بارے میں ذکر کیا ( لیکن وہ دعا نہیں بتائی ) پھر ایک دیہاتی آپ کے پاس آ گیا تو آپ کی توجہ اس کی طرف مبذول ہو گئی ، پھر نبی اکرم ﷺ کھڑے ہوئے میں آپ کے پیچھے آیا مجھے یہ ڈر تھا کہ کہیں آپ مجھ سے پہلے گھر نہ پہنچ جائیں میں نے اپنے پاؤں زور سے زمین پر مارے نبی اکرم ﷺ نے مڑ کر میری طرف دیکھا ‘ اور دریافت کیا : کون ہے ؟ کیا ابواسحاق ہو ؟ میں نے عرض کی : جی ہاں یا رسول اللہ ! نبی اکرم ﷺ نے دریافت کیا : کیا معاملہ ہے ؟ میں نے عرض کی : کچھ نہیں ہے ۔ اللہ کی قسم ! ابھی آپ نے ذکر کیا تھا ‘ جو سب سے اہم دعا کے بارے میں تھا پھر ایک دیہاتی آپ کے پاس آ گیا اور آپ کی توجہ اس کی طرف ہو گئی نبی اکرم ﷺ نے فرمایا : وہ ذوالنون کی دعا ہے جب وہ مچھلی کے پیٹ میں تھے ( جس کے کلمات یہ ہیں : ) ’’ تیرے علاوہ اور کوئی معبود نہیں ہے ‘ تو ہر عیب سے پاک ہے بے شک میں ظالموں میں سے ایک ہوں ‘‘۔ ( نبی اکرم ﷺ نے فرمایا : جو بھی مسلمان اپنے پروردگار سے جس بھی معاملے کے بارے میں ان کلمات کے ہمراہ دعا کرے گا اس کی دعا مستجاب ہو گی ۔ ( علامہ ہیثمی فرماتے ہیں : ) میں یہ کہتا ہوں : امام ترمذی نے اس روایت کا آخری حصہ نقل کیا ہے ۔ یہ روایت امام احمد نے نقل کی ہے ‘ اور اس کے رجال صحیح کے رجال ہیں ‘ البتہ ابراہیم بن محمد بن سعد کا معاملہ مختلف ہے ‘ اور وہ ثقہ ہے ۔

EnglishUnverified translation

Ibn Abbas رضي الله عنه reported that when the verse of Surah al-Anbiya was revealed that they and what they worship besides Allah are fuel for Hell which they will enter, it was clarified by the verse that those for whom good had preceded from Allah will be kept far from it, meaning Isa son of Maryam عليه السلام and those with him.

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : یہ آیت نازل ہوئی : ’’ بے شک تم لوگ اور اللہ کو چھوڑ کر تم جن کی عبادت کرتے ہو وہ جہنم کا ایندھن ہیں تم اس میں وارد ہو گے ‘‘۔ حضرت ابن عباس رضی اللہ عنہما کہتے ہیں : پھر درجہ ذیل آیت نے اس آیت کو منسوخ کر دیا ( ارشاد باری تعالیٰ ہے : ) ’’ بے شک جن کے لئے ہماری طرف سے پہلے ہی بھلائی سبقت لے جا چکی ہے وہ اس سے دور رکھے جائیں گے ‘‘۔ اس سے مراد حضرت عیسیٰ بن مریم علیہا السلام اور ان کے ساتھی ہیں ۔ یہ روایت امام بزار نے نقل کی ہے ۔ اس کی سند میں ایک راوی شرحبیل بن سعد ہے جو انصار کا آزاد کردہ غلام ہے ابن حبان نے اسے ثقہ قرار دیا ہے ‘ اور جمہور نے اسے ضعیف کہا ہے اس روایت کے بقیہ رجال ثقہ ہیں ۔

EnglishUnverified translation

Ibn Abbas رضي الله عنه reported that when the verse of Surah al-Anbiya was revealed that they and what they worship besides Allah are fuel for Hell, Abdullah ibn al-Zib'ra said he would dispute with the Prophet ﷺ on behalf of his people. He asked whether Christians worship Isa, Jews worship Uzayr, and Banu Tamim worship angels, so would they all be in the Fire. The Prophet ﷺ assented to what had been revealed, and then Allah revealed the verse that those for whom good had preceded from Allah will be kept far from it.

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : جب یہ آیت نازل ہوئی : ’’ بے شک تم لوگ اور جن کی تم اللہ کو چھوڑ کر عبادت کرتے ہو وہ جہنم کا ایندھن ہیں ‘ اور تم اس پر وارد ہو گے ‘‘۔ اس پر عبداللہ بن زبعری نے یہ کہا : میں اس حوالے سے تمہارے حق میں حضرت محمد ( ﷺ ) کے ساتھ بحث کروں گا ‘ پھر اس نے کہا : اے حضرت محمد ( ﷺ ) کیا آپ پر یہ آیت نازل نہیں ہوئی ہے : ’’ بے شک تم لوگ اور اللہ کو چھوڑ کر تم جن کی عبادت کرتے ہو وہ جہنم کا ایندھن ہیں ‘ اور تم اس میں وارد ہو گے ‘‘۔ نبی اکرم ﷺ نے ارشاد فرمایا : جی ہاں اس نے کہا : یہ عیسائی حضرت عیسیٰ علیہ السلام کی عبادت کرتے ہیں ۔ یہودی حضرت عزیر علیہ السلام کی عبادت کرتے ہیں ۔ بنوتمیم فرشتوں کی عبادت کرتے ہیں تو کیا یہ لوگ ( یعنی ان لوگوں کے معبود ) بھی جہنم میں جائیں گے ؟ تو اللہ تعالیٰ نے یہ آیت نازل کی : ’’ بے شک جن کے لئے ہماری طرف سے بھلائی سبقت لے جا چکی ہے وہ اس سے دور رکھے جائیں گے ‘‘۔ یہ روایت امام طبرانی نے نقل کی ہے ۔ اس کی سند میں ایک راوی عاصم بن بہدلہ ہے جس کی توثیق کی گئی ہے ‘ اور ایک جماعت نے اسے ضعیف قرار دیا ہے ۔

EnglishUnverified translation

ʿAbdullāh ibn Masʿūd رضي الله عنه said: when only those who will abide eternally remain in the Fire, they will be placed in coffins of fire fitted with nails of fire — he repeated this twice or thrice — so that each will see none punished in the Fire but himself. Then he recited: for them therein is groaning, and therein they hear nothing (21:100).

اردو ترجمہ · UrduUnverified translation

حضرت عبداللہ بن مسعود رضی اللہ عنہ بیان کرتے ہیں : جب جہنم میں وہ لوگ باقی رہ جائیں گے جو جہنم میں ہمیشہ رہیں گے ‘ تو انہیں آگ کے بنے ہوئے تابوتوں میں رکھا جائے گا جس میں آگ کے بنے ہوئے داغنے والے آلات ہوں گے انہوں نے یہ بات دو یا تین مرتبہ کہی اور پھر یہ بتایا کہ وہ یہ سمجھیں گے کہ جہنم میں ان کے علاوہ اور کسی کو کوئی عذاب نہیں ہو رہا پھر حضرت عبداللہ رضی اللہ عنہ نے یہ آیت تلاوت کی : ’’ اس ( جہنم ) میں ان لوگوں کی چیخ و پکار ہو گی اور اس ( جہنم ) میں وہ لوگ کچھ اور نہیں سنیں گے ‘‘۔ یہ روایت امام طبرانی نے نقل کی ہے ۔ اس کی سند میں ایک راوی یحیی حمانی ہے ‘ اور وہ ضعیف ہے ۔

EnglishUnverified translation

Ibn ʿAbbās رضي الله عنهما explained His saying: We sent you not but as a mercy to the worlds (21:107). Whoever follows him, he is mercy for him in this world and the Hereafter; whoever does not follow him is spared what afflicted other nations — sinking, transformation, and pelting.

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : ( ارشاد باری تعالیٰ ہے : ) ’’ اور ہم نے تمہیں صرف تمام جہانوں کے لئے رحمت بنا کر بھیجا ہے ‘‘۔ حضرت عبداللہ بن عباس رضی اللہ عنہما فرماتے ہیں : جو شخص آپ کی پیروی کرے گا آپ دنیا اور آخرت میں اس کے لئے رحمت ہیں ‘ اور جو شخص آپ کی پیروری نہیں کرے گا ‘ تو اسے ان چیزوں سے محفوظ رکھا جائے گا جن میں دیگر امتوں کو مبتلا کیا گیا جس کا تعلق زمین میں دھنسنے مسخ کیے جانے اور پتھر مارے جانے سے ہے ۔ یہ روایت امام طبرانی نے نقل کی ہے ۔ اس کی سند میں ایک راوی ایوب بن سوید ہے ‘ اور وہ انتہائی ضعیف ہے ابن حبان نے اسے چند شرائط کے ہمراہ ثقہ قرار دیا ہے جو ان لوگوں کے بارے میں ہے جو اس سے روایت نقل کرتے ہیں وہ یہ کہتے ہیں : یہ بکثرت غلطی کرتا ہے ‘ اور مسعودی نامی راوی اختلاط کا شکار ہو گیا تھا ۔

EnglishUnverified translation

Ibn ʿAbbās رضي الله عنهما reported: the Messenger of Allah ﷺ recited, O people, fear your Lord; the quake of the Hour is a mighty thing (22:1), with his Companions present, then asked if they knew what day that is. They said Allah and His Messenger know best. He ﷺ described Allah commanding Adam عليه السلام to send forth the company of the Fire — nine hundred ninety-nine of every thousand to the Fire and one to Paradise. This weighed heavily on the people, so he ﷺ gave glad tidings that they would be a quarter, then half, of Paradise, and that they are as a mole on a camel among nations, with Yaʾjūj and Maʾjūj multiplying others. > **"Do you know what day that is? That is the day Allah will say: O Adam, arise and send forth the company to the Fire — from every thousand, nine hundred ninety-nine to the Fire and one to Paradise. Strive and receive glad tidings, for you are between two creations you only increase in number."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : نبی اکرم ﷺ نے یہ آیت تلاوت کی اس وقت آپ کے اصحاب آپ کے پاس موجود تھے ( ارشاد باری تعالیٰ ہے : ) ’’ اے لوگو ! اپنے پروردگار سے ڈرو ! بے شک قیامت کا زلزلہ بہت بڑی چیز ہے ‘‘۔ آپ نے اسے آیت کے آخر تک تلاوت کیا پھر آپ نے فرمایا : کیا تم جانتے ہو وہ کیسا دن ہو گا ؟ لوگوں نے عرض کی : اللہ اور اس کا رسول زیادہ بہتر جانتے ہیں نبی اکرم ﷺ نے ارشاد فرمایا : یہ وہ دن ہو گا کہ جب اللہ تعالی فرمائے گا اے آدم تم اٹھو اور مخصوص لوگوں کو جہنم میں بھیجو وہ عرض کریں گے : جہنم میں کتنے لوگ بھیجے جائیں گے ؟ پروردگار فرمائے گا : ہر ایک ہزار میں سے نو سو ننانوے جہنم میں جائیں گے اور ایک جنت میں جائے گا ۔ ( راوی بیان کرتے ہیں : ) یہ بات لوگوں پر گراں گزری نبی اکرم ﷺ نے ارشاد فرمایا : مجھے یہ امید ہے کہ تم لوگ اہل جنت کا چوتھائی حصہ ہوں گے اور مجھے یہ امید ہے کہ تم لوگ اہل جنت کا نصف ہوں گے پھر نبی اکرم ﷺ نے ارشاد فرمایا : تم لوگ عمل کرو اور یہ خوشخبری حاصل کرو کہ تم لوگ دو قسم کی مخلوق کے درمیان ہو وہ دونوں قسم کی مخلوق جس کسی کے ساتھ بھی ملے گی وہ اس کو زیادہ کر دے گی اور وہ یاجوج ماجوج ہے دیگر امتوں میں تمہاری مثال اونٹ کے پہلو میں موجود ‘ مختلف رنگ کی طرح ہے ‘ یا جانور کی دستی پر موجود ‘ نشان کی طرح ہے ‘ اور میری امت ایک ہزار اجزاء میں سے ایک جزء ہے ‘‘۔ ( علامہ ہیثمی فرماتے ہیں : ) میں یہ کہتا ہوں :’’ صحیح ‘‘ میں اس کا کچھ حصہ مذکور ہے ‘‘۔ یہ روایت امام بزار نے نقل کی ہے ‘ اور اس کے رجال صحیح کے رجال ہیں صرف ہلال بن خباب کا معاملہ مختلف ہے ‘ اور وہ ثقہ ہے ۔

EnglishUnverified translation

Ibn ʿAbbās رضي الله عنهما reported: the Messenger of Allah ﷺ recited, a Day that turns children grey, and said it is the Day of Resurrection, when Allah will command Adam عليه السلام to send from his progeny a company to the Fire — nine hundred ninety-nine of a thousand, with one saved. When this weighed on the Muslims, he ﷺ consoled them that the progeny of Adam is numerous, that Yaʾjūj and Maʾjūj are from Adam's children and multiply a thousandfold, and that in them and their like is a shield for you. > **"That is the Day of Resurrection. Allah will say to Adam: arise and send from your progeny a company to the Fire — from a thousand, nine hundred ninety-nine, and one saved. The sons of Adam are many, and in them is a shield for you."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : نبی اکرم ﷺ نے یہ آیت تلاوت کی : ’’ وہ دن کہ جب بچے بوڑھے ہو جائیں گے ‘‘۔ نبی اکرم ﷺ نے ارشاد فرمایا : ” یہ قیامت کا دن ہو گا اور اس دن اللہ تعالٰی حضرت آدم علیہ السلام سے فرمائے گا : تم اٹھو اور اپنی اولاد میں سے مخصوص لوگوں کو جہنم میں بھیج دو وہ عرض کریں گے : اے میرے پروردگار ! کتنے میں سے کتنے لوگوں کو ؟ تو پروردگار فرمائے گا : ایک ہزار میں سے نو سو ننانوے کو اور ایک شخص نجات پائے گا یہ بات مسلمانوں کو گراں گزری ۔ نبی اکرم ﷺ نے ان کی یہ صورت حال جان لی پھر نبی اکرم ﷺ نے جب ان کے چہروں پر یہ صورت حال دیکھی تو آپ نے ارشاد فرمایا : اولاد آدم بہت سی ہے ‘ اور یاجوج ماجوج بھی اولاد آدم میں سے ہوں گے اور یاجوج ماجوج میں سے کوئی بھی شخص اس وقت تک نہیں مرے گا جب تک اس کی سگی اولاد میں سے ایک ہزار لوگ اس کے وارث نہیں بنیں گے ‘ تو ان لوگوں اور ان جیسے دیگر لوگوں میں تمہارے لئے ڈھال ہے ‘‘۔ یہ روایت امام طبرانی نے نقل کی ہے ۔ اس کی سند میں ایک راوی عثمان بن عطاء خراسانی ہے ‘ اور وہ متروک ہے جمہور نے اسے ضعیف قرار دیا ہے ابوحاتم نے اس کی نقل کردہ حدیث کو حسن کہا ہے ۔

EnglishUnverified translation

Ibn ʿAbbās رضي الله عنهما reported that the Messenger of Allah ﷺ explained His saying: alike are the resident therein and the visitor (22:25) — meaning the one settled and the one departing are equal in rank there. > **"The resident and the one who departs are equal."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ( ارشاد باری تعالیٰ ہے : ) ’’ اس میں رہائشی اور مسافر برابر کی حیثیت رکھتے ہیں ‘‘۔ نبی اکرم ﷺ نے فرمایا : یعنی مقیم شخص اور جو شخص وہاں سے روانہ ہو جائے وہ برابر کی حیثیت رکھتے ہیں ۔ یہ روایت امام طبرانی نے نقل کی ہے ۔ اس کی سند میں ایک راوی عبداللہ بن مسلم بن ہرمز ہے ‘ اور وہ ضعیف ہے ۔

EnglishUnverified translation

ʿAbdullāh ibn Masʿūd رضي الله عنه, as conveyed without raising it as marfūʿ by Shuʿbah, said concerning His saying: whoever intends therein deviation with wrongdoing (22:25): if a man merely intended deviation therein, even were he as distant as ʿAdan, Allah would taste him a painful punishment.

اردو ترجمہ · UrduUnverified translation

حضرت عبداللہ بن مسعود رضی اللہ عنہ فرماتے ہیں : یہاں شعبہ نامی راوی نے یہ بات نقل کی ہے کہ انہوں نے اسے مرفوع حدیث کے طور پر نقل کیا تھا لیکن میں اسے تمہارے سامنے مرفوع حدیث کے طور پر نقل نہیں کر رہا وہ یہ فرماتے ہیں : اللہ تعالیٰ نے ارشاد فرمایا ہے : ’’ اور جو شخص اس میں ظلم کے ہمراہ الحاد کا ارادہ کرے گا “۔ حضرت عبداللہ بن مسعود رضی اللہ عنہ فرماتے ہیں : اگر کوئی شخص یہاں الحاد کا ارادہ رکھے اور وہ شخص اس وقت عدن سے بھی زیادہ دور ہو تو اللہ تعالیٰ اسے بھی درد ناک عذاب چکھائے گا ۔ یہ روایت امام احمد نے امام ابویعلیٰ نے اور امام بزار نے نقل کی ہے ‘ اور امام احمد کے رجال صحیح کے رجال ہیں ۔

EnglishUnverified translation

ʿAbdullāh ibn Masʿūd رضي الله عنه said concerning: whoever intends therein deviation with wrongdoing, We shall taste him a painful punishment (22:25). Whoever intends a sin outside the House, it is not recorded until he acts; whoever intends a sin to commit in the House, Allah will not let him die until He tastes him a painful punishment.

اردو ترجمہ · UrduUnverified translation

حضرت عبداللہ بن مسعود رضی اللہ عنہ اللہ تعالیٰ کے اس فرمان کے بارے میں بیان کرتے ہیں : ( ارشاد باری تعالیٰ ہے : ) ’’ اور جو شخص اس میں ظلم کے ہمراہ الحاد کا ارادہ کرے گا ہم اسے دردناک عذاب چکھائیں گے ‘‘۔ حضرت عبداللہ بن مسعود رضی اللہ عنہ فرماتے ہیں : جو شخص کسی گناہ کا ارادہ کرے جسے وہ بیت اللہ کے علاوہ کہیں ‘ اور سر انجام دینا چاہتا ہو ‘ تو اس کے خلاف وہ گناہ اس وقت تک نوٹ نہیں ہو گا جب تک وہ اس گناہ کا ارتکاب نہیں کر لے گا اور جو شخص کسی ایسے گناہ کا ارادہ کرے جسے وہ بیت اللہ میں سر انجام دینا چاہتا ہو ( یعنی حرم کی حدود میں سر انجام دینا چاہتا ہو ) تو اللہ تعالیٰ دنیا میں اسے اس وقت تک موت نہیں دے گا جب تک اسے درد ناک عذاب نہیں چکھا دے گا ۔ یہ روایت امام طبرانی نے نقل کی ہے ‘ اور اس کی سند میں ایک راوی حکم بن ظہیر ہے ‘ اور وہ متروک ہے ۔

EnglishUnverified translation

ʿUrwah ibn al-Zubayr رحمه الله named those who went to Abyssinia the first time before Jaʿfar and his companions: ʿUthmān ibn Maẓʿūn, ʿUthmān ibn ʿAffān with his wife Ruqayyah daughter of the Messenger ﷺ, ʿAbdullāh ibn Masʿūd, ʿAbd al-Raḥmān ibn ʿAwf, Abū Ḥudhayfah with his wife Sahlah, al-Zubayr ibn al-ʿAwwām, Muṣʿab ibn ʿUmayr, ʿĀmir ibn Rabīʿah, Abū Salamah with Umm Salamah رضي الله عنهم, Abū Sabrah with Umm Kulthūm, and Suhayl ibn Bayḍāʾ. They returned when Sūrat al-Najm was revealed and the idolaters, hearing Satan's interpolation of the cranes, rejoiced and prostrated with the Prophet ﷺ at the end of the sūrah — al-Walīd taking dust to his forehead — until Jibrīl عليه السلام disavowed those two phrases and Allah clarified the abrogation of Satan's cast.

اردو ترجمہ · UrduUnverified translation

عروہ بن زبیر ان لوگوں کے نام بیان کرتے ہیں : جو حبشہ کی سرزمین کی طرف پہلی مرتبہ گئے تھے یہ حضرت جعفر رضی اللہ عنہ اور ان کے ساتھیوں کے جانے سے پہلے کی بات ہے وہ حضرات یہ ہیں : حضرت عثمان بن مظعون رضی اللہ عنہ حضرت عثمان بن عفان رضی اللہ عنہ ان کے ساتھ ان کی اہلیہ سیدہ رقیہ رضی اللہ عنہ جو نبی اکرم ﷺ کی صاحبزادی ہیں ۔ حضرت عبداللہ بن مسعود رضی اللہ عنہ حضرت عبدالرحمن بن عوف رضی اللہ عنہ حضرت ابوحذیفہ بن عتبہ بن ربیعہ رضی اللہ عنہ ان کے ساتھ ان کی اہلیہ سیدہ سہلہ بنت سہیل بن عمرو رضی اللہ عنہ تھیں اور انہوں نے حبشہ کی سرزمین پر ان صاحب کے صاحبزادے حضرت محمد بن ابوحذیفہ رضی اللہ عنہ کو جنم دیا تھا حضرت زبیر بن عوام رضی اللہ عنہ حضرت مصعب بن عمیر رضی اللہ عنہ جن کا تعلق بنوعبددار سے ہے حضرت عامر بن ربیعہ رضی اللہ عنہ حضرت ابوسلمہ بن عبدالاسد رضی اللہ عنہ ان کی اہلیہ سیدہ ام سلمہ رضی اللہ عنہا حضرت ابوسبرہ بن ابورحم رضی اللہ عنہ کے ساتھ سیدہ ام کلثوم رضی اللہ عنہا بنت سہیل بن عمرو تھیں اور حضرت سہیل بن بیضاء رضی اللہ عنہ عروہ بن زبیر بیان کرتے ہیں : یہ لوگ جو حضرت جعفر بن ابوطالب رضی اللہ عنہ اور ان کے ساتھیوں سے پہلے ہی پہلی مرتبہ میں گئے تھے یہ لوگ واپس آ گئے تھے جب اللہ تعالیٰ نے وہ سورت نازل کی تھی جس میں یہ ذکر تھا : ’’ ستارے کی قسم ہے جب وہ نیچے کی طرف آیا ‘‘۔ مشرکین نے یہ کہا تھا اگر یہ صاحب ہمارے معبودوں کا ذکر بھلائی کے ساتھ کریں تو ہم انہیں ‘ اور ان کے ساتھیوں کو رہنے دیں گے کیونکہ یہ اپنے مخالف ادیان میں سے یہودیوں اور عیسائیوں کا ذکر اس طرح نہیں کرتے جس طرح یہ ہمارے معبودوں کا ذکر برائی اور خرابی کے ہمراہ کرتے ہیں جب اللہ تعالیٰ نے یہ سورت نازل کی جس میں یہ ذکر ہے : ’’ اور ستارے کی قسم ہے ‘‘۔ اور اس میں یہ آیت نبی اکرم ﷺ نے تلاوت کی : ’’ کیا تم نے لات اور عزی کو دیکھا ہے ‘ اور منات کو دیکھا ہے جو تیسرا ہے ‘‘۔ تو اس وقت شیطان نے بتوں کا ذکر القاء کیا ‘ اور اس نے یہ کہا : «وَإِنَّهُمْ مِنَ الْغَرَانِيقِ الْعُلَى وَإِنَّ شَفَاعَتَهُمْ لَتُرْتَجَى» یہ کلمات شیطان کے ایجاد کیے ہوئے تھے ‘ اور اس کا فتنہ تھے اور یہ دو کلمات ہر مشرک کے دل میں واقع ہو گئے اور ان کی زبانوں پر جاری ہو گئے اور انہوں نے اس کے ذریعے خوشخبری حاصل کی اور انہوں نے یہ کہا : حضرت محمد ( ﷺ ) نے اپنے پہلے دین کی طرف اور اپنی قوم کے دین کی طرف رجوع کر لیا ہے جب نبی اکرم ﷺ سورت کے آخر میں اس مقام پر پہنچے جہاں سجدے کا ذکر ہے ‘ تو آپ نے سجدہ کیا ‘ اور آپ کے ساتھ موجود ہر مسلمان اور ہر مشرک شخص نے سجدہ کیا صرف ولید بن مغیرہ نے ایسا نہیں کیا وہ ایک بڑا شخص تھا اس نے مٹھی بھر مٹی اٹھائی اور اس پر سجدہ کر لیا ۔ نبی اکرم ﷺ کے سجدے کے ساتھ دونوں گروہوں کا سجدہ کرنا دونوں گروہوں کو اچھا لگا مسلمانوں کو یہ بات اچھی لگی کہ مشرکین نے ایمان لائے بغیر اور یقین کا اظہار کیے بغیر سجدہ کیا ہے کیونکہ مسلمانوں نے وہ بات نہیں سنی تھی جو شیطان نے مشرکین کی زبانوں پر القاء کی تھی اور مشرکین اس حوالے سے نبی اکرم ﷺ سے مطمئن تھے اور شیطان نے انہیں یہ بات سکھا دی تھی کہ نبی اکرم ﷺ نے یہ آیت سجدے کے دوران تلاوت کی ہے ‘ تو ان لوگوں نے اپنے معبودوں کی تعظیم کی خاطر سجدہ کیا تھا ۔ یہ کلمات لوگوں کے درمیان پھیل گئے شیطان نے اسے مشہور کر دیا یہ اطلاع حبشہ تک بھی پہنچ گئی یہاں تک کہ حضرت عثمان بن مظعون رضی اللہ عنہ اور حضرت عبداللہ بن مسعود رضی اللہ عنہ اور اہل مکہ سے تعلق رکھنے والے ان کے ساتھیوں نے یہ بات سنی کہ لوگ مسلمان ہو گئے ہیں ‘ اور نبی اکرم ﷺ کے ساتھ مل گئے ہیں ان لوگوں کو یہ بھی پتہ چلا کہ ولید بن مغیرہ نے بھی اپنی ہتھیلی پر رکھی ہوئی مٹی پر سجدہ کیا ہے ‘ تو یہ لوگ تیزی سے مکہ آ گئے یہ بات نبی اکرم ﷺ کو گراں گزری جب شام ہوئی اور حضرت جبرائیل علیہ السلام آپ کے پاس آئے ‘ تو نبی اکرم ﷺ نے ان کے سامنے اس بات کی شکایت کی حضرت جبرائیل علیہ السلام کی فرمائش پر نبی اکرم ﷺ نے انہیں یہ سورت پڑھ کر سنائی جب وہ اس مقام پر پہنچے تو حضرت جبرائیل علیہ السلام نے ان کلمات سے لاتعلقی کا اظہار کیا ‘ اور کہا : ان دونوں کلمات سے اللہ کی پناہ ہے نہ تو میرے پروردگار نے ان دونوں کو نازل کیا ہے ‘ اور نہ ہی آپ کے پروردگار نے ان دونوں کے بارے میں مجھے حکم دیا ہے جب نبی اکرم ﷺ نے یہ صورت حال دیکھی تو یہ بات آپ پر گراں گزری آپ نے ارشاد فرمایا : کیا میں نے شیطان کی اطاعت کر لی ہے ‘ اور میں نے اس کے کلام کے مطابق کلام کر لیا ہے ‘ اور وہ اللہ کے معاملے میں میرا شریک بن گیا ہے ‘ تو شیطان نے جو چیز القاء کی تھی اللہ تعالیٰ نے اسے منسوخ کر دیا اور آپ پر یہ آیت نازل کی : ’’ اور تم سے پہلے ہم نے جس بھی رسول یا نبی کو مبعوث کیا تو جب وہ نبی تلاوت کرتا ہے ‘ تو شیطان اس کی تلاوت کے درمیان کوئی چیز القاء کر دیتا ہے ‘ تو اللہ تعالیٰ اس چیز کو مٹا دیتا ہے جو شیطان نے القاء کی ہوئی ہو اور پھر اللہ تعالیٰ اپنی آیات کو مضبوط کر دیتا ہے ‘ اور اللہ تعالیٰ علم والا اور حکمت والا ہے اس کی وجہ یہ ہے شیطان نے جو چیز القاء کی تھی اسے وہ ان لوگوں کے لئے آزمائش بنا دے جن کے دلوں میں بیماری ہے ‘ اور ان کے دل سخت ہیں ‘ اور بے شک ظلم کرنے والے لوگ شدید مخالفت میں مبتلا ہیں ‘‘۔ تو جب اللہ تعالیٰ نے اپنے رسول کو شیطان کے ایجاد کیے ہوئے کلمات اور اس کے فتنے سے لاتعلق کر دیا تو مشرکین اپنی گمراہی اور اپنی دشمنی پر پلٹ گئے ........ اس کے بعد راوی نے پوری حدیث ذکر کی ہے ۔ یہ روایت اس سے پہلے حبشہ کی طرف ہجرت کرنے سے متعلق باب میں گزر چکی ہے ۔ یہ روایت امام طبرانی نے مرسل روایت کے طور پر نقل کی ہے ۔ اس کی سند میں ایک راوی ابن لہیعہ ہے ‘ اور یہ روایت اس بات کا احتمال نہیں رکھتی کہ یہ ابن لہیعہ سے منقول ہو ۔

EnglishUnverified translation

Zayd ibn Thābit رضي الله عنه said: the Messenger of Allah ﷺ dictated to me from: We created man from an essence of clay (23:12) to: then We produced him as another creation (23:14). Muʿādh ibn Jabal رضي الله عنه exclaimed: blessed be Allah, the Best of creators, so the Messenger ﷺ laughed and told him the verse is sealed with those very words. > **"With it it was sealed: blessed be Allah, the Best of creators."**

اردو ترجمہ · UrduUnverified translation

حضرت زید بن ثابت رضی اللہ عنہ بیان کرتے ہیں : نبی اکرم ﷺ یہ آیت مجھے املاء کروا رہے تھے : ’’ ہم نے انسان کو مٹی کے خاص اجزا سے پیدا کیا ہے ‘‘۔ یہ آیت آپ نے یہاں تک تلاوت فرمائی : ’’ پھر ہم اسے دوسری تخلیق میں پروان چڑھائیں گے ‘‘۔ تو حضرت معاذ نے آپ کی خدمت میں عرض کی : اللہ تعالیٰ کی ذات برکت والی ہے جو بہترین خالق ہے ‘ تو نبی اکرم ﷺ ہنس پڑے حضرت معاذ رضی اللہ عنہ نے آپ کی خدمت میں عرض کی : یا رسول اللہ ! آپ کس بات پر ہنسے ہیں ؟ نبی اکرم ﷺ نے ارشاد فرمایا : یہ آیت ان کلمات پر ختم ہوتی ہے : ’’ اللہ تعالیٰ کی ذات برکت والی ہے جو سب سے بہترین خالق ہے ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی جابر جعفی ہے ‘ اور وہ ضعیف ہے ویسے اس کی توثیق کی گئی ہے اس روایت کے بقیہ رجال صحیح کے رجال ہیں ۔

EnglishUnverified translation

Murrah al-Zuhrī رضي الله عنه said: I heard the Messenger of Allah ﷺ say that al-ramlah in the verse of refuge means the elevated mound. > **"Al-ramlah is the mound."**

اردو ترجمہ · UrduUnverified translation

حضرت مرہ زہری رضی اللہ عنہ بیان کرتے ہیں : میں نے نبی اکرم ﷺ کو یہ ارشاد فرماتے ہوئے سنا ہے : ’’ رملہ سے مراد ٹیلہ ہے ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایسے راوی ہیں جن سے میں واقف نہیں ہوں ۔

EnglishUnverified translation

Abū Khalaf, freedman of Banū Jumaḥ, entered with ʿUbayd ibn ʿUmayr upon ʿĀʾishah, Mother of the Believers رضي الله عنها, in the portico of Zamzam. He asked how the Messenger ﷺ recited: those who give what they give (23:60) — is it yuʾtūn or yaʾtūn? She asked which he preferred, he swore one is dearer to him than the world, and she testified the Prophet ﷺ recited it as yaʾtūn, as it was revealed, the spelling being a scribal matter.

اردو ترجمہ · UrduUnverified translation

ابوخلف ‘ جو بنوجمع کے آزاد کردہ غلام ہیں وہ بیان کرتے ہیں : وہ عبید بن عمیر کے ساتھ سیدہ عائشہ رضی اللہ عنہا کی خدمت میں زمزم کے چبوترے کے پاس حاضر ہوئے اس کے علاوہ مسجد میں کوئی سایہ والی جگہ نہیں تھی سیدہ عائشہ رضی اللہ عنہا نے فرمایا : اے ابوعاصم یعنی انہوں نے عبید بن عمر سے یہ کہا تمہیں خوش آمدید ہے تم ہم سے ملنے کے لئے کیوں نہیں آئے یا پھر تم ہم سے ناراض ہو ؟ انہوں نے عرض کی : مجھے یہ اندیشہ تھا کہ کہیں میں آپ کو اکتاہٹ کا شکار نہ کر دوں سیدہ عائشہ رضی اللہ عنہا نے فرمایا : تم ایسے نہیں ہو عبید بن عمیر نے عرض کی : میں آپ کے پاس ایک آیت کے سلسلے میں پوچھنے کے لئے حاضر ہوا ہوں جو اللہ کی کتاب میں موجود ہے نبی اکرم ﷺ اسے کیسے تلاوت کرتے تھے ؟ سیدہ عائشہ رضی اللہ عنہا نے دریافت کیا کون سی آیت ہے ؟ انہوں نے یہ آیت پڑھی : ( «الَّذِينَ يُؤْتُونَ مَا أَتَوْا» ) یہ الفاظ یہ ہیں یا یہ ہیں : «الَّذِينَ يَأْتُونَ مَا آتَوُا» سیدہ عائشہ رضی اللہ عنہا نے دریافت کیا : تمہارے نزدیک ان دونوں میں کون سا زیادہ بہتر ہے ؟ میں نے کہا : اس ذات کی قسم ! جس کے دست قدرت میں ‘ میری جان ہے ان دونوں میں سے ایک میرے نزدیک دنیا اور اس میں موجود تمام چیزوں سے زیادہ محبوب ہے ‘ سیدہ عائشہ رضی اللہ عنہا نے فرمایا : ان دونوں میں سے کون سا ؟ انہوں نے کہا : یہ کلمات : «الَّذِينَ يَأْتُونَ مَا آتَوُا» سیدہ عائشہ رضی اللہ عنہا نے فرمایا : میں اس بات کی گواہی دیتی ہوں کہ نبی اکرم ﷺ بھی اس آیت کو اسی طرح پڑھا کرتے تھے اور یہ اسی طرح نازل ہوئی تھی ۔ ( راوی کو شک ہے شاید یہ الفاظ ہیں : ) سیدہ عائشہ رضی اللہ عنہا نے فرمایا : یہ اسی طرح نازل ہوئی تھی اور نبی اکرم ﷺ اسے اسی طرح پڑھا کرتے تھے ‘ لیکن ہجاء حرف ہے ۔ یہ روایت امام احمد نے نقل کی ہے ۔ اس کی سند میں ایک راوی اسماعیل بن مسلم مکی ہے ‘ اور وہ ضعیف ہے .

EnglishUnverified translation

Ibn ʿAbbās رضي الله عنهما used to read: in arrogance toward it, conversing by night with evil speech (23:67), and said the idolaters spoke insolently about the Messenger ﷺ in their poetry.

اردو ترجمہ · UrduUnverified translation

حضرت عبداللہ بن عباس رضی اللہ عنہما کے بارے میں یہ بات منقول ہے وہ یہ آیت تلاوت کرتے تھے : ’’ تم لوگ تکبر کرتے ہوئے اس کے بارے میں رات کے وقت بے ہودہ گفتگو کیا کرتے تھے ‘‘۔ حضرت عبداللہ بن عباس رضی اللہ عنہما بیان کرتے ہیں : مشرکین اپنے اشعار میں نبی اکرم ﷺ کے خلاف فضول گفتگو کیا کرتے تھے ۔ یہ روایت امام طبرانی نے نقل کی ہے ۔ اس کی سند میں ایک راوی یحییٰ بن سلمہ بن کہیل ہے ‘ اور وہ ضعیف ہے ابن حبان نے اس کا ذکر کتاب الثقات میں کیا ہے وہ یہ کہتے ہیں : اس کے بیٹے ابراہیم نے اس سے منکر روایات نقل کی ہیں ۔ ( علامہ ہیثمی فرماتے ہیں : ) میں یہ کہتا ہوں : یہ روایت بھی ان میں سے ایک ہے ۔

EnglishUnverified translation

Ibn ʿAbbās رضي الله عنهما said: Abū Sufyān ibn Ḥarb came to the Prophet ﷺ pleading by Allah that they had eaten al-ʿilhiz — hides and blood — from hunger, whereupon Allah revealed: We seized them with punishment, yet they did not humble themselves to their Lord nor supplicate (23:76).

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : ابوسفیان بن حرب نبی اکرم ﷺ کی خدمت میں حاضر ہوا اور بولا اے حضرت محمد ( ﷺ ) میں آپ کو اللہ کا واسطہ دے کر کہتا ہوں کہ ہمیں پریشانی نے نگل لیا ہے ‘ یعنی مصائب اور قتل ہونے نے ‘ تو اللہ تعالیٰ نے یہ آیت نازل کی : ’’ اور ہم نے انہیں عذاب کی گرفت میں لے لیا تو وہ اپنے پروردگار کی بارگاہ میں عاجزی کرنے والے اور گریہ وزاری کرنے والے نہیں تھے ‘‘۔ یہ روایت امام طبرانی نے نقل کی ہے ۔ اس کی سند میں ایک راوی علی بن حسین بن واقد ہے ‘ جسے امام نسائی اور دیگر حضرات نے ثقہ قرار دیا ہے جبکہ ابوحاتم نے اسے ضعیف کہا ہے ۔

EnglishUnverified translation

ʿAbdullāh ibn Masʿūd رضي الله عنه said concerning: the Fire scorches their faces and they therein are grimacing (23:104): have you not seen heads scorched, teeth exposed, lips shriveled back.

اردو ترجمہ · UrduUnverified translation

حضرت عبداللہ بن مسعود رضی اللہ عنہ اللہ تعالیٰ کے اس فرمان کے بارے میں بیان کرتے ہیں : ( ارشاد باری تعالیٰ ہے : ) ’’ آگ ان کے چہروں کو جھلس دے گی اور وہ اس میں بگڑی ہوئی شکل کے ساتھ موجود ہوں گے ‘‘۔ حضرت عبداللہ بن مسعود رضی اللہ عنہ فرماتے ہیں : کیا تم نے ایسے لوگوں کو نہیں دیکھا ہوا جن کے چہرے کا حصہ آگ کے ذریعے جل گیا ہو اور ان کے دانت باہر آ چکے ہوں اور ہونٹ لٹک چکے ہوں ۔ یہ روایت امام طبرانی نے نقل کی ہے ‘ اور اس کے رجال ثقہ ہیں البتہ ابوعبیدہ نامی راوی نے اپنے والد ( حضرت عبداللہ بن مسعود رضی اللہ عنہ ) سے سماع نہیں کیا ہے ۔

EnglishUnverified translation

ʿAbdullāh ibn ʿAmr رضي الله عنهما reported: a Muslim man sought the Messenger's ﷺ permission to marry a woman called Umm Mahzūl, who committed immorality and stipulated she would spend on him. The Prophet ﷺ recited to him: the adulterer marries none but an adulteress or polytheist woman, and none marries her but an adulterer or polytheist (24:3). > **"The adulterer marries none but an adulteress or a polytheist woman."**

اردو ترجمہ · UrduUnverified translation

حضرت عبدالله بن عمرو رضی اللہ عنہ بیان کرتے ہیں : مسلمانوں سے تعلق رکھنے والے ایک شخص نے نبی اکرم ﷺ سے ایک خاتون کے ساتھ شادی کرنے کے بارے میں اجازت مانگی جسے اُم مہزول کہا جاتا تھا اور وہ ایک فاحشہ عورت تھی اس عورت نے ان صاحب کے لئے یہ شرط رکھی تھی کہ وہ عورت ان پر خرچ کرے گی ان صاحب نے نبی اکرم ﷺ سے اس بات کی اجازت مانگی یا اس عورت کا معاملہ نبی اکرم ﷺ کے سامنے ذکر کیا تو راوی بیان کرتے ہیں : نبی اکرم ﷺ نے ان کے سامنے یہ آیت تلاوت کی :’’ زنا کرنے والا شخص صرف زنا کرنے والی عورت یا مشرکہ عورت کے ساتھ شادی کرے گا اور زنا کرنے والی عورت کے ساتھ صرف کوئی زانی یا مشرک شخص ہی شادی کرے گا ‘‘۔ یہ روایت امام احمد نے نقل کی ہے ‘ اور امام طبرانی نے معجم کبیر اور معجم اوسط میں اس کی مانند نقل کی ہے ‘ اور امام احمد کے رجال ثقہ ہیں ۔

EnglishUnverified translation

Ibn ʿAbbās رضي الله عنهما reported: when those who accuse chaste women then bring not four witnesses — flog them eighty lashes (24:4) was revealed, Saʿd ibn ʿUbādah رضي الله عنه, chief of the Anṣār, asked if thus it was revealed. The Prophet ﷺ asked the Anṣār if they heard their chief. They excused his jealousy — he married only virgins and none dared marry his divorcees. Saʿd swore he knew it true from Allah, yet wondered how he could bring four witnesses before a man finished with his wife. > **"O company of the Anṣār, do you not hear what your chief says?"**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : جب یہ آیت نازل ہوئی :’’ وہ لوگ جو پاکدامن عورتوں پر الزام لگاتے ہیں ‘ اور پھر چار گواہ نہیں لے کر آتے تو تم انہیں اسی کوڑے لگاؤ اور ان کی گواہی کبھی قبول نہ کرنا ‘‘۔ حضرت سعد بن عبادہ رضی اللہ عنہ جو انصار کے سردار تھے انہوں نے عرض کی : یا رسول اللہ ! کیا یہ اسی طرح نازل ہوئی ہے ؟ نبی اکرم ﷺ نے فرمایا : اے انصار کے گروہ کیا تم سن نہیں رہے ہو تمہارا سردار کیا کہہ رہا ہے ؟ لوگوں نے عرض کی : یا رسول اللہ ! آپ انہیں کچھ نہ کہیں کیونکہ یہ ایک تیز مزاج کے شخص ہیں اللہ کی قسم ! انہوں نے ہمیشہ کسی کنواری خاتون کے ساتھ ہی شادی کی ہے ‘ اور جب بھی انہوں نے اپنی کسی اہلیہ کو طلاق دی تو ہم میں سے کسی شخص کی یہ جرات نہیں ہوئی کہ وہ اس خاتون کے ساتھ شادی کرے اس کی وجہ ان کے مزاج کی شدت ہے ‘ تو حضرت سعد رضی اللہ عنہ نے عرض کی : یا رسول اللہ ! اللہ کی قسم ! میں یہ بات جانتا ہوں کہ یہ بات حق ہے ‘ اور یہ اللہ کی طرف سے ہے لیکن مجھے اس بات پر حیرت ہوئی کہ اگر میں کسی شخص کو پاتا ہوں کہ وہ میری بیوی کے پاس پہنچ چکا ہے ‘ اور پھر میں اسے قتل بھی نہیں کر سکتا پہلے مجھے چار گواہ لانے پڑیں گے اللہ کی قسم ! جب تک میں گواہ ڈھونڈ کے لاؤں گا اتنی دیر میں وہ اپنا کام پورا کر چکا ہو گا ...... اس کے بعد راوی نے پوری روایت ذکر کی ہے ۔ یہ روایت امام احمد نے نقل کی ہے ۔ اس کی سند میں ایک راوی عباد بن منصور ہے ‘ اور وہ ضعیف ہے ‘ اور اس کی توثیق کی گئی ہے ۔

EnglishUnverified translation

Ḥudhayfah رضي الله عنه reported: the Messenger of Allah ﷺ asked Abū Bakr رضي الله عنه what he would do if he saw a man with Umm Rūmān; he swore he would do him harm. He asked ʿUmar رضي الله عنه, who swore he would kill him and curse the wretch. Then was revealed: those who accuse their wives with no witnesses but themselves (24:6). > **"If you saw a man with Umm Rūmān, what would you do with him? And you, O ʿUmar?"**

اردو ترجمہ · UrduUnverified translation

حضرت حذیفہ رضی اللہ عنہ روایت کرتے ہیں : نبی اکرم ﷺ نے حضرت ابوبکر رضی اللہ عنہ سے ارشاد فرمایا : اگر تم ام رومان کے پاس کسی شخص کو پاؤ تو تم کیا کرو گے ؟ انہوں نے کہا : اللہ کی قسم ! میں اس کے ساتھ برا سلوک کروں گا نبی اکرم ﷺ نے دریافت کیا : اے عمر تم کیا کرو گے ؟ انہوں نے عرض کی : اللہ کی قسم ! میں اسے قتل کر دوں گا ۔ میں یہ کہوں گا اللہ تعالیٰ اس کمینے پر لعنت کرے ‘ کیونکہ یہ خبیث ہے راوی بیان کرتے ہیں : تو اس بارے میں یہ آیت نازل ہوئی : ’’ وہ لوگ جو اپنی بیویوں پر الزام عائد کرتے ہیں ‘ اور ان کے پاس گواہ کے طور پر صرف اپنی ذات ہوتی ہے ‘‘۔ یہ روایت امام بزار نے نقل کی ہے ‘ اور اس کے رجال ثقہ ہیں ۔

EnglishUnverified translation

Ibn ʿAbbās رضي الله عنهما expounded the Ifk passage (24:11-19) verse by verse: those who brought the lie about ʿĀʾishah, Mother of the Believers رضي الله عنها, were four; it was good for the Prophet ﷺ, for the mistress of believing women, for Abū Bakr, her mother, and Ṣafwān ibn al-Muʿaṭṭal; the bearer of its greatest part was ʿAbdullāh ibn Ubayy, flogged eighty in this world with the Fire in the next; the believers — Zaynab, Barīrah, and the Prophet's wives — said it is manifest slander; without four witnesses they are liars; were it not for Allah's grace you would have been touched; tongues circulating what you know not is grave with Allah; and loving scandal spread brings painful punishment.

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : ( ارشاد باری تعالیٰ ہے : ) ’’ بے شک وہ لوگ کہ تم میں سے ایک گروہ جو جھوٹا الزام لے کر آیا ‘‘۔ حضرت عبداللہ بن عباس رضی اللہ عنہما فرماتے ہیں : اس سے مراد یہ ہے : تم میں سے جن چار افراد نے اُم المومنین سیدہ عائشہ رضی اللہ عنہا کے بارے میں جھوٹی بات بیان کی ۔ ( ارشاد باری تعالیٰ ہے : ) ” تم اسے اپنے لئے برا نہ سمجھو بلکہ یہ تمہارے حق میں بہتر ہے ‘‘۔ حضرت عبداللہ بن عباس رضی اللہ عنہما کہتے ہیں : یعنی یہ نبی اکرم ﷺ کے حق میں بہتر ہے ‘ اور اہل ایمان کی خواتین کی سردار خاتون کی برات کا اظہار ہے یہ حضرت ابوبکر رضی اللہ عنہ سیدہ عائشہ رضی اللہ عنہا کی والدہ اور حضرت صفوان بن حسن رضی اللہ عنہ کے بارے میں بھی بہتر ہے ۔ ( ارشاد باری تعالیٰ ہے : ) ’’ ان میں سے ہر ایک کو اتنا ہی گناہ ملے گا جتنا گناہ اس نے کمایا ہے ‘ اور جس نے اس میں زیادہ حصہ لیا ‘‘۔ حضرت عبداللہ بن عباس رضی اللہ عنہما کہتے ہیں : اس سے مراد یہ ہے : جس نے اس کو پھیلایا ۔ ( ارشاد باری تعالیٰ ہے : ) ’’ ان میں سے ایک ‘‘۔ اس سے مراد عبداللہ بن اُبی بن سلول ہے ۔ ارشاد باری تعالیٰ ہے : ) ” اس کے لئے عظیم عذاب ہے ‘‘۔ اس سے مراد یہ ہے : دنیا میں اسے نبی اکرم ﷺ نے اسی کوڑے لگوائے تھے اور آخرت میں اس کا ٹھکانہ جہنم ہو گا ۔ ( ارشاد باری تعالیٰ ہے : ) ’’ ایسا کیوں نہ ہوا کہ جب تم لوگوں نے اس بات کو سنا ‘‘۔ اس سے مراد یہ ہے : جب تم لوگوں نے یہ بات سنی تو ایسا کیوں نہیں ہوا ۔ ( ارشاد باری تعالیٰ ہے : ) ’’ مومن مردوں اور مومن خواتین نے ان کے بارے میں بھلائی کا گمان کیوں نہیں کیا ‘ اور یہ کیوں نہیں کہا : یہ واضح جھوٹ ہے ‘‘۔ ( حضرت عبداللہ بن عباس رضی اللہ عنہما کہتے ہیں : ) اس کی وجہ یہ ہے : نبی اکرم ﷺ نے سیدہ عائشہ رضی اللہ عنہا کے بارے میں مشورہ لیا تھا ‘ تو لوگوں نے بھلائی کی بات کہی تھی اور یہ کہا تھا کہ یا رسول اللہ ! یہ جھوٹ اور بہتان ہے ‘ اور ’’ مومن خواتین ‘‘۔ اس سے مراد نبی اکرم ﷺ کی زوجہ محترمہ سیدہ زینب رضی اللہ عنہ ہیں ‘ اور سیدہ عائشہ رضی اللہ عنہا کی کنیز سیدہ بریرہ رضی اللہ عنہ ہیں ، اور نبی اکرم ﷺ کی دیگر ازواج ہیں ، جنہوں نے یہ کہا تھا کہ یہ بہت بڑا جھوٹ ہے ‘ تو اللہ تعالیٰ نے یہ ارشاد فرمایا : ’’ لوگ اس کے بارے میں چار گواہ کیوں نہیں لے کر آئے ‘‘۔ تو وہ لوگ اور جنہوں نے گواہی دی ہے وہ جھوٹے ہوتے ۔ ’’ اور جب وہ گواہ نہیں لے کر آئے ‘ تو یہ لوگ اللہ تعالیٰ کے نزدیک جھوٹے شمار ہوں گے ‘‘۔ اس سے مراد یہ ہے : وہ متعین لوگ جھوٹے شمار ہوں گے ۔ ’’ اور اگر اللہ تعالیٰ کا فضل اور رحمت دنیا اور آخرت میں تم پر نہ ہوتی ‘‘۔ اس سے مراد یہ ہے : اگر اللہ تعالیٰ نے تم پر احسان نہ کیا ہوتا اور تمہاری پردہ پوشی نہ کی ہوتی ۔ ’’ تو جو کام تم نے کیا ہے اس کے حوالے سے تمہیں لاحق ہونا تھا ‘‘۔ اس سے مراد جھوٹا الزام عائد کرنا ہے ۔ ’’ عظیم عذاب ‘‘۔ اس سے مراد یہ ہے : اس عذاب میں کوئی انقطاع نہیں ہونا تھا ۔ ’’ جب تم اپنی زبانوں کے ذریعے اس بات کو پھیلاتے رہے ‘ اور اپنے منہ کے ذریعے وہ بات کہتے رہے جس کے بارے میں تمہیں علم نہیں تھا ‘‘۔ اور اللہ تعالیٰ کو علم تھا کہ بات ایسی نہیں ہے ۔ ’’ اور تم اسے ہلکا گمان کر رہے تھے اور یہ اللہ تعالیٰ کے نزدیک بڑی بات تھی ‘‘۔ اس سے مراد یہ ہے : تم لوگ سیدہ عائشہ صدیقہ رضی اللہ عنہا پر جو اہل ایمان کی خواتین کی سردار ہیں ‘ اور نبی اکرم ﷺ کی زوجہ محترمہ ہیں تم ان پر بہتان عائد کر رہے تھے ایک ایسی چیز کے حوالے سے جو ان میں نہیں پائی جاتی اور ان کے دل میں کبھی اس کا خیال آیا کیونکہ انہیں تو پاکیزہ پیدا کیا گیا ہے اور ہر قبیح چیز سے محفوظ رکھا گیا ہے ۔ ’’ ایسا کیوں نہ ہوا کہ جب تم نے وہ بات سنی تو تم نے یہ کہا ہوتا کہ ہمارے لئے یہ حق نہیں ہے کہ ہم اس کے بارے میں بات چیت کریں تو ہر عیب سے پاک ہے بے شک یہ بڑا بہتان ہے ‘‘۔ یہاں بہتان سے مراد افتراء ہے جس طرح سیدہ مریم رضی اللہ عنہا کے بارے میں اللہ تعالیٰ کا یہ فرمان ہے : ” بڑا بہتان ‘‘۔ ’’ اللہ تعالیٰ تمہیں یہ نصیحت کرتا ہے کہ اب تم دوبارہ کبھی ایسا نہ کرنا ‘‘۔ اس سے مراد مسطح بن اثاثہ اور حمنہ بنت جحش اور حضرت حسان بن ثابت رضی اللہ عنہ ہیں ۔ ’’ اور اگر تم مومن ہو ‘‘۔ اس سے مراد یہ ہے : اگر تم اللہ اور اس کے رسول کی تصدیق کرنے والے ہو ۔ اور اللہ تعالیٰ تمہارے لئے آیات کو بیان کرتا ہے ‘‘۔ اس سے مراد وہ آیات ہیں جو سیدہ عائشہ رضی اللہ عنہما اور ان کی برات کے بارے میں نازل ہوئیں ۔ ’’ اور اللہ تعالیٰ علم رکھنے والا ہے ‘‘۔ یعنی اس چیز کے بارے میں جو تمہارے دلوں میں ندامت پائی جاتی ہے اس چیز کے حوالے سے جو تم نے کام کیا ہے ۔ ’’ اور حکم دینے والا ہے ‘‘۔ یعنی اس نے جھوٹا الزام لگانے کے بارے میں یہ حکم دیا ہے کہ اسی کوڑے لگائے جائیں گے ۔ ’’ بے شک وہ لوگ جو اس بات کو پسند کرتے ہیں کہ برائی پھیلے ‘‘۔ اس سے مراد یہ ہے : اس کے بعد بھی جو لوگ ایسا کرتے ہیں ۔ ’’ ایمان والوں کے بارے میں ‘‘۔ اس سے مراد یہ ہے : تصدیق کرنے والوں میں سے پاکدامن مردوں اور پاکدامن عورتوں کے بارے میں ۔’’ تو ان کے لئے درد ناک عذاب ہو گا ‘‘۔ یعنی تکلیف دہ عذاب ہو گا ۔ ’’ دنیا میں اور آخرت میں ‘‘۔ دنیا کے عذاب سے مراد کوڑے لگنا اور آخرت کے عذاب سے مراد جہنم میں عذاب ہونا ہے ۔ ’’ اور اللہ تعالیٰ علم رکھتا ہے ‘ اور تم لوگ علم نہیں رکھتے ہو ‘‘۔ یعنی اس چیز کی خرابی کے بارے میں علم نہیں رکھتے ہو جس میں تم داخل ہوئے تھے اور اس میں جتنا شدید عذاب پایا جاتا ہے ‘ اور تم لوگ یہ بھی علم نہیں رکھتے ہو کہ جو شخص ایسا کرے گا اس پر اللہ تعالیٰ کتنا سخت ناراض ہو گا ۔ ’’ اور اگر اللہ تعالیٰ کا فضل تم پر نہ ہوتا اور اس کی رحمت نہ ہوتی ‘‘۔ اس سے مراد یہ ہے : اگر اللہ تعالیٰ نے تم پر فضل نہ کیا ہوتا اور رحمت نہ کی ہوتی اس سے مراد حضرت مسطح رضی اللہ عنہ سیدہ حمنہ رضی اللہ عنہا اور حضرت حسان رضی اللہ عنہ ہیں ۔ ’’ بے شک اللہ تعالیٰ مہربان رحم کرنے والا ہے ‘‘۔ یہاں رحمت سے مراد یہ ہے : تمہاری ندامت کے حوالے سے تم پر مہربان ہے کہ تم نے حق کی طرف رجوع کر لیا ۔ ’’ اے ایمان والو ! ‘‘۔ اس سے مراد وہ لوگ ہیں ، جنہوں نے اللہ تعالیٰ کی توحید کی تصدیق کی ۔ ’’ تم لوگ شیطان کے راستے پر نہ چلو ‘‘۔ اس سے مراد پھسلنے والی صورتیں ہیں ۔ ’’ اور جو شخص شیطان کے راستے کی پیروی کرے گا ‘ تو وہ فحاشی اور برائی کا حکم دیتا ہے ‘‘۔ یہاں فحاشی سے مراد اللہ تعالیٰ کی نافرمانی کرنا ہے ‘ اور منکر سے مراد ہر وہ چیز ہے ‘ جسے اللہ تعالٰی ناپسند کرے ۔ ’’ اور اگر اللہ تعالیٰ کا فضل تم پر نہ ہوتا اور اس کی رحمت نہ ہوتی ‘‘۔ اس سے مراد یہی ہے کہ اللہ تعالیٰ نے جو تم پر فضل کیا ہے ‘ اور جو تم پر رحم کیا ہے اگر یہ چیز نہ ہوتی ۔ ’’ تو تم میں سے کسی نے کبھی پاکیزہ نہیں ہونا تھا ‘‘۔ اس سے مراد یہ ہے : اس نے تم میں سے کسی کی توبہ کبھی قبول نہیں کرنی تھی ۔ ’’ لیکن اللہ تعالیٰ جسے چاہتا ہے پاکیزہ کر دیتا ہے ‘‘۔ اس سے مراد یہ ہے : اگر میں چاہوں تو تمہاری توبہ قبول کرتا ہوں ۔ ’’ اور اللہ تعالیٰ سننے والا علم رکھنے والا ہے ‘‘۔ اس سے مراد یہ ہے : وہ تمہاری بات کو سننے والا ہے ‘ اور تمہارے من میں جو ہے اس کے بارے میں جاننے والا ہے جس کا تعلق ندامت اور توبہ سے ہے ۔ ’’ اور قسم نہ اٹھائیں ‘‘۔ اس سے مراد یہ ہے : حلف نہ اٹھائیں ۔ ’’ تم میں سے فضیلت اور گنجائش رکھنے والے لوگ ‘‘۔ اس سے مراد یہ ہے : حضرت ابوبکر رضی اللہ عنہ کو یہ قسم نہیں اٹھانی چاہیے تھی کہ وہ مسطع پر خرچ نہیں کریں گے ۔ ’’ کہ وہ لوگ قرابت داروں یا مسکینوں یا اللہ کی راہ میں ہجرت کرنے والوں کو کچھ ( نہیں ) دیں گے انہیں چاہیے کہ وہ معاف کریں اور درگزر سے کام لیں ‘‘۔ اس سے مراد یہ ہے : اے ابوبکر میں نے تمہارے اندر فضیلت رکھی ہے ‘ اور تمہیں گنجائش دی ہے ‘ اور اللہ تعالیٰ کی معرفت عطا کی ہے ‘ اور اے ابوبکر ! تم مسطح پر خرچ کرو کیونکہ اسے رشتے داری کا حق بھی حاصل ہے ہجرت کا شرف بھی حاصل ہے وہ رہائشی بھی ہے اس نے جنگوں میں حصہ بھی لیا ہے جن سے میں راضی ہوا ہوں جن میں سے ایک غزوہ بدر ہے ۔ ’’ کیا تم لوگ پسند نہیں کرتے ہو ‘‘۔ اس سے مراد یہ ہے : اے ابوبکر ! کیا ایسا نہیں ہے ۔ ’’ یہ کہ اللہ تعالیٰ تم لوگوں کی مغفرت کر دے ‘‘۔ اس سے مراد یہ ہے : تم بھی مسطح کو معاف کر دو ۔ ’’ اور اللہ تعالیٰ مغفرت کرنے والا رحم کرنے والا ہے ‘‘۔ اس سے مراد یہ ہے : جو شخص غلطی کرے میں اس کی مغفرت کرنے والا ہوں اور اپنے دوستوں پر مہربان ہوں ۔ ’’ بے شک وہ لوگ جو پاکدامن عورتوں پر الزام لگاتے ہیں ‘‘۔ یہاں محصنات سے مراد پاک دامن عورتیں ہیں ۔ ’’ غافل اور مومن خواتین ‘‘۔ اس سے مراد یہ ہے : اللہ تعالیٰ کی توحید اور اس کے رسولوں کی تصدیق کرنے والی خواتین ۔ حضرت حسان بن ثابت رضی اللہ عنہ نے اُم المؤمنین سیدہ عائشہ رضی اللہ عنہا کے بارے میں یہ شعر کہا تھا : ’’ وہ پاکدامن ہیں ‘ حرکت کم کرتی ہیں ‘ ان پر شک نہیں کیا جا سکتا ‘ اور وہ ایسی حالت میں صبح کرتی ہیں کہ اُن کا پیٹ غافل ( لوگوں کی غیبت کر کے ‘ ان لوگوں کا ) گوشت کھانے کے حوالے سے خالی ہوتا ہے ‘‘۔ تو سیدہ عائشہ رضی اللہ عنہا نے یہ فرمایا تھا : اے حسان ! لیکن تم ایسے نہیں ہو ۔ ’’ دنیا میں اور آخرت میں ان پر لعنت کی گئی ہے ‘ اور ان کے لئے عظیم عذاب ہو گا ‘‘۔ اللہ تعالیٰ یہ فرما رہا ہے کہ اللہ تعالیٰ نے انہیں ایمان سے نکال دیا ہے جس طرح سورت احزاب میں منافقین کے بارے میں اللہ تعالیٰ نے یہ ارشاد فرمایا ہے : ’’ ان پر لعنت کی گئی ہے وہ جہاں پائے جائیں گے انہیں پکڑا جائے گا اور قتل کیا جائے گا ‘‘۔ ’’ اور جو شخص اس کے بڑے حصے کا نگران بنا ‘‘۔ اس سے مراد یہ ہے : جس شخص نے اس الزام میں بڑھ چڑھ کر حصہ لیا اور اس کو پھیلایا اس سے مراد عبداللہ بن اُبی بن سلول ملعون ہے ۔ ’’ جس دن ان کی زبانیں اور ان کے ہاتھ اور ان کے پاؤں ان کے خلاف گواہی دیں گے اس چیز کے حوالے سے جو دہ عمل کرتے تھے ‘‘۔ اس سے مراد یہ ہے : اللہ تعالیٰ ان کی زبانوں پر مہر لگا دے گا اور اعضاء کلام کریں گے اور اپنے متعلقہ فرد کے خلاف گواہی دیں گے اس کی وجہ یہ ہے : ان لوگوں نے یہ کہا تھا کہ تم لوگ آگے آؤ ! ہم اللہ کے نام پر یہ حلف اٹھاتے ہیں کہ ہم مشرک نہیں تھے ‘ تو اللہ تعالیٰ ان کی زبانوں پر مہر لگا دے گا اور ان کے اعضا ان کے عمل کے بارے میں کلام کریں گے اور پھر ان کی زبانیں ان کے بعد ان کے خلاف گواہی دیں گی اور اللہ تعالیٰ یہ چاہتا ہے کہ ان کے اعمال کے حساب سے حق کے مطابق انہیں بدلہ دے جس طرح وہ اپنے دوستوں کو ثواب عطا کرے گا اسی طرح گناہ گاروں کو سزا دے گا جیسا کہ سورت فاطر میں اللہ تعالیٰ نے ارشاد فرمایا ہے : ’’ وہ یوم الدین کا مالک ہے ‘‘۔ اس سے مراد یوم جزا ہے ۔ ’’ اور وہ لوگ علم رکھتے ہیں ‘‘۔ اس سے مراد قیامت کے دن کا علم ہے ’’ بے شک اللہ تعالیٰ ہی حق ‘ مبین ہے ‘‘۔ اس کی وجہ یہ ہے : عبداللہ بن اُبی دین کے بارے میں شک کرتا تھا وہ منافقین کا سردار تھا اسی بارے میں اللہ تعالیٰ نے یہ ارشاد فرمایا ہے : ’’ اس دن اللہ تعالیٰ ان لوگوں کو ان کے دین کا حق کے مطابق بدلہ دے گا ‘‘۔ اور ابن سلول قیامت کے دن کے بارے میں علم رکھتا تھا ۔ ’’ بے شک اللہ تعالیٰ ہی حق مبین ہے ‘‘۔ اس سے مراد یہ ہے : اس کا شک ختم ہو جائے گا اور اسے اس بات کا یقین ہو جائے گا اس وقت جب یقین اسے فائدہ نہیں دے گا ۔ ’’ خبیث عورتیں خبیث مردوں کے لئے ہیں ‘ اور خبیث مرد خبیث عورتوں کے لئے ہیں ‘‘۔ اس کے ذریعے اللہ تعالیٰ نے عبداللہ بن اُبی بن سلول اور ان لوگوں کے بارے میں مثال بیان کرنے کا ارادہ کیا ہے جو اللہ تعالیٰ کے بارے میں شک کا شکار ہوتے ہیں ‘ اور سیدہ عائشہ رضی اللہ عنہا جیسی خواتین پر الزام لگاتے ہیں پھر اللہ تعالیٰ نے یہ ارشاد فرمایا : ’’ اور پاکیزہ عورتیں پاکیزہ مردوں کے لئے ہیں ‘‘۔ اس سے مراد یہ ہے : سیدہ عائشہ رضی اللہ عنہا کو اللہ تعالیٰ نے اپنے رسول ﷺ کے لئے پاکیزہ رکھا ہے حضرت جبرائیل علیہ السلام سیدہ عائشہ رضی اللہ عنہ کی تصویر ریشم کے بنے ہوئے کپڑے میں لے کر اس وقت آئے تھے اس وقت جب سیدہ عائشہ رضی اللہ عنہا کی والدہ کے رحم میں ابھی ان کی شباہت بھی نہیں بنی تھی اور انہوں نے نبی اکرم ﷺ کو یہ بتایا تھا کہ یہ سیدہ عائشہ بنت ابوبکر ہیں جو دنیا میں آپ کی اہلیہ ہوں گی اور جنت میں آپ کی اہلیہ ہوں گی اور یہ سیدہ خدیجہ بنت خویلد رضی اللہ عنہا کی جگہ آپ کو ملیں گی یہ سیدہ خدیجہ رضی اللہ عنہا کے موت کے وقت کی بات ہے ‘ تو نبی اکرم ﷺ اس حوالے سے خوش ہو گئے تھے اور اس حوالے سے آپ کی آنکھیں ٹھنڈی ہوئی تھیں پھر اللہ تعالیٰ نے ارشاد فرمایا : ’’ اور پاکیزہ مرد پاکیزہ عورتوں کے لئے ہوتے ہیں ‘‘۔ اس سے مراد یہ ہے : نبی اکرم ﷺ کو اللہ تعالیٰ نے آپ کی ذات کے اعتبار سے پاکیزہ رکھا ہے ‘ اور آپ کو تمام اولاد آدم کا سردار بنایا ہے ‘ اور پاکیزہ خواتین سے مراد سیدہ عائشہ صدیقہ رضی اللہ عنہا ہیں ۔ ’’ یہ وہ لوگ ہیں جو اس سے لاتعلق ہیں جو وہ لوگ کہتے ہیں : ‘‘۔ اس سے مراد یہ ہے : اللہ تعالیٰ نے سیدہ عائشہ رضی اللہ عنہا کو اس چیز سے لاتعلق رکھا ہے جو عبداللہ بن اُبی بن سلول نے ان کی طرف جھوٹی بات منسوب کی تھی ۔ ’’ ان لوگوں کے لئے مغفرت ہے ‘‘۔ اس سے مراد یہ ہے : دنیا میں ان کے لئے عصمت ہے ‘ اور آخرت میں مغفرت ہو گی ۔ ’’ اور معزز رزق ہے ‘‘۔ اس سے مراد جنت کا رزق اور عظیم ثواب ہے ۔ یہ روایت امام طبرانی نے ٹکڑوں کی شکل میں ایک ہی سند کے ساتھ نقل کی ہے ‘ تو ہر ٹکڑے میں اس سند کو دہرانے کی ضرورت نہیں تھی اس کی سند میں ایک راوی موسیٰ بن عبدالرحمن صنعانی ہے ‘ اور وہ ضعیف ہے ۔ اس روایت کا ایک ٹکڑا انہوں نے مجاہد کے حوالے سے اور قتادہ کے حوالے سے اور سعید بن جبیر کے حوالے سے اور ہشام بن عروہ کے حوالے سے نقل کیا ہے لیکن ان کی اسانید میں بھی ضعف پایا جاتا ہے ۔

EnglishUnverified translation

Saʿīd ibn Jubayr رحمه الله said concerning: the one who took upon himself its greatest part (24:11) — its enormity among the accusers — is Ibn Ubayy, chief of the hypocrites, who said she was not cleared nor he of her. In this is a lesson: whoever aids a sin by act, word, insinuation, admiration, or approval shares it proportionately; whoever witnesses and detests is as the absent, and whoever is absent yet approves is as the witness.

اردو ترجمہ · UrduUnverified translation

سعید بن جبیر بیان کرتے ہیں : ’’ اور جو شخص اس کے بڑے حصے کا نگران بنا ‘‘۔ اس سے مراد یہ ہے : اس کے عظیم حصے کا ۔ ’’ ان میں سے ایک ‘‘۔ یعنی الزام لگانے والوں میں سے ایک یہ ابن ابی ہے جو منافقین کا سردار ہے ‘ اور یہی وہ شخص ہے جس نے یہ کہا تھا کہ وہ خاتون اس مرد سے لاتعلق نہیں ہے ‘ اور وہ مرد اس خاتون سے لا تعلق نہیں ہے ۔ ” اس کے لئے عظیم عذاب ہو گا ‘‘۔ اس آیت میں مسلمانوں کے لئے ایک عبرت آموز سبق ہے کہ جب مسلمانوں کے درمیان کوئی غلطی رونما ہو تو جو شخص فعل یا کلام یا اس کو پیش کرنے یا اس کو پسند کرنے یا اس سے راضی ہونے کے حوالے سے اس غلطی کے بارے میں مدد کرے گا ‘ تو وہ اس غلطی میں شامل شمار ہو گا ان لوگوں کے حساب سے جو اس غلطی میں حصہ لے رہے ہیں ، اور جب مسلمانوں کے درمیان کوئی غلطی آ جائے تو جو شخص وہاں موجود ہو لیکن اس کو ناپسند کرے تو وہ غیر موجود شخص کی مانند ہو گا اور جو شخص غیر موجود ہونے کے باوجود اس سے راضی ہو ‘ تو وہ موجود کی مانند ہو گا ۔ یہ روایت امام طبرانی نے نقل کی ہے ۔ اس کی سند میں ایک راوی ابن لہیعہ ہے اس میں ضعف پایا جاتا ہے اس کی نقل کردہ حدیث کو حسن قرار دیا گیا ہے اس روایت کے بقیہ رجال صحیح کے رجال ہیں ۔

EnglishUnverified translation

Hishām ibn ʿUrwah رحمه الله said: those who bore its greatest part were ʿAbdullāh ibn Ubayy ibn Salūl, Misṭaḥ ibn Uthāthah, Ḥassān, and Ḥamnah bint Jaḥsh رضي الله عنهم, with the greatest burden from Ibn Ubayy.

اردو ترجمہ · UrduUnverified translation

ہشام بن عروہ بیان کرتے ہیں : ( ارشا باری تعالیٰ ہے : ) ’’ جس شخص نے اس میں زیادہ حصہ لیا ‘‘۔ اس سے مراد عبداللہ بن ابی بن سلول ، مسطح بن اثاثہ ، حسان بن ثابت جمنہ بنت جحش ہیں ‘ اور ان سب میں زیادہ بڑھ چڑھ کر حصہ عبداللہ بن اُبی بن سلول کی طرف سے لیا گیا ۔ یہ روایت امام طبرانی نے ان سے اور مجاہد سے نقل کی ہے ‘ اور ان دونوں کی سند ضعیف ہے ۔

EnglishUnverified translation

Qatādah رحمه الله said concerning: why, when you heard it (24:12) — you should have denied it and said it is manifest falsehood. By my life, to belie evil about your brother upon hearing it is better and safer than spreading, publicizing, and affirming it.

اردو ترجمہ · UrduUnverified translation

قتادہ نے اللہ تعالیٰ کے اس فرمان کے بارے میں بیان کیا ہے ( ارشاد باری تعالیٰ ہے : ) ’’ ایسا کیوں نہ ہوا کہ جب تم لوگوں نے اسے سنا ‘‘۔ کہ تم اس کو جھٹلاتے اور تم یہ کہتے کہ یہ واضح جھوٹ ہے مجھے اپنی زندگی کی قسم ہے اپنے بھائی کے بارے میں برائی کو جھوٹا قرار دینا جب تم اسے سنو یہ تمہارے لئے زیادہ بہتر ہے ‘ اور زیادہ سلامتی کا باعث ہے بہ نسبت اس کے کہ تم اسے پھیلاؤ اور نمایاں کرو اور اس کی تصدیق کرو ۔ یہ روایت امام طبرانی نے نقل کی ہے ‘ اور اس کی سند عمدہ ہے ۔

EnglishUnverified translation

Saʿīd ibn Jubayr رحمه الله said concerning: why, when you heard it (24:12) — the accusation of ʿĀʾishah and Ṣafwān رضي الله عنهما — did you not belie it? Why did not believing men and women, among them Zaynab bint Jaḥsh رضي الله عنها, think good of one another, having seen nothing, and say: this accusation is a manifest lie?

اردو ترجمہ · UrduUnverified translation

سعید بن جبیر بیان کرتے ہیں : ( ارشاد باری تعالیٰ ہے : ) ’’ ایسا کیوں نہ ہوا کہ جب تم نے اسے سنا ‘‘۔ یعنی سیدہ عائشہ رضی اللہ عنہا اور حضرت صفوان رضی اللہ عنہ پر لگنے والے الزام کو سنا ‘ تو تم نے اسے جھٹلایا کیوں نہیں ؟ ایسا کیوں نہ ہوا کہ مومن مرد اور مومن خواتین یہ گمان کرتے ۔ ان میں ایک سیدہ زینب بنت جحش رضی اللہ عنہ ہیں ’’ ان لوگوں کے بارے میں بھلائی کا ‘‘۔ اس سے مراد یہ ہے : انہوں نے ایک دوسرے کے بارے میں بھلائی کا گمان کیوں نہیں کیا کہ جب انہوں نے یہ چیز نہیں دیکھی تھی اور یہ کیوں نہیں کہا کہ وہ یہ کہتے : یہ جھوٹ ہے کہ یعنی انہوں نے یہ کیوں نہیں کہا : یہ جھوٹا الزام ہے ‘ اور واضح جھوٹ ہے ۔ یہ روایت امام طبرانی نے نقل کی ہے ۔ اس کی سند میں ایک راوی ابن لہیعہ ہے ‘ اور اس میں ضعف پایا جاتا ہے ۔

EnglishUnverified translation

Ibn Jurayj رحمه الله said concerning: why, when you heard it, did believing men and women think good (24:12) — meaning one saying to another: have you not heard what was said.

اردو ترجمہ · UrduUnverified translation

ابن جریح ‘ اللہ تعالیٰ کے اس فرمان کے بارے میں بیان کرتے ہیں : ( ارشاد باری تعالیٰ ہے : ) ’’ ایسا کیوں نہ ہوا کہ جب تم نے اسے سنا ‘ تو مومن مرد اور مومن خواتین نے یہ گمان کیا ہوتا ‘‘۔ یعنی ان کا ایک دوسرے کو یہ کہنا کہ کیا تم نے اس بات کو نہیں سنا ۔ یہ روایت امام طبرانی نے نقل کی ہے ‘ اور اس کی سند عمدہ ہے ۔

EnglishUnverified translation

Abū Ṣakhr رحمه الله said concerning: why did they not bring four witnesses; since they brought none, they are liars before Allah (24:13). Everyone who accuses a Muslim then brings not four witnesses is an accuser subject to the ḥadd of qadhf.

اردو ترجمہ · UrduUnverified translation

حضرت ابوصخر رضی اللہ عنہ بیان کرتے ہیں : ( ارشاد باری تعالیٰ ہے : ) ’’ وہ لوگ اس پر چار گواہ کیوں نہیں لے کر آئے اور اگر وہ گواہ نہیں لا سکتے تو پھر اللہ تعالیٰ کی بارگاہ میں وہ لوگ جھوٹے شمار ہوں گے ‘‘۔ اس سے مراد یہ ہے : ہر وہ شخص جو کسی مسلمان پر جھوٹا الزام عائد کرتا ہے ۔ ’’ پھر اگر وہ چار گواہ نہیں لے کر آتے “۔ تو جس شخص نے جھوٹا الزام لگایا ہے اس پر حد قذف جاری ہو گی ۔ یہ روایت امام طبرانی نے نقل کی ہے ۔ اس کی سند میں ایک راوی رشدین بن سعد ہے ‘ اور وہ ضعیف ہے ۔

EnglishUnverified translation

Qatādah رحمه الله said concerning: were it not for Allah's grace and mercy, you would have been touched for what you indulged in with great punishment (24:14). This is concerning ʿĀʾishah رضي الله عنها; the Companions of the Messenger ﷺ nearly perished over what was said.

اردو ترجمہ · UrduUnverified translation

قتادہ ‘ اللہ تعالیٰ کے اس فرمان کے بارے میں بیان کرتے ہیں : ( ارشاد باری تعالیٰ ہے : ) ’’ اور اگر اللہ تعالیٰ کا فضل اور اس کی رحمت تم پر نہ ہوتے تو تم نے جو کام کیا ہے اس کے حوالے سے تمہیں عظیم عذاب لاحق ہونا تھا ‘‘۔ قتادہ کہتے ہیں : یہ سیدہ عائشہ رضی اللہ عنہا کے بارے میں تھا اور یہ بات کہی گئی ہے کہ قریب تھا کہ نبی اکرم ﷺ کے ساتھی اس حوالے سے ہلاکت کا شکار ہو جاتے ۔ اس کی سند عمدہ ہے ۔