Hadith 1233–1272

EnglishUnverified translation

Yazīd ibn Abī ʿUbayd reported: Whenever Salamah ibn al-Akwaʿ رضي الله عنه performed ablution, he would take musk, rub it into his hands, and then wipe his beard with it.

اردو ترجمہ · UrduUnverified translation

یزید بن ابوعبید بیان کرتے ہیں : حضرت سلمہ بن اکوع رضی اللہ عنہ جب وضو کرتے تھے ‘ تو خوشبو لے کر اسے اپنے ہاتھ پر ملتے تھے ‘ اور پھر وہ ہاتھ اپنی داڑھی پر پھیر لیتے تھے ۔ یہ روایت امام طبرانی نے معجم کبیر میں نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

ʿAbdullāh ibn Masʿūd رضي الله عنه narrated that the Messenger of Allah ﷺ said: > **"Whoever forgets to wipe the head and remembers while he is praying: if he finds moisture in his beard, let him take from it and wipe his head with it, for that will suffice him; but if he finds no moisture, let him repeat both the ablution and the prayer."**

اردو ترجمہ · UrduUnverified translation

حضرت عبداللہ بن مسعود رضی اللہ عنہ روایت کرتے ہیں : : نبی اکرم ﷺ نے ارشاد فرمایا : ’’ جو شخص ( وضو کرتے ہوئے ) سر کا مسح بھول جائے ‘ اور وہ اُسے اس وقت یاد آئے ‘ جب وہ نماز ادا کر رہا ہو ‘ تو اگر وہ اپنی داڑھی میں تری پا لیتا ہے ‘ تو وہ تری لے کر اُس کے ذریعے اپنے سر کا مسح کر لے یہ اس کے لیے کفایت کر جائے گا ‘ اور اگر اسے تری نہیں ملتی ہے ‘ تو پھر وہ وضو اور نماز کو دہرا لے ‘‘۔ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی نہشل بن سعید ہے اور وہ کذاب ہے ۔

EnglishUnverified translation

Muʿayqīb رضي الله عنه narrated that the Messenger of Allah ﷺ said: > **"Woe to the heels from the Fire!"**

اردو ترجمہ · UrduUnverified translation

حضرت معیقیب رضی اللہ عنہ روایت کرتے ہیں : نبی اکرم ﷺ نے ارشاد فرمایا ہے : ’’ ( بعض ) ایڑیوں کے لئے جہنم کی بربادی ہے ‘‘۔ یہ روایت امام احمد نے اور امام طبرانی نے معجم کبیر میں نقل کی ہے ‘ اس کی سند میں ایک راوی ایوب بن عتبہ ہے ‘ اکثر حضرات نے اُسے ” ضعیف “ قرار دیا ہے ۔

EnglishUnverified translation

ʿAbdullāh ibn al-Ḥārith ibn Jazʾ al-Zubaydī رضي الله عنه, one of the Companions of the Prophet ﷺ, reported: I heard the Messenger of Allah ﷺ say: > **"Woe to the heels and the soles of the feet from the Fire!"**

اردو ترجمہ · UrduUnverified translation

عقبہ بن مسلم بیان کرتے ہیں : میں نے ‘ حضرت عبداللہ بن حارث بن جزء زبیدی رضی اللہ عنہ کو ‘ جو نبی اکرم ﷺ کے اصحاب میں سے ہیں ، انہیں یہ فرماتے ہوئے سنا : ’’ ( بعض ) ایڑیوں اور پاؤں کے تلووں کے لیے ‘ جہنم کی بربادی ہے ‘‘۔ یہ روایت امام احمد نے اسی طرح نقل کی ہے ‘ امام طبرانی نے معجم کبیر میں اس کو یوں نقل کیا ہے : حضرت عبداللہ بن حارث بن جزء زبیدی رضی اللہ عنہ بیان کرتے ہیں : میں نے نبی اکرم ﷺ کو یہ ارشاد فرماتے ہوئے سنا ہے : ( بعض ) ایڑیوں اور پاؤں کے تلووں کے لیے جہنم کی بربادی ہے ‘‘۔ امام احمد اور امام طبرانی کے رجال ثقہ ہیں ۔

EnglishUnverified translation

Abū Umāmah and his brother رضي الله عنهما reported: The Messenger of Allah ﷺ saw some people performing ablution, and upon their feet a spot the size of a dirham remained unwashed, so he said: > **"Woe to the heels from the Fire!"**

اردو ترجمہ · UrduUnverified translation

حضرت ابوامامہ رضی اللہ عنہ اور اُن کے بھائی بیان کرتے ہیں : نبی اکرم ﷺ نے کچھ لوگوں کو وضو کرتے ہوئے دیکھا ‘ تو ارشاد فرمایا : ( بعض ) ایڑیوں کے لیے جہنم کی بربادی ہے ۔ یہ روایت امام طبرانی نے معجم کبیر میں مختلف طرق کے ساتھ نقل کی ہے ‘ جن میں سے بعض میں یہ مذکور ہے : یہ حضرت ابوامامہ رضی اللہ عنہ اور ان کے بھائی سے منقول ہے ‘ بعض میں یہ مذکور ہے : یہ صرف حضرت ابوامامہ رضی اللہ عنہ سے منقول ہے ‘ بعض میں یہ مذکور ہے : یہ صرف حضرت ابوامامہ رضی اللہ عنہ کے بھائی سے منقول ہے اور بعض میں یہ مذکور ہے : وہ بیان کرتے ہیں : ’’ نبی اکرم ﷺ نے کچھ لوگوں کو وضو کرتے ہوئے دیکھا ‘ جن کے پاؤں پر ایک درہم جتنی جگہ باقی رہ گئی تھی ، تو آپ ﷺ نے ارشاد فرمایا : ( بعض ) ایڑیوں کے لیے جہنم کی بربادی ہے ‘‘۔ ان تمام طرق کا مدار لیث بن ابوسلیم نامی راوی پر ہے ‘ اور وہ اختلاط کا شکار ہو گیا تھا ۔

EnglishUnverified translation

Bakr ibn Sawādah reported: I heard Abū al-Haytham رضي الله عنه say: The Messenger of Allah ﷺ saw me performing ablution, so he said: > **"[Mind] the sole of the foot, O Abū al-Haytham!"**

اردو ترجمہ · UrduUnverified translation

بکر بن سوادہ بیان کرتے ہیں : میں نے حضرت ابوالہیثم رضی اللہ عنہ کو یہ بیان کرتے ہوئے سنا : وہ فرماتے ہیں : نبی اکرم ﷺ نے مجھے وضو کرتے ہوئے دیکھا تو ارشاد فرمایا : اے ابوالہیثم ! پاؤں کے تلوے کا دھیان رکھنا ۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی ابن لہیعہ ہے اور وہ ضعیف ہے ‘ بکر بن سوادہ کے بارے میں میرا یہ گمان ہے کہ انہوں نے حضرت ابوالہیثم رضی اللہ عنہ سے سماع کیا ہے ‘ باقی اللہ بہتر جانتا ۔

EnglishUnverified translation

Abū Bakr al-Ṣiddīq رضي الله عنه reported: I was sitting with the Messenger of Allah ﷺ when a man came who had performed ablution, but there was a spot upon his foot that water had not reached. The Prophet ﷺ said: > **"Go and complete your ablution."** And the man did so.

اردو ترجمہ · UrduUnverified translation

حضرت ابوبکر صدیق رضی اللہ عنہ بیان کرتے ہیں : میں نبی اکرم ﷺ کے پاس بیٹھا ہوا تھا ‘ ایک شخص آیا ‘ جس نے وضو کیا تھا اور اُس کے پاؤں میں ایک جگہ پر پانی نہیں پہنچا تھا ، تو نبی اکرم ﷺ نے ارشاد فرمایا : تم جاؤ اور اپنا وضو مکمل کرو ! تو اُس شخص نے ایسا ہی کیا ۔ یہ روایت امام طبرانی نے معجم اوسط اور معجم صغیر میں نقل کی ہے ‘ اس کی سند میں ایک راوی وازع بن نافع ہے اور اس کے ضعیف ہونے پر اتفاق ہے ۔

EnglishUnverified translation

Abū Rawḥ al-Kalāʿī رضي الله عنه reported: The Prophet of Allah ﷺ led us in a prayer in which he recited Sūrat al-Rūm, and a portion of it became confused for him. When he finished, he said: > **"Satan only confused the recitation for us because of certain people who come to the prayer without [proper] ablution. So whenever you come to the prayer, perform the ablution well."**

اردو ترجمہ · UrduUnverified translation

حضرت ابوروح کلاعی بیان کرتے ہیں : اللہ کے نبی ﷺ نے ہمیں ایک نماز پڑھاتے ہوئے ‘ اُس میں سورہ روم کی تلاوت کی ‘ اس میں کسی جگہ آپ کو مشابہ لگ گیا ( تو نماز سے فارغ ہونے کے بعد ) آپ ﷺ نے ارشاد فرمایا : شیطان ہمارے لیے قرأت میں الجھن کر دیتا ہے ‘ اس کی وجہ کچھ لوگ ہیں ‘ جو ( صحیح طرح سے مکمل ) وضو کے بغیر نماز کے لئے آ جاتے ہیں ‘ جب تم نماز کے لیے آؤ ‘ تو اچھی طرح وضو کرو ۔ یہ روایت امام احمد نے حضرت ابوروح رضی اللہ عنہ سے نقل کی ہے اور امام نسائی نے اسے ابوروح کے حوالے سے ‘ ایک شخص سے نقل کیا ہے ‘ امام احمد کے رجال ’’ صحیح ‘‘ کے رجال ہیں ۔

EnglishUnverified translation

Shabīb Abū Rawḥ from Dhū al-Kalāʿ رضي الله عنه reported: He prayed alongside the Prophet ﷺ, and the Prophet ﷺ recited Sūrat al-Rūm and hesitated at a verse. When he concluded the prayer, he said: > **"The recitation of the Qur'an was confused for us. Indeed, some people among you pray with us who do not perform ablution properly. So whoever attends the prayer with us, let him perform the ablution well."**

اردو ترجمہ · UrduUnverified translation

عبدالملک بن عمیر بیان کرتے ہیں : میں نے حضرت شبیب ابوروح رضی اللہ عنہ جن کا تعلق ذی کلاع سے ہے ‘ انہیں یہ بیان کرتے ہوئے سنا : وہ نبی اکرم ﷺ کی اقتداء میں نماز ادا کر رہے تھے ‘ نبی اکرم ﷺ نے سورہ روم کی تلاوت شروع کی ‘ آپ کو ایک آیت میں تردد ہوا ‘ جب آپ نماز پڑھ کر فارغ ہوئے ‘ تو آپ نے فرمایا : ہمیں قرآن میں مشابہ لگ جاتا ہے ‘ کیونکہ ہمارے ساتھ تم میں سے کچھ ایسے لوگ نماز ادا کرتے ہیں ، جو اچھی طرح وضو نہیں کرتے ہیں ، جو شخص ہمارے ساتھ نماز میں شریک ہو اسے اچھی طرح وضو کرنا چاہیے ۔ یہ روایت امام احمد نے نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Rabīʿah al-Jurashī رضي الله عنه narrated that the Messenger of Allah ﷺ said: > **"Remain steadfast, and excellent it is if you remain steadfast! Guard your ablution, for indeed the best of your deeds is prayer. And be mindful of the earth, for it is your mother; indeed, there is no one who performs upon it good or evil except that it will report it."**

اردو ترجمہ · UrduUnverified translation

حضرت ربیعہ الجرشی رضی اللہ عنہا بیان کرتے ہیں نبی اکرم ﷺ نے ارشاد فرمایا ’’ تم لوگ ٹھیک رہو ! اور یہ اچھا ہے اگر تم ٹھیک رہو ‘ اور وضو کی حفاظت کرو ( یعنی ہمیشہ باوضو رہنے کی کوشش کرو ‘ یا اہتمام کے ساتھ پورا وضو کرو ) تمہارا سب سے بہتر عمل نماز ہے اور تم زمین کی حفاظت کرو ‘ کیونکہ یہ تمہاری اصل ہے ‘ جو بھی شخص اس پر اچھا یا برا جو بھی عمل کرے گا ‘ یہ ( اس عمل کے بارے میں ) خبر دیدی گی ‘‘۔ یہ روایت امام طبرانی نے معجم کبیر میں نقل کی ہے اس کی سند میں ایک راوی ابن لہیعہ ہے اور وہ ضعیف ہے ۔

EnglishUnverified translation

ʿĀʾishah رضي الله عنها narrated: > **"Whenever the Messenger of Allah ﷺ emerged from relieving himself, he would perform ablution."**

اردو ترجمہ · UrduUnverified translation

سیدہ عائشہ رضی اللہ عنہا بیان کرتی ہیں : نبی اکرم ﷺ جب قضائے حاجت کر کے آتے تھے ‘ تو وضو کر لیتے تھے ۔ یہ روایت امام احمد نے نقل کی ہے اس کی سند میں ایک راوی جابر جعفی ہے ‘ جسے شعبہ اور سفیان نے ’’ ثقہ ‘‘ قرار دیا ہے جبکہ زیادہ تر لوگوں نے اسے ’’ ضعیف ‘‘ قرار دیا ہے ۔

EnglishUnverified translation

ʿĀʾishah رضي الله عنها narrated: The Messenger of Allah ﷺ urinated, and ʿUmar رضي الله عنه stood behind him holding a jug of water. The Prophet ﷺ asked, "What is this, O ʿUmar?" He replied, "Water for you to perform ablution with, O Messenger of Allah." He ﷺ said: > **"I have not been commanded to perform ablution every time I urinate; had I done so, it would have become an established sunnah."**

اردو ترجمہ · UrduUnverified translation

سیدہ عائشہ رضی اللہ عنہا بیان کرتی ہیں : نبی اکرم ﷺ نے پیشاب کیا ‘ حضرت عمر رضی اللہ عنہ پانی کا برتن لے کر آپ ﷺ کے پیچھے کھڑے ہو گئے ‘ نبی اکرم ﷺ نے دریافت کیا : اے عمر ! یہ کیا ہے ؟ انہوں نے جواب دیا : یا رسول اللہ ! یہ پانی ہے ‘ تاکہ اس کے ذریعے آپ وضو کر لیں ، نبی اکرم ﷺ نے فرمایا : مجھے یہ حکم نہیں دیا گیا کہ میں جب بھی پیشاب کروں ، تو وضو کر لوں ‘ اگر میں ایسا کر لیتا ہوں ‘ تو یہ سنت ہو جائے گی ۔ یہ روایت امام احمد نے نقل کی ہے ‘ جسے ابن ابی ملیکہ نے اپنی والدہ کے حوالے سے نقل کیا ہے ‘ اور میں نے کسی کو اس خاتون کے حالات ذکر کرتے ہوئے نہیں دیکھا ‘ امام ابویعلیٰ نے اسے ابن ابی ملیکہ کے حوالے سے ‘ اُن کے والد کے حوالے سے ‘ سید عائشہ رضی اللہ عنہا سے روایت کیا ہے ۔

EnglishUnverified translation

Usāmah ibn Zayd رضي الله عنهما narrated from the Prophet ﷺ: When Gabriel (Jibrīl) عليه السلام descended to the Prophet ﷺ, he taught him ablution. When Gabriel finished his ablution, he took a handful of water and sprinkled it toward his private parts: > **"And the Messenger of Allah ﷺ used to sprinkle water [over his private parts] after his ablution."**

اردو ترجمہ · UrduUnverified translation

حضرت اسامہ بن زید رضی اللہ عنہما نبی اکرم ﷺ کے بارے میں یہ بات نقل کرتے ہیں : ’’ حضرت جبرائیل علیہ السلام آپ ﷺ کے پاس آئے ‘ اور آپ کو وضو کی تعلیم دی ‘ جب وہ وضو کر کے فارغ ہوئے ‘ تو انہوں نے چلو میں پانی لیا اور اسے شرم گاہ کی طرف چھڑک دیا ‘ نبی اکرم ﷺ بھی وضو کے بعد پانی چھڑک لیا کرتے تھے ۔ یہ روایت امام احمد نے نقل کی ہے ‘ اس کی سند میں ایک راوی رشدین بن سعد ہے ‘ جسے ہیثم بن خارجہ نے اور ایک روایت کے مطابق امام احمد بن حنبل نے ’’ ثقہ ‘‘ قرار دیا ہے ‘ جبکہ دیگر حضرات نے اسے ’’ ضعیف ‘‘ قرار دیا ہے ۔

EnglishUnverified translation

Abū Hurayrah رضي الله عنه narrated that the Messenger of Allah ﷺ said: > **"Indeed, when one of you is in prayer, Satan comes to him and urges him as a man urges his beast. If he yields to him, Satan produces a sound of passing wind between his buttocks to tempt him away from his prayer. Therefore, if anyone experiences anything of that sort, let him not leave [the prayer] until he hears a sound or detects an odor."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا ’’ جب کوئی شخص نماز ادا کر رہا ہو ‘ تو شیطان اس کے پاس آتا ہے اور اُسے ڈراتا ہے ‘ جس طرح آدمی اپنے جانوروں کو ڈراتا ہے ‘ اگر وہ شخص پرسکون رہے ‘ تو شیطان اس کی سرین کے درمیان ہوا خارج کرتا ہے ‘ تاکہ اس شخص کی توجہ نماز سے ہٹ جائے ‘ جب کوئی شخص اس طرح کی صورتحال پائے ‘ تو وہ نماز اُس وقت تک ختم نہ کرے ‘ جب تک وہ ( اپنی ہوا خارج ہونے کی ) آواز نہیں سنتا ‘ یا بو محسوس نہیں کرتا ‘‘۔ یہ روایت امام احمد نے نقل کی ہے ‘ یہ امام ابوداؤد نے اختصار کے ساتھ نقل کی ہے ‘ امام احمد کے رجال ’’ صحیح ‘‘ کے رجال ہیں ۔

EnglishUnverified translation

Abū Hurayrah رضي الله عنه narrated that the Messenger of Allah ﷺ said: > **"Indeed, when one of you is in the mosque, Satan comes to him and urges him as a man urges his beast. If he yields to him, he puts a tight tether on him or bridles him."** Abū Hurayrah رضي الله عنه said: "And you see that: as for the tethered one, you see him leaning to one side; and as for the bridled one, you see him with his mouth agape, not remembering Allah."

اردو ترجمہ · UrduUnverified translation

اسی سند کے ساتھ ‘ حضرت ابوہریرہ رضی اللہ عنہ کے حوالے سے یہ بات منقول ہے : وہ بیان کرتے ہیں : نبی اکرم ﷺ نے ارشاد فرمایا ہے : ’’ جب کوئی شخص مسجد میں ہوتا ہے ‘ تو شیطان اس کے پاس آتا ہے اور اُسے یوں ڈراتا ہے ‘ جس طرح کوئی شخص اپنے جانور کو ڈراتا ہے ‘ اور جب وہ شخص اُس کے سامنے پر سکون رہتا ہے ‘ تو وہ یا تو اسے تنگی کا شکار کرتا ہے یا اُسے لگام ڈال دیتا ہے ۔ حضرت ابوہریرہ رضی اللہ عنہ فرماتے ہیں : تو تم لوگ یہ صورتحال پاتے ہو ‘ کوئی شخص ہوتا ہے جو مائل ہو رہا ہوتا ہے ‘ اور جس شخص کو لگام ڈالی گئی ہوتی ہے ‘ یہ وہ شخص ہے ‘ جسے تم دیکھتے ہو کہ اُس نے اپنا منہ کھولا ہوا ہوتا ہے ‘ اور وہ اللہ کا ذکر نہیں کرتا ہے ۔

EnglishUnverified translation

Ibn ʿAbbās رضي الله عنهما reported: The Prophet ﷺ was asked about a man who imagines during his prayer that he has broken his ritual purity when he has not. The Messenger of Allah ﷺ said: > **"Indeed, Satan comes to one of you while he is in his prayer and parts his buttocks so that it is imagined to him that he has broken his ritual purity when he has not. If any of you experiences that, let him not leave [the prayer] until he hears the sound of it with his ear or detects the odor of it with his nose."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : نبی اکرم ﷺ سے اس شخص کے بارے میں سوال کیا گیا ، جسے نماز کے دوران یہ محسوس ہوتا ہے ‘ کہ اُس کا وضو ٹوٹ گیا ہے ‘ حالانکہ اس کا وضو نہیں ٹوٹا ہوتا ‘ تو نبی اکرم ﷺ نے ارشاد فرمایا : ’’ شیطان تم میں سے کسی شخص کے پاس آتا ہے ‘ جب وہ شخص نماز ادا کر رہا ہوتا ہے ‘ یہاں تک کہ شیطان اس کے مقعد کو کھولتا ہے ‘ تو آدمی کو یہ محسوس ہوتا ہے کہ جیسے اُسے حدث لاحق ہو گیا ہے ‘ حالانکہ اُسے حدث لاحق نہیں ہوا ہوتا ہے ‘ جو شخص اس طرح کی صورتحال پائے ‘ وہ اس وقت تک نماز ختم نہ کرے ‘ جب تک اپنے کان کے ذریعے ( ہوا خارج ہونے کی ) آواز نہیں سن لیتا ‘ یا ناک کے ذریعے اُس کی بو محسوس نہیں کر لیتا ‘‘۔ یہ روایت امام طبرانی نے معجم کبیر میں نقل کی ہے ‘ امام بزار نے اس کی مانند روایت نقل کی ہے ‘ اس روایت کے رجال ’’ صحیح ‘‘ کے رجال ہیں ۔

EnglishUnverified translation

Abū Saʿīd al-Khudrī رضي الله عنه narrated that the Prophet ﷺ said: > **"Indeed, Satan comes to one of you while he is in his prayer and pulls a hair from his rear, so that he imagines he has broken his ablution. Let him not leave [the prayer] until he hears a sound or detects an odor."**

اردو ترجمہ · UrduUnverified translation

حضرت ابوسعید خدری رضی اللہ عنہ نبی اکرم ﷺ کا یہ فرمان نقل کرتے ہیں : ’’ شیطان تم میں سے کسی ایک کے پاس اس وقت آتا ہے ‘ جب وہ شخص نماز ادا کر رہا ہوتا ہے ‘ پھر وہ اُس کی پچھلی شرمگاہ کے پاس کے بال کو کھینچتا ہے ‘ تو آدمی کو یوں محسوس ہوتا ہے ‘ جیسے اُسے حدث لاحق ہو گیا ہے ‘ ( ایسا ) آدمی نماز اُس وقت تک ختم نہ کرے جب تک وہ ( ہوا خارج ہونے کی ) آواز نہیں سن لیتا ‘ یا بو محسوس نہیں کرتا ‘‘۔ یہ روایت امام ابویعلیٰ نے نقل کی ہے ‘ اسے امام ابن ماجہ نے اختصار کے ساتھ نقل کیا ہے ‘ اس کی سند میں ایک راوی علی بن زید ہے ‘ جس سے استدلال کرنے کے بارے میں اختلاف کیا گیا ہے ۔

EnglishUnverified translation

Muḥammad ibn ʿAmr ibn ʿAṭāʾ reported: I saw al-Sāʾib ibn Khabbāb رضي الله عنه smelling his garment, so I said, "Why are you doing that, may Allah have mercy upon you?" He replied, "I heard the Messenger of Allah ﷺ say: > **'There is no ablution [required] except on account of an odor or hearing [a sound].'"**

اردو ترجمہ · UrduUnverified translation

محمد بن عمرو بن عطاء بیان کرتے ہیں : میں نے حضرت سائب بن خباب رضی اللہ عنہ کو دیکھا ‘ وہ اپنا کپڑا سونگھ رہے تھے ‘ میں نے دریافت کیا : اس کی وجہ کیا ہے ؟ اللہ تعالیٰ آپ پر رحم کرے ! انہوں نے فرمایا : میں نے نبی اکرم ﷺ کو یہ ارشاد فرماتے ہوئے سنا ہے : ’’ وضو ( ہوا خارج ہونے کی ) بو ( محسوس کرنے ‘ یا آواز ) سننے پر لازم ہوتا ہے ‘‘۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی عبدالعزیز بن عبیداللہ ہے اور وہ ضعیف الحدیث ہے ‘ میں نے کسی کو اُس کی توثیق کرتے ہوئے نہیں دیکھا ہے ‘ باقی اللہ بہتر جانتا ہے ۔

EnglishUnverified translation

ʿAbdullāh ibn Masʿūd رضي الله عنه said: > **"Indeed, Satan comes to one of you during his prayer and tugs at a hair from his rear, causing him to think that he has broken his ablution. So let him not leave [his prayer] until he hears a sound or detects an odor."**

اردو ترجمہ · UrduUnverified translation

حضرت عبداللہ بن مسعود رضی اللہ عنہ فرماتے ہیں : شیطان کسی شخص کے پاس ‘ اُس کی نماز کے دوران آتا ہے ‘ اور اس کی پچھلی شرمگاہ کا بال پکڑتا ہے ‘ تو آدمی کو یہ محسوس ہوتا ہے کہ شاید اُسے حدث لاحق ہو گیا ہے ( اس طرح کی صورتحال میں ) آدمی اس وقت تک نماز ختم نہ کرے ‘ جب تک وہ ( ہوا خارج ہونے کی ) آواز نہیں سن لیتا ‘ یا بو محسوس نہیں کر لیتا ۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی حجاج بن ارطاۃ ہے ‘ وہ ثقہ ہے ، لیکن تدلیس کرنے والا ہے ( اور اس روایت میں بھی ) اُس نے سماع کی صراحت نہیں کی ہے ۔

EnglishUnverified translation

ʿAbdullāh ibn Masʿūd رضي الله عنه said: > **"Indeed, Satan circles around a man in his prayer to disrupt his prayer for him. When the man exhausts him, Satan blows into his rear. Therefore, if any of you senses anything of that sort, let him not leave [the prayer] until he detects an odor or hears a sound."**

اردو ترجمہ · UrduUnverified translation

حضرت عبداللہ بن مسعود رضی اللہ عنہ فرماتے ہیں : شیطان آدمی کی نماز کے دوران ‘ اُس کے پاس چکر لگاتا ہے ‘ تاکہ اس کی نماز خراب کر دے ‘ جب آدمی اُسے تھکا دیتا ہے ‘ تو وہ آدمی کی شرمگاہ میں پھونک مارتا ہے ( جس سے آدمی کو یوں محسوس ہوتا ہے کہ شاید اُس کا وضو ٹوٹ گیا ہے ) جب تم میں سے کوئی شخص اس طرح کی صورتحال محسوس کرے ‘ تو وہ نماز اُس وقت تک ختم نہ کرے ‘ جب تک وہ بو محسوس نہیں کرتا ‘ یا آواز نہیں سن لیتا ۔ یہ روایت امام طبرانی نے نقل کی ہے ‘ اس کے رجال کی توثیق کی گئی ہے ۔

EnglishUnverified translation

ʿAbdullāh ibn Masʿūd رضي الله عنه said: > **"Ablution is required for that which exits, not for that which enters; and fasting is broken by that which enters, not by that which exits."**

اردو ترجمہ · UrduUnverified translation

وائل بن داؤد نے ‘ ابراہیم نخی کے حوالے سے حضرت عبداللہ بن مسعود رضی اللہ عنہ کا یہ قول نقل کیا ہے : ’’ وضو اس چیز سے لازم ہوتا ہے ‘ جو ( انسان کے جسم سے ) خارج ہوتی ہے ‘ اُس سے لازم نہیں ہوتا ، جو داخل ہوتی ہے اور روزہ ( اُس چیز سے ٹوٹ جاتا ہے ‘ جو انسان کے جسم میں ) داخل ہوتی ہے ‘ اُس سے نہیں ٹوٹتا ، جو خارج ہوتی ہے ‘‘۔ یہ روایت امام طبرانی نے معجم کبیر میں نقل کی ہے اور اس کے رجال کی توثیق کی گئی ہے ۔

EnglishUnverified translation

ʿĀʾishah رضي الله عنها, the wife of the Prophet ﷺ, reported: Salmā رضي الله عنها, the freed maidservant of the Messenger of Allah ﷺ and wife of Abū Rāfiʿ رضي الله عنه, came to the Messenger of Allah ﷺ complaining about Abū Rāfiʿ because he had beaten her. The Messenger of Allah ﷺ asked Abū Rāfiʿ, "What is the matter between you and her, O Abū Rāfiʿ?" He replied, "She annoys me, O Messenger of Allah!" The Messenger of Allah ﷺ asked, "In what way did you annoy him, O Salmā?" She said, "O Messenger of Allah, I did not annoy him with anything, but he passed wind while praying, so I said to him: 'O Abū Rāfiʿ, the Messenger of Allah ﷺ has commanded the Muslims that whenever wind exits from one of them, he must perform ablution.' Thereupon he stood up and beat me!" The Messenger of Allah ﷺ began to laugh and said: > **"O Abū Rāfiʿ, she only commanded you with good!"**

اردو ترجمہ · UrduUnverified translation

نبی اکرم ﷺ کی زوجہ محترمہ سیدہ عائشہ صدیقہ رضی اللہ عنہا بیان کرتی ہیں : نبی اکرم ﷺ کی کنیز سلمی ، جو نبی اکرم ﷺ کے غلام ابورافع کی اہلیہ تھیں ‘ وہ نبی اکرم ﷺ کی خدمت میں حاضر ہوئی ‘ اور آپ کو یہ بات بتائی کہ ابورافع نے اُس کی پٹائی کی ہے ‘ سیدہ عائشہ رضی اللہ عنہا بیان کرتی ہیں : نبی اکرم ﷺ نے ابورافع سے کہا : اے ابورافع ! تمہارا اس عورت کے ساتھ کیا معاملہ ؟ انہوں نے جواب دیا : یا رسول اللہ ! یہ مجھے اذیت پہنچاتی ہے نبی اکرم ﷺ نے فرمایا ہے : سلمی تم اُسے اذیت کیوں پہنچاتی ہو ؟ اس عورت نے جواب دیا : یا رسول اللہ ! میں انہیں کوئی اذیت نہیں پہنچاتی ہوں ‘ یہ نماز ادا کرنے کے دوران بے وضو ہو گئے ‘ تو میں نے کہا : اے ابورافع ! نبی اکرم ﷺ نے مسلمانوں کو یہ حکم دیا ہے ‘ کہ جب اُن میں سے کسی کی ہوا خارج ہو جائے ‘ تو وہ شخص وضو کر لے ‘ تو یہ اس بات پر مجھے مارنے لگے ‘ نبی اکرم ﷺ نے ہنسنا شروع کر دیا اور ارشاد فرمایا : اے ابورافع ! یہ تمہیں صرف بھلائی کا حکم دیتی ہے ۔ یہ روایت امام احمد ‘ امام بزار اور امام طبرانی نے معجم کبیر میں نقل کی ہے ‘ امام احمد کے رجال ’’ صحیح ‘‘ کے رجال ہیں ‘ البتہ اس کی سند میں ایک راوی محمد بن اسحاق ہے ‘ اور اُس نے یہ کہا ہے : ہشام بن عروہ نے مجھے حدیث بیان کی ہے ‘ باقی اللہ بہتر جانتا ہے ۔

EnglishUnverified translation

Ḥuṣayn al-Muzanī reported: ʿAlī ibn Abī Ṭālib رضي الله عنه said from the pulpit: "O people, I heard the Messenger of Allah ﷺ say: > **'Nothing invalidates the prayer except ritual impurity.'** I will not feel shy before you regarding that which the Messenger of Allah ﷺ did not feel shy about: ritual impurity is that one passes wind silently or audibly."

اردو ترجمہ · UrduUnverified translation

حصین مزنی بیان کرتے ہیں : حضرت علی بن ابوطالب رضی اللہ عنہ نے منبر پر ارشاد فرمایا : اے لوگو ! میں نے اللہ کے رسول ﷺ کو یہ ارشاد فرماتے ہوئے سنا ہے : ’’ نماز ‘ صرف حدث کی وجہ سے ٹوٹتی ہے ‘‘۔ جس بارے میں نبی اکرم ﷺ نے حیاء ظاہر نہیں کی ‘ اُس کے حوالے سے میں بھی حیاء کا اظہار نہیں کروں گا ” حدث ‘‘ سے مراد یہ ہے کہ آدمی آواز کے بغیر ‘ یا آواز کے ساتھ ہوا خارج کرے ۔ یہ روایت عبداللہ بن احمد نے اپنے والد ( کی ’’ مسند ‘‘ پر اپنی ’’ زیادات ‘‘ میں نقل کی ہے ‘ اور امام طبرانی نے معجم اوسط میں نقل کی ہے ‘ حصین نامی راوی کے بارے میں یحیی بن معین نے یہ کہا ہے : میں اس سے واقف نہیں ہوں ۔

EnglishUnverified translation

ʿAlī ibn Abī Ṭālib رضي الله عنه reported: A Bedouin came to the Messenger of Allah ﷺ and said, "O Messenger of Allah, we live in the desert, and a slight wind sometimes exits from one of us." The Messenger of Allah ﷺ said: > **"Indeed, Allah is not shy of the truth. When one of you does that, let him perform ablution; and do not approach women in their anuses."**

اردو ترجمہ · UrduUnverified translation

حضرت علی بن ابوطالب رضی اللہ عنہ بیان کرتے ہیں : ایک دیہاتی نبی اکرم ﷺ کی خدمت میں حاضر ہوا اور بولا : یا رسول اللہ ! ہم لوگ ویرانوں میں رہتے ہیں ، بعض اوقات ہم میں سے کسی ایک کی معمولی سی ہوا خارج ہو جاتی ہے ‘ نبی اکرم ﷺ نے ارشاد فرمایا : اللہ تعالیٰ حق بات سے حیاء نہیں کرتا ہے ‘ جب کوئی شخص ایسا کرے ‘ ( یعنی ہوا خارج کرے ) تو اُسے وضو کر لینا چاہیے اور تم عورتوں کی پچھلی شرمگاہ میں صحبت نہ کرنا ۔ یہاں راوی نے بعض اوقات ایک لفظ مختلف نقل کیا ہے ( تاہم اُس کا مطلب یہی ہے ) ۔ امام احمد نے ‘ اسے حضرت علی بن ابوطالب رضی اللہ عنہ سے منقول حدیث کے طور پر نقل کیا ہے ‘ جبکہ ’’ سنن ‘‘ میں یہ روایت حضرت علی بن طلق حنفی رضی اللہ عنہ سے منقول ہے ‘ حضرت علی بن ابوطالب رضی اللہ عنہ سے منقول حدیث ‘ اس سے پہلے گزر چکی ہے ‘ جیسا کہ آپ نے اُسے ملاحظہ کیا ہے ‘ باقی اللہ بہتر جانتا ہے ‘ اور اس روایت کے رجال کی توثیق کی گئی ہے ۔

EnglishUnverified translation

Jarīr ibn ʿAbdillāh al-Bajalī رضي الله عنه reported: ʿUmar ibn al-Khaṭṭāb رضي الله عنه was leading the people in prayer when something escaped from a person. ʿUmar said, "I firmly resolve upon the one responsible for this that he perform ablution and repeat the prayer." Jarīr said, "What if you resolve upon everyone who heard it to perform ablution and repeat the prayer?" ʿUmar said: > **"How excellent is what you have said! May Allah reward you with good."** And he commanded all of them to do that.

اردو ترجمہ · UrduUnverified translation

حضرت جریر رضی اللہ عنہ بیان کرتے ہیں : حضرت عمر رضی اللہ عنہ لوگوں کو نماز پڑھا رہے تھے ‘ کسی شخص کی ہوا خارج ہو گی ‘ تو حضرت عمر رضی اللہ عنہ نے فرمایا : جس شخص کے ساتھ یہ ہوا ہے ‘ میں اُسے تاکید کرتا ہوں کہ وہ دوبارہ وضو کر کے نماز نہ دہرائے ‘ تو حضرت جریر رضی اللہ عنہ نے کہا : اگر آپ ہر شخص کو یہ ہدایت کریں کہ وہ وضو کر کے نماز دہرا لے ( تو یہ مناسب ہو گا ) حضرت عمر رضی اللہ عنہ نے فرمایا : تم نے اچھی بات کہی ہے ‘ اللہ تعالیٰ تمہیں جزائے خیر عطا کرے ‘ پھر حضرت عمر رضی اللہ عنہ نے اُن لوگوں کو اس بات کا حکم دیا ۔ یہ روایت امام طبرانی نے معجم کبیر میں نقل کی ہے اور اس کے رجال ” صحیح “ کے رجال ہیں ‘ اس سے پہلے وہ حدیث گزر چکی ہے ‘ جو ہوا خارج ہونے پر ہنسنے کی ممانعت کے بارے میں ہے ۔

EnglishUnverified translation

Sayf ibn ʿAbdillāh al-Ḥimyari reported: I entered along with some men upon ʿĀʾishah رضي الله عنها, and we asked her about a man who touches his private part. She said: "I heard the Messenger of Allah ﷺ say: > **'I do not care whether I touch it or touch my nose.'"**

اردو ترجمہ · UrduUnverified translation

سیف بن عبداللہ حمیری بیان کرتے ہیں : میں ‘ کچھ افراد کے ساتھ ‘ سیدہ عائشہ رضی اللہ عنہا کی خدمت میں حاضر ہوا ‘ ہم نے اُن سے ایسے شخص کے بارے میں دریافت کیا : جو اپنی شرمگاہ پر ہاتھ لگا دیتا ہے ‘ تو انہوں نے فرمایا : میں نے نبی اکرم ﷺ کو یہ ارشاد فرماتے ہوئے سنا ہے : ’’ میں اس بات کی پرواہ نہیں کرتا کہ میں نے اُسے ( یعنی شرمگاہ کو ) چھو لیا ہے ‘ یا اپنی ناک کو ( چھو لیا ہے ) ‘‘۔ یہ روایت امام ابویعلیٰ نے ‘ اہل یمامہ سے تعلق رکھنے والے ایک شخص کے حوالے سے حسین بن دفاع کے حوالے سے ‘ اُن کے والد کے حوالے سے ‘ سیف سے نقل کی ہے ‘ اور یہ سب لوگ مجہول ہیں ‘ ان کے بارے میں ‘ کم از کم یہ بات کہی جا سکتی ہے ۔

EnglishUnverified translation

ʿIṣmah ibn Mālik al-Khaṭmī رضي الله عنه reported: A man came to the Messenger of Allah ﷺ and said, "A part of my body itched, so I reached inside to scratch, and my hand touched my private part." The Prophet ﷺ said: > **"That happens to me as well."**

اردو ترجمہ · UrduUnverified translation

حضرت عصمہ بن مالک خطمی بیان کرتے ہیں : ایک شخص نبی اکرم ﷺ کی خدمت میں حاضر ہوا اور بولا : میں اپنے جسم کے کسی حصے پر خارش کر رہا ہوتا ہوں ‘ اور خارش کرتے ہوئے ‘ میرا ہاتھ میری شرمگاہ پر لگ جاتا ہے ‘ تو نبی اکرم ﷺ نے ارشاد فرمایا : میرے ساتھ بھی کبھی ایسا ہو جاتا ہے ۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی فضل بن مختار ہے ‘ وہ منکر الحدیث ہے اور انتہائی ضعیف ہے ۔

EnglishUnverified translation

Arqam ibn Shuraḥbīl reported: I scratched my body while I was in prayer, and my hand came in contact with my private part. I mentioned this to ʿAbdullāh ibn Masʿūd رضي الله عنه, and he said to me while laughing: > **"Cut it off then! How can you detach it from yourself? It is merely a piece of your flesh."**

اردو ترجمہ · UrduUnverified translation

ارقم بن شرحبیل بیان کرتے ہیں : میں نماز کے دوران اپنے جسم پر خارش کر رہا تھا ‘ میرا ہاتھ میری شرمگاہ پر لگ گیا ‘ میں نے اس بات کا ذکر حضرت عبداللہ بن مسعود رضی اللہ عنہ سے کیا ‘ تو انہوں نے ہنستے ہوئے فرمایا : تم اسے کاٹ دو ! تم اُسے الگ کیسے کر سکتے ہو ؟ وہ تمہارے جسم کا ایک حصہ ہے ۔ یہ روایت امام طبرانی نے معجم کبیر میں نقل کی ہے اور اس کے رجال کی توثیق کی گئی ہے ۔

EnglishUnverified translation

ʿAbd al-Raḥmān ibn ʿAlqamah reported: Ibn Masʿūd رضي الله عنه was asked while I was listening about touching the private part. He said: > **"Is it anything other than like the tip of your nose?"**

اردو ترجمہ · UrduUnverified translation

عبدالرحمن بن علقمہ بیان کرتے ہیں : حضرت عبداللہ بن مسعود رضی اللہ عنہ سے شرمگاہ کو چھونے کے بارے میں دریافت کیا گیا : میں یہ بات سن رہا تھا ‘ اُنہوں نے فرمایا : وہ تمہاری ناک کے کنارے کی طرح ہے ۔ اس کے رجال کی توثیق کی گئی ہے ۔

EnglishUnverified translation

Saʿīd ibn Jubayr reported that ʿAbdullāh ibn Masʿūd رضي الله عنه said: > **"I do not care whether I touch it or touch the tip of my nose."**

اردو ترجمہ · UrduUnverified translation

سعید بن جبیر بیان کرتے ہیں : حضرت عبداللہ بن مسعود رضی اللہ عنہ نے فرمایا : میں اس بات کی پرواہ نہیں کرتا ‘ کہ میں نے اس کو چھو لیا ہے یا ناک کو چھو لیا ہے ۔ یہ روایت امام طبرانی نے معجم کبیر میں نقل کی ہے ‘ سعید بن جبیر نے حضرت عبداللہ بن مسعود رضی اللہ عنہ سے سماع نہیں کیا ہے ، قتادہ کا حال بھی اسی طرح ہے ‘ انہوں نے بھی حضرت عبداللہ رضی اللہ عنہ کے حوالے سے یہ روایت نقل کی ہے ۔

EnglishUnverified translation

Al-Ḥasan al-Baṣrī reported: Five of the Companions of Muḥammad ﷺ — ʿAlī ibn Abī Ṭālib, ʿAbdullāh ibn Masʿūd, Ḥudhayfah ibn al-Yamān, ʿImrān ibn Ḥuṣayn, and another man [رضي الله عنهم] — stated their view: one said, "I do not care whether I touch my private part or the tip of my nose"; another said, "My thigh"; and another said, "My knee."

اردو ترجمہ · UrduUnverified translation

حسن بیان کرتے ہیں : نبی اکرم ﷺ کے اصحاب میں سے پانچ افراد ‘ یعنی حضرت علی بن ابوطالب رضی اللہ عنہ ، حضرت حذیفہ رضی اللہ عنہ ، حضرت عمران بن حصین رضی اللہ عنہ اور ایک اور صاحب یہ فرماتے ہیں ‘ ان میں سے کسی نے یہ کہا ہے : میں اس بات کی پرواہ نہیں کرتا کہ میں نے اپنی شرمگاہ کو چھو لیا ہے ‘ یا اپنے ناک کو چھوا ہے ‘ کسی نے یہ کہا ہے : میں نے اپنے زانوں کو چھوا ہے ‘ کسی نے یہ کہا ہے : میں نے اپنے گھٹنے کو چھوا ہے ۔ یہ روایت امام طبرانی نے معجم کبیر میں نقل کی ہے ‘ اس کے رجال ثقہ ہیں اور ’’ صحیح ‘‘ کے رجال میں سے ہیں ‘ البتہ حسن نامی راوی تدلیس کرنے والا ہے ‘ اور اُس نے سماع کی صراحت نہیں کی ہے ۔

EnglishUnverified translation

Zayd ibn Khālid al-Juhanī رضي الله عنه narrated: I heard the Messenger of Allah ﷺ say: > **"Whoever touches his private part, let him perform ablution."**

اردو ترجمہ · UrduUnverified translation

حضرت زید بن خالد جہنی رضی اللہ عنہ بیان کرتے ہیں : میں نے نبی اکرم ﷺ کو یہ ارشاد فرماتے ہوئے سنا ہے : ’’ جو شخص اپنی شرمگاہ کو چھو لیتا ہے اُسے وضو کرنا چاہیے ‘‘۔ یہ روایت امام احمد ‘ امام بزار اور امام طبرانی نے معجم کبیر میں نقل کی ہے ‘ اس کے رجال ’’ صحیح ‘‘ کے رجال ہیں ‘ البتہ ابن اسحاق نامی راوی تدلیس کرنے والا ہے ‘ تاہم یہاں اس نے یہ کہا ہے : اُس نے مجھے حدیث بیان کی ۔

EnglishUnverified translation

Abū Hurayrah رضي الله عنه narrated that the Prophet ﷺ said: > **"Whoever brings his hand in direct contact with his private part without any barrier between them, ablution has become obligatory upon him."**

اردو ترجمہ · UrduUnverified translation

حضرت ابوہریرہ رضی اللہ عنہ نبی اکرم ﷺ کا یہ فرمان نقل کرتے ہیں : ’’ جو شخص اپنا ہاتھ اپنی شرم گاہ کی طرف لے جائے ‘ اور شرمگاہ پر کوئی پردہ نہ ہو تو اس شخص پر وضو لازم ہو جاتا ہے ‘‘۔ یہ روایت امام احمد نے ‘ امام طبرانی نے معجم اوسط اور معجم صغیر میں ‘ اور امام بزار نے نقل کی ہے ‘ اس کی سند میں ایک راوی یزید بن عبدالملک نوفلی ہے ‘ جسے زیادہ تر لوگوں نے ” ضعیف “ قرار دیا ہے ‘ ایک روایت کے مطابق یحییٰ بن معین نے اُسے ’’ ثقہ ‘‘ قرار دیا ہے ۔

EnglishUnverified translation

ʿAbdullāh ibn ʿAmr رضي الله عنهما narrated that the Messenger of Allah ﷺ said: > **"Whoever touches his private part, let him perform ablution; and whichever woman touches her private part, let her perform ablution."**

اردو ترجمہ · UrduUnverified translation

حضرت عبداللہ بن عمرو رضی اللہ عنہ روایت کرتے ہیں : نبی اکرم ﷺ نے ارشاد فرمایا ’’ جو شخص اپنی شرمگاہ کو چھو لے ‘ اُسے وضو کرنا چاہیے ‘ جو عورت اپنی شرمگاہ کو چھو لے ‘ اُسے وضو کرنا چاہیے ‘‘۔ یہ روایت امام احمد نے نقل کی ہے ‘ اس کی سند میں ایک راوی بقیہ بن ولید ہے ‘ جس نے ’’ عنعنہ ‘‘ کے ساتھ روایت نقل کی ہے اور وہ تدلیس کرنے والا ہے ۔

EnglishUnverified translation

ʿAbdullāh ibn ʿAmr رضي الله عنهما reported: Busrah bint Ṣafwān رضي الله عنها asked the Messenger of Allah ﷺ about a woman who inserts her hand into her private part. He ﷺ said: > **"Ablution is incumbent upon her."**

اردو ترجمہ · UrduUnverified translation

حضرت عبداللہ بن عمرو رضی اللہ عنہ بیان کرتے ہیں : سیدہ بسرہ بنت صفوان رضی اللہ عنہا نے نبی اکرم ﷺ سے ایسی خاتون کے بارے میں دریافت کیا : جو اپنا ہاتھ اپنی شرمگاہ میں داخل کر لیتی ہے ‘ تو نبی اکرم ﷺ نے فرمایا : اس عورت پر وضو لازم ہو گا ۔ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی سلیمان بن داؤد شاذ کونی ہے ‘ اکثر حضرات نے اُسے ” ضعیف “ قرار دیا ہے ۔

EnglishUnverified translation

ʿAbdullāh ibn ʿUmar رضي الله عنهما narrated that the Prophet ﷺ said: > **"Whoever touches his private part, let him perform ablution."**

اردو ترجمہ · UrduUnverified translation

حضرت عبداللہ بن عمر رضی اللہ عنہما نبی اکرم ﷺ کا یہ فرمان نقل کرتے ہیں : ’’ جو شخص اپنی شرمگاہ کو چھو لے ‘ اُسے وضو کرنا چاہیے ‘‘۔ یہ روایت امام بزار نے اور امام طبرانی نے معجم کبیر میں نقل کی ہے ‘ معجم کبیر کی سند میں ایک راوی علاء بن سلیمان ہے اور وہ انتہائی ضعیف ہے ‘ امام بزار کی سند میں ایک راوی ہاشم بن زید ہے اور وہ انتہائی ضعیف ہے ۔

EnglishUnverified translation

ʿĀʾishah رضي الله عنها narrated that the Prophet ﷺ said: > **"Whoever touches his private part, let him perform ablution."**

اردو ترجمہ · UrduUnverified translation

سیدہ عائشہ صدیقہ رضی اللہ عنہا نبی اکرم ﷺ کا یہ فرمان نقل کرتی ہیں : ’’ جو شخص اپنی شرمگاہ کو چھو لے ‘ اُسے وضو کرنا چاہیے ‘‘۔ یہ روایت امام بزار نے نقل کی ہے ‘ اس کی سند میں ایک راوی عمر بن شریح ہے ‘ ازدی فرماتے ہیں : اس کی نقل کردہ حدیث مستند نہیں ہوتی ہے ۔

EnglishUnverified translation

Ṭalq ibn ʿAlī رضي الله عنه — who was among the delegation that came to the Messenger of Allah ﷺ — reported that the Messenger of Allah ﷺ said: > **"Whoever touches his private part, let him perform ablution."**

اردو ترجمہ · UrduUnverified translation

حضرت طلق بن علی رضی اللہ عنہ ‘ جو اُس وفد میں شامل تھے ‘ جو وفد نبی اکرم ﷺ کی خدمت میں حاضر ہوا تھا ، وہ بیان کرتے ہیں : نبی اکرم ﷺ نے ارشاد فرمایا ہے : ’’ جو شخص اپنی شرمگاہ کو چھو لے اُسے وضو کرنا چاہیے ‘‘۔ یہ روایت امام طبرانی نے معجم کبیر میں نقل کی ہے ‘ وہ فرماتے ہیں : ایوب کے حوالے سے عتبہ سے یہ روایت ‘ صرف حماد بن محمد نے نقل کی ہے ، حماد بن محمد نے ایک اور حدیث بھی نقل کی ہے ‘ یہ دونوں احادیث میرے نزدیک صحیح ہیں اور اس بات کا امکان موجود ہے کہ انہوں نے پہلی حدیث نبی اکرم ﷺ سے اُس سے پہلے سنی ہو گی ‘ اور پھر بعد میں یہ حدیث سنی ہو گی ۔ یہ حدیث سیدہ بسره رضی اللہ عنہا ، سیدہ ام حبیبہ رضی اللہ عنہا ، حضرت ابوہریرہ رضی اللہ عنہ ‘ حضرت زید بن خالد رضی اللہ عنہ اور دیگر صحابہ کرام رضی اللہ عنہم کی نقل کردہ روایات کے مطابق ہے ، جن میں ان حضرات نے نبی اکرم ﷺ کے حوالے سے یہ بات نقل کی ہے : کہ آپ ﷺ نے شرمگاہ کو چھونے پر وضو کرنے کا حکم دیا ہے تو ان صحابی نے ” ناسخ ‘‘ اور ’’ منسوخ “ ( یعنی دونوں قسم کی احادیث سنی ہیں ) ۔

EnglishUnverified translation

ʿAbdullāh ibn ʿAmr رضي الله عنهما reported: Busrah bint Ṣafwān ibn Nawfal رضي الله عنها asked the Prophet ﷺ about a woman whose hand strikes against her private part. He ﷺ said: > **"She must perform ablution."**

اردو ترجمہ · UrduUnverified translation

حضرت عبداللہ بن عمرو رضی اللہ عنہ بیان کرتے ہیں : سیدہ بسرہ بنت صفوان بن نوفل رضی اللہ عنہا نے ‘ نبی اکرم ﷺ سے ایسی عورت کے بارے میں دریافت کیا ‘ جو ہاتھ لگاتی ہے ‘ تو اس کا ہاتھ شرمگاہ کو لگ جاتا ہے ‘ تو نبی اکرم ﷺ نے ارشاد فرمایا : وہ وضو کرے گی ۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی عبداللہ بن مؤمل ہے ‘ جسے امام احمد نے ‘ اور ایک روایت کے مطابق یحیی بن معین نے ” ضعیف “ قرار دیا ہے ‘ دوسری روایت کے مطابق یحیی نے اسے ’’ ثقہ ‘‘ قرار دیا ہے ‘ ابن حبان نے اس کا تذکرہ کتاب ’’ الثقات ‘‘ میں کیا ہے ۔

EnglishUnverified translation

Busrah bint Ṣafwān رضي الله عنها reported: I heard the Messenger of Allah ﷺ say: > **"Whoever touches his penis, his testicles, or his groins, let him perform ablution like his ablution for prayer."**

اردو ترجمہ · UrduUnverified translation

سیدہ بسرہ بنت صفوان رضی اللہ عنہا بیان کرتی ہیں : میں نے نبی اکرم ﷺ کو یہ ارشاد فرماتے ہوئے سنا ہے : ’’ جو شخص اپنی شرمگاہ ‘ یا خصیوں ‘ یا شرمگاہ کے آس پاس کے حصے کو چھو لے ‘ تو اُسے نماز کے وضو کی طرح وضو کرنا چاہیے ‘‘۔ یہ روایت امام طبرانی نے معجم اوسط اور معجم کبیر میں نقل کی ہے ‘ یہ ’’ سنن “ میں منقول ہے ‘ تاہم اس میں خصیوں ‘ اور شرمگاہ کے آس پاس کے حصے کا ذکر نہیں ہے اور اس کے رجال ’’ صحیح ‘‘ کے رجال ہیں ۔