Hadith 1153–1192

EnglishUnverified translation

Abū Hurayrah رضي الله عنه narrated that the Messenger of Allah ﷺ said: > **"No prayer is accepted without purification, nor charity from misappropriated spoils."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا ہے : ’’ وضو کے بغیر نماز ‘ اور حرام مال میں سے صدقہ قبول نہیں ہوتا ‘‘۔ یہ روایت امام بزار نے نقل کی ہے ‘ اس کی سند میں ایک راوی کثیر بن زید اسلمی ہے ‘ جسے ابن حبان نے ‘ اور ایک روایت کے مطابق یحیی بن معین نے ’’ ثقہ ‘‘ قرار دیا ہے ‘ ابوزرعہ کہتے ہیں : یہ صدوق ہے ‘ اس میں کمزور ہونا پایا جاتا ہے ‘ امام نسائی نے اسے ’’ ضعیف ‘‘ قرار دیا ہے ، محمد بن عبداللہ بن عمار موصلی کہتے ہیں : یہ ثقہ ہے ۔

EnglishUnverified translation

ʿImrān ibn Ḥuṣayn رضي الله عنه narrated that the Messenger of Allah ﷺ said: > **"Allah does not accept prayer without purification, nor charity from misappropriated spoils."**

اردو ترجمہ · UrduUnverified translation

حضرت عمران بن حصین رضی اللہ عنہ روایت کرتے ہیں : نبی اکرم ﷺ نے ارشاد فرمایا ہے : ’’ اللہ تعالیٰ وضو کے بغیر نماز ‘ اور حرام مال میں سے ( دیے جانے والے ) صدقے کو قبول نہیں کرتا ہے ‘‘۔ یہ روایت امام طبرانی نے معجم کبیر میں نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Abū Sabrah رضي الله عنه narrated that the Messenger of Allah ﷺ said: > **"There is no prayer for the one who has no ablution; there is no ablution for the one who does not mention the name of Allah upon it; he does not believe in Allah who does not believe in me; and he does not believe in me who does not recognize the right of the Anṣār."**

اردو ترجمہ · UrduUnverified translation

حضرت ابوسبرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا ہے : ’’ اس شخص کی نماز نہیں ہوتی ، جس کا وضو نہ ہو ‘ اور اس شخص کا وضو نہیں ہوتا ، جو اس سے پہلے اللہ کا نام ذکر نہ کرے ‘ اور وہ شخص اللہ پر ایمان نہیں رکھتا ‘ جو مجھ پر ایمان نہ رکھتا ہو ‘ اور وہ شخص مجھ پر ایمان نہیں رکھتا ، جو انصار کے حق کو نہ پہچانتا ہو ‘‘۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی یحیی بن ابویزید بن عبداللہ بن انیس ہے ‘ میں نے کسی کو اس کے حالات ذکر کرتے ہوئے نہیں دیکھا ہے ۔

EnglishUnverified translation

Abū al-Dardāʾ رضي الله عنه reported in a marfūʿ narration that the Prophet ﷺ said: > **"There is no prayer for the one who has no ablution."**

اردو ترجمہ · UrduUnverified translation

حضرت ابودرداء ’’ رضی اللہ عنہ مرفوع ‘‘ حدیث کے طور پر یہ بات نقل کرتے ہیں : ( آپ ﷺ نے ) ارشاد فرمایا ہے : ’’ اُس شخص کی نماز نہیں ہوتی ، جس کا وضو نہ ہو ‘‘۔ یہ روایت امام طبرانی نے معجم کبیر میں نقل کی ہے ‘ اس کے رجال کی توثیق کی گئی ہے ‘ البتہ میں امام طبرانی کے استاد ثابت بن نعیم ہوجی سے واقف نہیں ہوں ۔

EnglishUnverified translation

ʿĪsā ibn Sabrah reported from his father, from his grandfather [Sabrah] رضي الله عنه, who said: "The Messenger of Allah ﷺ ascended the pulpit one day, praised and extolled Allah, and then said: > **"O people! There is no prayer except with ablution; there is no ablution for the one who does not mention the name of Allah upon it; he has not believed in Allah who has not believed in me; and he has not believed in me who does not recognize the right of the Anṣār."**

اردو ترجمہ · UrduUnverified translation

عیسی بن سبرہ ‘ اپنے والد کے حوالے سے ‘ اپنے دادا کا یہ بیان نقل کرتے ہیں : ’’ ایک دن نبی اکرم ﷺ منبر پر چڑھے ‘ آپ ﷺ نے اللہ تعالیٰ کی حمد و ثناء بیان کرنے کے بعد ارشاد فرمایا : اے لوگو ! وضو کے بغیر نماز نہیں ہوتی اور اس شخص کا وضو نہیں ہوتا ‘ جو اُس سے پہلے اللہ کا نام ذکر نہیں کرتا ‘ اور وہ شخص اللہ تعالیٰ پر ایمان نہیں رکھتا ‘ جو مجھ پر ایمان نہ رکھتا ہو ‘ اور وہ شخص مجھ پر ایمان نہیں رکھتا ، جو انصار کے حق کو نہ پہچانتا ہو ‘‘۔ یہ روایت امام طبرانی نے معجم اوسط میں نقل کی ہے ‘ عیسیٰ بن سبرہ ‘ اس کا باپ ‘ اور عیسیٰ بن یزید ‘ میں نے کسی کو ‘ ان میں سے کسی ایک کا ذکر کرتے ہوئے نہیں دیکھا ہے ۔

EnglishUnverified translation

Rabāḥ ibn ʿAbd al-Raḥmān ibn Ḥuwayṭib narrated from his grandmother [Ruqayqah bint Abī Ṣayfī] رضي الله عنها, who said: "I heard the Messenger of Allah ﷺ say: > **"He has not believed in Allah who has not believed in me; he has not believed in me who does not love the Anṣār; there is no prayer for the one who has no ablution; and there is no ablution for the one who does not mention the name of Allah upon it."**

اردو ترجمہ · UrduUnverified translation

رباح بن عبدالرحمن بن حويطب ‘ اپنی دادی کا یہ بیان نقل کرتے ہیں : میں نے نبی اکرم ﷺ کو یہ ارشاد فرماتے ہوئے سنا ہے :’’ وہ شخص اللہ تعالیٰ پر ایمان نہیں رکھتا ، جو مجھ پر ایمان نہ رکھتا ہو ‘ اور وہ مجھ پر ایمان نہیں رکھتا ، جو انصار سے محبت نہ کرتا ہو ‘ اس شخص کی نماز نہیں ہوتی ، جس کا وضو نہ ہو اور اس شخص کا وضو نہیں ہوتا ‘ جو اُس سے پہلے اللہ کا نام ذکر نہیں کرتا ‘‘۔ یہ روایت امام احمد نے اسی خاتون کے حوالے سے نقل کی ہے ‘ جس میں وہ بیان کرتی ہیں : میں نے نبی اکرم ﷺ کو یہ ارشاد فرماتے ہوئے سنا ہے ‘ اور اُنہوں نے یہ روایت اس خاتون کے حوالے سے ‘ ان کے والد سے بھی نقل کی ہے ‘ باقی اللہ بہتر جانتا ہے ۔ اس روایت کی سند میں ایک راوی ابوثفال ہے ‘ امام بخاری فرماتے ہیں : اس کی نقل کردہ حدیث میں غور و فکر کی گنجائش ہے اس روایت کے بقیہ رجال ” صحیح “ کے رجال ہیں ۔

EnglishUnverified translation

Saʿd ibn ʿUmārah al-Bakrī رضي الله عنه—a companion of the Prophet ﷺ from Banū Saʿd ibn Bakr—was asked by a man: "Admonish me concerning myself, may Allah have mercy on you." He replied: > **"When you stand for prayer, perform ablution thoroughly; for indeed, there is no prayer for the one who has no ablution, and there is no faith for the one who has no prayer..."** [He then mentioned the rest of the hadith, which appears in the Book of Exhortations.]

اردو ترجمہ · UrduUnverified translation

حضرت سعد بن عمارہ رضی اللہ عنہ ‘ جن کا تعلق بنو سعد بن بکر سے ہے ‘ اور اُنہیں صحابی ہونے کا شرف حاصل ہے ‘ اُن کے بارے میں یہ بات منقول ہے : ایک شخص نے ان سے کہا : آپ مجھے میری ذات کے بارے میں نصیحت کیجئے ! اللہ تعالیٰ آپ پر رحم کرے ! تو انہوں نے فرمایا : جب تم نماز پڑھنے لگو ! تو اچھی طرح وضو کرو ‘ کیونکہ اس شخص کی نماز نہیں ہوتی ، جس کا وضو نہ ہو اور اس شخص کا ایمان نہیں ہوتا ، جس کی نماز نہ ہو ‘‘....... اس کے بعد انہوں نے پوری حدیث نقل کی ہے ‘ جو مواعظ سے متعلق باب میں آئے گی ۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی عبیداللہ بن سعد ہے ‘ جس نے اپنے والد سے یہ روایت نقل کی ہے ‘ میں نے کسی کو ان دونوں کا ذکر کرتے ہوئے نہیں دیکھا ہے ۔

EnglishUnverified translation

ʿAbdullāh ibn ʿAbbās رضي الله عنهما said: "Shall I not inform you of the ablution of the Messenger of Allah ﷺ?" > **He called for water, and began scooping with his right hand and pouring it over his left hand.**

اردو ترجمہ · UrduUnverified translation

حضرت عبداللہ بن عباس رضی اللہ عنہما نے فرمایا : کیا میں تم لوگوں کو نبی اکرم ﷺ کے وضو ( کے طریقے ) کے بارے میں نہ بتاؤں ؟ پھر انہوں نے پانی منگوایا اور دائیں ہاتھ کے چلو میں پانی لے کر بائیں ہاتھ پر ڈالا ۔ یہ روایت امام احمد نے نقل کی ہے اور اس کے رجال ”صحیح “ کے رجال ہیں ۔

EnglishUnverified translation

ʿUthmān ibn ʿAffān رضي الله عنه called for water and performed ablution near the stone benches (al-Maqāʿid), washing each limb three times. Then he asked the Companions of the Messenger of Allah ﷺ: "Did you see the Messenger of Allah ﷺ do this?" > **They said, "Yes."**

اردو ترجمہ · UrduUnverified translation

حضرت عثمان غنی رضی اللہ عنہ کے بارے میں یہ بات منقول ہے : انہوں نے پانی منگوایا اور ’’ مقاعد ‘‘ کے پاس وضو کرتے ہوئے اعضاء کو تین ‘ تین مرتبہ دھویا ‘ پھر انہوں نے نبی اکرم ﷺ کے اصحاب سے دریافت کیا : کیا آپ لوگوں نے اللہ کے رسول کو اسی طرح کرتے ہوئے دیکھا ہے ؟ انہوں نے جواب دیا : جی ہاں ! یہ روایت امام احمد نے نقل کی ہے ‘ حضرت عثمان ﷺ سے منقول حدیث ’’ صحیح ‘‘ میں مذکور ہے اور اس روایت کے رجال ’’ صحیح ‘‘ کے رجال ہیں ۔

EnglishUnverified translation

Abū al-Naḍr reported that ʿUthmān [ibn ʿAffān] رضي الله عنه called for ablution water in the presence of al-Zubayr, Ṭalḥah, ʿAlī, and Saʿd رضي الله عنهم. He performed ablution while they watched: he washed his face three times, poured water over his right arm three times, and over his left arm three times; wiped his head; sprinkled water upon his right foot three times and then washed it; then sprinkled water upon his left foot and washed it three times. Then he said to those present: "I adjure you by Allah, Mighty and Majestic: do you know that the Messenger of Allah ﷺ used to perform ablution just as I have now performed ablution?" > **They said, "Yes."** [And he did that on account of something that had reached him.]

اردو ترجمہ · UrduUnverified translation

ابونضر بیان کرتے ہیں : حضرت عثمان رضی اللہ عنہ نے وضو کا پانی منگوایا ‘ اُس وقت ان کے پاس حضرت زبیر رضی اللہ عنہ حضرت طلحہ رضی اللہ عنہ حضرت علی رضی اللہ عنہ اور حضرت سعد رضی اللہ عنہ موجود تھے ‘ حضرت عثمان رضی اللہ عنہ نے وضو کرنا شروع کیا ‘ یہ حضرات دیکھ رہے تھے ‘ انہوں نے اپنے چہرے کو تین مرتبہ دھویا ‘ دائیں بازو پر تین مرتبہ پانی بہایا ‘ پھر بائیں بازو پر تین مرتبہ پانی بہایا ‘ پھر انہوں نے اپنے سر کا مسح کیا ، پھر دائیں پاؤں پر تین مرتبہ پانی بہایا ‘ پھر بائیں پاؤں پر تین مرتبہ پانی بہایا ، پھر انھوں نے حاضرین سے فرمایا : میں آپ لوگوں کو اللہ کا واسطہ دے کر دریافت کرتا ہوں ، کیا آپ لوگ یہ بات جانتے ہیں ؟ کہ نبی اکرم ﷺ اسی طرح وضو کیا کرتے تھے جس طرح میں نے ابھی وضو کیا ہے ؟ اُن لوگوں نے جواب دیا : جی ہاں ! راوی بیان کرتے ہیں : حضرت عثمان رضی اللہ عنہ نے ایسا اس لیے کیا تھا کیونکہ انہیں اس حوالے سے کوئی اطلاع ملی تھی ۔ یہ روایت امام ابویعلیٰ نے نقل کی ہے ‘ ابونضر نامی راوی نے ’’ عشرہ مبشرہ ‘‘ میں سے کسی سے سماع نہیں کیا ہے ‘ اس کی سند میں یہ بھی مذکور ہے ‘ ایک راوی غسان بن الربیع ہے ‘ جسے امام دارقطنی نے ایک مرتبہ ’’ ضعیف ‘‘ قرار دیا ہے ‘ اور ایک مرتبہ انہوں نے یہ کہا ہے : یہ صالح ہے ‘ ابن حبان نے اس راوی کا ذکر کتاب ” الثقات ‘‘ میں کیا ہے ۔

EnglishUnverified translation

Ḥumrān ibn Abān said: "I saw ʿUthmān ibn ʿAffān رضي الله عنه call for ablution water while at the gate of the mosque. He washed his hands, rinsed his mouth, and blew his nose. Then he washed his face three times, washed his arms up to the elbows three times, wiped his head and passed his hands over the exterior of his ears, then passed them over his beard, and then washed his feet up to the ankles three times. Then he stood and prayed two rakʿahs, after which he said: 'I have performed ablution for you just as I saw the Messenger of Allah ﷺ perform ablution, and then I prayed two rakʿahs just as I saw him pray.' He said: Then the Messenger of Allah ﷺ said upon concluding his two rakʿahs: > **"Whoever performs ablution just as I have performed ablution, then prays two rakʿahs without allowing his mind to wander during them, shall be forgiven whatever [sins occurred] between them and his prayer of yesterday."**

اردو ترجمہ · UrduUnverified translation

حمران بن ابان بیان کرتے ہیں : میں نے حضرت عثمان غنی رضی اللہ عنہ کو دیکھا انہوں نے وضو کے لئے پانی منگوایا ‘ وہ اس وقت مسجد کے دروازے کے پاس موجود تھے ‘ انہوں نے دونوں ہاتھ دھوئے ‘ کلی کی ‘ ناک میں پانی ڈالا ‘ پھر انہوں نے اپنے چہرے کو تین مرتبہ دھویا پھر انہوں نے دونوں بازو کہنیوں تک تین مرتبہ دھوئے ‘ پھر انہوں نے اپنے سر کا مسح کیا ‘ اور اپنے ہاتھ کان کے بیرونی حصے پر پھیرے ‘ پھر انہیں اپنی داڑھی پر پھیرا ‘ پھر انہوں نے دونوں پاؤں ٹخنوں تک دھوئے ‘ پھر انہوں نے اُٹھ کر دو رکعت ادا کیں اور پھر یہ فرمایا : میں نے تمہارے سامنے اسی طرح وضو کیا ہے ‘ جس طرح میں نے نبی اکرم ﷺ کو وضو کرتے ہوئے دیکھا ہے ‘ پھر میں نے اسی طرح دو رکعات ادا کی ہیں ، جس طرح میں نے نبی اکرم ﷺ کو ادا کرتے ہوئے دیکھا ‘ جب نبی اکرم ﷺ وہ دو رکعات ادا کر کے فارغ ہوئے تو آپ ﷺ نے ارشاد فرمایا :’’ جو شخص اس طرح وضو کرے ‘ جس طرح میں نے وضو کیا ہے اور پھر دو رکعات یوں ادا کرے کہ اس دوران اپنے خیالوں میں گم نہ ہو جائے ‘ تو اس شخص کے ان دو رکعات ‘ اور اس سے پچھلے دن کی نماز کے درمیان کے گناہوں کی مغفرت ہو جاتی ہے ‘‘ ( علامہ ہیثمی فرماتے ہیں : ) میں یہ کہتا ہوں : یہ روایت امام احمد نے نقل کی ہے اور یہ ’’ صحیح ‘‘ میں اختصار کے ساتھ منقول ہے اور اس کے رجال کی توثیق کی گئی ہے ۔

EnglishUnverified translation

ʿUthmān [ibn ʿAffān] رضي الله عنه called for ablution water: he rinsed his mouth, inhaled water into his nose, washed his face three times, washed his arms three times, wiped his head, and purified his feet. Then he laughed and said: "Will you not ask me what made me laugh?" We said: "What made you laugh, O Commander of the Faithful?" He said: "I laughed because the Messenger of Allah ﷺ called for ablution water near this very spot. The Messenger of Allah ﷺ performed ablution just as I have performed ablution, then he laughed just as I have laughed, and then he said: 'Will you not ask me what made me laugh?' We said: 'What made you laugh, O Prophet of Allah?' He ﷺ said: > **"What made me laugh is that whenever a servant performs ablution and washes his face, Allah removes from him every sin he committed with his face; and when he washes his arms, the same occurs; and when he wipes his head, the same occurs; and when he purifies his feet, the same occurs."**

اردو ترجمہ · UrduUnverified translation

حضرت عثمان رضی اللہ عنہ کے بارے میں یہ بات منقول ہے : انہوں نے وضو کا پانی منگوایا ‘ کلی کی ‘ ناک میں پانی ڈالا ‘ اپنے چہرے کو تین مرتبہ دھویا ‘ دونوں بازو تین مرتبہ دھوئے ‘ اپنے سر پر مسح کیا ‘ اپنے پاؤں دھوئے اور پھر ہنس پڑے ‘ انہوں نے فرمایا : کیا تم لوگ مجھ سے یہ دریافت نہیں کرو گے ؟ کہ میں کیوں ہنسا ہوں ؟ ہم نے کہا : اے امیرالمومنین ! آپ کیوں ہنسے ہیں ؟ انہوں نے فرمایا : میرے ہنسنے کی وجہ یہ ہے ‘ ایک مرتبہ نبی اکرم ﷺ نے اس جگہ کے قریب وضو کا پانی منگوایا ‘ پھر آپ نے اُسی طرح وضو کیا ، جس طرح میں نے وضو کیا ہے ‘ پھر آپ ﷺ اسی طرح ہنس پڑے ‘ جس طرح میں ہنس پڑا ہوں ، پھر آپ ﷺ نے ارشاد فرمایا : کیا تم لوگ مجھ سے یہ نہیں پوچھو گے ؟ کہ میں کیوں ہنسا ہوں ؟ ہم نے عرض کی : اے اللہ کے نبی ! آپ کس بات پر ہنسے ہیں ؟ آپ ﷺ نے فرمایا : میں اس بات پر ہنسا ہوں کہ جب کوئی بندہ وضو کرتا ہے اور اپنا چہرہ دھوتا ہے ‘ تو اللہ تعالیٰ اُس کا ہر وہ گناہ ختم کر دیتا ہے ‘ جس کا ارتکاب اس نے اپنے چہرے کے ذریعے کیا ہو ‘ جب وہ بندہ اپنے بازو دھوتا ہے تو بھی ایسا ہی ہوتا ہے ‘ جب وہ اپنے سر کا مسح کرتا ہے ‘ تو بھی ایسا ہی ہوتا ہے ‘ جب وہ اپنے پاؤں دھوتا ہے تو بھی ایسا ہی ہوتا ہے ۔ یہ روایت امام بزار نے نقل کی ہے اور اس کے رجال ’’ صحیح ‘‘ کے رجال ہیں ‘ اور یہ ’’ صحیح ‘‘ میں اختصار کے ساتھ منقول ہے ۔

EnglishUnverified translation

ʿAbdullāh ibn Zayd رضي الله عنه reported: > **"The Prophet ﷺ performed ablution: he washed his arms twice, his face three times, and wiped his head twice."**

اردو ترجمہ · UrduUnverified translation

حضرت عبداللہ بن زید رضی اللہ عنہ بیان کرتے ہیں : نبی اکرم ﷺ نے وضو کرتے ہوئے ‘ دونوں بازو دو مرتبہ دھوئے ‘ چہرہ تین مرتبہ دھویا اور سر پر دو مرتبہ مسح کیا ۔ ( علامہ ہیثمی فرماتے ہیں : ) میں یہ کہتا ہوں : یہ روایت ’’ صحیح ‘‘ میں منقول ہے ‘ تاہم اس میں یہ الفاظ نہیں ہیں : ” اپنے سر پر دو مرتبہ مسح کیا ‘‘ یہ روایت امام احمد نے نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Yazīd ibn al-Barāʾ ibn ʿĀzib reported that his father [al-Barāʾ ibn ʿĀzib] رضي الله عنه said: "Gather together so that I may show you how the Messenger of Allah ﷺ used to perform ablution and how he used to pray, for indeed I do not know how much longer my companionship with you will last." So he gathered his children and family, called for ablution water, rinsed his mouth, blew his nose, and washed his face three times. He washed his right arm three times, and washed this one—meaning the left—three times. Then he wiped his head and his ears, both their exterior and interior; and he washed this foot—meaning the right—three times, and washed this foot—meaning the left—three times. Then he said: > **"In this manner, I have spared no effort in showing you how the Messenger of Allah ﷺ used to perform ablution."**

اردو ترجمہ · UrduUnverified translation

یزید بن براء بن عازب ‘ جو ’’ عمان ‘‘ کے گورنر تھے اور بہترین گورنر تھے ‘ وہ بیان کرتے ہیں : میرے والد نے یہ کہا : تم لوگ اکٹھے ہو جاؤ ! تاکہ میں تم لوگوں کو یہ دکھاؤں کہ نبی اکرم ﷺ کس طرح وضو کیا کرتے تھے اور آپ کس طرح نماز ادا کیا کرتے تھے ؟ کیونکہ مجھے یہ نہیں معلوم کہ میں اور کتنا عرصہ تمہارے ساتھ رہوں گا ؟ راوی بیان کرتے ہیں : پھر انہوں نے اپنے بال بچوں کو اکٹھا کیا اور وضو کا پانی منگوایا ‘ انہوں نے کلی کی ‘ ناک میں پانی ڈالا ‘ اور اپنے چہرے کو تین مرتبہ دھویا ‘ اپنا دایاں بازو تین مرتبہ دھویا ‘ اپنا یہ والا تین مرتبہ دھویا ‘ اُن کی مراد بایاں بازو تھا ، پھر انہوں نے اپنے سر کا اور کانوں کے اندرونی اور بیرونی حصے کا مسح کیا ، پھر انہوں نے یہ یعنی دایاں پاؤں تین مرتبہ دھویا ‘ پھر یہ یعنی بایاں پاؤں تین مرتبہ دھویا ‘ پھر انہوں نے فرمایا : میں نے اس بارے میں کوئی کوتاہی نہیں کی ہے کہ میں تمہیں یہ دکھاؤں کہ نبی اکرم ﷺ کس طرح وضو کیا کرتے تھے ؟ یہ روایت امام احمد نے نقل کی ہے اور اس کے رجال کی توثیق کی گئی ہے ۔

EnglishUnverified translation

ʿAbd al-Raḥmān ibn Abī Qurād رضي الله عنه said: "I went out with the Prophet ﷺ on Hajj. I saw him go out to relieve himself, so I followed him with a leather water jug or cup. Whenever the Messenger of Allah ﷺ intended to relieve himself, he went far away. So I sat waiting for him along the path until the Messenger of Allah ﷺ returned. I said to him, 'O Messenger of Allah, here is ablution water.' The Messenger of Allah ﷺ approached me, poured water over his hand and washed it, then inserted his hand, cupped it, and poured water over his arm once. Then he wiped his head, scooped water once in his hand, and struck the tops of his feet with it, sprinkling water with his hand upon the tops of his feet." > **"Whenever the Messenger of Allah ﷺ intended to relieve himself, he would go far away."**

اردو ترجمہ · UrduUnverified translation

حضرت عبدالرحمن بن ابوقراد رضی اللہ عنہ بیان کرتے ہیں : میں نبی اکرم ﷺ کے ساتھ حج کرنے کے لیے روانہ ہوا ‘ میں نے آپ ﷺ کو دیکھا کہ آپ قضائے حاجت کے لیے تشریف لے گئے ہیں ، تو میں برتن ‘ راوی کو شک ہے یا شاید یہ الفاظ ہیں : پانی لے کر آپ ﷺ کے پیچھے گیا نبی اکرم ﷺ جب قضائے حاجت کا ارادہ کرتے تھے ‘ تو آپ دور تشریف لے جاتے تھے ‘ میں آپ کے لئے راستے میں بیٹھ گیا ‘ یہاں تک کہ جب نبی اکرم ﷺ واپس تشریف لائے ‘ تو میں نے آپ ﷺ کی خدمت میں عرض کی : یا رسول اللہ ! آپ وضو کریں گے ؟ یہاں وضو کا پانی موجود ہے ‘ تو نبی اکرم ﷺ میری طرف تشریف لائے ‘ آپ نے اپنے ہاتھ پر پانی ڈال کر اُسے دھویا ‘ پھر آپ نے اپنا ہاتھ پانی میں داخل کیا ‘ اور چلو میں پانی لے کر اپنے بازو پر ایک مرتبہ بہایا ، پھر آپ نے اپنے سر کا مسح کیا ، پھر اپنی مٹھی میں پانی لیا اور اسے اپنے پاؤں کے اوپری حصے پر ڈالا ‘ آپ نے اپنے ہاتھ کے ذریعے پاؤں کے اوپری حصے پر پانی چھڑکا ۔ ( علامہ ہیثمی فرماتے ہیں : ) میں یہ کہتا ہوں :’’ اصل ‘‘ میں یہ روایت اسی طرح مذکور ہے ‘ یہ روایت امام احمد نے نقل کی ہے ‘ امام نسائی اور امام ابن ماجہ نے اس میں سے صرف یہ الفاظ نقل کئے ہیں :’’ نبی اکرم ﷺ جبکہ قضائے حاجت کرنے لگتے ‘ تو آپ دور تشریف لے جاتے ‘‘ اس روایت کے رجال ثقہ ہیں ۔

EnglishUnverified translation

Abū Ayyūb رضي الله عنه reported: > **"Whenever the Messenger of Allah ﷺ performed ablution, he rinsed his mouth and wiped his beard with water from underneath it."**

اردو ترجمہ · UrduUnverified translation

حضرت ابوایوب رضی اللہ عنہ بیان کرتے ہیں : نبی اکرم ﷺ جب وضو کرتے تھے ‘ تو آپ ﷺ کلی کرتے تھے اور پانی کے ذریعے اپنی داڑھی کا نیچے کی طرف سے مسح کرتے تھے ۔ یہ روایت امام احمد نے نقل کی ہے ‘ اس کی سند میں ایک راوی واصل بن سائب ہے ‘ جس کے ضعیف ہونے پر محدثین کا اتفاق ہے ۔

EnglishUnverified translation

Abū Hurayrah رضي الله عنه reported: > **"The Messenger of Allah ﷺ performed ablution: he rinsed his mouth three times, inhaled water into his nose three times, washed his face three times, washed his arms three times, wiped his head three times, and washed his feet three times."**

اردو ترجمہ · UrduUnverified translation

حضرت ابوہریرہ رضی اللہ عنہ کے حوالے سے ‘ ایسی سند کے ساتھ ‘ یہ روایت منقول ہے ‘ جس کے رجال ” صحیح “ کے رجال ہیں ‘ وہ بیان کرتے ہیں : نبی اکرم ﷺ نے وضو کیا ‘ آپ نے تین مرتبہ کلی کی ‘ تین مرتبہ ناک میں پانی ڈالا ‘ تین مرتبہ اپنا چہرہ دھویا تین مرتبہ دونوں بازو دھوئے ، تین مرتبہ سر کا مسح کیا ‘ اور تین مرتبہ دونوں پاؤں دھوئے ۔ علامہ ہیثمی فرماتے ہیں میں یہ کہتا ہوں : یہ روایت امام ابن ماجہ نے نقل کی ہے ‘ تاہم انہوں نے یہ الفاظ نقل نہیں کیے ہیں : ’’ اپنے سر کا تین مرتبہ مسح کیا ‘‘ یہ روایت امام طبرانی نے معجم اوسط میں نقل کی ہے ۔

EnglishUnverified translation

Abū Umāmah رضي الله عنه reported: > **"The Messenger of Allah ﷺ performed ablution: he washed his palms three times, rinsed his mouth three times, inhaled water into his nose three times, washed his face three times, and washed his arms three times."**

اردو ترجمہ · UrduUnverified translation

حضرت ابوامامہ رضی اللہ عنہ بیان کرتے ہیں : نبی اکرم ﷺ نے وضو کرتے ہوئے اپنے ہاتھ تین مرتبہ دھوئے ‘ تین مرتبہ کلی کی ‘ تین مرتبہ ناک میں پانی ڈالا ‘ تین مرتبہ اپنا چہرہ دھویا اور تین مرتبہ دونوں بازو دھوئے ۔ یہ روایت امام طبرانی نے معجم کبیر میں سمیع نامی راوی کے حوالے سے حضرت ابوامامہ رضی اللہ عنہ سے نقل کی ہے اور اس کی سند حسن ہے ‘ سمیع نامی راوی کا تذکرہ امام ابن حبان نے کتاب ’’ الثقات ‘‘ میں کیا ہے ‘ وہ فرماتے ہیں : مجھے نہیں معلوم یہ کون ہے اور کس کا بیٹا ہے ؟ ( علامہ ہیثمی فرماتے ہیں : ) بظاہر یہ لگتا ہے کہ انہوں نے اسے ’’ ثقہ ‘‘ قرار دینے میں کسی اور پر اعتماد کیا ہے ۔

EnglishUnverified translation

ʿAbdullāh ibn ʿUmar رضي الله عنهما reported that the Prophet ﷺ said: > **"Whoever performs ablution once for each limb, that is the obligatory duty of ablution without which it is invalid; whoever performs ablution twice receives a double portion of reward; and whoever performs ablution three times, that is my ablution and the ablution of the prophets before me."**

اردو ترجمہ · UrduUnverified translation

حضرت عبداللہ بن عمر رضی اللہ عنہما نبی اکرم ﷺ کا یہ فرمان نقل کرتے ہیں : ’’ جو شخص ایک ‘ ایک مرتبہ وضو کرتا ہے ( یعنی وضو کرتے ہوئے ‘ ہر عضو کو ایک مرتبہ دھوتا ہے ) تو یہ وضو کا ایسا طریقہ ہے جس کے بغیر کوئی چارہ نہیں ہے ‘ اور جو شخص دو مرتبہ وضو کرتا ہے ‘ تو اسے اجر کے دو کفل ملیں گے ‘ اور جو شخص تین مرتبہ وضو کرتا ہے ‘ تو یہ میرا اور مجھ سے پہلے کے انبیاء کرام کا وضو کا طریقہ ہے ‘‘۔ یہ روایت امام احمد نے نقل کی ہے ‘ اس کی سند میں ایک راوی زید عمی ہے اور وہ ضعیف ہے ‘ اسے ثقہ بھی قرار دیا گیا ہے ‘ اس روایت کے بقیہ رجال ’’ صحیح ‘‘ کے رجال ہیں ، حضرت عبداللہ بن عمر رضی اللہ عنہما سے منقول حدیث امام ابن ماجہ نے بھی نقل کی ہے ‘ اور وہ اس سے طویل حدیث ہے ‘ تاہم دونوں روایات میں کچھ چیزیں ایسی ہیں ‘ جو دوسری میں نہیں ہیں ‘ باقی اللہ بہتر جانتا ہے ۔

EnglishUnverified translation

Rāshid Abū Muḥammad al-Ḥimmānī said: "I saw Anas ibn Mālik رضي الله عنه at al-Zāwiyah and said to him, 'Inform me about the ablution of the Messenger of Allah ﷺ—how was it? For it has reached me that you used to assist him in performing ablution.' He said, 'Yes.' Then he called for ablution water: a basin and a stone vessel were brought and set before him. He poured water over his hands and thoroughly washed his palms. Then he rinsed his mouth three times, inhaled water into his nose three times, and washed his face three times. Then he drew forth his right arm and washed it three times, then washed the left three times. Then he wiped his head once, passing his hands over his ears and wiping them, and then inserted both his palms together into the water..." [The narrator mentioned the rest of the hadith.] > **"In this manner did the Messenger of Allah ﷺ perform ablution."**

اردو ترجمہ · UrduUnverified translation

راشد ابومحمد حمانی بیان کرتے ہیں : میں نے ’’ زاویہ ‘‘ میں حضرت انس بن مالک رضی اللہ عنہ کو دیکھا ‘ تو میں نے اُن سے کہا : آپ مجھے نبی اکرم ﷺ کے وضو کے بارے میں بتائیں کہ وہ کیسا ہوتا تھا ؟ مجھے یہ اطلاع ملی ہے کہ آپ اس طرح وضو کر کے دکھاتے ہیں ، تو انہوں نے فرمایا : ٹھیک ہے ‘ پھر انہوں نے وضو کا پانی منگوایا ‘ تو ایک طشت اور ایک پیالہ لایا گیا جو پتھر سے بنا ہے ‘ وہ اُن کے سامنے رکھا گیا ‘ انہوں نے اپنے دونوں ہاتھوں پر پانی انڈیلا ‘ اور پھر دونوں ہاتھ اچھی طرح دھوئے ‘ پھر انہوں نے تین مرتبہ کلی کی ‘ تین مرتبہ ناک میں پانی ڈالا ‘ تین مرتبہ اپنا چہرہ دھویا ‘ پھر اپنا دایاں بازو ( آستین سے ) نکال کر اسے تین مرتبہ دھویا ‘ پھر بایاں بازو تین مرتبہ دھویا ‘ پھر انہوں نے اپنے سر کا ایک مرتبہ مسح کیا ‘ البتہ انہوں نے اپنے کانوں پر بھی ہاتھ پھیرا اور ان پر مسح کیا ، پھر انہوں نے اپنی دونوں ہتھیلیاں پانی میں داخل کیں ‘........ راوی بیان کرتے ہیں : اس کے بعد انہوں نے پوری حدیث ذکر کی ہے ۔ یہ روایت امام طبرانی نے معجم اوسط میں نقل کی ہے اور اس کی سند حسن ہے ۔

EnglishUnverified translation

Ibrāhīm ibn Abī ʿAblah said: "I asked Anas ibn Mālik رضي الله عنه, 'How should I perform ablution?' He replied, 'You ask me how I perform ablution, yet you do not ask me how I saw the Messenger of Allah ﷺ perform ablution?! I saw the Messenger of Allah ﷺ perform ablution washing each limb three times, and he said: > **"With this has my Lord, Mighty and Majestic, commanded me."**

اردو ترجمہ · UrduUnverified translation

ابراہیم بن ابوعبلہ بیان کرتے ہیں : میں نے حضرت انس بن مالک رضی اللہ عنہ سے سوال کیا : میں کیسے وضو کروں ؟ تو انہوں نے فرمایا : تم نے مجھ سے یہ سوال کیا ہے ‘ کہ میں کیسے وضو کروں ؟ تم نے مجھ سے یہ سوال نہیں کیا : کہ آپ نے ‘ اللہ کے رسول کو کس طرح وضو کرتے ہوئے دیکھا ہے ؟ ( پھر انہوں نے بتایا : ) میں نے اللہ کے رسول کو دیکھا ہے کہ آپ ﷺ تین ‘ تین مرتبہ وضو کے اعضاء کو دھوتے تھے ‘ آپ نے یہ ارشاد فرمایا : میرے پروردگار نے مجھے اس بات کا حکم دیا ہے ۔ یہ روایت امام طبرانی نے معجم اوسط اور معجم صغیر میں نقل کی ہے ‘ امام بزار نے اس روایت کو اختصار کے ساتھ نقل کیا ہے ‘ اس کے رجال ثقہ ہیں ۔

EnglishUnverified translation

Buraydah رضي الله عنه said: "The Messenger of Allah ﷺ called for ablution water. He performed ablution washing each limb once, and said: > **"This is the ablution without which Allah does not accept prayer."** Then he performed ablution washing each limb twice, and said: > **"This was the ablution of the nations before you."** Then he performed ablution washing each limb three times, and said: > **"This is my ablution and the ablution of the prophets before me."**

اردو ترجمہ · UrduUnverified translation

حضرت بریدہ رضی اللہ عنہ بیان کرتے ہیں : نبی اکرم ﷺ نے وضو کا پانی منگوایا ‘ اور ایک ‘ ایک مرتبہ وضو کیا ، پھر آپ ﷺ نے ارشاد فرمایا : یہ وہ وضو ہے ‘ کہ اللہ تعالیٰ اس کے بغیر نماز کو قبول نہیں کرتا ، پھر آپ نے دو ‘ دو مرتبہ وضو کیا اور ارشاد فرمایا : یہ تم سے پہلے کی امتوں کا وضو کا طریقہ ہے ‘ پھر آپ نے تین ‘ تین مرتبہ وضو کیا اور ارشاد فرمایا : یہ میرا اور مجھ سے پہلے کے انبیاء کرام کا وضو کا طریقہ ہے ۔ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی ابن لہیعہ ہے اور وہ ضعیف ہے ۔

EnglishUnverified translation

Abū Rāfiʿ رضي الله عنه said: > **"I saw the Messenger of Allah ﷺ perform ablution: he washed his face three times, washed his arms three times, wiped his head and ears, and washed his feet three times. And on another occasion, I saw him perform ablution washing each limb once."**

اردو ترجمہ · UrduUnverified translation

حضرت ابورافع رضی اللہ عنہ بیان کرتے ہیں : میں نے اللہ کے رسول کو وضو کرتے ہوئے دیکھا ‘ آپ نے اپنے چہرے کو تین مرتبہ دھویا دونوں ہاتھ تین مرتبہ دھوئے ‘ اپنے سر اور دونوں کانوں کا مسح کیا ‘ دونوں پاؤں تین مرتبہ دھوئے ‘ پھر ایک مرتبہ میں نے آپ ﷺ کو وضو کرتے ہوئے دیکھا ‘ تو آپ نے ایک ‘ ایک مرتبہ وضو کیا ۔ یہ روایت امام بزار نے ‘ اور امام طبرانی نے معجم اوسط میں نقل کی ہے ‘ ان صحابی کے حوالے سے معجم کبیر میں یہ روایت منقول ہے : ’’ میں نے اللہ کے رسول کو تین ، تین مرتبہ دو ‘ دو مرتبہ اور ایک ‘ ایک مرتبہ وضو کرتے ہوئے دیکھا ہے ان دونوں روایات کے رجال ’’ صحیح ‘‘ کے رجال ہیں ۔

EnglishUnverified translation

ʿAbdullāh ibn ʿAbbās رضي الله عنهما narrated: "A Bedouin came to the Prophet ﷺ and asked, 'O Messenger of Allah, how is ablution performed?' The Messenger of Allah ﷺ called for ablution water: he washed his right hand three times, then introduced his right hand into the vessel, rinsed his mouth and inhaled water into his nose three times, washed his face and his arms three times, wiped his head and the exterior of his ears along with his head, and then washed his feet three times. Then he said: > **"This is the ablution; whoever exceeds this has transgressed and done wrong."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : ایک دیہاتی نبی اکرم ﷺ کی خدمت میں حاضر ہوا اور بولا : یا رسول اللہ ! وضو کیسے کیا جائے گا ؟ نبی اکرم ﷺ نے وضو کا پانی منگوایا ‘ آپ ﷺ نے اپنا ہاتھ تین مرتبہ دھویا ‘ پھر آپ ﷺ نے اپنا دایاں ہاتھ برتن میں داخل کیا ‘ اور تین مرتبہ کلی کی ‘ اور ناک میں پانی ڈالا ‘ آپ نے اپنا چہرہ اور دونوں بازو تین مرتبہ دھوئے ‘ اور اپنے سر کا مسح کیا ‘ سر کے ہمراہ آپ نے اپنے دونوں کانوں کے بیرونی حصے کا بھی مسح کیا ، پھر آپ نے دونوں پاؤں تین مرتبہ دھوئے ‘ پھر آپ ﷺ نے ارشاد فرمایا : اسی طرح وضو ہو گا جو شخص اس سے زیادہ کرے گا ‘ وہ زیادتی اور ظلم کرے گا ۔ یہ روایت امام طبرانی نے معجم کبیر میں نقل کی ہے ‘ ان صحابی کے حوالے سے ’’ صحیح ‘‘ میں اس کے علاوہ حدیث منقول ہے ‘ اس روایت کی سند میں ایک راوی سوید بن عبدالعزیز ہے ‘ جسے امام احمد ‘ یحییٰ بن معین اور ایک جماعت نے ” ضعیف “ قرار دیا ہے ‘ جبکہ دحیم نے اُسے ’’ ثقہ ‘‘ قرار دیا ہے ۔

EnglishUnverified translation

ʿAbdullāh ibn ʿAbbās رضي الله عنهما said: "I entered upon the Messenger of Allah ﷺ while he was purifying himself. Before him was a vessel containing approximately the measure of a mudd—if it exceeded, it was by very little, and if it fell short, it was by very little. He washed his hands, rinsed his mouth, and inhaled water into his nose three times each; washed his face three times and ran his wet fingers through his beard; washed his arms three times; wiped his head and his ears twice each; and washed his feet until he cleansed them thoroughly. I said, 'O Messenger of Allah, is this how purification is done?' He ﷺ said: > **"Thus has my Lord, Mighty and Majestic, commanded me."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : میں نبی اکرم ﷺ کی خدمت میں حاضر ہوا ‘ آپ ﷺ اُس وقت وضو کر رہے تھے ‘ آپ کے سامنے جو برتن موجود تھا ‘ اس میں ایک ’’ مد ‘‘ کی مقدار میں پانی آتا تھا ‘ اگر زیادہ ہوتا ‘ تو تھوڑا سا زیادہ ہوتا ‘ اور اگر کم ہوتا ‘ تو تھوڑا سا کم ہوتا ‘ آپ نے اپنے دونوں ہاتھ دھوئے ‘ کلی کی ‘ ناک میں پانی ڈالا ‘ ایسا آپ نے تین ‘ تین مرتبہ کیا ‘ آپ نے اپنے چہرے کو تین مرتبہ دھویا ‘ اور اپنی داڑھی کا خلال کیا ، پھر اپنے دونوں بازو تین مرتبہ دھوئے ‘ اور اپنے سر اور دونوں کانوں پر دو ‘ دو مرتبہ مسح کیا پھر اپنے دونوں پاؤں دھوئے ‘ اور انہیں اچھی طرح صاف کیا ‘ میں نے عرض کی : یا رسول اللہ ! کیا اسی طرح طہارت حاصل کی جاتی ہے ؟ آپ نے ارشاد فرمایا : میرے پروردگار نے مجھے اسی طرح کرنے کا حکم دیا ہے ۔ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی نافع ابوہرمز ہے اور وہ انتہائی ضعیف ہے ۔

EnglishUnverified translation

Wāʾil ibn Ḥujar رضي الله عنه said: "I was present with the Messenger of Allah ﷺ when a vessel containing water was brought to him. He poured water onto his right hand three times, then dipped his right hand into the vessel and poured water with it over his left hand three times. He then dipped his right hand, cupped a handful of water, and rinsed his mouth, inhaled water into his nose, and blew it out three times. Next, he placed both palms into the vessel, scooped water with them, and washed his face three times, ran his wet fingers through his beard, wiped the inner contours of his ears, and inserted his little fingers into the ear canals so that the water reached inside. He then wiped his neck and the underside of his beard with the surplus water from his face. He washed his right forearm three times extending beyond the elbow, and washed the left likewise beyond the elbow. He then wiped his head three times, wiped the exterior of his ears, and wiped his neck and the underside of his beard with the surplus water from his head. Then he washed his right foot three times, running water between its toes, extending the water beyond the ankle and up the shin; and did likewise with the left foot. Then he took a handful of water in his right hand and poured it over his head until it cascaded down the sides of his head, and said: > **"This is the completion of ablution."** Then he entered his prayer place, the people aligned in rows behind him, and he looked to his right and to his left..." [The narrator mentioned the rest of the hadith.]

اردو ترجمہ · UrduUnverified translation

حضرت وائل بن حجر رضی اللہ عنہ بیان کرتے ہیں : میں نبی اکرم ﷺ کے پاس موجود تھا ‘ ایک برتن لایا گیا ، جس میں پانی تھا ‘ آپ نے اپنے دائیں ہاتھ پر تین مرتبہ پانی ڈالا ‘ پھر اپنا دایاں ہاتھ برتن میں داخل کیا ‘ اور اس کے ذریعے بائیں ہاتھ پر تین مرتبہ پانی ڈالا ‘ پھر اپنے دائیں ہاتھ کو پانی میں ڈال کر چلو میں پانی لیا اور اس کے ذریعے کلی کی اور ناک میں پانی ڈالا ‘ ایسا آپ نے تین مرتبہ کیا ، پھر اپنے دونوں ہاتھ برتن میں داخل کئے ‘ ان میں پانی لیا اور اس کے ذریعے چہرے کو تین مرتبہ دھویا ‘ پھر آپ نے اپنی داڑھی کا خلال کیا ‘ اپنے دونوں کانوں کے اندرونی حصے کا مسح کیا اور اپنی چھوٹی انگلی کان میں داخل کی ‘ تاکہ وہاں تک پانی پہنچ جائے ‘ پھر آپ نے اپنی گردن کا اور داڑھی کے نیچے والے حصے کا ‘ چہرے کے پانی سے بچ جانے والے پانی کے ذریعے مسح کیا ؟ پھر آپ نے اپنا دایاں بازو تین مرتبہ دھویا ‘ یہاں تک کہ کہنی سے اوپر تک دھویا ‘ پھر بایاں بازو اسی طرح کہنی سے اوپر تک دھویا ‘ پھر آپ نے اپنے سر پر تین مرتبہ مسح کیا اور کانوں کے بیرونی حصے کا مسح کیا ‘ آپ نے اپنی گردن اور داڑھی کے نیچے والے حصے کا ‘ سر کے پانی سے بچ جانے والے پانی کے ذریعے مسح کیا ، پھر آپ نے اپنا دایاں پاؤں دھویا اور اس کی انگلیوں کا خلال کیا ‘ یہاں تک کہ پانی ٹخنے سے اوپر تک آیا ‘ آپ نے پانی پنڈلی تک ڈالا ‘ پھر اپنے بائیں پاؤں کے ساتھ بھی ایسا ہی کیا ، پھر اپنی دائیں ہتھیلی میں ‘ چلو میں پانی لیا ‘ اور اسے اپنے سر پر ڈال دیا یہاں تک کہ وہ سر کے اطراف سے نیچے آ گیا ‘ آپ ﷺ نے ارشاد فرمایا : یہ مکمل وضو ہے ، پھر آپ محراب میں داخل ہوئے ‘ لوگوں نے آپ کے پیچھے صف بنا لی ‘ آپ نے اپنے دائیں طرف اور بائیں طرف دیکھا ........ علامہ ہیثمی بیان کرتے ہیں میں یہ کہتا ہوں : اس کے بعد راوی نے پوری حدیث ذکر کی ہے ‘ یہ حدیث امام طبرانی نے معجم کبیر میں اور امام بزار نے نقل کی ہے ‘ اس کی سند میں ایک راوی سعید بن عبدالجبار ہے ‘ امام نسائی فرماتے ہیں : وہ قوی نہیں ہے ‘ ابن حبان نے اس کا تذکرہ کتاب ’’ الثقات ‘‘ میں کیا ہے ‘ امام بزار اور امام طبرانی کی سند میں ایک راوی محمد بن حجر ہے اور وہ ضعیف ہے امام بزار کی نقل کردہ روایت میں نماز کا تذکرہ طوالت کے ساتھ ہے ‘ اور وہ روایت آگے چل کر ’’ نماز کے طریقے “ سے متعلق بات میں آئے گی اگر اللہ نے چاہا ۔

EnglishUnverified translation

ʿAbdullāh ibn ʿAmr رضي الله عنهما reported: > **"The Messenger of Allah ﷺ performed ablution washing each limb once, then stood and prayed."**

اردو ترجمہ · UrduUnverified translation

حضرت عبداللہ بن عمرو رضی اللہ عنہ بیان کرتے ہیں : نبی اکرم ﷺ نے ایک ‘ ایک مرتبہ وضو کیا ۔ یہ روایت امام بزار نے اور امام طبرانی نے معجم اوسط میں نقل کی ہے ‘ انہوں نے یہ الفاظ زائد نقل کئے ہیں : ’’ پھر آپ کھڑے ہوئے اور آپ نے نماز ادا کی ‘‘۔ اس روایت کی سند میں ایک راوی مندل بن علی ہے ‘ جسے امام احمد اور علی بن مدینی نے ‘ اور ایک روایت کے مطابق یحیی بن معین نے ” ضعیف “ قرار دیا ہے ‘ جبکہ دوسری روایت کے مطابق انہوں ( یعنی یحیی بن معین ) نے اُسے ’’ ثقہ ‘‘ قرار دیا ہے ۔

EnglishUnverified translation

Abū Bakrah رضي الله عنه said: > **"I saw the Messenger of Allah ﷺ perform ablution: he washed his hands three times, rinsed his mouth three times, inhaled water into his nose three times, washed his face three times, washed his arms up to the elbows, and wiped his head by moving his hands from front to back and from back to front. Then he washed his feet three times, ran his fingers between his toes, and interlaced his fingers through his beard."**

اردو ترجمہ · UrduUnverified translation

حضرت ابوبکرہ رضی اللہ عنہ بیان کرتے ہیں : میں نے اللہ کے رسول کو وضو کرتے ہوئے دیکھا ‘ آپ نے اپنے دونوں ہاتھ تین مرتبہ دھوئے ‘ تین مرتبہ کلی کی ‘ تین مرتبہ ناک میں پانی ڈالا ‘ اپنے چہرے کو تین مرتبہ دھویا ‘ دونوں بازو کہنیوں تک دھوئے ‘ اور اپنے سر کا مسح کیا ‘ آپ اپنے دونوں ہاتھ آگے سے پیچھے کی طرف لے کر گئے اور پھر پیچھے سے آگے کی طرف لے کر آئے ‘ پھر آپ نے دونوں پاؤں تین مرتبہ دھوئے ‘ آپ نے پاؤں کی انگلیوں ‘ اور داڑھی کا خلال کیا ۔ یہ روایت امام بزار نے نقل کی ہے ‘ وہ فرماتے ہیں : حضرت ابوبکرہ رضی اللہ عنہ کے حوالے سے یہ روایت صرف اسی سند کے ساتھ منقول ہے ‘ اور بکار نامی راوی میں کوئی حرج نہیں ہے ‘ اس کا بیٹا عبدالرحمن ‘ صالح ہے ‘ میں یہ کہتا ہوں : امام بزار کے استاد محمد بن صالح بن عوام کا ذکر کرتے ہوئے ‘ میں نے کسی کو نہیں پایا ‘ اس روایت کے بقیہ رجال ” صحیح “ کے رجال ہیں ۔

EnglishUnverified translation

Anas ibn Mālik رضي الله عنه narrated that the Prophet ﷺ said: > **"When one of you performs ablution, let him rinse his mouth three times, for sins depart from his face; and let him wash his hands three times, wipe his head three times, then insert his fingers into his ears, and then pour water over his feet three times."**

اردو ترجمہ · UrduUnverified translation

حضرت انس بن مالک رضی اللہ عنہ نبی اکرم ﷺ کا یہ فرمان نقل کرتے ہیں : ’’ جب کوئی شخص وضو کرے تو اُسے تین مرتبہ کلی کرنی چاہیے ، کیونکہ ( اس کی وجہ سے ) اُس کے چہرے سے گناہ نکل جاتے ہیں ‘ اور تین مرتبہ دونوں بازو دھونے چاہییں ، اور تین مرتبہ سر پر مسح کرنا چاہیے ‘ پھر اُسے اپنے ہاتھ کان میں داخل کرنے چاہیں اور پھر اپنے پاؤں پر تین مرتبہ پانی ڈالنا چاہیے ‘‘۔ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی ابوموسیٰ حناط ہے اور وہ متروک ہے ۔

EnglishUnverified translation

ʿAbd al-Raḥmān ibn ʿAbbād ibn Yaḥyā ibn Khallād al-Zuraqī said: "We entered upon ʿAbdullāh ibn Unays رضي الله عنه, and he said: 'Shall I not show you how the Messenger of Allah ﷺ performed ablution and how he prayed?' We said: 'Yes, indeed.' So he washed his hands three times, wiped his head moving frontward and backward, touched his ears, and washed his feet three times. Then he took a garment, wrapped himself in it, and prayed. Then he said: > **"In this manner did I see my beloved, the Messenger of Allah ﷺ, perform ablution and pray."**

اردو ترجمہ · UrduUnverified translation

عبدالرحمن بن عباد بن یحییٰ بن خلاد زرقی بیان کرتے ہیں : ہم لوگ حضرت عبداللہ بن انیس رضی اللہ عنہ کی خدمت میں حاضر ہوئے ‘ تو انہوں نے فرمایا : کیا میں تمہیں یہ ( کر کے ) نہ دکھاؤں کہ نبی اکرم ﷺ کیسے وضو کیا کرتے تھے اور کیسے نماز ادا کرتے تھے ؟ ہم نے جواب دیا : جی ہاں ! تو انہوں نے دونوں ہاتھ تین ‘ تین مرتبہ دھوئے ‘ سر کا آگے سے پیچھے کی طرف اور پیچھے سے آگے کی طرف مسیح کیا ‘ انہوں نے اپنے کانوں پر بھی ہاتھ پھیرا ‘ اور دونوں پاؤں تین ، تین مرتبہ دھوئے ‘ پھر انہوں نے کپڑا لے کر اسے لپیٹا اور نماز ادا کی ‘ انہوں نے یہ بتایا : میں نے اپنے محبوب ( یعنی ) اللہ کے رسول کو دیکھا کہ آپ ﷺ نے اس طرح وضو کر کے نماز ادا کی ۔ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی عبدالرحمن بن عباد بن یحییٰ بن خلاد زرقی ہے ‘ میں نے کسی کو اُس کے حالات ذکر کرتے ہوئے نہیں پایا ہے ۔

EnglishUnverified translation

Jābir ibn ʿAbdillāh رضي الله عنهما said: > **"The Messenger of Allah ﷺ went out to Baqīʿ al-Gharqad; he performed ablution, washing his face and his arms, and wiped his head. Then he took water with his right hand, sprinkled it over his feet, and washed them."**

اردو ترجمہ · UrduUnverified translation

حضرت جابر بن عبداللہ رضی اللہ عنہما بیان کرتے ہیں : نبی اکرم ’’ بقیع غرقد ‘‘ کی طرف تشریف لے گئے ‘ آپ نے وضو کرتے ہوئے اپنے چہرے ‘ دونوں بازوؤں کو دھویا ‘ اور اپنے سر پر مسح کیا ، پھر اپنے دائیں ہاتھ میں پانی لے کر اپنے قدموں پر ڈالا ‘ اور انہیں دھو لیا ۔ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی ابن لہیعہ ہے اور وہ ضعیف ہے ۔

EnglishUnverified translation

Muʿādh ibn Jabal رضي الله عنه said: > **"The Prophet of Allah ﷺ used to perform ablution washing each limb once, twice, and thrice—he practiced all of that."**

اردو ترجمہ · UrduUnverified translation

حضرت معاذ بن جبل رضی اللہ عنہ بیان کرتے ہیں : نبی اکرم ﷺ ایک ‘ ایک مرتبہ دو ‘ دو مرتبہ ‘ اور تین ‘ تین مرتبہ ‘ ان میں سے ہر طرح وضو کر لیتے تھے ۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی محمد بن سعید مصلوب ہے اور وہ ضعیف ہے ۔

EnglishUnverified translation

Abū Kāhil رضي الله عنه said: "I passed by the Messenger of Allah ﷺ while he was performing ablution. I said: 'O Messenger of Allah, Allah has granted us immense good through you.' He washed his palms, rinsed his mouth three times, inhaled water into his nose three times, washed his face three times, and washed his arms three times; he wiped his head without setting a specific number, and purified his feet without setting a specific number. Then he said: > **"O Abū Kāhil, apply the purification water to its proper places, and keep the surplus of your water for your household; do not leave your family thirsty, and do not burden your servant."**

اردو ترجمہ · UrduUnverified translation

حضرت ابوکاہل رضی اللہ عنہ بیان کرتے ہیں : ایک مرتبہ میں نبی اکرم ﷺ کے پاس سے گزرا ‘ آپ اُس وقت وضو کرنے لگے تھے ‘ میں نے عرض کی : یا رسول اللہ ! اللہ تعالیٰ نے ہمیں آپ ﷺ کے حوالے سے بہت سی بھلائی عطا کی ہے ‘ نبی اکرم ﷺ نے دونوں ہاتھ دھوئے ‘ پھر تین مرتبہ کلی کی ‘ تین مرتبہ ناک میں پانی ڈالا ‘ اپنے چہرے کو تین مرتبہ دھویا ‘ دونوں بازو تین مرتبہ دھوئے ‘ اپنے سر کا مسح کیا ‘ تاہم انہوں نے متعین نہیں کیا ‘ اور دونوں پاؤں دھوئے اور متعین نہیں کیا ‘ آپ نے ارشاد فرمایا : اے ابوکاہل ! تم وضو کے پانی کو اس کے مخصوص مقام پر ڈالو ! اور وضو کا بچ جانے والا پانی اپنے اہل خانہ کے لئے باقی رہنے دو ! تم اپنے اہلخانہ کو پیاسا نہ رکھو ‘ اور اپنے خادم کو مشقت کا شکار نہ کرو ! یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی ہیثم بن جماز ہے اور وہ متروک ہے ۔

EnglishUnverified translation

Abū Ayyūb رضي الله عنه said: > **"Whenever the Messenger of Allah ﷺ performed ablution, he inhaled water into his nose three times, rinsed his mouth, and inserted his fingers into his mouth. When he washed his face, he reached with his palms to the front part of his ears; and when he wiped his head, he wiped with his fingers the rear part, and wiped his ears along with his head."**

اردو ترجمہ · UrduUnverified translation

حضرت ابوایوب رضی اللہ عنہ بیان کرتے ہیں : نبی اکرم ﷺ جب وضو کرتے تھے ‘ تو تین مرتبہ ناک صاف کرتے تھے ‘ کلی کرتے تھے ‘ اپنی انگلی منہ میں ڈالتے تھے ‘ جب آپ چہرہ دھوتے تھے ‘ تو اپنی ہتھیلیاں کانوں پر بھی لگاتے تھے اور جب آپ اپنے سر کا مسح کرتے تھے ‘ تو انگلیوں کے ذریعے پیچھے والے حصے کا مسح کرتے تھے ‘ سر کے ہمرہ آپ کانوں کا بھی مسح کرتے تھے ۔ یہ روایت امام طبرانی نے معجم کبیر میں نقل کی ہے ‘ میں نے ’’ اصل ‘‘ میں یہ روایت اسی طرح پائی ہے اس کی سند میں ایک راوی واصل بن سائب ہے اور وہ متروک ہے ۔

EnglishUnverified translation

ʿAbbād ibn Tamīm narrated from his father [Tamīm al-Māzinī] رضي الله عنه, who said: > **"I saw the Messenger of Allah ﷺ performing ablution: he began by washing his face and his arms, then rinsed his mouth and inhaled water into his nose, and then wiped his head."**

اردو ترجمہ · UrduUnverified translation

عباد بن تمیم نے ‘ اپنے والد کے حوالے سے ‘ یہ بات نقل کی ہے : وہ بیان کرتے ہیں : میں نے نبی اکرم ﷺ کو وضو کرتے ہوئے دیکھا آپ نے پہلے اپنا چہرہ دھویا اور دونوں بازو دھوئے ، پھر آپ نے کلی کی اور ناک میں پانی ڈالا پھر اپنے سر کیا مسح کیا ۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی ابن لہیعہ ہے اور وہ ضعیف ہے ۔

EnglishUnverified translation

Tamīm al-Māzinī رضي الله عنه said: > **"I saw the Messenger of Allah ﷺ perform ablution and wipe with water over his beard and his feet."**

اردو ترجمہ · UrduUnverified translation

انہی صحابی کے حوالے سے معجم کبیر میں یہ روایت بھی منقول ہے : وہ بیان کرتے ہیں : میں نے نبی اکرم ﷺ کو دیکھا ‘ آپ نے وضو کرتے ہوئے ‘ اپنی داڑھی اور پاؤں پر ‘ پانی کے ذریعے مسح کیا ۔ اس روایت کے رجال کی توثیق کی گئی ہے ۔

EnglishUnverified translation

Nimrān ibn Jāriyah narrated from his father [Jāriyah ibn Ẓafar] رضي الله عنه that the Messenger of Allah ﷺ said: > **"Take fresh water for wiping the head."**

اردو ترجمہ · UrduUnverified translation

نمران بن جاریہ ‘ اپنے والد کے حوالے سے ‘ نبی اکرم ﷺ کا یہ فرمان نقل کرتے ہیں : ’’ سر کے لیے نئے سرے سے پانی لو ! “۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی دہثم بن قرآن ہے ‘ جسے ایک جماعت نے ’’ ضعیف “ قرار دیا ہے ‘ اور ابن حبان نے اس کا تذکرہ کتاب ’’ الثقات ‘‘ میں کیا ہے ۔

EnglishUnverified translation

Al-Ḥasan ibn ʿAlī رضي الله عنهما reported: > **"Whenever the Messenger of Allah ﷺ performed ablution, he would leave a surplus of water so that he poured it over the place of his prostration."**

اردو ترجمہ · UrduUnverified translation

حضرت امام حسن بن علی رضی اللہ عنہ بیان کرتے ہیں : نبی اکرم ﷺ جب وضو کرتے تھے ‘ تو کچھ پانی بچا لیتے تھے ‘ یہاں تک کہ اسے سجدہ کے مقام پر بہاتے تھے ۔ یہ روایت امام طبرانی نے معجم کبیر میں نقل کی ہے اور اس کی سند حسن ہے ۔

EnglishUnverified translation

Al-Ḥusayn ibn ʿAlī رضي الله عنهما reported: > **"The Prophet ﷺ was performing ablution, and he washed the place of his prostration with water until he caused water to flow over the place of his prostration."**

اردو ترجمہ · UrduUnverified translation

حضرت امام حسین بن علی رضی اللہ عنہ بیان کرتے ہیں : نبی اکرم ﷺ وضو کرتے ہوئے پانی کے ذریعے سجدے کے مقام کو دھوتے تھے ‘ یہاں تک کہ آپ سجدہ کے مقام پر پانی بہاتے تھے ۔ یہ روایت امام ابویعلیٰ نے نقل کی ہے اور اس کی سند حسن ہے ۔

EnglishUnverified translation

ʿAbbād ibn Tamīm narrated from his father [Tamīm al-Māzinī] رضي الله عنه, who said: > **"I saw the Messenger of Allah ﷺ perform ablution and wipe with water over his feet."**

اردو ترجمہ · UrduUnverified translation

عباد بن تمیم نے اپنے والد کا یہ بیان نقل کیا ہے : میں نے نبی اکرم ﷺ کو وضو کرتے ہوئے دیکھا ‘ آپ نے پانی کے ذریعے اپنے پاؤں پر مسح کیا ۔ یہ روایت امام طبرانی نے معجم اوسط میں نقل کی ہے اور اس کے رجال ’’ صحیح ‘‘ کے رجال ہیں ‘ البتہ امام طبرانی کے استاد کا معاملہ مختلف ہے ۔