Hadith 1553–1592

EnglishUnverified translation

Umm Salamah رضي الله عنها narrated: > **"The Messenger of Allah ﷺ used to avoid intimacy during the initial surge of menstrual blood for three days, and thereafter he would be affectionate."**

اردو ترجمہ · UrduUnverified translation

سیدہ ام سلمہ رضی اللہ عنہا بیان کرتی ہیں : نبی اکرم ﷺ تین دن تک خون کے زیادہ ہونے کی وجہ سے احتیاط کرتے تھے ‘ اس کے بعد آپ مباشرت کر لیتے تھے ۔ ( علامہ ہیثمی فرماتے ہیں : ) میں یہ کہتا ہوں : اُن کے حوالے سے یہ روایت امام ابن ماجہ اور دیگر حضرات نے بھی نقل کی ہے ‘ تاہم اس میں یہ الفاظ نہیں ہے :’’ تین دن تک خون سے بچتے تھے ‘‘۔ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی سعید بن بشیر ہے ‘ جسے شعبہ نے ’’ ثقہ ‘‘ قرار دیا ہے اور اس سے استدلال کرنے کے بارے میں اختلاف کیا گیا ہے ۔

EnglishUnverified translation

Abū Hurayrah رضي الله عنه narrated that Khawlah bint Yasār came to the Prophet ﷺ and said, "O Messenger of Allah, I have only a single garment, and I menstruate in it." He ﷺ said: > **"When you become pure, wash the place where the blood struck, and then pray in it."** She asked, "O Messenger of Allah, what if its stain does not disappear?" He ﷺ replied: > **"Water is sufficient for you, and its remaining stain will not harm you."**

اردو ترجمہ · UrduUnverified translation

حضرت ابوہریرہ رضی اللہ عنہ بیان کرتے ہیں : خولہ بنت یسار ‘ نبی اکرم ﷺ کی خدمت میں حاضر ہوئیں ‘ انہوں نے عرض کی : یا رسول اللہ ! میرے پاس صرف ایک کپڑا ہے ‘ اسی میں مجھے حیض آ جاتا ہے ؟ نبی اکرم ﷺ نے ارشاد فرمایا : جب تم پاک ہو جاؤ ‘ تو خون کی جگہ کو دھو لو اور پھر اُس کپڑے میں نماز ادا کر لو ‘ انہوں نے عرض کی : یا رسول اللہ ! اگر اس کا نشان ختم نہ ہو ؟ نبی اکرم ﷺ نے ارشاد فرمایا : تمہارے لیے پانی کفایت کر جائے گا ‘ اور اُس کا نشان تمہیں نقصان نہیں دے گا ۔ یہ روایت امام احمد نے نقل کی ہے اور اس کی سند میں ایک راوی ابن لہیعہ ہے اور وہ ضعیف ہے ۔

EnglishUnverified translation

Khawlah bint Ḥakīm رضي الله عنها said: I said, "O Messenger of Allah, I menstruate and have only a single garment." He ﷺ said: > **"Wash it and pray in it."** I said, "O Messenger of Allah, a trace of blood remains on it." He ﷺ replied: > **"It does not harm you."**

اردو ترجمہ · UrduUnverified translation

سیدہ خولہ بنت حکیم رضی اللہ عنہا بیان کرتی ہیں : میں نے عرض کی : یا رسول اللہ ! مجھے حیض آ جاتا ہے اور میرے پاس صرف ایک کپڑا ہے ‘ نبی اکرم ﷺ نے ارشاد فرمایا : تم اس کو دھو کر اُس میں نماز ادا کر لو ‘ میں نے عرض کی : یا رسول اللہ ! اس کے بعد خون کا نشان باقی رہ جائے گا ‘ نبی اکرم ﷺ نے ارشاد فرمایا : وہ تمہیں نقصان نہیں دے گا ۔ یہی روایت امام طبرانی نے معجم کبیر میں نقل کی ہے اور اس کی سند میں ایک راوی وازع بن نافع ہے اور وہ ضعیف ہے ۔

EnglishUnverified translation

Umm Salamah رضي الله عنها said: > **"One of us would menstruate in her garment, and when the day of her purity arrived, she would wash whatever blood had touched it and pray in it. Yet today, one of you dedicates her maidservant solely to washing her clothes on the day she becomes pure!"**

اردو ترجمہ · UrduUnverified translation

سیدہ ام سلمہ رضی اللہ عنہا بیان کرتی ہیں : ہم میں سے کسی ایک عورت کو کپڑوں میں حیض آ جاتا ‘ پھر جب اس کے طہر کا دن ہوتا ‘ تو اس کپڑے پر جو لگا ہوتا ‘ وہ اس کو دھو لیتی تھی اور پھر اسی کپڑے میں نماز ادا کر لیتی تھی ‘ اور آج تم لوگوں کی یہ حالت ہے کہ تم میں سے کوئی ایک عورت اپنے طہر کے دن کے لیے ‘ اپنی خادمہ کو صرف اس کام کے لیے مخصوص رکھتی ہے ‘ تاکہ وہ اس کے ( حیض والے ) کپڑے دھو دے ۔ یہ روایت امام طبرانی نے معجم اوسط میں نقل کی ہے ‘ اور اس کے رجال کی توثیق کی ہے ۔

EnglishUnverified translation

ʿAbdullāh ibn ʿUmar رضي الله عنهما narrated that the Prophet ﷺ said to ʿĀʾishah رضي الله عنها: > **"Hand me the small prayer mat (al-khumrah) from the mosque."** She said, "I am in a state of ritual impurity (menstruating)." He ﷺ said: > **"Is your menstruation in your hand?"**

اردو ترجمہ · UrduUnverified translation

حضرت عبداللہ بن عمر رضی اللہ عنہما بیان کرتے ہیں : نبی اکرم ﷺ نے سیدہ عائشہ رضی اللہ عنہا سے فرمایا : مجھے مسجد میں سے چٹائی پکڑا دو ! انہوں نے عرض کی : مجھے حدث ( یعنی حیض ) لاحق ہے ‘ نبی اکرم ﷺ نے فرمایا : کیا تمہارا حیض تمہارے ہاتھ میں ہے ۔ یہ روایت امام احمد نے نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Anas ibn Mālik رضي الله عنه narrated that the Prophet ﷺ said to ʿĀʾishah رضي الله عنها: > **"Hand me the prayer mat."** She said, "I am menstruating." He ﷺ replied: > **"Indeed, your menstruation is not in your hand."**

اردو ترجمہ · UrduUnverified translation

حضرت انس رضی اللہ عنہ بیان کرتے ہیں : نبی اکرم ﷺ نے سیدہ عائشہ رضی اللہ عنہا سے فرمایا : مجھے چٹائی پکڑا دو ! اُنہوں نے عرض کی : میں حائضہ ہوں ‘ نبی اکرم ﷺ نے فرمایا : تمہارا حیض تمہارے ہاتھ میں نہیں ہے ۔ یہ روایت امام بزار نے نقل کی ہے اور اس کے رجال کی توثیق کی گئی ہے ۔

EnglishUnverified translation

Abū Bakrah رضي الله عنه narrated that the Prophet ﷺ said to his maidservant: > **"Hand me the prayer mat from the mosque."** She said, "I am menstruating." He ﷺ said: > **"Hand it to me nonetheless."**

اردو ترجمہ · UrduUnverified translation

حضرت ابوبکرہ رضی اللہ عنہ بیان کرتے ہیں : نبی اکرم ﷺ نے اپنے خادم ( یعنی کنیز ) سے فرمایا : مجھے مسجد سے چٹائی پکڑا دو ‘ اس کنیز نے عرض کی : میں حائضہ ہوں ‘ نبی اکرم ﷺ نے فرمایا : مجھے ( پھر بھی چٹائی ) پکڑا دو ! یہ روایت امام طبرانی نے معجم کبیر میں نقل کی ہے ‘ اور اس کے رجال کی توثیق کی گئی ہے ۔

EnglishUnverified translation

Abū Hurayrah رضي الله عنه narrated that Thumāmah ibn Uthāl (or Uthālah) accepted Islam, whereupon the Messenger of Allah ﷺ said: > **"Take him to the orchard of Banū so-and-so, and instruct him to perform ghusl with water and lote leaves (sidr)."**

اردو ترجمہ · UrduUnverified translation

حضرت ابوہریرہ رضی اللہ عنہ بیان کرتے ہیں : ثمامہ بن اثال ‘ راوی کو شک ہے ‘ شاید یہ الفاظ ہیں : اثالہ ‘ نے اسلام قبول کیا ‘ تو نبی اکرم ﷺ نے ارشاد فرمایا : اسے بنوفلاں کے باغ میں لے جاؤ ‘ اور اسے یہ ہدایت کرو کہ یہ غسل کر لے ۔ یہ روایت امام احمد اور امام بزار نے نقل کی ہے ‘ انہوں نے اس میں یہ الفاظ زائد نقل کئے ہیں : پانی اور بیری کے پتوں کے ذریعے ( غسل کر لے ) ۔

EnglishUnverified translation

Abū Hurayrah رضي الله عنه narrated: > **"When Thumāmah ibn Uthāl embraced Islam, the Prophet ﷺ instructed him to perform ghusl and pray two rakʿahs."**

اردو ترجمہ · UrduUnverified translation

حضرت ابوہریرہ رضی اللہ عنہ کے حوالے سے ‘ امام ابویعلیٰ نے یہ روایت نقل کی ہے : جب ثمامہ بن اثال نے اسلام قبول کر لیا ، تو نبی اکرم ﷺ نے اسے یہ حکم دیا کہ وہ غسل کر کے دو رکعات ادا کرے ۔ امام احمد اور امام بزار کی سند میں ایک راوی عبداللہ بن عمر عمری ہے ‘ جسے یحیی بن معین اور ابواحمد بن عدی نے ’’ ثقہ ‘‘ قرار دیا ہے ‘ ان دونوں کے علاوہ حضرات نے اسے ’’ ضعیف ‘‘ قرار دیا ہے ‘ لیکن اس کی نسبت جھوٹ کی طرف نہیں کی ہے ۔ امام ابویعلیٰ بیان کرتے ہیں : ایک شخص کے حوالے سے سعید مقبری کا یہ قول منقول ہے : اگر تو یہ عمری ہے ‘ تو پھر یہ حدیث حسن ہے ‘ باقی اللہ بہتر جانتا ہے ۔

EnglishUnverified translation

Wāthilah ibn al-Asqaʿ رضي الله عنه narrated: When I embraced Islam, I came to the Prophet ﷺ, and he said to me: > **"Perform ghusl with water and lote leaves (sidr), and cast off from yourself the hair of disbelief."**

اردو ترجمہ · UrduUnverified translation

حضرت واثلہ بن اسقع رضی اللہ عنہ بیان کرتے ہیں : جب میں نے اسلام قبول کیا ‘ تو میں نبی اکرم ﷺ کی خدمت میں حاضر ہوا ‘ آپ نے مجھ سے ارشاد فرمایا : تم پانی اور بیری کے پتوں کے ذریعے غسل کرو ‘ اور اپنے آپ سے زمانہ کفر کے بال دور کر دو ! یہ روایت امام طبرانی نے معجم کبیر اور معجم صغیر میں نقل کی ہے ‘ اس کی سند میں ایک راوی منصور بن عمار واعظ ہے ‘ اور وہ ضعیف ہے ۔

EnglishUnverified translation

Qatādah Abū Hishām رضي الله عنه narrated: I came to the Messenger of Allah ﷺ, and he said to me: > **"O Qatādah, perform ghusl with water and lote leaves (sidr), and shave off the hair of disbelief."** And the Messenger of Allah ﷺ used to command whoever embraced Islam to be circumcised, even if he were eighty years of age.

اردو ترجمہ · UrduUnverified translation

قتادہ ابوہشام بیان کرتے ہیں : میں نبی اکرم ﷺ کی خدمت میں حاضر ہوا آپ ﷺ نے مجھ سے فرمایا : اے قتادہ ! تم پانی اور بیری کے پتوں کے ذریعے غسل کرو ‘ اور اپنے آپ سے زمانہ کفر کے بال مونڈ دو ! ۔ راوی بیان کرتے ہیں : نبی اکرم ﷺ اسلام قبول کرنے والے شخص کو یہ حکم دیتے تھے کہ وہ ختنہ کر لے خواہ اس کی عمر اسی سال ہی ہو ۔ یہ روایت امام طبرانی نے معجم کبیر میں نقل کی ہے اور اس کے رجال ثقہ ہیں ۔

EnglishUnverified translation

ʿAmmār ibn Yāsir رضي الله عنه narrated: The Messenger of Allah ﷺ saw me while I was serving water to two men from a small leather jug in front of me. I cleared my throat and spat, and some of my phlegm landed on my garment. I began washing my garment using water from the jug before me, whereupon the Prophet ﷺ said: > **"O ʿAmmār, your phlegm and the tears of your eyes are nothing other than like the pure water in your vessel. You only need to wash your garment from urine, feces, semen (al-māʾ al-aʿẓam), blood, and vomit."**

اردو ترجمہ · UrduUnverified translation

حضرت عمار بن یاسر رضی اللہ عنہ بیان کرتے ہیں : نبی اکرم ﷺ نے مجھے ملاحظہ فرمایا کہ میں اپنے برتن میں سے ‘ دو آدمیوں کو پانی پلا رہا تھا ‘ اس دوران مجھے تھوک آیا ‘ تو میرا تھوک میرے کپڑے پر بھی لگ گیا ‘ میں نے اپنے سامنے موجود برتن میں سے اپنے کپڑے کو دھونا شروع کیا ، نبی اکرم ﷺ نے ارشاد فرمایا : اے عمار ! تمہارا بلغم اور تمہاری آنکھوں کے آنسو ‘ تو اس پانی کی مانند ہیں ، جو تمہارے برتن میں موجود ہے ‘ تم اپنے کپڑے سے پیشاب ‘ پاخانہ ‘ منی ‘ خون اور قے کو دھو لیا کرو ۔ یہ روایت امام طبرانی نے معجم اوسط میں نقل کی ہے ، معجم کبیر میں اس کی مانند نقل کی ہے ‘ اور امام ابویعلیٰ نے نقل کی ہے ۔

EnglishUnverified translation

ʿAmmār ibn Yāsir رضي الله عنه narrated: The Messenger of Allah ﷺ saw me by a well drawing water into a leather jug of mine, so he asked, "What are you doing?" I replied, "O Messenger of Allah, I am washing my garment from major ritual impurity (janābah) that touched it." He ﷺ said: > **"O ʿAmmār, a garment is only washed from feces, urine, vomit, and blood."**

اردو ترجمہ · UrduUnverified translation

حضرت عمار رضی اللہ عنہ کے حوالے سے ‘ امام بزار نے یہ روایت نقل کی ہے : وہ بیان کرتے ہیں : نبی اکرم ﷺ نے مجھے ملاحظہ فرمایا میں ایک کنویں کے پاس موجود تھا ‘ اور ڈول کے ذریعے اپنے برتن میں پانی ڈال رہا تھا ‘ نبی اکرم ﷺ نے فرمایا : تم کیا کر رہے ہو ؟ میں نے عرض کی : یا رسول اللہ ! میں اپنے کپڑے کو دھو رہا ہوں ، جس پر جنابت لگ گئی تھی ، نبی اکرم ﷺ نے ارشاد فرمایا : اے عمار ! کپڑے پر سے پاخانہ ‘ یا پیشاب ‘ یا قے ‘ یا خون کو دھویا جائے گا ۔ ان تمام روایات کے طرق کا مدار ثابت بن حماد نامی راوی پر ہے اور وہ انتہائی ضعیف ہے ‘ باقی اللہ بہتر جانتا ہے ۔

EnglishUnverified translation

Maʿqil ibn Yasār رضي الله عنه narrated: ʿUthmān ibn ʿAffān رضي الله عنه used to experience great hardship from prostatic fluid (al-madhy), so he dispatched a man to the Prophet ﷺ to ask about it. The Prophet ﷺ said: > **"That is madhy, and every virile man discharges madhy. Wash it off with water, perform wuḍūʾ, and pray."**

اردو ترجمہ · UrduUnverified translation

حضرت معقل بن یسار رضی اللہ عنہ بیان کرتے ہیں : حضرت عثمان غنی رضی اللہ عنہ کو مذی کی وجہ سے مشکل کا سامنا کرنا پڑتا تھا ‘ انہوں نے ایک شخص کو نبی اکرم ﷺ کی خدمت میں بھیجا ‘ تو نبی اکرم ﷺ نے ارشاد فرمایا : یہ مذی ہے ‘ اور ہر مرد کی مذی خارج ہوتی ہے ‘ تم اسے پانی کے ذریعے دھو کر وضو کرو اور نماز ادا کر لو ۔ یہ روایت امام طبرانی نے معجم کبیر میں عطاء بن عجلان کی نقل کردہ روایت کے طور پر نقل کی ہے ‘ اور محدثین کا اس کے ضعیف ہونے پر اتفاق ہے ۔

EnglishUnverified translation

Abū Saʿīd al-Khudrī رضي الله عنه narrated: ʿAlī رضي الله عنه dispatched a man to the Messenger of Allah ﷺ to ask him concerning madhy, as he felt shy to ask him personally due to his marriage to Fāṭimah رضي الله عنها. The man asked, "O Messenger of Allah, a man sees a woman and discharges madhy; is ghusl obligatory upon him?" He ﷺ replied: > **"That is something experienced by virile men; for that, performing wuḍūʾ suffices you."**

اردو ترجمہ · UrduUnverified translation

حضرت ابوسعید خدری رضی اللہ عنہ بیان کرتے ہیں : حضرت علی رضی اللہ عنہ نے ایک شخص کو نبی اکرم ﷺ کی خدمت میں بھیجا ‘ تاکہ وہ آپ سے مذی کے بارے میں دریافت کرے ‘ حضرت علی رضی اللہ عنہ نے خود نبی اکرم ﷺ سے دریافت کرنا اس لئے مناسب نہیں سمجھا کیونکہ سیدہ فاطمہ رضی اللہ عنہا ان کی اہلیہ تھیں ، اس شخص نے عرض کی : یا رسول اللہ ! ایک شخص کسی عورت کو دیکھتا ہے ‘ تو اُس کی مذی خارج ہو جاتی ہے ‘ کیا اس پر غسل لازم ہو گا ؟ نبی اکرم ﷺ نے ارشاد فرمایا : اس چیز کا سامنا جوان مردوں کو کرنا پڑتا ہے ‘ ایسی صورت میں تمہارے لئے وضو کفایت کر جائے گا ۔ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی ابوہارون عبدی ہے ‘ جس کے ضعیف ہونے پر محدثین کا اتفاق ہے ۔

EnglishUnverified translation

Abū Laylā رضي الله عنه narrated: I was with the Prophet ﷺ while al-Ḥasan or al-Ḥusayn عليهما السلام was upon his chest or stomach, and the child urinated. I saw the streams of his urine flowing, and we rushed forward toward him, but the Prophet ﷺ said: > **"Leave my son; do not startle him until he completes his urination."** Then he poured water over it. He then stood up and entered the storage room of charity dates accompanied by the boy. The boy took a date and put it into his mouth, but the Prophet ﷺ took it out and said: > **"Indeed, charity is not lawful for us."**

اردو ترجمہ · UrduUnverified translation

حضرت ابولیلی بیان کرتے ہیں : میں نبی اکرم ﷺ کے پاس موجود تھا ‘ آپ کے سینے پر ( راوی کو شک ہے ‘ یا شاید یہ الفاظ ہیں : ) آپ ﷺ کے پیٹ پر حضرت حسن رضی اللہ عنہ یا شاید حضرت حسین رضی اللہ عنہ موجود تھے ‘ انہوں نے پیشاب کر دیا ‘ میں نے ان کے پیشاب کی لکیریں دیکھیں ہم لوگ نبی اکرم ﷺ کی طرف بڑھے تو آپ نے ارشاد فرمایا : میرے بیٹے کو رہنے دو ! اسے پریشان نہ کرو ‘ جب تک یہ پیشاب مکمل نہیں کر لیتا ، پھر آپ نے اُس پر پانی ڈال دیا ‘ پھر آپ ﷺ اُٹھے اور اس گھر میں داخل ہوئے ‘ جس میں صدقہ کی کھجوریں موجود تھیں ‘ آپ کے ساتھ وہ بچہ بھی تھا ‘ اُس نے ایک کھجور پکڑی اور اپنے منہ میں ڈال لی ‘ تو نبی اکرم ﷺ نے وہ باہر نکال دی اور ارشاد فرمایا : صدقہ ‘ ہمارے لیے حلال نہیں ہے ۔ یہ روایت امام احمد نے اور امام طبرانی نے معجم کبیر میں نقل کی ہے اور اس کے رجال ثقہ ہیں ۔

EnglishUnverified translation

Ibn ʿAbbās رضي الله عنهما narrated: Umm al-Faḍl bint al-Ḥārith رضي الله عنها brought Umm Ḥabībah bint al-ʿAbbās and placed her in the lap of the Prophet ﷺ, and the infant girl urinated. Umm al-Faḍl snatched her away abruptly and struck her between her shoulders. The Messenger of Allah ﷺ said: > **"Hand me a cup of water."** He then poured it over the area of her urine, and said: > **"Pour water wherever urine has reached."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : سیدہ ام فضل بنت حارث رضی اللہ عنہا ( جو حضرت عباس رضی اللہ عنہ کی اہلیہ ہیں ) وہ حضرت عباس رضی اللہ عنہ کی صاحبزادی ام حبیبہ رضی اللہ عنہا کو لے کر آئیں ‘ اور انہیں نبی اکرم ﷺ کی گود میں بٹھا لیا ، اُس بچی نے پیشاب کر دیا ‘ سیدہ ام فضل رضی اللہ عنہا کو اس پر شرمندگی ہوئی تو انہوں نے بچی کے دونوں کندھوں کے درمیان مارا ‘ پھر انہیں شرمندگی ہوئی ‘ تو نبی اکرم ﷺ نے ارشاد فرمایا : تم مجھے پانی کا پیالہ دو ! نبی اکرم ﷺ نے وہ پانی اس پیشاب پر بہا دیا ۔ پھر آپ ﷺ نے ارشاد فرمایا : پیشاب کی جگہ پر پانی بہا دیا کرو ۔ یہ روایت امام احمد نے نقل کی ہے ‘ اس کی سند میں ایک راوی حسین بن عبداللہ ہے ‘ جسے امام احمد ‘ ابوزرعہ ابوحاتم ‘ امام نسائی اور ایک روایت کے مطابق یحیی بن معین نے ”ضعیف “ قرار دیا ہے ‘ اور دوسری روایت کے مطابق انہوں نے اسے ’’ ثقہ ‘‘ قرار دیا ہے ۔

EnglishUnverified translation

Anas ibn Mālik رضي الله عنه narrated: While the Messenger of Allah ﷺ was resting on his back in one of his houses, al-Ḥasan came toddling along until he sat upon the chest of the Prophet ﷺ and urinated on his chest. I stepped forward to remove him, but the Messenger of Allah ﷺ awoke and said: > **"Woe to you, O Anas! Leave my son and the fruit of my heart alone, for whoever harms him harms me, and whoever harms me harms Allah."** Then the Messenger of Allah ﷺ called for water and poured it copiously over the urine, saying: > **"Water is poured over the urine of a boy, and the urine of a girl is washed."**

اردو ترجمہ · UrduUnverified translation

حضرت انس بن مالک رضی اللہ عنہ بیان کرتے ہیں : ایک مرتبہ نبی اکرم ﷺ اپنے کسی گھر میں سوئے ہوئے تھے ‘ اسی دوران حضرت حسن رضی اللہ عنہ آئے اور نبی اکرم ﷺ کے سینے پر بیٹھ گئے ‘ انہوں نے نبی اکرم ﷺ کے سینے پر پیشاب کر دیا ‘ میں انہیں ہٹانے لگا ‘ تو نبی اکرم ﷺ بیدار ہو گئے ‘ آپ نے فرمایا : اے انس ! تمہارا ستیاناس ہو ‘ میرے بیٹے کو اور میری جان کے ٹکڑے کو چھوڑ دو ! کیونکہ جو شخص اس کو اذیت پہنچائے گا ‘ وہ مجھے اذیت پہنچائے گا ‘ اور جو مجھے اذیت پہنچائے گا ‘ وہ اللہ تعالیٰ کو اذیت پہنچائے گا ‘ پھر نبی اکرم ﷺ نے پانی منگوایا اور وہ پیشاب پر بہا دیا ‘ آپ ﷺ نے ارشاد فرمایا : بچے کے پیشاب پر پانی ڈال دیا جائے گا ‘ اور بچی کے پیشاب کو دھویا جائے گا ۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی نافع ابوہلال ہے ‘ جس کے ضعیف ہونے پر محدثین کا اتفاق ہے ۔

EnglishUnverified translation

Abū Umāmah رضي الله عنه narrated: Al-Ḥusayn رضي الله عنه was brought to the Messenger of Allah ﷺ, and he began kissing him while he was in his lap. The infant urinated, and the people moved to take him away, but he ﷺ said: > **"Leave him."** And he left him until he had completely finished urinating.

اردو ترجمہ · UrduUnverified translation

حضرت ابوامامہ رضی اللہ عنہ بیان کرتے ہیں : نبی اکرم ﷺ کے پاس حضرت حسین رضی اللہ عنہ کو لایا گیا ‘ تو آپ نے انہیں بوسہ دینا شروع کیا ، انہوں نے آپ کی گود میں پیشاب کر دیا ‘ لوگوں نے انہیں الگ کرنا چاہا ‘ تو نبی اکرم ﷺ نے ارشاد فرمایا : اسے رہنے دو ! آپ نے انہیں رہنے دیا یہاں تک کہ وہ پیشاب سے فارغ ہوئے ۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی عفیر بن معدان ہے ‘ جس کے ضعیف ہونے پر محدثین کا اتفاق ہے ۔

EnglishUnverified translation

Zaynab bint Jaḥsh رضي الله عنها narrated: The Prophet ﷺ was sleeping in her quarters while al-Ḥusayn was crawling around the room. She momentarily became distracted from him, and he crawled over until he reached the Prophet ﷺ, climbed onto his stomach, and urinated upon his navel. She said: The Prophet ﷺ woke up, so I rushed toward him and took him off his stomach, but the Prophet ﷺ said: > **"Leave my son."** When he finished urinating, he took a jug of water and poured it over it, then said: > **"Water is poured over the urine of a boy, whereas the urine of a girl is washed."**

اردو ترجمہ · UrduUnverified translation

سیده زینب بنت جحش رضی اللہ عنہا بیان کرتی ہیں : نبی اکرم ﷺ ان کے ہاں سوئے ہوئے تھے ‘ اور حسین گھر میں گھٹنوں کے بل چل رہے تھے سیدہ زینب رضی اللہ عنہا کی ان سے توجہ ہٹی ‘ تو وہ گھٹنوں کے بل چلتے ہوئے نبی اکرم ﷺ کے پاس آئے اور آپ کے پیٹ پر چڑھ گئے ‘ پھر انہوں نے نبی اکرم ﷺ کی ناف پر اپنی شرمگاہ رکھی اور پیشاب کر دیا ‘ سیدہ زینب رضی اللہ عنہا بیان کرتی ہیں : نبی اکرم ﷺ بیدار ہو گئے ‘ میں اٹھ کر حسین کی طرف بڑھی اور انہیں نبی اکرم ﷺ سے پیچھے ہٹانا چاہا ‘ تو نبی اکرم ﷺ نے فرمایا : میرے بیٹے کو رہنے دو ! جب انہوں نے پیشاب کر لیا ‘ تو نبی اکرم ﷺ نے پانی کا برتن لے کر اُس پر بہا دیا ‘ اور ارشاد فرمایا : بچے کے پیشاب پر پانی ڈال دیا جائے گا ‘ اور بچی کے پیشاب کو دھویا جائے گا ........ اس کے بعد راوی نے پوری حدیث نقل کی ہے ۔ یہ روایت امام طبرانی نے معجم کبیر میں نقل کی ہے اس کی سند میں ایک راوی لیث بن ابوسلیم ہے ‘ اس میں ضعف پایا جاتا ہے ۔

EnglishUnverified translation

ʿAbdullāh ibn ʿAmr رضي الله عنهما narrated: > **"A male baby was brought to the Messenger of Allah ﷺ and urinated on him, so he sprinkled water over it; and a female baby was brought and urinated on him, so he washed it."**

اردو ترجمہ · UrduUnverified translation

حضرت عبداللہ بن عمرو رضی اللہ عنہ بیان کرتے ہیں : نبی اکرم ﷺ کے پاس ایک بچے کو لایا گیا ‘ اُس نے آپ پر پیشاب کر دیا ‘ تو آپ نے اس پیشاب پر پانی چھڑک دیا ‘ اگر کسی بچی کو لایا جاتا ‘ اور وہ آپ پر پیشاب کر دیتی ‘ تو آپ اُسے دھو لیتے تھے ۔ یہ روایت امام طبرانی نے معجم اوسط میں نقل کی ہے اور اس کی سند حسن ہے ۔

EnglishUnverified translation

Umm Salamah رضي الله عنها narrated: Al-Ḥasan or al-Ḥusayn urinated on the stomach of the Prophet ﷺ, whereupon the Prophet ﷺ said: > **"Do not abruptly interrupt my son (or: do not rush him)."** He left him until he had completed urinating, then called for water and poured it over it.

اردو ترجمہ · UrduUnverified translation

سیدہ ام سلمہ رضی اللہ عنہا بیان کرتی ہیں : حضرت حسن رضی اللہ عنہ نے ( راوی کو شک ہے ‘ یا شاید یہ الفاظ ہیں : ) حضرت حسین رضی اللہ عنہ نے ( جب وہ بچے تھے ) ‘ نبی اکرم ﷺ کے پیٹ پر پیشاب کر دیا ‘ تو نبی اکرم ﷺ نے ارشاد فرمایا : میرے بیٹے کو پریشان نہ کرو ( راوی کو شک ہے ‘ یا شاید یہ الفاظ ہیں : ) اس سے جلدی نہ کرواؤ ‘ نبی اکرم ﷺ نے انہیں رہنے دیا ‘ یہاں تک کہ انہوں نے پیشاب کر لیا ‘ تو نبی اکرم ﷺ نے پانی منگوا کر اُس پر بہا دیا ۔ یہ روایت امام طبرانی نے معجم اوسط میں نقل کی ہے اور اس کی سند حسن ہے ‘ اگر اللہ نے چاہا ‘ کیونکہ اس کی سند میں ’’ وجادہ ‘‘ پایا جاتا ہے ۔

EnglishUnverified translation

Umm Salamah رضي الله عنها narrated that the Messenger of Allah ﷺ said: > **"If the boy has not yet begun eating solid food, water is poured over his urine; but if it is a girl, it is washed."**

اردو ترجمہ · UrduUnverified translation

سیدہ ام سلمہ رضی اللہ عنہا بیان کرتی ہیں : نبی اکرم ﷺ نے فرمایا : جب بچہ ایسا ہو کہ وہ کچھ کھاتا نہ ہو ‘ تو اُس کے پیشاب پر پانی ڈال دیا جائے گا اور اگر بچی ہو ‘ تو اُس ( کے پیشاب کو ) کو دھو لیا جائے گا ۔ ( علامہ ہیثمی فرماتے ہیں : ) میں یہ کہتا ہوں : یہ روایت امام ابوداؤد نے سیدہ ام سلمہ رضی اللہ عنہا پر ’’ موقوف ‘‘ روایت کے طور پر نقل کی ہے ‘ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی اسماعیل بن مسلم مکی ہے اور وہ ضعیف ہے ۔

EnglishUnverified translation

Al-Ḥasan al-Baṣrī narrated: ʿUmar ibn al-Khaṭṭāb رضي الله عنه intended to forbid Tamattuʿ in Hajj, but Ubayy ibn Kaʿb رضي الله عنه said to him, "That is not for you to do; we performed Tamattuʿ with the Messenger of Allah ﷺ." ʿUmar also intended to prohibit the garments of al-Ḥīrah because they were dyed using urine, but Ubayy said to him: > **"That is not for you to do; the Prophet ﷺ wore them, and we wore them during his lifetime."**

اردو ترجمہ · UrduUnverified translation

حسن ( بصری ) بیان کرتے ہیں : حضرت عمر بن خطاب رضی اللہ عنہ نے یہ ارادہ کیا کہ وہ حج تمتع سے منع کر دیں ، تو حضرت ابی رضی اللہ عنہ نے اُن سے کہا : آپ کو اس بات کا اختیار نہیں ہے ‘ کیونکہ ہم نے اللہ کے رسول کے ساتھ حج تمتع کیا ہے ‘ حضرت عمر رضی اللہ عنہ نے یہ ارادہ کیا کہ وہ ’’ حیرہ ‘‘ کے حلوں سے منع کر دیں ، کیونکہ اُن پر پیشاب کے ذریعے رنگ کیا جاتا ہے ‘ تو حضرت ابی رضی اللہ عنہ نے اُن سے کہا : آپ کو یہ اختیار نہیں ہے ‘ کیونکہ نبی اکرم ﷺ نے وہ کپڑا پہنا ہے ‘ اور آپ کے زمانے میں ، ہم نے بھی اُسے پہنا ہے ۔ یہ روایت امام احمد نے نقل کی ہے ، حسن نامی راوی نے ‘ نہ تو حضرت عمر رضی اللہ عنہ سے اور نہ ہی حضرت ابی رضی اللہ عنہ سے سماع کیا ہے ۔

EnglishUnverified translation

ʿAbdullāh ibn Masʿūd رضي الله عنه said: > **"We used to pray alongside the Prophet ﷺ and we did not perform wuḍūʾ on account of anything stepped on."**

اردو ترجمہ · UrduUnverified translation

حضرت عبداللہ بن مسعود رضی اللہ عنہ بیان کرتے ہیں : ہم نبی اکرم ﷺ کی اقتداء میں نماز ادا کیا کرتے تھے ‘ اور پاؤں کے نیچے آنے والی ( گندی چیز ) کی وجہ سے دوبارہ وضو نہیں کرتے تھے ۔ یہ روایت امام طبرانی نے معجم کبیر میں نقل کی ہے اور اس کے رجال ثقہ ہیں ۔

EnglishUnverified translation

Abū Umāmah رضي الله عنه narrated: > **"The Messenger of Allah ﷺ would not perform wuḍūʾ on account of anything he stepped upon."**

اردو ترجمہ · UrduUnverified translation

حضرت ابوامامہ رضی اللہ عنہ بیان کرتے ہیں : نبی اکرم ﷺ پاؤں کے نیچے آنے والی کسی چیز کی وجہ سے دوبارہ وضو نہیں کرتے تھے ۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی ابوقیس محمد بن سعید مصلوب ہے اور وہ ضعیف ہے ۔

EnglishUnverified translation

ʿAbdullāh ibn Masʿūd رضي الله عنه narrated: A Bedouin came and urinated in the mosque. The Prophet ﷺ ordered concerning that spot, so it was dug out and a bucket of water was poured over it. The Bedouin said, "O Messenger of Allah, a man loves a people yet has not attained their deeds?" The Messenger of Allah ﷺ said: > **"A person will be with the one whom he loves."**

اردو ترجمہ · UrduUnverified translation

حضرت عبداللہ بن مسعود رضی اللہ عنہ بیان کرتے ہیں : ایک دیہاتی آیا اور اُس نے مسجد میں پیشاب کر دیا ‘ نبی اکرم ﷺ نے اُس جگہ کے بارے میں حکم دیا ‘ تو اُسے کھودا گیا اور وہاں پانی کا ایک ڈول بہا دیا گیا ، اُس دیہاتی نے عرض کی : یا رسول اللہ ایک شخص ‘ کسی قوم سے محبت رکھتا ہے ‘ لیکن اُن کے عمل جیسا عمل نہیں کرتا ؟ تو نبی اکرم ﷺ نے ارشاد فرمایا : ’’ آدمی ‘ اُس کے ساتھ ہو گا ‘ جس سے وہ محبت رکھتا ہے ‘‘۔ یہ روایت امام ابویعلیٰ نے نقل کی ہے ‘ اس کی سند میں ایک راوی سمعان بن مالک ہے ‘ امام ابوزرعہ فرماتے ہیں : یہ قوی نہیں ہے ابن خراش کہتے ہیں : یہ مجہول ہے ‘ اس روایت کے بقیہ رجال ’’ صحیح ‘‘ کے رجال ہیں ۔

EnglishUnverified translation

Anas ibn Mālik رضي الله عنه reported a similar narration from the Prophet ﷺ regarding the Bedouin who urinated in the mosque: > **"The Prophet ﷺ ordered that the spot be dug out and that a bucket of water be poured over it."**

اردو ترجمہ · UrduUnverified translation

امام ابویعلیٰ نے اس روایت کے بعد ‘ ایک ایسی سند کے ساتھ یہ روایت نقل کی ہے ‘ جس کے رجال ’’ صحیح ‘‘ کے رجال ہیں ، وہ بیان کرتے ہیں : حضرت انس رضی اللہ عنہ نے ‘ نبی اکرم ﷺ کے حوالے سے اس کی مانند روایت نقل کی ہے ۔

EnglishUnverified translation

Nāfiʿ narrated: ʿAbdullāh ibn ʿUmar رضي الله عنهما was asked concerning walled enclosures (orchards) wherein there is filth, human urine, and animal dung. He said: > **"When rains have flowed over it and winds have dried it, there is no harm in praying in it."** He mentioned that as tracing back to the Prophet ﷺ.

اردو ترجمہ · UrduUnverified translation

نافع بیان کرتے ہیں : حضرت عبداللہ بن عمر رضی اللہ عنہما سے اُن باغات کے بارے میں دریافت کیا گیا : جن میں گندگی ‘ لوگوں کا پیشاب اور جانوروں کا گوبر ہوتا ہے ‘ تو حضرت عبداللہ بن عمر رضی اللہ عنہما نے فرمایا : جب اُس پر بارشوں کا پانی بہہ جائے ‘ اور ہوائیں اُسے خشک کر دیں ‘ تو پھر اس جگہ پر نماز ادا کرنے میں کوئی حرج نہیں ہے ‘ انہوں نے نبی اکرم ﷺ کے حوالے سے یہ بات ذکر کی ۔ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی عمرو بن عثمان کلابی رقی ہے ‘ جسے ابوحاتم اور ازدی نے ” ضعیف “ قرار دیا ہے ‘ ابوحاتم بن حبان نے اسے ثقہ کہا ہے ‘ ابن عدی کہتے ہیں : اس کے حوالے سے صالح احادیث منقول ہیں ‘ اس روایت کے بقیہ رجال ” صحیح “ کے رجال ہیں ‘ البتہ امام طبرانی کے استاد کا معاملہ مختلف ہے ۔

EnglishUnverified translation

ʿAlī ibn Abī Ṭālib رضي الله عنه narrated that the Prophet ﷺ said: > **"Jibrīl عليه السلام came to me but did not enter. The Prophet ﷺ asked him: 'What prevented you from entering?' He replied: 'Indeed, we do not enter a house wherein there is an image or urine.'"**

اردو ترجمہ · UrduUnverified translation

حضرت علی بن ابوطالب رضی اللہ عنہ نبی اکرم ﷺ کا یہ فرمان نقل کرتے ہیں : ’’ جبرائیل میرے ہاں آئے ‘ تو اندر نہیں آئے ‘ نبی اکرم ﷺ نے اُن سے دریافت کیا : تم اندر کیوں نہیں آ رہے ؟ انہوں نے جواب دیا : ہم ایسے کسی گھر میں داخل نہیں ہوتے ہیں ، جس میں تصویر ‘ یا پیشاب موجود ہو ‘‘۔ یہ روایت عبداللہ بن احمد نے نقل کی ہے ‘ اس کی سند میں ایک راوی عمرو بن خالد ہے ‘ جس کے ضعیف ہونے پر محدثین کا اتفاق ہے ۔ ( علامہ ہیثمی فرماتے ہیں : ) میں یہ کہتا ہوں : اُس شخص کے واقعے کے بارے میں ‘ احادیث آگے آئیں گی ‘ جس نے مسجد میں پیشاب کر دیا تھا ‘ اور وہ احادیث ’’ کتاب الصلوۃ میں آئیں گی ۔

EnglishUnverified translation

Saʿd ibn Abī Waqqāṣ رضي الله عنه narrated that the Messenger of Allah ﷺ said: > **"Purify your courtyards, for indeed the Jews do not clean their courtyards."**

اردو ترجمہ · UrduUnverified translation

حضرت سعد بن ابی وقاص رضی اللہ عنہ روایت کرتے ہیں : نبی اکرم ﷺ نے ارشاد فرمایا : اپنے صحنوں کو پاک رکھو ‘ کیونکہ یہودی اپنے صحن صاف نہیں رکھتے ہیں “ یہ روایت امام طبرانی نے معجم اوسط میں نقل کی ہے ‘ امام طبرانی کے استاد کے علاوہ ‘ اس کے تمام رجال ’’ صحیح ‘‘ کے رجال ہیں ۔

EnglishUnverified translation

ʿAlī ibn Abī Ṭālib رضي الله عنه narrated that the Messenger of Allah ﷺ said: > **"Were it not that dogs are a community among communities, I would have ordered them all to be killed; so kill from among them every jet-black dog. And whoever keeps a dog for other than hunting, guarding crops, or herding livestock, a Qīrāṭ of sin the size of Mount Uḥud is incurred by him every day. And when a dog licks from the vessel of any of you, let him wash it seven times, one of which should be with soil (baṭḥāʾ)."**

اردو ترجمہ · UrduUnverified translation

حضرت علی رضی اللہ عنہ بیان کرتے ہیں : نبی اکرم ﷺ نے ارشاد فرمایا : ’’ اگر کتے ایک باقاعدہ قسم کی مخلوق نہ ہوتے ‘ تو میں اُنہیں مار دینے کا حکم دیتا ‘ البتہ تم اُن میں سے کالے سیاہ کتے کو مار دو ‘ جو شخص شکار کے علاوہ ‘ یا کھیت ‘ یا بکریوں کی حفاظت کے علاوہ ‘ کتا پالتا ہے ‘ تو روزانہ اُس کی طرف احد پہاڑ جتنا گناہ کا قیراط آ جاتا ہے اور جب کتا کسی کے برتن میں منہ ڈال دے ‘ تو آدمی اُسے سات مرتبہ دھوئے ، جن میں سے ایک مرتبہ مٹی کے ذریعے صاف کرے ‘‘۔ یہ روایت امام طبرانی نے ’’ معجم اوسط ‘‘ میں ‘ جارود کے حوالے سے ‘ اسرائیل سے نقل کی ہے ‘ جارود نامی شخص سے میں واقف نہیں ہوں ۔

EnglishUnverified translation

Abū Hurayrah رضي الله عنه narrated: The Prophet ﷺ used to visit the residence of a certain household of the Anṣār while bypassing a house before them. This caused them distress, so they said, "O Messenger of Allah, you visit the house of so-and-so but you do not visit our house?" The Prophet ﷺ replied: > **"Because there is a dog in your house."** They said, "Indeed, in their house there is a cat!" The Prophet ﷺ said: > **"The cat is a predatory beast (whose roaming does not negate purity in that manner)."**

اردو ترجمہ · UrduUnverified translation

حضرت ابوہریرہ رضی اللہ عنہ بیان کرتے ہیں : ایک مرتبہ نبی اکرم ﷺ انصار کے ایک محلے میں تشریف لائے ‘ جس سے پہلے ایک اور محلہ بھی تھا وہاں کے لوگوں کو یہ بات گراں گزری ‘ اُنہوں نے عرض کی : یا رسول اللہ ! آپ فلاں محلے میں تشریف لائے ہیں ‘ اور ہمارے محلے میں تشریف نہیں لائے ‘ نبی اکرم ﷺ نے ارشاد فرمایا : اس کی وجہ یہ ہے کہ تمہارے محلے میں کتا تھا ‘ لوگوں نے عرض کی : تو اُن کے محلے میں بلی ہے ‘ نبی اکرم ﷺ نے ارشاد فرمایا : بلی ‘ ایک درندہ ہے ۔ یہ روایت امام احمد نے نقل کی ہے ‘ اس کی سند میں ایک راوی عیسیٰ بن مسیب ہے اور وہ ضعیف ہے ‘ بلی کے بچائے ہوئے ( یعنی جوٹھے ) پانی کے ذریعے وضو کرنے سے متعلق حدیث پہلے گزر چکی ہے ۔

EnglishUnverified translation

Ibn ʿAbbās رضي الله عنهما reported that the Prophet ﷺ said: > **"When a dog laps from a vessel, it must be washed seven times."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : نبی کریم نے ارشاد فرمایا : ’’ جب کتا کسی برتن میں منہ ڈال دے ‘ تو اُسے سات مرتبہ دھویا جائے گا ‘‘۔ یہ روایت امام طبرانی نے نقل کی ہے ‘ امام بزار نے اس کی مانند روایت نقل کی ہے ‘ اس کی سند میں ایک راوی ابراہیم بن اسماعیل بن ابوحبیبہ ہے ‘ جسے امام احمد نے ’’ ثقہ ‘‘ قرار دیا ہے اور اس سے استدلال کرنے کے بارے میں اختلاف کیا گیا ہے ۔

EnglishUnverified translation

Abū Hurayrah رضي الله عنه narrated that the Messenger of Allah ﷺ said: > **"When a dog laps from the vessel of one of you, he must wash it seven times—and I believe he said—one of them with earth (dust)."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جب کتا کسی شخص کے برتن میں منہ ڈال دے ‘ تو آدمی کو اس برتن کو سات مرتبہ دھونا چاہیے ‘‘۔ راوی کہتے ہیں : میرا خیال ہے : روایت میں یہ الفاظ بھی ہیں : ” جن میں سے ایک مرتبہ مٹی کے ذریعے صاف کیا جائے ‘‘۔ ( علامہ ہیثمی فرماتے ہیں : ) میں یہ کہتا ہوں : یہ روایت ’’ صحیح ‘‘ میں منقول ہے ‘ تاہم اس میں یہ الفاظ نہیں ہیں ۔’’ جن میں سے ایک مرتبہ ........‘‘ یہ روایت امام بزار نے نقل کی ہے ‘ امام بزار کے استاد کے علاوہ ‘ اس کے تمام رجال ’’ صحیح ‘‘ کے رجال ہیں ۔

EnglishUnverified translation

Ibn ʿAbbās رضي الله عنهما narrated: > **"I was riding behind the Prophet ﷺ on a donkey called Yaʿfūr and I perspired, so the Prophet ﷺ instructed me to perform ghusl."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : میں گدھے پر نبی اکرم ﷺ کے پیچھے سوار تھا ‘ اُس گدھے کا نام ’’ یعفور ‘‘ تھا ، مجھے پسینہ آ گیا ‘ تو نبی اکرم ﷺ نے مجھے حکم دیا کہ میں غسل کروں ۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی ضحاک ہے ‘ جسے امام احمد ‘ یحیی اور ابوزرعہ نے ’’ ثقہ ‘‘ قرار دیا ہے ‘ اور دیگر لوگوں نے اسے ضعیف کہا ہے ۔

EnglishUnverified translation

Abū al-Zubayr narrated: I asked Jābir رضي الله عنه concerning a mouse that dies in food or drink, "May I eat it?" He replied: > **"No; the Messenger of Allah ﷺ strictly forbade that."**

اردو ترجمہ · UrduUnverified translation

ابوزبیر بیان کرتے ہیں : میں نے حضرت جابر رضی اللہ عنہ سے اُس چوہے کے بارے میں دریافت کیا ‘ جو کھانے یا پینے کی چیز میں مر جاتا ہے ‘ کیا میں اس چیز کو کھا لوں ؟ انہوں نے جواب دیا : جی نہیں ! نبی اکرم ﷺ نے اس سے منع کیا ہے ۔ یہ روایت امام احمد نے نقل کی ہے ‘ اس کی سند میں ایک راوی ابن لہیعہ ہے اور وہ ضعیف ہے ۔

EnglishUnverified translation

Maymūnah رضي الله عنها, the wife of the Prophet ﷺ, narrated that she sought a ruling from the Messenger of Allah ﷺ concerning a mouse that had fallen into solid clarified butter (ghee) belonging to them. He ﷺ said: > **"Cast it away and whatever surrounds it, and eat your clarified butter."**

اردو ترجمہ · UrduUnverified translation

نبی اکرم ﷺ کی زوجہ محترمہ سیدہ میمونہ رضی اللہ عنہا بیان کرتی ہیں : اُنہوں نے نبی اکرم ﷺ سے اُس چوہے کا حکم دریافت کیا ‘ جو جمے ہوئے گھی میں گر گیا تھا ، تو نبی اکرم ﷺ نے ارشاد فرمایا : اس چوہے کو ‘ اور اس کے آس پاس والے گھی کو پھینک دو ‘ اور اپنا گھی کھا لو ! ( علامہ ہیثمی فرماتے ہیں : ) میں یہ کہتا ہوں : یہ روایت ’’ صحیح ‘‘ اور دیگر کتابوں میں منقول ہے ‘ تاہم اس میں یہ الفاظ نہیں ہیں :’’ وہ بہنے والا ( یعنی مائع شکل میں ) تھا ۔ یہ روایت امام احمد نے ’ محمد بن مصعب قرقسانی سے نقل کی ہے ‘ اس شخص کو امام احمد نے ’’ ثقہ ‘‘ قرار دیا ہے ‘ اور اس سے روایت نقل کی ہے ‘ یحییٰ بن معین اور ایک جماعت نے اسے ’’ ضعیف ‘‘ قرار دیا ہے ۔

EnglishUnverified translation

Abū al-Dardāʾ رضي الله عنه narrated that a man came to the Prophet ﷺ and said, "A mouse fell into the gravy (stew)." He ﷺ said: > **"Cast it away from you, then scoop out three handfuls with both your hands, and then eat it."**

اردو ترجمہ · UrduUnverified translation

حضرت ابودرداء رضی اللہ عنہ بیان کرتے ہیں : ایک شخص نبی اکرم ﷺ کی خدمت میں حاضر ہوا ‘ اس نے بتایا : چوہا سالن میں گر گیا ہے ‘ نبی اکرم ﷺ نے فرمایا : اسے پھینک دو ! پھر اپنے دونوں ہاتھوں کے ذریعے تین مرتبہ اس کو لو ‘ اور اُسے کھا لو ۔ یہ روایت امام طبرانی نے معجم کبیر میں نقل کی ہے ‘ اس کی سند میں ایک راوی مسلمہ بن علی خشنی ہے ‘ اور وہ انتہائی ضعیف ہے ۔

EnglishUnverified translation

ʿAbdullāh ibn ʿUmar رضي الله عنهما narrated: The Messenger of Allah ﷺ was asked about a mouse that fell into clarified butter. He ﷺ said: > **"Throw it away and what is around it, and eat it if it is solid."** They asked, "O Messenger of Allah, what if it is liquid?" He ﷺ replied: > **"Benefit from it (for non-edible purposes)."**

اردو ترجمہ · UrduUnverified translation

حضرت عبداللہ بن عمر رضی اللہ عنہما بیان کرتے ہیں : نبی اکرم ﷺ سے ایسے چوہے کے بارے میں دریافت کیا گیا : جو گھی میں گر گیا تھا ، تو آپ نے فرمایا : اُسے نکالو اور اُس کے اردگرد کے گھی کو بھی نکال لو ‘ اور باقی بچ جانے والے گھی کو کھا لو ‘ اگر وہ جما ہوا تھا ‘ لوگوں نے عرض کی : یا رسول اللہ ! اگر وہ مائع ہوتا ؟ نبی اکرم ﷺ نے فرمایا : تم اُس سے نفع حاصل کر لو ( یعنی کھانے کے علاوہ کسی اور مصرف میں استعمال کر لو ! ) ۔ یہ روایت امام طبرانی نے معجم اوسط میں نقل کی ہے ‘ اس کی سند میں ایک راوی عبدالجبار بن عمر ہے ‘ محمد بن سعد بیان کرتے ہیں : وہ افریقہ میں تھا ‘ اور ثقہ تھا ‘ ایک جماعت نے اسے ’’ ضعیف ‘‘ قرار دیا ہے ۔