Hadith 8851–8890

EnglishUnverified translation

Abdullah ibn Busr رضi الله عنه reports that he saw the Messenger of Allah ﷺ widen his mustache at the sides.

اردو ترجمہ · UrduUnverified translation

حضرت عبدالله بن بسر رضی اللہ عنہ بیان کرتے ہیں : میں نے نبی اکرم ﷺ کو دیکھا ہے کہ آپ ﷺ نے اپنی مونچھوں کو اطراف میں بڑا کیا ہوا تھا ۔ یہ روایت امام طبرانی نے نقل کی ہے ۔ اس کی سند میں ایک راوی یعقوب بن محمد زہری ہے ‘ اور وہ ضعیف ہے ویسے اس کی ‘ توثیق کی گئی ہے ‘ اور ایک راوی منصور بن اسماعیل ہے عقیلی نے اسے ضعیف قرار دیا ہے اس روایت کے بقیہ رجال ثقہ ہیں ۔

EnglishUnverified translation

Shurahbil ibn Muslim said: I saw five among the Companions of the Messenger of Allah ﷺ trimming their mustaches, enlarging their beards and yellowing them: Abu Umamah al-Bahili, al-Hajjaj ibn Amir al-Thumali, al-Miqdam ibn Madikarib, Abdullah ibn Busr and Utbah ibn Abd al-Sulami; they trimmed with the edge of the lip.

اردو ترجمہ · UrduUnverified translation

شرحبیل بن مسلم بیان کرتے ہیں : میں نے پانچ صحابہ کرام کو دیکھا کہ وہ اپنی مونچھیں چھوٹی رکھتے تھے اور داڑھیاں بڑھا کے رکھتے تھے ( وہ حضرات یہ ہیں : ) حضرت ابوامامہ باہلی رضی اللہ عنہ حضرت حجاج بن عامر ثمالی رضی اللہ عنہ حضرت مقدام بن معدیکرب رضی اللہ عنہ حضرت عبدالله بن بسر رضی اللہ عنہ اور حضرت عتبہ بن عبد سلمی رضی اللہ عنہ یہ حضرات ہونٹوں تک مونچھیں چھوٹی رکھتے تھے ۔ یہ روایت امام طبرانی نے نقل کی ہے ۔ اور اس کی سند عمدہ ہے ۔

EnglishUnverified translation

Ibn Abbas رضي الله عنهما reports from the Prophet ﷺ: > **"Among the felicity of a man is lightness of his beard."**

اردو ترجمہ · UrduUnverified translation

حضرت عبداللہ بن عباس رضی اللہ عنہما نبی اکرم ﷺ کا یہ فرمان نقل کرتے ہیں : ’’ آدمی کی سعادت مندی میں یہ چیز بھی شامل ہے کہ اس کی داڑھی ہلکی ہو ‘‘۔ یہ روایت امام طبرانی نے نقل کی ہے ۔ اس کی سند میں ایک راوی یوسف بن غرق ہے ازدی کہتے ہیں : وہ کذاب ہے ۔

EnglishUnverified translation

A man of Banu Ghifar reports that the Prophet ﷺ said: > **"Whoever does not shave his pubic hair, trim his nails and clip his mustache is not of us."**

اردو ترجمہ · UrduUnverified translation

بنوغفار سے تعلق رکھنے والے ایک صاحب نبی اکرم ﷺ کا یہ فرمان نقل کرتے ہیں :’’ جو شخص زیر ناف بال نہیں صاف کرتا ناخن نہیں تراشتا اور مونچھیں چھوٹی نہیں کرتا وہ ہم میں سے نہیں ہے ‘‘۔ یہ روایت امام احمد نے نقل کی ہے ۔ اس کی سند میں ایک راوی ابن لہیعہ ہے اس کی نقل کردہ حدیث حسن ہے ‘ اس میں ضعف پایا جاتا ہے اس کے بقیہ رجال ثقہ ہیں ۔

EnglishUnverified translation

Ibn Abbas رضي الله عنهما reports from the Prophet ﷺ that it was said to him: O Messenger of Allah, news of Gabriel has been slow in coming to you? He said: > **"Why should it not be slow when you around me neither use siwak, nor trim nails, nor clip mustaches, nor cleanse finger joints?"**

اردو ترجمہ · UrduUnverified translation

حضرت عبداللہ بن عباس رضی اللہ عنہما نبی اکرم ﷺ کے بارے میں یہ بات نقل کرتے ہیں : آپ کی خدمت میں عرض کی گئی : یا رسول اللہ ! حضرت جبرائیل علیہ السلام کی اطلاع آپ تک آنے میں تاخیر ہو گئی ہے ۔ نبی اکرم ﷺ نے فرمایا : اس میں تاخیر کیوں نہ ہو جبکہ تم لوگ میرے پاس موجود ہو تم لوگ نہ مسواک کرتے ہو نہ ناخن تراشتے ہو ‘ نہ مونچھیں چھوٹی کرتے ہو اور نہ ہی اپنی انگلیوں کے درمیانی حصے کو صاف کرتے ہو ۔ یہ روایت امام احمد اور امام طبرانی نے نقل کی ہے ۔ اس کی سند میں ایک راوی ابوکعب ہے جو حضرت عبداللہ بن عباس رضی اللہ عنہما کا غلام ہے ۔ ابوحاتم کہتے ہیں : اس کی شناخت صرف اس حوالے سے ہوئی ہے اس روایت کے رجال ثقہ ہیں ۔

EnglishUnverified translation

Abu Wasil said: I met Abu Ayyub al-Ansari; he shook my hand, saw length in my nails and said: The Messenger of Allah ﷺ said: > **"One of you asks about news of heaven while leaving his nails like the claws of birds wherein gather vileness, filth and dirt."**

اردو ترجمہ · UrduUnverified translation

ابوواصل بیان کرتے ہیں : میری ملاقات حضرت ابوایوب انصاری رضی اللہ عنہ سے ہوئی انہوں نے میرے ساتھ مصافحہ کیا انہوں نے میرے ناخن بڑے دیکھے ‘ تو فرمایا نبی اکرم ﷺ نے ارشاد فرمایا ہے : تم میں سے کوئی ایک شخص آسمان کی خبر کے بارے میں دریافت کرتا ہے حالانکہ اپنے ناخنوں کو یوں چھوڑ دیتا ہے جس طرح پرندوں کے ناخن ہوتے ہیں اور اس میں خباثت اور خبیث چیزیں اور گندگی اکٹھے ہو جاتے ہیں ‘‘۔ یہ روایت امام احمد نے نقل کی ہے ۔ اس میں ان کی یعنی وکیع کی زبان پھسل گئی تھی انہوں نے یہ کہا تھا : حضرت ابوایوب انصاری رضی اللہ عنہ سے میری ملاقات ہوئی حالانکہ وہ ابوایوب عتکی ہیں ( جن سے راوی کی ملاقات ہوئی تھی ) ۔ یہ روایت امام احمد نے نقل کی ہے ۔ اور امام طبرانی نے اختصار کے ساتھ نقل کی ہے ۔ ان دونوں کے رجال صحیح کے رجال ہیں صرف ابوواصل کا معاملہ مختلف ہے ‘ اور وہ ثقہ ہے ۔

EnglishUnverified translation

Abu al-Darda رضي الله عنه reports that the Messenger of Allah ﷺ said: > **"Purifications are four: clipping the mustache, shaving pubic hair, trimming nails, and the siwak."**

اردو ترجمہ · UrduUnverified translation

حضرت ابودرداء رضی اللہ عنہ روایت کرتے ہیں ۔ نبی اکرم ﷺ نے ارشاد فرمایا : ’’ طہارت چار قسم کی ہوتی ہے مونچھ چھوٹی رکھنا زیر ناف بال صاف کرنا ناخن تراشنا اور مسواک کرنا ‘‘۔ یہ روایت امام بزار اور امام طبرانی نے نقل کی ہے ۔ اس کی سند میں ایک راوی معاویہ بن یحیی صدفی ہے ‘ اور وہ ضعیف ہے ۔

EnglishUnverified translation

Abdullah ibn Masud رضي الله عنه reports that they asked: O Messenger of Allah, you are deluded? He said: > **"Why should I not be deluded while the grime of one of you lies between his nail and his fingertips?"**

اردو ترجمہ · UrduUnverified translation

حضرت عبداللہ بن مسعود رضی اللہ عنہ بیان کرتے ہیں : لوگوں نے عرض کی : یا رسول اللہ ! آپ کو وہم لاحق ہو جاتا ہے ؟ ( شاید یہاں مراد یہ ہے کہ بعض اوقات آپ تلاوت کرتے ہوئے بھول جاتے ہیں ) نبی اکرم ﷺ نے فرمایا : مجھے وہم لاحق کیوں نہ ہو ؟ جب کہ تم میں سے کسی ایک شخص کی گندگی اس کے ناخنوں اور پوروں کے درمیان موجود ہوتی ہے ۔ یہ روایت امام طبرانی نے نقل کی ہے ۔ اور امام بزار نے اختصار کے ساتھ نقل کی ہے ۔ امام بزار کے رجال ثقہ ہیں اسی طرح امام طبرانی کے رجال بھی ہیں اگر اللہ نے چاہا ۔

EnglishUnverified translation

Aishah رضي الله عنها reports that the Messenger of Allah ﷺ saw a man with a long mustache and said: Bring me scissors and a siwak. So he placed the siwak upon its edge then took what exceeded. > **"Bring me scissors and a siwak."**

اردو ترجمہ · UrduUnverified translation

سیدہ عائشہ صدیقہ رضی اللہ عنہا بیان کرتی ہیں ۔ نبی اکرم ﷺ نے ایک شخص کو ملاحظہ فرمایا جس کی مونچھیں لمبی تھیں آپ نے فرمایا : تراشنے والا آلہ اور مسواک لے کر آؤ ۔ نبی اکرم ﷺ نے اس کے ہونٹ کے کنارے پر مسواک رکھی اور پھر جو بال اس سے آگے آ رہے تھے انہیں کاٹ دیا ۔ یہ روایت امام بزار نے نقل کی ہے ۔ اس کی سند میں ایک راوی عبدالرحمن بن مسہر ہے جو جبل کا قاضی ہے ‘ اور وہ کذاب ہے ۔

EnglishUnverified translation

Mayl bint Mashrah said: I saw my father trim his nails and bury them, saying: I saw the Messenger of Allah ﷺ do that.

اردو ترجمہ · UrduUnverified translation

میل بنت مشرح بیان کرتی ہیں : میں نے اپنے والد کو دیکھا جو ناخن تراش رہے تھے اور انہیں دفن کر رہے تھے انہوں نے یہ بتایا میں نے نبی اکرم ﷺ کو ایسا کرتے ہوئے دیکھا ہے ۔ یہ روایت امام بزار نے اور امام طبرانی نے معجم کبیر اور معجم اوسط میں عبیداللہ بن سلمہ بن وہرام کے حوالے سے ان کے والد سے نقل کی ہے ۔ اور یہ دونوں ضعیف ہیں اس کے والد کی ‘ توثیق کی گئی ہے ۔

EnglishUnverified translation

Sawadah ibn al-Rabi رضي الله عنه reports that he came to the Prophet ﷺ, who ordered camels for him, then said to him: When you return to your house, command them to feed their young stock well, command them to trim their nails so they do not wound the udders of their flocks when milking. > **"When you return to your house, command them to feed their young stock well, and command them to trim their nails so they do not wound the udders when milking."**

اردو ترجمہ · UrduUnverified translation

حضرت سوادہ بن ربیع رضی اللہ عنہ بیان کرتے ہیں : میں نبی اکرم ﷺ کی خدمت میں حاضر ہوا نبی اکرم ﷺ نے مجھے اونٹ دینے کا حکم دیا پھر آپ نے مجھ سے ارشاد فرمایا جب تم اپنے گھر واپس جاؤ گے ‘ تو ان لوگوں سے یہ کہنا کہ وہ اپنے اعمال کو اچھا رکھیں اور تم انہیں یہ کہنا کہ وہ اپنے ناخن تراش کے رکھیں اور دودھ دوہتے ہوئے اپنے جانوروں کو ( اپنے بڑے ناخنوں کے ذریعے ) زخمی نہ کریں ۔ یہ روایت امام احمد اور امام طبرانی نے نقل کی ہے ۔ تاہم انہوں نے یہ الفاظ نقل کیے ہیں : جب تم اپنے گھر جاؤ تو ان لوگوں کو یہ کہنا کہ وہ اپنے کام کاج اچھے طریقے سے کریں اور انہیں یہ کہنا کہ اپنے ناخن تراش لیں تاکہ دودھ دوہتے ہوئے وہ اپنے جانوروں کے تھنوں کو ان کے ذریعے زخمی نہ کر دیں ۔ اس روایت کی سند میں ایک راوی مرجی بن رجاء ہے ‘ جسے ابوزرعہ اور دیگر حضرات نے ثقہ قرار دیا ہے یحیی بن معین اور دیگر حضرات نے اسے ضعیف کہا ہے امام احمد کے بقیہ رجال ثقہ ہیں ۔

EnglishUnverified translation

Abu Hurayrah رضي الله عنه reports that the Messenger of Allah ﷺ said: > **"Enlarge beards, take from mustaches, pluck armpits, and shave the two parts."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں ۔ نبی اکرم ﷺ نے ارشاد فرمایا :’’ داڑھی بڑھا کے رکھو اور مونچھیں چھوٹی کر لیا کرو بغلوں کے بال صاف کرو اور زیر ناف بال صاف کرو ‘‘۔ ( علامہ ہیثمی فرماتے ہیں : ) میں یہ کہتا ہوں صحیح میں اس کا کچھ حصہ مذکور ہے ۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی سلیمان بن داؤد یمامی ہے ‘ اور وہ ضعیف ہے ۔

EnglishUnverified translation

Ibn Abbas رضي الله عنهما reports that when the Messenger of Allah ﷺ conquered Makkah he said: Allah and His Messenger have forbidden drinking wine and its price. He said: > **"Clip mustaches, enlarge beards, do not walk in markets except in izars; whoever acts upon the Sunnah of other than us is not of us."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : جب نبی اکرم ﷺ نے مکہ فتح کیا ‘ تو آپ نے ارشاد فرمایا : ’’ بے شک اللہ اور اس کے رسول نے شراب پینے اور اس کی قیمت کو حرام قرار دیدیا ہے آپ نے یہ بھی فرمایا : مونچھیں چھوٹی رکھو داڑھی بڑھا کے رکھو اور بازاروں میں جب چلو تو تم پر تہبند موجود ہونا چاہیے وہ شخص ہم میں سے نہیں ہو گا ‘ جو ہمارے علاوہ کسی کی سنت پر عمل کرے “۔ علامہ ہیثمی فرماتے ہیں : ) میں یہ کہتا ہوں مکمل روایت خرید و فروخت کے متعلق باب میں موجود ہے ۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی یوسف بن میمون ہے ‘ جسے امام احمد امام بخاری اور ایک جماعت نے ضعیف قرار دیا ہے ابن حبان نے اسے ثقہ کہا ہے اس روایت کے بقیہ رجال ثقہ ہیں ۔

EnglishUnverified translation

Umar ibn al-Khattab رضي الله عنه reports that the Messenger of Allah ﷺ forbade shaving the nape except for cupping.

اردو ترجمہ · UrduUnverified translation

حضرت عمر بن خطاب رضی اللہ عنہ بیان کرتے ہیں : نبی اکرم ﷺ نے گدی کے بال مونڈنے سے منع کیا ہے البتہ پچھنے لگوانے کے لئے ایسا کیا جا سکتا ہے ۔ یہ روایت امام طبرانی نے معجم صغیر اور معجم اوسط میں نقل کی ہے ۔ اس کی سند میں ایک راوی سعید بن بشیر ہے ‘ جسے شعبہ اور دیگر حضرات نے ثقہ قرار دیا ہے ‘ جبکہ یحیی بن معین اور دیگر حضرات نے اسے ضعیف کہا ہے اس روایت کے بقیہ رجال صحیح کے رجال ہیں ۔

EnglishUnverified translation

Abdullah ibn Amr رضي الله عنهما reports that the Messenger of Allah ﷺ forbade jummah flowing locks for free women and qussah tufts for slave girls.

اردو ترجمہ · UrduUnverified translation

حضرت عبداللہ بن عمرو رضی اللہ عنہ بیان کرتے ہیں : نبی اکرم ﷺ نے آزاد عورت کے بال کندھے پر کھلے چھوڑنے اور کنیز کے نقلی بال لگانے ( یا وگ لگانے ) سے منع کیا ہے ۔ یہ روایت امام طبرانی نے معجم کبیر اور معجم صغیر میں نقل کی ہے ۔ معجم صغیر کے رجال ثقہ ہیں ۔

EnglishUnverified translation

Maqil ibn Yasar رضي الله عنه reports that a man of the Ansar married a woman whose hair had fallen out, and the Prophet ﷺ was asked about hair-joining for her. He cursed the woman who joins hair and the woman for whom it is joined.

اردو ترجمہ · UrduUnverified translation

حضرت معقل بن یسار رضی اللہ عنہ بیان کرتے ہیں : انصار سے تعلق رکھنے والے ایک شخص نے ایک ایسی خاتون کے ساتھ شادی کی جس کے بال گر چکے تھے نبی اکرم ﷺ سے نقلی بال لگوانے کے بارے میں دریافت کیا گیا ‘ تو آپ نے نقلی بال لگانے والی اور لگوانے والی پر لعنت کی ۔ یہ روایت امام احمد اور امام طبرانی نے نقل کی ہے ۔ اس کی سند میں ایک راوی فضل بن دلہم ہے ‘ اور وہ ثقہ ہے اس میں ضعف پایا جاتا ہے امام احمد کے رجال صحیح کے رجال ہیں ۔

EnglishUnverified translation

Aishah رضي الله عنها reports that the Messenger of Allah ﷺ used to curse the woman who peels faces with corrosive beautifiers and the woman for whom it is done.

اردو ترجمہ · UrduUnverified translation

سیدہ عائشہ صدیقہ رضی اللہ عنہا بیان کرتی ہیں ۔ نبی اکرم ﷺ رنگ صاف کرنے کے لیے ‘ چہرے پر دوا لگانے والی ‘ اور لگوانے والی عورت پر لعنت کرتے تھے ۔ یہ روایت امام احمد نے نقل کی ہے ۔ اس کی سند میں ایسی خواتین ہیں جن سے میں واقف نہیں ہوں ۔

EnglishUnverified translation

Ibn Abbas رضي الله عنهما reports that the Prophet ﷺ came out with a tuft of false hair and said: > **"The women of Bani Israil used to place this in their heads, so they were cursed and the mosques were forbidden to them."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : نبی اکرم ﷺ نے مصنوعی بالوں کا ایک گچھہ نکالا اور فرمایا : بنی اسرائیل کی عورتیں اپنے سروں پر یہ لگایا کرتی تھیں ، تو ان پر لعنت کی گئی اور ان پر مسجد میں آنا حرام قرار دیدیا گیا ۔ یہ روایت امام طبرانی نے معجم کبیر اور معجم اوسط میں نقل کی ہے ۔ اس کی سند میں ایک راوی ابن لہیعہ ہے ‘ اور اس کی نقل کردہ حدیث حسن ہے اس میں ضعف پایا جاتا ہے اس روایت کے بقیہ رجال ثقہ ہیں ۔

EnglishUnverified translation

Abu Umamah رضي الله عنه reports that the Prophet ﷺ cursed the woman who joins hair and the woman for whom it is joined, and the woman who tattoos and the woman who is tattooed.

اردو ترجمہ · UrduUnverified translation

حضرت ابوامامہ رضی اللہ عنہ بیان کرتے ہیں : نبی اکرم ﷺ نے نقلی بال لگانے والی اور لگوانے والی جسم گودنے والی اور گدوانے والی عورت پر لعنت کی ہے ۔ یہ روایت امام طبرانی نے نقل کی ہے ۔ اور اس کے رجال صحیح کے رجال ہیں ۔

EnglishUnverified translation

Ibn Abbas رضي الله عنهما reports that the Messenger of Allah ﷺ cursed the woman who joins hair and the woman for whom it is joined.

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : نبی اکرم ﷺ نے نقلی بال لگانے والی اور لگوانے والی ( عورتوں ) پر لعنت کی ہے ۔ ( علامہ ہیثمی فرماتے ہیں : ) میں یہ کہتا ہوں امام ابوداؤد نے حضرت عبداللہ بن عباس رضی اللہ عنہما کے حوالے سے یہ روایت نقل کی ہے : ’’ نقلی بال لگانے والی اور لگوانے والی عورت پر لعنت کی گئی ہے ‘‘۔ اس روایت میں نبی اکرم ﷺ کا ذکر نہیں ہے ۔ یہ روایت امام طبرانی نے نقل کی ہے ۔ اس کی سند میں ایک راوی ابن لہیعہ ہے اس کی نقل کردہ حدیث حسن ہے ‘ اور اس میں ضعف پایا جاتا ہے اس روایت کے بقیہ رجال ثقہ ہیں ۔

EnglishUnverified translation

Qays ibn Abi Hazim reports that they visited Abu Bakr رضي الله عنه in his illness and saw beside him a fair woman with tattooed hands fanning him away from him, and she was Asma bint Umays رضي الله عنها.

اردو ترجمہ · UrduUnverified translation

قیس بن ابوحازم بیان کرتے ہیں : ہم لوگ حضرت ابوبکر رضی اللہ عنہ کی خدمت میں حاضر ہوئے یہ ان کی بیماری کے دوران کی بات ہے ‘ تو میں نے ان کے پاس ایک خاتون کو پایا جو سفید رنگ کی تھیں اور ان کے ہاتھوں پر گودنے کا نشان تھا ‘ وہ حضرت ابوبکر رضی اللہ عنہ سے مکھی وغیرہ ہٹا رہی تھیں وہ سیدہ اسماء بنت عمیس رضی اللہ عنہا تھیں ۔ یہ روایت امام طبرانی نے نقل کی ہے ۔ اور اس کے رجال صحیح کے رجال ہیں ۔

EnglishUnverified translation

Bishr ibn Abdillah ibn Amr ibn Said al-Khathami reports that he visited Muhammad ibn Ali ibn al-Husayn with his son beside him, who invited him to the morning meal. He said he had already eaten, and was told it was chicory. When asked what is in chicory, he narrated from his father from his grandfather that the Messenger of Allah ﷺ said there is no leaf of chicory except upon it a drop of the water of Paradise. Then oil was brought and he was told to oil himself. When he said he had already oiled, he was told it was violet. When asked what is in violet, he narrated from his father from his grandfather that the Messenger of Allah ﷺ said its excellence over all oils is like the excellence of the children of Abd al-Muttalib over all Quraysh, and the excellence of violet oil is like the excellence of Islam over all religions. > **"There is no leaf of chicory except upon it a drop of the water of Paradise. The excellence of violet over all oils is like the excellence of the children of Abd al-Muttalib over all Quraysh, and the excellence of violet oil is like the excellence of Islam over all religions."**

اردو ترجمہ · UrduUnverified translation

بشر بن عبداللہ بن عمرو بن سعید خثمی بیان کرتے ہیں : میں امام محمد بن علی بن حسین ( یعنی امام باقر ) کی خدمت میں حاضر ہوا ان کے پاس ان کے صاحبزادے بھی موجود تھے انہوں نے فرمایا : آؤ اور ناشتہ کرو میں نے کہا : اے اللہ کے رسول کے صاحبزادے ! میں کھانا کھا چکا ہوں ‘ انہوں نے فرمایا : یہ ہندباء ( کاسنی ) ہے میں نے عرض کی : اے اللہ کے رسول کے صاحبزادے ! ہندباء ( کاسنی ) میں کیا خصوصیت ہے ؟ انہوں نے فرمایا : میرے والد نے میرے دادا کے حوالے سے یہ بات نقل کی ہے : نبی اکرم ﷺ نے ارشاد فرمایا ہے : ’’ ہندباء ‘ کے ہر ایک پتے پر جنت کے پانی کا قطرہ موجود ہوتا ہے “۔ پھر امام باقر تیل لے کے آئے ( یا ان کے پاس تیل لایا گیا ) تو انہوں نے فرمایا : تم تیل لگا لو میں نے عرض کی : اے اللہ کے رسول کے صاحبزادے ! میں نے تیل لگایا ہوا ہے ۔ انہوں نے فرمایا : یہ بنفسج ( بنفشہ ) ہے ‘ میں نے کہا : بنفسج ( بنفشہ ) میں کیا خصوصیت ہوتی ہے ؟ انہوں نے بتایا میرے والد نے میرے دادا کے حوالے سے یہ بات نقل کی ہے ۔ نبی اکرم ﷺ نے فرمایا : ’’ بنفسج کو دیگر تمام تیلوں پر وہی فضیلت حاصل ہے ‘ جو عبدالمطلب کی اولاد کو تمام قریش پر حاصل ہے ‘ اور بنفسج کے تیل کو تمام تیلوں پر وہی فضیلت حاصل ہے ‘ جو اسلام کو دیگر تمام ادیان پر حاصل ہے ‘‘۔ یہ روایت امام طبرانی نے نقل کی ہے ۔ اس کی سند میں ایک راوی ارطاۃ بن اشعث ہے ‘ اور اس پر حدیث ایجاد کرنے کا الزام ہے ۔

EnglishUnverified translation

Aishah رضي الله عنها reports that when the Messenger of Allah ﷺ oiled his beard he began with the chin-spot beneath the lower lip.

اردو ترجمہ · UrduUnverified translation

سیدہ عائشہ صدیقہ رضی اللہ عنہا بیان کرتی ہیں ۔ نبی اکرم ﷺ جب اپنی داڑھی پر تیل لگاتے تھے ‘ تو سب سے پہلے ‘ نچلے ہونٹ کے نیچے والے حصے سے آغاز کرتے تھے ۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی حکم بن عبداللہ بن سعید ایلی ہے جو انتہائی ضعیف ہے امام احمد کہتے ہیں : اس کی نقل کردہ احادیث تمام موضوع ( ایجاد کی ہوئی ) ہیں ۔

EnglishUnverified translation

Lamis reports that she asked Aishah رضي الله عنها whether a woman may keep oil to endear herself to her husband, and she told her to remove from herself that which Allah does not look at. A woman said to Aishah, O my mother, and Aishah replied that she is not their mother but their sister.

اردو ترجمہ · UrduUnverified translation

لمیس نامی خاتون بیان کرتی ہیں : میں نے سیدہ عائشہ رضی اللہ عنہا سے سوال کیا میں نے ان سے کہا : عورت تیل رکھتی ہے تاکہ وہ اپنے شوہر کے لیے محبت کو ظاہر کرے ‘ انہوں نے فرمایا : تم اپنے آپ سے اس چیز کو دور کر دو ‘ جس کی طرف اللہ تعالیٰ نظر رحمت نہیں کرے گا ۔ ایک عورت نے سیدہ عائشہ رضی اللہ عنہا سے کہا : اے امی جان ! تو سیدہ عائشہ رضی اللہ عنہا نے فرمایا : میں تم خواتین کی ماں نہیں ہوں میں ‘ تو تمہاری بہن ہوں ۔ یہ روایت امام احمد نے نقل کی ہے ۔ اس کی سند میں ایک راوی جابر جعفی ہے جو انتہائی ضعیف ہے ویسے اس کی ‘ توثیق کی گئی ہے ‘ اور لمیس نامی خاتون سے میں واقف نہیں ہوں ۔

EnglishUnverified translation

Ibn Abbas رضي الله عنهما reports that when the Messenger of Allah ﷺ looked into the mirror he would say praise be to Allah who made good his character and his form and adorned of him what He disfigured of others. When he applied kohl he put two in each eye and one between them. When he wore his sandals he began with the right, when he removed them he removed the left. When he entered the mosque he entered his right foot, and he loved the right in everything, in taking and giving. > **"Praise be to Allah who made good my character and my form and adorned of me what He disfigured of others."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : نبی اکرم ﷺ جب شیشہ دیکھتے ‘ تو یہ پڑھتے تھے : ’’ ہر طرح کی حمد اللہ تعالیٰ کے مخصوص ہے جس نے میرے اخلاق اور میری ظاہری تخلیق کو اچھا بنایا ہے ‘ اور مجھے زینت عطا کی ہے جبکہ دوسروں میں خامیاں ہیں ‘‘۔ نبی اکرم ﷺ جب سرمہ لگاتے تھے ‘ تو ہر آنکھ میں دو مرتبہ لگاتے تھے اور ان دونوں کے درمیان ایک مرتبہ لگاتے تھے جب آپ جوتا پہنتے تھے ‘ تو دائیں طرف سے آغاز کرتے تھے جب جوتا اتارتے تھے ‘ تو پہلے بائیں طرف والا اتارتے تھے جب آپ مسجد میں داخل ہوتے تھے ‘ تو پہلے دایاں پاؤں اندر داخل کرتے تھے اور آپ ہر کام خواہ دینے کا ہو یا لینے کا ہو دائیں طرف سے کرنے کو پسند کرتے تھے ۔ یہ روایت امام ابویعلیٰ نے نقل کی ہے ۔ اس کی سند میں ایک راوی عمرو بن حصین ہے ‘ اور وہ متروک ہے ۔

EnglishUnverified translation

Aishah رضي الله عنها reports that the siwak and comb of the Messenger of Allah ﷺ never left his prayer place, and he would look into the mirror when he combed his beard.

اردو ترجمہ · UrduUnverified translation

سیدہ عائشہ صدیقہ رضی اللہ عنہا بیان کرتی ہیں ۔ نبی اکرم ﷺ کی نماز کی مخصوص جگہ سے آپ کی مسواک آپ کی کنگھی جدا نہیں ہوتے تھے نبی اکرم ﷺ جب اپنی داڑھی مبارک سنوارتے تھے ‘ تو شیشے میں دیکھ لیتے تھے ۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی سلیمان بن ارقم زہری ہے ‘ اور وہ ضعیف ہے ۔

EnglishUnverified translation

Aishah رضي الله عنها reports that there are five the Messenger of Allah ﷺ never left in travel or residence: the mirror, the kohl container, the comb, the scratching stick and the siwak.

اردو ترجمہ · UrduUnverified translation

سیدہ عائشہ صدیقہ رضی اللہ عنہا بیان کرتی ہیں پانچ چیزیں ہیں ، جنہیں نبی اکرم ﷺ سفر کے دوران اور مقیم ہونے کے دوران کبھی نہیں چھوڑتے تھے شیشہ ‘ سرمہ دانی ، کنگھی ‘ کھجانے والی چھڑی اور مسواک ۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی اسماعیل بن یحیی ابوامیہ ہے ‘ اور وہ متروک ہے ۔

EnglishUnverified translation

Umm al-Darda رضي الله عنها reports that she asked Aishah رضي الله عنها what she would provision the Messenger of Allah ﷺ with when she travelled with him, performed Hajj or raided with him. She said she would provision him with oil, a comb, a mirror, scissors, a kohl container and a siwak, and in one narration two pairs of scissors instead of one.

اردو ترجمہ · UrduUnverified translation

سیدہ ام درداء رضی اللہ عنہا بیان کرتی ہیں میں نے سیدہ عائشہ رضی اللہ عنہا سے دریافت کیا : جب آپ نبی اکرم ﷺ کے ساتھ سفر پر جاتی تھیں یا حج کے لیے جاتی تھیں یا آپ کے ساتھ کسی جنگ میں حصہ لینے کے لئے جاتی تھیں ، تو آپ نبی اکرم ﷺ کی کون سی چیزیں ساتھ رکھا کرتی تھیں ؟ انہوں نے بتایا : میں نبی اکرم ﷺ کے لئے زاد سفر تیار کرتی تھی اور اس میں تیل ، کنگھی ، آئینہ بال کاٹنے والی چیز ( یعنی قینچی ) سرمہ دانی اور مسواک رکھتی تھی ۔ ایک روایت میں یہ الفاظ ہیں : بال کاٹنے والی دو چیزیں ۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی محمد بن حفص وصانی ہے ‘ اور وہ ضعیف ہے ۔

EnglishUnverified translation

Umm Layla رضي الله عنها reports that they pledged the Messenger of Allah ﷺ, and among what was taken upon them was to dye deeply, comb with honey, and never leave their hands without dye. She said the Messenger of Allah ﷺ commanded them that when one of them can take two bracelets of silver for her hands let her, and if she cannot let her stain her hands even with creepers. > **"Dye deeply, comb with honey, never leave your hands without dye, and do not resemble men."**

اردو ترجمہ · UrduUnverified translation

سیدہ ام لیلی رضی اللہ عنہا بیان کرتی ہیں ہم نے نبی اکرم ﷺ کی بیعت کی آپ نے ہم سے جو عہد لیا تھا اس میں یہ بات بھی تھی کہ ہم گہرا خضاب لگائیں گی اور بال دھونے کے بعد کنگھی کریں گی اور اپنے ہاتھوں میں ہمیشہ مہندی لگا کے رکھیں گی ۔ وہ خاتون بیان کرتی ہیں ۔ نبی اکرم ﷺ نے ہمیں یہ حکم دیا کہ جب ہم میں سے کوئی ایک عورت اس بات کی قدرت رکھتی ہو کہ اپنے ہاتھوں میں چاندی کے بنے ہوئے کنگن پہن لے ( تو اسے ایسا کرنا چاہیے ) اور اگر وہ اس کی قدرت نہیں رکھتی ‘ تو وہ اپنے دونوں ہاتھوں پر مہندی لگا لے خواہ وہ سیر ( نامی بوٹی ) ہی کی ہو ‘ آپ نے فرمایا : تم خواتین ‘ مردوں کے ساتھ مشابہت اختیار نہ کرو ۔ یہ روایت امام طبرانی نے معجم اوسط اور معجم کبیر میں ایک ہی سند کے ساتھ دو مرتبہ نقل کی ہے ۔ اس کی سند میں ایسا راوی ہے جس سے میں واقف نہیں ہوں ۔

EnglishUnverified translation

A woman who had prayed both qiblahs with the Messenger of Allah ﷺ reports that the Messenger of Allah ﷺ entered upon her and said dye, for one of you leaves dye until her hand is like the hand of a man. She never left dye though she reached eighty years. > **"Dye, for one of you leaves dye until her hand is like the hand of a man."**

اردو ترجمہ · UrduUnverified translation

ایک خاتون ‘ جنہوں نے نبی اکرم ﷺ کی اقتداء میں دونوں قبلوں کی طرف رخ کر کے نماز ادا کی ہے ‘ وہ بیان کرتی ہیں : نبی اکرم ﷺ میرے ہاں تشریف لائے آپ نے فرمایا : تم خضاب ( یعنی ہاتھوں پر مہندی ) لگاؤ ‘ تم ( خواتین ) میں سے کوئی ایک خضاب ( یعنی مہندی لگانے کو ) کو ترک کر دیتی ہے ‘ یہاں تک کہ اس کا ہاتھ ‘ مرد کے ہاتھ کی طرح ہو جاتا ہے ۔ راوی کہتے ہیں : ‘ تو اس خاتون نے کبھی خضاب ( یعنی مہندی لگانا ) ترک نہیں کیا حالانکہ ان کی عمر اسی سال ہو چکی تھی ۔ یہ روایت امام احمد نے نقل کی ہے ۔ اس کی سند میں ایسے راوی ہیں جن سے میں واقف نہیں ہوں ‘ اور ایک راوی ابن اسحاق ہے ‘ اور وہ مدلس ہے ۔

EnglishUnverified translation

Ibn Umar رضي الله عنهما reports that women of the Ansar came to the Prophet ﷺ and he said O women of the Ansar, dye deeply, circumcise lightly without excess, for it is more beloved with your husbands, and beware the ingratitude of benefactors, meaning husbands. > **"O women of the Ansar, dye deeply, circumcise lightly without excess, for it is more beloved with your husbands, and beware the ingratitude of benefactors."**

اردو ترجمہ · UrduUnverified translation

حضرت عبداللہ بن عمر رضی اللہ عنہما بیان کرتے ہیں : نبی اکرم ﷺ کی خدمت میں کچھ انصاری خواتین حاضر ہوئیں نبی اکرم ﷺ نے فرمایا : ’’ اے انصار کی خواتین ! تم ڈبو کر خضاب لگاؤ ( یعنی پورے ہاتھ پر مہندی لگاؤ ) اور ( لڑکیوں کا ) ختنہ کرنے ہوئے مبالغہ نہ کرو ‘ کیونکہ یہ تمہارے شوہروں کے نزدیک زیادہ پسندیدہ ہو گا ‘ اور تم نعمت دینے والوں ( یعنی شوہروں ) کی ناشکری سے بچ کے رہنا ‘‘۔ مندل نامی راوی کہتے ہیں : اس سے مراد شوہر ہیں ۔ یہ روایت امام بزار نے نقل کی ہے ۔ اس کی سند میں ایک راوی مندل بن علی ہے ‘ اور وہ ضعیف ہے اس کی ‘ توثیق کی گئی ہے اس کے بقیہ رجال ثقہ ہیں ۔

EnglishUnverified translation

Ibn Abbas رضي الله عنهما reports that a woman came to the Prophet ﷺ to pledge him without dye upon her, and he did not pledge her until she had dyed.

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : ایک خاتون نبی اکرم ﷺ کی خدمت میں آپ کی بیعت کرنے کے لئے حاضر ہوئی اس خاتون نے مہندی نہیں لگائی ہوئی تھی ، تو نبی اکرم ﷺ نے اس سے بیعت نہیں لی جب تک اس نے مہندی نہیں لگا لی ۔ یہ روایت امام بزار نے نقل کی ہے ۔ اس کی سند میں ایک راوی لیث بن ابوسلیم ہے ‘ اور وہ مدلس ہے اس روایت کے بقیہ رجال ثقہ ہیں ۔

EnglishUnverified translation

Al-Sawda رضي الله عنها reports that she came to the Prophet ﷺ to pledge him and he said: > **"Go and dye, then come so I may pledge you."**

اردو ترجمہ · UrduUnverified translation

سیدہ سوداء ، رضی اللہ عنہا بیان کرتی ہیں : میں آپ کی خدمت میں آپ کی بیعت کرنے کے لئے حاضر ہوئی آپ نے فرمایا : تم جاؤ اور مہندی لگاؤ اور پھر آنا تاکہ میں تم سے بیعت لے لوں ۔ یہ روایت امام طبرانی نے معجم اوسط اور معجم کبیر میں نقل کی ہے ۔ اس کی سند میں ایسا راوی ہے جس سے میں واقف نہیں ہوں ۔

EnglishUnverified translation

Muslim ibn Abd al-Rahman reports that he saw the Messenger of Allah ﷺ pledging women at al-Safa in the year of the Conquest. A woman came whose hand was like a man's hand, and he refused to pledge her until she went and changed her hand with yellow. A man came with an iron ring upon his hand, and he said Allah does not purify a hand in which is an iron ring. > **"Allah does not purify a hand in which is an iron ring."**

اردو ترجمہ · UrduUnverified translation

حضرت مسلم بن عبدالرحمن رضی اللہ عنہ بیان کرتے ہیں : میں نے نبی اکرم ﷺ کو فتح مکہ کے موقع پر صفا پہاڑی پر خواتین سے بیت لیتے ہوئے دیکھا ایک خاتون آئی اس کا ہاتھ مرد کے ہاتھ کی طرح تھا ( یعنی اس پر مہندی نہیں لگی ہوئی تھی ) تو نبی اکرم ﷺ نے اس کی بیعت لینے سے انکار کر دیا یہاں تک کہ وہ خاتون گئی اور اس نے اپنے ہاتھ پر زرد رنگ ( کی مہندی لگائی ) ایک شخص آپ کی خدمت میں حاضر ہوا اس نے لوہے کی انگوٹھی پہنی ہوئی تھی نبی اکرم ﷺ نے ارشاد فرمایا : اللہ تعالیٰ ایسے ہاتھ کو پاک نہیں کرتا جس میں لوہے کی انگوٹھی موجود ہو ۔ یہ روایت امام طبرانی نے معجم اوسط میں نقل کی ہے ۔ اور امام بزار نے نقل کی ہے ۔ اور اس کی سند میں ایک راوی شمیسہ بنت نبہان ہے میں اس سے واقف نہیں ہوں ۔ اس روایت کے بقیہ رجال ثقہ ہیں ۔

EnglishUnverified translation

Anas ibn Malik رضي الله عنه reports that the Messenger of Allah ﷺ said: > **"When a woman perfumes herself for other than her husband, it is but Fire in disgrace."**

اردو ترجمہ · UrduUnverified translation

حضرت انس بن مالک رضی اللہ عنہ بیان کرتے ہیں : نبی اکرم ﷺ نے ارشاد فرمایا : ’’ جب کوئی عورت اپنے شوہر کے علاوہ کسی اور کے لئے خوشبو لگاتی ہے ‘ تو وہ آگ ہے جو عیب میں ہوتی ہے ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں دو خواتین ایسی ہیں جن سے میں واقف نہیں ہوں ۔

EnglishUnverified translation

Anas ibn Malik رضي الله عنه reports that the Prophet ﷺ said to Umm Atiyyah, a circumciser in Madinah: > **"When you circumcise, touch lightly and do not exceed, for it is brighter for the face and more beloved with the husband."**

اردو ترجمہ · UrduUnverified translation

حضرت انس بن مالک رضی اللہ عنہ بیان کرتے ہیں : نبی اکرم ﷺ نے مدینہ منورہ میں موجود ‘ ختنہ کرنے والی خاتون ‘ ام عطیہ سے یہ فرمایا : جب تم ( لڑکی کا ) ختنہ کرو ( تو جلد کو کاٹتے ہوئے ) مبالغہ نہ کرو ‘ کیونکہ یہ چہرے ( کی خوبصورتی ) کے لیے زیادہ موزوں ہے اور شوہر کے نزدیک زیادہ لذت کا باعث ہے ۔ یہ روایت امام طبرانی نے معجم اوسط میں نقل کی ہے ۔ اور اس کی سند حسن ہے ۔

EnglishUnverified translation

Ali رضي الله عنه reports that the Messenger of Allah ﷺ was at a funeral and asked which of them would go to Madinah leaving no idol but breaking it, no grave but levelling it, and no image but defacing it. A man said he would, but feared the people of Madinah and returned. Ali said he would go, was sent, went, returned and reported he left no idol but broke it, no grave but levelled it, and no image but defaced it. Then the Messenger of Allah ﷺ said whoever returns to making anything of this has disbelieved in what was revealed to Muhammad ﷺ. Then he said do not be arrogant, nor a troublemaker, nor a trader except a trader of good, for those are the delayers of deeds. > **"Which of you will go to Madinah leaving no idol but breaking it, no grave but levelling it, and no image but defacing it? Whoever returns to making anything of this has disbelieved in what was revealed to Muhammad ﷺ. Do not be arrogant, nor a troublemaker, nor a trader except a trader of good."**

اردو ترجمہ · UrduUnverified translation

حضرت علی رضی اللہ عنہ بیان کرتے ہیں : نبی اکرم ﷺ ایک جنازے میں شریک تھے آپ نے ارشاد فرمایا تم میں سے کون مدینہ جائے گا ‘ اور وہاں موجود ہر بت کو توڑ دے گا ‘ اور ہر قبر کو برابر کر دے گا ‘ اور ہر تصویر کو خراب کر دے گا ‘ تو ایک صاحب نے عرض کی : یا رسول اللہ ! میں راوی کہتے ہیں لیکن وہ اہل مدینہ سے ڈر گیا اور واپس آ گیا ۔ حضرت علی رضی اللہ عنہ نے عرض کی : یا رسول اللہ ! میں جاتا ہوں نبی اکرم ﷺ نے فرمایا : تم چلے جاؤ پھر حضرت علی رضی اللہ عنہ تشریف لے گئے وہ واپس آئے ‘ تو انہوں نے عرض کی : یا رسول اللہ ! میں نے وہاں موجود ہر بت کو توڑ دیا ہے ہر قبر کو برابر کر دیا ہے ‘ اور ہر تصویر کو خراب کر دیا ہے پھر نبی اکرم ﷺ نے ارشاد فرمایا : ’’ جو شخص ان میں سے کوئی کام دوبارہ کرے گا وہ اس چیز کا کفر کرے گا ‘ جو حضرت محمد ﷺ پر نازل ہوئی ہے ‘‘۔ پھر نبی اکرم ﷺ نے ارشاد فرمایا : ’’ تم تکبر کرنے والے آزمائش کا شکار کرنے والے اور تجارت کرنے والے نہ ہونا البتہ بھلائی کی تجارت کرنے والے کا معاملہ مختلف ہے ‘ کیونکہ یہی وہ لوگ ہیں جو عمل کو ٹالتے رہتے ہیں ( کہ میں عنقریب ایسا کر لوں گا ) ‘‘۔

EnglishUnverified translation

In another narration Ali ibn Abi Talib رضي الله عنه reports that the Messenger of Allah ﷺ sent a man of the Ansar to level every grave and deface every idol. He said he disliked entering the houses of his people, so he sent Ali instead, and the like of the preceding was mentioned.

اردو ترجمہ · UrduUnverified translation

ایک روایت میں یہ الفاظ ہیں : حضرت علی رضی اللہ عنہ بیان کرتے ہیں : نبی اکرم ﷺ نے ایک انصاری کو بھیجا تاکہ وہ ہر قبر کو برابر کر دے اور ہر بت کو خراب کر دے اس نے عرض کی : یا رسول اللہ ! میں اس بات کو ناپسند کرتا ہوں کہ میں اپنی قوم کے گھروں میں داخل ہو جاؤں حضرت علی رضی اللہ عنہ بیان کرتے ہیں ، تو نبی اکرم ﷺ نے مجھے بھیجا ۔۔۔۔۔۔۔۔ اس کے بعد راوی نے حسب سابق حدیث ذکر کی ہے ۔ پہلی روایت امام احمد نے نقل کی ہے ۔ اور دوسری روایت ان کے صاحبزادے عبداللہ نے نقل کی ہے ۔

EnglishUnverified translation

In another narration a man of Basrah, called Abu Muwarra by Basrans and Abu Muhammad by Kufans, mentioned the like of the first hadith without naming Ali, with the wording no image but effacing it instead of defacing it.

اردو ترجمہ · UrduUnverified translation

ایک روایت میں یہ الفاظ ہیں : اہل بصرہ سے تعلق رکھنے والے ایک صاحب سے یہ روایت منقول ہے اہل بصرہ ان کی کنیت ابومورع بیان کرتے ہیں ، لیکن اور اہل کوفہ ان کی کنیت ابومحمد بیان کرتے ہیں : وہ صاحب کہتے ہیں : نبی اکرم ﷺ نے ایسا ۔۔۔۔۔۔۔۔۔۔ اس کے بعد راوی نے امام احمد کے نقل کردہ پہلی والی روایت کی مانند روایت نقل کی ہے ۔ اور اس میں یہ بات بیان نہیں کی کہ یہ روایت حضرت علی رضی اللہ عنہ سے منقول ہے ‘ اور اس میں ایک لفظ ’’ طلخھا “ کی جگہ لفظ ” لطخھا نقل کیا ہے ۔ ( علامہ ہیثمی فرماتے ہیں : ) میں یہ کہتا ہوں صحیح میں اس کا ایک حصہ منقول ہے ۔ یہ روایت امام احمد اور ان کے صاحبزادے نے نقل کی ہے ۔ اس کی سند میں ایک راوی ابومحد ہذلی ہے ایک قول کے مطابق اس کی کنیت ابومورع ہے میں نے کسی کو اس کی ‘ توثیق کرتے ہوئے نہیں پایا ہے ایک جماعت نے اس سے روایات نقل کی ہیں کسی نے اسے ضعیف قرار نہیں دیا ہے اس روایت کے بقیہ رجال صحیح کے رجال ہیں ۔

EnglishUnverified translation

Aishah رضي الله عنها reports that the Messenger of Allah ﷺ told her to sit until Gabriel came so she could greet him and he would supplicate good for her. Gabriel came, stood at the door, then returned without entering. The Messenger of Allah ﷺ asked what kept Gabriel from entering, met him at another descent and asked why he turned back from their door. Gabriel replied he had come to enter but found that small beast or figure. > **"Sit until Gabriel comes so you may greet him and he may supplicate good for you. I came to enter upon you but found that small beast or figure."**

اردو ترجمہ · UrduUnverified translation

سیدہ عائشہ صدیقہ رضی اللہ عنہا نبی اکرم ﷺ بیان کرتی ہیں ۔ نبی اکرم ﷺ نے ارشاد فرمایا : تم بیٹھی رہو ! جبرائیل میرے پاس آئے گا تم اسے سلام کرنا وہ تمہارے لئے دعائے خیر کرے گا ۔ حضرت جبرائیل آئے ‘ اور دروازے پر کھڑے ہو گئے ‘ اور اندر آئے بغیر واپس چلے گئے نبی اکرم ﷺ نے ارشاد فرمایا جبرائیل کا کیا معاملہ ہے وہ اندر آئے بغیر واپس چلا گیا پھر دوسری مرتبہ جب نبی اکرم ﷺ کی ان سے ملاقات ہوئی ‘ تو نبی اکرم ﷺ نے فرمایا : اے جبرائیل عائشہ تمہیں سلام کرنے کے لئے بیٹھی تھی تاکہ تم اس کے لئے دعائے خیر کرو اور تم ہمارے دروازے سے واپس چلے گئے ‘ اور ہمارے ہاں اندر نہیں آئے ‘ تو حضرت جبرائیل نے عرض کی : میں آپ کے پاس اندر آنے کے لئے ہی آیا تھا ، لیکن میں نے اس چھوٹے جانور ( راوی کو شک ہے شاید یہ الفاظ ہیں : تمثیل کو پایا ( اس لئے میں اندر نہیں آیا ) ۔ ( علامہ ہیثمی فرماتے ہیں : ) میں یہ کہتا ہوں امام ابن ماجہ نے اس روایت کا کچھ حصہ نقل کیا ہے ۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی اسماعیل بن عبداللہ بن خالد بن سعید بن ابومریم ہے ابن ابوحاتم کہتے ہیں : یہ مجہول ہے اس میں مستور ہونا پایا جاتا ہے ( یا اس روایت میں ایک راوی مستور ہے ) اور اس روایت کے بقیہ رجال ثقہ ہیں ۔