Hadith 5248–5287

EnglishUnverified translation

Abu Umamah رضي الله عنه reports that the Messenger of Allah ﷺ stood among the people announcing that Allah had prescribed Hajj, whereupon a Bedouin inquired about its annual frequency. The Prophet ﷺ fell silent in anger for a long while, then demanded the questioner identify himself, and the Bedouin declared himself. > **"Indeed Allah has prescribed Hajj upon you. Who is this questioner? Woe to you, would it please you were I to say yes? By Allah, had I said yes it would have become obligatory, and had it become obligatory you would have abandoned it, and had you abandoned it you would have disbelieved. Verily those before you were destroyed by the imams of hardship. By Allah, had I permitted for you all that is upon the earth and forbidden you even as little as a camel's hoof, you would have fallen into it."** > **"O you who believe, do not ask about things which, if made clear to you, would distress you."**

اردو ترجمہ · UrduUnverified translation

حضرت ابوامامہ رضی اللہ عنہ روایت کرتے ہیں : نبی اکرم ﷺ لوگوں کے درمیان کھڑے ہوئے آپ نے ارشاد فرمایا : ” بے شک اللہ تعالیٰ نے تم لوگوں پر حج کو لازم قرار دیا ہے دیہات سے تعلق رکھنے والا ایک شخص کھڑا ہوا اور بولا کیا ہر سال میں ؟ تو نبی اکرم ﷺ نے گفتگو کو روک دیا آپ غصے میں آ گئے آپ کافی دیر ٹھہرے رہے پھر آپ نے گفتگو شروع کی اور آپ نے ارشاد فرمایا : سوال کرنے والا شخص کون ہے ؟ دیہاتی بولا : میں ہوں ، یا رسول اللہ ! نبی اکرم ﷺ نے فرمایا : تمہارا ستیاناس ہو کیا تم یہ چاہتے ہو کہ میں یہ کہہ دوں جی ہاں اللہ کی قسم اگر میں یہ کہہ دیتا کہ جی ہاں تو یہ واجب ہو جاتا اور اگر یہ واجب ہو جاتا ‘ تو تم نے اسے ترک کر دینا تھا اور اگر تم اسے ترک کر دیتے تو تم نے کفر کا مرتکب ہو جانا تھا تم سے پہلے کے لوگوں کو ائمہ حرج نے ہلاکت کا شکار کیا تھا اللہ کی قسم اگر میں تمہارے لئے روئے زمین پر موجود ہر چیز کو حلال قرار دے دوں اور اونٹ کے پاؤں جتنی کوئی چیز تم پر حرام قرار دوں تو تم اس میں بھی مبتلاء ہو جاؤ گے ( راوی بیان کرتے ہیں ) اس موقعہ پر اللہ تعالیٰ نے یہ آیت نازل کی : ” اے ایمان والو ! تم ایسی چیز کے بارے میں دریافت نہ کرو کہ اگر وہ تمہارے سامنے ظاہر کر دی جائیں تو تمہیں برا لگے ‘‘۔ یہ روایت امام طبرانی نے معجم کبیر میں نقل کی ہے ۔ اس کی سند حسن اور عمدہ ہے ۔

EnglishUnverified translation

Ibn Abbas رضي الله عنهما reports that a man of Banu Sa'd ibn Bakr, among whom the Messenger ﷺ had been suckled, came forward addressing him as son of Abd al-Muttalib. The Prophet ﷺ answered his call, and the envoy stipulated that his questioning would be forceful and adjured the Prophet ﷺ not to resent it, to which the Prophet ﷺ agreed. He then questioned the creation of heavens, earth, Paradise and Hell, and adjured by their Creator whether the Prophet ﷺ had been sent with the testimony of tawhid and abandonment of al-Lat and al-Uzza, the five daily prayers, and Hajj to the House in Dhu al-Hijjah, receiving affirmation each time. He concluded he would neither add nor exceed those five, and after he turned away the Prophet ﷺ judged his end. > **"I have answered you. Yes. Allah. Yes. Yes. Yes. Yes. Yes. Indeed, if he does what he has said, he shall enter Paradise."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : بنو سعد بن بکر سے تعلق رکھنے والا ایک شخص نبی اکرم ﷺ کی خدمت میں حاضر ہوا نبی اکرم ﷺ نے ان کے قبیلے میں دودھ پیا ہوا تھا اس نے کہا : اے عبدالمطلب کے صاحبزادے ! نبی اکرم ﷺ نے فرمایا : میں تمہیں جواب دینے کے لئے تیار ہوں ، اس نے کہا : میں اپنی قوم کا نمائندہ اور پیغام رساں ہوں میں آپ سے کچھ سوالات کروں گا آپ سے سوال کرتے ہوئے لہجے میں کچھ تیزی ہو سکتی ہے میں آپ سے کچھ گفتگو کروں گا آپ کے ساتھ گفتگو کرتے ہوئے لہجے میں کچھ تیزی ہو سکتی ہے ‘ تو آپ برا نہیں مانیے گا نبی اکرم ﷺ نے فرمایا : ٹھیک ہے اس نے کہا : آپ مجھے یہ بتائیے آسمان ، زمین ، جنت اور جہنم کو کس نے پیدا کیا ہے نبی اکرم ﷺ نے ارشاد فرمایا : اللہ تعالیٰ نے اس نے کہا : میں آپ کو اس ذات کا واسطہ دے کر دریافت کرتا ہوں کہ کیا اس نے آپ کو اس چیز کے ہمراہ بھیجا ہے ‘ جو آپ کی تحریریں ہمارے پاس آئی ہیں اور آپ کے قاصدوں نے ہمیں بتایا ہے کہ ہم اس بات کی گواہی دیں کہ اللہ تعالیٰ کے علاوہ اور کوئی معبود نہیں ہے ‘ اور ہم لات اور عزی کو ترک کر دیں ؟ نبی اکرم ﷺ نے ارشاد فرمایا : جی ہاں ۔ اس نے دریافت کیا : میں آپ کو اس ذات کا واسطہ دے کر دریافت کرتا ہوں کیا اس نے آپ کو اس بات کا حکم دیا ہے ؟ نبی اکرم ﷺ نے ارشاد فرمایا : جی ہاں ۔ اس نے کہا : آپ کی تحریریں ہمارے پاس آئیں اور آپ کے قاصد ہمارے پاس آئے ( اور انہوں نے ہمیں یہ بتایا ) کہ ہم نے روزانہ پانچ نمازیں ادا کرنی ہیں میں آپ کو اللہ کا واسطہ دے کر دریافت کرتا ہوں کیا آپ کو اس نے یہ حکم دیا ہے نبی اکرم ﷺ نے فرمایا : جی ہاں اس نے کہا : آپ کی تحریریں ہمارے پاس آئیں اور آپ کے قاصد ہمارے پاس آئے ( اور انہوں نے یہ بتایا کہ ہمیں بیت اللہ کا حج کرنا ہے میں آپ کو اللہ کا واسطہ دے کر دریافت کرتا ہوں کیا آپ کو اس نے اس بات کا حکم دیا ہے نبی اکرم ﷺ نے ارشاد فرمایا : جی ہاں ۔ اس نے کہا : یہ پانچ چیزیں ہیں میں ان میں کوئی اضافہ نہیں کروں گا جب وہ شخص چلا گیا تو نبی اکرم ﷺ نے ارشاد فرمایا : اس شخص نے جو کہا ہے اگر اس نے ویسا ہی کیا ‘ تو یہ جنت میں داخل ہو گا ۔ یہ روایت امام طبرانی نے معجم کبیر میں نقل کی ہے ۔ اس سے پہلے اس کے مختلف طرق نماز سے متعلق باب میں گزر چکے ہیں جسے امام احمد نے اور دیگر حضرات نے نقل کیا ہے ۔ اس کے بغض رجال ’’ صحیح ‘‘ کے رجال ہیں اس سند میں ایک راوی موسیٰ بن ابوجعفر ہے میں نے کسی کو اس کا ذکر کرتے ہوئے نہیں پایا ہے ۔

EnglishUnverified translation

Samurah رضي الله عنه reports the Messenger of Allah ﷺ commanding steadfastness in worship and pilgrimage, with rectitude as its consequence. > **"Establish the prayer, give the zakah, perform Hajj and Umrah, and remain upright and you shall be dealt with uprightly."**

اردو ترجمہ · UrduUnverified translation

حضرت سمرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا :’’ نماز قائم کرو زکوۃ ادا کرو حج کرو اور عمرہ کرو اور سیدھے رہو تمہارے ساتھ سیدھا رہا جائے گا “۔ یہ روایت امام طبرانی نے معجم صغیر اور معجم اوسط میں نقل کی ہے ۔ اس کی سند میں ایک راوی عمران قطان ہے ‘ جسے ابن حبان نے اور دیگر حضرات نے ’’ ثقہ ‘‘ قرار دیا ہے یحیی بن معین اور دیگر حضرات نے اسے ضعیف کہا ہے ۔

EnglishUnverified translation

Ya'la ibn Umayyah رضي الله عنه reports that a man came in ihram for Umrah wearing sewn garments and saturated with khaluq perfume, asking direction concerning his Umrah. Thereupon Allah revealed the verse commanding completion of Hajj and Umrah, and the Prophet ﷺ summoned the questioner and instructed him in purification and analogy with Hajj. > **"And complete the Hajj and Umrah for Allah. Who is the questioner about Umrah? Cast off your garments, bathe, cleanse yourself as thoroughly as you can, and whatever you would do in your Hajj, do it in your Umrah."**

اردو ترجمہ · UrduUnverified translation

حضرت یعلی بن امیہ رضی اللہ عنہ بیان کرتے ہیں : ایک شخص نبی اکرم ﷺ کی خدمت میں حاضر ہوا وہ خلوق ( نامی مخصوص قسم کی خوشبو ) میں لتھڑا ہوا تھا اور اس نے ( سلے ہوئے ) کپڑے پہنے ہوئے تھے اس نے عمرے کا احرام باندھا ہوا تھا اس نے عرض کی : یا رسول اللہ ! آپ میرے عمرے کے بارے میں مجھے کیا ہدایت کرتے ہیں ؟ تو اللہ تعالیٰ نے یہ آیت نازل کی : ’’ تم اللہ تعالیٰ کے لئے حج اور عمرے کو مکمل کرو ‘‘۔ نبی اکرم ﷺ نے ارشاد فرمایا : عمرے کے بارے میں دریافت کرنے والا کہاں ہے ؟ اس نے عرض کی : میں ہوں نبی اکرم ﷺ نے فرمایا : تم اپنے ( سلے ہوئے ) کپڑے اتار دو ! غسل کرو اور جہاں تک ہو سکے صاف کرو اور جو تم حج میں کرتے ہو وہی عمرے میں کرو ( یعنی اسی طرح احرام باندھو ) ‘‘۔ ( علامہ ہیثمی فرماتے ہیں : ) میں یہ کہتا ہوں : یہ روایت ’’ صحیح ‘‘ میں اختصار کے ساتھ منقول ہے ۔ یہ روایت امام طبرانی نے معجم اوسط میں نقل کی ہے ‘ اور اس کے رجال ’’ صحیح ‘‘ کے رجال ہیں ۔

EnglishUnverified translation

Ibn Abbas رضي الله عنهما reports from the Prophet ﷺ a concise ruling on the status of the two pilgrimages. > **"Hajj is jihad, and Umrah is voluntary."**

اردو ترجمہ · UrduUnverified translation

حضرت عبداللہ بن عباس رضی اللہ عنہما نبی اکرم ﷺ کا یہ فرمان نقل کرتے ہیں :’’ حج جہاد ہے ‘ اور عمرہ نفل ہے “۔ یہ روایت امام طبرانی نے معجم کبیر میں نقل کی ہے ‘ اور اس کی سند میں محمد بن فضل بن عطیہ نامی راوی ہے ‘ اور وہ کذاب ہے ۔

EnglishUnverified translation

Ibn Mas'ud رضي الله عنه states that four establishments were commanded: prayer, zakah, Hajj and Umrah toward the House, with Hajj being the Greater Hajj and Umrah the Lesser Hajj.

اردو ترجمہ · UrduUnverified translation

حضرت عبداللہ بن مسعود رضی اللہ عنہ فرماتے ہیں : تمہیں چار چیزوں کو قائم کرنے کا حکم دیا گیا ہے نماز قائم کرنا زکوۃ ادا کرنا اور بیت اللہ کی طرف حج اور عمرے کو قائم کرنا حج ‘ حج اکبر اور عمرہ حج اصغر ہے ۔ یہ روایت امام طبرانی نے معجم کبیر میں نقل کی ہے ‘ اور اس کے رجال ثقہ ہیں ۔ ( علامہ ہیثمی فرماتے ہیں : ) میں یہ کہتا ہوں ‘ اس سے پہلے ایمان سے متعلق باب میں حج کی فرضیت اور دیگر امور سے متعلق امور میں یہ احادیث گزر چکی ہیں ۔

EnglishUnverified translation

Ibn Abbas رضي الله عنهما reports the Messenger of Allah ﷺ ruling that Hajj performed in childhood, Bedouin life, or slavery does not suffice for the obligation once the impediment is removed. > **"Whichever boy performs Hajj then reaches puberty, upon him is another Hajj; whichever Bedouin performs Hajj then migrates, upon him is another Hajj; and whichever slave performs Hajj then is freed, upon him is another Hajj."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا :’’ جس بچے نے حج کیا ہو ‘ اور پھر وہ بالغ ہو جائے تو اس پر دوسری مرتبہ حج کرنا لازم ہو گا جس دیہاتی نے حج کیا ہوا ہو پھر وہ ہجرت کر لے تو اس پر دوسری مرتبہ حج کرنا لازم ہو گا جس غلام نے حج کیا ہو پھر اسے آزاد کر دیا جائے تو اس پر دوسری مرتبہ حج کرنا لازم ہو گا ‘‘۔ یہ روایت امام طبرانی نے معجم اوسط میں نقل کی ہے ‘ اور اس کے رجال ’’ صحیح ‘‘ کے رجال ہیں ۔ ( علامہ ہیثمی فرماتے ہیں : ) میں یہ کہتا ہوں : بچے کے حج کرنے مردہ کی طرف سے حج کرنے اور عاجز شخص کی طرف سے حج کرنے سے متعلق روایات اس کتاب کے آخر میں آئیں گی ‘ اگر اللہ نے چاہا ۔

EnglishUnverified translation

Ibn Umar رضي الله عنهما reports the Messenger of Allah ﷺ urging enjoyment of the House, informing that it has twice been demolished and shall be raised away upon the third. > **"Take enjoyment from this House, for it has been demolished twice, and it shall be raised away at the third."**

اردو ترجمہ · UrduUnverified translation

حضرت عبداللہ بن عمر رضی اللہ عنہما روایت کرتے ہیں : نبی اکرم ﷺ نے ارشاد فرمایا :’’ اس گھر سے نفع حاصل کرو اسے دو مرتبہ منہدم کیا گیا ہے ‘ اور تیسری مرتبہ اٹھا لیا جائے گا “۔ یہ روایت امام بزار نے اور امام طبرانی نے معجم کبیر میں نقل کی ہے ‘ اور اس کے رجال ثقہ ہیں ۔

EnglishUnverified translation

Muhammad ibn al-Munkadir reports meeting Ibn Umar رضي الله عنهما mounted on a defective she-camel worth less than ten dirhams. When asked whether he would perform Hajj upon it, Ibn Umar affirmed, citing the Prophet's ﷺ injunction and declaring he possessed no other mount and would not abandon Hajj. > **"Do not abandon Hajj even upon a defective she-camel worth ten dirhams."**

اردو ترجمہ · UrduUnverified translation

محمد بن منکدر بیان کرتے ہیں : ایک شخص کی حضرت عبداللہ بن عمر رضی اللہ عنہما سے ملاقات ہوئی جو اس وقت ایک کمزور اونٹنی پر سوار تھے جس کی قیمت دس درہم بھی نہیں تھی ‘ اس شخص نے ان سے کہا : اے ابوعبدالرحمن کیا آپ اس پر حج کرنے کے لئے جا رہے ہیں ؟ انہوں نے فرمایا : جی ہاں ۔ میں نے نبی اکرم ﷺ کو یہ ارشاد فرماتے ہوئے سنا ہے : ’’ تم حج کو نہ چھوڑنا ‘ خواہ کمزور اونٹنی پر ہی کرو جو دس درہم کے برابر ہو ‘‘ ( پھر حضرت عبداللہ بن عمر رضی اللہ عنہما نے فرمایا : ) اللہ کی قسم مجھے اس کے علاوہ کوئی اور سواری دستیاب نہیں ہوئی اور میں نے حج کو چھوڑنا نہیں ہے ۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی عبداللہ بن سنان زہری ہے ‘ اور وہ ضعیف ہے ۔

EnglishUnverified translation

Al-Husayn ibn Ali رضي الله عنهما reports that a man confessed his cowardice and weakness to the Prophet ﷺ, who directed him to a struggle devoid of arms. > **"Come to a jihad in which there is no warfare: the Hajj."**

اردو ترجمہ · UrduUnverified translation

حضرت امام حسین بن علی رضی اللہ عنہما بیان کرتے ہیں : ایک شخص نبی اکرم ﷺ کی خدمت میں حاضر ہوا اس نے عرض کی : میں بزدل ہوں اور میں کمزور ہوں نبی اکرم ﷺ نے ارشاد فرمایا : تم اس جہاد کی طرف آؤ جس میں لڑائی نہیں ہوتی اور وہ حج ہے ۔ یہ روایت امام طبرانی نے معجم کبیر اور معجم اوسط میں نقل کی ہے ‘ اور اس کے رجال ثقہ ہیں ۔

EnglishUnverified translation

Uthman ibn Sulayman reports from his grandmother that a man desiring jihad in Allah's path was offered guidance to a non-combatant jihad, which upon acceptance was identified as pilgrimage to the House. > **"Shall I not direct you to a jihad in which there is no warfare? The Hajj to the House."**

اردو ترجمہ · UrduUnverified translation

عثمان بن سلیم نے اپنی دادی کا یہ بیان نقل کیا ہے : ایک شخص نبی اکرم ﷺ کی خدمت میں حاضر ہوا اس نے عرض کی : میں اللہ کی راہ میں جہاد میں حصہ لینا چاہتا ہوں نبی اکرم ﷺ نے ارشاد فرمایا : کیا میں تمہاری رہنمائی ایسے جہاد کی طرف نہ کروں جس میں لڑائی نہیں ہوتی ؟ میں نے عرض کی : جی ہاں ! نبی اکرم ﷺ نے فرمایا : بیت اللہ کا حج کرنا ۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی ولید بن ابوثور ہے ‘ جسے امام ابوزرعہ اور ایک جماعت نے ’’ ضعیف ‘‘ قرار دیا ہے ‘ اور شریک نے اسے پاکیزہ قرار دیا ہے ۔

EnglishUnverified translation

Abu Sa'id al-Khudri رضي الله عنه reports the Messenger of Allah ﷺ conveying Allah's عزوجل declaration concerning the servant granted bodily health and ample provision who yet fails to visit Him within four years. > **"Verily Allah says: A servant whose body I have kept sound and whose provision I have expanded, if he does not come to Me within every four years, is indeed deprived."**

اردو ترجمہ · UrduUnverified translation

حضرت ابوسعید خدری رضی اللہ عنہ نبی اکرم ﷺ کا یہ فرمان نقل کرتے ہیں : ’’ بے شک اللہ تعالی فرماتا ہے : جس شخص کے جسم کو میں نے تندرستی دی ہو ‘ اور رزق میں اسے کشادگی دی ہو پھر وہ چار سال میں ایک مرتبہ بھی میری طرف نہ آئے ‘ تو وہ محروم ہے ‘‘۔ یہ روایت امام طبرانی نے معجم اوسط میں نقل کی ہے ‘ اور امام ابویعلیٰ نے نقل کی ہے ‘ تاہم انہوں نے یہ الفاظ نقل کیے ہیں : ’’ پانچ سال “ ان تمام روایات کے رجال ” صحیح “ کے رجال ہیں ۔

EnglishUnverified translation

Abu Hurayrah رضي الله عنه reports from the Messenger of Allah ﷺ identifying the struggle of those excused from battle. > **"The jihad of the elderly, the weak, and the woman is Hajj and Umrah."**

اردو ترجمہ · UrduUnverified translation

حضرت ابوہریرہ رضی اللہ عنہ نبی اکرم ﷺ کا یہ فرمان نقل کرتے ہیں :’’ بڑی عمر کے شخص ‘ کمزور شخص اور عورت کا جہاد ‘ حج اور عمرہ ہیں ‘‘۔ یہ روایت امام احمد نے نقل کی ہے ‘ اور اس کے رجال ” صحیح “ کے رجال ہیں ۔

EnglishUnverified translation

Abu Juhayfah رضي الله عنه reports the Messenger of Allah ﷺ warning that neglect of a Muslim brother's need, withholding spending in Allah's path, and abandoning Hajj for a worldly motive rebound in divine displeasure and missed opportunity before the worldly need is even fulfilled. > **"There is no servant nor maidservant who refuses to walk in fulfilling the need of his Muslim brother except that he walks therefrom in the wrath of Allah Almighty, nor refuses to spend an expenditure in the path of Allah except that he spends manifold multiples thereof in Allah's wrath, nor abandons Hajj for a worldly purpose except that he sees those with shaven heads before he fulfills that need."**

اردو ترجمہ · UrduUnverified translation

حضرت ابوحجیفہ رضی اللہ عنہ روایت کرتے ہیں : نبی اکرم ﷺ نے ارشاد فرمایا :’’ جو بھی بندہ یا کنیز اپنے کسی مسلمان بھائی کے کام کے سلسلے میں چل کے جانے کو ترک کر دیتے ہیں تو وہ اللہ تعالیٰ کی ناراضگی میں ( اتنا ہی ) چل کر جاتے ہیں اور جو شخص اللہ کی راہ میں کچھ خرچ کرنے کو ترک کر دیتا ہے ‘ تو وہ اس کا کئی گنا زیادہ اللہ تعالیٰ کی ناراضگی میں خرچ کرتا ہے ‘ اور جو شخص کسی دنیاوی غرض سے حج کو ترک کر دیتا ہے ‘ تو وہ اس ( دنیاوی ) حاجت کے پورا ہونے سے پہلے ہی سر منڈوائے ہوئے لوگوں کو دیکھ لیتا ہے ( یعنی اس کا وہ کام پورا ہونے سے پہلے ہی ‘ حاجی لوگ حج کر کے واپس آ چکے ہوتے ہیں “۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی عبید بن قاسم اسدی ہے ‘ اور وہ متروک ہے ۔

EnglishUnverified translation

Amr ibn Abasah رضي الله عنه reports a man's successive questioning about Islam, best Islam, faith, best faith, migration, best migration, jihad, and best jihad. The Prophet ﷺ defined submission of the heart with safety of Muslims from tongue and hand, then faith in Allah, His angels, His Books, His Messengers and resurrection after death, then abandonment of evil, then fighting disbelievers upon encounter, with the most virtuous being he whose horse is hamstrung and whose blood is shed. He then named two deeds surpassing all except their like. > **"Submit your heart, and let the Muslims be safe from your tongue and your hand. Faith. That you believe in Allah, His angels, His Books, His Messengers, and resurrection after death. Migration. That you abandon evil. Jihad. That you fight the disbelievers when you meet them. He whose horse is hamstrung and whose blood is shed. Then two deeds are the best of deeds except for one who does their like: an accepted Hajj or an Umrah."**

اردو ترجمہ · UrduUnverified translation

حضرت عمرو بن عبسہ رضی اللہ عنہ بیان کرتے ہیں : ایک شخص نے عرض کی : یا رسول اللہ ! اسلام کیا ہے ؟ نبی اکرم ﷺ نے فرمایا : یہ کہ تم اپنے دل کو فرمانبردار کر لو اور مسلمان تمہاری زبان اور تمہارے ہاتھ کے حوالے سے محفوظ رہیں اس شخص نے دریافت کیا : کون سا اسلام زیادہ فضیلت رکھتا ہے نبی اکرم ﷺ نے ارشاد فرمایا : ایمان اس نے عرض کی : ایمان کیا ہے نبی اکرم ﷺ نے ارشاد فرمایا : یہ کہ تم اللہ تعالیٰ اس کے فرشتوں اس کی کتابوں اس کے رسولوں اور مرنے کے بعد دوبارہ زندہ کیے جانے پر ایمان رکھو اس نے دریافت کیا : کون سا ایمان زیادہ فضیلت رکھتا ہے آپ نے ارشاد فرمایا : ہجرت اس نے عرض کی : ہجرت سے مراد کیا ہے نبی اکرم ﷺ نے فرمایا : یہ کہ تم برائی سے لاتعلق ہو جاؤ اس نے دریافت کیا : کون سی ہجرت زیادہ فضیلت رکھتی ہے آپ نے ارشاد فرمایا : جہاد اس نے دریافت کیا : جہاد سے مراد کیا ہے ؟ ( نبی اکرم ﷺ نے ارشاد فرمایا : ) یہ کہ جب تمہارا کفار سے سامنا ہو تو تم ان کے ساتھ جنگ کرو اس نے دریافت کیا : کون سا جہاد زیادہ فضیلت رکھتا ہے ، جس میں آدمی کے گھوڑے کے پاؤں کاٹ دیے جائیں اور اس کا خون بہا دیا جائے نبی اکرم ﷺ نے ارشاد فرمایا :’’ پھر دو عمل ہیں جو تمام اعمال سے زیادہ افضل ہیں البتہ اس شخص کا معاملہ مختلف ہے ‘ جس نے ان دونوں کی مانند عمل کیا ہو ‘ مبرور حج اور عمرہ ‘‘۔ یہ روایت امام حمد نے اور امام طبرانی نے معجم کبیر میں نقل کی ہے ‘ اور اس کے رجال ’’ صحیح ‘‘ کے رجال ہیں ۔

EnglishUnverified translation

Ma'iz رضي الله عنه reports that the Prophet ﷺ was asked which deed is most virtuous, and answered with belief in Allah alone, then jihad, then a righteous Hajj distinguished above all deeds as the distance between sunrise and sunset. > **"Faith in Allah alone, then jihad, then a righteous Hajj surpassing all other deeds as between the rising of the sun and its setting."**

اردو ترجمہ · UrduUnverified translation

حضرت ماعز رضی اللہ عنہ نبی اکرم ﷺ کے بارے میں یہ بات نقل کرتے ہیں : آپ سے سوال کیا گیا کون سا عمل زیادہ فضیلت رکھتا ہے آپ نے ارشاد فرمایا : صرف اللہ تعالی پر ایمان رکھنا ( یعنی اللہ تعالیٰ کی وحدانیت پر ایمان رکھنا ) پھر جہاد اور پھر مبرور حج تمام اعمال پر وہی فضیلت رکھتا ہے ، جس طرح سورج کے طلوع ہونے سے لے کر اس کے غروب ہونے کے درمیان کا فاصلہ ہے ۔ یہ روایت امام احمد نے اور امام طبرانی نے معجم کبیر میں نقل کی ہے ‘ اور امام احمد کے رجال ’’ صحیح ‘‘ کے رجال ہیں ۔

EnglishUnverified translation

Al-Shifa رضي الله عنها reports hearing the Messenger of Allah ﷺ answer a man's inquiry about the most virtuous deed with three acts. > **"Faith in Allah, jihad in His path, and an accepted Hajj."**

اردو ترجمہ · UrduUnverified translation

سیدہ شفاء رضی اللہ عنہا بیان کرتی ہیں : میں نے نبی اکرم ﷺ کو سنا ایک شخص نے آپ سے سوال کیا کون سا عمل زیادہ فضیلت رکھتا ہے ؟ آپ نے ارشاد فرمایا : اللہ تعالیٰ پر ایمان رکھنا اس کی راہ میں جہاد کرنا اور مبرور حج “۔ یہ روایت امام طبرانی نے معجم کبیر میں نقل کی ہے ‘ اور اس کے رجال ثقہ ہیں ۔

EnglishUnverified translation

Jabir رضي الله عنه reports the Messenger of Allah ﷺ confining the recompense of the accepted Hajj to Paradise. > **"The accepted Hajj has no reward except Paradise."**

اردو ترجمہ · UrduUnverified translation

حضرت جابر رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ مبرور حج کا بدلہ صرف جنت ہے ‘‘۔ یہ روایت امام احمد نے نقل کی ہے ۔ اس کی سند میں ایک راوی محمد بن ثابت ہے ‘ اور وہ ضعیف ہے ۔

EnglishUnverified translation

Jabir ibn Abdillah رضي الله عنهما reports the Prophet ﷺ declaring the reward of accepted Hajj, and when asked its righteousness explained it as charity of food and purity of speech. > **"The accepted Hajj has no reward except Paradise. Its righteousness is feeding food and kind speech."**

اردو ترجمہ · UrduUnverified translation

حضرت جابر بن عبدالله رضی اللہ عنہما نبی اکرم کا یہ فرمان نقل کرتے ہیں :’’ مبرور حج کی جزا صرف جنت ہے عرض کی گئی : اس کے مبرور ہونے سے مراد کیا ہے ؟ نبی اکرم ﷺ نے ارشاد فرمایا : کھانا کھلانا اور پاکیزہ گفتگو کرنا “۔ یہ روایت امام طبرانی نے معجم اوسط میں نقل کی ہے ‘ اور اس کی سند حسن ہے ۔

EnglishUnverified translation

Ibn Abbas رضي الله عنهما reports the Messenger of Allah ﷺ confining the recompense of the accepted Hajj to Paradise. > **"The accepted Hajj has no reward except Paradise."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا :’’ مبرور حج کی جزا صرف جنت ہے ‘‘۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی یحیی بن صالح ایلی ہے عقیلی کہتے ہیں : یحیی بن بکیر نے اس کے حوالے سے منکر روایات نقل کی ہیں ۔ ( علامہ ہیثمی فرماتے ہیں : ) میں یہ کہتا ہوں : حج کی فضیلت کے بارے میں بہت سی احادیث کتاب الج کے آخر میں آئیں گی ‘ اگر اللہ نے چاہا ۔

EnglishUnverified translation

Buraydah رضي الله عنه reports the Messenger of Allah ﷺ likening expenditure in Hajj to expenditure in Allah's path in manifold reward. > **"Expenditure in Hajj is like expenditure in the path of Allah, seven hundredfold."**

اردو ترجمہ · UrduUnverified translation

حضرت بریدہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ حج میں خرچ کرنا اللہ کی راہ میں خرچ کرنے کی مانند ہے کہ اس کا اجر سات سو گنا ہوتا ہے “۔ یہ روایت امام احمد نے اور امام طبرانی نے معجم اوسط میں نقل کی ہے ۔ اس کی سند میں ایک راوی ابوزہیر ہے میں نے کسی کو اس کا ذکر کرتے ہوئے نہیں پایا ہے ۔

EnglishUnverified translation

Anas ibn Malik رضي الله عنه reports the Messenger of Allah ﷺ describing Hajj in Allah's path and the multiplication of its coin. > **"Hajj in the path of Allah: the dirham spent therein is seven hundred."**

اردو ترجمہ · UrduUnverified translation

حضرت انس بن مالک رضی اللہ عنہ روایت کرتے ہیں : نبی اکرم ﷺ نے ارشاد فرمایا :’’ اللہ کی راہ میں حج کرنا اس میں ایک درہم خرچ کرنا سات سو گنا ( اجر و ثواب کا باعث بنتا ہے ) ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایسا شخص ہے ، جس سے میں واقف نہیں ہوں ۔

EnglishUnverified translation

Jabir رضي الله عنه reports the Messenger of Allah ﷺ describing the Kaaba with tongue and lips complaining to Allah of few visitors, and Allah's promise to create humble prostrating people yearning for it as the dove yearns for its eggs. > **"Verily the Kaaba has a tongue and two lips, and it complained to Allah saying: My Lord, my frequenters have lessened and my visitors have lessened. So Allah Almighty revealed: I shall create humble prostrating mortals who yearn for you as the dove yearns for its eggs."**

اردو ترجمہ · UrduUnverified translation

حضرت جابر رضی اللہ عنہ بیان کرتے ہیں : نبی اکرم ﷺ نے ارشاد فرمایا :’’ خانہ کعبہ کی ایک زبان اور دو ہونٹ ہیں اس نے اللہ تعالیٰ کی بارگاہ میں شکایت کرتے ہوئے یہ کہا : اے میرے پروردگار ! میرے پاس آنے والے اور میری زیارت کرنے والے تھوڑے ہو گئے ہیں ، تو اللہ تعالیٰ نے یہ وحی کی : میں ایسے انسانوں کو پیدا کروں گا ‘ جو خشوع والے ہوں گے سجدہ کرنے والے ہوں گے وہ تمہاری طرف یوں آئیں گے جس طرح کبوتری اپنے انڈوں کی طرف جاتی ہے ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی سہل بن قرین ہے ‘ اور وہ ضعیف ہے ۔

EnglishUnverified translation

Abu Dharr رضي الله عنه reports the Prophet ﷺ narrating that Dawud the Prophet عليه السلام asked his Lord what is due to His servants when they visit Him in His House, and Allah affirmed the right of the visitor upon the visited with well-being in this world and forgiveness at meeting. > **"My God, what is due to Your servants upon You when they visit You in Your House? Verily every visitor has a right upon the visited. O Dawud, they have upon Me that I shall grant them well-being in this world and forgive them when I meet them."**

اردو ترجمہ · UrduUnverified translation

حضرت ابوذر غفاری رضی اللہ عنہ نبی اکرم ﷺ کا یہ فرمان نقل کرتے ہیں :’’ حضرت داؤد نبی علیہ السلام نے عرض کی : اے میرے معبود تیرے بندوں کا تجھ پر کیا حق ہو گا جب وہ تیرے گھر کی زیارت کے لئے تیری بارگاہ میں آئیں تو اللہ تعالیٰ نے فرمایا : ہر ملاقاتی کا میزبان پر حق ہوتا ہے اے داؤد ! ان لوگوں کا مجھ پر یہ حق ہو گا کہ میں انہیں دنیا میں عافیت عطا کروں گا ‘ اور جب میں ان سے ملوں گا ‘ تو ان کی مغفرت کر دوں گا ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی محمد بن حمزہ رقی ہے ‘ اور وہ ضعیف ہے ۔

EnglishUnverified translation

Jabir ibn Abdillah رضي الله عنهما conveys in marfu' form that a pilgrim never suffers impoverishment, explaining impoverishment as destitution when questioned. > **"No pilgrim ever suffers impoverishment."**

اردو ترجمہ · UrduUnverified translation

حضرت جابر بن عبداللہ رضی اللہ عنہما ’’ مرفوع ‘‘ حدیث کے طور پر یہ بات نقل کرتے ہیں : حج کرنے والا شخص کبھی ’’ امعار ‘‘ کا شکار نہیں ہوتا حضرت جابر رضی اللہ عنہ سے دریافت کیا گیا : ” امعار ‘‘ سے مراد کیا ہے ؟ انہوں نے فرمایا : یعنی وہ فقیر نہیں ہوتا ۔ یہ روایت امام طبرانی نے معجم اوسط میں نقل کی ہے ‘ اور امام بزار نے نقل کی ہے ‘ اور اس کے رجال ’’ صحیح ‘‘ کے رجال ہیں ۔

EnglishUnverified translation

Aishah رضي الله عنها reports the Messenger of Allah ﷺ promising one who sets out for Hajj or Umrah and dies en route exemption from presentation and reckoning with entry into Paradise. She further reports his declaration of divine boasting over those performing circumambulation. > **"Whoever sets out upon this path for Hajj or Umrah then dies therein shall neither be presented nor reckoned, and it shall be said to him: Enter Paradise. Verily Allah boasts over those performing tawaf."**

اردو ترجمہ · UrduUnverified translation

سیدہ عائشہ صدیقہ رضی اللہ عنہا بیان کرتی ہیں : نبی اکرم ﷺ نے ارشاد فرمایا :’’ جو شخص حج کرنے کے لئے یا عمرہ کرنے کے لئے نکلتا ہے ‘ اور راستے میں مر جاتا ہے ‘ تو اسے ( حساب کے لئے ) پیش نہیں کیا جائے گا ‘ اور اس سے حساب نہیں لیا جائے گا اس سے کہا جائے گا : تم جنت میں داخل ہو جاؤ ‘‘۔ سیدہ عائشہ صدیقہ رضی اللہ عنہا بیان کرتی ہیں : نبی اکرم ﷺ نے ارشاد فرمایا ہے : ’’ بے شک اللہ تعالیٰ طواف کرنے والوں کے حوالے سے فخر کا اظہار کرتا ہے ‘‘۔ یہ روایت امام ابویعلیٰ نے اور امام طبرانی نے معجم اوسط میں نقل کی ہے ۔ امام ابویعلیٰ کی سند میں ایک راوی محمد بن صالح عددی ہے میں نے کسی کو اس کا ذکر کرتے ہوئے نہیں پایا ہے اس کے بقیہ رجال ” صحیح “ کے رجال ہیں امام ابویعلیٰ کی سند میں ایک راوی عائذ بن بشر ہے ‘ اور وہ ضعیف ہے ۔

EnglishUnverified translation

Abu Hurayrah رضي الله عنه reports the Messenger of Allah ﷺ promising continuing reward until the Day of Resurrection for whoever dies after setting out as pilgrim, performer of Umrah, or warrior in Allah's path. > **"Whoever sets out as a pilgrim then dies, Allah writes for him the reward of the pilgrim until the Day of Resurrection. Whoever sets out as a performer of Umrah then dies, Allah writes for him the reward of the performer of Umrah until the Day of Resurrection. And whoever sets out as a warrior in the path of Allah then dies, Allah writes for him the reward of the warrior until the Day of Resurrection."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا :’’ جو شخص حج کرنے کے لئے نکلتا ہے ‘ اور مر جاتا ہے ‘ تو اللہ تعالیٰ اُس کے لیے قیامت کے دن تک کے لئے حاجی کا ثواب نوٹ کرتا ہے ‘ اور جو شخص عمرہ کرنے کے لئے نکلتا ہے ‘ اور مر جاتا ہے اللہ تعالیٰ اس کے لئے قیامت کے دن تک عمرے کرنے والے کا ثواب نوٹ کرتا ہے ‘ اور جو شخص اللہ کی راہ میں جنگ میں حصہ لینے کے لئے نکلتا ہے ‘ اور مر جاتا ہے اللہ تعالیٰ اس کے لئے قیامت تک غازی کا اجر نوٹ کرتا ہے ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی جمیل بن ابومیمونہ ہے ‘ جس کا ذکر ابن ابوحاتم نے کیا ہے ۔ انہوں نے اس کے بارے میں کوئی جرح یا تعدیل ذکر نہیں کی ہے ۔ ابن حبان نے اس کا تذکرہ کتاب ’’ الثقات “ میں کیا ہے ۔

EnglishUnverified translation

Jabir رضي الله عنه reports the Prophet ﷺ describing this House as a support among Islam's supports, with whoever performs its Hajj or Umrah under Allah's guarantee of Paradise if he dies or return with reward and spoils if restored to his family. > **"Verily this House is a pillar among the pillars of Islam, so whoever performs Hajj to the House or Umrah is guaranteed by Allah: if he dies He admits him to Paradise, and if He returns him to his family He returns him with reward and spoils."**

اردو ترجمہ · UrduUnverified translation

حضرت جابر رضی اللہ عنہ نبی اکرم ﷺ کا یہ فرمان نقل کرتے ہیں : ’’ بے شک یہ گھر اسلام کے ستونوں میں سے ایک ستون ہے ‘ جو شخص بیت اللہ کا حج کرتا ہے ‘ یا عمرہ کرتا ہے ‘ تو وہ اللہ تعالیٰ کے ذمہ ہوتا ہے کہ اگر وہ شخص مر گیا ‘ تو اللہ تعالیٰ اسے جنت میں داخل کرے گا ‘ اور اگر اللہ تعالی نے اسے اس کے گھر والوں کی طرف لوٹا دیا تو اسے اجر اور غنیمت کے ہمراہ لوٹائے گا ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی محمد بن عبداللہ بن عبید بن عمیر ہے ‘ اور وہ متروک ہے ۔

EnglishUnverified translation

Sahl ibn Sa'd رضي الله عنه reports the Messenger of Allah ﷺ promising that no Muslim setting out as a warrior in Allah's path or as a pilgrim raising his voice in ihram and talbiyah but the sun sets with his sins and he emerges from them. > **"No Muslim sets out in the path of Allah as a warrior, or as a pilgrim raising his voice in ihram or talbiyah, except that the sun sets with his sins and he emerges from them."**

اردو ترجمہ · UrduUnverified translation

حضرت سہل بن سعد رضی اللہ عنہ روایت کرتے ہیں : نبی اکرم ﷺ نے ارشاد فرمایا :’’ جو بھی مسلمان اللہ کی راہ میں جہاد کرنے کے لئے یا حج کرنے کے لئے احرام باندھ کر یا تلبیہ پڑھتے ہوئے نکلتا ہے ‘ تو سورج اس کے گناہوں سمیت غروب ہو جاتا ہے ‘ اور وہ ان گناہوں سے نکل جاتا ہے ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی ایسا ہے ‘ جس سے میں واقف نہیں ہوں ۔

EnglishUnverified translation

Abdullah ibn Jarad رضي الله عنه reports the Messenger of Allah ﷺ commanding Hajj for its purification of sins as water washes filth. > **"Perform Hajj, for Hajj washes sins as water washes dirt."**

اردو ترجمہ · UrduUnverified translation

حضرت عبداللہ بن جراد رضی اللہ عنہ روایت کرتے ہیں : نبی اکرم ﷺ نے ارشاد فرمایا : تم لوگ حج کرو کیونکہ حج گناہوں کو یوں دھو دیتا ہے ‘ جس طرح پانی میں کو دھو دیتا ہے ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی یعلی بن اشدق ہے ‘ اور وہ کذاب ہے ۔ حج کی فضیلت کے بارے میں بہت سی احادیث آگے اس کے بعد آئیں گی ‘ اگر اللہ نے چاہا ۔

EnglishUnverified translation

Ibn Abbas رضي الله عنهما addressed his sons urging departure from Makkah on foot for Hajj and return on foot, citing the Prophet's ﷺ distinction between rider and walker and explaining the good deeds of the Sanctuary as one deed worth a hundred thousand. > **"O my sons, go forth from Makkah as pilgrims on foot until you return to Makkah on foot, for I heard the Messenger of Allah ﷺ say: The mounted pilgrim has for every step his mount takes seventy good deeds, and the walking pilgrim has for every step he takes seven hundred good deeds among the good deeds of the Sanctuary. And the good deed of the Sanctuary is a good deed worth a hundred thousand good deeds."**

اردو ترجمہ · UrduUnverified translation

حضرت عبداللہ بن عباس رضی اللہ عنہما کے بارے میں یہ بات منقول ہے ۔ انہوں نے فرمایا : اے میرے بیٹے تم لوگ مکہ سے حج کرنے کے لئے پیدل روانہ ہو یہاں تک کہ پیدل ہی مکہ واپس آنا کیونکہ میں نے نبی اکرم ﷺ کو یہ ارشاد فرماتے ہوئے سنا ہے : ’’ سوار ہو کر حج کے لئے جانے والے کو ہر ایک قدم جو اس کی سواری اٹھاتی ہے اس کے عوض میں ستر نیکیاں ملتی ہیں اور پیدل حج کے لئے جانے والے شخص کو اس کے اٹھائے ہوئے ہر ایک قدم کے عوض میں حرم کی نیکیوں میں سے سات سو نیکیاں ملتی ہیں عرض کی گئی : یا رسول اللہ ! حرم کی نیکیاں کون سی ہیں ؟ آپ نے فرمایا : ایک نیکی جو ایک لاکھ کے برابر ہوتی ہے ‘‘۔ یہ روایت امام بزار نے نقل کی ہے ‘ اور یہ امام طبرانی نے معجم اوسط اور معجم کبیر میں اس کی مانند نقل کی ہے ۔ اس میں پورا واقعہ ہے ۔ امام بزار نے یہ روایت دو سندوں کے ساتھ نقل کی ہے ۔ جن میں سے ایک میں ایک راوی کذاب ہے ‘ اور دوسری میں ایک راوی اسماعیل بن ابراہیم ہے ‘ جس نے سعید بن جبیر سے یہ روایت نقل کی ہے ۔ میں اس سے واقف نہیں ہوں ‘ اس روایت کے بقیہ رجال ثقہ ہیں ۔

EnglishUnverified translation

Abu Hurayrah رضي الله عنه reports that groups from Muzaynah, Hudhayl and Juhaynah came complaining that they had set out for Makkah on foot while others rode, and the Prophet ﷺ distinguished their rewards. > **"For the walker is the reward of seventy Hajjs, and for the rider is the reward of thirty Hajjs."**

اردو ترجمہ · UrduUnverified translation

حضرت ابوہریرہ رضی اللہ عنہ بیان کرتے ہیں : نبی اکرم ﷺ کی خدمت میں مزینہ قبیلے کی ایک جماعت ہذیل قبیلے کی ایک جماعت اور جہینہ قبیلے کی ایک جماعت حاضر ہوئی ان لوگوں نے عرض کی : یا رسول اللہ ! ہم لوگ مکہ سے پیدل نکلے تھے ‘ اور کچھ لوگ سوار ہو کر نکلے تھے تو نبی اکرم ﷺ نے ارشاد فرمایا : پیدل چلنے والے کو ستر حج کا اجر ملے گا ‘ اور سوار شخص کو تیس حج کا اجر ملے گا ۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی محمد بن محصن عکاشی ہے ‘ اور وہ متروک ہے ۔

EnglishUnverified translation

Abu Hurayrah رضي الله عنه reports the Messenger of Allah ﷺ contrasting one who intends the House from unlawful earning in disobedience with one who departs with lawful wealth. Each places his foot in the stirrup, his mount rises, and he proclaims talbiyah, whereupon a caller from heaven answers with rejection or acceptance, addressing his earning, mount, clothing and provision, and bidding him return burdened or rewarded with tidings of sorrow or joy. > **"Whoever intends this House from unlawful earning, proceeding in other than Allah's obedience, then raises his voice in ihram, places his foot in the stirrup, his mount rises with him and he says: Labbayk Allahumma Labbayk, a caller from heaven calls: No labbayk and no sa'dayk, your earning is unlawful, your provision unlawful, your mount unlawful, so return burdened without reward and receive tidings of what displeases you. And when a man goes forth as a pilgrim with lawful wealth, places his foot in the stirrup, his mount rises with him and he says: Labbayk Allahumma Labbayk, a caller from heaven calls: Labbayk and sa'dayk, I have answered you; your mount is lawful, your garments lawful, your provision lawful, so return rewarded without burden and receive tidings of what delights you."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا :’’ جو شخص حرام کمائی کے ذریعے اس گھر کا قصد کرتا ہے وہ اللہ تعالیٰ کی نافرمانی کا ارادہ کرتا ہے ‘ جب وہ احرام باندھتا ہے ‘ اور اپنا پاؤں رکاب میں رکھتا ہے ‘ اور اس کی سواری کھڑی ہوتی ہے ‘ اور وہ یہ کہتا ہے : اے اللہ ! میں حاضر ہوں اے اللہ ! میں حاضر ہوں تو آسمان سے ایک منادی پکار کر یہ کہتا ہے نہ تو تم حاضر ہو نہ تمہیں سعادت مندی نصیب ہو گی تمہاری کمائی حرام ہے تمہارا زاد سفر حرام ہے تمہاری سواری حرام ہے تم واپس جاؤ گے تو تمہیں گناہ ہو گا ‘ اور اجر نہیں ملا ہو گا ، اور تم اس چیز کی اطلاع حاصل کرو جو تمہیں بری لگے گی ‘ اور جب کوئی شخص حلال مال کے ذریعے حج کرنے کے لئے نکلتا ہے ‘ اور اپنا پاؤں رکاب میں رکھتا ہے ‘ اور اس کی سواری اسے لے کر اٹھتی ہے ‘ اور وہ «لبیک اللھم لبیک» کہتا ہے تو آسمان سے ایک منادی پکار کر یہ کہتا ہے تم حاضر بھی ہو ‘ اور سعادت مندی تمہیں نصیب بھی ہو گی میں تمہاری بات کو قبول کیا تمہاری سواری حلال ہے تمہارا لباس حلال ہے تمہارا زاد سفر حلال ہے تم اجر حاصل کر کے واپس جانا یوں کہ تمہیں کوئی گناہ نہیں ہو گا ‘ اور تم اس چیز کی خوشخبری حاصل کرو جو تمہیں خوش کر دے گی “۔ یہ روایت امام بزار نے نقل کی ہے ۔ اس کی سند میں ایک راوی سلیمان بن داؤد یمامی ہے ‘ اور وہ ضعیف ہے ۔

EnglishUnverified translation

Ibn Umar رضي الله عنهما reports the Messenger of Allah ﷺ enjoining travel for soundness and security. > **"Travel, you shall be healthy and safe."**

اردو ترجمہ · UrduUnverified translation

حضرت عبداللہ بن عمر رضی اللہ عنہما روایت کرتے ہیں : نبی اکرم ﷺ نے ارشاد فرمایا :’’ تم لوگ سفر کرو تم صحت مند رہو گے اور سلامت رہو گے ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی عبداللہ بن ہارون ابوعلقمہ فروی ہے ‘ اور وہ ضعیف ہے ۔ اس سے پہلے روزے کی فضیلت سے متعلق باب میں حضرت ابوہریرہ رضی اللہ عنہ کے حوالے سے منقول حدیث گزر چکی ہے ۔

EnglishUnverified translation

Sa'id ibn Abi Sa'id al-Maqburi reports the Messenger of Allah ﷺ describing travel as a portion of torment preoccupying a man from fasting, prayer and worship, and urging hastened return to family once its purpose is fulfilled. > **"Travel is a portion of torment, for a man is preoccupied therein from his fasting, his prayer and his worship, so when one of you fulfills his purpose from his travel, let him hasten return to his family."**

اردو ترجمہ · UrduUnverified translation

سعید بن ابوسعید مقبری روایت کرتے ہیں : نبی اکرم ﷺ نے ارشاد فرمایا : ’’ سفر عذاب کا ایک ٹکڑا ہے ‘ جو آدمی کو اس کی نماز روزے اور عبادت کے حوالے سے مشغول رکھتا ہے ، جب کوئی شخص سفر کے حوالے سے اپنا کام پورا کر لے تو اسے جلدی اپنے گھر والوں کی طرف چلے جانا چاہیے ‘‘۔ ( علامہ ہیثمی فرماتے ہیں : ) میں یہ کہتا ہوں : انہوں نے اس روایت کو اسی طرح ’’ مرسل ‘‘ روایت کے طور پر نقل کیا ہے اسی مضمون کی روایت ’’ صحیح ‘‘ میں حضرت ابوہریرہ رضی اللہ عنہ سے منقول حدیث کے طور پر منقول ہے ‘ اور وہ امام مالک کی سمی کے حوالے سے ابوصالح کے حوالے سے حضرت ابوہریرہ رضی اللہ عنہ سے نقل کردہ روایت ہے ‘ جو اس سند کے حوالے سے مستند نہیں ہے یہ روایت امام احمد نے نقل کی ہے ۔

EnglishUnverified translation

Aishah رضي الله عنها and Abu Hurayrah رضي الله عنه report the Messenger of Allah ﷺ describing travel as a portion of torment depriving one of sleep, food, drink and pleasure, and urging hastened return to family once need is fulfilled. > **"Travel is a portion of torment, preventing one of you from his sleep, his food, his drink and his pleasure, so when one of you finishes his need, let him hasten to his family."**

اردو ترجمہ · UrduUnverified translation

سیدہ عائشہ صدیقہ رضی اللہ عنہا اور حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ سفر عذاب کا ایک ٹکڑا ہے ‘ جو تم میں سے کسی ایک شخص کو سونے سے کھانے سے پینے سے لذت حاصل کرنے سے روک دیتا ہے ‘ تو جب کوئی شخص اپنا کام پورا کر لے تو وہ اپنے گھر والوں کی طرف جلدی چلا جائے “۔ ( علامہ ہیثمی فرماتے ہیں : ) میں یہ کہتا ہوں : حضرت ابوہریرہ رضی اللہ عنہ کے حوالے سے منقول حدیث ’’ صحیح ‘‘ میں مذکور ہے ۔ اس کی سند میں ایک راوی رواد بن جراح ہے ‘ جس کے بارے میں بہت زیادہ کلام کیا گیا ہے ۔ ابن حبان نے اسے ’’ ثقہ ‘‘ قرار دیا ہے وہ کہتے ہیں : یہ غلطی کر جاتا ہے یہ روایت امام طبرانی نے معجم اوسط میں نقل کی ہے ۔

EnglishUnverified translation

Abu Hurayrah رضي الله عنه reports the Messenger of Allah ﷺ instructing one intending travel to greet his brothers, whose supplications add good to his own. > **"When one of you intends travel, let him bid farewell to his brothers, for they add to his supplication with their supplications goodness."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جب تم میں سے کوئی ایک شخص سفر کا ارادہ کرے تو اسے اپنے بھائیوں کو سلام کرنا چاہیے کیونکہ وہ اس کی دعا کے ہمراہ ‘ اپنی دعاؤں کے ذریعے بھلائی میں اضافہ ہی کریں گے ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی یحیی بن علاء بجلی ہے ‘ اور وہ ضعیف ہے ۔

EnglishUnverified translation

Ibn Umar رضي الله عنهما reports that a boy intending Hajj came to the Prophet ﷺ, who walked with him, raised his head toward him and entrusted him to piety, goodness and sufficiency from anxiety. Upon return the boy greeted the Prophet ﷺ, who again raised his head toward him and invoked acceptance, expiation and replacement of expenditure. > **"O boy, may Allah provide you with piety, direct you toward good, and suffice you against anxiety. O boy, may Allah accept your Hajj, expiate your sin, and replace your expenditure."**

اردو ترجمہ · UrduUnverified translation

حضرت عبداللہ بن عمر رضی اللہ عنہما بیان کرتے ہیں : ایک لڑکا نبی اکرم ﷺ کی خدمت میں حاضر ہوا اس نے عرض کی : میں حج کے لئے جانے لگا ہوں نبی اکرم ﷺ اس کے ساتھ چلتے ہوئے گئے آپ نے سر اٹھا کر اس کی طرف دیکھا اور ارشاد فرمایا : اے لڑکے اللہ تعالیٰ تمہیں تقویٰ کا زاد سفر عطا کرے اور تمہارا سامنا بھلائی سے کرے اور پریشانی کے حوالے سے تمہاری کفایت کرے راوی بیان کرتے ہیں : جب وہ شخص واپس آیا تو اس نے نبی اکرم ﷺ کو سلام کیا نبی اکرم ﷺ نے سر اٹھا کر اس کی طرف دیکھا اور ارشاد فرمایا : اللہ تعالیٰ تمہارا حج قبول کرے تمہارے گناہ ختم کرے اور جو تم نے خرچ کیا ہے اس کی جگہ تمہیں مزید عطا کرے ۔ یہ روایت امام طبرانی نے معجم اوسط میں نقل کی ہے ۔’’ صحیح ‘‘ میں اس کا ابتدائی حصہ منقول ہے ۔ اس کی سند میں ایک راوی مسلمہ بن سالم ہے ایک قول کے مطابق اس کا نام مسلم بن سالم جہنی ہے ۔ امام دارقطنی نے اسے ’’ ضعیف ‘‘ قرار دیا ہے ۔

EnglishUnverified translation

Ibn Umar رضي الله عنهما reports that Umar رضي الله عنه sought the Prophet's ﷺ permission for Umrah, received it, and was asked to share in righteous supplication without forgetfulness. > **"O my brother, include us in your righteous supplication and do not forget us."**

اردو ترجمہ · UrduUnverified translation

حضرت عبداللہ بن عمر رضی اللہ عنہما بیان کرتے ہیں : حضرت عمر رضی اللہ عنہ نے نبی اکرم ﷺ سے عمرہ کرنے کی اجازت مانگی نبی اکرم ﷺ نے انہیں اجازت دے دی آپ نے ارشاد فرمایا : اے میرے بھائی اپنی نیک دعاؤں میں ہمیں بھی یاد رکھنا اور ہمیں بھول نہ جانا ۔ یہ روایت امام احمد اور امام ابویعلیٰ نے نقل کی ہے ۔ اس کی سند میں ایک راوی عاصم بن عبیداللہ بن عاصم ہے ‘ جس کے بارے میں اس کی غفلت کا شکار ہونے کی وجہ سے بہت زیادہ کلام کیا گیا ہے ویسے اس کی توثیق کی گئی ہے ۔

EnglishUnverified translation

Abu Hurayrah رضي الله عنه reports the Messenger of Allah ﷺ extending divine forgiveness to the pilgrim and to those for whom he seeks forgiveness. > **"Allah forgives the pilgrim and him for whom the pilgrim seeks forgiveness."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا :’’ اللہ تعالیٰ حج کرنے والے کی مغفرت کر دیتا ہے ‘ اور اس کی بھی مغفرت کر دیتا ہے ‘ جس کے لئے حاجی نے دعائے مغفرت کی ہو “۔ یہ روایت امام بزار نے اور امام طبرانی نے معجم صغیر میں نقل کی ہے ۔ اس کی سند میں ایک راوی شریک بن عبداللہ نخعی ہے ‘ اور وہ ثقہ ہے ‘ اور اس کے بارے میں کلام کیا گیا ہے اس کے بقیہ رجال ” صحیح “ کے رجال ہیں ۔