Fatah Al-Rabani Musnad Ahmad Fiqhi · Book 8 · Chapter 81
پیشاب، مذی اور منی وغیرہ کے حکم کا بیان
منی کا بیان
7 hadiths in this chapter
Fatah Al-Rabani Musnad Ahmad Fiqhi #466
۔ (۴۶۶)۔عَنِ الْأَسْوَدِ عَنْ عَائِشَۃَؓ قَالَتْ: کُنْتُ أَفْرُکُ (وَفِیْ رِوَایَۃٍ: أَحُتُّ) الْمَنِیَّ مِنْ ثَوْبِ رَسُوْلِ اللّٰہِ صلی اللہ علیہ وآلہ وسلم ثُمَّ یَذْہَبُ فَیُصَلِّیْ فِیْہِ۔ (مسند أحمد: ۲۵۴۴۹)
اردو ترجمہ · Urdu
سیدہ عائشہؓ سے مروی ہے، وہ کہتی ہیں: میں رسول اللہ صلی اللہ علیہ وآلہ وسلم کے کپڑے سے منی کو کھرچتی تھی، پھر آپ صلی اللہ علیہ وآلہ وسلم چلے جاتے اور اس کپڑے میں نماز پڑھ لیتے تھے۔
Fatah Al-Rabani Musnad Ahmad Fiqhi #467
۔ (۴۶۷)۔وَعَنْہَا أَیْضًا قَالَتْ: کَانَ رَسُولُ اللّٰہِ صلی اللہ علیہ وآلہ وسلم یَسْلُتُ الْمَنِیَّ مِنْ ثَوْبِہِ بِعِرْقِ الْاِذْخِرِ ثُمَّ یُصَلِّی فِیْہِ وَیَحُتُّہُ مِنْ ثَوْبِہِ یَابِسًا ثُمَّ یُصَلِّی فِیْہِ۔ (مسند أحمد: ۲۶۵۸۷)
اردو ترجمہ · Urdu
سیدہ عائشہؓ سے ہی مروی ہے، وہ کہتی ہیں: رسول اللہ صلی اللہ علیہ وآلہ وسلم نے اپنے کپڑے سے تر منی کو اذخر گھاس کے تنکے سے صاف کر کے اس میں نماز پڑھتے تھے اور خشک منی کو کھرچ کر اس کپڑے میں نماز پڑھ لیتے تھے۔
Fatah Al-Rabani Musnad Ahmad Fiqhi #468
۔ (۴۶۸)۔حَدَّثَنَا عَبْدُ اللّٰہِ حَدَّثَنِیْ أَبِیْ ثَنَا عَفَّانُ قَالَ: ثَنَا مَہْدِیُّ قَالَ: ثَنَا وَاصِلٌ الْأَحْدَبُ عَنْ اِبْرَاہِیْمَ النَّخْعِیِّ عَنِ الْأَسْوَدِ بْنِ یَزِیْدَ قَالَ: رَأَتْنِیْ عَائِشَۃُ أُمُّ الْمُؤْمِنِیْنَ (ؓ) أَغْسِلُ أَثَرَ جَنَابَۃٍ أَصَابَتْ ثَوْبِیْ فقَالَتْ: مَا ہٰذَا؟ قُلْتُ: جَنَابَۃٌ أصَابَتْ ثَوْبِیْ، فَقَالَتْ: لَقَدْ رَأَیْتُنَا وَاِنَّہُ یُصِیْبُ ثَوْبَ رَسُوْلِ اللّٰہِ صلی اللہ علیہ وآلہ وسلم، فَمَا یَزِیْدُ عَلَی أَنْ یَقُوْلَ بِہِ ہٰکَذَا، وَوَصَفَہُ مَہْدِیٌّ حَکَّ یَدَہُ عَلَی الْأُخْرٰی۔ (مسند أحمد: ۲۵۲۰۹)
اردو ترجمہ · Urdu
اسود بن یزید کہتے ہیں: ام المؤمنین سیدہ عائشہ ؓ نے مجھے دیکھا کہ میں اپنے کپڑے سے جنابت کے اثر کو دھو رہا تھا، انھوں نے کہا: یہ کیا ہے؟ میں نے کہا: جنابت ہے، جو میرے کپڑے کو لگ گئی تھی، انھوں نے کہا: میں بھی اپنے آپ کو دیکھ رہی ہوں کہ جب رسول اللہ صلی اللہ علیہ وآلہ وسلم کے کپڑے کو جنابت لگ جاتی تھی تو آپ صلی اللہ علیہ وآلہ وسلم اس طرح کرنے سے زیادہ تو کچھ نہیں کرتے تھے۔ مہدی نے ایک ہاتھ سے دوسرے ہاتھ پر کھرچ کر کیفیت کو بیان کیا۔
Fatah Al-Rabani Musnad Ahmad Fiqhi #469
۔ (۴۶۹) (وَمِنْ طَرِیْقٍ آخَرَ)۔ عَنِ الْأَسْوَدِ (أَیْضًا) عَنْ عَائِشَۃَؓ قَالَتْ: کُنْتُ أَفْرُکُہُ مِنْ ثَوْبِ رَسُوْلِ اللّٰہِ صلی اللہ علیہ وآلہ وسلم، فَاِذَا رَأَیْتَہُ فَاغْسِلْہُ فِاِنْ خَفِیَ عَلَیْکَ فَارْشُشْہُ۔ (مسند أحمد: ۲۵۱۶۶)
اردو ترجمہ · Urdu
۔ (دوسری سند) سیدہ عائشہؓ سے مروی ہے، وہ کہتی ہیں: میں رسول اللہ صلی اللہ علیہ وآلہ وسلم کے کپڑے سے منی کو کھرچتی تھی، پس تو جب اس کو دیکھ لے تو اس کو دھو ڈال اور اگر پتہ نہ چلے تو چھینٹے مار دے۔
Fatah Al-Rabani Musnad Ahmad Fiqhi #470
۔ (۴۷۰)۔عَنْ ھَمَّامٍّ قَالَ: نَزَلَ عَائِشَۃَ (ؓ) ضَیْفٌ فَأَمَرَتْ لَہُ بِمِلْحَفَۃٍ لَہَا صَفْرَائَ، فَنَامَ فِیْھَا فَاحْتَلَمَ فَاسْتَحْیٰ أَنْ یُرْسِلَ بِہَا وَفِیْھَا أَثَرُالْاِحْتَلَامِ، قَالَ: فَغَمَسَہَا فِی الْمَائِ ثُمَّ أَرْسَلَ بِہَا، فَقَالَتْ عَائِشَۃُ: لِمَ أَفْسَدَ عَلَیْنَا ثَوْبَنَا؟ اِنَّمَا کَانَ یَکْفِیْہِ أَنْ یَفْرُکَہُ بِأَصَابِعِہِ، لَرُبَمَا فَرَکْتُہُ مِنْ ثَوْبِ رَسُوْلِ اللّٰہِ صلی اللہ علیہ وآلہ وسلم بِأَصَابِعِیْ۔ (مسند أحمد: ۲۴۶۵۹)
اردو ترجمہ · Urdu
ہمام کہتے ہیں: سیدہ عائشہ ؓ کے پاس ایک مہمان ٹھہرا، انھوں نے اس کے لیے زرد رنگ کی ایک چادر کا حکم دیا، وہ اس میں سویا اور اس کو اس میں احتلام ہو گیا، اب وہ اس طرح کپڑے کو بھیجنے سے شرماتا تھا کہ اس میں احتلام کا اثر ہو، اس لیے اس نے اس چادر کو پانی میں ڈبویا اور پھر بھیج دیا، سیدہ عائشہ ؓ نے کہا: اس نے ہمارا کپڑا کیوں خراب کر دیا ہے؟ اس کے لیے صرف کافی تھا کہ اس کو اپنی انگلیوں سے کھرچ دیتا، میں بسا اوقات رسول اللہ صلی اللہ علیہ وآلہ وسلم کے کپڑے سے اپنی انگلیوں سے کھرچ ڈالتی تھی۔
Fatah Al-Rabani Musnad Ahmad Fiqhi #471
۔ (۴۷۱)۔عَنْ قَیْسِ بْنِ وَہْبٍ عَنْ رَجُلٍ مِنْ بَنِیْ سُوَائَ ۃَ عَنْ عَائِشَۃَ(ؓ) فِیْمَا یَفِیْضُ بَیْنَ الرَّجُلِ وَامْرَأَتِہِ مِنَ الْمَائِ، قَالَتْ: کَانَ رَسُولُ اللّٰہِ صلی اللہ علیہ وآلہ وسلم یَصُبُّ الْمَائَ عَلَی الْمَائِ۔
اردو ترجمہ · Urdu
بنو سواء ہ کے ایک آدمی نے کہا کہ میاں بیوی (کے جماع) کے دوران جو منی کا پانی بہہ جاتا ہے، اس کے بارے میں سیدہ عائشہ ؓ نے کہا: رسول اللہ صلی اللہ علیہ وآلہ وسلم منی کے پانی پر پانی بہا دیتے تھے۔ (مسند أحمد: ۲۵۷۱۶)
Fatah Al-Rabani Musnad Ahmad Fiqhi #472
۔ (۴۷۲)۔عَنْ سُلَیْمَانَ بْنِ یَسَارٍ عَنْ عَائِشَۃَ ؓ أَنَّہَا کَانَتْ تَغْسِلُ الْمَنِیَّ مِنْ ثَوْبِ رَسُوْلِ اللّٰہِ صلی اللہ علیہ وآلہ وسلم۔ (مسند أحمد: ۲۵۸۰۷)
اردو ترجمہ · Urdu
سیدہ عائشہؓ سے مروی ہے کہ وہ رسول اللہ صلی اللہ علیہ وآلہ وسلم کے کپڑے سے منی کو دھویا کرتی تھیں۔
