Fatah Al-Rabani Musnad Ahmad Fiqhi · Book 155 · Chapter 1854

اخلاق حسنہ اور ان سے متعلقہ امور کے مسائل

قناعت اور عفت کی ترغیب دلانے کابیان

5 hadiths in this chapter

9260

Fatah Al-Rabani Musnad Ahmad Fiqhi #9260

Sahih

۔ (۹۲۶۰)۔ عَنْ اَبِی ھُرَیْرَۃَ ‌رضی ‌اللہ ‌عنہ ‌، یَبْلُغُ بِہٖالنَّبِیَّ ‌صلی ‌اللہ ‌علیہ ‌وآلہ ‌وسلم ((لَا یَنْظُرْ اِلَی مَنْ فَوْقَہُ فِی الْخَلْقِ اَوِ الْخُلُقِ اَوِ الْمَالِ، وَلٰکِنْ یَنْظُرُ اِلٰی مَنْ ھُوَ دُوْنَہُ۔)) (مسند احمد: ۷۳۱۷)

اردو ترجمہ · Urdu

۔ سیدنا ابو ہریرہ ‌رضی ‌اللہ ‌عنہ بیان کرتے ہیں کہ رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: آدمی اس شخص کی طرف نہ دیکھے جو تخلیق میں یا اخلاق میں یا مال میں اس سے بلند رتبہ ہو، بلکہ اس کو دیکھے جو اس سے کم تر ہو۔

9261

Fatah Al-Rabani Musnad Ahmad Fiqhi #9261

Sahih

۔ (۹۲۶۱)۔ (وَعَنْہُ مِنْ طَرِیْقٍ ثَانٍ) قَالَ: قَالَ رَسُوْلُ اللّٰہِ ‌صلی ‌اللہ ‌علیہ ‌وآلہ ‌وسلم : ((اُنْظُرُوْا اِلَی مَنْ اَسَفَلَ مِنْکُمْ، وَ لَا تَنْظُرُوْا اِلَی مَنْ ھُوَ فَوْقَکُمْ، فَاِنَّہُ اَجْدَرُ اَنْ لَّا تَزْدَرُوْا نِعْمَۃَ اللّٰہِ۔)) قَالَ اَبُوْ مُعَاوِیَۃُ: عَلَیْکُمْ۔ (مسند احمد: ۷۴۴۲)

اردو ترجمہ · Urdu

۔ (دوسری سند) رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: اس کی طرف دیکھو جو تم سے کم تر ہے اور اس کی طرف نہ دیکھو جو تمہاری بہ نسبت بلند رتبہ ہے، اس سے زیادہ لائق ہو گا کہ تم اللہ تعالیٰ کی اس نعمت کو حقیر نہ سمجھو، جو تم پر ہے۔

9262

Fatah Al-Rabani Musnad Ahmad Fiqhi #9262

Zaeef

۔ (۹۲۶۲)۔ عَنْ نَافِعٍ، قَالَ: کُنْتُ اَتَّجِرُ اِلَی الشَّامِ اَوْ اِلٰی مِصْرَ قَالَ: فَتَجَھَّزْتُ اِلَی الْعِرَاقِ، فَدَخَلْتُ عَلٰی عاَئِشَۃَ اُمِّ الْمُؤْمِنِیْنَ ‌رضی ‌اللہ ‌عنہا ، فَقُلْتُ: یَا اُمَّ الْمُؤْمِنِیْنَ، اِنِّی قَدْ تَجَھَّزْتُ اِلَی الْعِرَاقِ، فَقَالَتْ: مَالَکَ وَلِمَتْجَرِکَ، اِنِّی سَمِعْتُ رَسُوْلَ اللّٰہِ ‌صلی ‌اللہ ‌علیہ ‌وآلہ ‌وسلم یَقُوْلُ: ((اِذَا کَانَ لِاَحِدِکُمْ رِزْقٌ فِی شَیْئٍ فَـلَا یَدَعْہُ حَتّٰییَتَغَیَّرَلَہُ، اَوْ یَتَنَکَّرَ لَہُ۔)) فَاَتَیْتُ الْعِرَاقَ ثُمَّ دَخَلْتُ عَلَیْھَا، فَقُلْتُ: یاَ اُمَّ الْمُؤْمِنِیْنَ وَاللّٰہِ ! مَا رَدَدْتُّ رَاْسَ مَالٍ فَاَعَادَتْ عَلَیْہِ الْحَدِیْثَ، اَوْ قَالَتِ: الْحَدِیْثُ کَمَا حَدَّثْتُکَ۔ (مسند احمد: ۲۶۶۲۰)

اردو ترجمہ · Urdu

۔ امام نافع کہتے ہیں: میں تجارت کے لیے شام یا مصر میں جاتا تھا، ایک دفعہ میں عراق کے لیے تیار ہوا اور ام المؤمنین سیدہ عائشہ ‌رضی ‌اللہ ‌عنہا کے پاس گیا اور کہا: اے ام المؤمنین! اس دفعہ میں عراق کے لیے تیار ہوا ہوں، انھوں نے کہا: تیری پہلی تجارت کو کیا ہوا ہے، میں نے رسول اللہ ‌صلی ‌اللہ ‌علیہ ‌وآلہ ‌وسلم کو یہ فرماتے ہوئے سنا کہ جب ایک چیز کسی کے رزق کا سبب بنا ہوا ہو تو وہ اس کو نہ چھوڑے، یہاں تک کہ وہ چیز خود تبدیل ہو جائے۔ بہرحال میں عراق چلا گیا اور واپس آ کر سیدہ عائشہ ‌رضی ‌اللہ ‌عنہا کے پاس گیا اور کہا: اے ام المؤمنین! اللہ کی قسم! (نفع تو کجا) میں تو اصل مال بھی واپس لے کر نہ آ سکا، سیدہ نے اس کو دوبارہ وہی حدیث بیان کی،یا کہا: حدیث تو وہی ہے، جو میں نے تجھے بیان کر دی تھی۔

9263

Fatah Al-Rabani Musnad Ahmad Fiqhi #9263

Sahih

۔ (۹۲۶۳)۔ عَنْ فَضَالَۃَ بْنِ عُبَیْدٍ ‌رضی ‌اللہ ‌عنہ ‌، اَنَّہُ سَمِعَ رَسُوْلَ اللّٰہِ ‌صلی ‌اللہ ‌علیہ ‌وآلہ ‌وسلم یَقُوْلُ: ((طُوْبٰی لِمَنْ ھُدِیَ اِلَی الْاِسْلَامِ، وَکاَنَ عَیْشُہُ کَفَافًا وَقَنَعَ۔)) (مسند احمد: ۲۴۴۴۲)

اردو ترجمہ · Urdu

۔ سیدنا فضالہ بن عبید ‌رضی ‌اللہ ‌عنہ بیان کرتے ہیں کہ رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: اس آدمی کے لیے خوشخبری ہے، جس کو اسلام کی طرف ہدایت دی گئی اور اس کی زندگی بقدر ضرورت روزی پر مشتمل ہو اور وہ قناعت کرے۔

9264

Fatah Al-Rabani Musnad Ahmad Fiqhi #9264

Sahih

۔ (۹۲۶۴)۔ عَنْ اَبِی سَعِیْدِ نِ الْخُدْرِیِّ ‌رضی ‌اللہ ‌عنہ ‌، اَنَّ رَجُلًا مِنَ الْاَنْصَارِ کَانَتْ لَہُ حَاجَۃٌ ،فَقَالَ لَہُ اَھْلُہُ: اِئْتِ النَّبِیَّ ‌صلی ‌اللہ ‌علیہ ‌وآلہ ‌وسلم فَاسْاَلْہُ، فَاَتَاہُ وَھُوَ یَخْطُبُ وَھُوَ یَقُوْلُ: ((مَنِ اسْتَعَفَّ اَعَفَّہُ اللّٰہُ، وَمَنِ اسْتَغْنیٰ اَغْنَاہُ اللّٰہُ، وَمَنْ سَأَلَنَا فَوَجَدْنَا لَہُ اَعْطَیْنَاہُ۔)) قَالَ: فَذَھَبَ وَلَمْ یَسْاَلْ۔ (مسند احمد: ۱۱۰۰۲)

اردو ترجمہ · Urdu

۔ سیدنا ابو سعید خدری ‌رضی ‌اللہ ‌عنہ بیان کرتے ہیں کہ ایک انصاری آدمی کی کوئی ضرورت تھی، اس کے اہل خانہ نے اس سے کہا: تم نبی کریم ‌صلی ‌اللہ ‌علیہ ‌وآلہ ‌وسلم کے پاس جاؤ اور آپ ‌صلی ‌اللہ ‌علیہ ‌وآلہ ‌وسلم سے سوال کرو، پس وہ آپ ‌صلی ‌اللہ ‌علیہ ‌وآلہ ‌وسلم کے پاس گیا اور آپ ‌صلی ‌اللہ ‌علیہ ‌وآلہ ‌وسلم خطاب کر رہے تھے اوریہ فرما رہے تھے: جس نے پاکدامنی اختیار کی، اللہ تعالیٰ اسے پاکدامن کر دے گا اور جس نے (لوگوں سے) بے نیاز ہونا چاہا، اللہ اسے بے نیاز کر دے گا اور جس نے ہم سے سوال کیا اور ہمارے پاس کچھ ہوا تو ہم اس کو دے دیں گے۔ یہ حدیث سن کر وہ آدمی چلا گیا اور کوئی سوال نہ کیا۔