Fatah Al-Rabani Musnad Ahmad Fiqhi · Book 140 · Chapter 1424
لباس اور زینت کے مسائل
پگڑی، شلوار اور دھاری دار پوشاکیں پہننے کا بیان
5 hadiths in this chapter
Fatah Al-Rabani Musnad Ahmad Fiqhi #7919
(۷۹۱۹)۔عَنْ جَابِرِ اَنَّ النَّبِیَّ صلى الله عليه وآله وسلم دَخَلَ یَوْمَ فَتْحِ مَکَّۃَ وَعَلَیْہِ عِمَامَۃٌ سَوْادَئُ۔ (مسند احمد: ۱۴۹۶۶)
اردو ترجمہ · Urdu
۔ سیدنا جابر رضی اللہ عنہ سے مروی ہے کہ نبی کریم صلی اللہ علیہ وآلہ وسلم فتح مکہ والے دن داخل ہوئے اور آپ صلی اللہ علیہ وآلہ وسلم پر سیاہ رنگ کی پگڑی تھی۔
Fatah Al-Rabani Musnad Ahmad Fiqhi #7920
(۷۹۲۰)۔عَنْ جَعْفَرِ بْنِ عَمْرِو بْنِ حُرَیْثٍ عَنْ اَبِیْہٖ رضي الله عنه اَنَّ النَّبِیَّ صلى الله عليه وآله وسلم خَطَبَ النَّاسَ وَعَلَیْہِ عِمَامَۃٌ سَوْدَائُ۔ (مسند احمد: ۱۸۹۴۱)
اردو ترجمہ · Urdu
۔ سیدنا حریث رضی اللہ عنہ سے مروی ہے کہ نبی کریم صلی اللہ علیہ وآلہ وسلم نے لوگوں سے خطاب کیا، جبکہ آپ صلی اللہ علیہ وآلہ وسلم کے سر مبارک پر کالے رنگ کی پگڑی تھی۔
Fatah Al-Rabani Musnad Ahmad Fiqhi #7921
(۷۹۲۱)۔عَنْ سُوَیْدِ بْنِ قَیْسٍ قَالَ: جَلَبْتُ اَنَا وَ مَخْرَمَۃُ الْعَبَدِیُّ رضي الله عنه ثِیَابًا مِنْ ہَجَرَ قَالَ فَأَتَانَا رَسُولُ اللّٰہِ صَلَّی اللّٰہُ عَلَیْہِ وَسَلَّمَ فَسَاوَمَنَا فِی سَرَاوِیلَ وَعِنْدَنَا وَزَّانُونَ یَزِنُونَ بِالْأَجْرِ فَقَالَ لِلْوَزَّانِ زِنْ وَأَرْجِحْ۔ (مسند احمد: ۱۹۳۰۸)
اردو ترجمہ · Urdu
۔ سیدنا سوید بن قیس رضی اللہ عنہ سے مروی ہے، وہ کہتے ہیں: میں اور سیدنا مخرمہ عبدی رضی اللہ عنہ ہجر سے کپڑا لائے، رسول اللہ صلی اللہ علیہ وآلہ وسلم ہمارے پاس تشریف لائے اور ہم سے شلوار کا سودا کیا، جبکہ ہمارے پاس اجرت لے کر وزن کرنے والے بھی بیٹھے ہوئے تھے، آپ صلی اللہ علیہ وآلہ وسلم نے وزن کرنے والے سے فرمایا: اس کا وزن کرو اور ترازو کا یہ والا پلڑا جھکاؤ۔
Fatah Al-Rabani Musnad Ahmad Fiqhi #7922
(۷۹۲۲)۔عَنْ قَتَادَۃَ قَالَ: قُلْتُ لِاَنَسٍ: اَیُّ اللِّبَاسِ کَانَ اَعْجَبَ (وَفِیْ رِوَایَۃٍ) اَحَبَّ اِلٰی رَسُوْلِ اللّٰہِ صلى الله عليه وآله وسلم؟ قَالَ: اَلْحِبَرَۃُ۔ (مسند احمد: ۱۲۴۰۴)
اردو ترجمہ · Urdu
۔ قتادہ سے مروی ہے، وہ کہتے ہیں: میں نے سیدناانس رضی اللہ عنہ سے کہا: کون سا لباس رسول اللہ صلی اللہ علیہ وآلہ وسلم کو سب سے زیادہ پسند تھا؟ انھوں نے کہا: دھاری دار۔
Fatah Al-Rabani Musnad Ahmad Fiqhi #7923
(۷۹۲۳)۔حَدَّثَناَ ھُشَیْمٌ اَنْبَاَنَا یُوْنُسُ عَنِ الْحَسَنِ اَنَّ عُمَرَ بْنَ الْخَطَابِ رضي الله عنه اَرَادَ اَنْ یَنْہٰی عَنْ مُتْعَۃِ الْحَجِّ فَقَالَ لَہٗ اُبَیٌّ: (یَعْنِی ابْنَ کَعْبٍ) لَیْسَ ذَاکَ لَکَ قَدْ تَمَتَّعْنَا مَعَ رَسُوْلِ اللّٰہِ صلى الله عليه وآله وسلم وَلَمْ یَنْہَنَا عَنْ ذٰلِکَ، فَاَضْرَبَ عَنْ ذٰلِکَ عُمَرَ وَأَرَادَ أَنْ یَنْہٰی عَنْ حُلَلِ الْحِبَرَۃِ لِأَنَّہَا تُصْبَغُ بِالْبَوْلِ، فَقَالَ لَہُ أُبَیٌّ: لَیْسَ ذٰلِکَ لَکَ قَدْ لَبِسَہُنَّ النَّبِیُّ صَلَّی اللّٰہُ عَلَیْہِ وَسَلَّمَ وَلَبِسْنَاہُنَّ فِی عَہْدِہِ۔ (مسند احمد: ۲۱۶۰۷)
اردو ترجمہ · Urdu
۔ سیدنا عمر بن خطاب رضی اللہ عنہ نے حج تمتع یعنی حج کے ساتھ عمرہ کرنے سے منع کرنے کا ارادہ کیا، لیکن سیدنا ابی بن کعب رضی اللہ عنہ نے ان سے کہا: یہ آپ کا حق نہیں ہے، کیونکہ ہم نے رسول اللہ صلی اللہ علیہ وآلہ وسلم کے ساتھ حج تمتع کیا ہے اور آپ صلی اللہ علیہ وآلہ وسلم نے ہم کو منع نہیں کیا، پس سیدنا عمر رضی اللہ عنہ نے منع کرنے کے ارادے کو ترک کر دیا، پھر سیدنا عمر رضی اللہ عنہ نے ارادہ کیا کہ وہ دھاری دار پوشاکوں سے منع کر دیں،کیونکہ ان کو پیشاب سے رنگا جاتا تھا، لیکن سیدنا ابی رضی اللہ عنہ نے ان سے کہا: اس کا آپ کو اختیار نہیں ہے ، کیونکہ نبی کریم صلی اللہ علیہ وآلہ وسلم نے ایسا لباس زیب ِ تن کیا ہے اور ہم نے بھی آپ صلی اللہ علیہ وآلہ وسلم کے عہد ِ مبارک میں پہنا ہے۔
