اردو ترجمہ · UrduUnverified translation

حضرت عائشہ رضی اللہ عنہا سے روایت ہے‘ انھوں نے فرمایا: رسول اللہ صلی اللہ علیہ وسلم نے محلوں میں مسجدیں بنانے کا حکم دیا اور یہ کہ انھیں صاف ستھرا رکھا جائے اور ان میں خوشبو لگائی جائے۔ (اسے احمد‘ ابوداود اور ترمذی نے روایت کیا ہے اور ترمذی نے اس کے مرسل ہونے کو صحیح قرار دیا ہے۔)

اردو ترجمہ · UrduUnverified translation

حضرت ابوہریرہ رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’اللہ تعالیٰ یہودیوں کو غارت و برباد کرے‘ انھوں نے انبیاء کی قبروں کو سجدہ گاہ بنا لیا تھا۔‘‘ (بخاری و مسلم) مسلم نے ’’نصاریٰ‘‘ کے لفظ کا اضافہ بھی نقل کیا ہے۔نیز بخاری و مسلم میں حضرت عائشہ رضی اللہ عنہا سے مروی ہے: ’’جب ان میں صالح آدمی فوت ہو جاتا تو یہ اس کی قبر کو سجدہ گاہ بنا لیتے۔‘‘ اس حدیث میں یہ الفاظ بھی ہیں: ’’یہ بدترین مخلوق ہیں۔‘‘

اردو ترجمہ · UrduUnverified translation

حضرت ابوہریرہ رضی اللہ عنہ سے روایت ہے کہ نبی صلی اللہ علیہ وسلم نے ایک گھڑ سوار دستہ روانہ کیا۔ یہ لوگ ایک شخص کو گرفتار کرکے آپ کی خدمت میں لائے اور اسے مسجد (نبوی) کے ستونوں میں سے ایک ستون کے ساتھ باندھ دیا۔ یہ لمبی حدیث ہے۔ (بخاری و مسلم)

اردو ترجمہ · UrduUnverified translation

حضرت ابوہریرہ رضی اللہ عنہ ہی سے مروی ہے کہ حضرت عمر رضی اللہ عنہ کا حضرت حسان رضی اللہ عنہ کے پاس سے گزر ہوا‘ وہ مسجد میں اشعار پڑھ رہے تھے۔ حضرت عمر رضی اللہ عنہ نے ان کی طرف گھور کر دیکھا۔ (اس پر) حضرت حسان رضی اللہ عنہ نے کہا: (گھورتے کیوں ہو؟) میں مسجد میں شعر پڑھا کرتا تھا جب کہ مسجد میں وہ ذات گرامی موجود ہوتی تھی جو تم سے افضل تھی‘ یعنی رسول اللہ صلی اللہ علیہ وسلم ۔ (بخاری و مسلم)

اردو ترجمہ · UrduUnverified translation

حضرت ابوہریرہ رضی اللہ عنہ ہی سے مروی ہے‘ رسول اللہ صلی اللہ علیہ وسلم نے فرمایا: ’’جو کسی آدمی کو مسجد میں گم شدہ چیز کا اعلان کرتے سنے تو اسے یہ کہے کہ اللہ کرے وہ چیز تمھیں واپس نہ ملے۔ مسجدیں اس مقصد کے لیے تو نہیں بنائی گئیں۔ ‘‘ (اسے مسلم نے روایت کیا ہے۔)

اردو ترجمہ · UrduUnverified translation

حضرت ابوہریرہ رضی اللہ عنہ ہی سے مروی ہے‘ رسول اللہ صلی اللہ علیہ وسلم نے فرمایا: ’’جب تم کسی شخص کو مسجد میں خرید و فروخت کرتے دیکھو تو اسے کہو کہ اللہ تعالیٰ تمھارے کاروبار اور تجارت میں نفع نہ دے۔‘‘ (اس حدیث کو نسائی اور ترمذی نے روایت کیا ہے اور ترمذی نے حسن قرار دیا ہے۔)

اردو ترجمہ · UrduUnverified translation

حضرت حکیم بن حزام رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’مساجد میں نہ حدیں قائم کی جائیں اور نہ ان میں قصاص (خون کا بدلہ) ہی لیا جائے۔‘‘ (اس حدیث کو ابوداود اور احمد نے ضعیف سند سے روایت کیا ہے۔)

اردو ترجمہ · UrduUnverified translation

حضرت عائشہ رضی اللہ عنہا روایت کرتی ہیں کہ غزوئہ خندق کے روز حضرت سعد رضی اللہ عنہ زخمی ہوگئے تو رسول اللہ صلی اللہ علیہ وسلم نے ان کے لیے مسجد میں خیمہ لگوا دیا تاکہ قریب سے ان کی تیمارداری (بآسانی) کر سکیں۔ (بخاری و مسلم)

اردو ترجمہ · UrduUnverified translation

حضرت عائشہ رضی اللہ عنہا ہی سے مروی ہے کہ میں نے رسول اللہ صلی اللہ علیہ وسلم کو دیکھا کہ آپ میرے لیے پردہ بنے ہوئے تھے اور میں حبشیوں کو دیکھ رہی تھی جو مسجد میں کھیل رہے تھے۔ یہ طویل حدیث ہے۔(بخاری و مسلم)

اردو ترجمہ · UrduUnverified translation

حضرت عائشہ رضی اللہ عنہا ہی سے مروی ہے کہ ایک سیاہ فام لڑکی کا خیمہ مسجد میں تھا‘ وہ میرے پاس باتیں کرنے کے لیے آیا کرتی تھی۔ یہ لمبی حدیث ہے۔ (بخاری و مسلم)

اردو ترجمہ · UrduUnverified translation

حضرت انس رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’مسجد میں تھوکنا گناہ ہے اور اس کا کفارہ تھوک کو دفن کرنا ہے۔‘‘ (بخاری و مسلم)

اردو ترجمہ · UrduUnverified translation

حضرت انس رضی اللہ عنہ ہی نے بیان کیا کہ رسول اللہ صلی اللہ علیہ وسلم نے فرمایا: ’’قیامت (اس وقت تک) قائم نہ ہوگی یہاں تک کہ لوگ مسجدوں (کی تعمیر) میں ایک دوسرے پر فخر کریں گے۔‘‘ (اسے ترمذی کے سوا پانچوں نے روایت کیا ہے اور ابن خزیمہ نے صحیح قرار دیا ہے۔)

اردو ترجمہ · UrduUnverified translation

حضرت ابن عباس رضی اللہ عنہما روایت کرتے ہیں‘ رسول اللہ صلی اللہ علیہ وسلم نے فرمایا: ’’مجھے مساجد کی آرائش و زیبائش اور چوناگچ کرنے کا حکم نہیں دیا گیا۔‘‘ (اسے ابوداود نے روایت کیا ہے اور ابن حبان نے صحیح قرار دیا ہے۔)

اردو ترجمہ · UrduUnverified translation

حضرت انس رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’مجھ پر میری امت کے ثواب (اور نیکیاں) پیش کیے گئے حتی کہ وہ تنکا بھی جسے آدمی مسجد سے نکال کر باہر پھینک دیتا ہے (یہ بھی نیکیوں میں شامل تھا۔‘‘) (اسے ابوداود اور ترمذی نے روایت کیا ہے اور ترمذی نے غریب کہا ہے اور ابن خزیمہ نے صحیح قرار دیا ہے۔)

اردو ترجمہ · UrduUnverified translation

حضرت ابوقتادہ رضی اللہ عنہ سے روایت ہے‘ رسول اللہ صلی اللہ علیہ وسلم نے فرمایا: ’’تم میں سے جب (بھی) کوئی شخص مسجد میں داخل ہو تو دو رکعتیں پڑھے بغیر نہ بیٹھے۔‘‘ (بخاری و مسلم)