Bulugh al-Maram · Book 2 · Chapter 12
Prayer
بَابُ صَلَاةِ الْعِيدَيْنِ
16 hadiths in this chapter
The Arabic is the original text. The Urdu and English translations come from the open Hadith API (Toon) dataset and haven't been checked against a published translation — some are machine-translated, so rely on the Arabic for exact wording.
Bulugh al-Maram #385
عَنْ عَائِشَةَ رَضِيَ اللَّهُ عَنْهَا قَالَتْ: قَالَ رَسُولُ اللَّهِ - صلى الله عليه وسلم: ((الْفِطْرُ يَوْمَ يُفْطِرُ النَّاسُ، وَالْأَضْحَى يَوْمَ يُضَحِّي النَّاسُ)). رَوَاهُ التِّرْمِذِيُّ.
اردو ترجمہ · UrduUnverified translation
حضرت عائشہ رضی اللہ عنہا سے مروی ہے‘ رسول اللہ صلی اللہ علیہ وسلم نے فرمایا: ’’عیدالفطر اس روز ہے جس روز لوگ روزے (پورے کرکے) چھوڑ دیں۔ اور عید الاضحیٰ اس روز ہے جس دن لوگ قربانیاں کرتے ہیں۔‘‘ (اسے ترمذی نے روایت کیا ہے۔)
Bulugh al-Maram #386
وَعَنْ أَبِي عُمَيْرِ بْنِ أَنَسٍ، عَنْ عُمُومَةٍ لَهُ مِنَ الصَّحَابَةِ، أَنَّ رَكْبًا جَاءُوا، فَشَهِدُوا أَنَّهُمْ رَأَوُا الْهِلَالَ بِالْأَمْسِ، فَأَمَرَهُمْ النَّبِيُّ - صلى الله عليه وسلم - أَنْ يُفْطِرُوا، وَإِذَا أَصْبَحُوا يَغْدُوا إِلَى مُصَلَّاهُمْ. رَوَاهُ أَحْمَدُ، وَأَبُو دَاوُدَ -وَهَذَا لَفْظُهُ- وَإِسْنَادُهُ صَحِيحٌ.
اردو ترجمہ · UrduUnverified translation
حضرت ابوعمیربن انس رحمہ اللہ اپنے چچوں سے‘ جو کہ نبی صلی اللہ علیہ وسلم کے صحابہ تھے‘ بیان کرتے ہیں کہ چند سوار (آپ کی خدمت میں) آئے اور انھوں نے شہادت دی کہ ہم نے کل شام چاند دیکھا تھا۔ آپ نے حکم دے دیا: ’’روزہ افطار کر لو اور کل صبح (نماز عید کے لیے) اپنی عیدگاہ میں آجاؤ۔‘‘ (اسے احمد اور ابوداود نے روایت کیا ہے۔ یہ الفاظ ابوداود کے ہیں اوراس کی سند صحیح ہے۔)
Bulugh al-Maram #387
وَعَنْ أَنَسٍ - رضي الله عنه - قَالَ: كَانَ رَسُولُ اللَّهِ - صلى الله عليه وسلم - لَا يَغْدُو يَوْمَ الْفِطْرِ حَتَّى يَأْكُلَ تَمَرَاتٍ. أَخْرَجَهُ الْبُخَارِيُّ. وَفِي رِوَايَةٍ مُعَلَّقَةٍ - وَوَصَلَهَا أَحْمَدُ: وَيَأْكُلُهُنَّ أَفْرَادًا.
اردو ترجمہ · UrduUnverified translation
حضرت انس رضی اللہ عنہ سے مروی ہے کہ رسول اللہ صلی اللہ علیہ وسلم عید الفطر کے دن (نماز کے لیے) اس وقت تک نہیں نکلتے تھے جب تک طاق عدد میں چند کھجوریں تناول نہ فرمالیتے۔ (اسے بخاری نے روایت کیا ہے۔) اور ایک معلق روایت میں ہے جسے امام احمد نے موصول ذکر کیا ہے کہ آپ ان کھجوروں کو ایک ایک کر کے تناول فرماتے تھے۔
Bulugh al-Maram #388
وَعَنِ ابْنِ بُرَيْدَةَ، عَنْ أَبِيهِ قَالَ: كَانَ النَّبِيُّ - صلى الله عليه وسلم - لَا يَخْرُجُ يَوْمَ الْفِطْرِ حَتَّى يَطْعَمَ، وَلَا يَطْعَمُ يَوْمَ الْأَضْحَى حَتَّى يُصَلِّيَ. رَوَاهُ أَحْمَدُ، وَالتِّرْمِذِيُّ، وَصَحَّحَهُ ابْنُ حِبَّانَ.
اردو ترجمہ · UrduUnverified translation
حضرت (عبداللہ) ابن بریدہ رحمہ اللہ اپنے والد (بریدہ رضی اللہ عنہ ) سے روایت کرتے ہیں‘ انھوں نے فرمایا کہ رسول اللہ صلی اللہ علیہ وسلم نماز عید الفطر کے لیے کچھ کھائے بغیر نہ نکلتے تھے‘ البتہ عید قربان کے دن جب تک نماز ادا نہ فرما لیتے کچھ تناول نہ فرماتے تھے۔ (اسے احمد اور ترمذی نے روایت کیا ہے اور ابن حبان نے صحیح قرار دیا ہے۔)
Bulugh al-Maram #389
وَعَنْ أُمِّ عَطِيَّةَ رَضِيَ اللَّهُ عَنْهَا قَالَتْ: أُمِرْنَا أَنْ نُخْرِجَ الْعَوَاتِقَ، وَالْحُيَّضَ فِي الْعِيدَيْنِ; يَشْهَدْنَ الْخَيْرَ وَدَعْوَةَ الْمُسْلِمِينَ، وَيَعْتَزِلُ الْحُيَّضُ الْمُصَلَّى. مُتَّفَقٌ عَلَيْهِ.
اردو ترجمہ · UrduUnverified translation
حضرت ام عطیہ رضی اللہ عنہا سے مروی ہے کہ ہمیں حکم دیا گیا کہ ہم جوان لڑکیوں اور حائضہ عورتوں کو بھی عیدین میں ساتھ لے کر نکلیں تاکہ وہ بھی خیر و بھلائی اور مسلمانوں کی دعاؤں میں شریک ہوں‘ البتہ حائضہ عورتیں جائے نماز سے الگ رہیں۔ (نماز میں شامل نہ ہوں‘ صرف دعا میں شرکت کریں۔) (بخاری و مسلم )
Bulugh al-Maram #390
وَعَنِ ابْنِ عُمَرَ: كَانَ النَّبِيُّ - صلى الله عليه وسلم - وَأَبُو بَكْرٍ، وَعُمَرُ: يُصَلُّونَ الْعِيدَيْنِ قَبْلَ الْخُطْبَةِ. مُتَّفَقٌ عَلَيْهِ.
اردو ترجمہ · UrduUnverified translation
حضرت ابن عمر رضی اللہ عنہما روایت کرتے ہیں کہ رسول اللہ صلی اللہ علیہ وسلم ‘ ابوبکر اور عمر رضی اللہ عنہما عیدین کی نماز‘ خطبے سے پہلے پڑھا کرتے تھے۔ (بخاری و مسلم)
Bulugh al-Maram #391
وَعَنِ ابْنِ عَبَّاسٍ: أَنَّ النَّبِيَّ - صلى الله عليه وسلم - صَلَّى يَوْمَ الْعِيدِ رَكْعَتَيْنِ، لَمْ يُصَلِّ [ص:142] قَبْلَهَا وَلَا بَعْدَهَا. أَخْرَجَهُ السَّبْعَةُ.
اردو ترجمہ · UrduUnverified translation
حضرت ابن عباس رضی اللہ عنہما سے مروی ہے کہ نبی صلی اللہ علیہ وسلم نے عید کے روز دو ہی رکعتیں ادا فرمائیں‘ نہ پہلے کچھ پڑھا اور نہ بعد میں کوئی نماز پڑھی۔ (اسے ساتوں نے روایت کیا ہے۔)
Bulugh al-Maram #392
وَعَنْهُ: أَنَّ النَّبِيَّ - صلى الله عليه وسلم - صَلَّى الْعِيدَ بِلَا أَذَانٍ، وَلَا إِقَامَةٍ. أَخْرَجَهُ أَبُو دَاوُدَ. وَأَصْلُهُ فِي الْبُخَارِيِّ.
اردو ترجمہ · UrduUnverified translation
حضرت ابن عباس رضی اللہ عنہما ہی سے مروی ہے کہ نبی صلی اللہ علیہ وسلم نے نماز عید بلا اذان و اقامت ادا فرمائی۔ (اسے ابوداود نے روایت کیا ہے اور اس کی اصل بخاری میں ہے۔)
Bulugh al-Maram #393
وَعَنْ أَبِي سَعِيدٍ قَالَ: كَانَ رَسُولُ اللَّهِ - صلى الله عليه وسلم - لَا يُصَلِّي قَبْلَ الْعِيدِ شَيْئًا، فَإِذَا رَجَعَ إِلَى مَنْزِلِهِ صَلَّى رَكْعَتَيْنِ. رَوَاهُ ابْنُ مَاجَهْ بِإِسْنَادٍ حَسَنٍ.
اردو ترجمہ · UrduUnverified translation
حضرت ابوسعید خدری رضی اللہ عنہ سے مروی ہے‘ انھوں نے بیان کیا کہ نبی صلی اللہ علیہ وسلم نماز عید سے پہلے کوئی نماز نہیں پڑھتے تھے‘ البتہ جب (نماز عید کی ادائیگی کے بعد) واپس گھر تشریف لاتے تو دو رکعت نماز (نفل) ادا فرماتے۔ (اسے ابن ماجہ نے حسن سند کے ساتھ روایت کیا ہے۔)
Bulugh al-Maram #394
وَعَنْهُ قَالَ: كَانَ رَسُولُ اللَّهِ - صلى الله عليه وسلم - يَخْرُجُ يَوْمَ الْفِطْرِ وَالْأَضْحَى إِلَى الْمُصَلَّى، وَأَوَّلُ شَيْءٍ يَبْدَأُ بِهِ الصَّلَاةُ، ثُمَّ يَنْصَرِفُ فَيَقُومُ مُقَابِلَ النَّاسِ - وَالنَّاسُ عَلَى صُفُوفِهِمْ - فَيَعِظُهُمْ وَيَأْمُرُهُمْ. مُتَّفَقٌ عَلَيْهِ.
اردو ترجمہ · UrduUnverified translation
حضرت ابوسعید خدری رضی اللہ عنہ ہی سے مروی ہے کہ نبی صلی اللہ علیہ وسلم عیدالفطر اور عید الاضحی کے لیے عیدگاہ کی طرف تشریف لے جاتے اور پہلی چیز جس سے آپ آغاز فرماتے وہ نماز ہوتی۔ ادائیگی ٔ نماز کے بعد رخ پھیر کر لوگوں کے سامنے کھڑے ہوتے اور لوگ اس وقت اپنی صفوں میں بیٹھے رہتے ‘ چنانچہ آپ انھیں وعظ و نصیحت فرماتے اور نیکی کا حکم کرتے۔ (بخاری و مسلم)
Bulugh al-Maram #395
وَعَنْ عَمْرِوِ بْنِ شُعَيْبٍ عَنْ أَبِيهِ عَنْ جَدِّهِ قَالَ: قَالَ نَبِيُّ اللَّهِ - صلى الله عليه وسلم:- ((التَّكْبِيرُ فِي الْفِطْرِ سَبْعٌ فِي الْأُولَى وَخَمْسٌ فِي الْآخِرَةِ، وَالْقِرَاءَةُ بَعْدَهُمَا كِلْتَيْهِمَا)). أَخْرَجَهُ أَبُو دَاوُدَ. وَنَقَلَ التِّرْمِذِيُّ عَنِ الْبُخَارِيِّ تَصْحِيحَهُ.
اردو ترجمہ · UrduUnverified translation
حضرت عمرو بن شعیب اپنے باپ سے اور وہ اپنے دادا سے روایت کرتے ہیں‘ نبی صلی اللہ علیہ وسلم نے فرمایا: ’’عیدالفطر کی نماز کی پہلی رکعت میں سات تکبیریں اور دوسری میں پانچ ہیں۔ دونوں رکعتوں میں قراء ت تکبیرات کے بعد ہے۔‘‘ (اسے ابوداود نے روایت کیا ہے اور امام ترمذی نے امام بخاری رحمہ اللہ سے اس کی صحت نقل کی ہے۔)
Bulugh al-Maram #396
وَعَنْ أَبِي وَاقِدٍ اللَّيْثِيِّ قَالَ: كَانَ النَّبِيُّ - صلى الله عليه وسلم - يَقْرَأُ فِي الْأَضْحَى وَالْفِطْرِ بِـ (ق) ، وَ (اقْتَرَبَتْ) أَخْرَجَهُ مُسْلِمٌ.
اردو ترجمہ · UrduUnverified translation
حضرت ابوواقد لیثی رضی اللہ عنہ سے مروی ہے کہ نبی صلی اللہ علیہ وسلم عیدالاضحیٰ اور عیدالفطر کی نماز میں سورۂ قٓ اور سورۂ اِقْتَرَبَتِ السَّاعَۃُتلاوت فرماتے تھے۔ (اسے مسلم نے روایت کیا ہے۔)
Bulugh al-Maram #397
وَعَنْ جَابِرٍ - رضي الله عنه - قَالَ: كَانَ رَسُولُ اللَّهِ - صلى الله عليه وسلم - إِذَا كَانَ يَوْمُ الْعِيدِ خَالَفَ الطَّرِيقَ. أَخْرَجَهُ الْبُخَارِيُّ. وَلِأَبِي دَاوُدَ: عَنِ ابْنِ عُمَرَ، نَحْوُهُ.
اردو ترجمہ · UrduUnverified translation
حضرت جابر رضی اللہ عنہ سے مروی ہے کہ رسول اللہ صلی اللہ علیہ وسلم عید کے روز عیدگاہ کے لیے جانے اور واپسی کے لیے راستہ تبدیل کرتے تھے۔ (اسے بخاری نے روایت کیا ہے۔ اور ابوداود میں ابن عمر رضی اللہ عنہما سے بھی اسی طرح روایت ہے۔)
Bulugh al-Maram #398
وَعَنْ أَنَسٍ قَالَ: قَدِمَ رَسُولُ اللَّهِ - صلى الله عليه وسلم - الْمَدِينَةَ، وَلَهُمْ يَوْمَانِ يَلْعَبُونَ فِيهِمَا. فَقَالَ: ((قَدْ أَبْدَلَكُمُ اللَّهُ بِهِمَا خَيْرًا مِنْهُمَا: يَوْمَ الْأَضْحَى، وَيَوْمَ الْفِطْرِ)). أَخْرَجَهُ أَبُو دَاوُدَ، وَالنَّسَائِيُّ بِإِسْنَادٍ صَحِيحٍ.
اردو ترجمہ · UrduUnverified translation
حضرت انس رضی اللہ عنہ سے مروی ہے کہ رسول اللہ صلی اللہ علیہ وسلم مدینہ منورہ تشریف لائے تو اہل مدینہ کے دو روز کھیل کود کے لیے مقرر تھے۔ آپ نے فرمایا: ’’اللہ تعالیٰ نے تمھیں ان دونوں دنوں کے بدلے میں ان سے بہتر دو دن عنایت فرما دیے ہیں: ایک عیدالاضحیٰ کا دن اور دوسرا عیدالفطر کا۔‘‘ (اسے ابوداود اور نسائی نے صحیح سند کے ساتھ روایت کیا ہے۔)
Bulugh al-Maram #399
وَعَنْ عَلِيٍّ - رضي الله عنه - قَالَ: مِنَ السُّنَّةِ أَنْ يَخْرُجَ إِلَى الْعِيدِ مَاشِيًا. رَوَاهُ التِّرْمِذِيُّ، وَحَسَّنَهُ.
اردو ترجمہ · UrduUnverified translation
حضرت علی رضی اللہ عنہ بیان کرتے ہیں کہ عیدگاہ کی جانب پیدل چل کر جانا سنت ہے۔ (اسے ترمذی نے نقل کیا ہے اور حسن قرار دیا ہے۔)
Bulugh al-Maram #400
وَعَنْ أَبِي هُرَيْرَةَ - رضي الله عنه: أَنَّهُمْ أَصَابَهُمْ مَطَرٌ فِي يَوْمِ عِيدٍ. فَصَلَّى بِهِمْ النَّبِيُّ - صلى الله عليه وسلم - صَلَاةَ الْعِيدِ فِي الْمَسْجِدِ. رَوَاهُ أَبُو دَاوُدَ بِإِسْنَادٍ لَيِّنٍ.
اردو ترجمہ · UrduUnverified translation
حضرت ابوہریرہ رضی اللہ عنہ سے مروی ہے کہ ایک موقع پر عید کے روز بارش ہو گئی تو نبی صلی اللہ علیہ وسلم نے انھیں نماز عید مسجد میں پڑھائی۔ (اسے ابوداود نے کمزور سند سے روایت کیا ہے۔)
