اردو ترجمہ · UrduUnverified translation

حضرت عبداللہ بن عمر اور حضرت ابوہریرہ رضی اللہ عنہم سے مروی ہے کہ انھوں نے رسول اللہ صلی اللہ علیہ وسلم کو اپنے منبر پر یہ فرماتے سنا ہے: ’’لوگ نماز جمعہ چھوڑنے سے ضرور باز آجائیں ورنہ اللہ تعالیٰ ان کے دلوں پر مہر لگا دے گا‘ پھر وہ غافلین میں سے ہو جائیں گے۔‘‘ (اسے مسلم نے روایت کیا ہے۔)

اردو ترجمہ · UrduUnverified translation

حضرت سلمہ بن اکوع رضی اللہ عنہ سے مروی ہے کہ ہم رسول اللہ صلی اللہ علیہ وسلم کے ساتھ جمعہ ادا کرتے تھے‘ پھر جب ہم جمعے سے فارغ ہوکر اپنے گھروں کو جاتے تو اس وقت دیواروں کا سایہ نہیں ہوتا تھا کہ ہم اس میں بیٹھ کر آرام کر لیں (یا اس سائے میں چل کر گھر پہنچ جائیں۔) (بخاری و مسلم- الفاظ بخاری کے ہیں۔) اور مسلم میں ہے کہ ہم آپ کے ساتھ نماز جمعہ ادا کرتے جب زوال ہو جاتا‘ پھر ہم واپس ہوتے تو بڑی جستجو سے سایہ تلاش کرتے۔

اردو ترجمہ · UrduUnverified translation

حضرت سہل بن سعد رضی اللہ عنہ سے مروی ہے کہ (جمعے کے روز) ہم قیلولے (دوپہر کا آرام) اور کھانے کا اہتمام نماز جمعہ کے بعد کرتے تھے۔ (بخاری و مسلم- الفاظ مسلم کے ہیں۔) اور ایک روایت میں ہے: رسول اللہ صلی اللہ علیہ وسلم کے عہد مبارک میں ہم ایسا کرتے تھے۔

اردو ترجمہ · UrduUnverified translation

حضرت جابر رضی اللہ عنہ کا بیان ہے کہ نبی صلی اللہ علیہ وسلم کھڑے ہوئے جمعہ کا خطبہ ارشاد فرما رہے تھے کہ شام سے ایک تجارتی قافلہ آگیا۔ سب لوگ جلدی سے اس قافلے کی طرف کھسک گئے اور صرف بارہ آدمی (خطبہ سننے کے لیے) باقی رہ گئے۔ (اسے مسلم نے روایت کیا ہے۔)

اردو ترجمہ · UrduUnverified translation

حضرت ابن عمر رضی اللہ عنہما سے مروی ہے‘ رسول اللہ صلی اللہ علیہ وسلم نے فرمایا: ’’جس کسی نے نماز جمعہ یا کسی دوسری نماز کی ایک رکعت (جماعت کے ساتھ) پا لی تو وہ دوسری رکعت (بقیہ نماز) اس کے ساتھ ملا لے۔ اور اس کی نماز پوری ہوجائے گی۔‘‘ (اسے نسائی‘ ابن ماجہ اور دارقطنی نے روایت کیا ہے۔ یہ الفاظ دارقطنی کے ہیں اور اس کی سند صحیح ہے لیکن ابوحاتم نے اس کے مرسل ہونے کو قوی قرار دیا ہے۔)

اردو ترجمہ · UrduUnverified translation

حضرت جابر بن سمرہ رضی اللہ عنہ سے مروی ہے کہ نبی صلی اللہ علیہ وسلم کھڑے ہو کر خطبہ ٔجمعہ ارشاد فرماتے‘ (پھر درمیان میں تھوڑا سا) بیٹھ جاتے‘ پھر کھڑے ہو کر خطاب فرماتے‘ چنانچہ جس کسی نے تمھیں یہ اطلاع دی کہ آپ بیٹھ کر خطبہ دیتے تھے تو اس نے بالکل جھوٹ بولا۔ (اسے مسلم نے روایت کیا ہے۔)

اردو ترجمہ · UrduUnverified translation

حضرت جابر بن عبداللہ رضی اللہ عنہما سے مروی ہے کہ جب رسول اللہ صلی اللہ علیہ وسلم خطبہ ارشاد فرماتے تو آپ کی آنکھیں سرخ ہو جاتیں‘ آواز بلند ہو جاتی اور غصہ سخت ہو جاتا حتی کہ آپ کی کیفیت اس طرح ہو جاتی جیسے کسی لشکر (کے حملے) سے ڈرا رہے ہیں کہ ’’دشمن کا لشکر صبح کو پہنچا یا شام کو پہنچا‘‘ اور فرماتے: ’’حمد و صلاۃ کے بعد‘ بہترین بات اللہ کی کتاب ہے اور بہترین طریقہ محمد ( صلی اللہ علیہ وسلم ) کا طریقہ ہے۔ (کاموں میں سے) بدترین کام‘ نئے کام ہیں اور ہر بدعت گمراہی ہے۔ ‘‘ (اسے مسلم نے روایت کیا ہے۔) اور مسلم ہی کی ایک روایت میں ہے: جمعے کے روز نبی صلی اللہ علیہ وسلم کا خطبہ (یوں) ہوتا تھا کہ اللہ کی حمد و ثنا بیان کرتے‘ پھر اس کے بعد (خطبہ) ارشاد فرماتے اور آپ کی آواز بلند ہو جاتی۔ اور مسلم ہی کی ایک روایت میں یہ ہے: ’’جسے اللہ راہ ہدایت پر گامزن فرما دے اسے کوئی گمراہ کرنے والا نہیں اور جسے وہ گمراہ کر دے اسے ہدایت دینے والا کوئی نہیں۔‘‘ اور نسائی میں ہے : ’’اور ہر گمراہی آگ میں لے جانے والی ہے۔‘‘

اردو ترجمہ · UrduUnverified translation

حضرت عمار بن یاسر رضی اللہ عنہ سے مروی ہے کہ میں نے رسول اللہ کو یہ فرماتے سنا ہے: ’’آدمی کی نماز کا لمبا ہونا اور خطبے کا مختصر ہونا اس کی فقاہت کی نشانی ہے۔‘‘ (اسے مسلم نے روایت کیا ہے۔)

اردو ترجمہ · UrduUnverified translation

حضرت ام ہشام بنت حارثہ رضی اللہ عنہا بیان کرتی ہیں کہ میں نے سورۂ قٓ رسول اللہ صلی اللہ علیہ وسلم کی زبان سے سن سن کر ازبر کر لی‘ آپ ہر جمعہ اس سورت کو منبر پر خطبہ ٔجمعہ میں تلاوت فرماتے تھے۔ (اسے مسلم نے روایت کیا ہے۔)

اردو ترجمہ · UrduUnverified translation

حضرت ابن عباس رضی اللہ عنہما سے روایت ہے‘ رسول اللہ صلی اللہ علیہ وسلم نے فرمایا: ’’جس شخص نے جمعے کے روز اس وقت بات کی جب امام خطبہ دے رہا ہو تو وہ شخص اس گدھے کی طرح ہے جس نے کتابیں اٹھائی ہوئی ہوں۔ اور وہ شخص جس نے اسے کہا کہ خاموش رہ‘ اس کا جمعہ نہیں۔‘‘ (اسے احمد نے ایسی سند سے روایت کیا جس میں کوئی حرج نہیں ہے۔) اور یہ حدیث حضرت ابوہریرہ رضی اللہ عنہ سے مروی حدیث کی تفسیر کرتی ہے جو صحیحین میں مرفوعاً منقول ہے: ’’جب تم نے اپنے ساتھی سے جمعے کے دن کہا کہ چپ رہ اور امام اس وقت خطبہ دے رہا ہو تو تو نے بھی لغو بات کی۔‘‘

اردو ترجمہ · UrduUnverified translation

حضرت جابر رضی اللہ عنہ کا بیان ہے کہ جمعے کے روز ایک آدمی مسجد میں داخل ہوا۔ نبی صلی اللہ علیہ وسلم اس وقت خطبہ ارشاد فرما رہے تھے۔ آپ نے اس سے دریافت فرمایا: ’’نماز پڑھی ہے؟‘‘ اس نے کہا: نہیں۔ آپ نے فرمایا: ’’ اٹھ اور دو رکعت نماز ادا کر۔‘‘ (بخاری و مسلم)

اردو ترجمہ · UrduUnverified translation

حضرت ابن عباس رضی اللہ عنہما سے مروی ہے کہ نبی صلی اللہ علیہ وسلم جمعے کی نماز میں سورۂ جمعہ اور سورۂ منافقون پڑھا کرتے تھے۔ (اسے مسلم نے روایت کیا ہے۔) اور مسلم ہی کی ایک روایت میں حضرت نعمان بن بشیر رضی اللہ عنہما سے مروی ہے کہ آپ صلی اللہ علیہ وسلم نماز عیدین اور نماز جمعہ میں ﴿سَبِّحِ اسْمَ رَبِّکَ الْاَعْلٰی ﴾ اور ﴿ ھَلْ اَتَاکَ حَدِیْثُ الْغَاشِیَۃ ﴾ پڑھتے تھے۔

اردو ترجمہ · UrduUnverified translation

حضرت زید بن ارقم رضی اللہ عنہ سے مروی ہے کہ نبی صلی اللہ علیہ وسلم نے نماز عید پڑھی اور جمعہ کے بارے میں رخصت و اجازت دے دی اور فرمایا: ’’جو پڑھنا چاہے پڑھ لے۔‘‘ (اسے ترمذی کے علاوہ پانچوں نے روایت کیا ہے اور ابن خزیمہ نے صحیح قرار دیا ہے۔)

اردو ترجمہ · UrduUnverified translation

حضرت ابوہریرہ رضی اللہ عنہ سے مروی ہے‘ رسول اللہ صلی اللہ علیہ وسلم نے فرمایا: ’’جب تم میں سے کوئی جمعہ پڑھے تو اس کے بعد چار رکعتیں پڑھے۔‘‘ (اسے مسلم نے روایت کیا ہے۔)

اردو ترجمہ · UrduUnverified translation

حضرت سائب بن یزید رضی اللہ عنہ کا بیان ہے کہ حضرت معاویہ رضی اللہ عنہ نے کہا: جب تم نماز جمعہ پڑھو تو پھر دوسری کوئی نماز اس کے ساتھ نہ ملاؤ حتی کہ تم کسی سے کوئی بات کر لو یا وہاں سے نکل جاؤ کیونکہ رسول اللہ صلی اللہ علیہ وسلم نے ہمیں اسی طرح حکم دیا تھا کہ ہم کسی نماز کے ساتھ دوسری نماز نہ ملائیں حتی کہ ہم کوئی بات کر لیں یا وہاں سے نکل جائیں۔ (اسے مسلم نے روایت کیا ہے۔)

اردو ترجمہ · UrduUnverified translation

حضرت ابوہریرہ رضی اللہ عنہ سے مروی ہے‘ رسول اللہ صلی اللہ علیہ وسلم نے فرمایا: ’’جو شخص غسل کر کے جمعہ کے لیے آئے‘ پھر نماز پڑھے جتنی اس کے لیے مقدر ہو‘ پھر خاموشی سے اس وقت تک بیٹھا رہے جب تک کہ امام خطبۂجمعہ سے فارغ ہو جائے‘ پھر امام کے ساتھ فرض نماز ادا کرے تو اس کے دو جمعوں کے درمیان کے گناہ معاف کر دیے جاتے ہیں بلکہ مزید تین دنوں کے بھی۔‘‘ (اسے مسلم نے روایت کیا ہے۔)

اردو ترجمہ · UrduUnverified translation

حضرت ابوہریرہ رضی اللہ عنہ ہی سے مروی ہے کہ رسول اللہ صلی اللہ علیہ وسلم نے جمعے کے دن کا ذکر کیا اور فرمایا: ’’اس میں ایک ایسی گھڑی ہے کہ جو بندۂ مسلم اس گھڑی میں نماز پڑھتے ہوئے اللہ تعالیٰ سے کسی چیز کا سوال کرے تو اللہ تعالیٰ وہ اسے ضرور عنایت فرماتا ہے۔‘‘ اور آپ نے اپنے دست مبارک سے اشارہ کیا کہ وہ وقت بہت تھوڑا سا ہے۔ (بخاری و مسلم)اور مسلم کی ایک روایت میں ہے: وہ وقت خفیف سا ہوتا ہے۔

اردو ترجمہ · UrduUnverified translation

حضرت ابوبردہ رحمہ اللہ نے اپنے والد حضرت (ابوموسیٰ اشعری رضی اللہ عنہ ) سے بیان کیا ‘ ان کے والد کہتے ہیں کہ میں نے رسول اللہ صلی اللہ علیہ وسلم کو یہ فرماتے سنا ہے: ’’وہ گھڑی امام کے منبر پر بیٹھنے کے وقت سے لے کر اختتام جماعت تک کے دوران میں ہے۔‘‘ (اسے مسلم نے روایت کیا ہے۔) اور دارقطنی نے اس بات کو ترجیح دی ہے کہ یہ ابوبردہ رحمہ اللہ کا قول ہے۔ اور حضرت عبداللہ بن سلام رضی اللہ عنہ سے ابن ماجہ نے اور حضرت جابر رضی اللہ عنہ سے ابوداود اور نسائی نے روایت نقل کی ہے: وہ گھڑی نماز عصر سے غروب آفتاب تک کے درمیانی عرصے میں ہے۔ اس گھڑی کی بابت کافی اختلاف ہے حتی کہ اس کے بارے میں چالیس سے زیادہ اقوال (آراء) ہیں۔ میں نے ان سب کو (فتح الباری) شرح بخاری میں لکھ دیاہے۔

اردو ترجمہ · UrduUnverified translation

حضرت جابر رضی اللہ عنہ سے مروی ہے‘ انھوں نے کہا: یہ طریقہ جاری رہا ہے کہ چالیس یا اس سے زیادہ تعداد میں جمعہ ہے۔ (اسے دارقطنی نے ضعیف سند سے روایت کیاہے۔)

اردو ترجمہ · UrduUnverified translation

حضرت سمرہ بن جندب رضی اللہ عنہ سے مروی ہے کہ نبی صلی اللہ علیہ وسلم ہر جمعے میں مومن مردوں اور مومن عورتوں کے لیے بخشش کی دعا فرمایا کرتے تھے۔ (اسے بزار نے کمزور سند سے روایت کیا ہے۔)

اردو ترجمہ · UrduUnverified translation

حضرت جابر بن سمرہ رضی اللہ عنہ سے مروی ہے کہ نبی صلی اللہ علیہ وسلم قرآن حمید کی چند آیات خطبۂجمعہ میں تلاوت فرما کر لوگوں کو نصیحت فرماتے تھے۔ (اسے ابوداود نے روایت کیا ہے اور اس کی اصل مسلم میں ہے۔)

اردو ترجمہ · UrduUnverified translation

حضرت طارق بن شہاب رضی اللہ عنہ سے مروی ہے‘ رسول اللہ صلی اللہ علیہ وسلم نے فرمایا: ’’جمعہ کو باجماعت ادا کرنا ہر مسلمان پر واجب ہے مگر چار قسم کے لوگ اس سے مستثنیٰ ہیں: غلام‘ عورت‘ بچہ اور مریض۔‘‘ (اسے ابوداود نے روایت کیا ہے اور (ساتھ ہی) یہ بھی کہا ہے کہ طارق رضی اللہ عنہ نے (براہ راست) نبی صلی اللہ علیہ وسلم سے سماع نہیں کیا۔ یہی روایت حاکم نے ذکر کی ہے جس میں طارق رضی اللہ عنہ (جن کا ذکر کیا گیا ہے) نے حضرت ابوموسیٰ رضی اللہ عنہ کے حوالے سے بیان کیا ہے۔

اردو ترجمہ · UrduUnverified translation

حضرت ابن عمر رضی اللہ عنہما سے مروی ہے‘ رسول اللہ صلی اللہ علیہ وسلم نے فرمایا: ’’ مسافر پر جمعہ فرض نہیں۔‘‘ (اسے طبرانی نے ضعیف سند سے روایت کیا ہے۔)

اردو ترجمہ · UrduUnverified translation

حضرت عبداللہ بن مسعود رضی اللہ عنہ سے مروی ہے کہ رسول اللہ صلی اللہ علیہ وسلم جب منبر پر کھڑے ہو جاتے تو ہم اپنے رخ آپ کی طرف کر لیتے۔ (اسے ترمذی نے ضعیف سند سے روایت کیا ہے۔ اس کا ایک شاہد حضرت براء کی حدیث سے ابن خزیمہ میں موجود ہے۔)

اردو ترجمہ · UrduUnverified translation

حضرت حکم بن حزن رضی اللہ عنہ سے مروی ہے کہ ہم نبی صلی اللہ علیہ وسلم کے ساتھ جمعہ میں حاضر تھے۔ آپ لاٹھی یا کمان کا سہارا لے کر کھڑے ہوئے۔ (اسے ابوداود نے روایت کیا ہے۔)