31
إِلَّآ إِبْلِيسَ أَبَىٰٓ أَن يَكُونَ مَعَ ٱلسَّٰجِدِينَ
Магар Иблис сажда қилувчилар билан бирга бўлишдан бош тортди.
Лекин ўзи фаришта бўлмаса ҳам уларнинг орасида турган Иблис Одамга сажда қилишдан бош тортди.
Al-Hijr 15:31Listen in Qur'an →
سُورَةُ الحِجۡرِ
Reading Al-Mukhtasar in Interpreting the Noble Qur'an by Tafsir Center for Quranic Studies
Ayahs 31–40 of 99
32
قَالَ يَٰٓإِبْلِيسُ مَا لَكَ أَلَّا تَكُونَ مَعَ ٱلسَّٰجِدِينَ
У зот: «Эй иблис! Сенга не бўлди, сажда қилувчилар билан бирга бўлмаслигингга?» деди.
Иблис Одамга сажда қилишдан бош тортгач, Аллоҳ унга деди: "Фаришталар фармонимни бажариб, Одамга сажда қилдилар. Не сабабдан сен уларга қўшилмадинг?"
Al-Hijr 15:32Listen in Qur'an →
33
قَالَ لَمْ أَكُن لِّأَسْجُدَ لِبَشَرٍ خَلَقْتَهُۥ مِن صَلْصَٰلٍۢ مِّنْ حَمَإٍۢ مَّسْنُونٍۢ
У: «Сен қуруқ лойдан, ўзгартирилган қора балчиқдан яратган башарга сажда қила олмасдим», деди.
Иблис мутакаббирлик қилиб деди: "Менинг қуруқ лойдан, айниган қора балчиқдан яратилган махлуққа сажда қилишим тўғри эмас".
Al-Hijr 15:33Listen in Qur'an →
34
قَالَ فَٱخْرُجْ مِنْهَا فَإِنَّكَ رَجِيمٌۭ
У зот: «Бас, сен ундан чиқ! Албатта, сен қувилгансан!
Аллоҳ Иблисга деди: "Чиқ жаннатдан. Энди сен қувилгансан".
Al-Hijr 15:34Listen in Qur'an →
35
وَإِنَّ عَلَيْكَ ٱللَّعْنَةَ إِلَىٰ يَوْمِ ٱلدِّينِ
Ва, албатта, сенга то жазо кунигача лаънат бўлур!» деди.
То Қиёмат кунига қадар сенга лаънат бўлгай, раҳматимдан қувилгайсан.
Al-Hijr 15:35Listen in Qur'an →
36
قَالَ رَبِّ فَأَنظِرْنِىٓ إِلَىٰ يَوْمِ يُبْعَثُونَ
У: «Эй Роббим, мени улар қайта тириладиган кунгача қўйиб қўйгин», деди.
Иблис деди: "Парвардигорим, одамлар қайта тириладиган кунга қадар менга ҳаёт бер, жонимни олма".
Al-Hijr 15:36Listen in Qur'an →
37
قَالَ فَإِنَّكَ مِنَ ٱلْمُنظَرِينَ
У зот: «Албатта, сен қўйиб қўйилганлардансан.
Аллоҳ деди: "Сен ажали кечиктирилган, муҳлат берилганлардансан".
Al-Hijr 15:37Listen in Qur'an →
38
إِلَىٰ يَوْمِ ٱلْوَقْتِ ٱلْمَعْلُومِ
Маълум вақт кунигача», деди.
Биринчи сур чалинган пайтдаги ҳамма махлуқотлар ўладиган кунгача.
Al-Hijr 15:38Listen in Qur'an →
39
قَالَ رَبِّ بِمَآ أَغْوَيْتَنِى لَأُزَيِّنَنَّ لَهُمْ فِى ٱلْأَرْضِ وَلَأُغْوِيَنَّهُمْ أَجْمَعِينَ
У: «Эй Роббим, мени залолатга кетказганинг сабабидан, албатта, мен уларга ер юзида (гуноҳларни) зийнатлаб кўрсатаман ва, албатта, уларнинг ҳаммасини иғво қиламан.
Иблис деди: "Парвардигорим, мени йўлдан оздирганинг туфайли мен ҳам уларга ер юзида гуноҳ ишларни чиройли қилиб кўрсатиб, ҳаммаларини тўғри йўлдан оздираман".
Al-Hijr 15:39Listen in Qur'an →
40
إِلَّا عِبَادَكَ مِنْهُمُ ٱلْمُخْلَصِينَ
Магар, улардан танланган бандаларингни (адаштира олмайман)», деди.
Ўзинг танлаб олган муваҳҳид бандаларинг бундан мустасно.
Al-Hijr 15:40Listen in Qur'an →
Commentary: Al-Mukhtasar in Interpreting the Noble Qur'an by Tafsir Center for Quranic Studies. Qur'an text and translation via AlQuran Cloud.