اردو ترجمہ · Urdu

(١٠١٤٩) مجاہد، ابن عباس (رض) سے نقل فرماتے ہیں کہ قربانی کے جانور ٨ قسم کے ہیں۔

اردو ترجمہ · Urdu

(١٠١٥٠) عطاء بن ابی رباح، ابن عباس (رض) سے نقل فرماتے ہیں کہ ٨ قسم کے جانور (نر و مادہ) قربانی کے اونٹ، گائے، بکری، بھیڑ استطاعت کے مطابق جتنا بڑا ہو، اتنا ہی افضل ہے۔

اردو ترجمہ · Urdu

(١٠١٥١) ابوجعفر فرماتے ہیں کہ ایک آدمی نے حضرت علی (رض) سے قربانی کے متعلق سوال کیا کہ وہ کس سے ہو ؟ حضرت علی (رض) فرماتے ہیں : ٨ قسم کے جانوروں سے گویا کہ آدمی کو اس میں شک گزرا تو حضرت علی (رض) نے فرمایا : کیا تم قرآن کی تلاوت کرتے ہو ؟ اس نے کہا : ہاں، فرمایا : کیا آپ نے اللہ کا یہ فرمان سن رکھا ہے : { یٰٓأَیُّھَا الَّذِیْنَ اٰمَنُوْٓا اَوْفُوْا بِالْعُقُوْدِ ٥ اُحِلَّتْ لَکُمْ بَھِیْمَۃُ الْاَنْعَامِ } الایۃ (المائدۃ : ١) ” مسلمانوں اللہ کے حکموں کو پورا کرو، چار پائے چرنے والے جانور تمہارے لیے حلال ہیں۔ “ اس نے کہا : ہاں، فرمایا : کیا آپ نے اللہ کا یہ فرمان بھی سن رکھا ہے : { لِّیَذْکُرُوا اسْمَ اللّٰہِ عَلٰی مَا رَزَقَھُمْ مِّنْ بَھِیْمَۃِ الْاَنْعَامِ } الایۃ (الحج : ٣٤) ” تاکہ اللہ کا نام ذکر کریں، جو ہم نے ان کو عطا کیا پائے ہو چار پایوں پر۔ “ اور اللہ کا یہ فرمان : { وَ مِنَ الْاَنْعَامِ حَمُوْلَۃً وَّ فَرْشًا کُلُوْا مِمَّا رَزَقَکُمُ اللّٰہُ } الآیۃ (الانعام : ١٤٢) ” اور چوپائے جانوروں میں سے اس نے بوجھ لادنے والے اور زمین کے ساتھ لگے ہوئے پیدا کیے، لوگو اللہ نے جو رزق دیا اسے تم کھاؤ۔ “ کیا آپ نے اللہ کا یہ فرمان بھی سن رکھا ہے۔ { مِنَ الضَّاْنِ اثْنَیْنِ وَ مِنَ الْمَعْزِاثْنَیْنِ قُلْ ئٰٓ الذَّکَرَیْنِ حَرَّمَ اَمِ الْاُنْثَیَیْنِ اَمَّا اشْتَمَلَتْ عَلَیْہِ اَرْحَامُ الْاُنْثَیَیْنِ نَبِّئُوْنِیْ بِعِلْمٍ اِنْ کُنْتُمْ صٰدِقِیْنَ ۔ وَ مِنَ الْاِبِلِ اثْنَیْنِ وَ مِنَ الْبَقَرِ اثْنَیْنِ } الآیۃ (الانعام : ١٤٣) ”(چار جوڑے) دو بھیڑیں (نر اور مادہ) اور دو بکریاں (نر و مادہ) (اے پیغمبر) کہہ دے : کیا اللہ نے (ان بھیڑ بکری میں سے) دو نروں کو (یعنی مینڈھے اور بکرے کو) حرام کیا ہے، یا دونوں مادوں کو (بھیڑ اور بکری کو) یا ان دونوں مادوں کے پیٹ میں جو (بچہ) ہے، اگر تم سچے ہو تو مجھے سند سے بتاؤ۔ اور گائے میں سے دو (نر و مادہ) اے پیغمبر ! کہہ دیں : کیا اللہ نے دونوں نروں کو یعنی اونٹ اور بیل کو حرام کیا ہے یا دونوں مادوں کو یعنی اونٹنی اور گائے کو) یا دونوں مادوں کے پیٹ میں جو (بچہ) ہے اس کو۔ “ اس نے کہا : ہاں حضرت علی (رض) فرماتے ہیں کہ کیا اللہ کا یہ فرمان سن رکھا ہے۔ { یٰٓاَیُّھَا الَّذِیْنَ اٰمَنُوْا لَا تَقْتُلُوا الصَّیْدَ وَ اَنْتُمْ حُرُمٌ} الآیۃ (المائدۃ : ٩٥) ” اے لوگو ! جو ایمان لائے ہو تم احرام کی حالت میں شکار کو قتل نہ کرو۔ “ الی قولہ { ھَدْیًا بٰلِغَ الْکَعْبَۃِ } (المائدۃ : ٩٥) آدمی نے کہا : ہاں۔ اس نے کہا : میں نے ہرن کو قتل کیا ہے، میرے اوپر کیا فدیہ ہے ؟ حضرت علی (رض) فرمانے لگے : ایک قربانی، حضرت علی (رض) فرمانے لگے : یہ قربانی کعبہ میں ہونی چاہیے، جیسے اللہ نے فرمایا۔

اردو ترجمہ · Urdu

(١٠١٥٢) حضرت ابوہریرہ (رض) فرماتے ہیں کہ رسول اللہ (صلی اللہ علیہ وآلہ وسلم) نے فرمایا : جب جمعہ کا دن ہوتا ہے تو مساجد کے دروازوں پر فرشتے ہوتے ہیں، وہ پہلے آنے والوں کو درج کرتے ہیں، جب امام منبر پر تشریف رکھتا ہے تو وہ اپنے صحیفے بند کرلیتے ہیں اور ذکر کو سنتے ہیں، جلدی آنے والا ایسے ہے جیسے اونٹ کی قربانی دیتا ہے، اس کے بعد آنے والے کو گائے کی قربانی کا ثواب ملتا ہے، پھر اس کے بعد آنے والے کو مینڈھے کی قربانی کا ثواب۔ پھر اس کے بعد مرغی کے صدقہ کا ثواب پھر اس کے بعد آنے والے کو انڈہ صدقہ کرنے کا ثواب ملتا ہے