اردو ترجمہ · Urdu

(٩٠٢٤) عبداللہ بن عمر (رض) بیت اللہ کا طواف کرتے ہوئے تلبیہ نہیں کہتے تھے۔ [صحیح۔ موطا مالک ٧٤٩] شیخ صاحب فرماتے ہیں کہ صفا ومروہ کے بارے میں امام شافعی (رض) نے فرمایا : ہے کہ نبی کریم (صلی اللہ علیہ وآلہ وسلم) سے ان پر ٹھہر کر دعا کرنا اور تکبیر کہنا ہی روایت کیا گیا ہے اور ان دونوں کے درمیان سعی کرتے ہوئے دعا کرنا ہے، تو مجھے بھی یہی پسند ہے کہ میں وہ کام کروں جو آپ (صلی اللہ علیہ وآلہ وسلم) نے کیا ہے، یعنی تلبیہ کو مکروہ کہے بغیر۔

اردو ترجمہ · Urdu

(٩٠٢٥) عبداللہ بن مسعود (رض) صفا والی جانب کھڑے ہوئے اور انھوں نے تلبیہ کہا تو مسروق نے کہا : مجھے تلبیہ سے منع کیا گیا ہے تو انھوں نے فرمایا : لیکن میں تجھ کو اس کا حکم دیتا ہوں ، تلبیہ دعائے مستجاب تھی جو ابراہیم (علیہ السلام) سے قبول کی گئی۔