اردو ترجمہ · Urdu

سالم بن عبداللہ رحمہ اللہ اپنے والد ( حضرت عبداللہ بن عمر رضی اللہ عنہ ) سے روایت کرتے ہیں کہ بیشک حضرت عمر بن خطاب رضی اللہ عنہ نے فرمایا : کچھ لوگوں کو کیا ہو گیا ہے کہ وہ اپنی لونڈیوں سے مباشرت تو کرتے ہیں ، پھر انھیں الگ کر دیتے ہیں ، ( میرا یہ حکم سن لو ) میرے پاس جو کوئی لونڈی آئے اور اس کا آقا یہ اعتراف کر لے کہ وہ اس سے مباشرت کر چکا ہے تو میں اس لونڈی کا بچہ اس ( آقا ) کے ساتھ ملا دوں گا ، لہٰذا ( اب تمھاری مرضی ہے کہ ) اس کے بعد ( انھیں ) جدا کرو یا ( اس عمل کو ) ترک کرو ۔

اردو ترجمہ · Urdu

صفیہ بنت ابی عبید رحمہ اللہ سے روایت ہے کہ بے شک حضرت عمر بن خطاب رضی اللہ عنہ نے فرمایا : لوگوں کو کیا ہو گیا ہے کہ وہ اپنی لونڈیوں سے وطی ( جماع ) کرتے ہیں ، پھر ان کو ( یوں ) چھوڑ دیتے ہیں کہ وہ نکلتی پھرتی ہیں ، میرے پاس کوئی ایسی لونڈی نہ آئے گی جس کا اقا یہ اعتراف کر لے کہ وہ اس سے جماع کر چکا ہے ، مگر میں ضرور اس ( لونڈی ) کے بچے کو اس ( آقا ) کے ساتھ ملا دوں گا ۔ لہٰذا اب اس کے بعد انھیں چھوڑے رکھو یا روکے رکھو ( تمھاری مرضی ہے ) ۔