اردو ترجمہ · Urdu

امام مالک رحمہ اللہ نے ربیعہ بن ابی عبدالرحمن وغیرہ سے سنا ، وہ یہ ذکر کر رہے تھے کہ فرافصہ بن عمیر حنفی رحمہ اللہ کا ایک مکاتب غلام تھا ، اس نے ان سے یہ درخواست کی کہ وہ اپنے اوپر واجب سارے کا سارا زر کتابت اکٹھا ہی ان کے حوالے کر دے ، تو فرافصہ نے انکار کر دیا ، وہ مکاتب غلام مروان بن حکم کے پاس آ گیا اور وہ ( اس وقت ) مدینہ کے امیر تھے ، چنانچہ اس نے ان کے سامنے اس کا ذکر کیا تو مروان نے فرافصہ کو بلا لیا ، پھر مروان نے ( خود ) بھی ان سے یہی کہا لیکن فرافصہ نے انکار کر دیا تو مروان نے حکم جاری کر دیا کہ مکاتب غلام سے وہ مال لے لیا جائے اور اسے بیت المال میں رکھ دیا جائے اور مکاتب سے کہا کہ جاؤ تم یقیناً آزاد ہو چکے ہو ، جب فرافصہ نے یہ صورت حال دیکھی تو ( زرکتابت کا اکٹھا ) مال لے لیا اور مقررہ وقت سے پہلے ہی مکاتب کو آزادی مل گئی ۔