اردو ترجمہ · Urdu

زید بن اسلم رحمہ اللہ سے روایت ہے کہ بے شک حضرت عمر بن خطاب رضی اللہ عنہ یہ ( دعائیہ الفاظ بھی ) کہا کرتے تھے : اے اللہ ! یقیناً میں تجھ سے تیری راہ میں شہادت اور تیرے رسول اللہ ﷺ کے شہر میں وفات کا سوال کرتا ہوں ۔

اردو ترجمہ · Urdu

یحیی بن سعید رحمہ اللہ سے روایت ہے کہ بے شک حضرت عمر بن خطاب رضی اللہ عنہ فرمایا کرتے تھے : مومن کی عزت و تکریم ( کا معیار ) اس کا تقویٰ ہے ، اور اس کا دین ( اس کا حسب اور ) اس کی ( خاندانی شرافت سے بھی اعلیٰ ) شرافت ہی ہے ، اس کی مروّت اس کا اخلاق ( ہی ) ہے ، اور جرات و بزدلی ( وہبی اور پیدائشی ) اوصافـ ( اور طبیعتیں ) ہیں ، اللہ انھیں جہاں چاہے رکھ دیتا ہے ، ( یہ دونوں صفات کسی خاص خاندان یا فرد کی میراث نہیں ہیں ، ) بزدل تو اپنے باپ اور ماں سے بھی بھاگ جاتا ہے اور جرأت مند ایسے شخص کی طرف سے بھی ( دفاع کرتا ہے اور ) لڑتا ہے جسے وہ اپنے گھر لے کر نہیں جاتا ( اور اپنوں اور بیگانوں سب کی زندگیوں کا محافظ ہوتا ہے ، ) قتل تو موتوں میں سے ایک موت ( ہی کا نام ) ہے اور ( میدان معرکہ میں قتل ہونے کی بنا پر ) شہید صرف وہ ( شمار ) ہوتا ہے جو اپنی جان کے ثواب کی امید اللہ پر لگائے ۔