اردو ترجمہ · Urdu

حضرت ابوہریرہ رضی اللہ عنہ سے روایت ہے کہ رسول اللہ ﷺ نے فرمایا :’’ جب تم میں سے کوئی شخص اپنی نیند سے بیدار ہو تو اُسے چاہیے کہ اپنا ہاتھ دھو لے ، پہلے اس سے کہ اُسے اپنے وضو کے پانی میں داخل کرے ، کیونکہ بلاشبہ تم میں سے کوئی نہیں جانتا کہ اُس کے ہاتھ نے کہاں رات گزاری ہے ۔‘‘

اردو ترجمہ · Urdu

زید بن اسلم رحمہ اللہ سے روایت ہے کہ حضرت عمر بن خطاب رضی اللہ عنہ نے فرمایا : جب تم میں سے کوئی شخص لیٹ کر سو جائے تو اُسے چاہیے کہ وضو کرے ۔

اردو ترجمہ · Urdu

زید بن اسلم رحمہ اللہ اس آیت : {یَا أَیُّہَا الَّذِینَ آمَنُوا إِذَا قُمْتُمْ إِلَی الصَّلاَۃِ فَاغْسِلُوا وُجُوہَکُمْ وَأَیْدِیَکُمْ إِلَی الْمَرَافِقِ وَامْسَحُوا بِرُئُ وسِکُمْ وَأَرْجُلَکُمْ إِلَی الْکَعْبَیْنِ} ’’ اے ایمان والو ! جب تم نماز کی طرف اٹھو تو اپنے چہروں کو دھو لیا کرو اور اپنے ہاتھوں کو بھی کہنیوں تک اور اپنے سروں کا مسح کیا کرو اور اپنے پاؤں ٹخنوں سمیت دھویا کرو ۔‘‘ ( تو حضرت زید بن اسلم رحمہ اللہ اس ) کی تفسیر میں کہتے ہیں کہ اس سے مراد یہ ہے کہ جب تم بستروں سے یعنی نیند سے اٹھا کرو ۔ ( تو وضو کیا کرو ) ۔

اردو ترجمہ · Urdu

نافع رحمہ اللہ سے روایت ہے کہ حضرت ابن عمر رضی اللہ عنہما بیٹھے بیٹھے سو جایا کرتے تھے ، پھر وہ نماز پڑھ لیتے تھے اور ( نیا ) وضو نہیں کرتے تھے ۔