اردو ترجمہ · Urdu

ابن شہاب زہری رحمہ اللہ سے روایت ہے کہ بے شک رسول اللہ ﷺ عیدالفطر اور عیدالاضحی کے دن خطبے سے پہلے نمازِ عید ادا کیا کرتے تھے ۔

اردو ترجمہ · Urdu

امام مالک رحمہ اللہ کو یہ خبر پہنچی کہ حضرت ابوبکر رضی اللہ عنہ اور حضرت عمر بن خطاب رضی اللہ عنہ بھی ایسا ہی کرتے تھے ۔

اردو ترجمہ · Urdu

ابوعبید رضی اللہ عنہ جو حضرت عبدالرحمن بن ازہر رضی اللہ عنہ کے آزاد کردہ غلام ہیں ، روایت کرتے ہیں کہ میں حضرت عمر بن خطاب رضی اللہ عنہ کے ساتھ نمازِ عید میں حاضر ہوا ، انھوں نے نماز پڑھائی ، پھر فارغ ہو کر لوگوں کو خطبہ دیا ، ( جس میں ) فرمایا : بے شک ان دونوں ( عیدوں کے ) دنوں کا روزہ رکھنے سے رسول اللہ ﷺ نے منع فرمایا ہے ، یعنی ایک وہ دن جس میں تم روزہ رکھنا بند کر دیتے ہو ( اور جسے عیدالفطر کا دن کہتے ہیں ) اور دوسرا وہ ( عیدالاضحی کا ) دن جس میں تم اپنی قربانیوں کا گوشت کھاتے ہو ۔ ابوعبید کہتے ہیں کہ پھر میں حضرت عثمان بن عفان رضی اللہ عنہ کے ہمراہ بھی عید کے موقع پر حاضر ہوا ۔ وہ آئے اور نماز ادا کی ، پھر فارغ ہو کر خطبہ دیا اور فرمایا بے شک شان یہ ہے کہ تمھارے آج کے اس دن میں دو عیدیں ( جمعہ اور عید کی صورت میں ) جمع ہو گئی ہیں تو ( مدینہ سے باہر کی ہر ) بستی والے لوگوں میں سے جو شخص جمعہ کا انتظار کرنا پسند کرے تو وہ انتظار کر لے اور جو شخص واپس لوٹ جانا چاہے تو میں اسے اجازت دیتا ہوں … ابوعبید کہتے ہیں کہ پھر میں حضرت علی بن ابی طالب رضی اللہ عنہ کے ہمراہ بھی عید میں حاضر ہوا جس وقت کہ حضرت عثمان رضی اللہ عنہ ( گھر ہی میں نظر بند اور ) محصور تھے ، حضرت علی رضی اللہ عنہ آئے تو انھوں نے نماز پڑھی پھر فارغ ہو کر خطبہ دیا ۔