Hadith 4771–4810

EnglishUnverified translation

Daghfal ibn Hanzalah (may Allah be pleased with him) reports from the Messenger of Allah ﷺ concerning what happened to the fasting prescribed upon the Christians. > **"The Christians had the fasting of the month of Ramadan upon them. They had a king who fell ill, and he said: if Allah heals him, he will surely add ten days. Then there was a king after him who ate meat and fell ill, and he said: if Allah heals him, he will surely add eight days. Then there was a king after him who said: it is not complete with these days that we should complete them and make our fasting in spring, so they became fifty days."**

اردو ترجمہ · UrduUnverified translation

حضرت دغفل بن حنظلہ رضی اللہ عنہ نبی اکرم ﷺ کا یہ فرمان نقل کرتے ہیں : ’’ عیسائیوں پر رمضان کے روزے فرض تھے ان کا ایک بادشاہ تھا وہ بیمار ہو گیا اس نے یہ نذر مانی کہ اگر اللہ تعالیٰ نے اسے شفاء دی تو ان میں دس دن کا اضافہ کر دے گا پھر اس کے بعد ان پر ایک اور شخص بادشاہ بنا اس نے گوشت کھایا تو بیمار ہو گیا اس نے یہ کہا : اگر اللہ تعالیٰ نے اسے شفاء دی تو وہ آٹھ دن کے روزے زائد کر دے گا ، پھر اس کے بعد ایک اور شخص ان کا بادشاہ بنا اس نے کہا : ان دنوں میں جتنے باقی رہ گئے ہیں ہم انہیں مکمل کر دیں گے اور اپنے روزے موسمی بہار میں رکھ لیں گے تو یوں ان کے پچاس روزے ہو گئے ‘‘۔ یہ روایت امام طبرانی نے معجم اوسط میں اسی طرح ’’ مرفوع ‘‘ حدیث کے طور پر نقل کی ہے ۔ جس طرح آپ ملاحظہ فرما رہے ہیں جبکہ معجم کبیر میں امام طبرانی نے اسے حضرت دغفل رضی اللہ عنہ پر ’’ موقوف ‘‘ روایت کے طور پر نقل کیا ہے ‘ اور ان دونوں کی سند کے رجال ” صحیح “ کے رجال ہیں ۔

EnglishUnverified translation

Abu Umamah al-Bahili (may Allah be pleased with him) heard the Messenger of Allah ﷺ explaining the obligation of fasting and the status of night prayer, and the lesson from the Children of Israel. > **"Indeed Allah has made the fasting of Ramadan obligatory upon you, and He has not made its standing in prayer obligatory upon you. Its standing is a thing you have newly taken up, so persist in it. For some people from the Children of Israel innovated an innovation, then Allah blamed them for abandoning it, for He said: {And monasticism, they innovated it; We did not prescribe it upon them except seeking the pleasure of Allah} [al-Hadid: 27], to the end of the verse."**

اردو ترجمہ · UrduUnverified translation

حضرت ابوامامہ باہلی رضی اللہ عنہ بیان کرتے ہیں : میں نے نبی اکرم ﷺ کو یہ ارشاد فرماتے ہوئے سنا ہے : ” بے شک اللہ تعالیٰ نے تم پر رمضان کے روزے فرض قرار دیے ہیں اس نے تم پر رمضان کا قیام ( یعنی تراویح ) فرض قرار نہیں دیا ہے ‘ اس کا قیام ایک ایسی چیز ہے کہ اگر تم اس کا آغاز کرو گے تو تم اس کو باقاعدگی سے کرنا کیونکہ بنی اسرائیل سے تعلق رکھنے والے کچھ افراد نے ایک بدعت ایجاد کی ‘ تو اللہ تعالیٰ نے اس کو ترک کرنے کے حوالے سے ان پر اعتراض کرتے ہوئے یہ فرمایا : ’’ اور رہبانیت کو انہوں نے اختیار کیا تھا ہم نے ان پر لازم قرار نہیں دی تھی ان کا مقصد صرف اللہ تعالیٰ کی رضامندی کا حصول تھا ‘‘۔ یہ آیت کے آخر تک ہے ۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی زکریا بن ابومریم ہے ‘ جسے امام نسائی اور دیگر حضرات نے ’’ ضعیف ‘‘ قرار دیا ہے ۔

EnglishUnverified translation

Jabir ibn Abdillah (may Allah be pleased with them both) reports that the Messenger of Allah ﷺ described three wretched ones. > **"Whoever reaches Ramadan and does not fast it is wretched. Whoever reaches his two parents or one of them and does not treat them kindly is wretched. And whoever is mentioned before him and does not send blessings upon me is wretched."**

اردو ترجمہ · UrduUnverified translation

حضرت جابر بن عبداللہ رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ جو شخص رمضان کا مہینہ پائے اور اس میں روزے نہ رکھے وہ بدنصیب ہے ‘ جو شخص والدین کو پائے یا ان میں سے ایک کو پائے اور ان کے ساتھ اچھا سلوک نہ کرے وہ بدنصیب ہے ‘ اور جس شخص کے سامنے میرا ذکر ہو ‘ اور وہ مجھ پر درود نہ بھیجے وہ بدنصیب ہے ‘‘۔ یہ روایت امام طبرانی نے منجم اوسط میں نقل کی ہے ۔ اس کی سند میں ایک راوی فضل بن مبشر ہے ‘ اور اس کے بارے میں کلام کیا گیا ہے ۔ ابن حبان اور دیگر حضرات نے اسے ’’ ثقہ ‘‘ قرار دیا ہے ۔

EnglishUnverified translation

Anas (may Allah be pleased with him) reports that when Rajab entered, the Prophet ﷺ would supplicate for blessing and for reaching Ramadan. > **"O Allah, bless us in Rajab and Sha'ban, and convey us to Ramadan."**

اردو ترجمہ · UrduUnverified translation

حضرت انس رضی اللہ عنہ بیان کرتے ہیں : نبی اکرم ﷺ رجب کے آغاز میں یہ پڑھا کرتے تھے ’’ اے اللہ ! ہمارے لئے رجب اور شعبان میں برکت رکھ دے اور ہمیں رمضان تک پہنچا دے ‘‘۔ یہ روایت امام بزار نے اور امام طبرانی نے معجم اوسط میں نقل کی ہے ۔ اس کی سند میں ایک راوی زائدہ بن ابورقاد ہے ‘ اور اس کے بارے میں کلام کیا گیا ہے ‘ اور اس کی توثیق کی گئی ہے ۔

EnglishUnverified translation

Abu Sa'id al-Khudri (may Allah be pleased with him) reports that the Messenger of Allah ﷺ described the rank of Ramadan and Dhu al-Hijjah. > **"The master of the months is the month of Ramadan, and the greatest of them in sanctity is Dhu al-Hijjah."**

اردو ترجمہ · UrduUnverified translation

حضرت ابوسعید خدری رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ تمام مہینوں کا سردار رمضان کا مہینہ ہے ‘ اور تمام مہینوں میں سب سے زیادہ حرمت والا ذوالج ہے ‘‘۔ یہ روایت امام بزار نے نقل کی ہے ۔ اس کی سند میں ایک راوی یزید بن عبدالملک نوفلی ہے ۔

EnglishUnverified translation

Ibn Abbas (may Allah be pleased with them both) reports that the Messenger of Allah ﷺ informed of the best in each category. > **"Shall I not inform you of the best of the angels? Jibril, peace be upon him. And the best of the Prophets? Adam. And the best of the days? The day of Friday. And the best of the months? The month of Ramadan. And the best of the nights? The Night of Decree. And the best of the women? Maryam, daughter of Imran."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ کیا میں تمہیں فرشتوں میں سے افضل کے بارے میں نہ بتاؤں وہ جبرائیل ہیں ، انبیاء میں افضل حضرت آدم علیہ السلام ہیں دنوں میں افضل جمعہ کا دن ہے مہینوں میں افضل رمضان کا مہینہ ہے راتوں میں افضل شب قدر ہے ‘ اور خواتین میں افضل مریم بنت عمران ہیں ‘‘۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی نافع ابوہرمز ہے ‘ اور وہ ضعیف ہے .

EnglishUnverified translation

Abdullah ibn Mas'ud (may Allah be pleased with him) said that the master of the months is the month of Ramadan, and the master of the days is the day of Friday.

اردو ترجمہ · UrduUnverified translation

حضرت عبداللہ بن مسعود رضی اللہ عنہ فرماتے ہیں : تمام مہینوں کا سردار رمضان کا مہینہ ہے ‘ اور تمام دنوں کا سردار جمعہ کا دن ہے ۔ یہ روایت امام طبرانی نے معجم کبیر میں نقل کی ہے ۔ ابوعبیدہ نامی راوی نے اپنے والد ( یعنی حضرت عبداللہ بن مسعود رضی اللہ عنہ ) سے سماع نہیں کیا ہے ۔

EnglishUnverified translation

Abu Hurayrah (may Allah be pleased with him) reports that the Messenger of Allah ﷺ described five qualities given to his Ummah in Ramadan, and explained when their forgiveness occurs. > **"My Ummah has been given five qualities in Ramadan which no nation before them was given: the breath of the fasting person is sweeter with Allah than the scent of musk; the fish seek forgiveness for them until they break their fast; Allah, Mighty and Majestic, adorns His Paradise every day, then says: My righteous servants are about to cast off from themselves the burden and harm and come to you; the rebellious devils are chained therein, so they do not reach therein what they used to reach in other than it; and they are forgiven in the last night." It was said: O Messenger of Allah, is it the Night of Decree? He said: "No, but the worker is only paid his wage when he completes his work."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا :’’ رمضان میں میری امت کو چھ خصوصیات عطا کی گئی ہیں جو ان سے پہلے کسی امت کو نہیں دی گئی ہیں روزے دار کی منہ کی بو اللہ تعالیٰ کے نزدیک مشک کی خوشبو سے زیادہ پاکیزہ ہوتی ہے ‘ اور مچھلیاں ان لوگوں کے لئے دعائے مغفرت کرتی ہیں جب تک وہ روزے ختم نہیں کر لیتے ( یعنی عیدالفطر نہیں آ جاتی ) اور اللہ تعالیٰ روزانہ جنت کو آراستہ کرتا ہے ‘ اور پھر یہ فرماتا ہے عنقریب میرے نیک بندے ان سے پریشانی اور تکلیف ختم ہو جائے گی ‘ اور وہ تمہاری طرف آ جائیں گے اور رمضان میں شیاطین کو پابند سلاسل کر دیا جاتا ہے ‘ اور اس مہینے میں کھلا نہیں چھوڑا جاتا جس طرح دوسرے مہینے میں چھوڑا جاتا ہے ‘ اور رمضان کے آخری دنوں میں لوگوں کی مغفرت ہو جاتی ہے عرض کی گئی : یا رسول اللہ ! کیا وہ شب قدر ہوتی ہے نبی اکرم ﷺ نے ارشاد فرمایا : جی نہیں ، لیکن جب عمل کرنے والا اپنا کام مکمل کر لے تو اسے اس کا معاوضہ دیا جاتا ہے ‘‘۔ یہ روایت امام احمد نے اور امام بزار نے نقل کی ہے ۔ اس کی سند میں ایک راوی ہشام بن زیاد ابومقدام ہے ‘ اور وہ ضعیف ہے ۔

EnglishUnverified translation

Abu Hurayrah (may Allah be pleased with him) reports that the Messenger of Allah ﷺ swore an oath concerning how Ramadan differs for Muslims and hypocrites. > **"No month has come upon the Muslims better for them than Ramadan, and no month has come upon the hypocrites worse for them than Ramadan. That is because the believers prepare therein strength for worship, and the hypocrites prepare therein heedlessness of people and their faults. It is booty for the believers which the wicked one loses."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ ( راوی کہتے ہیں : نبی اکرم ﷺ نے اس بات پر قسم اٹھائی تھی ) کہ مسلمانوں پر ایسا کوئی زمانہ نہیں آیا جو ان کے لئے رمضان سے زیادہ بہتر ہو ‘ اور منافقین کے لئے کوئی مہینہ نہیں آتا جو رمضان کے مہینے سے زیادہ برا ہو ‘ اس کی وجہ یہ ہے کہ اس مہینے میں مؤمن عبادت کے لئے قوت تیار کرتا ہے ‘ اور منافق اس مہینے میں غفلت اور لوگوں کے پوشیدہ معاملات کے حوالے سے تیاری کرتا ہے ‘ تو یہ مہینہ مومنین کے لئے غنیمت والا ہے ‘ اور فاجر شخص اس کے حوالے سے دھوکے کا شکار ہوتا ہے ‘‘۔

EnglishUnverified translation

In another narration of the preceding report, the Messenger of Allah ﷺ explained what Allah records before the month is entered. > **"Indeed Allah, Mighty and Majestic, surely records his reward and his voluntary deeds before He brings him into it, and He records his wretchedness before He brings him into it."**

اردو ترجمہ · UrduUnverified translation

ایک روایت میں یہ الفاظ ہیں : ” بے شک اللہ تعالیٰ اس ( مومن ) کے اجر اور اس کے نوافل کو اس مہینے میں داخل ہونے سے پہلے ہی نوٹ کر لیتا ہے ‘ اور اس ( منافق ) کے اجر اور اس کی بدنصیبی کو اس مہینے کے داخل ہونے سے پہلے ہی نوٹ کر لیتا ہے ‘‘۔ یہ روایت امام احمد نے اور امام طبرانی نے معجم اوسط میں ابن رمانہ کے غلام تمیم کے حوالے سے نقل کی ہے ۔ میں نے کسی کو اس کے حالات بیان کرتے ہوئے نہیں پایا ہے ۔

EnglishUnverified translation

Ibn Mas'ud (may Allah be pleased with him) heard the Prophet ﷺ speak when the crescent of Ramadan had appeared, and a man from Khuza'ah asked him to narrate more, so he described Paradise and the reward of the fasting person in detail. > **"If the servants knew what is in Ramadan, my Ummah would wish that the whole year were Ramadan. Indeed Paradise is adorned for Ramadan from the beginning of the year to the next year. When the first day of Ramadan comes, a wind blows from beneath the Throne and the leaves of Paradise rustle. The wide-eyed Houris look at that and say: O Lord, appoint for us in this month husbands from Your servants whose eyes are cooled by them and whose eyes are cooled by us. There is no servant who fasts Ramadan except that he is married to a wife from the wide-eyed Houris in a tent of hollow pearl, of that which Allah described: {Houris, secluded in tents} [al-Rahman: 72]. Upon each woman among them are seventy robes, no robe of which is of the colour of another. She is given seventy kinds of perfume, no kind of which is of the scent of another. For each woman among them are seventy beds of red ruby, decorated with pearls. Upon each bed are seventy spreads whose linings are of istabraq, and above the seventy spreads are seventy couches. For each woman among them are seventy thousand maidservants for her needs, and seventy thousand manservants, with each manservant a plate of gold wherein is a kind of food, finding in its last morsel a delight not found in its first. Her husband is given the like of that upon a bed of red ruby, upon him two bracelets of gold decorated with red ruby. This is for each day he fasted Ramadan, besides what he did of good deeds."**

اردو ترجمہ · UrduUnverified translation

حضرت عبداللہ بن مسعود رضی اللہ عنہ بیان کرتے ہیں : انہوں نے نبی اکرم ﷺ کو یہ ارشاد فرماتے ہوئے سنا ہے : اس وقت رمضان کا چاند نظر آ گیا تھا آپ نے فرمایا : ’’ اگر بندوں کو یہ پتہ چل جائے کہ رمضان میں ( کیا اجر و ثواب اور فضیلت ) ہوتی ہے ‘ تو میری امت یہ آرزو کرے کہ پورا سال رمضان رہے خزاعہ قبیلے سے تعلق رکھنے والے ایک صاحب نے عرض کی : آپ ہمیں اس کے بارے میں بتائیے نبی اکرم ﷺ نے ارشاد فرمایا : رمضان کے لئے جنت سال کے آغاز سے لے کے اگلے سال تک آراستہ ہوتی رہتی ہے یہاں تک کہ جب رمضان کا پہلا دن آتا ہے ‘ تو عرش کے نیچے سے ایک ہوا چلتی ہے ، جس کی وجہ سے جنت کے پتے ملتے ہیں حورعین ان کی طرف دیکھتی ہیں اور کہتی ہیں : اے ہمارے پروردگار ! اس مہینے میں تو اپنے بندوں میں سے ہمارے لئے شوہر مقرر کر دے جن کے ذریعے آنکھیں ٹھنڈی ہوں اور ہمارے ذریعے ان کی آنکھیں ٹھنڈی ہوں ( نبی اکرم ﷺ فرماتے ہیں : ) تو جو بھی بندہ رمضان کے روزے رکھتا ہے اس کی شادی حورعین سے تعلق رکھنے والی ایک بیوی کے ساتھ کر دی جاتی ہے ‘ جو کھوکھلے موتی سے بنے ہوئے خیمے کے اندر موجود ہوتی ہے ‘ جس کی صفت اللہ تعالیٰ نے ان الفاظ میں بیان کی ہے : ’’ وہ حوریں جو خیموں میں پردہ نشین ہیں “۔ ان میں سے ہر ایک نے ستر حلے پہنے ہوئے ہوتے ہیں جن میں سے کسی ایک حلے کا رنگ دوسرے سے ملتا نہیں ہے ‘ اور اسے ستر مختلف قسم کی خوشبو دی گئی ہوتی ہے کہ ایک خوشبو کسی دوسری سے نہیں ملتی ہے ‘ ان میں سے ہر ایک عورت کے لئے ستر پلنگ ہوتے ہیں جو سرخ یاقوت سے بنے ہوتے ہیں اور قیمتی پتھروں سے آراستہ ہوتے ہیں ہر پلنگ پر ستر پچھونے ہوتے ہیں جن کا استر ‘ استبرق کا ہوتا ہے ‘ اور ستر بچھونوں کے اوپر ستر تکیے ہوتے ہیں ان میں سے ہر عورت کے ستر ہزار ملازمین ہوتے ہیں جو اس کے کام کاج کے لئے مخصوص ہوتے ہیں اور ستر ہزار ملازمین میں سے ہر ایک ملازم کے پاس سونے کا بنا ہوا پیالہ ہوتا ہے ، جن میں سے ہر ایک میں مختلف قسم کا کھانا ہوتا ہے ‘ اور وہ ایسا ہوتا ہے کہ آدمی اس کے آخری ( یا دوسرے ) لقے میں وہ لذت پاتا ہے ‘ جو اس سے پہلے میں نہیں ملی ہوتی اور اس کے شوہر کو بھی سرخ یاقوت کے پلنگ دیے جاتے ہیں اور اس کے شوہر کو سونے کے بنے ہوئے کنگن پہنائے جائیں گے جو سرخ یاقوت سے سجے ہوئے ہوں گے اور ایسا اس شخص کے لئے ہوتا ہے ‘ جس نے رمضان کے روزے رکھے ہوں ‘ اس کے علاوہ جو اس نے نیکیاں کی ہوں گی وہ اس کے علاوہ ہیں “۔ یہ روایت امام ابویعلیٰ نے نقل کی ہے ۔ اس کی سند میں ایک راوی جریر بن ایوب ہے ‘ اور وہ ضعیف ہے ۔

EnglishUnverified translation

Abu Mas'ud al-Ghifari (may Allah be pleased with him) heard the Messenger of Allah ﷺ speak when the month of Ramadan had appeared, and a man from Khuza'ah asked him to narrate, so he described the adornment of Paradise and the daily marriage to Houris. > **"If the servants knew what is in the month of Ramadan, the servants would wish that the month of Ramadan were a whole year. Indeed Paradise is adorned for the month of Ramadan from the beginning of the year to the beginning of the next year. When the first night comes, a wind blows from beneath the Throne and the leaves of Paradise rustle. The wide-eyed Houris look at that and say: O Lord, appoint for us in this month husbands from Your servants whose eyes are cooled by them and whose eyes are cooled by us. There is no servant who fasts the month of Ramadan except that Allah marries him each day to a wife from the wide-eyed Houris in a tent of hollow pearl, of that with which Allah described the wide-eyed Houris, secluded in tents. Upon each woman among them are seventy robes, none of which is of the colour of another. She is given seventy kinds of perfume, none of which resembles another. Each woman among them is upon a bed of ruby decorated with pearls, upon seventy spreads whose linings are of istabraq, and above the seventy spreads are seventy couches. For each woman among them are seventy attendants for her service, and seventy to meet her husband, with each attendant a plate of gold wherein is a kind of food, finding in its last the same delight as in its first. Her husband is given the like of that upon a bed of red ruby, upon him two bracelets of gold decorated with red ruby. This is for each day he fasted of the month of Ramadan, besides what he did of good deeds."**

اردو ترجمہ · UrduUnverified translation

حضرت ابومسعود غفاری رضی اللہ عنہ بیان کرتے ہیں : میں نے نبی اکرم ﷺ کو یہ ارشاد فرماتے ہوئے سنا : اس وقت رمضان کا چاند نظر آ گیا تھا ( نبی اکرم ﷺ نے فرمایا : ) ’’ اگر بندوں کو پتہ چل جائے کہ رمضان کے مہینے میں ( کیا اجر و ثواب اور نعمتیں ) حاصل ہوتے ہیں تو بندے یہ آرزوں کریں کہ پورا سال رمضان رہے خزاعہ قبیلے سے تعلق رکھنے والے ایک شخص نے عرض کی : یا رسول اللہ ! آپ ہمیں بیان کیجئے نبی اکرم ﷺ نے ارشاد فرمایا :’’ بے شک جنت رمضان کے لئے مہینے کے لئے سال کے آغاز سے لے کر اگلے سال کے آغاز تک آراستہ ہوتی رہتی ہے یہاں تک کہ جب ( رمضان کی ) پہلی رات آتی ہے ‘ تو عرش کے نیچے سے ایک ہوا چلتی ہے ‘ جس سے جنت کے پتے ہلنے لگتے ہیں حورعین ان کی طرف دیکھتی ہیں اور کہتی ہیں : اے ہمارے پروردگار اس مہینے میں تو اپنے بندوں میں سے ہمارے لئے ایسے شوہر مقرر کر دے کہ ان کے ذریعے ہماری آنکھیں ٹھنڈی ہوں اور ہمارے ذریعے ان کی آنکھیں ٹھنڈی ہوں ( نبی اکرم ﷺ فرماتے ہیں : ) جو بھی بندہ رمضان کے مہینے کے روزے رکھتا ہے ‘ تو اللہ تعالیٰ اس کی شادی ایک زوجہ کے ساتھ کروا دیتا ہے ‘ جس کا تعلق حورعین کے ساتھ ہوتا ہے ‘ اور وہ کھوکھلے موتی کے بنے ہوئے خیمے میں رہتی ہے ، جس کی صفت اللہ تعالیٰ نے یوں بیان کی ہے :’’ وہ حورعین ہیں جو خیموں میں پردہ نشین ہیں “۔ ان میں سے ہر ایک عورت نے ستر حلے پہنے ہوئے ہوتے ہیں جن میں سے ہر حلے کا رنگ دوسرے سے مختلف ہوتا ہے ‘ اور اس عورت کو ستر مختلف قسم کی خوشبوئیں دی گئی ہوتی ہیں جن میں سے ہر ایک کی خوشبو دوسری سے مختلف ہوتی ہے ‘ ان میں سے ہر ایک عورت یاقوت کے بنے ہوئے پلنگ پر موجود ہوتی ہے ‘ جو قیمتی پتھروں سے آراستہ ہوتا ہے ‘ اور اس پر ستر بچھونے ہوتے ہیں جن کا استر ‘ استبرق کا ہوتا ہے ‘ اور ان ستر بچھونوں پر ستر تکیہ ہوتے ہیں ان میں سے ہر ایک عورت کے ستر ملازمین ہوتے ہیں جو اس کی خدمت کے لئے مخصوص ہیں اور ستر اس کے شوہر کی خدمت کے لئے مخصوص ہوتے ہیں ان میں سے ہر ایک ملازم کے پاس پیالہ ہوتا ہے ‘ جس میں مختلف قسم کے کھانے موجود ہوتے ہیں دوسرے کھانے کے ذریعے جو لذت آتی ہے وہ پہلے کھانے سے مختلف ہوتی ہے اس کے شوہر کو بھی اس کی مانند سرخ یاقوت سے بنا ہوا پلنگ دیا جائے گا ‘ اور اسے سونے کے بنے ہوئے کنگن پہنائے جائیں گے جو سرخ یاقوت سے آراستہ ہوں گے ایسا ہر اس دن میں ہوتا ہے کہ رمضان کے مہینے کے جس دن میں آدمی نے روزہ رکھا ہو اس نے اس کے علاوہ جو نیکیاں کی ہوں ان کا اجر مختلف ہے ‘‘۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی میباح بن بسطام ہے ‘ اور وہ ضعیف ہے ۔

EnglishUnverified translation

Ubadah ibn al-Samit (may Allah be pleased with him) reports that the Messenger of Allah ﷺ addressed the people when Ramadan was present. > **"Ramadan has come to you, a month of blessing. Allah enriches you therein, so He sends down mercy, wipes away sins, and answers supplication therein. Allah looks at your competition and boasts of you to His angels. So show Allah good from yourselves. For the wretched is he who is deprived therein of the mercy of Allah, Mighty and Majestic."**

اردو ترجمہ · UrduUnverified translation

حضرت عبادہ بن صامت رضی اللہ عنہ بیان کرتے ہیں : ایک دن نبی اکرم ﷺ نے ارشاد فرمایا : اس دن رمضان آ چکا تھا : ’’ تمہارے پاس رمضان آ چکا ہے جو برکت والا مہینہ ہے اللہ تعالیٰ اس میں تمہیں بے نیاز کر دے گا وہ رحمت کو نازل کرتا ہے ‘ اور خطائیں مٹا دیتا ہے ‘ اور اس مہینے میں دعا کو قبول کرتا ہے اللہ تعالیٰ تمہاری رغبت کی طرف دیکھتا ہے ‘ اور فرشتوں کے سامنے تم لوگوں کے حوالے سے فخر کا اظہار کرتا ہے ‘ تو تم لوگ اللہ تعالیٰ کو اپنی ذات کے حوالے سے بھلائی دکھاؤ کیونکہ وہ شخص بدنصیب ہے ‘ جو اس میں اللہ کی رحمت سے محروم رہے ‘‘۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی محمد بن ابوقیس ہے میں نے کسی کو اس کے حالات بیان کرتے ہوئے نہیں پایا ہے ۔

EnglishUnverified translation

Ibn Umar (may Allah be pleased with them both) reports that the Prophet ﷺ described the adornment of Paradise for Ramadan and the supplication of the Houris. > **"Indeed Paradise is adorned for Ramadan from the beginning of the year to the next year. When the first day of the month of Ramadan comes, a wind blows from beneath the Throne and the leaves of Paradise rustle. The wide-eyed Houris come saying: O Lord, appoint for us from Your servants husbands whose eyes are cooled by us and whose eyes are cooled by them."**

اردو ترجمہ · UrduUnverified translation

حضرت عبداللہ بن عمر رضی اللہ عنہما بیان کرتے ہیں : نبی اکرم ﷺ نے ارشاد فرمایا : ’’ جنت رمضان کے لئے سال کے آغاز سے لے کر اگلے سال تک آراستہ ہوتی رہتی ہے ‘ جب رمضان کے مہینے کا پہلا دن آتا ہے ‘ تو عرش کے نیچے سے ہوا چلتی ہے ، جو جنت کے پتوں کو ہلاتی ہے پھر حورعین آتی ہیں اور یہ کہتی ہیں : اے ہمارے پروردگار ! تو اپنے بندوں میں سے ہمارے لئے شوہر مقرر کر دے جن کے ذریعے ہماری آنکھیں ٹھنڈی ہوں اور ہمارے ذریعے ان کی آنکھیں ٹھنڈی ہوں “۔ یہ روایت امام طبرانی نے معجم کبیر میں نقل کی ہے ‘ اور معجم اوسط میں اختصار کے ساتھ نقل کی ہے ۔ اس کی سند میں ایک راوی ولید بن ولید قلانسی ہے ‘ جسے امام ابوحاتم نے ’’ ثقہ ‘‘ قرار دیا ہے ‘ اور ایک جماعت نے اسے ضعیف کہا ہے ۔

EnglishUnverified translation

Ibn Abbas (may Allah be pleased with them both) reports that the Messenger of Allah ﷺ described the reward of one day of Ramadan fasted with hope for reward. > **"Whoever fasts a day of Ramadan seeking reward, for his fasting he shall have that which, if the people of the world gathered since the world began until it ends, would suffice them all in food and drink; he will not ask the people of Paradise for anything of that."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ جو شخص ثواب کی امید رکھتے ہوئے رمضان کے مہینے میں ایک روزہ رکھتا ہے ‘ تو اس کے عوض میں وہ کچھ ملتا ہے کہ جب سے دنیا بنی ہے اس وقت سے لے کر اس دنیا کے ختم ہونے تک اگر تمام اہل دنیا اکٹھے ہو جائیں تو وہ ان سب کے کھانے پینے کا بندوبست کر سکتا ہے وہ اس سلسلے میں اہل جنت میں سے کسی سے کوئی چیز نہیں مانگے گا ‘‘۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی ولید بن ولید قلانسی ہے ‘ جسے ابوحاتم نے ’’ ثقہ ‘‘ قرار دیا ہے ‘ اور ایک جماعت نے اسے ” ضعیف “ قرار دیا ہے ۔

EnglishUnverified translation

Abu Sa'id al-Khudri (may Allah be pleased with him) reports that the Messenger of Allah ﷺ described the expiation between Ramadans. > **"The fasting of Ramadan to the next Ramadan is expiation for what is between them."**

اردو ترجمہ · UrduUnverified translation

حضرت ابوسعید خدری رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ رمضان کے روزے اگلے رمضان تک کے درمیان کے گناہوں کا کفارہ ہوتے ہیں ‘‘۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی عبداللہ بن قریظ ہے جس کا ذکر ابن ابوحاتم نے کیا ہے وہ فرماتے ہیں یحیی بن ایوب نے اس سے روایت نقل کی ہے ‘ اور اس کے بقیہ رجال ’’ صحیح ‘‘ کے رجال ہیں ۔

EnglishUnverified translation

Abu Sa'id al-Khudri (may Allah be pleased with him) reports that the Messenger of Allah ﷺ described the opening of the gates of heaven in Ramadan. > **"Indeed the gates of heaven are opened on the first night of the month of Ramadan and are not closed to the last night of it."**

اردو ترجمہ · UrduUnverified translation

حضرت ابوسعید خدری رضی اللہ عنہ روایت کرتے ہیں : نبی اکرم ﷺ نے ایک دن ارشاد فرمایا : ’’ رمضان کے مہینے کی پہلی رات میں آسمان کے دروازے کھول دیے جاتے ہیں اور اس کی آخری رات تک انہیں بند نہیں کیا جاتا “۔ یہ روایت امام طبرانی نے معجم صغیر میں نقل کی ہے ۔ اس کی سند میں ایک راوی محمد بن مروان سدی ہے ‘ اور وہ ضعیف ہے ۔

EnglishUnverified translation

Anas ibn Malik (may Allah be pleased with him) heard the Messenger of Allah ﷺ announce the arrival of Ramadan and warn the one who is not forgiven in it. > **"This is Ramadan which has come. The gates of Paradise are opened therein, the gates of Fire are closed therein, and the devils are chained therein. Far removed is a person who reaches Ramadan and is not forgiven. If he is not forgiven therein, then when?!"**

اردو ترجمہ · UrduUnverified translation

حضرت انس بن مالک رضی اللہ عنہ بیان کرتے ہیں : میں نے نبی اکرم یہ کو یہ ارشاد فرماتے ہوئے سنا ہے : ’’ یہ رمضان آ گیا ہے اس میں جنت کے دروازے کھول دیے جاتے ہیں اور اس میں جہنم کے دروازے بند کر دیے جاتے ہیں اور اس میں شیاطین کو بند کر دیا جاتا ہے ‘ تو وہ شخص دور ہو جائے جو رمضان کا مہینہ پائے اور پھر اس کی مغفرت نہ ہو اگر اس کی مغفرت اس مہینے میں نہیں ہو گی تو پھر کب ہو گی ؟“ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی فضل بن عیسیٰ رقاشی ہے ‘ اور وہ ضعیف ہے ۔

EnglishUnverified translation

Aishah (may Allah be pleased with her) reports that the Messenger of Allah ﷺ described the opening of Paradise, the closing of Fire, the chaining of devils, and the freeing of captives at every fast-breaking. > **"When Ramadan enters, all the gates of Paradise are opened, and no gate of them is closed till the end of the month. The gates of Fire are closed, and no gate of them is opened till the end of the month. The rebellious devils are chained. And Allah has freed ones at every fast-breaking whom He frees from the Fire."**

اردو ترجمہ · UrduUnverified translation

سیدہ عائشہ صدیقہ رضی اللہ عنہا بیان کرتی ہیں : نبی اکرم ﷺ نے ارشاد فرمایا : ’’ جب رمضان کا مہینہ آتا ہے ‘ تو جنت کے تمام دروازے کھول دیے جاتے ہیں اور مہینے کے آخر تک ان میں سے کوئی بھی دروازہ بند نہیں کیا جاتا اور جہنم کے تمام دروازے بند کر دیے جاتے ہیں اور مہینے کے آخر تک ان میں سے کوئی بھی دروازہ کھولا نہیں جاتا اور سرکش شیاطین کو پابند سلاسل کر دیا جاتا ہے ‘ اور ہر افطاری کے وقت اللہ تعالیٰ کی طرف سے آزاد ہونے والے کچھ لوگ ہوتے ہیں جنہیں وہ جہنم سے آزاد کرتا ہے ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی ابن لہیعہ ہے اس کی نقل کردہ حدیث حسن ہے ‘ اور اس کے بارے میں کلام کیا گیا ہے اس کے بقیہ رجال ’’ صحیح ‘‘ کے رجال ہیں ۔

EnglishUnverified translation

Anas ibn Malik (may Allah be pleased with him) reports that the Messenger of Allah ﷺ repeated a glorification three times, Umar ibn al-Khattab (may Allah be pleased with him) asked whether revelation had come or an enemy had arrived, and the Prophet ﷺ explained, then answered a man who recalled the hypocrite. > **"Glory be to Allah, what has come to meet you? And what are you meeting? Indeed Allah forgives on the first night of the month of Ramadan all the people of this qiblah." And he said to the man who nodded his head: "It is as though your chest has become constricted?" And he said: "The hypocrite is a disbeliever, and there is nothing for a disbeliever in that."**

اردو ترجمہ · UrduUnverified translation

حضرت انس بن مالک رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ اللہ تعالیٰ کی ذات ہر عیب سے پاک ہے کیا چیز تمہارے سامنے آ رہی ہے ‘ اور تم کس چیز کا استقبال کرنے لگے ہو ؟ یہ بات آپ نے تین مرتبہ ارشاد فرمائی تو حضرت عمر بن خطاب رضی اللہ عنہ نے عرض کی : کیا کوئی وحی نازل ہوئی ہے ‘ یا دشمن آنے والا ہے ‘ تو نبی اکرم ﷺ نے ارشاد فرمایا : ’’ بے شک اللہ تعالیٰ رمضان کے مہینے کی پہلی رات میں اس قبلہ والے تمام افراد کی مغفرت کر دیتا ہے “۔ راوی بیان کرتے ہیں : ایک صاحب جو آپ کے پاس موجود تھے انہوں نے سر کو ہلاتے ہوئے کہا بہت خوب بہت خوب نبی اکرم ﷺ نے فرمایا : شاید تم کسی پریشانی کا شکار ہوئے ہو اس نے عرض کی : جی نہیں ، لیکن مجھے ایک منافق کا خیال آ گیا ۔ نبی اکرم ﷺ نے ارشاد فرمایا : منافق کافر ہوتا ہے ‘ اور کافر کو اس میں سے کچھ نہیں ملتا ۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی خلف ابوربیع ہے میں نے عمرو بن حمزہ کے علاوہ اور کسی کو اس سے روایت نقل کرتے ہوئے نہیں پایا ہے جیسا کہ یہ بات ابن ابوحاتم نے ذکر کی ہے ۔

EnglishUnverified translation

Umar ibn al-Khattab (may Allah be pleased with him) reports that the Messenger of Allah ﷺ described the one who remembers Allah and the one who asks Allah in Ramadan. > **"The one who remembers Allah in Ramadan is forgiven, and the one who asks Allah is not disappointed."**

اردو ترجمہ · UrduUnverified translation

حضرت عمر بن خطاب رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ رمضان میں اللہ کا ذکر کرنے والے شخص کی مغفرت ہو جاتی ہے ‘ اور اللہ تعالیٰ سے مانگنے والا شخص رسوا نہیں ہوتا ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی ہلال بن عبدالرحمن ہے ‘ اور وہ ضعیف ہے ۔

EnglishUnverified translation

Ibn Umar (may Allah be pleased with them both) reports that the Messenger of Allah ﷺ promised a house in Paradise for a quiet, calm fast. > **"Whoever fasts a day of Ramadan in silence and calm, a house is built for him in Paradise of red ruby or green peridot."**

اردو ترجمہ · UrduUnverified translation

حضرت عبداللہ بن عمر رضی اللہ عنہما نبی اکرم ﷺ کا یہ فرمان نقل کرتے ہیں : ” جو شخص خاموشی اور سکون کے ساتھ رمضان کے ایک دن کا روزہ رکھتا ہے اس کے لئے جنت میں سرخ یاقوت یا سبز زبرجد کا گھر بنا دیا جاتا ہے “۔ اس روایت کی سند میں ایک راوی ولید بن ولید ہے ، جسے امام ابن ابوحاتم نے ’’ ثقہ ‘‘ قرار دیا ہے ‘ اور ایک جماعت نے اسے ضعیف کہا ہے ۔

EnglishUnverified translation

Abu Sa'id (may Allah be pleased with him) reports that the Messenger of Allah ﷺ — meaning in Ramadan — promised freed captives and an answered supplication daily. > **"Indeed Allah, Blessed and Exalted, has freed ones in every day and night — meaning in Ramadan — and indeed for every Muslim in every day and night there is an answered supplication."**

اردو ترجمہ · UrduUnverified translation

حضرت ابوسعید خدری رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ ہر دن اور رات میں اللہ تعالیٰ کی طرف سے لوگوں کو آزاد کیا جاتا ہے ‘‘۔ راوی کہتے ہیں : نبی اکرم ﷺ کی مراد یہ تھی کہ رمضان میں ایسا ہوتا ہے ،’’ اور ہر دن اور ہر رات میں ہر مسلمان کی دعا مستجاب ہوتی ہے ‘‘۔ یہ روایت امام بزار نے نقل کی ہے ۔ اس کی سند میں ایک راوی ابان بن ابوعیاش ہے ‘ اور وہ ضعیف ہے ۔

EnglishUnverified translation

Abu Umamah (may Allah be pleased with him) reports from the Prophet ﷺ concerning every fast-breaking. > **"For Allah there are freed ones at every fast-breaking."**

اردو ترجمہ · UrduUnverified translation

حضرت ابوامامہ رضی اللہ عنہ نبی اکرم ﷺ کا یہ فرمان نقل کرتے ہیں : ہر افطاری کے وقت اللہ تعالیٰ کی طرف سے لوگوں کو ( جہنم سے ) آزاد کیا جاتا ہے ‘‘۔ یہ روایت امام احمد نے اور امام طبرانی نے معجم کبیر میں نقل کی ہے ‘ اور اس کے رجال کی توثیق کی گئی ہے ۔

EnglishUnverified translation

Abu Sa'id (may Allah be pleased with him) reports that the Messenger of Allah ﷺ described the fasting that expiates what came before it. > **"Whoever fasts Ramadan, knows its limits, and guards therein what he ought to guard, it expiates what came before it."**

اردو ترجمہ · UrduUnverified translation

حضرت ابوسعید خدری رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جو شخص رمضان کے روزے رکھے اس کی حدود کی معرفت حاصل کرے اور اس میں ان چیزوں کی حفاظت کرے جن کی اس مہینے میں حفاظت کرنا مناسب ہے ‘ تو یہ اس شخص کے گزشتہ گناہوں کا کفارہ بن جاتا ہے ‘‘۔ یہ روایت امام احمد نے نقل کی ہے ۔ امام ابویعلیٰ نے اس کی مانند روایت نقل کی ہے ۔ اس کی سند میں ایک راوی عبداللہ بن قریظ ہے ‘ جس کا ذکر ابن ابوحاتم نے کیا ہے ۔ انہوں نے اس کے بارے میں کوئی جرح یا تعدیل ذکر نہیں کی ہے ۔

EnglishUnverified translation

Ibn Abbas (may Allah be pleased with them both) reports that the Messenger of Allah ﷺ described how Paradise and the Houris call for Ramadan, the reward of the one who guards himself, and the warning against sins therein. > **"Indeed Paradise is adorned from year to year for the month of Ramadan. When the month of Ramadan enters, Paradise says: O Allah, appoint for us in this month dwellers from Your servants. And the wide-eyed Houris say: O Allah, appoint for us in this month husbands from Your servants. So whoever guards himself in the month of Ramadan, not drinking therein any intoxicant, not accusing therein a believer of slander, and not committing therein any sin, Allah marries him every night to a hundred Houris and builds for him a palace in Paradise of gold, silver, ruby, and peridot, such that if the world were gathered and placed in that palace, it would be in it only like the tying-place of a goat in this world. And whoever drinks therein an intoxicant, or accuses therein a believer of slander, or commits therein a sin, Allah nullifies his deeds of a year. So beware of the month of Ramadan, for it is the month of Allah, lest you fall short therein. Allah has made for you eleven months in which you enjoy and delight, and He has made for Himself the month of Ramadan. So beware of the month of Ramadan."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ بے شک جنت ایک سال سے اگلے سال تک رمضان کے مہینے کے لئے آراستہ ہوتی ہے ‘ جب رمضان آ جاتا ہے ‘ تو جنت یہ کہتی ہے : اے اللہ ! اس مہینے میں اپنے بندوں میں سے میرے رہائشی مقرر کر دے اور حورعین یہ کہتی ہیں : اے اللہ ! اس مہینے میں اپنے بندوں میں سے ہمارے شوہر مقرر کر دے نبی اکرم ﷺ ارشاد فرماتے ہیں جو شخص رمضان کے مہینے میں اپنی ذات کو محفوظ رکھتا ہے ‘ اور اس مہینے میں کوئی نشہ آور چیز نہیں پیتا ہے ‘ اور اس مہینے میں کسی مؤمن پر کوئی بہتان نہیں لگاتا ہے ‘ اور اس مہینے میں کوئی خطا نہیں کرتا ہے ‘ تو اللہ تعالی ہر ایک رات میں اس کی شادی ایک سو حوروں کے ساتھ کرتا ہے ‘ اور اس کے لئے جنت میں سونے چاندی یاقوت اور زبرجد کا بنا ہوا محل بنا دیتا ہے ‘ اگر تمام دنیا کو اکھٹا کر کے اس محل میں رکھا جائے ‘ تو وہ اس میں یوں ہوں گے ‘ جس طرح دنیا میں ایک بکری کے باندھنے کی جگہ ہوتی ہے اور جو شخص اس مہینے میں کوئی نشہ آور چیز پی لے یا اس میں کسی مؤمن پر بہتان لگا دے یا اس میں کوئی گناہ کر لے تو اللہ تعالیٰ اس کے ایک سال کے عمل کو ضائع کر دیتا ہے ‘ تو تم رمضان کے مہینے میں بچ کے رہو کیونکہ یہ اللہ کا مہینہ ہے تم اس میں کوئی کوتاہی نہ کرو ! اللہ تعالیٰ نے تمہارے لئے گیارہ مہینے مقرر کیے ہیں جن میں تم نعمتیں حاصل کرو اور لذتیں حاصل کرو اور رمضان کے مہینے کو اپنی ذات کے لئے مخصوص کیا ہے ‘ تو رمضان کے مہینے کے معاملے میں تم احتیاط سے کام لو ‘‘۔ یہ روایت امام طبرانی نے معجم اوسط میں نقل ہے وہ یہ فرماتے ہیں : امام اوزاعی کے حوالے سے اس روایت کو صرف احمد بن ابیض نے نقل کیا ہے ۔ ( علامہ ہیثمی فرماتے ہیں : ) میں یہ کہتا ہوں : میں نے کسی کو اس کے حالات بیان کرتے ہوئے نہیں پایا ہے ‘ اور اس روایت کے بقیہ رجال کی توثیق کی گئی ہے ۔

EnglishUnverified translation

Umm Hani, daughter of Abu Talib (may Allah be pleased with her), reports that the Messenger of Allah ﷺ described when his Ummah is not disgraced, and what disgrace comes from wasting Ramadan. > **"Indeed my Ummah will not be disgraced while they uphold the month of Ramadan." It was said: O Messenger of Allah, what is their disgrace in wasting the month of Ramadan? He said: "Violating the sacred things therein. Whoever commits fornication therein or drinks therein wine, Allah and those in the heavens curse him till the like of it of the next year. If he dies before he reaches the next Ramadan, he has no good with Allah by which to shield himself from the Fire. So beware of the month of Ramadan. For good deeds are multiplied therein as they are not multiplied in other than it, and likewise evil deeds."**

اردو ترجمہ · UrduUnverified translation

سیدہ اُم ہانی بنت ابوطالب رضی اللہ عنہا بیان کرتی ہیں : نبی اکرم ﷺ نے ارشاد فرمایا : ’’ میری امت اس وقت تک رسوائی کا شکار نہیں ہو گی جب تک وہ رمضان کے مہینے کو قائم رکھیں گے عرض کی گئی : یا رسول اللہ ! رمضان کے مہینے کو ضائع کرنے کی صورت میں ان کی رسوائی کیا ہو گی ؟ نبی اکرم ﷺ نے ارشاد فرمایا : یہ کہ اس میں وہ حرمتوں کو پامال کریں جو شخص اس مہینے میں زنا کرے گا یا اس میں شراب پیے گا اللہ تعالیٰ آسمانوں میں موجود تمام مخلوق اگلے سال اس وقت تک اس پر لعنت کرتے رہیں گے اور اگر وہ اگلا رمضان پانے سے پہلے انتقال کر جائے تو اسے اللہ تعالیٰ کی طرف سے کوئی ایسی صورت نصیب نہیں ہو گی جس کے ذریعے سے وہ جہنم سے بچ سکے تو تم رمضان کے مہینے کے بارے میں احتیاط کرو کیونکہ اس میں نیکیاں دگنی کر دی جاتی ہیں جو اس کے علاوہ کسی اور مہینے میں نہیں کی جاتی ہیں اور برائیوں کا معاملہ بھی اسی طرح ہے ‘‘۔ یہ روایت امام طبرانی نے معجم صغیر اور معجم اوسط میں نقل کی ہے ۔ اس کی سند میں ایک راوی عیسیٰ بن سلیمان ابوطیبہ ہے ‘ جسے یحیی بن معین نے ’’ ضعیف ‘‘ قرار دیا ہے یہ جان بوجھ کر جھوٹ نہیں بولتا ہے ‘ تاہم اس کی نسبت وہم کی طرف کی گئی ہے ۔

EnglishUnverified translation

Abu Hurayrah (may Allah be pleased with him) — or al-Hasan — reports from the Prophet ﷺ concerning fasting Ramadan with faith and seeking reward. > **"Whoever fasts Ramadan with faith and seeking reward, his past sins and his future sins are forgiven."**

اردو ترجمہ · UrduUnverified translation

حضرت ابوہریرہ رضی اللہ عنہ ‘ یا شاید حسن بصری ‘ نبی اکرم ﷺ کے حوالے سے یہ بات نقل کرتے ہیں : ( نبی اکرم ﷺ نے ارشاد فرمایا : ) ” جو شخص ایمان کی حالت میں ثواب کی امید رکھتے ہوئے رمضان کے روزے رکھتا ہے اس کے گزشتہ اور آئندہ گناہوں کی مغفرت ہو جاتی ہے ‘‘۔ ( علامہ ہیثمی فرماتے ہیں : ) میں یہ کہتا ہوں : یہ روایت ’’ صحیح ‘‘ میں حضرت ابوہریرہ رضی اللہ عنہ سے منقول حدیث کے طور پر مذکور ہے ‘ تاہم اس میں یہ الفاظ نہیں ہیں : ” بعد والے “۔ یہ روایت امام احمد نے نقل کی ہے ‘ اور اس کے رجال کی توثیق کی گئی ہے ‘ البتہ حماد نامی راوی نے اس روایت کے ’’ موصول ‘‘ یا ’’ مرسل ‘‘ ہونے کے بارے شک کیا ہے ۔

EnglishUnverified translation

Ibn Umar (may Allah be pleased with them both) reports that the Messenger of Allah ﷺ described the excellence of fasting Ramadan in Makkah. > **"Fasting Ramadan in Makkah is better than a thousand Ramadans in other than Makkah."**

اردو ترجمہ · UrduUnverified translation

حضرت عبداللہ بن عمر رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ مکہ میں رمضان کا روزہ رکھنا مکہ کے علاوہ کہیں اور ایک ہزار رمضان سے زیادہ فضیلت رکھتا ہے ‘‘۔ یہ روایت امام بزار نے نقل کی ہے ۔ اس کی سند میں ایک راوی عاصم بن عمر ہے ‘ جسے آئمہ یعنی امام احمد اور دیگر حضرات نے ’’ ضعیف ‘‘ قرار دیا ہے ‘ جبکہ امام ابن حبان نے اسے ثقہ کہا ہے وہ فرماتے ہیں یہ غلطی بھی کرتا ہے ‘ اور برخلاف روایت بھی نقل کرتا ہے ۔

EnglishUnverified translation

Bilal ibn al-Harith (may Allah be pleased with him) reports that the Messenger of Allah ﷺ described the excellence of Ramadan and Friday in Madinah. > **"Ramadan in Madinah is better than a thousand Ramadans in other than it, and a Friday in Madinah is better than a thousand Fridays in other lands."**

اردو ترجمہ · UrduUnverified translation

حضرت بلال بن حارث رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ مدینہ میں رمضان اس کے علاوہ اور کہیں بھی ایک ہزار رمضان سے زیادہ فضیلت رکھتا ہے ‘ اور مدینہ میں ایک جمعہ اس کے علاوہ اور کسی بھی شہر میں ایک ہزار جمعوں سے زیادہ بہتر ہے ‘‘۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی کثیر بن عبداللہ ہے ‘ اور وہ ضعیف ہے ۔

EnglishUnverified translation

Talq ibn Ali (may Allah be pleased with him) reports that the Messenger of Allah ﷺ explained that Allah made the crescents time-markers for people. > **"Indeed Allah, Mighty and Majestic, has made these crescents time-markers for people. So fast at its sighting and break your fast at its sighting. If it is obscured from you, then complete the number."**

اردو ترجمہ · UrduUnverified translation

حضرت طلق بن علی رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ بے شک اللہ تعالی نے پہلی کے چاند کو لوگوں کے لئے ( مہینوں کا حساب ) رکھنے کا ذریعہ بنایا ہے ‘ تو تم اسے دیکھ کر روزے رکھو اور اسے دیکھ کر عیدالفطر کرو اور اگر تم پر بادل چھا جائیں تو تعداد مکمل کرو ‘‘۔ یہ روایت امام احمد نے نقل کی ہے ‘ اور امام طبرانی نے معجم کبیر میں نقل کی ہے ۔ اس کی سند میں ایک راوی محمد بن جابر یمامی ہے ‘ اور وہ صدوق ہے ‘ تاہم اس کی تحریریں ضائع ہو گئی تھیں وہ تلقین قبول کر لیتا تھا ۔

EnglishUnverified translation

Jabir (may Allah be pleased with him) reports that the Messenger of Allah ﷺ commanded fasting and breaking fast by sighting, and counting thirty when obscured. > **"When you see the crescent, then fast. And when you see it, then break your fast. If it is obscured from you, then count thirty."**

اردو ترجمہ · UrduUnverified translation

حضرت جابر رضی اللہ عنہ روایت کرتے ہیں : نبی اکرم ﷺ نے ارشاد فرمایا : جب تم پہلی کا چاند دیکھو تو روزہ رکھو اور جب تم اسے دیکھو تو عیدالفطر کرو اور اگر تم پر بادل چھایا ہو تو تیس کی تعداد پوری کرو ‘‘۔ یہ روایت امام احمد نے اور امام ابویعلیٰ نے نقل کی ہے ‘ اور امام طبرانی نے معجم اوسط میں نقل کی ہے ۔ امام احمد کے رجال ’’ صحیح ‘‘ کے رجال ہیں ۔

EnglishUnverified translation

Abu Bakrah (may Allah be pleased with him) reports that the Messenger of Allah ﷺ commanded fasting and breaking fast by sighting, completing the number when obscured, and gestured concerning the month. > **"Fast at its sighting and break your fast at its sighting. If it is obscured from you, then complete the number. The month is thus and thus and thus."**

اردو ترجمہ · UrduUnverified translation

حضرت ابوبکرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ اسے دیکھ کے روزے رکھنا شروع کرو اور اسے دیکھ کے عیدالفطر کرو اور اگر تم پر بادل چھایا ہوا ہو تو تعداد مکمل کرو ‘‘۔ راوی بیان کرتے ہیں : نبی اکرم ﷺ نے ارشاد فرمایا : ’’ مہینہ اتنا اتنا اور اتنا ہوتا ہے ‘‘۔ یہ روایت امام بزار نے اور امام طبرانی نے معجم کبیر میں نقل کی ہے ۔ اس کی سند میں ایک راوی عمر بن داؤد قطان ہے ‘ جسے ابن حبان اور دیگر حضرات نے ’’ ثقہ ‘‘ قرار دیا ہے اس کے بارے میں کلام کیا گیا ہے ۔

EnglishUnverified translation

Masruq and al-Bara ibn Azib (may Allah be pleased with him) report that the Messenger of Allah ﷺ commanded sighting and counting thirty, and gestured with his hand concerning the month. > **"Fast at its sighting and break your fast at its sighting. If it is obscured from you, then count thirty. The month is thus and thus — meaning twenty-nine."**

اردو ترجمہ · UrduUnverified translation

مسروق اور حضرت براء بن عازب رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ اے دیکھ کر روزے رکھنا شروع کرو اور اسے دیکھ کر عیدالفطر کرو اور اگر تم پر بادل چھائے ہوئے ہوں تو تیس کی تعداد پوری کرو ‘‘۔ پھر نبی اکرم ﷺ نے اپنے دست مبارک کے ذریعے اشارہ کر کے کہا : مہینہ ( کبھی ) اتنا اور اتنا ہوتا ہے یعنی انتیس دن کا ہوتا ہے ۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی علی بن ہاشم بن برید ہے ‘ جو صدوق ہے ‘ لیکن اس میں تشیع پایا جاتا ہے ۔

EnglishUnverified translation

Adi ibn Hatim (may Allah be pleased with him) reports that the Messenger of Allah ﷺ commanded fasting Ramadan as thirty unless the crescent is seen earlier. > **"When Ramadan comes, then fast Ramadan as thirty, unless you see the crescent before that."**

اردو ترجمہ · UrduUnverified translation

حضرت عدی بن حاتم رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جب رمضان آ جائے تو تم رمضان کے تیس روزے رکھو البتہ اگر اس سے پہلے تم پہلی کا چاند دیکھ لو تو معاملہ مختلف ہے ‘‘۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی مجالد بن سعید ہے ‘ جسے امام نسائی نے ’’ ثقہ ‘‘ قرار دیا ہے ‘ اور ایک جماعت نے اسے ضعیف کہا ہے ۔

EnglishUnverified translation

Umar ibn al-Khattab (may Allah be pleased with him) reports that the Messenger of Allah ﷺ forbade anticipating the month and commanded sighting and completing thirty. > **"Do not anticipate — meaning the month of Ramadan — fast at its sighting, and break your fast at its sighting. If it is obscured from you, then complete thirty."**

اردو ترجمہ · UrduUnverified translation

حضرت عمر بن خطاب رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ اس سے پہلے نہ کرو ( راوی کہتے ہیں : ) یعنی رمضان کے مہینے سے پہلے روزے رکھنے شروع نہ کرو اسے ( یعنی پہلی کے چاند کو ) دیکھ کر روزے رکھنا شروع کرو اور اگر تم پر بادل چھایا ہو تو تیس کی تعداد مکمل کرو ‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی ابن اسحاق ہے ‘ اور وہ تدلیس کرنے والا ہے ‘ لیکن وہ ثقہ ہے ۔

EnglishUnverified translation

Abd al-Malik ibn Maysarah said he was present in Madinah with Ibn Umar and Ibn Abbas (may Allah be pleased with them), when a man came to its governor and testified before him to the sighting of the crescent of Ramadan, and the two Companions ordered its acceptance, explaining the practice of the Messenger of Allah ﷺ. > **"Indeed the Messenger of Allah ﷺ accepted the testimony of one man for the sighting of the crescent of Ramadan, and the Messenger of Allah ﷺ would not accept testimony for breaking the fast except the testimony of two men."**

اردو ترجمہ · UrduUnverified translation

عبدالملک بن میسرہ بیان کرتے ہیں : میں مدینہ منورہ میں موجود تھا وہاں حضرت عبداللہ بن عمر رضی اللہ عنہما اور حضرت عبداللہ بن عباس رضی اللہ عنہما بھی موجود تھے ایک شخص وہاں کے والی کے پاس آیا اور اس نے والی کے سامنے رمضان کے مہینے کے پہلی کے چاند کو دیکھنے کے بارے میں گواہی دی ‘ والی نے حضرت عبداللہ بن عمر رضی اللہ عنہما اور حضرت عبداللہ بن عباس رضی اللہ عنہما سے اس شخص کی گواہی کے بارے میں دریافت کیا ، تو ان دونوں صاحبان نے اسے یہ ہدایت کی کہ وہ اس گواہی کو قبول کرے ۔ ان دونوں حضرات نے یہ بات بیان کی کہ نبی اکرم ﷺ نے رمضان کے پہلی کے چاند کو دیکھنے کے بارے میں ایک شخص کی گواہی کو بھی درست قرار دیا ہے ‘ البتہ عیدالفطر کے بارے میں نبی اکرم ﷺ کم از کم دو آدمیوں کی گواہی کو درست قرار دیتے تھے ۔ علامہ ہیثمی فرماتے ہیں : ) میں یہ کہتا ہوں : یہ روایت سنن میں اختصار کے ساتھ موجود ہے ۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی حفص بن عمرو ابلی ہے ‘ اور وہ ضعیف ہے ۔

EnglishUnverified translation

Abu Hurayrah (may Allah be pleased with him) reports that the Messenger of Allah ﷺ described among the nearness of the Hour the swelling of crescents. > **"Among the nearness of the Hour is the swelling of the crescents, and that the crescent of one night is seen and it is said: it is of two nights."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا :’’ قیامت قریب ہونے کے زمانے میں چاند پھول جائے گا ‘ اور پہلی کا چاند جب نظر آئے گا تو یہ کہا جائے گا : یہ تو دو راتوں کا چاند ہے ‘‘۔ یہ روایت امام طبرانی نے معجم صغیر میں نقل کی ہے ۔ اس کی سند میں ایک راوی عبدالرحمن بن ازرق انطا کی ہے میں نے کسی کو اس کے حالات بیان کرتے ہوئے نہیں پایا ہے ۔

EnglishUnverified translation

Abdullah ibn Mas'ud (may Allah be pleased with him) said that fasting is from the sighting of the crescent to its sighting, and if it is hidden, then thirty days.

اردو ترجمہ · UrduUnverified translation

حضرت عبداللہ بن مسعود رضی اللہ عنہ فرماتے ہیں : پہلی کا چاند دیکھ کر روزے شروع کیے جائیں گے اور اسے دیکھنے تک رکھے جائیں گے ‘ اگر وہ تم سے پوشیدہ رہتا ہے ‘ تو تیس دن ( روزے رکھے جائیں گے ) ۔ یہ روایت امام طبرانی نے معجم کبیر میں نقل کی ہے ‘ اور اس کے رجال ’’ صحیح ‘‘ کے رجال ہیں ۔

EnglishUnverified translation

Abd al-Rahman ibn Abi Layla said Umar ibn al-Khattab (may Allah be pleased with him) went out to look at the crescent, when a rider appeared. Umar asked from where he had come, he said from Sham. Umar asked whether he had sighted the crescent, he said yes, so Umar said: Allah is Greatest. Then the believers met one another, and the narrator mentioned the rest of the report.

اردو ترجمہ · UrduUnverified translation

عبدالرحمن بن ابولیلی بیان کرتے ہیں : حضرت عمر ابن خطاب رضی اللہ عنہ پہلی کا چاند دیکھنے کے لئے نکلے ایک سوار سامنے آیا حضرت عمر رضی اللہ عنہ نے دریافت کیا : تم کہاں سے آ رہے ہو ؟ اس نے جواب دیا : شام سے ‘ حضرت عمر رضی اللہ عنہ نے دریافت کیا : کیا تم نے پہلی کا چاند دیکھا ہے ؟ اس نے جواب دیا : جی ہاں ۔ تو حضرت عمر رضی اللہ عنہ نے کہا : اللہ اکبر پھر اہل ایمان ملے ۔۔۔۔۔۔۔۔۔۔۔۔۔ اس کے بعد راوی نے پوری حدیث ذکر کی ہے ۔ یہ روایت امام ابویعلیٰ نے نقل کی ہے ۔ اس کی سند میں ایک راوی جریر بن ایوب بجلی ہے ‘ اور وہ ضعیف ہے ۔