Hadith 6009–6048

EnglishUnverified translation

Safwan ibn Umayyah (رضي الله عنه) reported: We were with the Messenger of Allah ﷺ when Urfutah ibn Nuhayk al-Tamimi stood and said: O Messenger of Allah, I and my household earn our provision from this hunting, and we have therein a share and blessing, yet it preoccupies us from remembrance of Allah and from prayer in congregation, and we have need of it — do you declare it lawful or unlawful? > **"I declare it lawful, for Allah Almighty has made it lawful. What an excellent occupation. Allah is most entitled to accept excuse. Before me were Messengers of Allah, all of them hunted or sought game."**

اردو ترجمہ · UrduUnverified translation

حضرت صفوان بن امیہ رضی اللہ عنہ بیان کرتے ہیں : ہم لوگ نبی اکرم ﷺ کے پاس موجود تھے حضرت عرفطہ بن نہیک تمیمی رضی اللہ عنہ کھڑے ہوئے اور بولے یا رسول اللہ ! میں اور میرے اہل بیت اس شکار کے ذریعے رزق حاصل کرتے ہیں اس میں ہمارے لئے تقسیم بھی ہوتی ہے اور برکت بھی ہوتی ہے لیکن یہ چیز اللہ کے ذکر سے اور باجماعت نماز سے غافل کر دیتی ہے ہمیں اس کی حاجت بھی ہے ، تو کیا آپ اسے حلال قرار دیتے ہیں یا حرام قرار دیتے ہیں ۔ نبی اکرم ﷺ نے ارشاد فرمایا : میں اسے حلال قرار دیتا ہوں کیونکہ اللہ تعالیٰ نے اسے حلال قرار دیا ہے یہ اچھا کام ہے اور اللہ تعالٰی عذر قبول کرنے کا زیادہ حق دار ہے مجھ سے پہلے اللہ کے کچھ رسول ایسے تھے جو سب شکار کیا کرتے تھے ( راوی کو شک ہے شاید یہ الفاظ ہیں : ) شکار تلاش کیا کرتے تھے ‘‘۔ ( علامہ ہیثمی فرماتے ہیں : ) میں یہ کہتا ہوں : یہ مکمل روایت خرید و فروخت سے متعلق باب میں کمائی کے باب میں آئے گی اگر اللہ نے چاہا ۔ یہ روایت امام طبرانی نے معجم کبیر میں نقل کی ہے اس کی سند میں ایک راوی بشر بن نمیر ہے اور وہ متروک ہے ۔

EnglishUnverified translation

Abu Bakrah (رضي الله عنه) reported that the Messenger of Allah ﷺ forbade khadhf, throwing pebbles with the fingers. A cousin of his took a pebble and asked about this prohibition, then threw it. Abu Bakrah said he had informed him of the prohibition yet he threw, and he swore by Allah that he would never speak to him in Arabic as long as he lived, and in one narration with a firm oath that he would never speak to him.

اردو ترجمہ · UrduUnverified translation

حضرت ابوبکرہ رضی اللہ عنہ بیان کرتے ہیں : نبی اکرم ﷺ نے کنکری مارنے سے منع کیا ہے ان کے ایک چچا زاد نے ایک کنکری لی اور بولا اس سے منع کیا ہے ؟ پھر اس نے کنکری مار دی تو حضرت ابوبکرہ رضی اللہ عنہ نے فرمایا کیا میں نے یہ چیز نہیں دیکھی کہ میں نے تمہیں نبی اکرم ﷺ کے حوالے سے ایک بات بیان کی کہ نبی اکرم ﷺ نے اس سے منع کیا ہے اور تم نے پھر بھی کنکری مار دی ہے اللہ کی قسم جب تک میں زندہ رہوں گا میں تمہارے ساتھ کوئی بات نہیں کروں گا ( یہاں راوی کو شک ہے شاید یہ یہاں لفظ مختلف ہے لیکن مفہوم یہی ہے ) ایک روایت میں یہ بات ہے ‘ یہ بات طے ہے کہ میں تمہارے ساتھ کبھی کلام نہیں کروں گا ۔ یہ روایت امام احمد نے نقل کی ہے اور اس کے رجال صحیح کے رجال ہیں البتہ ثابت نامی راوی نے حضرت ابوبکرہ رضی اللہ عنہ سے سماع نہیں کیا ہے باقی اللہ بہتر جانتا ہے ۔

EnglishUnverified translation

Imran ibn Husayn or Abdullah ibn Mughaffal (رضي الله عنهما) reported that the Messenger of Allah ﷺ said concerning khadhf. > **"Beware of throwing pebbles, for it breaks the tooth and blinds the eye, and it does not injure the enemy."**

اردو ترجمہ · UrduUnverified translation

حضرت عمران بن حصین رضی اللہ عنہ یا شاید حضرت عبداللہ بن مغفل رضی اللہ عنہ روایت کرتے ہیں : نبی اکرم ﷺ نے ارشاد فرمایا :’’ کنکری مارنے سے بچو کیونکہ یہ دانت توڑ دیتی ہے یا آنکھ پھوڑ دیتی ہے اور دشمن کو نقصان نہیں پہنچاتی ہے ‘‘۔ ( علامہ ہیثمی فرماتے ہیں : ) میں یہ کہتا ہوں :’’ صحیح ‘‘ میں یہ روایت حضرت عبداللہ بن مغفل رضی اللہ عنہ سے منقول حدیث کے طور پر مذکور ہے ۔ یہ روایت امام طبرانی نے معجم کبیر میں نقل کی ہے اس کی سند میں ایک راوی حسن بن دینار ہے اور وہ ضعیف ہے ۔

EnglishUnverified translation

Al-Husayn ibn Ali (رضي الله عنهما) reported that the Messenger of Allah ﷺ said. > **"Do not approach birds in their nests by night, for the night is a security for them."**

اردو ترجمہ · UrduUnverified translation

حضرت امام حسین بن علی رضی اللہ عنہما بیان کرتے ہیں : نبی اکرم ﷺ نے ارشاد فرمایا : ’’ رات کے وقت پرندوں کے گھونسلوں کے پاس نہ جاؤ کیونکہ رات ان کے لئے امان ہے ‘‘۔ یہ روایت امام طبرانی نے معجم کبیر میں نقل کی ہے اس کی سند میں ایک راوی عثمان بن عبدالرحمن قرشی ہے اور وہ متروک ہے ۔

EnglishUnverified translation

Amr ibn Yazid reported from his father that he heard the Messenger of Allah ﷺ say. > **"There is none who kills a sparrow except that it will cry out on the Day of Resurrection, saying: O Lord, this one killed me wantonly; he neither benefited through killing me, nor did he leave me to live upon Your earth."**

اردو ترجمہ · UrduUnverified translation

عمرو بن زید نے اپنے والد کا یہ بیان نقل کیا ہے میں نے نبی اکرم ﷺ کو یہ ارشاد فرماتے ہوئے سنا ہے : ’’ جو شخص کسی چڑیا کو قتل کرے گا ‘ قیامت کے دن وہ چڑیا بلند آواز میں کہے گی : اے میرے پروردگار ! اس نے مجھے عبث میں قتل کیا تھا اس نے نہ تو میرے قتل کے ذریعے کوئی نفع حاصل کیا اور نہ ہی مجھے یوں رہنے دیا تاکہ میں تیری زمین میں زندہ رہتی ‘‘۔ یہ روایت امام طبرانی نے معجم کبیر میں نقل کی ہے اس کی سند میں راویوں کی ایک جماعت ایسی ہے جن سے میں واقف نہیں ہوں ۔

EnglishUnverified translation

Muadh ibn Jabal (رضي الله عنه) reported that the Messenger of Allah ﷺ said. > **"Whoever eats or drinks or shoots game and forgets to mention the Name of Allah, let him eat from it, so long as he did not abandon the basmalah deliberately."**

اردو ترجمہ · UrduUnverified translation

حضرت معاذ بن جبل رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جو شخص کچھ کھاتا ہے یا پیتا ہے یا شکار کو تیر مارتا ہے اور پھر اللہ کا نام لینا بھول جاتا ہے ‘ تو وہ اس میں سے کھا لے جبکہ اس نے بسم اللہ جان بوجھ کر ترک نہ کی ہو ‘‘۔ یہ روایت امام طبرانی نے معجم کبیر میں نقل کی ہے اس کی سند میں ایک راوی عتبہ بن سکن ہے اور وہ متروک ہے ۔

EnglishUnverified translation

Anas ibn Malik (رضي الله عنه) reported that the Messenger of Allah ﷺ said, meaning over the slaughtered animal. > **"When you pronounce the Name, magnify as well."**

اردو ترجمہ · UrduUnverified translation

حضرت انس بن مالک رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جب تم نام لو ( یعنی بسم اللہ پڑھو ) تو اللہ اکبر بھی کہو ‘‘۔ راوی کہتے ہیں : یعنی ذبیحہ کے موقع پر ایسا کرو ۔ یہ روایت امام طبرانی نے نقل کی ہے اس کی سند میں ایک راوی عثمان بن عبدالرحمن قرشی ہے اور وہ ضعیف ہے ۔

EnglishUnverified translation

Abu Hurayrah (رضي الله عنه) reported that a man asked the Prophet ﷺ: What is your view of a man who slaughters and forgets to pronounce the Name? The Messenger of Allah ﷺ said. > **"The Name of Allah is upon the mouth of every Muslim."**

اردو ترجمہ · UrduUnverified translation

حضرت ابوہریرہ رضی اللہ عنہ بیان کرتے ہیں : ایک شخص نے نبی اکرم ﷺ سے دریافت کیا : ایسے شخص کے بارے میں آپ کی کیا رائے ہے ‘ جو جانور کو ذبح کرتے ہوئے «بسم اللہ» پڑھنی بھول جاتا ہے ۔ نبی اکرم ﷺ نے ارشاد فرمایا : اللہ کا نام ہر مسلمان کے منہ پر موجود ہے ۔ یہ روایت امام طبرانی نے معجم اوسط میں نقل کی ہے اس کی سند میں ایک راوی مروان بن سالم غفاری ہے اور وہ متروک ہے ۔

EnglishUnverified translation

Uqbah ibn Amir al-Juhani and Hudhayfah ibn al-Yaman (رضي الله عنهما) reported that the Messenger of Allah ﷺ said. > **"Eat whatever your bow returns to you."**

اردو ترجمہ · UrduUnverified translation

حضرت عقبہ بن عامر جہنی رضی اللہ عنہ اور حضرت حذیفہ بن یمان رضی اللہ عنہ بیان کرتے ہیں : نبی اکرم ﷺ نے ارشاد فرمایا : ’’ تمہاری کمان جو چیز تمہیں لوٹا دے تم اسے کھا لو ‘‘۔ یہ روایت امام احمد نے نقل کی ہے اس کی سند میں ایک راوی ایسا ہے ‘ جس کا نام بیان نہیں کیا گیا ہے ۔

EnglishUnverified translation

Ibn Abbas (رضي الله عنهما) reported that a black slave came to the Prophet ﷺ and asked: A wayfarer passes by me while I am among the livestock of my master — may I give him to drink from their milk without their permission? He said no. The man then asked about shooting game that remains before him or disappears from sight. He said. > **"Eat what remains before you, and leave what disappears from you."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : ایک سیاہ فام غلام نبی اکرم ﷺ کی خدمت میں حاضر ہوا اس نے عرض کی : ابن سبیل ( یعنی کوئی مسافر ) میرے پاس سے گزرے اور میں اس وقت اپنے آقا کے جانوروں میں موجود ہوؤں ‘ تو کیا میں اپنے آقاؤں کی اجازت کے بغیر ان جانوروں کے دودھ میں سے کچھ پینے کے لئے دے سکتا ہوں ۔ نبی اکرم ﷺ نے ارشاد فرمایا : جی نہیں ! اس شخص نے دریافت کیا : اگر میں تیر مارتا ہوں اور جانور میری نگاہ سے اوجھل نہیں ہوتا یا اوجھل ہو جاتا ہے ( تو حکم کیا ہو گا ؟ ) تو آپ نے فرمایا : جو تمہاری نگاہ سے اوجھل نہ ہو اسے تم کھا لو اور جو اوجھل ہو جائے اسے رہنے دو ‘‘۔ یہ روایت امام طبرانی نے معجم کبیر میں نقل کی ہے اس کی سند میں راوی عثمان بن عبدالرحمن ہے میرا خیال ہے یہ قرشی ہے ۔

EnglishUnverified translation

Ibn Abbas (رضي الله عنهما) disliked that game which spent the night away from its hunter should be eaten.

اردو ترجمہ · UrduUnverified translation

حضرت عبداللہ بن عباس رضی اللہ عنہما کے بارے میں یہ بات منقول ہے وہ اس بات کو مکروہ سمجھتے تھے کہ جب کوئی شکار رات بھر اپنے ساتھی سے الگ رہے ‘ تو اسے کھایا جائے ( یعنی حضرت عبداللہ بن عباس رضی اللہ عنہما اسے مکروہ سمجھتے تھے ) ۔ یہ روایت امام طبرانی نے معجم کبیر میں نقل کی ہے اس کی سند میں ایک راوی علی بن عاصم ہے اور وہ ضعیف ہے ۔

EnglishUnverified translation

Ibn Abbas (رضي الله عنهما) reported that the Messenger of Allah ﷺ said. > **"When you release your dog and it eats from the game, do not eat, for it held it for itself. And when you release it and it kills without eating, then eat, for it held it for its master."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ جب تم اپنے کتے کو چھوڑو اور وہ شکار کو کھا لے تو تم اس شکار کو نہ کھاؤ کیونکہ اس نے یہ شکار اپنے لئے کیا ہو گا ‘ اور جب تم اسے چھوڑو اور وہ شکار کو مار دے اور اس نے خود اس میں سے نہ کھایا ہو ‘ تو تم اس شکار کو کھا لو کیونکہ وہ شکار اس نے اپنے آقا کے لئے کیا ہو گا ‘‘۔ یہ روایت امام احمد نے نقل کی ہے اور اس کے رجال صحیح کے رجال ہیں ۔

EnglishUnverified translation

Ibn Abbas (رضي الله عنهما) reported that a man came to the Prophet ﷺ and said: I release my dog and it catches game. He said. > **"If it eats, do not eat. And if it does not eat, then eat."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : ایک شخص نبی اکرم ﷺ کی خدمت میں حاضر ہوا اس نے عرض کی : میں اپنے کتے کو چھوڑتا ہوں وہ ( شکار کو ) پکڑ لیتا ہے ۔ نبی اکرم ﷺ نے فرمایا : اگر وہ ( کتا ‘ اس میں سے ) کھا لیتا ہے ‘ تو تم اس ( شکار ) کو نہ کھاؤ اگر وہ نہیں کھاتا تو تم ( اس شکار ) کھا لو ۔ یہ روایت امام بزار نے نقل کی ہے اس کی سند میں ایک راوی حماد بن شعیب ہے اور وہ ضعیف ہے ۔

EnglishUnverified translation

Abu Hurayrah (رضي الله عنه) reported from the Prophet ﷺ that he forbade ramiyyah, that an animal be shot and then eaten, but rather it is to be slaughtered, then they may shoot if they wish. > **"An animal is not to be shot and then eaten; rather it is to be slaughtered, then they may shoot if they wish."**

اردو ترجمہ · UrduUnverified translation

حضرت ابوہریرہ رضی اللہ عنہ نبی اکرم ﷺ کے بارے میں یہ بات نقل کرتے ہیں کہ آپ نے رمیہ سے منع کیا ہے یعنی جانور کو تیر مارا جائے ( یعنی اس نشانہ بازی کر کے اسے مار دیا جائے ) اور پھر اس کو کھایا جائے بلکہ اسے ذبح کیا جائے گا پھر اگر وہ چاہے ‘ تو تیر مار لے ‘‘۔ یہ روایت امام احمد نے نقل کی ہے اور امام طبرانی نے معجم اوسط میں نقل کی ہے اس کی سند میں ایک راوی ابن لہیعہ ہے اور اس کی نقل کردہ حدیث حسن ہے ۔

EnglishUnverified translation

Samurah (رضي الله عنه) reported that the Messenger of Allah ﷺ said. > **"Do not take anything possessing a soul as a target."**

اردو ترجمہ · UrduUnverified translation

حضرت سمرہ رضی اللہ عنہ نبی اکرم ﷺ کا یہ فرمان نقل کرتے ہیں : ’’ کسی بھی ایسی چیز کو نشانہ نہ بناؤ جس میں روح موجود ہو ‘‘۔ یہ روایت امام بزار نے نقل کی ہے اس کی سند میں ایک راوی خلاد بن بزیع ہے کسی نے اس پر جرح نہیں کی ہے اور نہ ہی اس کی توثیق کی ہے اس روایت کے بقیہ رجال ثقہ ہیں ۔

EnglishUnverified translation

Samurah ibn Jundub (رضي الله عنه) reported that the Messenger of Allah ﷺ forbade that a beast be tied up as a target, and that its meat be eaten when it has been so tied. > **"An animal is not to be tied up as a target, nor is its meat to be eaten when it has been tied up."**

اردو ترجمہ · UrduUnverified translation

حضرت سمرہ بن جندب رضی اللہ عنہ بیان کرتے ہیں : نبی اکرم ﷺ نے اس بات سے منع کیا ہے کہ جانوروں کو باندھ کر ( ان پر نشانہ بازی کی جائے ) اور جب انہیں باندھ کر ( نشانہ بازی کر کے مارا جائے ) تو اس کا گوشت کھانے ( سے بھی نبی اکرم ﷺ نے منع کیا ہے ) ۔ یہ روایت امام طبرانی نے معجم کبیر میں نقل کی ہے اس کی سند میں ایک راوی خلاد بن یزید ہے ۔ انہوں نے اس کا یہ نام بیان کیا ہے لیکن درست یہ ہے کہ ان کا نام خلاد بن بزیع ہے جیسا کہ اس سے پہلے والی حدیث میں گزر چکا ہے کسی نے بھی اس پر جرح نہیں کی ہے ۔

EnglishUnverified translation

Al-Mughirah ibn Shubah (رضي الله عنه) reported that the Prophet ﷺ passed by a group of the Ansar shooting at a pigeon, and he said. > **"Do not take a living soul as a target."**

اردو ترجمہ · UrduUnverified translation

حضرت مغیرہ بن شعبہ رضی اللہ عنہ بیان کرتے ہیں : نبی اکرم ﷺ کا گزر کچھ انصار کے پاس سے ہوا جو ایک کبوتری پر تیراندازی کر رہے تھے تو آپ نے ارشاد فرمایا :’’ کسی ذی روح چیز کو نشانہ نہ بناؤ ‘‘۔ یہ روایت امام طبرانی نے معجم اوسط اور معجم کبیر میں نقل کی ہے اور اس کی سند حسن ہے ۔

EnglishUnverified translation

Abu Salih al-Hanafi reported from a Companion of the Prophet ﷺ, whom he thought to be Ibn Umar (رضي الله عنهما), that he heard the Messenger of Allah ﷺ say. > **"Whoever mutilates one possessing a soul and then does not repent, Allah will mutilate him on the Day of Resurrection."**

اردو ترجمہ · UrduUnverified translation

ابوصالح حنفی نے نبی اکرم ﷺ کے اصحاب میں سے ایک صاحب کے حوالے سے ‘ میرا خیال ہے وہ صحابی حضرت عبداللہ بن عمر رضی اللہ عنہما ہیں ‘ ان کا یہ بیان نقل کیا ہے میں نے نبی اکرم ﷺ کو یہ ارشاد فرماتے ہوئے سنا ہے ’’ جو شخص کسی ذی روح چیز کا مثلہ کرتا ہے اور پھر اس عملسے توبہ نہیں کرتا تو قیامت کے دن اللہ تعالیٰ اس شخص کا مثلہ کرے گا ‘‘۔ یہ روایت امام احمد نے نقل کی ہے اور اس کے رجال ثقہ ہیں ۔

EnglishUnverified translation

Abu al-Ahwas reported that his father Awf ibn Malik came to the Prophet ﷺ wearing tattered garments, and he said. > **"O Awf, are your camels not born with sound ears, then you deliberately cut some of them and say: This is a bahirah, and you deliberately slit some of them and say: This is a surm? Do not do so. The forearm of Allah is stronger than your forearm, and the blade of Allah is sharper than your blade. Eat what Allah has given you as lawful, and do not forbid anything of your wealth. O Awf ibn Malik, is the slave who obeys you and follows your command more beloved to you, or the slave who does not obey you nor follow your command more beloved to you? He said: Rather my slave who obeys me and follows my command. He said: So likewise are you before your Lord."**

اردو ترجمہ · UrduUnverified translation

ابواحوض بیان کرتے ہیں : حضرت عوف بن مالک رضی اللہ عنہ یعنی راوی کے والد نبی اکرم ﷺ کی خدمت میں حاضر ہوئے ان کے جسم پر چادریں تھیں ‘ نبی اکرم ﷺ نے فرمایا : اے عوف کیا ایسا نہیں ہے کہ جب تمہاری اونٹنی بچے کو جنم دیتی ہے ‘ تو اس بچے کے کان ٹھیک ہوتے ہیں اور پھر تم اس بچے کے پاس جا کر اس کے کان چیر دیتے ہو اور یہ کہتے ہو یہ بحیرہ ہے یا تم کسی بچے کے پاس جا کر اس کے کان شق کر دیتے ہو اور تم کہتے ہو یہ صرم ہے تم ایسا نہ کرو اللہ تعالیٰ کی کلائی تمہاری کلائی سے زیادہ مضبوط ہے اور اللہ تعالی کا استرا تمہارے استرے سے زیادہ تیز دھار والا ہے ‘ جو چیز اللہ تعالیٰ نے تمہیں حلال کے طور پر عطا کی ہوئی ہے اسے کھا لو اور تم اپنے مال میں سے کسی چیز کو حرام نہ کرو نبی اکرم ﷺ نے ان سے فرمایا : اے عوف بن مالک تمہارا وہ غلام جو تمہاری فرمانبرداری کرتا ہے اور تمہارے حکم کی پیروی کرتا ہے وہ تمہارے نزدیک زیادہ پسندیدہ ہو گا ؟ یا تمہارا وہ غلام جو تمہاری فرمانبرداری بھی نہیں کرتا اور تمہارے حکم کی پیروی بھی نہیں کرتا وہ تمہارے نزدیک زیادہ پسندیدہ ہو گا ؟ تو حضرت عوف بن مالک رضی اللہ عنہ نے کہا جی نہیں ! بلکہ میرا وہ غلام جو میری فرمانبرداری کرتا ہے اور میرے حکم کی پیروی کرتا ہے ( یقینا وہ زیادہ پسندیدہ ہو گا ) نبی اکرم ﷺ نے ارشاد فرمایا : اپنے پروردگار کی بارگاہ میں تم لوگ بھی اسی طرح ہو ۔ یہ روایت امام طبرانی نے معجم کبیر میں نقل کی ہے ۔ انہوں نے اس حدیث میں صحابی کا نام حضرت عوف بن مالک رضی اللہ عنہ بیان کیا ہے :’’ سنن ‘‘ میں اس روایت کا کچھ حصہ حضرت مالک بن نضلہ رضی اللہ عنہ کی نقل کردہ حدیث کے طور پر مذکور ہے ‘ جو ابو ملیح نامی راوی کے والد ہیں امام طبرانی کی سند میں ایک راوی عبدالرحمن مسعودی ہے وہ ثقہ ہے لیکن وہ اختلاط کا شکار ہو گیا تھا ۔

EnglishUnverified translation

Abu Said al-Khudri (رضي الله عنه) reported that the Prophet ﷺ was asked about cutting off the fat tails of sheep and the humps of camels, and he said. > **"Whatever is cut from a beast while it is alive is dead meat."**

اردو ترجمہ · UrduUnverified translation

حضرت ابوسعید خدری رضی اللہ عنہ بیان کرتے ہیں : نبی اکرم ﷺ سے بکریوں کی چکی یا اونٹوں کی کوہان کی چربی کانٹے کے بارے میں دریافت کیا گیا : تو آپ نے ارشاد فرمایا : زندہ جانور کا جو بھی حصہ کاٹا جائے وہ مردار شمار ہو گا ۔ یہ روایت امام بزار نے نقل کی ہے اس کی سند میں ایک راوی مسور بن صلت ہے اور وہ متروک ہے ۔

EnglishUnverified translation

Qurrah ibn Iyas (رضي الله عنه) reported that a man said: O Messenger of Allah, I slaughter a sheep yet I feel mercy for it. The Prophet ﷺ said. > **"If you show mercy to the sheep, Allah will show mercy to you."**

اردو ترجمہ · UrduUnverified translation

قرہ بن ایاس بیان کرتے ہیں : ایک شخص نے عرض کی : یا رسول اللہ ! میں بکری ذبح کرنے لگتا ہوں لیکن مجھے اس پر رحم آتا ہے ( راوی کو شک ہے شاید یہ الفاظ ہیں : ) بکری کو ذبح کرنے کے حوالے سے مجھے بکری پر رحم آتا ہے ‘ تو نبی اکرم ﷺ نے فرمایا : ’’ اگر تم بکری پر رحم کرتے ہو ‘ تو اللہ تعالیٰ تم پر رحم کرے گا اگر تم بکری پر رحم کرتے ہو ‘ تو اللہ تعالیٰ تم پر رحم کرے گا ‘‘۔ یہ روایت امام احمد نے امام بزار نے اور امام طبرانی نے معجم کبیر اور معجم صغیر میں نقل کی ہے اور ان حضرات نے کسی شک کے بغیر یہ روایت نقل کی ہے ان حضرات کا یہ کہنا ہے کہ ان صاحب نے عرض کی : یا رسول اللہ ! میں بکری ذبح کرنے لگتا ہوں تو مجھے اس پر رحم آ جاتا ہے ۔۔۔۔۔۔۔۔۔۔ اس روایت کے مختلف الفاظ ہیں اور اس کے رجال ثقہ ہیں ۔

EnglishUnverified translation

Abu Umamah (رضي الله عنه) reported that the Messenger of Allah ﷺ said. > **"Whoever shows mercy to a slaughtered animal, Allah will show mercy to him on the Day of Resurrection."**

اردو ترجمہ · UrduUnverified translation

حضرت ابوامامہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جو شخص ذبیحہ پر رحم کرتا ہے قیامت کے دن اللہ تعالی اس پر رحم کرے گا ‘‘۔

EnglishUnverified translation

In another narration from Abu Umamah (رضي الله عنه), the Messenger of Allah ﷺ said. > **"Whoever shows mercy, even to a sparrow slaughtered, Allah will show mercy to him on the Day of Resurrection."**

اردو ترجمہ · UrduUnverified translation

ایک روایت میں یہ الفاظ ہیں : ’’ جو شخص رحم کرتا ہے خواہ وہ ایک چڑیا کے ذبیحہ پر ہی کرے تو قیامت کے دن اللہ تعالی اس پر رحم کرے گا “۔ یہ روایت امام طبرانی نے معجم کبیر میں نقل کی ہے اور اس کے رجال ثقہ ہیں ۔

EnglishUnverified translation

Maqil ibn Yasar (رضي الله عنه) reported: I said: O Messenger of Allah, I seize a camel to slaughter it, then I feel mercy for it. He said. > **"If you show mercy to it, Allah will show mercy to you."**

اردو ترجمہ · UrduUnverified translation

حضرت معقل بن یسار رضی اللہ عنہ بیان کرتے ہیں : میں نے عرض کی : یا رسول اللہ ! بعض اوقات میں کسی اونٹ کو ذبح کرنے کے لئے پکڑتا ہوں اور پھر مجھے اس پر رحم آ جاتا ہے ‘ نبی اکرم ﷺ نے فرمایا : اگر تم اس پر رحم کرتے ہو ‘ تو اللہ تعالیٰ تم پر رحم کرے گا ‘‘۔ یہ روایت امام طبرانی نے معجم کبیر میں نقل کی ہے اس کی سند میں ایک راوی عثمان بن عبدالرحمن جمحی ہے ابوحاتم کہتے ہیں : اس کی حدیث کو نوٹ کیا جائے گا لیکن اس سے استدلال نہیں کیا جائے گا ۔

EnglishUnverified translation

Ibn Abbas (رضي الله عنهما) reported that the Messenger of Allah ﷺ passed by a man placing his foot upon the side of a sheep while sharpening his blade, as the sheep gazed at him with its eyes. He said. > **"Why not before this? Does he wish to kill it twice over?"**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : نبی اکرم ﷺ کا گزر ایک شخص کے پاس سے ہوا جس نے اپنا ایک پاؤں بکری کے پہلو پر رکھا ہوا تھا اور وہ چھری تیز کر رہا تھا اور بکری چھری کی طرف دیکھ رہی تھی نبی اکرم ﷺ نے فرمایا : کیا یہ اس سے پہلے نہیں ہو سکتا تھا ؟ کیا یہ شخص یہ چاہتا ہے کہ اسے ( یعنی بکری کو ) دو مرتبہ موت کا شکار کرے ۔ یہ روایت امام طبرانی نے معجم کبیر اور معجم اوسط میں نقل کی ہے اور اس کے رجال صحیح کے رجال ہیں ۔

EnglishUnverified translation

Safinah (رضي الله عنه) reported that a man slaughtered his she-camel with a jidhl, a tree root, then asked the Prophet ﷺ, who commanded them to eat it. > **"Eat it."**

اردو ترجمہ · UrduUnverified translation

حضرت سفینہ رضی اللہ عنہ بیان کرتے ہیں : ایک شخص نے درخت کی جڑ ( یعنی لکڑی ) کے ذریعے اپنی اونٹنی کو ذبح کر دیا ‘ اس نے نبی اکرم ﷺ سے اس بارے میں دریافت کیا ‘ تو نبی اکرم ﷺ نے ان لوگوں کو اس کا گوشت کھانے کا حکم دیا ۔ یہ روایت امام احمد نے نقل کی ہے ۔

EnglishUnverified translation

Safinah (رضي الله عنه) reported in the narration of al-Bazzar that he shed the blood of a camel with a jidhl, then asked the Prophet ﷺ about it. He asked whether it caused the blood to flow. He said yes, so he commanded him to eat it. > **"Did it cause the blood to flow? Then eat it."**

اردو ترجمہ · UrduUnverified translation

حضرت سفینہ رضی اللہ عنہ کے حوالے سے امام بزار نے یہ بات نقل کی ہے ۔ انہوں نے درخت کے تنے کے ذریعے ایک اونٹ کو ذبح کیا انہوں نے نبی اکرم ﷺ سے اس بارے میں دریافت کیا ، تو آپ نے دریافت کیا : کیا اس نے خون بہا دیا تھا اس نے جواب دیا : جی ہاں ! تو نبی اکرم ﷺ نے اس صاحب کو اس کے کھانے کا حکم دیا ( یعنی اجازت دی ) ۔ امام احمد کے رجال صحیح کے رجال ہیں البتہ یہ یحیی بن ابوکثیر کی حضرت سفینہ رضی اللہ عنہ سے نقل کردہ روایت ہے ۔

EnglishUnverified translation

Ibn Umar (رضي الله عنهما) reported that a woman pasturing sheep for the family of Kab ibn Malik at Sal feared one sheep would die, so she slaughtered it with a stone. That was mentioned to the Messenger of Allah ﷺ, and he commanded them to eat it. In another narration, Kab ibn Malik asked the Messenger of Allah ﷺ about a slave-girl who slaughtered with a sharp stone, and he said. > **"Eat it."**

اردو ترجمہ · UrduUnverified translation

حضرت عبداللہ بن عمر رضی اللہ عنہما بیان کرتے ہیں : ایک عورت ’’ سلع ‘‘ پہاڑ کے پاس آل کعب بن مالک کی بکریاں چرا رہی تھی اسے ایک بکری کے حوالے سے مرنے کا اندیشہ ہوا تو اس نے پتھر کے ذریعے اسے ذبح کر دیا اس بات کا تذکرہ نبی اکرم ﷺ سے کیا گیا تو آپ نے ان لوگوں کو اس کا گوشت کھانے کا حکم دیا ۔ یہ روایت امام احمد اور امام بزار نے اور امام طبرانی نے معجم اوسط میں نقل کی ہے تاہم انہوں نے یہ الفاظ نقل کیے ہیں : حضرت عبداللہ بن عمر رضی اللہ عنہما کے حوالے سے یہ بات منقول ہے حضرت کعب بن مالک رضی اللہ عنہ نے نبی اکرم ﷺ سے کنیز کے بارے میں دریافت کیا : جس نے پتھر کے ذریعے جانور کو ذبح کیا تھا تو نبی اکرم ﷺ نے ارشاد فرمایا : تم اس کو کھا لو ۔ امام احمد اور امام بزار کے رجال صحیح کے رجال ہیں ۔

EnglishUnverified translation

Abu Rafi (رضي الله عنه) reported: I slaughtered a sheep with a peg, then came to the Messenger of Allah ﷺ and said: O Messenger of Allah, I slaughtered a sheep with a peg? He said. > **"Eat it."**

اردو ترجمہ · UrduUnverified translation

حضرت ابورافع رضی اللہ عنہ بیان کرتے ہیں : میں نے کیل کے ذریعے بکری ذبح کر دی میں نبی اکرم ﷺ کی خدمت میں حاضر ہوا میں نے عرض کی : یا رسول اللہ ! میں نے کیل کے ذریعے بکری ذبح کر لی ہے ۔ نبی اکرم ﷺ نے فرمایا : تم اسے کھا لو ۔ یہ روایت امام بزار نے اور امام طبرانی نے معجم کبیر میں نقل کی ہے اس کے رجال ثقہ ہیں معجم کبیر کی ایک روایت میں یہ الفاظ ہیں : نبی اکرم ﷺ نے اس بکری کا گوشت کھایا تھا ۔

EnglishUnverified translation

Hudhayfah (رضي الله عنه) reported that the Messenger of Allah ﷺ said. > **"Slaughter with everything that severs the jugular veins, except tooth and nail."**

اردو ترجمہ · UrduUnverified translation

حضرت حذیفہ رضی اللہ عنہ بیان کرتے ہیں : نبی اکرم ﷺ نے ارشاد فرمایا :’’ ہر اس چیز کے ذریعے ذبح کر لو جو رگوں کو کاٹ دیتی ہے البتہ سن اور ظفر کا معاملہ مختلف ہے ‘‘۔ یہ روایت امام طبرانی نے معجم اوسط میں نقل کی ہے اس کی سند میں ایک راوی عبداللہ بن خراش ہے ‘ جسے ابن حبان نے ثقہ قرار دیا ہے وہ فرماتے ہیں : یہ بعض اوقات غلطی کر جاتا ہے جمہور نے اسے ضعیف کہا ہے ۔

EnglishUnverified translation

Abu Umamah (رضي الله عنه) reported that a slave-girl of Abu Masud Uqbah ibn Amr was pasturing sheep when one was dying, so she broke a stone from al-Marwah and slaughtered it with it. She brought it to Uqbah ibn Amr and informed him, so he said: Take it to the Messenger of Allah ﷺ as you are. The Messenger of Allah ﷺ asked her whether she had severed the jugular veins. She said yes. He said. > **"Everything that severs the jugular veins is permissible, so long as it is not the edge of a tooth or the edge of a nail."**

اردو ترجمہ · UrduUnverified translation

حضرت ابوامامہ رضی اللہ عنہ بیان کرتے ہیں : حضرت ابومسعود عقبہ بن عمرو رضی اللہ عنہ کی کنیز بکریاں چرا رہی تھی ان میں سے ایک بکری مرنے لگی تو اس کنیز نے ایک پتھر توڑا اور اس کے ذریعے بکری کو ذبح کر لیا پھر وہ اس کو لے کے حضرت عقبہ بن عامر رضی اللہ عنہ کے پاس آئی اور انہیں اس بارے میں بتایا تو انہوں نے فرمایا : تم اسے لے کر نبی اکرم ﷺ کے پاس جاؤ اسی حالت میں جس طرح تم ہو ‘ نبی اکرم ﷺ نے اس خاتون سے دریافت کیا : کیا تم نے رگوں کو کاٹ دیا تھا ؟ اس نے جواب دیا : جی ہاں ! نبی اکرم ﷺ نے فرمایا : ہر وہ چیز جو رگوں کو کاٹ دے جبکہ وہ سن یا ظفر نہ ہو ( تو وہ جائز ہے ) ۔ یہ روایت امام طبرانی نے معجم کبیر میں نقل کی ہے اس کی سند میں ایک راوی علی بن یزید ہے اور وہ ضعیف ہے ویسے اس کی توثیق کی گئی ہے ۔

EnglishUnverified translation

Zirr ibn Hubaysh reported: The people of Madinah went out in a military expedition, when a tall bald man wearing a coarse waist-wrapper and a striped cloak stood above the people by a forearm and said: O people, emigrate and do not speak ill; let none of you strike a hare with a stick or a stone and then eat it; rather slaughter with the asal, spears and arrows. I asked who he was, and they said: Umar ibn al-Khattab (رضي الله عنه).

اردو ترجمہ · UrduUnverified translation

زربن حبیش بیان کرتے ہیں : اہل مدینہ ایک جنگ کے سلسلے میں نکلے میں نے ایک شخص کو دیکھا جو آگے سے گنجا تھا اور لمبا تڑنگا تھا ‘ وہ لوگوں سے ایک بالشت لمبا محسوس ہوتا تھا ‘ اس نے تہبند باندھا ہوا تھا اور چادر لی ہوئی تھی وہ یہ کہہ رہا تھا : اے لوگو ! روانہ ہو جاؤ اور تم کوئی غلط بات نہ کہنا اور کوئی شخص لاٹھی یا پتھر کے ذریعے خرگوش کو نہ مارے کہ پھر اس کو کھا لے بلکہ چھوٹے یا بڑے نیزے کے ذریعے ذبح کرنا ‘ میں نے دریافت کیا : یہ کون صاحب ہیں ؟ تو لوگوں نے بتایا : یہ حضرت عمر بن خطاب ہیں ۔ یہ روایت امام طبرانی نے معجم کبیر میں نقل کی ہے اور اس کے رجال کی توثیق کی گئی ہے ۔

EnglishUnverified translation

Anas (رضي الله عنه) reported from the Prophet ﷺ that he was asked: Is slaughter only in the throat and the labbah? He said. > **"Had you stabbed it in its thigh, it would have sufficed you."**

اردو ترجمہ · UrduUnverified translation

حضرت انس رضی اللہ عنہ نبی اکرم ﷺ کے حوالے سے یہ بات نقل کرتے ہیں : آپ سے دریافت کیا گیا کہ کیا ذبح کرنا صرف حلق اور لبہ میں ہوتا ہے آپ نے فرمایا : اگر تم اس کے زانوں پر ( تیر یا نیزہ ) چبھو دو تو یہ بھی تمہاری طرف سے کفایت کر جائے گا ۔ یہ روایت امام طبرانی نے معجم اوسط میں نقل کی ہے اس کی سند میں ایک راوی بکر بن ثرود ہے اور وہ ضعیف ہے ۔

EnglishUnverified translation

Rafi ibn Khadij (رضي الله عنه) reported from the Prophet ﷺ that a camel of the charity camels fled, and they pursued it. When they were unable to seize it, a man shot it with an arrow and struck its fatal spot. They asked about eating it, so he commanded them to eat it, and said. > **"They have wild instincts like the wildness of wild beasts. When any of them eludes you, do with it as you did with this one, then eat it."**

اردو ترجمہ · UrduUnverified translation

حضرت رافع بن خدیج رضی اللہ عنہ نبی اکرم ﷺ کے بارے میں یہ بات نقل کرتے ہیں : صدقہ کے اونٹوں میں سے ایک اونٹ سرکش ہو گیا لوگوں نے اس کا پیچھا کیا جب اس نے لوگوں کو تھکا دیا کہ وہ اسے نہیں پکڑ سکے تو ایک شخص نے اسے تیر مارا تو وہ تیر اس کے اس جگہ پر لگا جس کے ذریعے وہ مر گیا لوگوں نے اس کا گوشت کھانے کے بارے میں نبی اکرم ﷺ سے دریافت کیا ‘ تو نبی اکرم ﷺ نے ان لوگوں کو اس کو کھانے کی ہدایت کی نبی اکرم ﷺ نے ارشاد فرمایا : وحشی جانوروں کے بدکنے کی طرح یہ جانور بھی سرکش ہو جاتے ہیں تو جب تم ان میں سے کسی پر قابو نہ پا سکو تو اس جانور کے ساتھ اسی طرح کرو جس طرح اس کے ساتھ کیا ہے اور پھر اس کا گوشت کھا لو ‘‘۔ ( علامہ ہیثمی فرماتے ہیں : ) میں یہ کہتا ہوں : یہ روایت ’’ صحیح ‘‘ میں اختصار کے ساتھ منقول ہے اور یہ روایت زیادہ واضح ہے ۔ یہ روایت امام طبرانی نے معجم کبیر میں نقل کی ہے اور اس کی سند میں کچھ ضعف پایا جاتا ہے ۔

EnglishUnverified translation

Rafi (رضي الله عنه) reported: We were with the Prophet ﷺ at Dhu al-Hulayfah in Tihamah. A riding camel fell into a well in Madinah and was slaughtered from its flank, meaning its side, and Umar (رضي الله عنه) took a tenth of it for a dirham.

اردو ترجمہ · UrduUnverified translation

حضرت رافع رضی اللہ عنہ بیان کرتے ہیں : ہم ذوالحلیفہ میں ، جو تہامہ کی جگہ ہے ‘ وہاں نبی اکرم ﷺ کے ساتھ موجود تھے حضرت رافع رضی اللہ عنہ بیان کرتے ہیں : ایک اونٹنی مدینہ کے کنویں میں گر گئی تو اسے اس کی کوکھ کی طرف سے ذبح کیا گیا حضرت عمر رضی اللہ عنہ نے اس کا دسواں حصہ ایک درہم کے عوض میں حاصل کیا ۔ یہ روایت امام طبرانی نے معجم کبیر میں نقل کی ہے اور اس کے رجال صحیح کے رجال ہیں ۔

EnglishUnverified translation

Jabir ibn Abdullah (رضي الله عنهما) reported: We pursued a cow in the time of the Messenger of Allah ﷺ to restrain it, but it escaped us and resisted us. A freedman of ours called Dhakwan confronted it with a sword in his hand while it roamed about, until it headed toward a mound. When it passed him he struck it with the sword at the root of its neck or upon its shoulder, tearing it open, and it fell before its proper slaughter could be attained. I and Abdullah ibn Thabit ibn al-Jidh went out and met the Messenger of Allah ﷺ and mentioned its case to him, and he said. > **"Eat. When any of these beasts eludes you, restrain it as you restrain wild game."**

اردو ترجمہ · UrduUnverified translation

حضرت جابر بن عبداللہ رضی اللہ عنہ بیان کرتے ہیں : نبی اکرم ﷺ کے زمانہ اقدس میں ہم ایک گائے کے پیچھے جا رہے تھے تاکہ اس کو پکڑ لیں لیکن وہ ہم سے چھوٹ جاتی تھی وہ ہمارے قابو میں نہیں آ رہی تھی ہمارا ایک غلام جس کا نام ذکوان تھا وہ اس کے سامنے آیا اس کے ہاتھ میں تلوار تھی ‘ وہ گائے گھومتی ہوئی ایک ٹیلے کی طرف چلی گئی ‘ جب وہ اس شخص کے پاس سے گزری تو اس نے اس گائے کی گردن پر تلوار ماری ( راوی کو شک ہے شاید یہ الفاظ ہیں : ) کندھے پر تلوار ماری تو تلوار نے اسے چیر دیا وہ گائے گر گئی اسے ذبح کرنے کا موقع نہیں ملا میں اور عبداللہ بن ثابت بن جذع نکلے ہماری ملاقات نبی اکرم ﷺ سے ہوئی ہم نے اس گائے کا معاملہ آپ کے سامنے ذکر کیا ، تو آپ نے ارشاد فرمایا : تم اسے کھا لو جب اس طرح کا کوئی جانور تمہارے قابو سے نکل جائے تو تم اسے یوں پکڑو جس طرح وحشی جانوروں کو پکڑتے ہو ( یا رکنے پر مجبور کرتے ہو ) ۔ یہ روایت امام ابویعلیٰ نے نقل کی ہے اس کی سند میں ایک راوی حرام بن عثمان ہے اور وہ متروک ہے ۔

EnglishUnverified translation

Ali (رضي الله عنه) reported that the Messenger of Allah ﷺ said. > **"All grazing beasts are unruly."**

اردو ترجمہ · UrduUnverified translation

حضرت علی رضی اللہ عنہ نبی اکرم ﷺ کا یہ فرمان نقل کرتے ہیں : ’’ سبھی جانور ظالم ہوتے ہیں ‘‘ ( یہاں ایک لفظ کے بارے میں راوی کو شک ہے لیکن مفہوم یہی ہے ) ۔ یہ روایت امام ابویعلیٰ نے نقل کی ہے اس کی سند میں ایک راوی صالح بن موسیٰ طلحی ہے اور وہ متروک ہے ۔

EnglishUnverified translation

Abu al-Darda and Abu Umamah (رضي الله عنهما) reported that the Messenger of Allah ﷺ said. > **"The slaughter of the fetus is the slaughter of its mother."**

اردو ترجمہ · UrduUnverified translation

حضرت ابودرداء رضی اللہ عنہ اور حضرت ابوامامہ رضی اللہ عنہ بیان کرتے ہیں : نبی اکرم ﷺ نے ارشاد فرمایا : ’’ ( جانور کے ) پیٹ میں موجود بچے کو ذبح کرنا اس کی ماں کو ذبح کرنا ہی ہو گا ‘‘۔ یہ روایت امام بزار نے اور امام طبرانی نے معجم کبیر میں نقل کی ہے اس کی سند میں ایک راوی بشر بن عمارہ ہے اس کی توثیق کی گئی ہے اور اس میں ضعف پایا جاتا ہے ۔

EnglishUnverified translation

Jabir (رضي الله عنه) reported from the Prophet ﷺ that he said. > **"The slaughter of the fetus is the slaughter of its mother, when it has grown hair."**

اردو ترجمہ · UrduUnverified translation

حضرت جابر رضی اللہ عنہ نبی اکرم ﷺ کا یہ فرمان نقل کرتے ہیں : ’’ ( جانور کے ) پیٹ میں موجود بچے کی ماں کو ذبح کرنا ہی اسے ذبح کرنا شمار ہو گا جبکہ اس بچے کے بال آ چکے ہوں “۔ ( علامہ ہیثمی فرماتے ہیں : ) میں یہ کہتا ہوں : یہ روایت امام ابوداؤد نے بھی نقل کی ہے تاہم انہوں نے یہ الفاظ نقل نہیں کیے ہیں ’’ جبکہ اس کے بال آ چکے ہوں ‘‘۔ یہ روایت امام ابویعلیٰ نے نقل کی ہے اس کی سند میں ایک راوی حماد بن شعیب ہے اور وہ ضعیف ہے ۔

EnglishUnverified translation

Ibn Umar (رضي الله عنهما) reported that the Messenger of Allah ﷺ said. > **"The slaughter of the fetus is the slaughter of its mother, when it has grown hair."**

اردو ترجمہ · UrduUnverified translation

حضرت عبداللہ بن عمر رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ ( جانور کے ) پیٹ میں موجود بچے کی ماں کو ذبح کرنا ہی اس بچے کو ذبح کرنا شمار ہو گا جبکہ اس کے بال آ چکے ہوں ‘‘۔ یہ روایت امام طبرانی نے معجم اوسط میں نقل کی ہے اور معجم صغیر میں ۔ انہوں نے یہ الفاظ نقل نہیں کیے ہیں : ” جبکہ اس کے بال آ چکے ہوں ‘‘ اس کی سند میں ایک راوی ابن اسحاق ہے وہ ثقہ ہے لیکن تدلیس کرنے والا ہے معجم اوسط کے بقیہ رجال ثقہ ہیں ۔