Fatah Al-Rabani Musnad Ahmad Fiqhi #2953
۔ (۲۹۵۳) عَنْ عَبْدِ اللّٰہِ (یَعْنِی ابْنَ مَسْعُوْدٍ رضی اللہ عنہ قَالَ: صَلّٰی بِنَا رَسُوْلُ اللّٰہِ صلی اللہ علیہ وآلہ وسلم صَلَاۃَ الْخَوْفِ فَقَامُوْا صَفَّیْنِ، فَقَامَ صَفٌّ خَلْفَ النَّبِیِّ صلی اللہ علیہ وآلہ وسلم وَصَفٌّ مُسْتَقْبِلُ الْعَدُوِّ، فَصَلّٰی رَسُوْلُ اللّٰہِ صلی اللہ علیہ وآلہ وسلم بِالصَّفِّ الذَّیِ یَلَوْنَہُ رَکْعَۃً، ثُمَّ قَامُوْا فَذَہَبُوْا فَقَامُوْا مَقَامَ أَوْلٰئِکَ مُسْتَقْبِلِیْ الْعَدُوِّ،وَجَائَ أُوْلٰئِکَ فَقَامُوْا مَقَامَہُمْ، فَصَلّٰی بِہِمْ رَسُوْلُ اللّٰہِ صلی اللہ علیہ وآلہ وسلم رَکْعَۃً ثُمَّ سَلَّمَ، ثُمَّ قَامُوْا فَصَلَّوْا لِأَنْفُسِہِمْ رَکْعَۃً ثُمَّ سَلَّمُوْا، ثُمَّ ذَہَبُوْا فَقَامُوْا مَقَامَ أَوْلٰئِکَ مُسْتَقْبِلِیْ الْعَدُوِّ وَرَجَعَ أُوْلٰئِکَ إِلٰی مَقَامِہِمْ فَصَلَّوْا لِأَنْفُسِہِمْ رَکْعَۃً، ثُمَّ سَلَّمُوْا۔ (مسند احمد:۳۵۶۱)
اردو ترجمہ · Urdu
سیّدنا عبد اللہ بن مسعود رضی اللہ عنہ کہتے ہیں: رسول اللہ صلی اللہ علیہ وآلہ وسلم نے ہمیں نماز خوف پڑھائی، لوگ دو صفیں بنا کر کھڑے ہو گئے۔ ایک صف رسول اللہ صلی اللہ علیہ وآلہ وسلم کے پیچھے کھڑے ہو گئی اور دوسری دشمن کے مدمقابل رہی، آپ صلی اللہ علیہ وآلہ وسلم نے اپنے ساتھ والی صف کو ایک رکعت پڑھائی۔ اس کے بعد یہ لوگ دشمن کے سامنے چلے گئے اور دوسری صف والے ان کے مقام پر (آپ صلی اللہ علیہ وآلہ وسلم کے پیچھے) آ گئے، رسول اللہ صلی اللہ علیہ وآلہ وسلم نے ان کو بھی ایک رکعت پڑھائی۔ جب آپ صلی اللہ علیہ وآلہ وسلم نے سلام پھیرا تو اِن لوگوں نے اٹھ کر ایک ایک رکعت پڑھی اور پھر سلام پھیر کر میدان میں دشمن کے سامنے چلے گئے،وہ لوگ (جائے نماز کی طرف) لوٹے اور آ کر ایک ایک رکعت پڑھ کر سلام پھیر دیا۔