Fatah Al-Rabani Musnad Ahmad Fiqhi #13248
۔ (۱۳۲۴۸)۔ وَ عَنْ عَبْدِاللہِ بْنِ اَبِیْ قَیْسٍ مَوْلٰی غُطَیْفٍ اَنَّہُ اَتٰی عَائِشَۃَ اُمَّ الْمُوْمِنِیْنَ رضی اللہ عنہا فَسَلَّمَ عَلَیْھَا فَقَالَتْ : مَنِ الرَّجُلُ ؟ فَقَالَ : اَنَا عَبْدُاللہِ مَوْلٰی غُطَیْفِ بْنِ عَازِبٍ فَقَالَتْ : اِبْنُ عَفِیْفٍ ؟ فَقَالَ : نَعَمْ ، یَا اُمَّ الْمُوْمِنِیْنَ ! فَسَاَلَھَا عَنِ الرَّکْعَتَیْنِ بَعْدَ صَلَاۃِ الْعَصْرِ اَرَکَعَھُمَا رَسُوْلُ اللہِ صلی اللہ علیہ وآلہ وسلم ؟ قَالَتْ لَہُ : نَعَمْ ، وَسَاَلَھَا عَنْ ذَرَارِیِّ الْکُفَّارِ ، فَقَالَتْ : قَالَ رَسُوْلُ اللہِ صلی اللہ علیہ وآلہ وسلم : ((ھُمْ مَعَ أبَائِھِمْ ۔)) فَقُلْتُ : یَا رَسُوْلَ اللہِ ! بِلَا عَمَلٍ ؟ قَالَ : ((اللہُ عَزَّوَجَلْ اَعْلَمُ بِمَا کَانُوْا عَامِلِیْنَ ۔)) (مسند احمد : ۲۵۰۵۲)
اردو ترجمہ · Urdu
مولائے غطیب عبد اللہ بن ابی قیس، ام المومنین سیدہ عائشہ رضی اللہ عنہا کے پاس آئے اور ان کو سلام کہا، انھوں نے پوچھا: کون ہے؟ اس نے بتایا: جی میں غطیف بن عازب کا غلام عبد اللہ ہوں، انھوں نے کہا: جو عفیف کے بیٹے ہیں؟ اس نے کہا: جی ہاں، اے ام المومنین! پھر اس نے عصر کے بعد کی دو رکعتوں کے متعلق پوچھا کہ آیا اللہ کے رسول صلی اللہ علیہ وآلہ وسلم نے یہ دو رکعتیں ادا کی ہیں؟ انھوں نے کہا: جی ہاں، پھر اس نے کافروں کی اولادکا حکم دریافت کیا، انھوں نے کہا کہ رسول اللہ صلی اللہ علیہ وآلہ وسلم نے ان کے بارے میں فرمایا تھا کہ: وہ آخرت میں اپنے آباء کے ساتھ ہوں گے۔ میں نے کہا تھا: اے اللہ کے رسول! کیا وہ عمل کے بغیر ہی اپنے آباء کے ساتھ (برے انجام میں شریک ہوں گے)؟ آپ صلی اللہ علیہ وآلہ وسلم نے فرمایا: اللہ تعالیٰ ہی بہتر جانتا ہے کہ انھوں نے کون سے عمل کرنے تھے۔