Fatah Al-Rabani Musnad Ahmad Fiqhi · Book 173 · Chapter 2534

خلافت و امارت کے مسائل

فصل سوم: سیدنا عثمان ‌رضی ‌اللہ ‌عنہ کے شرم و حیا ء اور فرشتوں کا ان سے شرمانے کا بیان

5 hadiths in this chapter

12251

Fatah Al-Rabani Musnad Ahmad Fiqhi #12251

Sahih

۔ (۱۲۲۵۱)۔ عَنْ سَالِمٍ اَبِیْ جَمِیْعٍ، حَدَّثَنَا الْحَسَنُ: وَذَکَرَ عُثْمَانَ رَضِیَ اللّٰہُ عَنْہُ وَشِدَّۃَ حَیَائِہِ، فَقَالَ: إِنْ کَانَ لَیَکُونُ فِی الْبَیْتِ، وَالْبَابُ عَلَیْہِ مُغْلَقٌ، فَمَا یَضَعُ عَنْہُ الثَّوْبَ، لِیُفِیضَ عَلَیْہِ الْمَائَ،یَمْنَعُہُ الْحَیَائُ أَنْ یُقِیمَ صُلْبَہُ۔ (مسند احمد: ۵۴۳)

اردو ترجمہ · Urdu

ابو جمیع سالم سے روایت ہے، وہ کہتے ہیں:حسن نے سیدنا عثمان ‌رضی ‌اللہ ‌عنہ اور ان کے شدت حیا کا تذکرہ کیا اور کہا:وہ گھر میں ہوتے اور دروازہ بند ہوتا، تب بھی اپنے اوپر پانی ڈالنے کے لیے کپڑا نہیں اتارتے تھے اور حیاء کی وجہ سے وہ اپنی پشت کو سیدھا نہیں کر پاتے تھے۔

12252

Fatah Al-Rabani Musnad Ahmad Fiqhi #12252

Zaeef

۔ (۱۲۲۵۲)۔ عَنْ شَیْخٍ مِنْ بَجِیلَۃَ، قَالَ: سَمِعْتُ ابْنَ أَبِی أَوْفٰییَقُولُ: اسْتَأْذَنَ أَبُو بَکْرٍ رَضِیَ اللّٰہُ تَعَالٰی عَنْہُ عَلَی النَّبِیِّ صَلَّی اللّٰہُ عَلَیْہِ وَسَلَّمَ، وَعِنْدَہُ جَارِیَۃٌ تَضْرِبُ بِالدُّفِّ فَدَخَلَ ثُمَّ اسْتَأْذَنَ عُمَرُ رَضِیَ اللّٰہُ تَعَالٰی عَنْہُ فَدَخَلَ، ثُمَّ اسْتَأْذَنَ عُثْمَانُ رَضِیَ اللّٰہُ تَعَالٰی عَنْہُ فَأَمْسَکَتْ، قَالَ: فَقَالَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم : ((إِنَّ عُثْمَانَ رَجُلٌ حَیِیٌّ۔)) (مسند احمد: ۱۹۳۲۳)

اردو ترجمہ · Urdu

عبداللہ بن ابی اوفی ٰ ‌رضی ‌اللہ ‌عنہ سے مروی ہے کہ نبی کریم ‌صلی ‌اللہ ‌علیہ ‌وآلہ ‌وسلم کے ہاں ایک بچی دف بجا رہی تھی، اتنے میں سیدنا ابو بکر ‌رضی ‌اللہ ‌عنہ نے اندر آنے کی اجازت طلب کی، پس وہ اندر آ گئے، ان کے بعد سیدنا عمر ‌رضی ‌اللہ ‌عنہ نے آنے کی اجازت طلب کی، وہ بھی داخل ہو گئے، ان کے بعد سیدنا عثمان ‌رضی ‌اللہ ‌عنہ نے آنے کی اجازت طلب کی تو وہ لڑکی دف بجانے سے رک گئی، یہ دیکھ کر رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: عثمان باحیا آدمی ہیں۔

12253

Fatah Al-Rabani Musnad Ahmad Fiqhi #12253

Sahih

۔ (۱۲۲۵۳)۔ حَدَّثَنَا حَجَّاجٌ، حَدَّثَنَا لَیْثٌ، حَدَّثَنِی عُقَیْلٌ، عَنِ ابْنِ شِہَابٍ، عَنْ یَحْیَی بْنِ سَعِیدِ بْنِ الْعَاصِ، أَنَّ سَعِیدَ بْنَ الْعَاصِ أَخْبَرَہُ أَنَّ عَائِشَۃَ زَوْجَ النَّبِیِّ ‌صلی ‌اللہ ‌علیہ ‌وآلہ ‌وسلم ، وَعُثْمَانَ حَدَّثَاہُ أَنَّ أَبَا بَکْرٍ ‌رضی ‌اللہ ‌عنہ ‌ اسْتَأْذَنَ عَلٰی رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم ، وَہُوَ مُضْطَجِعٌ عَلٰی فِرَاشِہِ، لَابِسٌ مِرْطَ عَائِشَۃَ، فَأَذِنَ لِأَبِی بَکْرٍ ‌رضی ‌اللہ ‌عنہ ‌ وَہُوَ کَذٰلِکَ، فَقَضٰی إِلَیْہِ حَاجَتَہُ ثُمَّ انْصَرَفَ، ثُمَّ اسْتَأْذَنَ عُمَرُ ‌رضی ‌اللہ ‌عنہ ‌ فَأَذِنَ لَہُ وَہُوَ عَلٰی تِلْکَ الْحَالِ فَقَضٰی إِلَیْہِ حَاجَتَہُ ثُمَّ انْصَرَفَ، قَالَ عُثْمَانُ ‌رضی ‌اللہ ‌عنہ ‌: ثُمَّ اسْتَأْذَنْتُ عَلَیْہِ فَجَلَسَ، وَقَالَ لِعَائِشَۃَ ‌رضی ‌اللہ ‌عنہا : ((اجْمَعِی عَلَیْکِ ثِیَابَکِ۔)) فَقَضٰی إِلَیَّ حَاجَتِی ثُمَّ انْصَرَفْتُ قَالَتْ عَائِشَۃُ ‌رضی ‌اللہ ‌عنہا : یَا رَسُولَ اللّٰہِ! مَا لِی لَمْ أَرَکَ فَزِعْتَ لِأَبِی بَکْرٍ وَعُمَرَ کَمَا فَزِعْتَ لِعُثْمَانَ رَضِیَ اللّٰہُ عَنْہُ؟ قَالَ رَسُولُ اللّٰہِ صَلَّی اللّٰہُ عَلَیْہِ وَسَلَّمَ: ((إِنَّ عُثْمَانَ رَجُلٌ حَیِیٌّ، وَإِنِّی خَشِیتُ إِنْ أَذِنْتُ لَہُ عَلٰی تِلْکَ الْحَالِ، أَنْ لَا یَبْلُغَ إِلَیَّ فِی حَاجَتِہِ۔)) و قَالَ اللَّیْثُ: وَقَالَ جَمَاعَۃُ النَّاسِ: إِنَّ رَسُولَ اللّٰہِ صَلَّی اللّٰہُ عَلَیْہِ وَسَلَّمَ قَالَ لِعَائِشَۃَ رَضِیَ اللّٰہُ عَنْہَا: ((أَلَا أَسْتَحْیِی مِمَّنْ یَسْتَحْیِی مِنْہُ الْمَلَائِکَۃُ))۔ (مسند احمد: ۲۵۷۳۱)

اردو ترجمہ · Urdu

سیدنا سعید بن ابی العاص ‌رضی ‌اللہ ‌عنہ سے مروی ہے، وہ کہتے ہیں: سیدہ عائشہ ‌رضی ‌اللہ ‌عنہا اور سیدنا عثمان ‌رضی ‌اللہ ‌عنہ نے مجھے بیان کیا کہ سیدنا ابو بکر ‌رضی ‌اللہ ‌عنہ نے آپ ‌صلی ‌اللہ ‌علیہ ‌وآلہ ‌وسلم کی خدمت میں حاضر ہونے کی اجازت طلب کی، نبی کریم ‌صلی ‌اللہ ‌علیہ ‌وآلہ ‌وسلم اس وقت سیدہ عائشہ ‌رضی ‌اللہ ‌عنہ کی چادر اوڑھے اپنے بستر پر لیٹے ہوئے تھے اور اسی حالت میں سیدنا ابو بکر ‌رضی ‌اللہ ‌عنہ کو اندر آنے کی اجازت دے دی اور ان کی ضرورت پوری کردی، ان کے چلے جانے کے بعد سیدنا عمر ‌رضی ‌اللہ ‌عنہ نے اندر آنے کی اجازت طلب کی، انہیں اجازت دے دی گئی، جبکہ آپ ‌صلی ‌اللہ ‌علیہ ‌وآلہ ‌وسلم اسی حالت میں رہے، ان کی ضرورت پوری کردی اور وہ چلے گئے، پھر سیدنا عثمان ‌رضی ‌اللہ ‌عنہ آگئے اور انہوں نے حاضر ہونے کی اجازت طلب کی، اس بار آپ ‌صلی ‌اللہ ‌علیہ ‌وآلہ ‌وسلم سید ھے ہوکر بیٹھ گئے اور سیدہ عائشہ ‌رضی ‌اللہ ‌عنہا سے فرمایا: تم بھی اپنے کپڑے اچھی طرح اپنے اوپر سمیٹ لو، سیدنا عثمان ‌رضی ‌اللہ ‌عنہ کہتے ہیں: رسول اللہ ‌صلی ‌اللہ ‌علیہ ‌وآلہ ‌وسلم نے میری ضرورت پوری کی اور میں چلا گیا، یہ فرق دیکھ کر سیدہ عائشہ ‌رضی ‌اللہ ‌عنہا نے کہا: اللہ کے رسول! کیا وجہ ہے کہ آپ نے سیدنا ابو بکر ‌رضی ‌اللہ ‌عنہ اور سیدنا عمر ‌رضی ‌اللہ ‌عنہ کی آمد پر وہ اہتمام نہیں کیا، جو عثمان ‌رضی ‌اللہ ‌عنہ کی آمد پر کیا۔ رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: عثمان ‌رضی ‌اللہ ‌عنہ انتہائی شرم و حیا والے آدمی ہیں، اگر میں ان کو اسی حالت میں آنے کی اجازت دے دیتا تو مجھے اندیشہ تھا کہ وہ اپنی آمد کا مقصد بیان نہیں کر سکیں گے۔راوی حدیث لیث کہتے ہیں: اہل علم کی ایک جماعت نے بیان کیا ہے کہ رسول اللہ ‌صلی ‌اللہ ‌علیہ ‌وآلہ ‌وسلم نے سیدہ عائشہ ‌رضی ‌اللہ ‌عنہا سے فرمایا: کیا میں ایسے آدمی سے حیا نہ کروں کہ جس سے اللہ کے فرشتے بھی حیا کرتے ہیں۔

12254

Fatah Al-Rabani Musnad Ahmad Fiqhi #12254

Sahih

۔ (۱۲۲۵۴)۔ عَنْ عَائِشَۃَ أُمِّ الْمُؤْمِنِینَ،أَنَّ رَسُولَ اللّٰہِ صَلَّی اللّٰہُ عَلَیْہِ وَسَلَّمَ کَانَ جَالِسًا کَاشِفًا عَنْ فَخِذِہِ، فَاسْتَأْذَنَ أَبُو بَکْرٍ فَأَذِنَ لَہُ وَہُوَ عَلٰی حَالِہِ، ثُمَّ اسْتَأْذَنَ عُمَرُ فَأَذِنَ لَہُ وَہُوَ عَلٰی حَالِہِ، ثُمَّ اسْتَأْذَنَ عُثْمَانُ فَأَرْخٰی عَلَیْہِ ثِیَابَہُ، فَلَمَّا قَامُوْا قُلْتُ: یَا رَسُولَ اللّٰہِ! اسْتَأْذَنَ عَلَیْکَ أَبُو بَکْرٍ وَعُمَرُ فَأَذِنْتَ لَہُمَا وَأَنْتَ عَلٰی حَالِکَ، فَلَمَّا اسْتَأْذَنَ عُثْمَانُ أَرْخَیْتَعَلَیْکَ ثِیَابَکَ، فَقَالَ: ((یَا عَائِشَۃُ! أَلَا أَسْتَحْیِی مِنْ رَجُلٍ وَاللّٰہِ إِنَّ الْمَلَائِکَۃَ تَسْتَحْیِی مِنْہُ۔)) (مسند احمد: ۲۴۸۳۴)

اردو ترجمہ · Urdu

سیدہ عائشہ ‌رضی ‌اللہ ‌عنہا سے روایت ہے کہ رسول اللہ ‌صلی ‌اللہ ‌علیہ ‌وآلہ ‌وسلم تشریف فرما تھے اور آپ ‌صلی ‌اللہ ‌علیہ ‌وآلہ ‌وسلم کی ران سے کپڑا ہٹا ہوا تھا، اتنے میں سیدنا ابو بکر ‌رضی ‌اللہ ‌عنہ نے اندر آنے کی اجازت طلب کی، انہیں اجازت دے دی گئی اور آپ ‌صلی ‌اللہ ‌علیہ ‌وآلہ ‌وسلم اسی طرح بیٹھے رہے، ان کے بعد سیدنا عمر ‌رضی ‌اللہ ‌عنہ نے آنے کی اجازت طلب کی، انہیں بھی آنے کی اجازت دے دی گئی اور آپ ‌صلی ‌اللہ ‌علیہ ‌وآلہ ‌وسلم اسی طرح بیٹھے رہے، ان کے بعد جب عثمان ‌رضی ‌اللہ ‌عنہ نے آنے کی اجازت طلب کی تو آپ نے اپنے اوپر کپڑے کر لیے۔ جب سب لوگ چلے گے تو میں نے کہا: اے اللہ کے رسول! سیدنا ابوبکر ‌رضی ‌اللہ ‌عنہ اور سیدنا عمر ‌رضی ‌اللہ ‌عنہ نے آپ کی خدمت میں حاضر ہونے کی اجازت طلب کی اور آپ نے ان حضرات کو آنے کی اجازت دے دی، جبکہ آپ اسی حالت میں ہی تشریف فرما رہے، لیکن جب سیدنا عثمان ‌رضی ‌اللہ ‌عنہ نے حاضر ہونے کی اجازت طلب کی تو آپ نے اپنے اوپر کپڑے کر لیے، اس فرق کی کیا وجہ ہے؟ آپ ‌صلی ‌اللہ ‌علیہ ‌وآلہ ‌وسلم نے فرمایا: عائشہ! کیا میں اس آدمی سے حیا نہ کروں، کہ اللہ کی قسم! جس سے فرشتے بھی حیا کرتے ہیں۔

12255

Fatah Al-Rabani Musnad Ahmad Fiqhi #12255

Sahih

۔ (۱۲۲۵۵)۔ عَنْ حَفْصَۃَ بِنْتِ عُمَرَ قَالَتْ: دَخَلَ عَلَیَّ رَسُولُ اللّٰہِ صَلَّی اللّٰہُ عَلَیْہِ وَسَلَّمَ ذَاتَ یَوْمٍ، فَوَضَعَ ثَوْبَہُ بَیْنَ فَخِذَیْہِ، فَجَائَ أَبُو بَکْرٍ یَسْتَأْذِنُ فَأَذِنَ لَہُ رَسُولُ اللّٰہِ صَلَّی اللّٰہُ عَلَیْہِ وَسَلَّمَ عَلٰی ہَیْئَتِہِ، ثُمَّ جَائَ عُمَرُ یَسْتَأْذِنُ فَأَذِنَ لَہُ وَرَسُولُ اللّٰہِ صَلَّی اللّٰہُ عَلَیْہِ وَسَلَّمَ عَلٰی ہَیْئَتِہِ، وَجَائَ نَاسٌ مِنْ أَصْحَابِہِ فَأَذِنَ لَہُمْ، وَجَائَ عَلِیٌّیَسْتَأْذِنُ فَأَذِنَ لَہُ وَرَسُولُ اللّٰہِ صَلَّی اللّٰہُ عَلَیْہِ وَسَلَّمَ عَلٰی ہَیْئَتِہِ، ثُمَّ جَائَ عُثْمَانُ فَاسْتَأْذَنَ فَتَجَلَّلَ ثَوْبَہُ ثُمَّ أَذِنَ لَہُ، فَتَحَدَّثُوْا سَاعَۃً ثُمَّ خَرَجُوْا، فَقُلْتُ: یَا رَسُولَ اللّٰہِ! دَخَلَ عَلَیْکَ أَبُو بَکْرٍ وَعُمَرُ وَعَلِیٌّ وَنَاسٌ مِنْ أَصْحَابِکَ وَأَنْتَ عَلٰی ہَیْئَتِکَ لَمْ تَتَحَرَّکْ، فَلَمَّا دَخَلَ عُثْمَانُ تَجَلَّلْتَ ثَوْبَکَ، فَقَالَ: ((أَلَا أَسْتَحْیِی مِمَّنْ تَسْتَحْیِی مِنْہُ الْمَلَائِکَۃُ۔)) (مسند احمد: ۲۷۰۰۰)

اردو ترجمہ · Urdu

سیدہ حفصہ بنت عمر ‌رضی ‌اللہ ‌عنہا سے مروی ہے، وہ کہتی ہیں: رسول اللہ ‌صلی ‌اللہ ‌علیہ ‌وآلہ ‌وسلم ایک روز میرے پاس تشریف لائے اور آپ ‌صلی ‌اللہ ‌علیہ ‌وآلہ ‌وسلم نے اپنا کپڑا پنی رانوں کے درمیان کرلیا،سیدنا ابو بکر ‌رضی ‌اللہ ‌عنہ تشریف لائے اور انہوں نے اندر آنے کی اجازت طلب کی، آپ ‌صلی ‌اللہ ‌علیہ ‌وآلہ ‌وسلم نے انہیں اجازت دے دی اور اپنی اسی حالت میں بیٹھے رہے، ان کے بعد سیدنا عمر ‌رضی ‌اللہ ‌عنہ آئے اور اندر آنے کی اجازت طلب کی، آپ ‌صلی ‌اللہ ‌علیہ ‌وآلہ ‌وسلم نے انہیں بھی اندر آنے کی اجازت دے دی اور ‌صلی ‌اللہ ‌علیہ ‌وآلہ ‌وسلم اپنی اسی حالت میں بیٹھے رہے، پھر سیدنا علی ‌رضی ‌اللہ ‌عنہ تشریف لائے اور اندر آنے کی اجازت طلب کی، انہیں بھی اجازت دی گئی اور اللہ کے رسول اپنی اسی حالت میں بیٹھے رہے، پھر آپ ‌صلی ‌اللہ ‌علیہ ‌وآلہ ‌وسلم کے کچھ اور صحابہ آئے اور انھوں نے اندر آنے کی اجازت طلب کی، آپ ‌صلی ‌اللہ ‌علیہ ‌وآلہ ‌وسلم نے ان کو بھی اجازت دے دی، جبکہ آپ ‌صلی ‌اللہ ‌علیہ ‌وآلہ ‌وسلم اسی حالت پر تشریف فرما رہے، ان کے بعد جب سیدنا عثمان ‌رضی ‌اللہ ‌عنہ تشریف لائے اور انہوں نے اندر آنے کی اجازت طلب کی، تو نبی کریم ‌صلی ‌اللہ ‌علیہ ‌وآلہ ‌وسلم نے اپنے کپڑوں کو سنبھال کر ترتیب دی اور اس کے بعد سیدنا عثمان ‌رضی ‌اللہ ‌عنہ کو اندر آنے کی اجازت دی، یہ لوگ کچھ دیر باتیں کرتے رہے، اس کے بعد جب یہ لوگ اٹھ کر چلے گئے تو میں عائشہ نے عرض کی: اے اللہ کے رسول! آپ کی خدمت میں سیدنا ابو بکر، سیدنا عمر ، سیدنا علی اور دوسرے صحابہ تشریف لائے ، لیکن آپ نے کوئی حرکت نہ کی بلکہ اپنی اسی حالت میں بیٹھے رہے، لیکن جب جب سیدنا عثمان ‌رضی ‌اللہ ‌عنہ آئے تو آپ نے کپڑوں کو سمیٹ کر ترتیب دے دی، اس فرق کی کیا وجہ ہے؟ آپ ‌صلی ‌اللہ ‌علیہ ‌وآلہ ‌وسلم نے فرمایا: کیا میں ایسے شخص کا حیا نہ کروں کہ جس سے فرشتے بھی حیا کرتے ہیں۔