Fatah Al-Rabani Musnad Ahmad Fiqhi · Book 17 · Chapter 163
نیند کی وجہ سے وضو کا بیان
غسل خانے سے باہر آ کر پاؤں کو دھونے، تولیہ وغیرہ سے پانی خشک کرنے کے حکم اور نماز کا ارادہ رکھنے والے کا وضو کی بجائے غسل پر اکتفا کرنے کا بیان
5 hadiths in this chapter
Fatah Al-Rabani Musnad Ahmad Fiqhi #892
۔ (۸۹۲)۔عَنْ عَائِشَۃَؓقَالَتْ: کَانَ النَّبِیُّ صلی اللہ علیہ وآلہ وسلم اِذَا خَرَجَ مِن مُغْتَسَلِہِ حَیْثُ یَغْتَسِلُ مِنَ الْجَنَابَۃِ یَغْسِلُ قَدَمَیْہِ۔ (مسند أحمد: ۲۵۸۸۴)
اردو ترجمہ · Urdu
سیدہ عائشہؓ کہتی ہیں: نبی کریم صلی اللہ علیہ وآلہ وسلم جس غسل خانے میں جنابت والا غسل کرتے تھے، اس سے باہر آ کر پاؤں دھوتے تھے۔
Fatah Al-Rabani Musnad Ahmad Fiqhi #893
۔ (۸۹۳)۔عَنْ مَیْمُونَۃَؓ (زَوْجِ النَّبِیِّ صلی اللہ علیہ وآلہ وسلم) قَالَتْ: وَضَعْتُ لِلنَّبِیِّ صلی اللہ علیہ وآلہ وسلم غُسْلًا فَاغْتَسَلَ مِنَ الْجَنَابَۃِ ثُمَّ أَتَیْتُہُ بِثَوْبٍ حِیْنَ اغْتَسَلَ فَقَالَ بِیَدِہِ ہٰکَذَا تَعْنِیْ رَدَّہُ۔ (مسند أحمد: ۲۷۳۷۹)
اردو ترجمہ · Urdu
زوجۂ رسول سیدہ میمونہؓ سے روایت ہے، وہ کہتی ہیں: میں نے نبی کریم صلی اللہ علیہ وآلہ وسلم کے غسل کا پانی رکھا، پس آپ صلی اللہ علیہ وآلہ وسلم نے غسلِ جنابت کیا، پھر جب آپ صلی اللہ علیہ وآلہ وسلم نے غسل کرلیا تو میں آپ صلی اللہ علیہ وآلہ وسلم کے پاس کپڑا لے کر آئی، لیکن آپ صلی اللہ علیہ وآلہ وسلم نے ہاتھ کے اشارے سے اس کو ردّ کر دیا۔
Fatah Al-Rabani Musnad Ahmad Fiqhi #894
۔ (۸۹۴)۔ (وَعَنْہَا مِنْ طَرِیْقٍ آخَرَ)۔ قَالَتْ: فَنَاوَلْتُہُ خِرْقَۃً فَقَالَ ہٰکَذَا وَ أَشَارَ بِیَدِہِ أَنْ لَا أُرِیْدُہَا، قَالَ سُلَیْمَانُ (الْأَعْمَشُ أَحَدُ رِجَالِ السَّنَدِ): فَذَکَرْتُ ذَالِکَ لِاِبْرَاہِیْمَ فَقَالَ: ہُوَ کَذَالِکَ وَلَمْ یُنْکِرْہُ وَ قَالَ اِبْرَاہِیْمُ: لَا بَأْسَ بِالْمِنْدِیْلِ، اِنَّمَا ہِیَ عَادَۃٌ۔ (مسند أحمد: ۲۷۳۹۳)
اردو ترجمہ · Urdu
۔ (دوسری سند) سیدہ کہتی ہیں: میں نے آپ صلی اللہ علیہ وآلہ وسلم کو ایک چیتھڑا پکڑایا، لیکن آپ صلی اللہ علیہ وآلہ وسلم نے اپنے ہاتھ سے یہ اشارہ کیا کہ آپ صلی اللہ علیہ وآلہ وسلم کو یہ نہیں چاہیے، سلیمان اعمش کہتے ہیں: میں نے یہ حدیث ابراہیم کے لیے ذکر کی، انھوں نے کہا: بات اسی طرح ہی ہے، اور انھوں نے اس کا انکار نہیں کیا اور مزید کہا: کپڑا استعمال کرنے میں کوئی حرج نہیں ہے، یہ ایک طبعی معاملہ ہے۔
Fatah Al-Rabani Musnad Ahmad Fiqhi #895
۔ (۸۹۵)۔عَنْ عَائِشَۃَؓ قَالَتْ: کَانَ رَسُوْلُ اللّٰہِ صلی اللہ علیہ وآلہ وسلم لَا یَتَوَضَّأُ بَعْدَ الْغُسْلِ۔ (مسند أحمد: ۲۶۷۴۳)
اردو ترجمہ · Urdu
سیدہ عائشہؓ سے مروی ہے، وہ کہتی ہیں: رسول اللہ صلی اللہ علیہ وآلہ وسلم غسل کے بعد وضو نہیں کرتے تھے۔
Fatah Al-Rabani Musnad Ahmad Fiqhi #896
۔ (۸۹۶)۔ (وَعَنْہَا مِنْ طَرِیْقٍ ثَانٍ)۔أَنَّ رَسُوْلَ اللّٰہِ صلی اللہ علیہ وآلہ وسلم کَانَ یَغْتَسِلُ وَیُصَلِّی الرَّکْعَتَیْنِ وَصَلَاۃَ الْغَدَاۃِ، لَا أَرَاہُ یُحْدِثُ وُضُوئً ا بَعْدَ الْغُسْلِ۔ (مسند أحمد: ۲۵۷۲۰)
اردو ترجمہ · Urdu
۔ (دوسری سند) سیدہ کہتی ہیں: رسول اللہ صلی اللہ علیہ وآلہ وسلم غسل کرتے، پھر دو سنتیں اور نمازِ فجر ادا کرتے، میں نے آپ صلی اللہ علیہ وآلہ وسلم کو نہیں دیکھا کہ آپ صلی اللہ علیہ وآلہ وسلم نے غسل کے بعد نیا وضو کیا ہو۔
