Fatah Al-Rabani Musnad Ahmad Fiqhi #7556
(۷۵۵۶)۔عَنْ عَبْدِ اللّٰہِ بْنَ عُمَرَ یَقُولُ خَرَجَ رَسُولُ اللّٰہِ صلى الله عليه وآله وسلم إِلَی الْمِرْبَدِ فَخَرَجْتُ مَعَہُ فَکُنْتُ عَنْ یَمِینِہِ وَأَقْبَلَ أَبُو بَکْرٍ فَتَأَخَّرْتُ لَہُ فَکَانَ عَنْ یَمِینِہِ وَکُنْتُ عَنْ یَسَارِہِ ثُمَّ أَقْبَلَ عُمَرُ فَتَنَحَّیْتُ لَہُ فَکَانَ عَنْ یَسَارِہِ فَأَتٰی رَسُولُ اللّٰہِ صَلَّی اللّٰہُ عَلَیْہِ وَسَلَّمَ الْمِرْبَدَ فَإِذَا بِأَزْقَاقٍ عَلَی الْمِرْبَدِ فِیہَا خَمْرٌ قَالَ ابْنُ عُمَرَ فَدَعَانِی رَسُولُ اللّٰہِ صَلَّی اللّٰہُ عَلَیْہِ وَسَلَّمَ بِالْمُدْیَۃِ قَالَ وَمَا عَرَفْتُ الْمُدْیَۃَ إِلَّا یَوْمَئِذٍ فَأَمَرَ بِالزِّقَاقِ فَشُقَّتْ ثُمَّ قَالَ: ((لُعِنَتِ الْخَمْرُ وَشَارِبُہَا وَسَاقِیہَا وَبَائِعُہَا وَمُبْتَاعُہَا وَحَامِلُہَا وَالْمَحْمُولَۃُ إِلَیْہِ وَعَاصِرُہَا وَمُعْتَصِرُہَا وَآکِلُ ثَمَنِہَا۔)) (مسند احمد: ۵۳۹۰)
اردو ترجمہ · Urdu
۔ سیدنا عبد اللہ بن عمر رضی اللہ عنہما سے مروی ہے کہ نبی کریم صلی اللہ علیہ وآلہ وسلم ایک باڑے کی طرف گئے، میں بھی آپ صلی اللہ علیہ وآلہ وسلم کے ساتھ تھا، میں آپ صلی اللہ علیہ وآلہ وسلم کی دائیں جانب تھا، جب سیدنا ابوبکر رضی اللہ عنہ آئے تو میں پیچھے ہٹ گیا اور اب وہ آپ صلی اللہ علیہ وآلہ وسلم کی دائیں جانب تھے اور میں آپ صلی اللہ علیہ وآلہ وسلم کی بائیں جانب تھا، پھر سیدنا عمر رضی اللہ عنہ آ گئے تو پھر میں علیحدہ ہوگیا اور اب آپ صلی اللہ علیہ وآلہ وسلم کی بائیں جانب سیدنا عمر رضی اللہ عنہ تھے۔ نبی کریم صلی اللہ علیہ وآلہ وسلم باڑے میں آئے تو باڑے میں کچھ مشکیں تھیں، جن میں شراب تھی۔ سیدنا ابن عمر رضی اللہ عنہما کہتے ہیں: مجھ سے نبی کریم صلی اللہ علیہ وآلہ وسلم نے چھری لانے کا کہا اور چھری کے لیے مُدْیَۃ کا لفظ استعمال کیا، مجھے اس دن اس لفظ کا علم ہوا تھا، آپ صلی اللہ علیہ وآلہ وسلم نے حکم دیا اور مشکیں کاٹ دی گئیں، پھر آپ صلی اللہ علیہ وآلہ وسلم نے فرمایا: شراب، اس کے پینے والے،پلانے والے، فروخت کرنے والے، خریدنے والے، اٹھانے والے، جس کی طرف اٹھا کر لے جائی گئی، نچڑوانے والے، نچوڑنے والے اور اس کی قیمت کھانے والے، ان سب افراد پر لعنت کی گئی ہے۔