اردو ترجمہ · Urdu

حضرت ابوہریرہ رضی اللہ عنہ سے روایت ہے کہ رسول اکرم صلی اللہ علیہ وسلم سے پوچھا گیا: اے اللہ کے رسول! میں کس سے حسن سلوک کروں؟ آپ نے فرمایا: ’’اپنی ماں سے۔‘‘ (سائل نے)کہا: پھر کس سے حسن سلوک کروں؟ آپ نے فرمایا: ’’اپنی ماں سے۔‘‘ اس نے کہا: پھر کس کے ساتھ حسن سلوک کروں؟ آپ نے فرمایا: ’’اپنی ماں سے۔‘‘ اس نے کہا: پھر کس کے ساتھ حسن سلوک کروں؟ آپ نے فرمایا: ’’اپنے باپ سے۔‘‘

اردو ترجمہ · Urdu

حضرت ابوہریرہ رضی اللہ عنہ سے روایت ہے کہ ایک آدمی اللہ کے نبی صلی اللہ علیہ وسلم کے پاس آیا اور عرض کی: آپ مجھے کیا حکم دیتے ہیں؟ آپ نے فرمایا: ’’اپنی ماں سے حسن سلوک کر۔‘‘ اس نے دوبارہ وہی سوال کیا۔ آپ نے فرمایا: ’’اپنی ماں کے ساتھ حسن سلوک کر۔‘‘ اس نے پھر وہی سوال دہرایا۔ آپ نے فرمایا: ’’اپنی ماں کے ساتھ حسن سلوک کر۔‘‘ پھر اس نے چوتھی مرتبہ پوچھا: آپ نے فرمایا: ’’اپنی ماں سے حسن سلوک کرو۔‘‘ اس نے پانچویں مرتبہ پھر کہاں۔ آپ نے فرمایا: ’’اپنے باپ سے حسن سلوک کر۔‘‘