2. Al-Baqara

{Alif} ko gootal e alkule udditiraaɗe yoga e cimooje Alkur'aan o, ko alkule ɗe ngalaa maanaa e jaati majje, si ɗe jantaama kanje tan wano (alif, ba, ta, ekn) kono eɗe njogii ñeeñal e nafoore; sabu alaa ko woni nder Kur'aan ko alal tinndinoore, na jeyaa e tinndinooje majje: joopaade ronkande oo Kur'aan gonirɗo e ɗee alkule ɗe ɓe nganndi eɓe ɗe kaala; ɗuum waɗi Kur'aana teddunde nde na heewi janteede ɓaawo majje, bano ɗum woniri e ndee simoore.

Oon Kur'aana tedduɗo sikke alaa e makko, wonaa e jippagol mo, wonaa e konngol e maanaa makko, ko nde haala Alla, feewnooka hulɓe ɓe faade e laawol jottinowol e Makko.

Ɓeen goonɗinooɓe mbirniindi, ɗuum woni kala ko anndirtaake co'irɗi te wirnii en, e ko Alla daali maa ko nelaaɗo maaki, wano ñalngu wattan, kamɓe tigi ñiiɓnata juulde wano Alla yamiri nde e sarɗiiji mayre, e jookli e baɗɗiiɗi e sunnaaji mayre, kamɓe ngoni rokkirooɓe e ko Alla yeɗi ɓe, e yaltinde ko waɗɗii, wano asakal, maa ko waɗɗaaki wano dokkal sadak; joortaade heen baraaji Alla, kamɓe ngoni gooŋɗinɓe wahyu mbo Alla jippini dow maa -Aan Annabi - jippinaaɗo kadi dow kala Annabaaɓe (jkw) adiiɓe ma, kamɓe gooŋɗinɓe - e yananeede - laakara e baraaji e lette gonɗe heen.

Ɓeen goonɗinooɓe mbirniindi, ɗuum woni kala ko anndirtaake co'irɗi te wirnii en, e ko Alla daali maa ko nelaaɗo maaki, wano ñalngu wattan, kamɓe tigi ñiiɓnata juulde wano Alla yamiri nde e sarɗiiji mayre, e jookli e baɗɗiiɗi e sunnaaji mayre, kamɓe ngoni rokkirooɓe e ko Alla yeɗi ɓe, e yaltinde ko waɗɗii, wano asakal, maa ko waɗɗaaki wano dokkal sadak; joortaade heen baraaji Alla, kamɓe ngoni gooŋɗinɓe wahyu mbo Alla jippini dow maa -Aan Annabi - jippinaaɗo kadi dow kala Annabaaɓe (jkw) adiiɓe ma, kamɓe gooŋɗinɓe - e yananeede - laakara e baraaji e lette gonɗe heen.

Ɓeen siforiiɓe ɗii sifaaji waawɓe jokkude laawol peewal, kamɓe ngoni daɗooɓe e aduna e laakara, ɓe keɓa ko ɓe njoortinoo ɓe ndaɗa e ko ɓe kulnoo.

Pellet ɓeen ɓe konngol Alla jojji e mum en caggal iimaan hoɓe ndooni e majjere mum en e canndalaagal mum en jeertinde ɓe e waasde jeertinde fof ina fota e nun en.

Sabu Alla muɓɓi ɓerɗe maɓɓe O uddidi ɗe e bonɗi majje, O muɓɓi nanɗe maɓɓe ɓe nanirtaa goonga no mbo foti jaɓireede ɗoftoree, O waɗi ommboode e ji'irɗe maɓɓe ɓe nji'ataa goonga o te embo feeñi, maa ɓe keɓ lette mawɗe to laakara.

Na woodi fedde e yimɓe sikkooɓe ko goonɗinɓe, ɓe kaala ɗum e ɗemɗe maɓɓe sabu hulande nguurndam e jawle maɓɓe, tawa eɓe cuuɗi keefeeru.

Ɓe cikkat e majjere mum en ɓe kodoto Alla e goonɗinɓe ɓe, e peññina goonɗingo ɓe cuuɗa keefeeru, tawa noon ko ko'e maɓɓe tan ɓe kodata, tawa ɓe tinaani ɗum, sabu Alla Toowɗo O Mbo anndi ko ɓuri suuɗaade, O humpiti goonɗinɓe ɓen sifaaji e ngonka ɓeen tigi.

Sabaabu mum ko ɓerɗe maɓɓe ɗe sikkitii, Alla ɓeydani ɓe sikkitaare, njoɓdi fof fawii ko golle mum, maa ɓe pawe lette muusɗe to ɓuri luggu e jayngol, sabu ko ɓe penani Alla e yimɓe ɓe, e yiddude ɓe ko Muhammadu (jkm) addi ko.