15. Al-Hijr

(انہوں نے) کہا کہ اگر تمہیں کرنا ہی ہے تو یہ میری (قوم کی) لڑکیاں ہیں (ان سے شادی کرلو)

(اے محمد) تمہاری جان کی قسم وہ اپنی مستی میں مدہوش (ہو رہے) تھے

اور ہم نے اس شہر کو (الٹ کر) نیچے اوپر کردیا۔ اور ان پر کھنگر کی پتھریاں برسائیں

بےشک اس (قصے) میں اہل فراست کے لیے نشانی ہے

اور وہ (شہر) اب تک سیدھے رستے پر (موجود) ہے

بےشک اس میں ایمان لانے والوں کے لیے نشانی ہے

اور بَن کے رہنے والے (یعنی قوم شعیب کے لوگ) بھی گنہگار تھے

تو ہم نے ان سے بھی بدلہ لیا۔ اور یہ دونوں شہر کھلے رستے پر (موجود) ہیں

اور (وادی) حجر کے رہنے والوں نے بھی پیغمبروں کی تکذیب کی