Fatah Al-Rabani Musnad Ahmad Fiqhi · Book 74 · Chapter 791
حج افراد، حج قران اور حج تمتع کرنے والے کے طواف کا بیان
جمرۂ عقبہ کی رمی کے بعد حاجی کے حلال ہو جانے اور اس کے بعد دوسرے افعال کا بیان
4 hadiths in this chapter
Fatah Al-Rabani Musnad Ahmad Fiqhi #4518
۔ (۴۵۱۸) عَنِ ابْنِ عَبَّاسٍ رضی اللہ عنہما قَالَ: رَمٰی رَسُوْلُ اللّٰہِ صلی اللہ علیہ وآلہ وسلم جَمْرَۃَ الْعَقَبَۃِ ثُمَّ ذَبَحَ ثُمَّ حَلَقَ۔ (مسند احمد: ۲۲۵۳)
اردو ترجمہ · Urdu
۔ سیدنا عبد اللہ بن عباس رضی اللہ عنہما سے مروی ہے کہ رسول اللہ صلی اللہ علیہ وآلہ وسلم نے جمرۂ عقبہ کی رمی کی،پھر جانور ذبح کیے اور پھر سر منڈوایا۔
Fatah Al-Rabani Musnad Ahmad Fiqhi #4519
۔ (۴۵۱۹) عَنِ الْحَسَنِ الْعُرَنِیِّ عَنِ ابْنِ عَبَّاسٍ رضی اللہ عنہما قَالَ: قَالَ رَسُوْلُ اللّٰہِ صلی اللہ علیہ وآلہ وسلم : ((إِذَا رَمَیْتُمْ الْجَمْرَۃَ فَقَدْ حَلَّ لَکُمْ کُلُّ شَیْئٍ إِلَّا النِّسَائَ)) قَالَ: فَقَالَ رَجُلٌ: وَالطِّیِّبُ؟ فَقَالَ ابْنُ عَبَّاسٍ: أَمَّا أَنَا فَقَدْ رَأَیْتُ رَسُوْلَ اللّٰہِ صلی اللہ علیہ وآلہ وسلم یُضَمِّخُ رَأْسَہُ بِالْمِسْکِ، أَفَطِیْبٌ ذَاکَ أَمْ لَا؟ (مسند احمد: ۲۰۹۰)
اردو ترجمہ · Urdu
۔ سیدنا عبد اللہ بن عباس رضی اللہ عنہما سے مروی ہے کہ رسول اللہ صلی اللہ علیہ وآلہ وسلم نے فرمایا: جب تم جمرۂ (عقبہ) کی رمی کر لو تو عورتوں کے علاوہ تمہارے لیے ہر چیز حلال ہو جائے گی۔ ایک بندے نے کہا: اور خوشبو؟ سیدنا ابن عباس رضی اللہ عنہ نے کہا: میں نے تو رسول اللہ صلی اللہ علیہ وآلہ وسلم کو دیکھا کہ آپ صلی اللہ علیہ وآلہ وسلم نے (جمرۂ عقبہ کی رمی کے بعد) کستوری سے اپنے سر کو لت پت کر رکھا تھا، تو یہ خوشبو تھی یا نہیں؟
Fatah Al-Rabani Musnad Ahmad Fiqhi #4520
۔ (۴۵۲۰) عَنْ عَائِشَۃَ رضی اللہ عنہا قَالَتْ: طَیَّبْتُ رَسُوْلَ اللّٰہِ صلی اللہ علیہ وآلہ وسلم بِیَدِی بِذَرِیْرَۃٍ لِحَجَّۃِ الْوَدَاعِ لِلْحِلِّ وَالإِحْرَامِ حَیْثُ أَحْرَمَ وَحَیْثُ رَمٰی جَمْرَۃَ الْعَقَبَۃِیَوْمَ النَّحْرِ قَبْلَ أَنْ یَطُوْفَ بِالْبَیْتِ۔ (مسند احمد: ۲۶۶۰۶)
اردو ترجمہ · Urdu
۔ سیدہ عائشہ رضی اللہ عنہا کہتی ہیں: میں نے حجۃ الوداع کے موقع پر اپنے ہاتھ سے رسول اللہ صلی اللہ علیہ وآلہ وسلم کو ذریرہ خوشبو اس وقت لگائی تھی، جب آپ صلی اللہ علیہ وآلہ وسلم جمرۂ عقبہ کی رمی کر کے حلال ہوئے اور ابھی تک بیت اللہ کا طواف نہیں کیا تھا اور جب آپ صلی اللہ علیہ وآلہ وسلم نے احرام باندھنے کا ارادہ کیا تھا۔
Fatah Al-Rabani Musnad Ahmad Fiqhi #4521
۔ (۴۵۲۱) وَعَنْہَا رضی اللہ عنہا قَالَتْ: قَالَ رَسُوْلُ اللّٰہِ صلی اللہ علیہ وآلہ وسلم إِذَا رَمَیْتُمْ وَحَلَقْتُمْ فَقَدْ حَلَّ لَکُمْ الطِّیْبُ وَالثِّیَابُ، وَکُلُّ شَیْئٍ إِلَّا النِّسَائَ۔ (مسند احمد: ۲۵۶۱۶)
اردو ترجمہ · Urdu
۔ سیدہ عائشہ رضی اللہ عنہا سے مروی ہے، وہ بیان کرتی ہیں کہ رسول اللہ صلی اللہ علیہ وآلہ وسلم نے فرمایا: جب تم رمی کر لو ہو اور سر منڈوا لو تو تمہارے لیے خوشبو اور دوسرے کپڑے حلال ہو جاتے ہیں، بلکہ ہر چیز حلال ہو جاتی ہے، ما سوائے بیویوں کے۔
