Fatah Al-Rabani Musnad Ahmad Fiqhi · Book 73 · Chapter 757
مکہ مکرمہ میں داخل ہونے اور اس سے متعلقہ دوسرے مسائل کا بیان
طواف، رکن یمانی،حجراسود اور مقامِ ابراہیم کی فضیلت
7 hadiths in this chapter
Fatah Al-Rabani Musnad Ahmad Fiqhi #4338
۔ (۴۳۳۸) عَنِ ابْنِ عُمَرَ رضی اللہ عنہما عَنِ النَّبِیِّ صلی اللہ علیہ وآلہ وسلم قَالَ: ((إِنَّ مَسْحَ الرُّکْنِ الْیَمَانِیِّ وَالرُّکْنِ الْأَسْوَدِ یَحُطُّ الْخَطَایَا حَطًّا۔)) (مسند احمد: ۵۶۲۱)
اردو ترجمہ · Urdu
۔ سیدنا عبد اللہ بن عمر رضی اللہ عنہما سے روایت ہے، نبی کریم صلی اللہ علیہ وآلہ وسلم نے فرمایا: رکن یمانی اور حجر اسود کو چھونا غلطیوں کو مٹا دینا ہے۔
Fatah Al-Rabani Musnad Ahmad Fiqhi #4339
۔ (۴۳۳۹) عَنْ عَبْدِاللّٰہِ بْنِ عُبَیْدِ بْنِ عُمَیْرٍأَنَّہُ سَمِعَ أَبَاہُ یَقُوْلُ لِابْنِ عُمَرَ مَالِی لَا أَرَاکَ تَسْتَلِمُ إِلَّا ھٰذَیْنِ الرُّکْنَیْنِ الْحَجَرَ الْأَسْوَدَ وَالرُّکْنَ الْیَمَانِیَّ، فَقَالَ ابْنُ عُمَرَ: إِنْ أَفْعَلْ ذَالِکَ، فَقَدْ سَمِعْتُ رَسُوْلَ اللّٰہِ صلی اللہ علیہ وآلہ وسلم یَقُوْلُ: ((إِنَّ اسْتِلَامَہُمَا یَحُطُّ الْخَطَایَا۔)) قَالَ: وَسَمِعْتُہُ یَقُوْلُ: ((مَنْ طَافَ أُسْبُوْعًا یُحْصِیْہِ وَصَلّٰی رَکْعَتْیِنِ، کَانَ لَہُ کَعِدْلِ رَقَبَۃٍ۔)) قَالَ: وَسَمِعْتُہُ یَقُوْلُ: ((مَا رَفَعَ رَجُلٌ قَدَمًا وَلَا وَضَعَہَا إِلَّا کُتِبَ لَہُ عَشْرُ حَسَنَاتٍ وَحُطَّ عَنْہُ عَشْرُ سَیِّئَاتٍ وَرُفِعَ لَہُ عَشْرُ دَرَجَاتٍ۔)) (مسند احمد: ۴۴۶۲)
اردو ترجمہ · Urdu
۔ عبید بن عمیر نے سیدنا عبد اللہ بن عمر رضی اللہ عنہما سے کہا: کیا وجہ ہے کہ آپ صرف رکن یمانی اور حجراسود والے دو کونوں کا ہی استلام کرتے ہیں؟ انھوں نے جواباًکہا: اگر میں اس طرح کر رہا ہوں تو میں نے رسول اللہ صلی اللہ علیہ وآلہ وسلم کو یہ فرماتے ہوئے سنا تھا کہ ان دونوں رکنو ں کا استلام کرنے سے گناہ معاف ہوتے ہیں۔ نیز سیدنا ابن عمر رضی اللہ عنہما نے کہا کہ رسول اللہ صلی اللہ علیہ وآلہ وسلم نے فرمایا: جو آدمی طواف کے سات چکر لگائے اور پھر دورکعت ادا کرے اسے ایک گردن آزاد کرنے کے برابر ثواب ملتا ہے۔ مزید انھوں نے کہا کہ رسول اللہ صلی اللہ علیہ وآلہ وسلم نے یہ بھی فرمایا کہ طواف میں آدمی کو ایک ایک قدم اٹھانے اور رکھنے پر دس نیکیاں ملتی ہیں، دس گناہ معاف ہوتے ہیں اور دس درجے بلند کئے جاتے ہیں۔
Fatah Al-Rabani Musnad Ahmad Fiqhi #4340
۔ (۴۳۴۰) عَنِ ابْنِ عَبَّاسٍ رضی اللہ عنہما قَالَ: قَالَ رَسُوْلُ اللّٰہِ صلی اللہ علیہ وآلہ وسلم : ((یَأْتِی ھٰذَا الْحَجَرُ یَوْمَ الْقِیَامَۃِ، لَہُ عَیْنَانِیُبْصِرُ بِہِمَا وَلِسَانٌ یَنْطِقُ بِہِ یَشْہَدُ لِمَنِ اسْتَلَمَہُ بِحَقٍّ۔)) (مسند احمد: ۲۲۱۵)
اردو ترجمہ · Urdu
۔ ابن عباس رضی اللہ عنہما سے روایت ہے کہ رسول اللہ صلی اللہ علیہ وآلہ وسلم نے فرمایا: قیامت کے دن یہ پتھر (حجر اسود) ضرور اس حال میں حاضر ہوگا کہ اس کی دو آنکھیں ہوں گی جن سے وہ دیکھے گا۔ اور زبان ہوگی جس سے وہ بولے گا جس نے اسے حق کے ساتھ چوما ہوگا اس کے حق میں گواہی دے گا۔
Fatah Al-Rabani Musnad Ahmad Fiqhi #4341
۔ (۴۳۴۱) وَعَنْہُ أَیْضًا عَنِ النَّبِیِّ صلی اللہ علیہ وآلہ وسلم قَالَ: ((اَلْحَجَرُ الْأَسْوَدُ مِنَ الْجَنَّۃِ، وَکَانَ أَشَدَّ بَیَاضًا مِنَ الثَّلْجِ، حَتَّی سَوَّدَتْہُ خَطَایَا أَھْلِ الشِّرْکِ۔)) (مسند احمد: ۳۵۳۷)
اردو ترجمہ · Urdu
۔ سیدنا عبداللہ بن عباس رضی اللہ عنہما سے یہ بھی روایت ہے،نبی کریم صلی اللہ علیہ وآلہ وسلم نے فرمایا: حجر اسود جنت سے ہے، (جب اس کو جنت سے اتارا گیا تھا تو) اس وقت یہ برف سے زیادہ سفید تھا، لیکن اب مشرکین کے گناہوں نے سیاہ کردیا ہے۔
Fatah Al-Rabani Musnad Ahmad Fiqhi #4342
۔ (۴۳۴۲) عَنْ أَنَسِ بْنِ مَالِکٍ رضی اللہ عنہ قَالَ: اَلْحَجَرُ الْأَسْوَدُ مِنَ الْجَنَّۃِ۔(مسنداحمد:۱۳۹۸۶)
اردو ترجمہ · Urdu
۔ سیدنا انس بن مالک رضی اللہ عنہ کہتے ہیں: حجر اسود جنت سے ہے۔
Fatah Al-Rabani Musnad Ahmad Fiqhi #4343
۔ (۴۳۴۳) عَنْ عَبْدِاللّٰہِ بْنِ عَمْرِو بْنِ الْعَاصِ رضی اللہ عنہما قَالَ: قَالَ رَسُوْلُ اللّٰہِ صلی اللہ علیہ وآلہ وسلم : ((یَأْتِی الرُّکْنُ یَوْمَ الْقِیَامَۃِ أَعْظَمَ مِنْ أَبِی قُبَیْسٍ، لَہُ لِسَانٌ وَشَفَتَانِ)) (مسند احمد:۶۹۷۸)
اردو ترجمہ · Urdu
۔ سیدنا عبداللہ بن عمروبن عاص رضی اللہ عنہ سے روایت ہے کہ رسول اللہ صلی اللہ علیہ وآلہ وسلم نے فرمایا: حجراسود قیامت کے دن ابوقبیس پہاڑ سے بھی بڑا ہوکر آئے گا اور اس کی ایک زبان اور دو ہونٹ ہوں گے۔
Fatah Al-Rabani Musnad Ahmad Fiqhi #4344
۔ (۴۳۴۴) عَنْ مُسَافِعِ بْنِ شَیْبَہَ سَمِعْتُ عَبْدَاللّٰہِ بْنَ عَمْرٍو (یَعْنِی ابْنَ الْعَاصِ) رضی اللہ عنہما یَقُوْلُ: فَأَنْشُدُ بِاللّٰہِ ثَلَاثًا وَ وَضَعَ إِصْبَعَیْہِ فِی أُذُنَیْہِ، لَسَمِعْتُ رَسُوْلَ اللّٰہِ صلی اللہ علیہ وآلہ وسلم وَھُوَ یَقُوْلُ: ((إِنَّ الرُّکْنَ وَالْمَقَامَ (وَفِی لَفْظٍ إِنَّ الْحَجَرَ وَالْمَقَامَ) یَاقُوْتَتَانِ مِنْ یَاقُوْتِ الْجَنَّۃِ، طَمَسَ اللّٰہُ عَزَّوَجَلَّ نُوْرَھُمَا، وَلَوْ لَا أَنَّ اللّٰہَ طَمَسَ نُوْرَھُمَا لَأَضَائَ تَا مَا بَیْنَ الْمَشْرِقِ وَالْمَغْرِبِ (وَفِی لَفْظٍ: مَا بَیْنَ السَّمَائِ وَالْأَرْضِ)۔)) (مسند احمد: ۷۰۰۰)
اردو ترجمہ · Urdu
۔ مُسافع بن شیبہ کہتے ہیں: سیدناعبداللہ بن عمرو بن العاص رضی اللہ عنہ نے کہا: میں تین بار اللہ کی قسم اٹھاتا ہوں، پھر انھوں نے اپنی انگلیاں اپنے کانوں میں ڈال دیں اور کہا: میں نے رسول اللہ صلی اللہ علیہ وآلہ وسلم کو یہ فرماتے سنا ہے : حجراسود اور مقام ابراہیم جنت کے یاقوتوں میں سے دو یاقوت ہیں، اللہ تعالی نے ان کانور ختم کردیا ہے، اگر اللہ نے ان کا نور ختم نہ کیا ہوتا تو ان کی چمک سے مشرق ومغرب کے درمیان والا حصہ منور ہوجاتا،ایک روایت میں ہے: زمین وآسمان کے درمیان والا خلا منور ہوجاتا۔
