Fatah Al-Rabani Musnad Ahmad Fiqhi · Book 56 · Chapter 532
جنازہ کے احکام و مسائل
میت کو ڈھانپنے اور اسے بوسہ دینے کا بیان
4 hadiths in this chapter
Fatah Al-Rabani Musnad Ahmad Fiqhi #3042
۔ (۳۰۴۲) عَنْ عَائِشَۃَ رضی اللہ عنہا أَنَّ النَّبِیَّ صلی اللہ علیہ وآلہ وسلم حِیْنَ تُوُفِّیَ سُجِّیَ بِثَوْبِ حِبَرَۃٍ۔(مسند احمد: ۲۵۰۸۸)
اردو ترجمہ · Urdu
سیدہ عائشہ رضی اللہ عنہا سے روایت ہے کہ جب نبی کریم صلی اللہ علیہ وآلہ وسلم کا انتقال ہوا تو آپ صلی اللہ علیہ وآلہ وسلم کو ایک دھاری دار یمنی چادر سے ڈھانپ دیا گیا۔
Fatah Al-Rabani Musnad Ahmad Fiqhi #3043
۔ (۳۰۴۳) وَعَنْہَا أَیْضًا أَنْ أَبَا بَکْرٍ رضی اللہ عنہ دَخَلَ عَلَیْہَا فَتَیَمَّمَ النَّبِیَّ صلی اللہ علیہ وآلہ وسلم وَہُوَ مُسَجًّی بِبُرْدِ حِبَرَۃٍ فَکَشَفَ عَنْ وَجْہِہِ ثُمَّ أَکَبَّ عَلَیْہِ فَقَبَّلَہُ وَبَکٰی، ثُمَّ قَالَ: أَبِیْ وَ أُمِّی! وَاللّٰہِ لَا یَجْمَعُ اللّٰہُ عَزَّوَجَلَّ عَلَیْکَ مَوْتَتَیْنِ أَبَدًا، أَمَّا الْمَوْتَۃُ الَّتِی قَدْ کُتِبَتْ عَلَیْکَ فَقَدْ مِتَّہَا۔)) (مسند احمد: ۲۵۳۷۵)
اردو ترجمہ · Urdu
سیدہ عائشہ رضی اللہ عنہا سے روایت ہے کہ سیّدنا ابوبکر رضی اللہ عنہ ان کے پاس تشریف لائے اور سیدھے نبی کریم صلی اللہ علیہ وآلہ وسلم کی طرف گئے، جبکہ آپ صلی اللہ علیہ وآلہ وسلم دھاری دار یمنی چادر میں لپٹے ہوئے تھے۔ انہوں نے آپ صلی اللہ علیہ وآلہ وسلم کے چہرہ مبارک سے کپڑا ہٹایا، پھر آپ صلی اللہ علیہ وآلہ وسلم پر جھکے اور آپ صلی اللہ علیہ وآلہ وسلم کو بوسہ دیا اور رو پڑے۔ پھر کہا: میرے ماں باپ آپ پر فدا ہوں! اللہ کی قسم! اللہ تعالیٰ آپ پر کبھی بھی دوموتیں جمع نہیں کرے گا،جو موت آپ پر لکھی گئی تھی وہ آپ فوت ہو چکے ہیں۔
Fatah Al-Rabani Musnad Ahmad Fiqhi #3044
۔ (۳۰۴۴) عَنِ الْقَاسِمِ عَنْ عَائِشَۃَ رضی اللہ عنہا قَبَّلَ رَسُوْلُ اللّٰہِ صلی اللہ علیہ وآلہ وسلم عُثْمَانَ بْنَ مَظْعُوْنٍ، وَہُوَ مَیِّتٌ، حَتّٰی رَأَیْتُ الدُّمُوْعَ تَسِیْلُ عَلٰی وَجْہِہِ۔ (مسند احمد: ۲۴۶۶۶)
اردو ترجمہ · Urdu
سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وآلہ وسلم نے سیّدنا عثمان بن مظعون رضی اللہ عنہ کو بوسہ دیا، جبکہ وہ میت تھے، اور آپ صلی اللہ علیہ وآلہ وسلم کے آنسو ان کے چہرے پر بہنے لگے۔
Fatah Al-Rabani Musnad Ahmad Fiqhi #3045
۔ (۳۰۴۵)(وَعَنْہَا مِنْ طَرِیْقٍ ثَانٍ) بِنَحْوِہِ وَفِیْہِ: رَأَیْتُ رَسُوْلَ اللّٰہِ صلی اللہ علیہ وآلہ وسلم یُْقَبِّلُ عُثْمَانَ بْنَ مَظْعُوْنٍ وَہُوَ مَیِّتٌ قَالَتْ: فَرَأَیْتُ دُمُوْعَہُ تَسِیْلُ عَلٰی خَدَّیْہِ یَعْنِی عُثْمَانَ قَالَ عَبْدُ الرَّحْمٰنِ وَعَیْنَاہُ تُہْرَاقَانِ أَوْ قَالَ وَہُوَ یَبْکِی۔ (مسند احمد: ۲۶۲۳۱)
اردو ترجمہ · Urdu
(دوسری سند)میں نے رسول اللہ صلی اللہ علیہ وآلہ وسلم کو دیکھا کہ آپ صلی اللہ علیہ وآلہ وسلم نے سیّدنا عثمان بن مظعون رضی اللہ عنہ کو بوسہ دیا، جب کہ وہ میت تھے، میں نے دیکھا کہ آپ صلی اللہ علیہ وآلہ وسلم کے آنسو عثمان کے رخساروں پر بہہ رہے تھے۔ عبد الرحمن نے کہا: اور آپ صلی اللہ علیہ وآلہ وسلم کی آنکھیں بہہ رہی تھیں، یا کہا کہ آپ صلی اللہ علیہ وآلہ وسلم رو رہے تھے۔
