Fatah Al-Rabani Musnad Ahmad Fiqhi · Book 51 · Chapter 484
نماز جمعہ اور جمعہ کے دن کی فضیلت اور اس کے متعلقات کے ابواب
جمعہ کی نماز کے بعد نفل پڑھنے اور ان کو فرض نماز کے ساتھ نہ ملانے کا بیان حتی کہ نمازی کسی سے کلام کرلے یا وہاں سے نکل جائے
5 hadiths in this chapter
Fatah Al-Rabani Musnad Ahmad Fiqhi #2821
۔ (۲۸۲۱) عَنِ ابْنِ عُمَرَ رضی اللہ عنہ قَالَ: کَانَ رَسُوْلُ اللّٰہِ صلی اللہ علیہ وآلہ وسلم یُصَلِّی بَعْدَ الْجُمُعَۃِ رَکْعَتَیْنِ فِی بَیْتِہِ۔ (مسند احمد: ۴۹۲۱)
اردو ترجمہ · Urdu
سیّدنا عبد اللہ بن عمر رضی اللہ عنہ سے مروی ہے کہ رسول اللہ صلی اللہ علیہ وآلہ وسلم جمعہ کے بعد اپنے گھر میں دو رکعت نماز پڑھتے تھے۔
Fatah Al-Rabani Musnad Ahmad Fiqhi #2822
۔ (۱۸۲۲) عَنْ عَبْدِاللّٰہِ بْنِ دِیْنَارٍ عَنِ ابْنِ عُمَرَ رضی اللہ عنہ أَنَّہُ کَانَ اِذَا انْصَرَفَ مِنَ الْجُمُعَۃِ انْصَرَفَ اِلَی مَنْزِلِہِ فَسَجَدَ سَجْدَتَیْنِ، وَذَکَرَ أَنَّ رَسُوْلَ اللّٰہِ صلی اللہ علیہ وآلہ وسلم کَانَ یَفْعَلُ ذَالِکَ۔ (مسند احمد: ۵۶۸۸)
اردو ترجمہ · Urdu
عبد اللہ بن دینار کہتے ہیں کہ سیّدنا عبد اللہ بن عمر رضی اللہ عنہ جب جمعہ سے فارغ ہو کر اپنے گھر جاتے تو دو رکعت نماز پڑھتے اور یہ بیان کرتے کہ رسول اللہ صلی اللہ علیہ وآلہ وسلم ایسے ہی کیا کرتے تھے۔
Fatah Al-Rabani Musnad Ahmad Fiqhi #2823
۔ (۱۸۲۳) عَنْ أَبِی ھُرَیْرَۃَ رضی اللہ عنہ قَالَ: قَالَ رَسُوْلُ اللّٰہِ صلی اللہ علیہ وآلہ وسلم : ((اِذَا صَلّٰی أَحَدُکُمُ الْجُمُعَۃَ فَلْیُصَلِّ بَعْدَھَا أَرْبَعَ رَکْعَاتٍ۔)) (مسند احمد: ۱۰۴۹۱)
اردو ترجمہ · Urdu
سیّدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وآلہ وسلم نے فرمایا: جب تم میں سے کوئی جمعہ کی نماز پڑھ لے، تو وہ اس کے بعد چار رکعت (سنتیں) ادا کرے۔
Fatah Al-Rabani Musnad Ahmad Fiqhi #2824
۔ (۲۸۲۴) وَعَنْہُ أَیْضًا قَالَ: قَالَ رَسُوْلُ اللّٰہِ صلی اللہ علیہ وآلہ وسلم : ((اِذَا صَلَّیْتُمُ الْجُمُعَۃَ فَصَلُّوْا أَرْبَعًا۔)) فَاِنْ عَجِلَ بِکَ شَیْئٌ فَصَلِّ رَکْعَتَیْنِ، وَرَکْعَتَیْنِ اِذَا رَجَعْتَ۔ قَالَ ابْنُ اِدْرِیْسَ وَلَا أَدْرِی ھٰذَا مِنْ حَدِیْثِ رَسُوْلِ اللّٰہِ صلی اللہ علیہ وآلہ وسلم أَمْ لَا۔ (مسند احمد: ۹۶۹۷)
اردو ترجمہ · Urdu
سیّدنا ابوہریرہ رضی اللہ عنہ سے یہ بھی مروی ہے کہ رسول اللہ صلی اللہ علیہ وآلہ وسلم نے فرمایا: جب تم جمعہ کی نماز پڑھو، تو (بعد میں) چار رکعت نماز پڑھا کرو۔ پس اگر تجھے کسی چیز کی وجہ سے جلدی ہو تو دو رکعت (مسجد میں) پڑھ لو، اور جب لوٹو تو دو رکعت (گھر میں پڑھ لو)۔ ابن ادریس کہتے ہیں میں نہیں جانتا یہ الفاظ پس اگر تجھے… رسول اللہ صلی اللہ علیہ وآلہ وسلم کی حدیث سے ہیں یا نہیں۔
Fatah Al-Rabani Musnad Ahmad Fiqhi #2825
۔ (۲۸۲۵) عَنِ السَّائِبِ بْنِ یَزِیْدَ قَالَ: صَلَّیْتُ مَعَ مُعَاوِیَۃَ رضی اللہ عنہ الْجُمُعَۃَ فِی الْمَقْصُوْرَۃِ فَلَمَّا سَلَّمَ قُمْتُ فِی مَقَامِی فَصَلَّیْتُ، فَلَمَّا دَخَلَ اَرْسَلَ اِلَیَّ، فَقَالَ: لَا تَعُدْ لِمَا فَعَلْتَ، اِذَا صَلَّیْتَ الْجُمُعَۃَ فَـلَا تَصِلْہَا بِصَلَاۃٍ حَتّٰی تَتَکَلَّمَ أَوْ تَخْرُجَ، فَاِنَّ نَبِیَّ اللّٰہِ صلی اللہ علیہ وآلہ وسلم أَمَرَ بِذٰلِکَ، لَا تُوْصَلْ صَلَاۃٌ بِصَلَاۃٍ حَتَّی تَخْرُجَ أَوْ تَتَکَلَّمَ۔ (مسند احمد: ۱۶۹۹۱)
اردو ترجمہ · Urdu
سائب بن یزید کہتے ہیں: میں نے مقصورہ میں سیّدنا معاویہ رضی اللہ عنہ کے ساتھ جمعہ کی نماز پڑھی، جب انھوں نے سلام پھیرا تو میں اپنی جگہ پر کھڑے ہو کر نماز پڑھنے لگا ، جب وہ (گھر میں) داخل ہوئے تو انھوں نے میری طرف پیغام بھیجا، جب میں پہنچا تو کہا: تو نے جو کام ابھی کیا ہے، دوبارہ اس طرح نہ کرنا، بے شک نبی کریم صلی اللہ علیہ وآلہ وسلم نے اس چیز کا حکم دیا ہے کہ نماز کو نماز سے نہ ملایا جائے حتی کہ تو اس جگہ سے نکل جائے یا کسی سے کلام کر لے۔
