اردو ترجمہ · Urdu

حبہ بن خالد اور سواء بن خالد رضی اللہ عنہما سے روایت ہے کہ وہ دونوں نبی صلی اللہ علیہ وسلم کی خدمت میں حاضر ہوئے تو آپ ایک دیوار اور عمارت درست کر رہے تھے تو ان دونوں نے آپ کی معاونت کی۔

اردو ترجمہ · Urdu

حضرت قیس بن ابی حازم رحمہ اللہ سے روایت ہے، انہوں نے کہا:ہم سیدنا خباب رضی اللہ عنہ کی عیادت کے لیے ان کے ہاں گئے جبکہ انہوںنے اپنے جسم پر سات داغ لگوائے تھے۔ انہوں نے فرمایا:ہمارے جو دوست ہم سے پہلے تھے۔ وہ دنیا سے چلے گئے اور دنیا نے ان کے ثواب میں کوئی کمی نہ کی۔ اور ہم ہیں کہ ہمیں اس قدر وافر مال ملا ہے کہ مٹی کے سوا ہمیں اس کا کوئی مصرف نظر نہیں آتا۔ اگر نبی صلی اللہ علیہ وسلم نے ہمیں موت کی دعا کرنے سے منع نہ کیا ہوتا تو میں موت کی دعا کرلیتا۔

اردو ترجمہ · Urdu

حضرت قیس بن حازم کہتے ہیں کہ پھر ایک دفعہ ہم ان کی خدمت میں حاضر ہوئے تو اپنی دیوار بنا رہے تھے تو انہوں نے فرمایا:بلاشبہ مسلمان جو چیز بھی خرچ کرتا ہے اسے اس کا ضرور اجر و ثواب ملتا ہے سوائے اس چیز کے جو وہ مٹی میں خرچ کرتا ہے۔

اردو ترجمہ · Urdu

حضرت عبداللہ بن عمرو بن عاص رضی اللہ عنہما سے روایت ہے، انہوں نے کہا:نبی صلی اللہ علیہ وسلم کا ہمارے پاس سے گزر ہوا تو میں اپنا جھونپڑا ٹھیک کر رہا تھا (جو کہ بوسیدہ ہوگیا تھا)آپ صلی اللہ علیہ وسلم نے پوچھا:’’یہ کیا کر رہے ہو؟‘‘ میں نے عرض کیا:اللہ کے رسول! میں اپنی جھونپڑی ٹھیک کر رہا ہوں۔ رسول اللہ صلی اللہ علیہ وسلم نے فرمایا:’’معاملہ (موت)اس سے زیادہ جلدی آنے والا ہے۔‘‘